A l’aubèrja de Maria
Que i a vin entà’s pintar
A l’aubèrja de Maria
Que s’i pòd tot desbrembar

Dens …

Legir tot

A l’aubèrja de Maria
Que i a vin entà’s pintar
A l’aubèrja de Maria
Que s’i pòd tot desbrembar

Dens lo còr de la Marion
Que ns’i vam negar la misèria
Dens lo còr de la Marion
Jo qu’èi trobat ua cançon

A l’aubèrja de Maria
Que i a monde entà plorar
A l’auberjà de Maria
Que i a monde entà cantar

A l’aubèrja de Maria
Que i a monde hèra plan
A l’aubèrja de Maria
Sòrten pas que tà pishar

A l’aubèrja de Maria
N’i a pas nat entà’t jutjar
A l’aubèrja de Maria
N’i a pas nat tà’t perdonar

A l’aubèrja de Maria
Jo qu’i tornerèi doman
Dens los uelhs de la Maria
Que i a huèc entà’s cauhar

Tot embarrat dens ma lapinèra
Non coneishi pas lo men vesin
On son ma tèrra e mos amics
A nuèit …

Legir tot

Tot embarrat dens ma lapinèra
Non coneishi pas lo men vesin
On son ma tèrra e mos amics
A nuèit que’t vau cantar
O mon país

Que sèi tostemps lo nom de las penas
Que sèi lo nom de tots los camins
Que’us vei enqüèra au hons deu vin
A nuèit que’t vau cantar
O mon país

Dens la nuèit que t’èi cercada Aneta
M’as deishat au còr la flor deu lin
Darèi ma letra a l’arcolin
A nuèit que’t vau cantar
O mon país

Amics si vedetz la mair per casa
Digatz-li que soi urós ací
Que son hilh canta sos sovenirs
A nuèit que’t vau cantar
O mon país

Alauseta, ma miga, on as bastit lo nid ?
Mon nid qu’ei a la tèrra on se hèn pan e …

Legir tot

Alauseta, ma miga, on as bastit lo nid ?
Mon nid qu’ei a la tèrra on se hèn pan e vin

Lo ventploi qu’ei sus Aspa
Lo ventploi qu’ei sus Aussau
E n’ei pas de malastre
Si lo Biarn ei malaut

Alauseta ma miga, que’ns va caler partir
Coneishi la magrèra mès vòli pas morir

Lo nèuploi qu’ei sus Aspa
Lo nèuploi qu’ei sus Aussau
E n’ei pas de malastre
Si lo Biarn ei malaut

Alauseta ma miga, que’ns cau lhevar matin
Veiràs ma renavida mès long qu’ei lo camin

Lo printemps qu’ei sus Aspa
Lo printemps qu’ei sus Aussau
Lo printemps qu’ei sus Aspa
M’espèran a l’ostau

De ns’aver hicat cadenas
Carnaval qu’ès acusat
Nei e tiri sus l’estaca
E mei qu’n soi escanat

Carnaval, uei, e …

Legir tot

De ns’aver hicat cadenas
Carnaval qu’ès acusat
Nei e tiri sus l’estaca
E mei qu’n soi escanat

Carnaval, uei, e si m’anavi cambiar en òmi libre ?

Que’t vam arranjar la cara
La dondena, la dondena,
Dab un gran còp de baston
La dondena, la dondon
Qu’et vam cramar sus la plaça
La dondena, la dondena,
Sus un èr d’accordeon
La dondena, la dondon

De ns’aver miat la tristessa
Carnaval qu’ès acusat
Qu’avem la malèra a casa
N’èi lo còr tot enclavat

Carnaval, uei, e si m’anavi cambiar en òmi urós ?

De ns’aver balhat promessas
Carnaval qu’ès acusat
Tan de beròias paraulas
Qu’at’as tot arrenegat

Carnaval, uei, e si m’anavi cambiar en òmi hart ?

De ns’aver hicat uelhèras
Carnaval qu’ès acusat
Que tiram tots la galèra
Sèi pas mei on èi lo cap

Carnaval, uei, e si m’anavi cambiar en òmi qui pensa tot sol ?

Sèi un país e ua flor,
E ua flor, e ua flor,
Que l’aperam la de l’amor,
La de l’amor, …

Legir tot

Sèi un país e ua flor,
E ua flor, e ua flor,
Que l’aperam la de l’amor,
La de l’amor, la de l’amor,

Repic :
Haut, Peiròt, vam caminar, vam caminar,
De cap tà l’immortèla,
Haut, Peiròt, vam caminar, vam caminar,
Lo país vam cercar.

Au som deu malh, que i a ua lutz,
Que i a ua lutz, que i a ua lutz,
Qu’i cau guardar los uelhs dessús,
Los uelhs dessús, los uelhs dessús,

Que’ns cau traucar tot lo segàs,
Tot lo segàs, tot lo segàs,
Tà ns’arrapar, sonque las mans,
Sonque las mans, sonque las mans,

Lhèu veiram pas jamei la fin,
Jamei la fin, jamei la fin,
La libertat qu’ei lo camin,
Qu’ei lo camin, qu’ei lo camin,

Après lo malh, un aute malh,
Un aute malh, un aute malh,
Après la lutz, ua auta lutz,
Ua auta lutz, ua auta lutz...

En tèrra de Biarn
Tant beròia e tant doça
Qu’ei vadut un Nadau
Un arrosèr qu’i possa

Lo temps qu’ei …

Legir tot

En tèrra de Biarn
Tant beròia e tant doça
Qu’ei vadut un Nadau
Un arrosèr qu’i possa

Lo temps qu’ei a la nèu
Son brèç serà montanha
Tots los ausèths deu cèu
S’at van díser a la plana

Dens son arridolet
I a tot l’esper deu monde
Ne’n serà pas vailet
Ne’n serà pas lo mèste

Los aulhèrs qu’an cantat
La cançon de la tèrra
Serà enrasigat
Tà la vita sancèra

En tèrra de Biarn
Tant beròia e tant doça
Qu’ei vadut un Nadau
Un arrosèr qu’i possa

Nosauts qu’èm los petits, los qui cargats de tèrra,
E marcharam tostemps shens compréner perqué,
Nos qui’ns hesem tuar, nos …

Legir tot

Nosauts qu’èm los petits, los qui cargats de tèrra,
E marcharam tostemps shens compréner perqué,
Nos qui’ns hesem tuar, nos qui hesem la guèrra,
Nos qui carà que tienim aqueste borider.
E qu’ei lo noste sang generós qui s’escapa,
E qui plapa de roi lo sòu on èm caduts,
Nos qui sofrim tostemps, e tostemps a l’estaca,
Qu’èm tostemps los medishs, nosautes los peluts.
Ah ! que podem partir gaujós en permission
Aus qui son per darrèr díser nosta misèria,
Ne sauran pas jamei arrens nosta dolor
D’aténder shens saber qui caderà enqüèra.
Nosauts qu’èm los praubòts, los bons t’às har tuar
Quan d’autes per d’arrèr e tíran las cordetas,
N’èm pas que las monacas e los qui hèn dançar.
E tot aquò tà que ? Tà plenhar las caucetas
De quauques macarèus. Ah ! Amics qui ètz ací
E qui avetz tot deishat, çò qui avètz de mei doç,
Entà miserejar e tà viéner morir
Quan los qui’ns hèn marchar e qui’s fóten de nos
An los pès plan au cau, que hèn la vita bèra
Ah ! S’èran drin aciu, tostemps tà aparar,
Qu’auren sabut lavetz qu’ei çò qui èra la guèrra
Qu’ei çò qui ei de partir, shens saber de tornar,
Se ns’en tórnen un còp, de caler repartir,
Caler recommençar e remontar enqüèra,
Shens se poder pensar quand ei qui va fenir
S’avèn sabut çò qui ei, n’auré pas durat hèra...

Lavirosca, lavirosca,
Perqué’t viras t’on lo vent ?
Entà har marganhas aus òmis
Qui m’an hèita au lor semblent

Lavirosca, …

Legir tot

Lavirosca, lavirosca,
Perqué’t viras t’on lo vent ?
Entà har marganhas aus òmis
Qui m’an hèita au lor semblent

Lavirosca, lavirosca,
Qu’in as donc lo còr dolent ?
Qu’ei lo vent deu Nòrd qui boha
Que ns’arriba maishant temps

Lavirosca, lavirosca,
Qui ei aquera mala gent ?
Que son òmis, tristes òmis
Embucats d’aur e d’argent

Lavirosca, lavirosca,
Quin cau har tà estar valent ?
Que non sias lavirosca
Qu’ei a tu de har lo vent.

A l’òra de l’aubada
Que’t vienerèi cercar
Coneishi ua istòria
Te la pòdi condar
Si l’aiga shebiteja
Quan n’i aja …

Legir tot

A l’òra de l’aubada
Que’t vienerèi cercar
Coneishi ua istòria
Te la pòdi condar
Si l’aiga shebiteja
Quan n’i aja pas nat bruch
A l’òra de las hadas
T’estupàrei las lutz

A l’òra deu silenci
Que saurèi descobrir
Quant pòds estar beròia
E on son tos camins
A la punta deu dia
Que’t prenerèi la man
Pagèra de la mia
Tornaram commençar

Shens pieitat ni cadena
Com un huèc dens la nuèit
Com un huèc dens ma vita
Entà virà’t lo hred
Que t’aimarèi ma miga
Sèi pas quant de matins
Ara luseish l’eslama
Lhèu que’s va amortir

Si as los uelhs a la lua
Qu’aniram passejà’ns
Coneishi las estelas
Qui hèn virar los caps
Si as los uelhs a la bruma
T’inventarèi sorelhs
E ton còs serà prima
La pausa d’un saunei

Entau país abaish, e entà la montanha
E son vestit de nòvia a la purmèra nèu
E lo vent de …

Legir tot

Entau país abaish, e entà la montanha
E son vestit de nòvia a la purmèra nèu
E lo vent de l’abòr qui escoba la plana
La doçor de la tèrra, la colèra deu cèu

Sona las campanas, Maria-Loís,
Sona mon esper, i a monde sus la plaça,
Sona, lo qui aima son país
S’a ganhat lo dret de l’espiar de fàcia

A nuèit, lo Batiston que s’en torna tà casa
Enqüera un de passat, que n a lo còr content
Tau bruch de sos esclòps suu camin de la vita
Qui se’n van a plaser, permor d’aver lo temps

N’èi pas qu’ua cançon, n’èi pas qu’ua musica,
N’i a pro tà caminar, tà caminar tot dret
Entaus qui’s son lhevats, en ausir la flabuta,
Qui dànçan en espiar a mei luenh que los pès

Mon país que l’aví au còr com ua floreta,
Mès adara que l’èi tanben au hons deu cap,
Que saberèi tostemps on son mas amoretas,
N’èm pas enqüèra mòrts que vam semiar lo blat.