Amia, amia, bèl’amia, tota la resta de aquesta vita,
Amia, amia, bèl’amia, tota la fèsta de ton bel sorrís
Lhi …

Legir tot

Amia, amia, bèl’amia, tota la resta de aquesta vita,
Amia, amia, bèl’amia, tota la fèsta de ton bel sorrís
Lhi veierei encara denant,
’bo lo solelh d’aquesta nòva prima,
E mai, e mai encara un viatge,
Retrobarei ton morre sorrisent.

Amia, amia, bèl’amia, quora lo temp aurè marcat ton morre
Amia, amia, bèl’amia quora l’escur aurè escondut ta jòi
Ieu sentirei encara ta man
Que dòuçament esflora plan la mia
E mai e mai encara un viatge,
Retrobarei ton morre sorrisent.

Amia, amia, bèl’amia, quora me laissarés d’aquesta vita
Amia, amia, bèl’amia, quoa serés per sempre luenh da mi
Te veierei encara denant
M’enavisant de la derriera prima
E mai e mai encara un viatge,
Retrobarei ton morre sorrisent.

Ieu te diu : a lèu,
Ieu te diu benlèu,
Lhi serè encara un sofle
De aire e de vent
Que portarè luenh,
Las nòstras paraulas,
Coma dins lhi jorns gais
Das chalendas de mai

Ent’es la musica luenha
N’aura dòuça que m’acompanha
Lhi a un temps que nos eluenha
Ieu la vuei auvir enca’ …

Legir tot

Ent’es la musica luenha
N’aura dòuça que m’acompanha
Lhi a un temps que nos eluenha
Ieu la vuei auvir enca’

D’un caire un paure violaire me sona son aire
De jòi, en un clar de blòi...
E ma maravelha dervelha de viure ma vuèlha
E de jòi, en un clar de blòi

Clar de blòi

Vira vira aquesta roa
Que se ferme pas jamai
Es masque plueia que s’eissua
Pauc a pauc Mistral morís
Encara d’un caire tu, fraire, me sones ton aire
De jòi, en un clar de blòi

Mas aurelhas encara auvirén totas tas maravelhas
Ta jòi, lhi aurè enca’ de blòi

Clar de blòi

Garda aquesta tèrra
Que nos chal n’alternativa
’na novèla perspectiva
Per deman

Di-me ente vas, òme daben
Di-me çò que …

Legir tot

Garda aquesta tèrra
Que nos chal n’alternativa
’na novèla perspectiva
Per deman

Di-me ente vas, òme daben
Di-me çò que l’as, òme de ren
Di-me çò que fas, òme potènt
Per aquesta tèrra eicì

Arrubarés encara
A prener abo ta man
Aquest destin marrit
Que te s’es betat denant ?

Mostra-me la via, òme sabent
N’opportunitat, duèrb-me la ment
Siu restat solet, en metz aquesta gent
Mas vuèi sobreviure eiçi

Ensem a aquesti òmes
De òdi e de grinor
Sentir encara un bòt
La freid e la chalor

Ensem a aquesti òmes
De òdi e de grinor
Per far encara un pas
Sus la tèrra ensem a lor

Paire que t’en vas
Coma pòs me desmentiar ?
Maire que t’en vas
Tu perqué m’estrenhes pas ?
Tenetz-me per la man,
Vuèi encara chaminar
Far encara un pas,
Viure e esperar

Fraire que t’en vas
Lhi sarè pas n’autre viatge
Tot çò que l’as fach
Es denant a nòstri uelhs

Feble coma vent
Legier sus l’aiga calma,
Mon respir mormora
’na priera, plan planet

Lhi a un òme paure, beica n’òme paure
N’òme que beica la television
Tantas votz, mas per dir gaire
Encara …

Legir tot

Lhi a un òme paure, beica n’òme paure
N’òme que beica la television
Tantas votz, mas per dir gaire
Encara pro que lhi a l’informacion

Lhi chalria un moment maravelhós
Ont lhi òmes, tuchi lhi òmes lengassós
Istèsson quiets, sus aquesta societat
Per nos dir la premiera veritat

Que son d’òmes paures tuchi d’òmes paures,
Lhi òmes que beicon la television,
"Deguna veritat, siem pròpi tiei gabaires
Professionistas de la disinformacion !"

Naisseria un moment maravelhós
Ont lhi òmes, tuchi òmes ben furiós
Chambiarion tota aquesta societat
Destrusent aquesta faussa realitat

Avèm aüra manca de òmes coratjós
Volem encara far un que de favolós
Manca de òmes coratjós
Avèm aüra manca de òmes coratjós

Veierès coma es bèl
Trabalhar aürosament
Dins una fàbrica occitana
’bo bonaür e libertat.

Isto eici, eici sensa trabalh
Vuei …

Legir tot

Veierès coma es bèl
Trabalhar aürosament
Dins una fàbrica occitana
’bo bonaür e libertat.

Isto eici, eici sensa trabalh
Vuei anar, vuei anar a trabalhar
Dins ’na fàbrica occitana
Sensa caissa integracion
Dins ’na fàbrica occitana
Luenh de la globalizacion
Dins ’na fàbrica occitana
Sensa prevariacions
A lairier de la gent
E sensa competicion

E m’agrada anar a trabalhar
A quatr’oras, quatr’oras del matin
Perqué quora siu dedins
Dins fàbrica occitana
Ieu me sento pròpi ben
E me passon lhi sagrins
Ai ’na bòna seguressa
De viure da tranquil
Sufisenta contentessa
Un possible avenir

Lhi a na fabla, na fabla que me contia
Que lhi a masque las multinacionales
Que an pas - pas de projectès
Per lo ben de l’umanitat
Que te fan sempre produire e consumar
E sensa degun respecte
Per l’ambient e per la tèrra
’bo refús tòxic per tot
Dins la mar e dins l’aire

Ieu pòs pas creire aquesta causa
Perqué ai un trabalh finalament
Dins ’na fàbrica occitana
Sensa caissa integracion
Dins ’na fàbrica occitana
Luenh de la globalizacion
Dins ’na fàbrica occitana
Sensa prevariacions
A lairier de la gent
E sensa competicion

La vierge s’es acouchado
Eici dins un paure lioc,
Es quasi touto gelado
Sèns flassado, sènso fioc.

S’anan vèire Jèsus-Crist, …

Legir tot

La vierge s’es acouchado
Eici dins un paure lioc,
Es quasi touto gelado
Sèns flassado, sènso fioc.

S’anan vèire Jèsus-Crist,
Que trambloto dins l’estable
S’anan vèire Jèsus-Crist,
Nous dounara paradis.

Or, sus, Claude, moun boun fraire
Nous ié fau tóutis ana,
Fau prega Diéu e sa maire,
Puis la fau felicita.

Fau veni, ma maire, vite,
Thoumas, nostre bon vesin
Amai compaire Dorite,
E Marfau, nostre bon chin

Jèsus n’a qu’un pau de palho
Pèr teni sous soun cabès ;
Estrai uno bono toalho
Pèr li faire de drapes.

Musica libra
Libera nos
Mùsica libra
Sumi joiós

Quora ’n onda passa
Enca’ libra de anar
E una votz bagassa …

Legir tot

Musica libra
Libera nos
Mùsica libra
Sumi joiós

Quora ’n onda passa
Enca’ libra de anar
E una votz bagassa
Dins l’aire parla clar
Sabo de sumiar
’na ràdio radio que lhi a pas
’bo ’na musica nòva
E libra de pensar

Vuèi ben ben gaire
Èsser libre e chantar
Mias chançons dins l’aire
E libre de sumiar
’bo amís e fraires
Dins ’na nòva sason
De libres chantaires
Radio del nòvel jorn

E libra, radio libra, fai-me fai-me pensar
Dona-me, un deman

Libertat, sunni de’n pòple mesclat e bastard
Tu sies encara d’ailai de’n chamin plen d’azards

Noblessa d’ama e paratge, valors …

Legir tot

Libertat, sunni de’n pòple mesclat e bastard
Tu sies encara d’ailai de’n chamin plen d’azards

Noblessa d’ama e paratge, valors de un temp
M’avetz embraçat, e borrat de bonaür ma gent

Gent d’Occitania que t’en vas,
Desmienta ta frontiera
Nòstre amor es la rason per far encara aquesta guerra

Occitania que te’n vas,
Te cercho dins la tèrra
Entre lhi trobarei l’amor que lhi chantarei

Ta tolerencia e larguessa encuei la veo pas
La convivencia de tuchi es un sumi mancat
Cales dins l’ombra, fas part de un monde passat
Pura puèi pas te laissar, ma amia desperaa

Gent d’Occitania que t’en vas,
País sensa frontiera
Nòstre amor es la rason per far encara aquesta guerra

Occitania que te’n vas,
Te cercho dins la tèrra
Entre lhi trobarei l’amor
Que lhi chantarei fin a bass’ora

Vautres que sias assembla
Au doundoun de la campano
Poudès ben viéure en soulas
Mentre que l’infèr s’afano
Sian vengut …

Legir tot

Vautres que sias assembla
Au doundoun de la campano
Poudès ben viéure en soulas
Mentre que l’infèr s’afano
Sian vengut a sauvamen,
Canten dounc jouiousamen

L’enfant que n’èro proumés
Vèn a tous sauva la vido :
Es na au bout de nòu mes
D’uno Vierge tan poulido
Quel la planeto dóu jour
D’elo emprunto sa lusour

Ansin nous l’avien canta
Li proufèto de soun paire ;
Un ange, d’autre coustat,
Descènd, e non i’a pas gaire
Pèr dire : Ave Maria,
Ave plena gratia.

Per tout caire e cantoun
Noun si vèi que faire fèsto,
Lis un brandon lo mentoun,
Lis autre clinon la tèsto,
Quand noun podon plus veilha,
Noun fan rèn que badailha.

Jà siu anaa a esflorar lo solelh
Ai chantat un jorn mai clar encuei
Volam dins l’aire mas sensa dolor …

Legir tot

Jà siu anaa a esflorar lo solelh
Ai chantat un jorn mai clar encuei
Volam dins l’aire mas sensa dolor
L’esgard d’na mainat
Libertat desmentiaa
Sentiment d’amor

Jà siu anaa a chaminar dins la nueit
E ai trobat un suenh mai legier encuei
Volam dins l’aire mas sensa dolor
L’esgard d’na mainat
Libertat desmentiaa
Sentiment d’amor

Jà siu anaa a chantar de chançons
Clar retrobat d’aquesti jorns escurs
Volam dins l’aire mas sensa dolor
L’esgard d’na mainat
Libertat desmentiaa
Sentiment d’amor.