T’en vas de ton vilatge, dins la doçor del ser,
Incèrt serà lo viatge, lo claufisses d’espèr.
Son un fum …

Legir tot

T’en vas de ton vilatge, dins la doçor del ser,
Incèrt serà lo viatge, lo claufisses d’espèr.
Son un fum sulla plaça, sas alas dins lo cap,
Non, carges pas ta saca, te van pas esperar.
Adieu t’en vas adieu.

Lo solelh s’enauçava veniá lo punt del jorn
Aquí s’es desliurada, te diguet son amor.
Ton còr ambe la bruna irà cap al tombèl,
Pas mens, aucèl de luna, seguiràs lo tropèl.
Adieu t’en vas adieu.

Fugiguères la terra que manja e que noirís
T’engulirà sens pena quora caldrà morir.
Dins lo lum de la luna alara poiràs trapar
Lo camin de ta bruna, cap a l’etèrnitat.
Adieu t’en vas adieu.

Al pont de Mirabel, Catarina lavava.
Li lavava tant tard, la luna l’esclairava.

Venguèron a passar, tres cavalièrs d’armada.
Lo …

Legir tot

Al pont de Mirabel, Catarina lavava.
Li lavava tant tard, la luna l’esclairava.

Venguèron a passar, tres cavalièrs d’armada.
Lo primièr li diguèt "Ne sètz pas maridada ?"

Lo segond li donèt una polida bagua.
Mas la bagua del det tombèt al fons de l’aiga.

Lo tresième sautèt, faguèt la cabussada.
Mas tornèt pas montar, non trobèt pas la baga.

Al pont de Mirabel, Catarina plorava.

Anem, anem totas filhetas (bis)
Un garçon vos cal trapar, segur, segur,
D’amor vos esblegirà tota la vida.

Que siasque …

Legir tot

Anem, anem totas filhetas (bis)
Un garçon vos cal trapar, segur, segur,
D’amor vos esblegirà tota la vida.

Que siasque doctor o poëta (bis)
N’i a un per vos tot fargat, segur, segur,
Vos espera per traucar la nueit de lum.

Lo tresluc demorarà dins lo còr de ma bruna.
Dins son còr qu’aimi tant, la nuèit a un galant,
Me …

Legir tot

Lo tresluc demorarà dins lo còr de ma bruna.
Dins son còr qu’aimi tant, la nuèit a un galant,
Me sembla que me dona d’aire.

Quand sos uèlhs se tancaràn, vendrà l’escuresina.
Son còr qu’aimavi tant n’aurà plus de galant,
Ne serai pas mai que son ombra.

Vèni, ausirem ; anuèit, la cançon del silenci,
La cançon que comença,
Quand s’escantís, la nuèit, lo cant del rossinhòl …

Legir tot

Vèni, ausirem ; anuèit, la cançon del silenci,
La cançon que comença,
Quand s’escantís, la nuèit, lo cant del rossinhòl ;
La cançon que s’ausís al doç cresc de l’erbeta,
La cançon de l’aigueta
Que se pausa un moment al rebat d’un ramèl ;
La cançon de la branca
Que fernís e que dança
Desliurada del pes amorós d’un ausèl ;
La secrèta cançon breçant l’ombra blavenca
Del liri còrfondut de promessa maienca
Qu’espèra, per florir, un signe de l’azur.

I : INSOMNÍA

La nacre del matin lo ser li a raubada (bis)
La nuèit que n’es venguda a ben …

Legir tot

I : INSOMNÍA

La nacre del matin lo ser li a raubada (bis)
La nuèit que n’es venguda a ben des uèlhs de gat
La nuèit que n’es venguda m’emplirà lo meu cap.

Ratapenada aicí, ratapenada ailà (bis)
Tu que veses pas res la nuèit es dins tos braces
Tu que n’en veses res la nuèit t’embarcarà.

Lo gal que cantarà son còl li torcerai (bis)
Ne vòli pas entendre lo jorn que n’es tornat
Ne vòli pas saber vòli que doblidar.

II : EROTIC FANTASY

Es pas Lapin que ieu regreti es la zinzonha del Lapin (bis)
Quand Lapin tornarà la zinzonha la zinzonha
Quand Lapin tornarà la zinzonha tornarà.

Es pas Frances que ieu regreti es la rassega del Frances (bis)
Quand Frances tornarà la rassega la rassega
Quand Frances tornarà la rassega tornarà.

Es pas Laurenç que ieu regreti es la tustada del Laurenç (bis)
Quand Laurenç tornarà la tustada la tustada
Quand Laurenç tornarà la tustada tornarà.

III : MONINA GARGADA

Ensaja-o de cantar ambe la vesina
Tu me diras se lo cap te vira vira vira.
Te cal tastar de …

Legir tot

Ensaja-o de cantar ambe la vesina
Tu me diras se lo cap te vira vira vira.
Te cal tastar de cantar ambe Rita
Riga raga riga poiràs pas pus t’arestar.

Canta a plen de cap amont o cap al pè del luòc.
Canta a la buta buta ta votz de tira buta.
Canta a plen de cap amont o cap al pè del luòc.
Cant de cèrç o de fuòc o d’aucèl èime de ròc.

Josèp paure fidèl, lo jorn s’arestarà
E cresi qu’aquela ora, la nuèit demorarà.
E dins l’estable negra la femna qu’a …

Legir tot

Josèp paure fidèl, lo jorn s’arestarà
E cresi qu’aquela ora, la nuèit demorarà.
E dins l’estable negra la femna qu’a pas tocat
Va mestra aquí al mond l’enfant que voliás pas.
Mas aquel que va venir es pas dieu mas un òme
E va viure aicí per far somiar lo mond per far somiar lo mond.

Dessus un pauc de palha, l’enfant es aribat.
La femna que lo portava se podiá pas levar.
Quand sonava lo paire cridava Gabrièl !
Aquel d’aquela afaire ne dubrís pas un uèlh.
L’enfant que n’es nascut es pas dieu mas un òme
E n’es vengut aicí per far soscar lo mond per far soscar lo mond.

Josèp paure fidèl, es tu qu’as tot perdut,
Lo biau, l’ase, la feda, tot çò qu’aviá cregut.
Quand l’enfant a marchat, sa maire s’es levada
Per pas a pas seguir son ombra sul camin.
Mas aquel sus lo camin es pas dieu mas un òme
Marcha solet aicí per far correr lo mond per far correr lo mond.

Aval al fons de l’aiga, la luna s’es negada.
Sus la riba del riu, somiava una filha.

Pausa aquí sa …

Legir tot

Aval al fons de l’aiga, la luna s’es negada.
Sus la riba del riu, somiava una filha.

Pausa aquí sa raubeta, son cotilhon secret.
De son cabuç sortís, una baga d’aur fin.

Aval al fons de l’aiga, la luna es sauvada.
Tant i a que de la filha, demòra que son vestit.

La nuèit s’es aturada davant ta pòrta
Per te demandar de dintrar,
Per s’assetar davant tos uèlhs
Tos uèlhs ò …

Legir tot

La nuèit s’es aturada davant ta pòrta
Per te demandar de dintrar,
Per s’assetar davant tos uèlhs
Tos uèlhs ò ! que l’agachan,
E s’endurmir dedins tos braces,
Dedins tos braces s’endurmir,
Que dins tos uèlhs li a la nuèit.

Defuòra li a una man davant la luna
Per la faire venir aquí,
Per que nos pòrta un pauc de lum
Pausat davant la pòrta,
E la manjar ambe las mans,
Ambe las mans la manjar
Per que la nuèit demòre pas.

Avem los uèlhs duberts
E pr’aquò vesem pas
E quant barram los uèlhs, avem tròp paur del negre.
Pr’aquò, dels …

Legir tot

Avem los uèlhs duberts
E pr’aquò vesem pas
E quant barram los uèlhs, avem tròp paur del negre.
Pr’aquò, dels còps,
Sufís d’un fial d’aranha que pana lo solelh
Sufís d’una lecada de vent sulla fuèlha de cerèis
Sufís de far plaça al silenci, d’amistosar la solesa.

Te gaita passar la filha quand a l’age d’enfantar
Buta lo desir de luna, ton ventre voldriá plan.
Espepissas desirosa, …

Legir tot

Te gaita passar la filha quand a l’age d’enfantar
Buta lo desir de luna, ton ventre voldriá plan.
Espepissas desirosa, tenent ton ventre pesuc,
Carejat dins sa cariòla, lo caganís plan nascut.
Cabecejaire capeja lo caganís envejós
Del mainatge a bicicleta rodelat e fisançós.
Remoline lo mainatge lèu lèu lèu rejonharà
Lo grandet a mobileta que fugís que fugirà.
E fugís que fugiràs lèu, l’enfant dedins que sès pas
Que t’empacha de despassar la moto d’aquel grandàs.
Lo grandàs embelinaire, rodalier, plan sedusent
A d’uèlhs pas que per la filha en jupa, prega lo vent.
Te gaita passar la filha quand a l’age d’enfantar.

L’astre de nuèit es aribat,
Lo jorn passat a tot donat. (bis)

Lo jorn passat a tot donat e s’es …

Legir tot

L’astre de nuèit es aribat,
Lo jorn passat a tot donat. (bis)

Lo jorn passat a tot donat e s’es colcat.
Lo jorn passat a tot donat deman tornarà.

La luna monta e va lusir,
S’en tornarà qu’es pas d’aicí. (bis)

Lo jorn passat...

Una cançon s’avança dins la nuèit,
Luna o solelh lo cèl n’a qu’un uèlh. (bis)

Lo jorn passat...

Non d’un gòi !
Me cal anar petar cada còp
Per anar cantar borrèia,
Amont naut, borrèia, veni d’aval.
Cap …

Legir tot

Non d’un gòi !
Me cal anar petar cada còp
Per anar cantar borrèia,
Amont naut, borrèia, veni d’aval.
Cap amont naut e passi lo còl
E rodèla, rodèla, rodèla
Païs bassòl e veni d’aval
E cal que cante coma cal.
Cap amont naut e passi lo còl
E rodèla, rodèla, rodèla
Agassac, Severac e l’Aubrac
Que soi pas arribat !

E ronlonla, la luna avança gaire
E ronlonla, la luna avança pas. (bis)
E ronlonla totjorn, sortirà pas dels aubres …

Legir tot

E ronlonla, la luna avança gaire
E ronlonla, la luna avança pas. (bis)
E ronlonla totjorn, sortirà pas dels aubres
E ronlonla totjorn, sortirà pas del bòsc.

E ronlonla...
Partirem pas d’aicí tan que la luna leva,
Partirem pas d’aicí davant deman matin

E ronlonla...
E i a totjorn qualqu’un que n’aima pas la luna
E i a totjorn qualqu’un que n’aima pas lo lum.

E ronlonla...
Quand la luna vendrà n’aurem un bocin d’esclaira
Quand la luna vendrà benlèu n’en tornarem.

- Pastorèl delai l’aiga, venetz en deçai
- Vos, passatz en delai que parlarem ensemble
E lo restant del jorn, …

Legir tot

- Pastorèl delai l’aiga, venetz en deçai
- Vos, passatz en delai que parlarem ensemble
E lo restant del jorn, bèla, farem l’amor.
- Cossí volètz qu’ieu passe ? Que n’ai pas de batèl
Que n’ai pas de batèl ni mai de pont d’arcada
Ni mai de pastorel que me siague fidèl.
- Ieu t’en serai la bèla, ieu t’en serai fidèl
Ieu t’en serai fidèl lo restant de la vida
Ieu t’en serai fidèl, bèla, fins al tombèl.

Sòm sòm, minon, minana
Sòm sòm vèni a l’enfant. (bis)

Mas lo sòm vòl pas venir
Minana so minon minana …

Legir tot

Sòm sòm, minon, minana
Sòm sòm vèni a l’enfant. (bis)

Mas lo sòm vòl pas venir
Minana so minon minana
Mas lo sòm vòl pas venir
Lo nòstre enfant vòl pas durmir.

Sòm sòm...

Passa sus la taula e sul banc
Minana so minon minana
Passa sus la taula e sul banc
Lo nòstre enfant vòl pas durmir.

Sòm sòm...
Passa pel bòsc e per lo prat
Minana so minon minana
Passa pel bòsc e per lo prat
Lo nòstre enfant s’es endurmit.