Lo men rève de joenessa
Qu’ei vadut au bord deu Lu
Qu’averí voulut qu’estessa
Com l’ala de l’auseth blu
Com …

Legir tot

Lo men rève de joenessa
Qu’ei vadut au bord deu Lu
Qu’averí voulut qu’estessa
Com l’ala de l’auseth blu
Com los uelhs de la mainada
Qui’s banhava au miei deu briu
Deu sorelh qu’era parada
Tota nuda au gran clar de l’estiu…

Com los uelhs de la mainada
Qui’s banhava au miei deu briu
Que credoi véder ua hada
Tota nuda au gran clar de l’estiu.
Tau com lo briu qui s’assauba
Que’t sauvès quan me vedós
Qu’amassei la toa rauba
Deishada au miei de las flors
Mes las sègas deu passadje
E lhèu lo Diu trufandèr
Qu’es liguen tà’m dar l’aumadje
De l’arrosa d’amor suu sendèr

E la flor de la joenessa
Tota nuda au bord deu briu
Qu’averí volut qu’estessa
L’eternitat de l’estiu
Que’t tornei rauba e corsadje
N’avoi que lo dret d’espiar
Mes deu pòt qui’m dès en gadje
Lo men cór per tostem que’s ligà
Que’t tornei rauba e corsadje
Shens aver lo dret d’espiar
Qu’eram a la flor de l’adje
Qu’ei tau lo cór qui se’m ligà

Tu lo briu tostem qui danses
Que póts diser quin l’aimei
Mes quan fenín las vacanças
L’amiga no tornà mei
Que’m soi dat a d’autes rèves
- Que cau plan viver bissèr ! –
Mes que’m sovieni de las frèves
De l’amor, de l’amor qui passè

Suu men rève de joenessa
Las arrósas qu’an fanit
Com l’auset plen de tristessa
Que torni suu bórd deu nid
No demora nada traça
De l’amor qui m’avès dat
Que sei plan que tot que passa
Mes que crei totu que m’as aimat
No i demora nada traça
De l’amor qui m’avès dat
Que sèi plan que tot que passa
Mes au men jo qu’averei aimat

Sus sa figura
Color de meu
Com un arríder…
Sembla, solide,
Drin trufandèca
La vielha clèca
Sus sin nuatge
Tintat …

Legir tot

Sus sa figura
Color de meu
Com un arríder…
Sembla, solide,
Drin trufandèca
La vielha clèca
Sus sin nuatge
Tintat d’auratge.

Au solèr deu cèu
La lua
Qu’enlua
Tots los saunèis.

Be n’as donc vist
Virar molins,
Beròja iranja,
Croissant qui chandja
Fin tisteròt
Tot de pançòt
Dama candela
De las estelas !

Gran huec de palha
Qu’ès la companha
Deu praube monde
Qui teish sa ronda,
Qu’ès tot l’espèr
Deu presonèr,
Com ua lutz
Au hons deu putz.

E tu qu’espias,
Beròja amiga,
La bronitèra
De noste tèrra,
E au cèu blos
Deus amorós
Qu’ès de l’amor
Com la claror !

Lo sorelh que huegè tà darrèr d’ua pena
E lo som deus avets, tant per tant que’s vedè
Lo zefir …

Legir tot

Lo sorelh que huegè tà darrèr d’ua pena
E lo som deus avets, tant per tant que’s vedè
Lo zefir amorós de sa fresqueta alena
Balejava las flors tà mieitat deu terrèr.
Un pastoret fidèu tau corrau que baishava
Lo caçador tanben sortiva deus camons
La lua per degrèus au som deu cèu pujava
Qu’èra l’òra deus amorós.

Repic :
L’angelus qu’a sonat
E non i es pas enqüera
Au pe de l’arbolet
De nos dus tant aimat.
Sovien-te que’m dises
Qu’i serei la purmera
E m’averes trompat
O cruela beutat ?

Segut au pè d’un vèrn, près d’ua aiga pasible
Demoravi praubet, la qui credi m’aima
A mon amna lavetz langorosa e sensibla
L’amor disè tostemps ara qu’arriberà,
L’airolet s’ei lhevat, hasè càder la huelha
Que tremblava l’azur de l’arriu estelat
Un murmuret confús pujava a mon aurelha
N’aví jamei tant escotat.

Mes portant qu’arribà tau com l’ombra leugèra
Com l’auseron crentiu güeitat per l’esparvèr
Jamei non la vedoi tan gentilha e tan bèra
Que tremblava d’amor com la flor deu rosèr
Dehens un capulet que s’èra amantolada
De paur que nat lugran, gelós de sa splendor
N’avosse pas anat per tota la contrada
Racontar tot lo noste amor.

L’angelus qu’a sonat
Mes qu’i es arribada
Au pe de l’arbolet
De nos dus tant aimat.
Que m’aves prometut
Qu’i serei la purmera
O non m’as pas trompat
O graciosa beutat.

Lo vielh Siset que’m parlava
De dora au ras deu portau
Dab lo sorelh qu’esperava
Catavas suu caminau.
Siset e …

Legir tot

Lo vielh Siset que’m parlava
De dora au ras deu portau
Dab lo sorelh qu’esperava
Catavas suu caminau.
Siset e vedes l’estaca
A tots que’ns i an ligats
Si arrès non’ ns en destaca
Quin poderam caminar !

Si tiram tots, que caderà
Goeira de temps pot pas durar,
Ségur que tomba, tomba, tomba
Plan croishida qu’ei dejà.
Se tiri hòrt jo per ença
Se tiras hòrt tu per delà
Ségur que tomba, tomba, tomba,
Que s’en poiram desliurar.

Totu i a pro de temps ara
Que s’escarronham las mans
Se la força e’ns deisha càder
Pareish mei grana qu’avans
De tot segur qu’ei poirida
Totu, Siset, pesa tan
De còps que’m perdi l’ahida
Ven ! tornam diser ton cant !

Lo vielh Siset que s’en cara
Mau vent se l’a miat atau
Qui sab on se troba adara
Demori sol au portau
A pausa passan los drolles
Lhevi lo cap ta cantar
Lo darrèr cant deu vielh omi
Lo darrèr qui m’ensénha.

Au beth som de la costa majèra
A l’auberja de pèla-busocs
La gojata qui hè la vaishèra
De mei bera …

Legir tot

Au beth som de la costa majèra
A l’auberja de pèla-busocs
La gojata qui hè la vaishèra
De mei bera no s’en trova enlòc.
Aus gojats qui au parlen de holia
Qu’a sabut tostem disérèque non
Lo patron que l’apèra Maria,
Nos auts que l’apéram Marinon

Repic : Marinon (ter), tan bera
Quin vos que parlem de pintons.
Quan l’amor (ter) s’apera
Al’entorn de tons cotilhons.

Que s’i beth amaturs de baricas
Qui s’ac beberen tot tau broquet
Marinon qu’aus te copa la chica
Quan la veden qu’èi d’era qu’en sed.
Qu’i vien mema amaturs de tisanas
E qui son defenduts de l’alcòl
Ets taben de tard que hen mangana
Marinon qu’aus herè bébe au bol.

Pramor d’aber crédut qu’ua oelhada
Qu’estè heita a Bernat de Lassus
U beth ser Peirot de Lataulade
Drin pintat qu’au te sauta dessus
Desempuch que s’i copa vaishèra
Mes n’ei pas per patacs ni pers os
Qui la poderan prene l’enchèra
Marinon que factura los troçs

Marinon (ter) tan bera
Qu’ei lo ton nom sol Marinon
Qui tostem (ter) s’apera
Pramor que rima dab l’amor.

Berogina com ua flor
U còr tot pleat d’amor
Blanca, pura com la nèu
Tot petit, petit sorelh

Repic : …

Legir tot

Berogina com ua flor
U còr tot pleat d’amor
Blanca, pura com la nèu
Tot petit, petit sorelh

Repic :
Marion, Marioneta
Mainada, mainadeta
La vita qu’ei ua hesta
Que cau tostemps esperar

Dus uelhs blus dens l’escur
Aqueths uelhs que son de tu
Duas estelas, lutz d’espèr
Dus brilhantons dens lo ser

Marion que’t pòts escapar
Dab las hadas anar dançar
Nat mau ne’t pòt arribar
Dens lo ton monde tan clar

Mes lo monde vederàs
Broishas que rencontraràs
Alavetz que diseràs :
Las hadas n’existen pas !

Mes l’espèr que’t cau guardar
Aqueth monde ei a sauvar
Dab tons uelhs color d’amor
Dab ton còr plen de calor

Drom, drom, mainadeta
Marion, Marioneta
Drom beroja hadeta
Lo monde pots cambiar

L’ombre descend lentement sur la plaine
Et le soleil disparaît dans la nuit
Une journée de labeur et de peine …

Legir tot

L’ombre descend lentement sur la plaine
Et le soleil disparaît dans la nuit
Une journée de labeur et de peine
Mais malgré tout Mazerolles sourit
Car l’on y vit une ambiance sereine
Où tous les villageois sont des amis
Point de rancoeur, de jalousie, de haine :
Tour resplendit dans cette mélodie

O mazerolles, la bien aimée
Comment pourrais-je donc t’abandonner ?
O mon béarn et mes pyrénées,
Ah non, je ne vous oublierai jamais !

A Mazerolles tout comme nos pères
Nous aimons bien vivre, danser, chanter
Notre cité peut vraiment être fière
De son renom de joie et de gaîté
Los Hardidets en ont fait leur affaire
Par leurs chansons, leurs refrains, leurs couplets
Et désormais sur ce coin de la terre
Tout s’accompagne de chants béarnais

Chantons gaiement le Béarn nous implore
Car la chanson crée de nombreux copains
Du crépuscule et jusqu’à l’aurore
Et s’il le faut même le lendemain
Tant qu’un pays conserve son folklore
Il y a la paix chez tous les citoyens
Chantons donc tous le Béarn Qu’on adore
Qui est vraiment l’un des plus jolis coins

Repic :
« Quan lo printemps » pujava
Sus « aqueras montanhas »
« un joen pastor quitava »
NOoste …

Legir tot

Repic :
« Quan lo printemps » pujava
Sus « aqueras montanhas »
« un joen pastor quitava »
NOoste « bèth cèu de Pau ».

« L’angelus qu’a sonat »
« Rossinholet » qu’a cantat
« A l’entorn de ma maison »
Que s’obri ua « Beròja flor »

« Maudit sia l’amor »
Qu’ei « La plenta deu pastor »
« A Bordèu que i a ua dama »
« M’a près per fantasia »

« La vielha d’Auloron »
Que gahè « Lo mau d’amor »
(De)Bath d’« Au baricot deu novi »
Que s’esclamè « Dechem dromir ! »

En « Sèt sauts », « Peiroton »
Hicava « Lo pantélon »
Quan la « Craba », tot d’un còp
Qu’au heso tchangar dab « Los esclòps »

« ...Beth ceu de Pau... »
« ...Hè florir la vriuleta... »
« ...Passari l’aigueta... »
« ...Dinc a l’auta sason... »

Palometa, palometa
Tu qui passas au cèu de l’abor,
Las montanhas vriuletas
Qu’an un mant’orlat de sang e d’òr ; …

Legir tot

Palometa, palometa
Tu qui passas au cèu de l’abor,
Las montanhas vriuletas
Qu’an un mant’orlat de sang e d’òr ;
Au men cor qu’ei lo passadje
Deus saunèis de la bèra sason…
Mainadeta, qu’aví l’adje
On lo còr se desvelha a l’amor…
E que véi lo ton visadje,
Que’m sovieni de la noste cançon…

Quan hè mudar l’apèu,
Lo vent de Sent Miquèu,
Palometas amigas
Hoeietz las bigas
Quilhadas au cèu…
De cap a Marteron,
Qu’etz la mei bèra flor,
Mes tostemps que’vs argüeita
Com s’abè hrèita
Lo cassador…

D’ua espiada Mainadeta,
Lo cassaire qu’avós autanleù,
P’au purmèr còp, Palometa,
En passant que t’en portès l’apèu…
Per los bòscs e per las pradas
Qu’ei avut beth sercar p’aus estrems…
Qu’as hèit deu men còr mainada,
Si l’amor non demora qu’un temps
N’aute amor que ta panada
E l’abòr que plora son printemps…

A Sent Miquèu l’apèu,
A Sent Luc lo gran truc…
E quan a vint ans d’adje
L’amor voladje
B’ei donc desestrùc !
A Marteron la flor !
Mes la de la jelor,
Soleta que demora
Quan lo còr plora
Deu mau d’amor…

A Sent Miquèu l’apèu,
A Marteron la flor !
Enta quan d’amoretas
Van tas sajètas
Cassaire d’amor ?
A Sent Martin, la fin,
E que’m caló gofir
Debath las huelhas mortas
Las pausas cortas
On jo t’aví…

Qu’ei hera luenh lo temps de la joenessa
Quan erem hòus, quan erem amorós
Uei qu’ei vienut lo temps de …

Legir tot

Qu’ei hera luenh lo temps de la joenessa
Quan erem hòus, quan erem amorós
Uei qu’ei vienut lo temps de la tristessa.
Shens tu, amor, jo que soi malurós.

Repic :
Uei que balhi mon còr au vent
Uei que plori dab la ploja
Passan los dias, passa lo temps
Lava la ploja, boha lo vent.

Tu mon amor qu’es partida per un aute
Mes jo que sei, n’ei pas la nosta fauta.
Qu’ei la fauta au temps, aus dias qui passan
A totas aqueras causas qui’ns despassan.

Jo n’ei pas vist que noste amor s’escapava.
Qu’escrivivi cançons que d’autes cantavan.
Qu’escrivivi cançons d’amor tan gaujosas
Mes, hau, n’ei pas vist mas amors malurosas.

Uei qu’ei passat beth temps despuish qu’es
partida.
Shens tu mon amor, jo qu’ei perdut l’arrider.
Que disen que ne sei pas mei escríver
Mes shens tu, amor, qu’ei perdut la vita.

Shens tu n’i aura pas mei sorelh dens mon ostau
E n’i aura pas nada flor dens mon casau
N’i aura pas mei mots ta escríver cansons
Pas nadas melodias ta cantar l’amor.

Conéishi un camin
Sombrejat de vèrdura
Un tot petit camin
Qui n’a pas trop d’alura
Que hè lo timidó
Enter …

Legir tot

Conéishi un camin
Sombrejat de vèrdura
Un tot petit camin
Qui n’a pas trop d’alura
Que hè lo timidó
Enter dus milhocars
E qu’ei tan estretót
Qui cau cercar son traç

Repic :
Petit camin deu lu
Amic de la vacanças
Cap un troç de ceu blu
Qu’es tostemps en partança

Tà plan jogar lo jóc
Cau barrar las perpèras
E tot com austes cóps
Aimar la descobèrta
Dab los uelhs de mainat
Cercar hens cada clot
Un tresor enterrat
O un nit d’auserót

B’ei berói lo camin
Sombrejat de verdura
Un tot petit camin
Qui n’a pas trop d’alura
Mes se i trobatz arrés
Tà poder batalar
Que serà en biarnés :
- Adishatz ! e quin va ? –

De Martéron tà Nadau
Pintar que cau
E lo qu posca
Dinc a Pentecosta

E si lo vin ei bon …

Legir tot

De Martéron tà Nadau
Pintar que cau
E lo qu posca
Dinc a Pentecosta

E si lo vin ei bon
Dinca l’aute Martéron
E si pots encuèra tastar lo vin
Dinc a Sen Martin

Si n’es pas trop hart avan
Dinc a la Sen Jan
E si pots pas béber pendent la séquera
Dinc a la Sen Piero

Que’t volerí har lo present
D’aquèra beutat qui abonda
Deus petits matins de printemps
Quan las auronglas hèn la ronda, …

Legir tot

Que’t volerí har lo present
D’aquèra beutat qui abonda
Deus petits matins de printemps
Quan las auronglas hèn la ronda,
Messatgèras de la gaujor
Qui dànçan tau só arrident,
Totas briagas de sa claror
Au ras de l’arrós lusent

Repic :
Ça’i, tot que t’espera
L’auseth, la flor !
Nin, qu’es l pagera
De mon amor

Que’t volerí balhar taben
Lo perfum deus camps de l’estiu
Quan tot d’un cóp, au miei deu hen,
Lo só aulorenc pareish viu
E quan l’abór sia aquiu,
Vestit de doçor castanhèra,
Qu’aneram decap a l’arriu
Plenhar de ceps noste tistèra

Be n’avem donc causas a har !
E ne t’ei pas enqüèr’ parlat
Deu mei plasent a partatjar :
Tots los moments de l’amistat,
E la musica, e la cançon,
E lo hum de la chemineja,
E puish l’amor, tostem l’amor…
Viste ! Que au que t’amaneges !

Un aute dia èi acabat
Mes qu’a tostem lo còr sarrat
Lo só d’estiu que’t hè sofrir
Pensas ad era …

Legir tot

Un aute dia èi acabat
Mes qu’a tostem lo còr sarrat
Lo só d’estiu que’t hè sofrir
Pensas ad era cada dia
Que l’entens tostemps arríder
Los sons uelhs lusents de plaser
E lo son pas dens la carrèra
La montanha que se’n rapèra

Repic :
Mes quan la neu arribara
Ta pausar son manteu suu monde
Un aute dia vederas
Amic, qu’entraras dans la ronda

Qu’espias sovent la montanha
La toa fidèla complanha
Lo só moreish a l’orisont
E la nueit canta sa cançon
Sus las cimas esclaridas
Ton amna que s’èi envolada
Los soviéner que’t hè mau
La montanha suenha ton dòu

Si jamei te vòs escapar
E la toa pèna cridar
Vè caminar dens la carrèra
Amic, la montanha t’apèra
Quan l’ivèrn truca a la pòrta
Lo ton chagrin que’u s’en empòrta
E lo ton còr que s’èi ubèrt
La montanha qu’èi ton espèr.

Lo Pair sabè que la montanha
Blanqueja tà la Sent Martin
E que lo vent qui vien d’Espanha
Hè móler …

Legir tot

Lo Pair sabè que la montanha
Blanqueja tà la Sent Martin
E que lo vent qui vien d’Espanha
Hè móler beròi lo molin.

Lo pair coneishè de la tèrra
La cançon vaduda deu sòc,
Dens la grana mar milhoquèra
Dont la vela ei un pelòc.

Lo pair disè que l’aurongleta
N’en fenéish pas de har printemps
E que i a tostemps ua aubeta
Qui punteja en quauqu’estrem.
E que disè que sus la tèrra,
Per tant que sia escadut,
Jamei nat país non remplacère
Lo coenh de Biarn on èm vaduts.

Lo pair sabè que la misèra
N’ei pas tant de téner la man
Com de vielhir dens la hartèra
Shans arrés tà la ve sarrar.

O pair sabè lo mau qui còsta
A l’esquia d’aver plegat,
Mes qu’avè bastit son endòsta
A la calor de l’amistat.

E que disè que lo temps passa
Pr’amor non sap pas har qu’aquò,
Mes que cada rida s’esfaça
Se n’aven la joentut au còr.
E que disè que l’aurongleta
Ne’n feneish pas de har printemps
E que i a tostemps ua aubeta
Qui punteja en quauqu’estrem.

Repic :
Joan Petit balança
L'equipa de França
Tot jogat d'avança
Qu'an pres ua dança,

Dab lo dit, dab lo …

Legir tot

Repic :
Joan Petit balança
L'equipa de França
Tot jogat d'avança
Qu'an pres ua dança,

Dab lo dit, dab lo dit baishat.
Atau que s’en foot Joan Petit !
Qu’avem ganhat la botelha,
Qu’avem ganhat ... la pizza

Dab la man, Thierry HenRI-FIFI, ...
Qu’avem ganhat ... en trichant.

Com un pè, Domenec, LO PEC, ...
Qu’avem ganhat ... un panda.

Dab la lenga, AnelKA-PBORRUT, ...
Qu’avam ganhat ... Nhac’ta mair !

Dab lo cap, Zinedin’, DEN, DON, ...
Qu’avem ganhat ... en tumant.

Dab lo cu, RibeRI-KIKI, ...
Atau que s’en foot Joan Petit !

Qu’ei viste passat au RUGBY !
Allez, allez, ...

I a un vilatge
Au mielh deu Biarn
On lo paisatge
Qu’èi plan charmant
Los monuments
Ne n’i a pas …

Legir tot

I a un vilatge
Au mielh deu Biarn
On lo paisatge
Qu’èi plan charmant
Los monuments
Ne n’i a pas nat
Que pot har shens
Célébritat.

Repic :
Diu marce, qu’em de maserolas
Beroi pais hera plasent
Petites e grans i son com drolles
Uros e tostem arridens
Seram tostem de maserolas
Un endret com pertot s’en vet
Dab grans tojas e herbas holas
Mes qu’em a casa per ma fe

Au bòrd deu Lu
Que i èm tan plan
Qu’èi un bonur
De i demorar
E lo Barrat
Dens son mantèu
Sembla estruçar
Secrets deu cèu

Noste país
Que’ns da lo goç
D’estar hardits
De víver uros
E quan lo sèr
Que’ns retrovam
Qu’ei dab plasèr
Que-n’se cantam

Diu marce, qu’em de maserolas
Beroi pais hera plasent
Petites e grans i son com drolles
Uros e tostem arridens
Seram tostem de maserolas
Memo si oei que cau partir
Permor noste cor qu’a lo role
De’ns rapela qu’em vaduts aci

Qu’èra lo hilh deu bolangèr,
Vadut dens un blanc boridèr
Hèit de haria de hromentèr ;
Que n’avè gahat lo …

Legir tot

Qu’èra lo hilh deu bolangèr,
Vadut dens un blanc boridèr
Hèit de haria de hromentèr ;
Que n’avè gahat lo peguèr,
Le mei gran pepièr deu parcèr !

Qu’èra lo hilh deu carboèr,
Au beth miei d’un gran salopèr,
Pipaut com un lèd mocadèr
E negre com lo sinistrèr,
Lo mei gran cascant deu sendèr !

Qu’èra lo hilh de l’espicièr,
Tot petit dejà corratèr,
A tostemps cercar lo porèr
Tà har lo clec poteriquèr,
Lo gran colhoèr de l’endrèr !

Qu’èra lo hilh deu cantonièr,
Vadut dab un gran feniantèr
E de mei, beròi hartanèr,
Lhèu lo mei gran cabaretèr
Deu noste monde sancèr !

Qu’èra lo hilh de mossur curè,
Nin vadut dens lo benitièr,
Gran amator de pregadèr
Dab Las hemnas deu vesiadèr,
Amen, amen, dies irae !

Qu’èran los hilhs de mon quartièr :
Beròja tropa de pelièrs,
Aujamièra de garganèrs,
E poralha de goludèrs :
Qu’èran los hilhs de mon quartièr.

Bergère qui sautille
Tes grands yeux noirs pétillent
Comme l’eau qui jaillit
D’un recoin de granit
Cette claire fontaine
Te …

Legir tot

Bergère qui sautille
Tes grands yeux noirs pétillent
Comme l’eau qui jaillit
D’un recoin de granit
Cette claire fontaine
Te murmure, sois mienne
Vers d’autres horizons
Tous deux nous partirons

Radieuses Pyrénées
Où j’ai connu le jour
Aux cimes enneigées
Vous me plairez toujours
J’entends dans la vallée
Le gai ruisseau qui court
Le son du cor, le chant des troubadours
Pyrénées mes amours

Charmante pastourelle
Tu es vraiment trop belle
Pour rester en ces monts
Garder tes blancs moutons
Fuis ces lieux solitaires
Vers la ville lumière
Ensemble nous vivrons
La vie des gais lurons.

Bergère de mes rêves
Vraiment la vie est brève
Prends-moi dans ton chalet
Je veux être berger
Jamais cette folie
Fuis loin de ma patrie
Je ne veux pour époux
Qu’un berger de chez nous

Jo ne compreni pas perqué
Ne minjarí pas mei arren.
Fenit la sopa ! Bolhon claret
On se nega un …

Legir tot

Jo ne compreni pas perqué
Ne minjarí pas mei arren.
Fenit la sopa ! Bolhon claret
On se nega un praube poret,
Sonque peish borit dab leituga
Dab ua biscòta eishuga,
E tà fenir, tà acabar,
Hromatge magre shens tròç de pan !

Uei, tà ‘star lo de qui cau
Cau estar magre com un clau ;
Lo bonur que s’escon adara
Hens ua taça de tisana !

N’aver que la pèth sus los òs
Que’m demanda drin tròp d’esfòrç !
Ne sèi pas arren de mei bon
Com ueu paderat dab jambon ;
E parlem drin de la garbura,
Deu borrit, d’un beth tròç de hura,
De las mongetas e de l’anhet,
Shens desbrombar lo regalet !

Cueisha de guit dab sengles fritas,
Trip e tripon dab quauques micas,
Bròja taben e gresilhons.
Drin de vin tà cauhar los jolhs !
Ua padèra de castanhas
Un hromatge de las montanhas,
Pan deu fresc, còca, cocon !
Ne sèi pas arren de mei bon !

Ni fin, ni magre com un clau
Non serèi pas lo de qui cau ;
Mes bèth e fièr com un aucat,
Que voi fenir arregolat !

Cada dimentge entà missa,
Quan pareishè la Sabelita,
Que s’entenè grana brossida
Autorn de l’aiga benadita.
Que la disèvan la …

Legir tot

Cada dimentge entà missa,
Quan pareishè la Sabelita,
Que s’entenè grana brossida
Autorn de l’aiga benadita.
Que la disèvan la mei bèra
Qui aja peu departament.
Que goariva de la helèra
Dab son regard franc e brivent.

Repic :
Sabelita, la sabelita
Que’ns enlugarnes, aquo que’s sap
Sabelita, la sabelita
Que’nse vos har perder lo cap.

Entà la véder mei enquèra
Quan haséra sa devocion,
Que’ns jumpavam sus la cadièra
Shens brig’escotar lo sermon.
La soa vots qu’èra famosa
Quan se botava a cantar,
Mantua hemna vadè jelosa
E s’en pensava escanar !

Mossur lo curè tau com èra
Que’s trobava beth drin uros.
Deu som de la predicadera
Que la vedè mei plan que nos !
Los drolles, en servin l’aufici,
De l’espiar qu’avon cap virat.
Que s’an desbrombat lo servici !
B’ei totun aquo gran pecat !

Lo bon diu eus perdona omen
Com me deu perdonar a jo,
Au loc de diser « amen, amen »
Que diseram « amor, amor ».
Sabelita, la sabelita
Que’ns enlugarnes, aquo que’s sap
Sabelita, la sabelita
Que’ns as hèit pla pèrder lo cap !

Entau país abaish, e entà la montanha
E son vestit de nòvia a la purmèra nèu
E lo vent de …

Legir tot

Entau país abaish, e entà la montanha
E son vestit de nòvia a la purmèra nèu
E lo vent de l’abòr qui escoba la plana
La doçor de la tèrra, la colèra deu cèu

Sona las campanas, Maria-Loís,
Sona mon esper, i a monde sus la plaça,
Sona, lo qui aima son país
S’a ganhat lo dret de l’espiar de fàcia

A nuèit, lo Batiston que s’en torna tà casa
Enqüera un de passat, que n a lo còr content
Tau bruch de sos esclòps suu camin de la vita
Qui se’n van a plaser, permor d’aver lo temps

N’èi pas qu’ua cançon, n’èi pas qu’ua musica,
N’i a pro tà caminar, tà caminar tot dret
Entaus qui’s son lhevats, en ausir la flabuta,
Qui dançan en espiar a mei luenh que los pès

Mon país que l’aví au còr com ua floreta,
Mes adara que l’ei taben au hons deu cap,
Que saberèi tostemps on son mas amoretas,
N’em pas enqüèra morts que vam semiar lo blat.

Si solament sabí escríver
T’escriverí beròjas rimas
Rimas d’amor, color de lua
Rimas d’amor, sonque tà tu

Si solament sabí …

Legir tot

Si solament sabí escríver
T’escriverí beròjas rimas
Rimas d’amor, color de lua
Rimas d’amor, sonque tà tu

Si solament sabí pintrar
Que’t pintrarí lo monde en blu
Blu com la patz, com lo bonur
Un navèth monde, sonque tà tu

Si solament sabí cantar
Te cantarí ua cançon
Cançon de patz, cançon d’espèr
Cançon d’espèr, sonque tà tu

Si solament sabí contar
Te contarí ua longa istuèra
Istuèra d’un monde tan plan
Un beròi monde, sonque tà tu

Si solament sabí parlar
Que parlerí a tots los òmis
Que’us parlerí d’amor, de patz
D’un navèth monde, sonque tà tu

Si solament sabí jogar
Que jogerí ua musica
Musica doça com lo meu
Musica doça, sonque tà tu

Tu, petit prince de la estelas
Un dia, quan arribaràs
Que’t volerí balhar un monde
Un beròi monde, sonque tà tu.

Que-v en voi cantar una
Dilheu que la savetz
La cantan los ivronhos
Quan son au cabaret.

1 còp, 2 …

Legir tot

Que-v en voi cantar una
Dilheu que la savetz
La cantan los ivronhos
Quan son au cabaret.

1 còp, 2 còps, 3 còps,
4 còps, 5 còps,
Tan qui haram atau
N'aneram pas ta casa
Tan qui haram atau
No haram pas cabau
Tan qui haram atau
N'aneram pas ta casa
Tan qui haram atau
N'aneram pas ta Pau

La cantan los ivronhos
Quan son au cabaret,
E quauque còp los autes
Quan n’an pas tròp de set.

Si la tisana ei bona
Qu’apèra lo verset.
D’untar’s drin la ganura
Qu’esclareish lo canet.

Mes quan la pòcha ei vueita
Que copa lo shiulet,
E lo cabaretaire
Que sarra lo broquet.

Las cançons d’autes còps
Hasèn pas tostemps xxxx
Las cançons d’autes còps
Sabèn tanben har xxxx

Plorar-shiular
Las hilhòtas de …

Legir tot

Las cançons d’autes còps
Hasèn pas tostemps xxxx
Las cançons d’autes còps
Sabèn tanben har xxxx

Plorar-shiular
Las hilhòtas de Liborna (bis)
De mei bèra non i a

Shiular- aimar
L’aute dia a la heuguèra, la heuguèra deu heugà
Que i avè ua bergèra qui guardava lo bestià
Era que’m digó, charmant garçón
Shoridibitin Dibitorus Busagaucha
Era que’m digó, charmant garçón
Canterès ua cançon

Aimar-ligar
A Aulorón i avè ua vielha (bis)
De mei de quate vints ans
E lo trimtrim trimtram la vielha
De mei de quate vints ans
E lo trimtrim trimtram

Ligar-pujar
Halte-là (ter)
Les montagnards (bis)
Halte-là (ter)
Les montagnards sont là
Les montagnards (bis)
Les montagnards sont là

Pujar-minjar
Quan Gargantuà tortè de l’armada (bis)
Dichót en entrant qu’èra mort de hami
Au b’èri jo malauda, au malauda èri jo

Minjar-dançar
C’est la fille de la meunière qui voulait se marier
Son papa ne voulait guère, son papa ne voulait pas
Gigue (ter) lonlèra, gigue (ter) lonla

Dançar-botjat
Tant qui haràm atau, n’aneram pas tà casa
Tant qui haràm atau, n’aneram pas tà Pau
Un cóp, dus cóps, tres cóps, quate cóps, cinc cóps
Haut (ter) lheva lo cù la vielha
Haut (ter) lheva lo cù mei haut

Ua dança de mei
Dançada dens tons braç
Ua dança qu’ei mei
Qu’un aire e tres pas.

Repic :
Ua …

Legir tot

Ua dança de mei
Dançada dens tons braç
Ua dança qu’ei mei
Qu’un aire e tres pas.

Repic :
Ua dança dab tu
Coneihi pas enqüera
De bonur mei segur

Dab tu, e qu’ei aquò
Qui’m hè virar lo cap
Pataquejar lo còr
E tot lo monde ac sap !

Mèma se vòs pas diser
Aqueths mots qui bailinan
Qui son com un arríser,
Qui nhacan e calinan.

Au cap de ma paciéncia
Sèi pas que i averà,
Ua dança, ce’m pensi,
Dab tu, tà la dançar.

Qu’ei lèugèr com un airolet
Mes a saber on ei badut ?
Despuish tostemps que’u conéishetz
Shens l’aver jamei aprengut. …

Legir tot

Qu’ei lèugèr com un airolet
Mes a saber on ei badut ?
Despuish tostemps que’u conéishetz
Shens l’aver jamei aprengut.

Repic :
Sonque un èr, un èr tà cantar
Se hè pas ben,
Non hè pas mau
Do, ré, mi, ré, mi, fa, sol, la
Qu'ei un èr qui cerca sa clau.

Que’vs cort peu cap com un bohet
Qui sap s’ei juste o s’ei faus ?
Ne’v vòu pas dechar solet
Jamei ne’vs dècha en repaus.

Lo matin, en ve desvelhant,
Que l’avetz deja dens l’aurelha
A mieidia qu’ei lo son cant
Dens voste cap qui se passeja.

N’ei pas aisit de l’amortir
Que diserén un aperet
E la nuéit, quan pensatz dromir,
Com un chebiton, qu’entenetz.

Lo vent que passa per la lana
Que s’en va, que s’en va lo vent,
Entre la gèura e la …

Legir tot

Lo vent que passa per la lana
Que s’en va, que s’en va lo vent,
Entre la gèura e la brana
Capsus lo pont de Biravent.
Que destaca suu son passatge
Las lòsas vielhas deu paratge :
Qu’ei lo vent hou qui se passeja.
Que da lo salut de le mar
A los floretas deu branar
Mes qu’ei pressat, que s’amaneja !

Lo vent que passa per la lana
Que s’en va, que s’en va lo vent,
Entre la gèsta e la gavarra
Capvath la Hont de Bohavent.
Que hè arrider los mainatges,
Qu’arrevira los jupons sages
Aqueth diablàs : e que’s passeja
Peu miei deu linge a secar
Sus la cleda deu cazalà
On lo linçòu blanc viroleja !

Lo vent qu’ei passat per la lana
Que s’en va, que s’en va lo vent,
Mei endavant, cap-a la plana
Cap-au Horat de Crèvavent,
Portar mei luènh lo son messatge
De libertat e de coratge.
Qu’ei lo vent hou qui se passeja :
Peu miei deu monde a desvelhar
Que soa l’òra de’s lhevar
Quan lo Vent deu Pais ventoleja !