Un cèl de milanta estelas,
La prada de mila flors,
Mila filhas las pus bèlas,
Per un còr mila dolors… …

Legir tot

Un cèl de milanta estelas,
La prada de mila flors,
Mila filhas las pus bèlas,
Per un còr mila dolors…
Mila, mila, perqué mila ?
Una nuech del teu amor !
Quand veniái tirar l’esquila,
Sul meu pòt la tia sabor.
Mas tròp lèu la gacha crida :
S’acabarà la mia vida.
Quand tornarà la claror.

Ara, sabi de que ploras ;
T’eissugarai pas los uèlhs.
Daissa me comptar las oras :
La crotz de dotze clavèls…
A la pòrta de la vila
Prautinan lo meu amor.
Ni mai l’aiga de la pila
Lava pas lo desonor…
Mas tròp lèu la gacha crida !
Aital s’acaba la vida :
Es tornada la claror.

Ai perduda la mia guèrra,
Blanc de dòl es ma color.
Se me ganhan la mia tèrra
Mascaran la mia …

Legir tot

Ai perduda la mia guèrra,
Blanc de dòl es ma color.
Se me ganhan la mia tèrra
Mascaran la mia dolor.

Pesolhs confles de lor gloria
Quand vesi los francimands
Dins lo vent grand de l’istòria
Que direm los Occitans ?

Per aparar nòstra lenga
De vielhs de quatre vints ans…
Pas degun que se sovenga
E nos rauban los enfants.

Còps de caps per una pòrta,
Los falords a l’espital…
Una chucada pro fòrta,
Per casco lo Sant Grasal…

La caça de la Quimèra,
Res non val « l’electrochòc ».
Coma lo mal de la tèrra,
Escupissi sang e fuòc…

Aquelas illas perdudas
Sus la mar de las galèras,
E las filhas totas nudas
Que sembla que vos espèran…

La …

Legir tot

Aquelas illas perdudas
Sus la mar de las galèras,
E las filhas totas nudas
Que sembla que vos espèran…

La serenas endormidas
Sus la mar de las galèras,
Tròp lèu se son demesidas
Dins la sal de las misèrias.

Tu, naviòl, cal que me prengas
Sus la mar de las galèras…
Segrai lo fial de ma lenga
Per tornar tocar la terra…

Qual li passarà la mar
A la Maria-Magdelena ?
Trobarà pas cap de par,
Comola de dolor plena.
Un amic …

Legir tot

Qual li passarà la mar
A la Maria-Magdelena ?
Trobarà pas cap de par,
Comola de dolor plena.
Un amic es clar e rar,
Pr’aquò l’aiga sembla lena…

Qual li passarà la mar,
La man sus la cuèissa lena ?
E de dos faràn la par,
La vela ne serà plena.
Cèrca lo clar e lo rar,
Paura Maria-Magdalena…

Mas tant es clar coma rar :
Vira l’onda de sal plena.
Negadisses par per par
Coma l’ersa torna lena.
Qual li passarà la mar
A la Maria-Magdelena ?

Es sus la talvèra qu’es la libertat,
La mòrt que t’espèra garda la vertat.
Cal segre l’orièra, lo cròs del …

Legir tot

Es sus la talvèra qu’es la libertat,
La mòrt que t’espèra garda la vertat.
Cal segre l’orièra, lo cròs del valat,
Grana la misèria quand florís lo blat.
Es sus la talvèra qu’es la libertat…

Per passar l’encisa te revires pas :
D’autan o de bisa pren lo vent sul nas,
Una pèira lisa, l’avenc es al ras.
Ont la sèrp anisa se fondrà lo glaç.
Per passar l’encisa te revires pas.

Estelas sens luna ne veirem la fin :
Ne perdrem pes una, cercam lo camin.
Lo cel tot s’engruna del ser al matin,
La bèstia feruna pudís lo canin…
Estelas sens luna ne veirem la fin.

Fraire contra fraire tiram lo cotèl :
Enfant de ta maire que val le tia pèl ?
La mia val pas gaire : un espet de fèl.
Quin aucèl becaire nos picarà l’uèlh ?
Fraire contra fraire tiram lo cotèl.

Es sus la talvèra qu’es la libertat.
D’orièira en orièira porta la vertat.
La vida t’espèra de cròs en valat :
Bolís la misèria quant grana lo blat.
Es sus la talvèra qu’es la libertat…

Me cal plan téner lo margue,
Torni levar lo bigòs.
Un ròc es pas mai qu’un òs,
Lo ser la …

Legir tot

Me cal plan téner lo margue,
Torni levar lo bigòs.
Un ròc es pas mai qu’un òs,
Lo ser la luna fa pargue,
Lo meu òrt serà plan fòs.

Lo primièr còp tremolèri :
Una pua dins un uèlh
E l’autra dins lo cervèl,
Cantarai al cementèri.
Sul lencòl lo sang es bèl.

Me cal fòire, me cal fòire,
Dins un ostal cada nuèch.
Suspreni l’enfant sul lièch,
La maire se pòt pas mòire :
De mon mestièr soi perfièch.

Quand dormirai dins lo pargue
Lo meu clòt serà plan fòs.
M’engrunarai òs per òs,
Tendrai encara lo margue.
Bodon, l’òme del bigòs…

Sul camin de las pèiras blancas,
Un matin quora partirai ?...
Delà lo riu darrièr las brancas :
En primièr …

Legir tot

Sul camin de las pèiras blancas,
Un matin quora partirai ?...
Delà lo riu darrièr las brancas :
En primièr cal trobar las plancas
Que degun i passa pas mai.

Per un cèl de luna novèla
Las ensenhas lusisson clar
E brasilha mai d’una estela.
Qual coneisserà la pus bèla ?
En Orient monta lo Lugar.

Passarai la man sus las ancas
De la Vènus del sen amar,
La cercarai per las calancas ….
Lo camin de las pèiras blancas
Serà pus luènh delà la mar.

S’es enanat l’amant fidèla
Que me disià tant de doçors.
Gemís plantiva tortorela,
Siaguatz tristes mons anhelons.
Damòça ta flamba …

Legir tot

S’es enanat l’amant fidèla
Que me disià tant de doçors.
Gemís plantiva tortorela,
Siaguatz tristes mons anhelons.
Damòça ta flamba lusenta,
Sorelh, que m’as tròp esclairat !
Lo que rend mon ama dolenta,
S’es enanat, s’es enanat !

De mon entorn, tropa innocenta,
Anatz tropèl, retiratz vos !
Dau plaser seguissetz la penta,
Laissatz me sola a mas dolors !
Qué dire ? Escotatz las alarmas
D’una victima de l’amor,
E venetz escampar de larmas
A mon entorn, a mon entorn !

S’es enanat, crudèla pena.
Injuste sòrt, ramena lo !
Crese respirar son alèna,
E reçaupre un tendre poton.
Amor, que veses mon delire,
Rend me vite lo qu’ai perdut.
Ecò, quora podràs redire :
« Es revengut, es revengut ! » ?

Tornan los jorns longs de mai,
Los aucels cantan de long.
Cridarai ço que ma plai :
L’amor monta de …

Legir tot

Tornan los jorns longs de mai,
Los aucels cantan de long.
Cridarai ço que ma plai :
L’amor monta de prigond.
Florisson los albespins,
Sabi totes los camins,
Lo còr se fond coma glaç…

Te mordirai a bèl cais,
Tu me tiraràs lo tronc.
Filha de darrièr lo plais,
Nos baisarem tot de long.
Presta me lo teu còs lis,
Volontarem un pais
Que serà nòstre solaç…

Anam a la montanha en co de l’animal,
Anam bèure que d’aiga, manjar de michant pan.
La miat de gòirota, …

Legir tot

Anam a la montanha en co de l’animal,
Anam bèure que d’aiga, manjar de michant pan.
La miat de gòirota, l’autra mitat de jòl.
Nos disiam l’un a l’autre que la testa nos n’dòl.

« Venetz dinnar segaires, tant mal l’avetz ganhat »
« E tu fripon de boire, tant mal l’as aprestat » :
Una vielha bediga que pòt pas caminar…
« Cai avem los segaires, la cal aprofechar ! »

Quand siaguerem a pagas, lo diable i siaguet.
Metet la man a pòcha, la sèrp lo mordiguet.
« A tu, fripon de boire te farem ben pagar :
Avem un flòc de marra,lo te farem tastar ! »

En passant par Lodeva, nos volgueron logar
Per segar n’a paumòla que se devià segar.
« A tu, paura paumòla, nos i ajuntaras pas :
Sias una desrentaira, tornam al país bas ! »

L’èrba d’agram, ieu l’ai culhida
Sus la cròsa del paure mòrt.
Marrida grana l’ai brandida
Als quatres caires del meu …

Legir tot

L’èrba d’agram, ieu l’ai culhida
Sus la cròsa del paure mòrt.
Marrida grana l’ai brandida
Als quatres caires del meu òrt.
E lo grand vent de la misèria
L’escampilha sus la mia tèrra.
Al vòstre sègle de l’aram,
Que venga patz, que venga guèrra,
Semeni ieu l’èrba d’agram…

Nòstra Dòna dels Autocarris,
Sul front de mar a la Ciutat,
Te pregam de totes los barris :
L’amor es …

Legir tot

Nòstra Dòna dels Autocarris,
Sul front de mar a la Ciutat,
Te pregam de totes los barris :
L’amor es fòl, lo vin es fat.
Per cada toat montan los garris,
Dins cada bar caçam lo cat…

Te saludam, de gràcia plena,
Lo betum d’ais sus ton estug.
Un bastiment a la cadena
Dins la clamor mena son bruch.
Sarra ton còr coma l’englena
Que lo Senhor serà ton fruch…

Los faròls son ta luminària,
Put lo gasòli ton encés.
Aquí se perd lo que desvària,
L’escapament es tant espés.
Soven te d’aquela pregària :
Davant la mòrt farem lo pes…

Ont existís aquel país que se ditz Ucraina ?
Tanplan benlèu non existís, mas degun se’n maina…
Cisampa front del …

Legir tot

Ont existís aquel país que se ditz Ucraina ?
Tanplan benlèu non existís, mas degun se’n maina…
Cisampa front del paradís, granissa tintaina,
Crica la nèu coma lo ris, la filha se desgaina,
E ieu la man sus un eriç. Coneissi pas Ucraina .

Quora cantava lo Grand Duc ? Del temps dels Polhaires :
Un regiment pas fregeluc, e los tambornaires…
Mas qué podiá tant d’abeluc contra los reis laires ?
Pargues d’aram de truc en truc, quantes de pesolhaires ?
Copèron lo còl del Grand Duc. Oblidi los Polhaires.

Virasolelh, vira la flor sus la tia camisa.
Una prison per mon amor, la flaçada grisa.
Rastolhs sen fin del camp d’onor sens crotz ni devisa.
Per cada pèl la sia prusor : l’espasa nos avisa.
Vira lo solelh sus la flor, garda la tia camisa.

Per arrestar l’aiga del riu cal una paissièira,
Per la pregària de bon diu manca la frairièira.
Se me vòls pas, dormís un brieu sus la coissinièira.
Darrièira nuèch del meu estiu, torna lusir l’aubièira.
Caminarai lo long del riu, vau cercar la paissièira.

Granissa sus aquel país que se ditz Ucraina :
Es a la broa del paradís, cisampa tintaina.
L’infern benlèu non existís, mas degun se’n maina…
Posca de nèu coma de ris, una filha sens gaina,
Picons de mòrt, barba d’eriç, cementèris d’Ucraina.