Es verai, pode l’afourti,
Me l’a racounta moun ami,
Qu’es un vièi pastre de Prouvènço,
Qu’a si fedo long de Durènço,
Ero di proumié mounte es na,
E vaqui ço que s’es passa.
In excelsis gloria,
Jèsus, enfant de Marìo,
Au mitan de la pastriho,
Lou fiéu de Diéu nous es na.
Ere sus la colo amoundaut,
Penecave sus moun jargau,
Quand veguère dins la lumiero
D’ange que voulavon en tiero,
Se boutèron à troumpeta
Pièi coumencèron de canta.
In excelsis
Gloria,
Jèsus, enfant de Marìo,
Au mitan de la pastriho,
Lou fiéu de Diéu nous es na.
Dóu baile enjusqu’i pastrihoun,
Tóuti leisserian li
móutoun,
Arrage souto lis estello,
Dins la niue que nous enmantello,
Boulegan, nous fau camina,
Dins l’er entendian murmura,
In excelsis gloria,
Jèsus, enfant de Marìo,
Au mitan de la pastriho,
Lou fiéu de Diéu nous es na.
Entre un ase gris em’un biòu,
Veguerian un enfant tout nòu,
Que risié. Davans
l’espetacle
Coumpreguerian lou grand miracle,
Avèn vist qu’un Diéu èro na,
Se meteguerian à prega.
In excelsis gloria,
Jèsus, enfant de Marìo,
Au
mitan de la pastriho,
Lou fiéu de Diéu nous es na.
Lou fiéu de Diéu nous es na.
In excelsis gloria.
