Lo lop davala, pichon barra la pòrta
lo lop davala, filhet, para te de dins

Sem encar ici, per dreiçar …

Legir tot

Lo lop davala, pichon barra la pòrta
lo lop davala, filhet, para te de dins

Sem encar ici, per dreiçar la barriera
contra i senhors d’la piana
sem encar ici, per mostar la dentiera,
bestias buissàas en la tana

Sem encar ici, apres de la crosada,
apres d’i dragonalhas
sem encar ici, a chamar l’amassada
per contunhar batalha

Sem encar ici, ren mac per far baladas
mas per piantar la grana
sem encar ici, aquelhs de las valadas
valadas occitanas

Lo lop davala,
Ieu fòra de la tana
es l’ora bòna
anem parar lo lop

Davala lo sera
si nòstas valadas
e tomba la nuech
coma es sempre tombàa
si bòscs e si prats
si …

Legir tot

Davala lo sera
si nòstas valadas
e tomba la nuech
coma es sempre tombàa
si bòscs e si prats
si crests e si quintanas
s’escola la sornura
sal silenci di ruàas
davala lo sera
si nòstas valadas
e sofia lo vent
coma a sempre sofiat
sopata las branchas
caressa i pasturals
fai sente sa vòus
al còr de ribas e combals

E l’òme da solet
denant la natura
que fai la sepoltura
a un autre jorn qu’es anat
coma dins un quadre
pintat dins un autre temp
al sercha da luenh
un orizont estremat
dai ròchas dai arbols
las peiras di maisons
las raias di dralhas
marcàas dai escarons
senhals e messatges
d’aquels que son passats
e tot que dispareis
perquè la nuech es arubàa

Ven la nuech sus la valada
ven la nuech
tu sas pas coma m’agrada
aquel temp
ven la nuech sus la valada
ven la nuech
tu sas pas coma m’agrada
temp de nuech

Que vuelha de parte
de anar per la charriera
que s’enforca ’ma un esgard
dins lo nier mai sorn
e nos menc drech
al som de la nuech
per respirar una vinca
a la sosta dal jorn

Anar e pei fermar-se
a un caire de terra
ente fioris lo chant
de una priera desmentiàa
memòria de l’ombra
rosari dal chamin
a mesurat lo temp
abo lo pas di pelegrins
e sente la vòus
de l’erba que creis
e di alas que traversen
lo secret de un autre ciel
acompanhant i sumis
e i respirs que s’en van
vers lo lime de nebia
entre encuei e deman

Davala lo sera
si nòstas valadas
e tomba la nuech
coma es sempre tombàa
"sòn sòn veni veni"
dins i miei uelhs serrats
deman lo solelh
me fasare ja mai chantar