Enten, enten, l’accordeon,
Dus pas de dança, ua cançon,
Eth haro que s’a alugat,
Sant Joan, Sant Joan, se n’ei …

Legir tot

Enten, enten, l’accordeon,
Dus pas de dança, ua cançon,
Eth haro que s’a alugat,
Sant Joan, Sant Joan, se n’ei tornat.
Val d’Aran, cap de Gasconha,
Luenh de tu, que’m cau partir,
Val d’Aran, cap de Garona,
Luenh de tu, que’m vau morir.
Era passejada, un ser d’estiu,
E com te va ? adiu, adiu !
Un tròç de pan, un còp de vin,
Parlar deth temps, damb eth vesin.

Es cueires luden sus eth bufet,
Totis es records ena paret,
Non se pot estancar eth temps,
Mès Aranés, tostemp, tostemp.

Tornar a pujar enquià era nhèu,
Un darrèr còp eth cap en cèu,
Setiat dessús eth gran calhau,
Guardar eth sorelh en gran portau.

Companhs de Les e de Bossòst,
De Salardú, de Vilamòs,
Brembatz-vo’n plan deth praube Joan
Qui a estimat tant era val d’Aran.

Que soi de per delà la mar grana,
Qu’ei lo pais deu rock e deu rap,
Tu que pudes drin …

Legir tot

Que soi de per delà la mar grana,
Qu’ei lo pais deu rock e deu rap,
Tu que pudes drin trop a la craba,
Los corbaishs que se’n viran lo cap.

Repic :
La garona,
Shens vergonha,
Que se’n fot, que se’n va tà Bordèu,
Sona, sona, la Gasconha,
Que s’a desbrembat lo rondèu.

-Lhèu qu’arribas de las Americas,
Tu qui n’as pas ni popas, ni cuu,
Mès non seràs pas tan electrica,
Lo dia qui’t van copar lo jus.

-Dab tu, que soi contenta deu viatge,
Qu’ès tostemps o trop baish o trop haut,
Que’t cau tres oras tà l’acordatge,
Lo reste deu temps a jogar faus.

-Si vos jogar dehens la carrèra,
Que’t cau tirar cent mètras de hiu,
Un vailet tà tirar la bramèra,
Quan arribas qu’ei tà diser" Adiu

Si vos que vam har
L’amor amoros,
Qui torna pintrar
Tot lo monde en blu,
Que vam har lo cluc, …

Legir tot

Si vos que vam har
L’amor amoros,
Qui torna pintrar
Tot lo monde en blu,
Que vam har lo cluc,
Au miei de las flors,
S’i a pas trop de vent,
S’i a pas trop de lutz.

Repic :
Chut, chut, chut,
Chut, chut, chut,
Pas tant de bruth,
Pas tant de bruth.

Enten sus lo tèit
De la mia maison,
La ploja que truca
La soa cançon,
Sinfonia, sinfonia,
Cent mila tambors,
Luenh deus barcalhons
De la particion.

Un sor tot matin,
Un hoec, un acès,
Un troç de camin,
Un par de solièrs,
Tot aquo qu’ei viu,
N’ei pas briga car,
E mercès a Diu,
A qui ne crèi pas.

I a cent mila estelas
Qui’m hèn saunejar
A tots aqueths viatges
Qui ne herèi pas,
Adiu que me’n vau,
Que’m cau escusar,
Qu’atendi lo crum
Qui’m va emportar.

Que sèi ua istoèra
Qui cort los camins,
Non sèi pas quan èra,
Tanpoc lo pais,
Si n’i a qui …

Legir tot

Que sèi ua istoèra
Qui cort los camins,
Non sèi pas quan èra,
Tanpoc lo pais,
Si n’i a qui at saben,
Que m’at diseran,
Dessus lo Gran Liber
Qu’at escriuram.
Monde, çà vietz,
Cà vietz escotar
Lo conte en vertat
De Dauna Misèria,
Que cad lo ser,
Aci qu’èm plan,
Assedetz-ve,
Que la ve vau condar.

Qu’èra ua vielhota
Croishida sus pè,
N’avè pas praubota
Qu’un beroi pomèr,
Qui balhava pomas
E pomas tot l’an,
Que las i panavan
De quan en quan. .
Un ser d’ivern,
Per un temps d’inhern
Un praube mendiant
Que trucà a la porta,
"Que pods entrar,
Shens paur, shens regret,
Que vam partatjar
E la poma e lo huec."

E lo caminaire,
A lendematin,
Digo a Misèria,
Suu pic de partir :
"Que soi lo Sent Pèira,
Tà t’arremerciar,
Tot ço qui demandas,
Qu’at averàs.
-Ne voi pas aur,
Ni aur, ni argent,
Que voi simplament
Que no’m panen las pomas.
-Que’n sia atau,
Lo qui pujerà
Suu pomèr shens tu
Ne’n poderà baishar."

Au cap de tres dias,
Qu’enteno cridar.
En sortir de casa,
Co qui t’avisà?
Lo molièr panaire,
Pitat suu pomèr :
"Per Diu, desliuratz me,
Soi presoèr."
Quan s’escapà,
Arrauc de tutar,
Que s’èra secat
Au mens ua setmana!
"Te’n voi pas nat,
Hè la comicion,
Qui vienga lirar
Autorn de la maison."

Lo temps que passava,
Lo temps que passà,
Ua nueit shens lua,
La mort qu’arribà,
Vestida de negre,
La dalha a la man :
"Misèria, Misèria,
Que nse’n cau anar.
-Si ei la fin,
Que’t voi plan seguir,
Mès que minjeri
Ua darrèra poma,
Vos ajuda’m,
Vèn la me cercar,"
La mort que pujà
Non podo mei baishar.

Arrens ne’s moriva
Hens lo monde sancèr,
Los vielhs que’s trufavan
Deus lors eretèrs,
Marchans de quimèra,
Marchans de canon,
Que hesèn failhita
Shens remicion
Tots a d’arron,
Maire e president,
E papa tanben,
Tots en ço de Misèria,
Miaça e pregar,
E suplicacion,
Misèria en cedar
Que pausà condicion.

La mort qu’èra harta,
Entà s’escapar,
Qu’avo de prometer
De non pas tornar.
Tant l’avè portada,
Lo pomèr que’s mori,
Misèria de hàmi,
Qu’avo de partir,
Misèria e Mort,
Despuish aqueth temps,
Que corren tostemps
Per los camins deu monde,
E tric e tric,
Lo conde ei fenit,
Viratz, viratz,
Lo conde ei acabat.

Dehora, qu’ei hred a pelar,
Lo flipèr que’s va entecar,
Si entras torna barrar la porta,
A la muralha lo …

Legir tot

Dehora, qu’ei hred a pelar,
Lo flipèr que’s va entecar,
Si entras torna barrar la porta,
A la muralha lo drapèu,
La bua qu’ei sus lo carrèu,
La gota que vou baishar,
Mès non pot permor i a
escribut "Mort aus cons"...
Oh, oh, oh!
I a Denisa qui enten ço qui vou.

Aci lo hum e lo saunei
Se’n van tot dret de cap tau cèu,
Mès lo cèu n’a pas sonque tres metras,.
Lo Gilbert que va arribar,
Peu centau cop que’ns va condar
Que s’a mancat partir tà
L’America,mès n’a
pas podut permor que...
Oh, oh, oh!
I a Denisa qui enten ço qui vou.

Que pods si as un cop de tristèr,
Viéner plorar sus lo taulèr,
Que t’i va passar un cop d’espontja.
La toa hemna i a dus ans
Dejà que s’a fotut lo camp,
Si avès sabut n’aures pas
dit tot ço qui as dit,
Mès totun qu’at as dit...
Oh, oh, oh!
I a Denisa qui enten ço qui vou.

L’ua ora que va lèu sonar,
La flicalha que va passar,
Que vam vueitar viste la darrèra,
Se’n torneram doman matin,
Pas trop de dora, cau dromir,
Era que va escobar
Totas las ombras qui
van encuèra parlar...
Oh, oh, oh!
I a Denisa qui enten ço qui vou.

Drom, anjolina,
Drom, berojina,
La nueit se carga de tant de sauneis,
Boha candela,
Aluga estela,
Sarra’m lo dit e …

Legir tot

Drom, anjolina,
Drom, berojina,
La nueit se carga de tant de sauneis,
Boha candela,
Aluga estela,
Sarra’m lo dit e cluqueja los uelhs.

Qu’as un papà,
Un papà de musica,
Marchan de calicas,
Un drin hou,,
Que’t pot pintrar
Ua maison blua,
O pausar la lua
Suu linçou.

Que seràs, tu?
Princessa o aulhèra,
Montanha o ribèra,
Cor de cap,
D’on seràs, tu?
Quin averàs l’ombra?
D’aci o deu monde?
En libertat.

L’aute jorn dins l’ort,
L’entendèri que plorava,
E jo que me’n aproishavi,
Li diguèri en sospirant :
"Malurosas son las …

Legir tot

L’aute jorn dins l’ort,
L’entendèri que plorava,
E jo que me’n aproishavi,
Li diguèri en sospirant :
"Malurosas son las filhas
Qui se’n fisan aus galants."

Nau plumas qu’a l’indian,
Negre de peu e roi de cara,
Nau plumas qu’a l’indian,
Ombra darrèr, sorelh devant.

Mès …

Legir tot

Nau plumas qu’a l’indian,
Negre de peu e roi de cara,
Nau plumas qu’a l’indian,
Ombra darrèr, sorelh devant.

Mès si tiras, tiras, tiras
Ua pluma a l’indian,
I a pas mei arren darrèr, arren devant,
Que vad tot blanc.

Uèit plumas qu’a l’indian...

Lo meu pair qu’ei jardinièr
Pengabelòt, pengabelobene,
Lo meu pair qu’ei jardinièr
Gabelòt pengòt pen pen gabelòt
Pengabelobene.

Entau jardin …

Legir tot

Lo meu pair qu’ei jardinièr
Pengabelòt, pengabelobene,
Lo meu pair qu’ei jardinièr
Gabelòt pengòt pen pen gabelòt
Pengabelobene.

Entau jardin jo me n’anèi…

Duas floretas qu’i trobèi…

A mas amors las enviarèi…

Mès qui serà lo messatgèr? …

La calandreta o l’esparvèr? …

La calandreta es cap leugèr …

E l’esparvèr qu’ei messontgèr…

Tota era calhavèra,
Deth som deth Perdiguèro,
Devara ath Portilhon,
Qu’enteni sa cançon,
Jo sus era montanha,
Non n’ei cap …

Legir tot

Tota era calhavèra,
Deth som deth Perdiguèro,
Devara ath Portilhon,
Qu’enteni sa cançon,
Jo sus era montanha,
Non n’ei cap de companha,
Eth còr tot enclavat,
Que uèiti eth Saussat.
Era fauta a Literòla,
Si èi mancat era escòla,
Eth sorelh qu’a trucat
Sus eth men praube cap,
Que m’an trobat trop bèstia,
Ací n’i a cap de mèste,
A l’ombra deth Quairat,
Que uèiti eth Saussat.
Non ei cap mes era tèrra,
Non ei cap eth cèu encara,
E dinc ath som deth selh,
Tan lonh qui van eths guelhs,
Non n’i a cap de cadena,
Non n’i a barrons ni cleda,
E lonh deths barbelats,
Que uèiti eth Saussat.
Eth primtemps que vien de ’Spanha,
Hè plorar era montanha,
Qu’a pujat eth tropèth,
Doman que va hèr bèth,
Era lua s’ei pausada,
Sus eth miralh d’era aiga,
Era net qu’ei en patz,
Que uèiti eth Saussat.

Un trin que se’n va de Pau
E l’aute que I arriba,
Segur que l’aute que I arriba
Qu’ei la …

Legir tot

Un trin que se’n va de Pau
E l’aute que I arriba,
Segur que l’aute que I arriba
Qu’ei la vita e qu’ei atau,
Adishatz monde e la companhia,
Tot dimenge ser que plau.
Ua hemna qu’ei la baish,
Tan beròia e tan triste,
Segur tan beròia e tan triste,
Qu’ei la vita e qu’ei atau,
Adishatz monde e la companhia,
Tot dimenge ser que plau.
Jo me’n vau entà Paris,
Era lhèu tà Tolosa,
Segur que se’n va tà Tolosa,
Qu’ei la vita e qu’ei atau,
Adishatz monde e la companhia,
Tot dimenge ser que plau.
Ne saurà pas jamei çò
Qui l’aurí volut díser,
Segur que l’aurí volut díser,
Qu’ei la vita e qu’ei atau,
Adishatz monde e la companhia,
Tot dimenge ser que plau.