E amics, escotatz
Que’vs vau parlar drin d’era
Que’vs vau díser l’istuèra
De la qui m’a quitat
En pujant hens …

Legir tot

E amics, escotatz
Que’vs vau parlar drin d’era
Que’vs vau díser l’istuèra
De la qui m’a quitat
En pujant hens los ueus
Tanlèu que l’èi espiada
La lutz s’ei alucada
Hens lo blu deu sons uelhs

Repic :
Que nèva sus l’Aussau
E lo còr qu’em hè mau
Que serèi a jamei, jamei... malurós
Que nèva sus l’Aussau
E doman qu’ei Nadau
Mes on ei lo sorelh, sorelh... de mas amors

Qu’entrè au pinchacuu
Tant beròja e tant fièra
Ne n’avoi pas ta hèra
Tà la miar tà l’escur
Que’u hasoi lo serment
De qu’èra la purmèra
Que’m sovieni enqüera
Que’m sovieni tostemps

Qu’estó longa la nueit
Tà dus còs qui holejan
Devant le chemineia
A l’acès deu men teit
E jo quan a cridat
Jo lo vielh solitari
Jo libre com un sarri
Que n’èi per Diu plorat.

Que soi desconsolat
Dinc au prochen estagi
Tau prochen arribatge
E serèi en estat ?
Tad aquera cançon
Que cau aver ganurra
B’a donc la vita dura
Lo praube monitor !

Repic :
On ètz Cecila, Miquèu, Nicolau,
Que soi solet a l’ostau,
Roja l’arròsa e blanc lo lilàs,
A qui …

Legir tot

Repic :
On ètz Cecila, Miquèu, Nicolau,
Que soi solet a l’ostau,
Roja l’arròsa e blanc lo lilàs,
A qui lo torn de clumar.

Que v’atendi enqüèra uei,
Pergut hens lo men saunei,
A l’acès deu vent ploi,
Prauba cabana de boès,
Lo mei beròi deus castèths.

Sus lo casso de l’arriu,
Qu’i ei enqüèra escriut,
« Que ns’aimaram tostemps »
Jo n’èi pas jamei cambiat,
N’èi pas jamei desbrembat.

Penderilheta au cerisèr,
Grenadina, chancapè,
Qu’as mancat l’arricoquet,
Non, n’aniràs pas tau cèu,
Ara, que soi jo qui hèi.

Tant e tant que son partits,
Qu’an deishat lo país,
Shens saber de tornar,
Que çò qui se’n van cercar?
Que çò qui se’n van trobar?

Lhèva’t donc, gran feniant, lhèva’t donc, Diu Vivant,
Qu’ei dimenge matin, lhèva’t donc a la fin,
Qu’èra longa la nueit, …

Legir tot

Lhèva’t donc, gran feniant, lhèva’t donc, Diu Vivant,
Qu’ei dimenge matin, lhèva’t donc a la fin,
Qu’èra longa la nueit, e qu’ès enqüèra au lièit,
B’ès beròi laganhós, mes on as los cauçons.

Repic :
Avisatz-ve, madamisèlas,
Lo Jausèp que va sortir de l’ostau
Qu’a tornat pintrar lo son còr de nau,
Cançons d’amor, que’n sab a pièlas,
Sorelh aus uelhs e arríder a la man,
Jausèp se’n va.

Obrir los contravents, deishar entrar lo vent,
Tà tirar la calor, e tanben lo poson,
Aiga hreda suu mus, tà segotir las puç,
Har lusir lo caishau, e rasar de com cau,

Hicar drin de sentbon, non ! pas tròp, que n’i a pro,
E l’aulor deu cafè puja dens l’escalèr,
Un èr d’acordeon tà guardar la gaujor,
...

Camisa e pantelons, blancs tà d’eths, blancs tà vos,
E cantar en baishant, quate pas en davant,
Dus petits en darrèr, tà partir mei leugèr,
Hò ! Jausèp, tien te dret, vè-te’n tirar la set !

N’ac creds pas, Joan Pèire,
T’a pas dit que non,
Lhèu l’acordeon
Qu’i ei estat tà hèra,
N’as pas qu’ua …

Legir tot

N’ac creds pas, Joan Pèire,
T’a pas dit que non,
Lhèu l’acordeon
Qu’i ei estat tà hèra,
N’as pas qu’ua chança,
Que la cau gahar,
N’as pas qu’ua dança,
Que la cau dançar.

Repic :
Vira, segur que t’aima, vira,
Qu’ei la valsa qui vira, qui vira lo cap,
Vira, segur que t’aima, vira,
Qu’a lo còr, qu’a lo còr capvirat.

La soa rauba blanca
Que trauca la nueit,
Los uelhs sus los uelhs,
L’amor que s’estanca,
Moment de promessas,
Moment de saunei,
Era qu’ei princessa
E tu hilh deu rei.

Dehens la horrèra,
Qu’ètz los dus solets,
Los pès drin leugèrs,
Ne tòcan pas tèrra,
Lhèva drin la cara,
Espia a capsús,
Non vedes adara
Pas mei qu’ua lutz.

Doceja, Joan Pèire,
Que’t pesa aus braçs,
Qu’ètz drin fatigats,
Cau tornar sus tèrra,
Perqué donc adara,
Qui as ubèrt la man,
Qu’ei era qui sarra
E que te vòu miar...

Fenit la maionesa entau borit
Fenit lo temps de la cueisha de guit
N’i a pas que mortadèla e salamí …

Legir tot

Fenit la maionesa entau borit
Fenit lo temps de la cueisha de guit
N’i a pas que mortadèla e salamí
N’i a pas que sopa magra e maishant vin

Mes tà la mo..., la mo..., la mo...
Tà la moleta
Sonque dus ueus e un pipèr
Tenben la mai..., la mai..., la mai...
La mainadeta
A la padèra un huec d’in-hèrn

Fernand volè estar lo mei brancat
Crompè un dequerò liofilisat
Dab ua vielha saucissa d’Estraborg
Pensè, per Diu, petar de mala mort

Qu’ensajè un d’aqueths « fast-food » hastiaus
On s’i claca autan viste com mau
Mostarda au mens que n’avèn hicat pro
Ne trobè pas lo gost deu Canigó.

Un dia qu’avó un vente de paur
Quan sabó qu’avè lo colesteròu
Hartè pas que salada entà guarir
Que balhè lo son pòrc au medecin

De minjar « biò » que decidè lavetz
E har borir milhòc e ris complèt
Tota la nueit qu’èra enlusernat
Vedè passar rostits e tròç d’aucat

Qu’arribè çò qui devè arribar
Qu’es morí d’un gran vueit a l’estomac
Qu’arpasta adara vèrmis e cussons
Qui cantan tots amassas la cançon

Dessús la lana
I a longs camins
Nada montanha
Mes tan de pins

Espiatz los òmis
D’aqueth país
De sable …

Legir tot

Dessús la lana
I a longs camins
Nada montanha
Mes tan de pins

Espiatz los òmis
D’aqueth país
De sable e gema
Que son prestits

Drin de cafè
Drin de sorelh
Au pinhadar
Que cau de mei ?

Da tu, ma miga
Au temps d’amor
Seràs la tèrra
Jo lo branon

A tu Landés
L’amna deu còs !
Sias tostemps
Picatalòs

Dessús la lana
I a longs camins
Nada montanha
Mes tant de pins.

Nèu doça
Nèu blossa
Blanc palhat de mossa
Qu’amanta lo sòu
Nèu blanca
Palanca
Quin plega la branca !
Que …

Legir tot

Nèu doça
Nèu blossa
Blanc palhat de mossa
Qu’amanta lo sòu
Nèu blanca
Palanca
Quin plega la branca !
Que prem lo linçòu !

La bruma s’esgruma
La bon Diu que pluma
Lo vent e los crums
Nèu clara
Nueit clara
Blanquejan adara
Los tucs tostemps brums.

Monaca
S’estaca
Suu broth, sus l’estaca
Trocèra shens mau,
La trida
Herida
S’esporga e que crida
Suu plèish deu casau.

Temps géncer !
Plasença !
De patz, de silenci
De beutat cobèrt !
Nèu doça
Nèu blossa
Volerí qu’estosse
Tostemps blanc l’ivèrn !

Lo còr que’s deveja
Lo hred que doceja
Las nostas amors
Mainada torrada
Escota la hada
Mair de las colors
Lo só que bailina
De sa calorina
Lo blu deu gran cèu
Bahida
Ma miga
Lo verd de l’ahida
Drom devath la nèu.

De jamei en tostemps,
E d’ivèrn en primtemps,
Si n’i a qui an çò qui an,
Qu’èm çò qui èm. …

Legir tot

De jamei en tostemps,
E d’ivèrn en primtemps,
Si n’i a qui an çò qui an,
Qu’èm çò qui èm.
Aimar sa tèrra dinc au mau d’amor,
I créder enqüèra dinc a la dolor,
Espiar cada matin
Com si èra lo purmèr matin.
Esperar, esperar,
E cridar, e cridar,
Si n’i a qui an çò qui an,
Qu’èm çò qui èm.
Vielh monde qui portam
De ger en uei,
Non seràs pas jamei un monde vielh,
Tostemps recommençat,
Lo conte n’ei pas acabat.
Pè deu cèu, tot qu’ei blos,
Hant-se nueit, tot qu’ei doç,
Si n’i a qui an çò qui an,
Qu’èm çò qui èm.
Tà casa, adara que nse’n vam tornar,
Cap a un aute sorelh que’ns vam virar,
Doman, si s’escad plan,
A contrabriu, que seram vius.

E l’arriu que’s secarà,
E l’arbo que passarà.

Repic :
Se’n tornaram dinc a la hont...

E l’arbo que passarà, …

Legir tot

E l’arriu que’s secarà,
E l’arbo que passarà.

Repic :
Se’n tornaram dinc a la hont...

E l’arbo que passarà,
E l’ausèth s’envolarà.

E l’ausèth s’envolarà,
E sa cançon deisharà.

E sa cançon deisharà,
Lo mainat l’aprenerà.

Un petit apartament,
Esconut devath un gran teit,
Tu e jo tots sols dehens,
Drin perguts au miei d’aqueth vueit, …

Legir tot

Un petit apartament,
Esconut devath un gran teit,
Tu e jo tots sols dehens,
Drin perguts au miei d’aqueth vueit,
Ací qu’ei la glèisa nosta,
Tà d’aquera noça,
N’i a pas nat temuenh,
Au solèr lo cèu tau viatge,
Qu’ei com un vilatge
Qui s’aluca au luenh,
La horrèra dehens la carrèra
Que braceja vent.

Jo que sèi duas cançons,
Tà tornar pintrar las pareds,
Sus la taula de carton,
Maridem la hami dab la set,
I a lo pòt de confitura
Qui’ns hè drin la gula,
Per’mor n’i a pas pan,
A la cramba lo linçòu
Dessenha sus lo sòu
Un batèu sus la mar,
Çà’i, estupa,
Escota que ns’ahupa,
Qu’èi páur a doman.

N’i averà pas nat serment,
Ni cadena ni barcalhon,
N’i averà pas nat tostemps,
Tu qu’ès tu, e jo que soi jo,
Que demoraràs sancèra,
N’èi pas hens l’istuèra
Arren a’t balhar,
Que t’ac disi shens malici,
Pas nat sacrifici,
A tu de gahar,
L’un hens l’aute
Troberà pas un aute
Que lo qui ei dejà.