Cantas, cantas, cantas,
Cantas maganarello.
Que la culido es bello.
Que la culido es cantarello.
Cantas, cantas, cantas,
Cantas maganarello. …

Legir tot

Cantas, cantas, cantas,
Cantas maganarello.
Que la culido es bello.
Que la culido es cantarello.
Cantas, cantas, cantas,
Cantas maganarello.

Mirèio es à la fueio,
Un bèu matin de mai.
Aquéu matin, pèr pendeloto,
A sis auriho, la faroto,
Avié penja dos agrioto.
Vincèn aquèu matin,
Passé’qui tourna-mai, tourna-mai.

Cantas, cantas, cantas,
Cantas maganarello.
Que la culido es bello.
Que la culido es cantarello.
Cantas, cantas, cantas,
Cantas maganarello.

Galant soun li magnan,
E s’endormon di tres.
Lis amourié soun plen de fiho,
Que lou bèu tèms escarrabiho,
Coume un vòu de blóundis abiho,
Que raubon sa melico,
I roumanin dóu gres, dóu gres.

Cantas, cantas, cantas,
Cantas maganarello.
Que la culido es bello.
Que la culido es cantarello.
Cantas, cantas, cantas,
Cantas maganarello.

Cantas, cantas,
Cantas maganarello.
Cantas !

Coume èro ?
Amariéu tant saupre coum’ èro,
Dins li pantai de nost’ Oumèro.
Coume èro ? Coume èro ? …

Legir tot

Coume èro ?
Amariéu tant saupre coum’ èro,
Dins li pantai de nost’ Oumèro.
Coume èro ? Coume èro ?
Aquelo chato de la terro,
Qu’en foro de la Crau se n’es gaire parla.

Dins si quinge an èro Mireio,
Coustièro bluio de Font-Vièio
E vous, colo Baussenco, e vous plano de crau
N’avès plus vist de tant poulido
Lou gai soulèu l’avié ‘spelido ;
E nouveleto afrescoulido
Sa caro à flour de gauto, avié dous pichot trau.

E soun regard èro uno eigagno
Qu’esvalissié touto magagno…
Dis estello mens dous es lou rai, e mens pur ;
Ié negrejavo de trenello,
Que tout de-long fasien d’anello ;
E sa peitrino redounello,
Ero un pessègue double e panca bèn madur.

Coume èro ?
Voudriéu tant vèire coum’èro,
La bello rèino di coustiero.
Coume èro ? Coume èro ?
De Mistral, la gento masiero,
Qu’au cor di Prouvençau saup encaro parla

Vincèn avié sege an pancaro;
Mai tant dóu cors que de la caro,
Certo, aro un bèu drole, e di miéus estampa;
Emé li gauto proun moureto,
Se voulès... Mai terro negreto
Adus toujour bono seisseto
E sort di rasin negre, un vin que fai trepa.

Coume èron ?
Amarian tant saupre coum’ èron
Dins li pantai de nost’ Oumèro.
Coume èron ? Coume èron ?
Dins la Prouvènço ounte s’amèron,
Mirèio emai Vincèn, Vincèn emai Mireio…
Coum’èron ? Coum’èron ?
Coum’èron ?...

Di roumanin, entre li mato,
A flour de roco, un trau s’acato.
Alin dedins, despièi que lou Sant Angelus,
En …

Legir tot

Di roumanin, entre li mato,
A flour de roco, un trau s’acato.
Alin dedins, despièi que lou Sant Angelus,
En l’ounour de la Vierge,
En l’ounour de la Vierge,
Alin pico lou brounze clar di baselico,
Alin dedins li fado antico,
Pèr toustèms, dóu soulèu an fugi lou trelus.

Esperitoun plen de mistèri,
Entre la formo e la matèri
Erravon, au mitan d’un linde calabrun.
Diéu lis avié fa mié-terrèstre
E femenin, coume pèr èstre
L’amo vesiblo di campèstre
E pèr di proumiés ome amansi lou ferun.

Mai li Fadeto, bèu coume èron,
Di fiéu dis ome s’aflamèron;
E li foulasso! En-liò d’enaura li mourtau
Vers li celèstis esplanado,
Di passioun nostro apassiounado,
A nosto fousco destinado,
Coume d’aucèu pipa toumbèron,
Coume d’aucèu pipa toumbèron
D’amoundaut..

Coume ! De iéu ? Vous, amourouso ?
De ma vidasso encaro urouso
Anés pas vous jouga, Mirèio,
Au noum …

Legir tot

Coume ! De iéu ? Vous, amourouso ?
De ma vidasso encaro urouso
Anés pas vous jouga, Mirèio,
Au noum de Diéu !
Me fagués pas crèire de causo,
Qu’aqui dedins uno fe ‘nclauso,
De ma mort sarien pièi l’encauso.
Mirèio, d’aquéu biais vous trufés plus de iéu !!

Que iéu jamai m’emparadise,
Se i’a messorgo en ço que dise!
Vai de crèire que t’ame fai pas mouri, O Vincèn !
Vincèn!... Mai se, pèr marridesso,
Noun vos de iéu pèr ta mestresso,
Sara iéu de malo tristesso,
Sara iéu qu’à ti pèd me veiras coumbouri !

Oh! Digués plus de causo ansinto.
De iéu à vous i’a ‘n laberinto !

Eh ! Que m’enchau que moun fringaire
Siegue un baroun o’n panieraire !

Un trevaire de champ, Mirèio, un gandard, siéu !

Perque dounc, o Vincèn, m’aparèisses tant bèu?

Lou veses pas que ta brassado,
A mes lou fiò dins mi pensado ?

Me fagués pas, Mirèio, crèire de causo,
Que de ma mort, Vincèn, sarien pièi l’encauso!

T’ame Mireio !
T’ame Vincèn !
T’ame !