La pendula de l'ostal
Un e dus e quatre, cinc
La pendula de l'ostal
Torna, vira e repapia
E l'agulha …

Legir tot

La pendula de l'ostal
Un e dus e quatre, cinc
La pendula de l'ostal
Torna, vira e repapia
E l'agulha passa, passa
Vira, vira e torna

La pendula de l'ostal
Un e dus e quatre, cinc
La pendula de l'ostal
Fasiá enveja al vesin
Vira valsa, torna musica
Vira longtemps
Torna valsa, vira musica
Torna ton temps

La pendula de l'ostal
Un e dus e quatre, cinc
Se demòra a l'ostal
Ieu èi feit mon camin
Vira tot òme
Adiu pendula
Vira tot òme
E contunha la dança.

Consciènça pasteurisada
De supermercat
De vida en ròsa siás mercant
La tirèta-caissa al còr
Parlas coma una banca
As una …

Legir tot

Consciènça pasteurisada
De supermercat
De vida en ròsa siás mercant
La tirèta-caissa al còr
Parlas coma una banca
As una amna frigidari

Jògas a l'american
Vedèta del drugstore
Te getan aprèp usatge
Fas de cançons kleenex
Parlas de bonastre
Enganaire public

Contunha ton cinèma
Pel moment fas d'argent
Mes un jorn t'arrestaràs
D'autres an talent
Aviam feit la fèsta
Ara tot es finit !

"Tornarai pas jamai tan fòrt
Coma siái estat"
Disiá lo vièlh sul pas de l'òrt
Los uèlhs baissats
"Tornarem pas …

Legir tot

"Tornarai pas jamai tan fòrt
Coma siái estat"
Disiá lo vièlh sul pas de l'òrt
Los uèlhs baissats
"Tornarem pas far la dalhada
Coma autres còps
Ni mai anuèch a la velhada
Batar d'esclòps...

Lo temps s'atruma
Farà pas bèl
Las agassas an begut lo solelh !

Que venga l'ivèrn o l'estiu
Res cambia pas
De viure ací èra agradiu
Al temps passat...
Dison que tornamai deman
Dins lo vilatge
De joves vendràn far de pan
E de formatge...

Podètz venir fargar lo temps
La vida es dura
E vos caldrà passar sovent
De grais d'endura...
Joves, cal pas vos en saber mal
Se parli pas
Es que la lenga de l'ostal
La sabètz pas...

M'en vau anar tot doçament
Plegar la taula
Far la vaissèla, bèlament
De las paraulas...
Me caldrà netejar l'ostal
Barrar las pòrtas
Lo temps a getat son tremalh
D'annadas mòrtas..."

Marinièr, marinièr
Dona-me ton coratge
Marinièr marinièr
Per seguir le camin
Per afrontar l’auratge
Marinièr marinièr
Dona-me la paciénça
De …

Legir tot

Marinièr, marinièr
Dona-me ton coratge
Marinièr marinièr
Per seguir le camin
Per afrontar l’auratge
Marinièr marinièr
Dona-me la paciénça
De ta vida
Marinièr marinièr
E dona-me la fòrça
de las aigas
Marinièr marinièr

Marinièr lo solelh
Acompanha ton viatge
Marinièr marinièr
A la luna la nuèit
Parlas dins son lengatge
Marinièr marinièr
Ieu sauré lo secret
De la estèlas
Marinièr marinièr
Quand siré sul batèu
De l’aventura
Marinièr marinièr

Marinièr es lo vent
Que me buta encara
Marinièr marinièr
Que me crida : « Vai-t-en
La musica t’espèra ! »
Marinièr marinièr
Que me crida : « Camina
Cap al jorn,
Marinièr marinièr
Totjorn cap a la linha
De l’orisont ! »
Marinièr marinièr

Marinièr plan sovent
Serem dins las tempèstas
Marinièr marinièr
Me sauré fer valent
Oblidar la sofrença
Marinièr marinièr
Cerqui pas la fortuna
Ni la glòria
Marinièr marinièr
Sirà pas de moneda
Mon tresòr
Marinièr marinièr

Coma l'estrangièr
Que va sul camin
Coma l'estrangièr
Monsuròt
Que va sul camin

Ieu m'en anirèi
Seguirèi mos fraires
Ieu …

Legir tot

Coma l'estrangièr
Que va sul camin
Coma l'estrangièr
Monsuròt
Que va sul camin

Ieu m'en anirèi
Seguirèi mos fraires
Ieu m'en anirèi
Monsuròt
Seguirèi mos fraires

E poirètz cridar
Sonar les gendarmes
E poirètz cridar
Monsuròt
Sonar les gendarmes

Digus cambiarà
L'anar de mon pas
Digus cambiarà
Monsuròt
L'anar de mon pas

Daissi la maquina
La farètz virar
Daissi la maquina
Monsuròt
La farètz virar

Les de la montanha
Les del païs bas
Les de la montanha
Monsuròt
Les del païs bas

Van a la conquista
De la libertat
Van a la conquista
Monsuròt
De la libertat

Se repausaràn
Quand auràn ganhat
Se repausaràn
Monsuròt
Quand auràn ganhat

Serà dins un segle
Serà l'an que ven
Serà dins un segle
Monsuròt
Serà l'an que ven.

Se plora qui sembla rire,
Montpelhièr, te vòli dire :
De vergonha n'avèm pro !
Cadun ta cremar son ciri …

Legir tot

Se plora qui sembla rire,
Montpelhièr, te vòli dire :
De vergonha n'avèm pro !
Cadun ta cremar son ciri
Per un rèi de flor de liri...
Nos cal passar jos un jo,

"Sus la mar e sus la tèrra",
Arc de triomfe de guèrra :
Quand davalam del Peiron.
E nos pren pas la colèra !
Cantariam lo vira-lèra
Coma los pòrcs al parçon ?

Mancariá lo polverièra
Per far sautar la peirièra ?
Trièm-nos de nòstre gro !
Ara cal levar la tèsta :
Es la fèsta, la batèsta ;
De vergonha n'avèm pro !

La tèrra ont som nascut
Per filha t'auriá presa
Çai auriás tot comprés
Los signes, las cançons
Nos demòra pas …

Legir tot

La tèrra ont som nascut
Per filha t'auriá presa
Çai auriás tot comprés
Los signes, las cançons
Nos demòra pas res
Qu'un perfum d'amaresa

Los estius an fugit
Dins lo riu del cèl clar
Nòstras flors son passidas
Coma las d'i a mila ans
Vivon la sembla-vida
De causas d'autres temps

Cercarèi un camin
Dins un païs secrèt
Que mene a travèrs temps
Dralhòl de ma memòria
Al fons d'aquela bòria
Ont nòstre amor nasquèt...

Dona-me encara un còp
Le fòc de tos uèlhs
Que recalfarà mon còs
Aviá tròp fret
Anirem sul vaissèl d’aur …

Legir tot

Dona-me encara un còp
Le fòc de tos uèlhs
Que recalfarà mon còs
Aviá tròp fret
Anirem sul vaissèl d’aur
De la mar d’amor
Nos trobar aquel tresaur
Qu’espèra totjorn
Navigarem tota la nuèit …

Dona-me encara un còp
Ta lenga de mel
Que comence aquel jòc
Sense cap lèi
E saurem coflar la vela
De nòstre voler
E saurem tocar la tèrra
De nòstre plaser
Navigarem tota la nuèit …

Que nos menen lo vent fòrt
E l’estèla del ser
Que nos menen luènh del pòrt
Totjorn més luenh
Serem savis, serem fòls
E qui sap ont es
L’isla nòstra d’aquel jòi
Le pais secret
Navigarem tota la nuèit …

L'estudiant que nos semblàvem
Mèstre d'escola es dins lo Nord
Una porta es totjorn doberta
Sus l'ermàs de ço qu'èra …

Legir tot

L'estudiant que nos semblàvem
Mèstre d'escola es dins lo Nord
Una porta es totjorn doberta
Sus l'ermàs de ço qu'èra l'ort.
El dessenha una granda aranha
Tal que nos l'an instruccionat,
Just al fons de la telaranha
Lo seu païs es envescat.
Quora vandràs a las vacanças
Sauprem pas pus de que parlar ;
Aiçi l'an de las tretze lunas,
Podèm viure sens prestar.

Al païs del solèlh a vendre
E del desèrt organizat,
La sèrp s'en anava a la vila
Dels furòls HLMizats.
La coa tirant del campèstre
Anelava espés dins lo borg,
Cap al portanèl del caumatge
La sèrp se conflava totjorn :
"Passaràs pas davant, colèga,
Qu'abans barran devi puntar..."
Aci l'an de las tretze lunas,
Podèm viure sens prestar.

"Petita Margarida
Quin marit volètz-vos ?
Volètz le filh d'un conte
O le filh d'un baron ?
- Non vòli …

Legir tot

"Petita Margarida
Quin marit volètz-vos ?
Volètz le filh d'un conte
O le filh d'un baron ?
- Non vòli pas de conte
Ni tanpauc de baron,
Vòli mon amic Pèire
Le qu'es dins la preson...

Petita Margarida
Pèire n'es pas per vos,
Pèire es jutjat a pendre
Deman al punt del jorn !
- Monsenh, si penjatz Pèire
Pejatz-nos a tots dos,
Nos faretz una tomba
Per nos botar tots dos...
Caperatz-me de ròsas
E mon amic de flors
Les qui van a Sant Jaume
Pregaràn Dius per nos..."

I aguèt l'estiu de sèi pas quora
Los sers banhats per l'estelum
Tos uèlhs èran plens de clarum
Lo vent …

Legir tot

I aguèt l'estiu de sèi pas quora
Los sers banhats per l'estelum
Tos uèlhs èran plens de clarum
Lo vent cantava e ara plora

Una font raja al fons de l'ombra
Lo temps quita pas de passar
T'en tornaràs sens adissiatz
De mos jorns sabi pas lo nombre

Lo diu que coneis nòstra istòria
Sap se lo ser lo còr me dòl
Daissarai gemir lo vent fòl
Que dalha a bèl talh ma memòria.

Sus ma tèrra i a una armada
Que s'es venguda installar
Las fedas an pas de plaça
Per i se …

Legir tot

Sus ma tèrra i a una armada
Que s'es venguda installar
Las fedas an pas de plaça
Per i se poder acampar

Balha-me la man cosina
Balha-me la man
Aquèla armada cosina
La farem dançar
Aquel monde vièlh cosina
Lo farem sautar

Dins mon òrt i a la centrala
Que s'es venguda quilhar
L'èrba crèba e los dròlles
I pòdon pas mai jogar

Balha-me la man...

Dins mon ostal la poliça
Es venguda per furgar
Ieu demòri sus la pòrta
Lo meu ostal deu barrar

Balha-me la man...

Dins un lençòl de messorgas
Lo païs d'òc es enterrat
L'ombra de Paris s'alonja
Sul païs abandonat

Balha-me la man cosina
Balha-me la man
Aquela capitala cosina
La farem dançar
Aquel monde vièlh cosina
Lo farem sautar
Balha-me la man cosina
Balha-me la man
Aquela Occitania cosina
Acabarem per la far...

Lo calabrun es bartassièr
La lutz es mòrta
Ajas peitat de l'estrangièr
Dabans ta pòrta...

Lo caminaire se fai vièlh …

Legir tot

Lo calabrun es bartassièr
La lutz es mòrta
Ajas peitat de l'estrangièr
Dabans ta pòrta...

Lo caminaire se fai vièlh
E gareleja...
A de lagremas dins los uèlhs
Mai que de pluèja...

Tot vergonhós, coma se diu,
Plegant lo rable,
Te prèga per l'amor de Diu,
Dels sants, del diable...

Al nom de l'ase e del Mainat
A la borrassa
Paure Josèp, sus son palhat,
Demanda plaça...

Dins lo palais de tos vint ans
Qu'i sès portièra
Planhís l'Ulissa rajolant
E plen de nièras...

Un gòt de vin, un tròç de pan,
De mots a dire...
Alisa-lo dambe ta man
E ton sorire...

Li tornaràs abril e mai
Fins en decembre...
E vedrà jove que jamai
Dins cada membre...

Lo calabrun es bartassièr.
La lutz es mòrta.
Ajas pietat de l'estrangièr
Dabans ta pòrta.

Tantes crits
Tantes bruts
Tantes mòrts
E caiguts
Perqué aquò ?
Perqué atal ?

Som un negre
som un òme …

Legir tot

Tantes crits
Tantes bruts
Tantes mòrts
E caiguts
Perqué aquò ?
Perqué atal ?

Som un negre
som un òme
som un negre
som musica
e mon còs es un tam-tam
de la selva
e mon còs es un tam-tam
còrcrebat
e mon còs es un tam-tam
de la selva
e mon còs es un tam-tam
subreviurai !

Som un jaune
som un òme
som un jaune
som ausèl
e vòli anar naut
dins lo cèl
e volarèi solet
subreviurai !

Som un indian
som un òme
som un indian
som solèlh
e me véson correr nud
dins Manhattan
m’ajuden mos aujòls
subreviurai !

Som un blanc
som josieu
som arab
som carac
los bastards sèm de milions
ajudèm- nos !
Los bastards sèm de milions
subreviurem !

Pro de renoncias
E pro de mediocritats
Pro d'evidéncias
E pro de facilitats

Le còs es pas una gàbia
Que …

Legir tot

Pro de renoncias
E pro de mediocritats
Pro d'evidéncias
E pro de facilitats

Le còs es pas una gàbia
Que la morala n'es la clau
E l'evidéncia fa sovent
Las cadenas de l'esclau

Cal pausar lenha al fòc
Clafar le còr d'aquel fogal
Te vòli femna flama jòc
E non pas maire a l'ostal

Pro d'ipocrisias
E pro de falsetats
Pro, pro de crentas
E pro de propietas

L'amor es de cada planèta
Sens cap d'exclusivitat
Vida de vila novèla
Grèlha-nos dins le cap...