Ben i a longtemps, joenessa
Que non s'i a hèit cançons
Ben i a que gran tristessa
E gran desolacion …

Legir tot

Ben i a longtemps, joenessa
Que non s'i a hèit cançons
Ben i a que gran tristessa
E gran desolacion

Eth printemps qu'ei hòrt lègre
Jo non poish empechà'm
Maugrat ma grand tristessa
Jo tornerí cantar


Las flors e lors partèrras
Que's hèn espiar de près
Tanben las immortèlas
Vriuletas e vialèrs

Las tres que representan
Las quate de colors
Com hèn la joenas hilhas
Quand son dab lors amors


E vos autis, joenessa
Sustot los joens galans
Non maridetz encuera
Dinc'a l'atge de tente ans

Que quin joen se maride
Son beth temps qu'a jogat
Jo que entenut dise
Qu'aquò èra vertat.


Non i a vita au monde
Com la deus auserons
Cantan la matiada
Quauques èrs tant dos

Se'n van de branca en branca
Cantant lor èrs jolhos
Be diserén enténer
La votz dos anjolons.

Al nom del cèl, de la Luna e del Solèlh
Vos vòli dire lo meu martire
D'èsser enluernat
Dins mon …

Legir tot

Al nom del cèl, de la Luna e del Solèlh
Vos vòli dire lo meu martire
D'èsser enluernat
Dins mon còrs sanglassat
Vos fau l'insulta de vos aimar
Al nom del sang, de cada dieu pagan
Vau contra lo paratge, las lèis sens age
Porti lo dòl
De çò que me fa venir fòl
Vos fau l'insulta de vos aimar
Vos vòli aimar contra Dieu
Coma la mar aima lo riu
Coma la reina e lo paisan
Coma la Glèisa e lo pagan
Coma l'erege e lo crosat
Coma lo clergue e lo pecat
Coma lo sang e lo cotèl
Coma la tèrra e lo cèl
Coma lo paure e l'escut
Coma la mòrt e lo novèl nascut
Vos fau l'insulta de vos aimar
(Seguida de vèrbes)

Ieu vesi amont lo gau
Que canta sus lo tèume
Adiu patron Sigaud
Lo brande de Sant-Eume
Lo gau o …

Legir tot

Ieu vesi amont lo gau
Que canta sus lo tèume
Adiu patron Sigaud
Lo brande de Sant-Eume
Lo gau o non lo gau
Fasien coma si l'èra
Lanlira lanlèra
E vòga la galèra

Ieu ausi lo trinhon
De Santa Reparada
De Naple en Avinhon
N'avèm qu'una estirada
Trinhon o trinhon...

Ieu ausi lo siblèt
Del mèstre d'equipage
Adiu lo risolet
Dau filhas dau rivage
Siblèt o non siblèt...

Ieu vesi un gran portau
Que cuèrb tota la rota
Marsilha e sis ostaus
Li passarien dessota
Portau o non portau...

Ieu vesi au mirrador
Roson tota esmoguda
Qu'ambe son mocador
Nos fai la benvenguda
S'ei pas un mocador...

Lo perseguièr de per l’òrt es tot sang.
Vèni mon amor, vèni.
Anarèm asorar las fonts secrètas de
Nòstras sòrre …

Legir tot

Lo perseguièr de per l’òrt es tot sang.
Vèni mon amor, vèni.
Anarèm asorar las fonts secrètas de
Nòstras sòrre la luna.
La pòrta de darrèr del meu ostal fugís
Las demòrras estadissas.
Escota!
Nos crida lo bon del puèch, la nuèch,
Quand nòstras ombras s’espandisson
A flors d’estolhas
E que l’ancia nos pren
De daissar nòstres anars resclauses,
De nos donar la man
E de caminar de bon.
Aquò rai, deguns nos insolentarà pas.
Es l’ora requista per calinhar
Las aradas e amistosar las combas
E las levadas.
Los clopets son ennaigats de lum
Doça.
Los passàm coma una tièra de
Mars aimadas amb gauj e gratituda.
Los genièbres aparelhan la tèrra
E lo cèl. Le ciel.
Coneissèm que nos brandisson
De las paurs embaradas
Dins nòstres còrs.
Òc, nòstre sòrre la luna
Nos benastruga e nos ris.
Velharèm aquel paure país
D’amagàtz la nuèch, sols e fisèls.
Mas devèm poder far mai segur
Per ela coma per nautres.
Nos caldrà ben finir per caminar
De jorn, dreches e a bels uèlhs vesents.

Dins una cort plena de fems
Un dròlle cargava lo carri

Me soveni d'aquel ostal
Tot fendasclat de fons a …

Legir tot

Dins una cort plena de fems
Un dròlle cargava lo carri

Me soveni d'aquel ostal
Tot fendasclat de fons a cima
Entre lo potz e la fenhal
Oras pudentas de la trima

Una femna negra, pelharda
Emplenhá qualque pairolet
Una truèssa magre, pocharda
De longa fasiá pissolet.

Las vacas fintavan la mèrda
Se sovenhan de l'Aubrac
Del país ont i aviá tant d’èrba
E ont se fasiá pas de blat

Clamor de l'Auta dins las planas
Espandiment dels castanhèrs
Per qual sonavan las campanas
Per qual se quilhan los cloquièrs

Dins una cort plena de fems
Un dròlle cargava lo carri...

I a pro de gens que van en romavatge
I a pro de gens que van a Bethleem
Ieu, vòli …

Legir tot

I a pro de gens que van en romavatge
I a pro de gens que van a Bethleem
Ieu, vòli i anar se tròbi pro coratge
Ieu, vòli i anar se pòdi caminar

R: La camba me fa mal, bota sèla, bota sèla
La camba me fa mal, bota sèla mon caval.

Totes los pastors an vist aquela estèla
Totes los pastors an vist un angelon
S’en son anats sens esperar l’aubada
S’en son anats sens se retornar.

E quand son arrivats al prèp d’aquel mainatge
E quand son arrivats se son aginolhats
Se son aginolhats al mièj d’aquela grèpia
Se son aginolhats ambe umilitat.

E quand s’en son tornats totes dins lors vilatges
E quand s’en son tornats s’en son mes a cantar
S’en son mes a cantar pel fil del Dieu mainatge
S’en son mes a cantar: lo sauvador es nat.

Pregar dins la patz
Per tener lo daplon
Crèire encara quand ailàs!
Lo Mal, se’n ditz pas lo nom.

Pregar …

Legir tot

Pregar dins la patz
Per tener lo daplon
Crèire encara quand ailàs!
Lo Mal, se’n ditz pas lo nom.

Pregar per una crotz
Quilhada sul tombèl
E aver dins la votz
Milas plagas e cotèls.

Ai doblidat la glòria
Del nòstre Senher Dieu
Quand del castèl a la bòrria
Lo sang raja cap al riu.

Ni mai per lo que crèva,
Ni mai per lo que viu
L’onor de lo que se lèva
E que farà çò que diu.

Non-Lèi…
Ara soi liure…

E lo cridal de la maire
Que plora sul sèu sang
Quand la tomba facha pel paire
S’emplena d’un enfant

Tròp canin pel Nòstre Senher
Plan tròp frej per l’ifern
Ta libertat, te la cal prendre
Per la pluma o per lo fer.

Santa Vièrja Maria,
Vos que sètz al Cèl
Donatz-me dins la mia vida
Lo temps de venir vièlh
Que ma …

Legir tot

Santa Vièrja Maria,
Vos que sètz al Cèl
Donatz-me dins la mia vida
Lo temps de venir vièlh
Que ma filha tant polida
Trape qualqu'un de plan
E qu'age dins sa vida
Pro d'enfants dins sos bras
Que mon dròlle se garda
Tot çò que i aurai balhat
E que se pare
Del mal que ven de tot costat
Al nom de Dieu me compli ieu
Cinq angels i tròbi ieu
Dos als pès tres al cabés
Nòstre Senher al mièj s'ei mes
M'a dich que m'endormiguèsse
Que me fariá bona garda
De mon còrs e de mon ama
O mon Dieu, Dieu me randi, Dieu me brandi
Randi mon ama a Dieu tot puissant
Oc aquò's plan vertat sos pès clavelats
Son front sangnat, son flan picat
E son sang rajat
Qui sauprà aquela oreson
Qui la dirà cinq còps lo jorn, tres còps l'an
Aital fins a l'ora de la nòstra mòrt. Amen

N’aviái pro de la nòstra trima
N’aviái pro del nòstre fanguièr
Lo Rèi, lo curat, la talha, la dima
Lo …

Legir tot

N’aviái pro de la nòstra trima
N’aviái pro del nòstre fanguièr
Lo Rèi, lo curat, la talha, la dima
Lo pòble manja lo darrièr

Ò! Mon Dieu, se cal far la guèrra
Ò! Mon Dieu, se nos cal crevar
Serà per nautres e per la tèrra
La França, ela, pòt esperar.

Parla-me, conta-me, de que soscas grand-paire
Conta-me, parla-me de ton país
E lo grand-paire canturlèja son conte
L’enfant dins sos …

Legir tot

Parla-me, conta-me, de que soscas grand-paire
Conta-me, parla-me de ton país
E lo grand-paire canturlèja son conte
L’enfant dins sos braces s’es tot acossomit

Per trobar mon país, cercas pas dins la carta
Lo camin per i anar es pas marcat
E per frontièira, i a pas que la musica
D’una lenga vièlha que se vòl pas calar

Mon vilatge es aquí, a la cima del causse
Lo solelh de julhet caufa l’adrech
Per la devèsa, i a lo tropèl que paissa
A l’ombra del fraisse, lo pastre es assetat

Mon ostal es aquí, bastit de gròssas pèiras
Un clapàs que tei caud val mai qu’un nis
Lo fuòc de lenha dins lo canton esclaira
Enfant e grand-paire que se son endormits