Aquesta satira la fau lo còr dolent
Dieus! Qual pòt dire ni saupre lo torment
Ont que me vire siòi …

Legir tot

Aquesta satira la fau lo còr dolent
Dieus! Qual pòt dire ni saupre lo torment
Ont que me vire siòi en grand pensament
Consi escriure aquel azirament ?
Lo mond es giblat uèi que corrompon e lei
E sagrament e fe
Cadun son vesin pensa l’aver per malvolença
Om se tua entre se sens rason e sens drech

Ai! Tolosa e Provença e la terra d’Argença
Besièrs e Carcassés qui t’a vist e te vei

Totjorn m’azire e ai azirament
la nuòch sospire e velhant e dorment
Ont que me vire ausisse brave gent
Que cridon “Sire !” al françès umilment
Lo françès n’a mercès son que s’en pòt aver
D’argent sens autre drech
A(n)eles l’abondança e la granda bombança
Engana e traison aqui lor confession

Coma un sauvatge que canta al missant temps
Ai lo coratge de cantar de present
Vesent paratge que vai en se perdent
E bon linhatge que vai en descasent
Quand creis la malvestat los barons rebusats
Enganaires enganats
Valor menan darrièra e desonor premièra
Es un marrit afar que l’argent mal ganhat

Lo primièr còp, lo primièr còp qu’ai rescontrat qu’ai vist ma mìa
Lo primièr còp, lo primièr còp èra au …

Legir tot

Lo primièr còp, lo primièr còp qu’ai rescontrat qu’ai vist ma mìa
Lo primièr còp, lo primièr còp èra au mercat de Cracovìa
E dins mon còr, e dins mon còr m’an dessarat una sagèta
E dins mon còr, e dins mon còr me siòi cantat ma cançonèta

Quand lo solèu se farà matinièr ièu tornarai bèla Alicja
E los aucèls se faràn chivalièrs e t’aimarai

E mai d’un còp e mai d’un còp avem bastit nòstra amorèta
E mai d’un còp e mai d’un còp nos siam aimats sus la placèta
La solelhada d’un café e lo temps d’un passa-carrièra
La solelhada d’un café e la retornèla guerrièra

Lo darrièr còp, lo darrièr còp qu’ai rescontrat qu’ai vist ma mìa
Lo darrièr còp, lo darrièr còp èra au mercat de Cracovìa
E dins mon còr, e dins mon còr una dolor ara s’amaga
E dins mon còr, e dins mon còr una dolor coma una plaga

Lo dimenge au mercat de Lunèu
Pesca-luna a portat son capèu
A son braç la polida Muriel
Li demanda de …

Legir tot

Lo dimenge au mercat de Lunèu
Pesca-luna a portat son capèu
A son braç la polida Muriel
Li demanda de crompar de mèu
Pesca-luna es au “Marselhès”
I demòra lo temps de la messa
Pesca-luna es pas un borgès
Lo trobaretz au mercat de Lunèu

A la fièra de Rovièra
Pesca-luna a crompat un anhèu
Mai pecaire a Beucaire
Pesca-luna a perdut son capèu

Lo dijòus au mercat d’Avinhon
Marca-mau a crompat un moton
Per l’ofrir a la bèla Marion
En volent que li fague un poton
Marca-mau es au cafeton
I demòra lo temps de la messa
Marca-mau es pas un colhon
Lo trobaretz au mercat d’Avinhon

Lo divendres au mercat de Montfrin
Manja-cèba a crompat un lapin
Per l’ofrir a la bèla Fanny
Per i faire fugir lo chagrin
Manja-cèba es au bar deis amics
I demòra lo temps de la messa
Manja-cèba es pas luènh d’aqui
Lo trobaretz au mercat de Montfrin

Quand lou souleias rabino la plano
Que sus lis estang danson li belu a ras dis engano
Urous quau bloucant …

Legir tot

Quand lou souleias rabino la plano
Que sus lis estang danson li belu a ras dis engano
Urous quau bloucant sa sello gardiano
S’en vai libre e soul sout lou grand cèu blu
Quand lou souleias rabino la plano
Urous quau s’en vai sout lou grand cèu blu

Mai quouro à l’errour lou larg se rouviho
Que sus mar lou jour se vèi davala darrié la mountiho
Quand vers la palun la mounturo endiho
Urous quau gardian vai s’encabana
Mai quouro à l’errour lou larg se rouviho
Urous quau gardian vai s’encabana

Aro qu’an tourna li tèms d’abrivado
Buten nòsti biòu sus li calada en revoulunado
Au noum dòu païs e de la manado
Mantenen gardian noste vièi coumbat
Aro qu’an tourna li tèms d’abrivado
Mantenen gardian noste vièi coumbat

Coumpagnoun d’aut d’aut e parte à grand erre
Entaiolo-te sello toun chivau que te vènon querre
Plego toun seden aganto toun ferre
Pèr la tradicioun fau douna l’assaut
Coumpagnoun d’aut d’aut e parte à grand erre
Pèr la tradicioun fau douna l’assaut

Mi fraire gardian sian qu’uno pougnado
Mai sauvan la terro e l’us naciounau de la mau-parado
E belèu qu’un jour la Raço aubourado
Boumbira delièuro à noste signau
Mi fraire gardian sian qu’uno pougnado
Mai sauven la terro e faguen signau

Vòli partir un jorn de mai al cap de la terra
Sens tu sens bagatge sens res que de musicas …

Legir tot

Vòli partir un jorn de mai al cap de la terra
Sens tu sens bagatge sens res que de musicas baujas
En sovenir de tu
Vòli fenir de te somiar coma d’una reina
Lo rei sens reiaume aquò’s ièu plori ma corona
En sovenir de tu

En sovenir de cada instant o de cada sòmi
E de la doçor de ta man que me disià t’aimi

Vòli dormir un mes un an, benlèu una vida
Solet sus una peira al caud de tantas insomnias
En sovenir de tu
Vòli sortir de mon ostal cercar la ribeira
Lo pòrt lo ribatge lo gost de tantas oblidanças
En sovenir de tu

Vòli sentir dins cada man lo perfum de l’aura
Tant fòrt tant sauvatge tant doç e perdre la memòria
En sovenir de tu
Vòli partir un jorn de mai al cap de la terra
Sens tu sens bagatge sens res que de musicas baujas
En sovenir de tu

Quand siàs lengadociana entre Tolosa e la mar
L’Autan la Tramontana aqui se dònan la man
E quand te fas …

Legir tot

Quand siàs lengadociana entre Tolosa e la mar
L’Autan la Tramontana aqui se dònan la man
E quand te fas gascona o filha de Montsegur
Pròcha de l’andorana siàs aranèsa segur

De sang e d’aur vestida dessus ta rauba una crotz
Nascuda e mai bastida de paratge e d’amor

Quand te fas lemosina lo cap quilhat cap al nòrd
De Françia la vesina es que pòs sentir lo còr
Quand te fas aquitana reira filha d’Alienòr
Biarnèsa e bigordana o filha dau Peiregòrd

Quand te fas provençala e mai italiana ailà
Dins ta lenga mairala lo Ròse es totjorn cantat
Quora te fas farandola demòra fòrça sovent
Un gost de farigola que te carreja lo vent

Volar dins la tempèsta nadar a contra corrent
Se vestir de fèsta quand bufa lo vent
Trapar la bona dralha …

Legir tot

Volar dins la tempèsta nadar a contra corrent
Se vestir de fèsta quand bufa lo vent
Trapar la bona dralha prene lo bon camin
E se desmarmalha tot nòstre chagrin
Gardar la sovenença d’un mond a bastir
Perfum de jovença flor de romanin
Vaqui ma cançonèta vaqui mon pergamin
Fanèta fadèta Fanèta Fanny

Una cançon que faguèri per te cantar mon amor
Tot l’amor que te donèri dempuèi lo premièr jorn

Caçar cada messorga pas jamai s’arrestar
Cercar a la sorga l’aiga de vertat
Culhir dins cada vinha lo rasim de beutat
E beure a la copa lo vin d’amistat
Donar daù fons de l’ama daù prigond daù còr
Sens òdi sens arma aimar d’estrambòrd
Vaqui ma cançonèta vaqui mon pergamin
Fanèta fadèta Fanèta Fanny

Lengadòc batalhièr e Provença qu’encanta
“Lengadòc que combat e Provença que canta” *
Provença e Lengadòc dempuèi totjorn vesins
Dempuèi …

Legir tot

Lengadòc batalhièr e Provença qu’encanta
“Lengadòc que combat e Provença que canta” *
Provença e Lengadòc dempuèi totjorn vesins
Dempuèi totjorn vesins totjorn desseparats pas jamai desunits
Provença dei montanha e Provença marina
Provença de Camarga e di gent de bovina
Lo Ròse flume grand brigalha pas lo còr
Brigalha pas lo còr ni mai lo roge e l’aur e pas mai l’estrambòrd

Lengadòc e Provença dempuèi lo premièr jorn
Lo reiaume de França vos dèu lo mòt Amor
Lengadòc e Provença terra de Trobadors
Rasigas e mantenença son per donar de flors

Lengadòc rebossièr Provença cantarèla
Lengadòc tant secret e Provença tant bèla
Segur siatz pas parièrs mai segur siatz enfants
Mai segur siatz enfants d’un pòble qu’es en trin de fargar son deman
Provença au nom secret d’una tèrra d’Empèri
Lengadocian que siòi i a tant de temps qu’espèri
“Dis Aups aus Pirenèus”* te poder retrobar
Te poder retrobar te poder regardar e te poder gardar

Lengadòc e Provença dempuèi lo premièr jorn
Lo reiaume de França vos dèu lo mòt Amor
Lengadòc e Provença siòi vòstre trobador
Lengadòc e Provença vos aimarai totjorn

*Citacions de Frederic Mistral

Ò ma bela cigala me farai cigalon
Vendrai contra tas alas me farai aucelon
Ò ma bela cigala me farai …

Legir tot

Ò ma bela cigala me farai cigalon
Vendrai contra tas alas me farai aucelon
Ò ma bela cigala me farai cigalier
Vendrai contra tas alas me farai chivalier
Ai viscut tant de temps al prigond de l’infern
Que somièri longtemps de sortir de l’ivern

Ò ma bela cigala me farai cigalet
Vendrai contra tas alas me farai chivalet
Ò ma bela cigala ièu me farai galant
Vendrai contra tas alas farai balin-balan
Ai viscut tant de temps lo miraù en preson
Que somièri longtemps de cantar lo teu nom

Ò ma bela cigala me farai cigalàs
Vendrai contra tas alas ò mon polit cigau
Ò ma bela cigala me farai trobador
Vendrai contra tas alas me farai amorós
Ai viscut tant de temps un passat vergonhós
Que somièri longtemps d’un bel avenidor

Papari dança dança dança
Papari mèna ton camèl
De la tèrra monta cap al cèl
De Besièrs canta la valença …

Legir tot

Papari dança dança dança
Papari mèna ton camèl
De la tèrra monta cap al cèl
De Besièrs canta la valença
Papari dança dança dança
A travèrs tota la ciutat
Papari canta Betarà
La cançon de la libertat

Plana de Betarà vaqui sant Afrodisi
Quand lo blat levarà naisserà lo rasim
Christ diguèt al romièu la vila que te disi
Es aquèla de Dièu al cap de ton camin

Plana de Betarà vaqui sant Afrodisi
Coma d’autres tuat al còr de la ciutat
A traversat la mar e lo temps e l’espàci
Per aprene a s’aimar al mond de deman

Tant de temps tant d’oras tant de jorns
E pasmens al cap de tant de plors
Tantas semenanças tantas flors …

Legir tot

Tant de temps tant d’oras tant de jorns
E pasmens al cap de tant de plors
Tantas semenanças tantas flors
Tant de fum dins las frasas dels grands
Tant de lum dins l’agach dels enfants
E tant d’esperanças per deman

Jòy l’auba vòl dire qu’es pas pus ièr
E la prima es filha de l’ivern
“Petit homme” sosca cada jorn
Que sensa rasiga ges de flor

Tant de nuòchs a esperar lo jorn
Tant de còps a gaitar son retorn
Tant d’espèra a veire sa color
Tant d’oblits al fons de nòstre còr
Tant de crits al nom de l’estrambòrd
E tant de silenci tant d’esfòrç

Se me siòi levat de matin s’ai corregut lèu sul camin
S ’ai desrevelhat lo vesin e se per lo …

Legir tot

Se me siòi levat de matin s’ai corregut lèu sul camin
S ’ai desrevelhat lo vesin e se per lo mond ai cantat
Es que tuam los pòrcs deman

S’ai fach amb la Marion un pas de dansa e un poton
S’ai apelat los paisans per dire de daissar sos camps
Es que tuam los pòrcs deman

S’ai fach la campana tindar s’ai fach lo tamborn redolar
Se disi que cal festejar se cal de vin a se’n negar
Es que tuam los pòrcs deman

S’ai vist la prima abans son temps e s’ai ausit cantar los vents
Se sabi mon pòble content se lo pòdi faire cantar
Es que tuam los pòrcs deman

Se pòdi faire mon amor tantas promessas aquèl jorn
Se te pòdi prène las mans se pòdi t’aimar per mila ans
Es que tuam los pòrcs deman