Entre montanha Negra
La Corbièra e la mar
Som nascut i a plan mila ans

Vòli cantar coma canta lo …

Legir tot

Entre montanha Negra
La Corbièra e la mar
Som nascut i a plan mila ans

Vòli cantar coma canta lo vent
Vòli cantar dins la lenga del Cerç
Es un cant d’òmes liures
Un cant d’òmes valents
Es un cant d’òmes liures
Dins la lenga del Cerç

E la vièlha ciutat
A de remembres fòls
E la vielha ciutat
De quand sonava l’òc.
Quand podiá cantar
Coma canta lo vent
Quand podiá cantar
Dins la lenga del Cerç

Ciutat de Carcassona
Del comte Trencavel
Ciutat de Carcassona
Tornaràn tos aucels

Que cantaràn
Coma canta lo vent
Que cantaràn
Dins la lenga del Cerç
Serà un cant d’òmes liures
Un cant d’òmes valents
Serà un cant d’òmes liures
Dins la lenga del Cerç

M'ajudèsse lo vent e son bufar de farga
De sas èrsas iretjas m'ajudèsse la mar
Cridarai

Tant qu'aurai una votz …

Legir tot

M'ajudèsse lo vent e son bufar de farga
De sas èrsas iretjas m'ajudèsse la mar
Cridarai

Tant qu'aurai una votz
E quicòm dins mon pitre
Cridarai

A me'n faire petar la carn de la garganta
A me'n faire gisclar la sang dins un crit baug
Cridarai

Coma un òme tancat per agaitar l'asuèlh
Un òme desliurat del pes de sas cadenas
Qu'an fargat los reis fòls e los barons sagnoses
E los monges enrogits del rebat del brasàs
Ont cremèron vivents mos fraires del passat
Qu'avián cantat l'amor e l'amistat umana
E manjat lo pan blanc pastat de libertat
Cridarai, cridarai
Cridarai, cridarai !

La nuèit es longa, aicí, as dit
L'ivèrn s'acaba pas, as dit
La vergonha nos ten, as dit
E d'autres, …

Legir tot

La nuèit es longa, aicí, as dit
L'ivèrn s'acaba pas, as dit
La vergonha nos ten, as dit
E d'autres, d'autres, d'autres
Se son levats aicí, qu'an dit :
« Sul païs jamai fa pas
Que lo temps que fan los òmes
Avançam a grand compàs
Lo jorn ven que serem d'òmes. »

Lo Vietnam es luènh, disián
Lo Biafrà es quicòm mai, disián,
Nosautres, siám pas de negres, disián.

E d'autres, d'autres, d'autres, d'autres
Se son levats aicí qu'an dit :
« Lo negre es totjorn la color
Dels esclaus del capital.
Portam totas las dolors
Nòstre cant es general. »

Al servici del pòble lutam.
Siám sortits del silènci, lutam.
La paraulas es presa, lutam.
E d'autres, d'autres, d'autres, d'autres
Se son levats aicí que dison :
« La colèra s'assolida
De pertot al meteis temps
La vergonha es abolida
Lo païs viu al present. »

Anam a la montanha a cò de l'Alemand
Anam bèure que d'aiga, manjar de missant pan
La mitat de garota, …

Legir tot

Anam a la montanha a cò de l'Alemand
Anam bèure que d'aiga, manjar de missant pan
La mitat de garota, l'autra mitat de jòlh
Nos disiám l'un a l'autre que la tèsta nos'n dòl.

-Venètz dinnar segaires, tant mal l'avètz ganhat
-E tu fripon de boire, tant mal l'as aprestat :
una vièlha bediga que pòt pas caminar
Çai avèm los segaires. Ne cal aprofitar !

Quand siaguèrem a pagas, lo diables i siaguèt
Metèt la man a la pòcha, la sèrp lo mordiguèt
-A tu, fripon de boire, te farem ben pagar ?
Avèm un bròc de maura, lo te farem tastar !

En passant per Lodeva, nos volguèron logar
Per segar una paumola que se deviá segar
-A tu, paura paumola, nos i juntaràs pas
Siás una derrentaira. Tornam al païs bas !