Siou en gros maleirous
escouta jouventura
Siou estat amourous
ai agù l’aventura
En journ a i Cougourdoun
ai gastà la …

Legir tot

Siou en gros maleirous
escouta jouventura
Siou estat amourous
ai agù l’aventura
En journ a i Cougourdoun
ai gastà la miou vida
Despei de l’abandoun
de la miou Margarida

En calant de Cimiez
souta de na figuiera
Ai rescountrà Nouré
embé la miou calinhera
Acò es lou destin
que lou boun Diou men douna
Ai pia lou fusiou
e tuà la pichouna

E despei d’aqueou journ
pensi a l’infidela
En regretant toujour
la siou fin tan crudela
En un prà de Cimiez
vaou pourtà la miou pena
En plouran lou malur
que lou destin nous mena.

Es pas tard
son encar eicì
nòsti chamin d’un viatge
l’erba, i roieras
per lo boscatge
i champs a l’adrech …

Legir tot

Es pas tard
son encar eicì
nòsti chamin d’un viatge
l’erba, i roieras
per lo boscatge
i champs a l’adrech
e i muralhets cuberts
dal bracabòsc

Es pas tard
aura e silenci
a l’ora di colinas
Solelh s’i peiras
s’i roinas
d’aquò n’a pron
per chamina al fons
del’àpres- mesjorn

Venarè lo pitac vert
nos portarè bonhur
balant l’ "asus-ain"
’mbo lo jai lor anaunrèn sercar
aval dins la bosquina
i chants qu’avem perdut
e lo pastre d’escorbasses
encuei venaré pas
per semenar tempesta
si nòsti sons
nòsti colors
no, l’es pas encar tard
sem i rei del jorn

Salharen
de melodias amagàas
da tuchi i caire
passa-carriera di sonaires
banda del bòsc
desfilarè en volant
una procession
Ranpelada
sus lo resson
de pinfre e gargamascha
per un’aubada
d’imor e ruscha
s’amusaren
a-n-aquel son
i vielhs sants di pilons.

Es pas un raive
Aquò es lo dòl
Dòl di ganhats
La preisonia
A pas de cima
Pas de som …

Legir tot

Es pas un raive
Aquò es lo dòl
Dòl di ganhats
La preisonia
A pas de cima
Pas de som
Pas de caon
Aquesta via

Mut, aigassier
Lo viatge lent
Per guèrra vent
E trèvas
A pas de glòria
Dins lo còr
Damnat de la deriva

Es pas lo Ròse
Aquò es la mar
I òmes e i recòrds
Aquì se perden

Veiarei pus
Lo miu paìs
Las gents i prats
Lo blat e i arbols

Penso al vilatge
Abandonat
Ploro la remembrança

Penso a ma tèrra
Escagassaa
Dal pè del rei
De França

Es pas un raive
Creba en jurant
L’òme rebèl
Al còr de la deriva

Rem, cadena
Rem, cadena
rem
I nòstres jorns s’envan
Fins quora
Lusarè
L’estela nièra
Di galerians

Ièu soi un paure conscrit
De l’an mila ueit cent detz
Cal daissar lo Lengadòc...
Per se’n anar a la …

Legir tot

Ièu soi un paure conscrit
De l’an mila ueit cent detz
Cal daissar lo Lengadòc...
Per se’n anar a la mòrt.

Luènh d’aici, i a un país
De nèu blanca, de cèu gris
Nos i cal anar morir
Per l’emperaire, per son filh.

Lo rector e lo regent
Nos an parlat plan longtemps
Partissetz fòrça contents
Saretz sus lo monoment

Adieu paire, adieu maire
Adieu sòrre, ièu me’n vau
Cal daissar lo Lengadoc
Per se’n anar a la mòrt.

I corsaris
son pronts a batalhar
per Sant-Joan
son calats ’mbo l’Ape car
tant qu’avarèm chantat
e chantarèm pas gaire …

Legir tot

I corsaris
son pronts a batalhar
per Sant-Joan
son calats ’mbo l’Ape car
tant qu’avarèm chantat
e chantarèm pas gaire
bèla de mai
pòrta nos da beure
tant qu’avarèm chantat
e chantarèm pas gaire
bèla de mai bessai chantarèm mai

Lo terrible
E tuchi i siei enrabiats
Fan pas fèsta
Se volèn pas sabraas
Fins qu’avarèm balat...

Son tornats
A maison e ben ranjats
I corsaris
Pists, nis e nas troçat
Tant qu’avarèm pagat...

Buòus, cavals
Reclame sus lo vèrd de l’erba
Rotge arcana
Pèira sal
Montanha
Fito van
I colors vers la sera …

Legir tot

Buòus, cavals
Reclame sus lo vèrd de l’erba
Rotge arcana
Pèira sal
Montanha
Fito van
I colors vers la sera
Lo sang e l’òr
Colors de la bandiera
I virasolelhs
Penchenats da la pluèia
An baissat lo cap
Beiquen tuchi
La tèrra
E pas l’orizont
Son coma soldats
Qu’an perdut la guèrra

E alora fòrça coratge
Chasqu’un a n’aquò siu
Sensa beicar- se
Dins i uèlhs
Sensa paraula
Fòrça corate
Que qui se rend
Ven vielh
E viva l’armada
Di virasolelhs

Filhs d’una quimèra
Malauta de prima
Ora son de vielhs
Garçons desesperats
Partits e desmentiats
Dal temps dal paìs
Capables de perdre
Bèla sensa nemìs

I conten lor glòria
A un vent qu’escòuta pas
De solestrelhs aviscs
De pòrts estremats
Espers desèrtas
Resistir, renegar
Fraire lo còr me ganha
Tira anant que chal anar

I generals
Fadans de la campanha
Mòstren las medalhas
Se miralhen a las bealeras
Corren e guiden
E risent a la batalha
L’aura perdua
D’una chorma d’ombra e palha
I virasolelhs
Penchenats da la pluèia
An baissat lo cap
Beiquen tuchi la tèrra
E pas l’orizont
Son coma soldats d’una armada
Qu’an perdut la guèrra.

Ai jo fach balà Guitin
e pa ’nca Madleno
e Guitin i balo ben
e Madleno es bono a ren …

Legir tot

Ai jo fach balà Guitin
e pa ’nca Madleno
e Guitin i balo ben
e Madleno es bono a ren

Jan d’ l’Eiretto e soun viouloun
W Jan d’ l’Eiretto
Jan d’ l’Eiretto e soun viouloun
fan balà tuchi i couioun (marsoun ental bis)

Vos pòrto jovinessa
la jòia, la vuelha de amar
dins la vila de Niça
me sònen Jan del car

Quora …

Legir tot

Vos pòrto jovinessa
la jòia, la vuelha de amar
dins la vila de Niça
me sònen Jan del car

Quora lo ciel s’escuris
ahò una pinhàa de "miss"
sus mon forgon
ia l’amor qu’avetz besonh.

Da l’Ariana fins al pòrt
qu’escurela son tresòr
ia Jan del car
semenaire de granas d’or

La nuech fau sentinela
contròlo mon jardin semenat
fau la garda a libelas
fau corre i escorbasses

Se voletz far-ie una man
Jan vos buta pus l’afàn
cada garçon
fai pas mai que dos-cent francs

Mas se sietz eicì per ren
escotatz, i miei felens,
la bona nuech
que mon sabre dona ben

Jan Jan Jan pren sa faousìo
e a l’erbo ’l es anà
rin choun choun e troula là là

’l …

Legir tot

Jan Jan Jan pren sa faousìo
e a l’erbo ’l es anà
rin choun choun e troula là là

’l ero d’acordi eme sa fremo
que i pourtavo lou dinà
rin choun choun e troula là là

Quan es aribà l’ouro
lou dinà aribavo pa
rin choun choun e troula là là

Jan Jan Jan pren sa faousìo
e a l’oustaou es retournà
rin choun choun e troula là là

Trobo la porto serà
e sa pa d’entoun intrà
rin choun choun e troula là là

Dal pertuis dla chatouniero
beico d’entoun ’l es intrà
rin choun choun e troula là là

Trobo sa fremo coujà
eme mousù lou curà
rin choun choun e troula là là

Beico sonque fan les fremes
couro i ome i soun pa
rin choun choun e troula là là

Vai ’ma lo vent
Caval bianc de Camarga
Ferma te pas
Nhanca a tirar lo fiat.

Vai que l’ora
Rebela …

Legir tot

Vai ’ma lo vent
Caval bianc de Camarga
Ferma te pas
Nhanca a tirar lo fiat.

Vai que l’ora
Rebela es arubàa, mon fraire
Anen fito
Jontar se ai camisards.

Flor de garriga
Aura de revòlta
Pron de vergonha
Anen, lo cap levat.

Sença mestre
Cadena, joc e pòur, mon fraire
Dins ton sabre
Es nòstra libertat

D’un cant a l’autre
Nòstra terra crema
Cada montanha
Estrema un escabòt.

D’òmes libres
Senhors de lor destin, mon fraire
Camisards
Sèm mestres del chamin.

Joan Cavalier
Comanda la bregada
Lo rei de França
Comença a tramolar.
Joan Cavalier
Comanda la bregada
Contr i borrels
Nos anarem ganhar.

Qui renoncia
A batalhar pr’aquò que àma
Se costuma
E una aquò que a
Qui renoncia
A batalhar pr’aquò que àma
Al se rend e perd sa dinhitat.

Ara s’envisquen li lumieras,
scrasàas dal cèl, aval a l’orizont
pian pian veu despareiser Iera,
devino encar lo pòrt de …

Legir tot

Ara s’envisquen li lumieras,
scrasàas dal cèl, aval a l’orizont
pian pian veu despareiser Iera,
devino encar lo pòrt de Tolon
La libertat es l’aire sul morre,
aquesta mar es tot çò que ai
l’aire e la tela, vòli dire,
sies estat abituda, vida e pantalh
Mòri per estre çò que eri,
ma vida val la mia finicion,
e dins lo cul aquel Emperi,
tuchi i Engles e Napoleon
Fraire de la mar, fraire de la còsta,
l’aiga nos pòrta al nòste destin
la libertat es l’aire e la vela,
la libertat, l’onda e lo dalfin.

I a pas gaire que engrava
De la mia mòrt a mon pais
Era l’ora qu’al anava
Marria raça, brut …

Legir tot

I a pas gaire que engrava
De la mia mòrt a mon pais
Era l’ora qu’al anava
Marria raça, brut merdos

Degun piorarè,
ni i engravarè
un autre gròs bastard
fòra d’i peds
ai fach pron de dan,
força de cristians disarèn
"Valà, rendut lo pan"

E i juaires de la belòta
trobarén enca’ un aute
quart, un se leva, l’aute se seta
E lo juòc pòl contunhar

Qui do-catre amics se butarén mai nis
força de "cin-cin" ’bo lo pastis
coma tuchi i bòt fin a dui tres bòt
tan que l’òste smèon aquel vinòt

Biei ricòrd sas cò que m’esta
la piqueta de tuchi i jorns
i nòstas reunions a l’òste
i taròcs, vin e liquors

D’aquels "rendez-vous"
n’avio pas enca’ prou
que endarmatge mancarei
mac iu
istario enca’ un pauc mas
me vòl lo diau
me vòl al siu òste chal que vau

La dançarem pus, la borrea d’Auvernha
la dançarem pus, los violons son romputs (bis)
Los farem adobar ambé de paresina, …

Legir tot

La dançarem pus, la borrea d’Auvernha
la dançarem pus, los violons son romputs (bis)
Los farem adobar ambé de paresina,
los farem adobar, puei tornarem dançar (bis)

La dançarem pus, la borrea d’Auvernha
la dançarem pus, avem d’autes passions
La dançarem pus, la borrea d’Auvernha
avem pas pus vuelha de balar rigaudons
Ma que bela causa, d’estar tuchi i seras
a beicar a casa la television.
Ma que bela causa, d’estre tuchi i seras
da solets a casa, que sodisfacion!

Rigodon fasarei
Per i fraires sonaires
Chantaires
Dançaires
Musicaires bolegaires
Dedicat sobretot
a-n-aquelhs de l’autre cant
l’autre cant de la …

Legir tot

Rigodon fasarei
Per i fraires sonaires
Chantaires
Dançaires
Musicaires bolegaires
Dedicat sobretot
a-n-aquelhs de l’autre cant
l’autre cant de la montanha
de la tèrra d’Occitania
Rigodon chantarei
Per dir a tuchi planta
Qu’avem dins nòstras mans
Un tresòr vielh e grand
Un tresòr reiral plen de vita e d’energia
Mas i tresòrs se gasten
Abò la conaria

A l’enterrament del "trad"
òc ben i anarèm tuchi
e menarèm nòstres enfants
e disarèm adiu
lo triste carnaval
puèi fumarèm la pipa
e chantarèm en occitan

avem una musica
naissua de la tèrra
coma i bolets
es mielh
la pluelha e lo solelh
i an donat
de fòrça e de chalor
i an donat de lume
de forma e de color

avem una musica
naissua del bancon
coma i pintons
es mielh
arruben joves e vielhs
fan fèsta tuchi ensemp
coma ier coma deman
fòls e savis
bruts e bèls

e fasem pas una demora
sença gaubi luòc e temps
de quarcòsa que deu viure
fòrt al còr de nòstra gent
musica populara
es pas ma que una locucion
un jòc de societat
una chaça ai parpalhons
e pro de manieristas
tradicionalistes
la secta charuflaa
cerebral-purista
valets da ministèri
cortesans des sovencions
paraulas
dossiers
taxidermia
viviseccion

monina amansida
brava bòuja lesta
i dets
que maman pica las mans
e te fai dançar las gents
còta a flors e sorisets
maire di fòlks sies sempre plena
repausa-te un pauc
que serè pas lo diaul