Nade dins l’òli dóu bonur
Qu’aqueste cop n’en siéu segur
Vendra deman - es entendu -
Mai aujourd’uei n’en pode …

Legir tot

Nade dins l’òli dóu bonur
Qu’aqueste cop n’en siéu segur
Vendra deman - es entendu -
Mai aujourd’uei n’en pode plus.
Vire e revire dins moun lié
Remenant li mémi pensié ;
Béure sis iue, tu tu tu tu
E poutouneja si detoun…
Mordre si bouco, tu tu tu tu
Ah, n’en bave de l’afecioun !

Rèn pòu ameisa moun esmai
De vèire coumpli mi pantai
Deman poudrai la caligna
E paupeja a mon sadou
Lou delicious esmaradou
De si boumbu, de si cloutu
Saupre lou goust, tu tu tu tu
Lou goust de si pousseto…
Suse coume, tutututu
Coume uno gargouleto !

Ai, ai, ai, ai, queto pougnesoun
Me fai peta li carnavello
E pode pas plega parpello.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

Fai que d’empura moun esmai.
Tron de padiéune ié vai gai !
Siéu en trin de la caligna,
De paupeja a moun sadou
Lou delicious esmaradou
De si boumbu, de si cloutu
De m’enchuscla, tu tu tu tu
De m’enchuscla de si pousseto…
Suse coume, tutututu
Coume uno gargouleto !

Noun m’alasse de bela
Soun petadou reboumbela
Moufle e tibla, la la la la
Em’entre si cueisso raploto
Aro qu’a leva sa culoto
Vese trauca dins lou crespa
E la negrour, tu tu tu tu
Fougouso di frisoun
Lou gréu rose, tu tu tu tu
De soun dardaioun …

Ai, ai, ai, ai, queto pougnesoun
Lou resto vous lou dirai pas
En que sièr ? l’avès devina.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

De ço qu’aier m’es avengu
N’en siéu enca tout esmougu
E n’ai lis iue plen de belu
Mai aujourd’uei n’en pode plus
M’atrove soulet dins moun lié
Remenant li mémi pensié.
Ai vist si iue, tu tu tu tu
E poutouneja si detoun …
Mordu si bouco, tu tu tu tu
Ah ! n’en bave de l’afecioun !

Ai, ai, ai, ai, queto pougnesoun
Decesse pas de ié pensa
Crese de n’en veni fada.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

Ai, ai, ai, ai, queto pougnesoun
Decesse pas de ié pensa
Crese de n’en veni fada.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.
De touto la niue, mis ami
Ai rèn dourmi, ai rèn dourmi.
De touto la niue, mis ami
Ai rèn dourmi, ai rèn dourmi.

Aurai pas proun de tèms, proun de tèms.

Meme en courrènt
Lèu lèu coume lou vènt,
Lèu lèu coume lou …

Legir tot

Aurai pas proun de tèms, proun de tèms.

Meme en courrènt
Lèu lèu coume lou vènt,
Lèu lèu coume lou tèms,
Vese pamens
Qu’aurai pas proun de tèms, proun de tèms.

Pèr amira
Li milanto bèuta
De l’inmense univers
Vese bèn, iéu
Qu’aurai pas proun de tèms, proun de tèms.

Abadarne moun cor,
Bade de tant qu’ai d’iue,
Mai li niue
Emai li jour
Saran trop court.
De milié de jour
Acò’s trop court,
Acò’s trop court.

Que pèr ama
Tout ço qu’avèn d’ama
Quand reven lou printèms
Lou vese bèn
Aurai pas proun de tèms, proun de tèms.

Avèn tóuti leissa
un amour s’estrassa
is espinasso
que pougnon noste cor
is espinasso
di doute e di descor.

Avèn …

Legir tot

Avèn tóuti leissa
un amour s’estrassa
is espinasso
que pougnon noste cor
is espinasso
di doute e di descor.

Avèn tóuti leissa
uno bello amista
se passi d’ouro
e mouri plan-planet,
e pièi se plouro
s’un cop sian mai soulet.

S’erian proumes
quand erian amourous
de poussedi lou mounde
mai lou mounde es tant grand
que saren jamai proun de dous.

Avèn tóuti leissa
sènso se n’avisa
noste courage
d’à cha pau s’alassa
e l’eiretage
es esta degaia.

S’erian proumes
dóu tèms qu’erian urous
de refaire lou mounde
mai lou mounde es tant grand
que saren jamai proun noumbrous.

Davalavo dóu cèu dins la niue
S’esquihavo pertout, liuen dis iue.
La gorbo pleno de privadié
Pèr li pichot soulié. …

Legir tot

Davalavo dóu cèu dins la niue
S’esquihavo pertout, liuen dis iue.
La gorbo pleno de privadié
Pèr li pichot soulié.

De téulisso en téulisso amoundaut
Distribuïssié dins chasque oustau
Emé si presènt, à cop segur,
La joio e lou bonur.

À l’agachoun davans la chaminèio
L’avèn jamai vist
Veni pourgi si jouguet à la ninèio.

Pamens assajavian de garda
Tant e pièi mai li parpello à brand
Mai la som nous reprenié subran
E jamai lou vesian.

Lou marchand de sablo èro passa davans.
M’acò lis enfant
Jamai l’an vist lou vièi papet barbo-blanc.

Ai-las tout a chanja dins lou mounde ;
E vuei avèn de tout en abounde.
Es tout parié pèr li paire Nouvè,
Que n’i’a un fourniguié.

E darnié si barbo de coutoun
Se n’en vèi dins tóuti li cantoun
De la vilo e li super marcat
N’an l’especialita.

Que dins tóuti li carriero, un mes durant,
Róugis espravant
Se n’en vèi pertout agachant lis enfant.

Lou paire Nadau d’à passa-tèms
Delegavo si dré i parènt
Qu’uno fes lis enfantoun au lié
Garnissien si soulié.

Lou marchand de sablo èro passa davans.
M’acò lis enfant
Jamai l’an vist lou vièi papet barbo-blanc.

Lou marchand de sablo èro passa davans.
M’acò lis enfant
Jamai l’an vist lou vièi…
Jamai l’an vist lou vièi…
Jamai l’an vist lou vièi papet barbo-blanc.

Vire que vire dins moun baloun
Me vesès gros e siéu pichoun
Boulègue la coua davans tóuti
N’en rougèje de …

Legir tot

Vire que vire dins moun baloun
Me vesès gros e siéu pichoun
Boulègue la coua davans tóuti
N’en rougèje de la counfusioun.

Vire que vire dins moun baloun
Barre jamai mis afatoun
De cop que i’a casse li niero
Que me dounon vòsti nistoun.

Vire que vire dins moun baloun
Fau ges de brut dins la meisoun
Siéu discrèt e dison que m’amon
Mai m’an jamai fa un poutoun.

Vire que vire dins moun baloun
De la pòu o de l’emoucioun
Pode que faire de boufigo
Quand vole larga de resoun.

Vire que vire dins moun baloun
Ai jamai trouba de cantoun
Pèr m’escoundre ni de sourtido
Pèr m’escapa de ma presoun.

Vire que vire dins moun baloun
Lou cat me guèiro d’acatoun
Un jour sadou d’aquelo vido
Farai moun darrié vertouioun.

Quouro de vira n’aurai proun
Desplegarai mis aleiroun
D’un saut me negarai dins l’aire
Pèr óublida que siéu peissoun.

Vese eici Jan-de-la- niolo,
Jan-di-figo, Jan-viholo,
Jan d’auriòu qu’óublido tout,
Jan-lou-bret, Jan-que-saup-tout.

Jan-requiéulo, Jan-trepasso
(l’un s’aplanto, l’autre passo),
Jan-l’empres, Jan-picardan, …

Legir tot

Vese eici Jan-de-la- niolo,
Jan-di-figo, Jan-viholo,
Jan d’auriòu qu’óublido tout,
Jan-lou-bret, Jan-que-saup-tout.

Jan-requiéulo, Jan-trepasso
(l’un s’aplanto, l’autre passo),
Jan-l’empres, Jan-picardan,
Jan-l’amelo, que n’i’a tant !

Pouden pas, aqui de filo,
Broucarda touto la vilo.
Se voulès, pèr aquest an,
Repassaren que li Jan.

Jan-lou-niais, Jan-de-la- vaco,
Jan-sènso-biais que destraco,
Pièi Jan-foutre, Jan-fai-tout,
Jan-risco-rèn-fai-dous-bout.

Vese encaro Jan-d’oulando
(qu’es tant siau que rèn l’esbrando)
Jan-flahuto, Jan-lou-bou,
(bouto ! sian pancaro au bout !)

Pouden pas, aqui de filo,
Broucarda touto la vilo.
Se voulès, pèr aquest an,
Repassaren que li Jan.

I’a Jan-que-ris, Jan-que- plouro,
I’a Jan-raubo, Jan-toutouro,
Jan-de-l’ourse que fai pòu,
Jan-fougnaire que res vòu.

Jan-coufèsso-li-mounino
Que se copo lis esquino,
Jan-peto-Jan, Jan-cago-blanc
Que fai rire lis enfant.

Pouden pas, aqui de filo,
Broucarda touto la vilo.
Se voulès, pèr aquest an,
Repassaren que li Jan.

I’a Jan-lipo-la-toupino,
Jan-coucounié qu’i galino
’mé lou det vai tasta l’iòu
Emai Jan-cerco-la-pòu.

I’a Jan-renosi que reno,
Jan-siblet, Jan-que-remeno
I’a pièi Jan-que-tout-es-siéu,
E i’a tambèn Jan… disiéu,

Que pèr n’en tira la tiero
Passarian la niue entiero…
N’i’a encaro de mouloun
Mai clave eici ma cansoun.

Que pèr n’en tira la tiero
Passarian la niue entiero…
N’i’a encaro de mouloun
Mai clave eici ma cansoun.

Que pèr n’en tira la tiero
Passarian la niue entiero…
N’i’a encaro de mouloun
Mai clave eici ma cansoun.

Canto, moun bèu canto,
coume se te falié mouri demain ;
coume se rèn avié plus d’impourtanço,
canto, vai canto. …

Legir tot

Canto, moun bèu canto,
coume se te falié mouri demain ;
coume se rèn avié plus d’impourtanço,
canto, vai canto.

Amo, moun bèu amo
la vido que s’esquiho de ti man ;
coume s’ero acò ta darriero chanço,
canto, vai canto.

De cop que i’a fai besoun
de cauco foro la resoun
sauto de toun estre
marcho sus la testo
e pièi faras de cansoun ;

t’en fagues pas !

Canto, moun bèu canto,
coume se te falié mouri demain ;
coume se rèn avié plus d’impourtanço,
canto, vai canto.

Festo, fai la festo,
pèr te desenueia de toun tran- tran,
pèr oublida que plòu sus ti vacanço ;
canto, vai canto.

Poudras parti quand voudras,
e faire tout ço que voudras :
vueja la boutiho,
courseja li fiho,
o t’ajassa se siés las ;

t’en fagues pas !

Canto, moun bèu canto,
coume se te falié mouri demain ;
coume se rèn avié plus d’impourtanço,
canto, vai canto.

Hèi ! mounte siés pèire ?
De que fas ?
Hòu ! vene me vèire,
Lou saupras !
Bouto, te …

Legir tot

Hèi ! mounte siés pèire ?
De que fas ?
Hòu ! vene me vèire,
Lou saupras !
Bouto, te guèire !
Mounte vas ?
Vau vèire se lou chin
Ei pas vers lou vesin !

Hèi ! mounte siés pèire ?
De que fas ?
Hòu ! vene me vèire,
Lou saupras !
Bouto, te guèire !
Mounte vas ?
Vau au bout dou camin
Ajuda lou cousin !

Mai un cop darnié lou canié
Anavian courre dins li terro
E roulavian dins de papié
De barbeno de barbarié
Que fumavian dins la figuiero.

Hèi ! mounte siés pèire ?
De que fas ?
Hòu ! vene me vèire,
Lou saupras !
Bouto, te guèire !
Mounte vas ?
Vau vèire adematin
Se i’a d’aigo au bacin !

Mai un cop darnié lou canié
Dins lou bartas l’on se regalo
D’amouro e plesi vertadié
Escalan is agroufounié
Manja de merdo de cigalo.

Hèi ! mounte siés pèire ?
De que fas ?
Hòu ! vene me vèire,
Lou saupras !
Bouto, te guèire !
Mounte vas ?
Vau vèire s’au jardin
I’a enca de rasin !

Mai un cop darnié lou canié
S’enanavian cala de lèco
E coume de vièi bracounié
D’asard s’un aucèu se prenié
Se cresian d’èstre de grand mèco.

Hèi ! mounte siés pèire ?
Fe que fas ?
Hòu ! vene me vèire,
Lou saupras !

Hèi ! mounte siés pèire ?
Fe que fas ?
Hòu ! vene me vèire,
Lou saupras !

Aquéu drole noun vau pas ’n pié !

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te. …

Legir tot

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te.

Dins un cantoun
Dóu plafound,
O dins l’amagadou d’un granié ;

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te.

Aventurouso,
O crentouso,
Esfraies li gènt sèns lou voulé.

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te.

Fas ges de mau
Dins l’oustau,
Mai di bedigas fau t’apara ;

Ta telaragno
Li carcagno,
Alor pènson qu’à t’escagassa.

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te.

Estarigagno, estarigagno,
Escouto-me ;
Siés moun amigo, ma coumpagno,
Escouto-me ;
EStarigagno, estarigagno,
Aviso-te,
L’intoulerànci, la magagno,
An toui li dre.

Fai coume l’aucèu,
N’a proun d’un pau d’aigo fresco un aucèu,
D’un pau de casso e de pesco un aucèu, …

Legir tot

Fai coume l’aucèu,
N’a proun d’un pau d’aigo fresco un aucèu,
D’un pau de casso e de pesco un aucèu,
Vòu pas lou mèu e la bresco l’aucèu,
Mai mounto au cèu.

Mai siéu soulet dins l’univers,
Tout va, me semblo, de l’envers,
Ai pòu dóu mounde e dóu desert,
E ai pòu dóu tèms que s’en vai.
Coume se pòu viéure aujourd’uei
Dins li trigos e dins l’enuei
Lou sabe pas, lou sabe plus
E siéu perdu.

Fai coume l’aucèu,
N’a proun d’un pau d’aigo fresco un aucèu,
D’un pau de casso e de pesco un aucèu,
Vòu pas lou mèu e la bresco l’aucèu,
Mai mounto au cèu.

E l’amour que decesson pas
De n’en parla de lou canta,
que n’en sian tóuti enmasca,
L’ai jamai vist ni çai ni lai ;
Coume se pòu viéure sèns èu,
Emai nous boutèsse à l’abèu,
Ié crese pas, ié crese plus,
E siéu perdu.

Fai coume l’aucèu,
N’a proun d’un pau d’aigo fresco un aucèu,
D’un pau de casso e de pesco un aucèu,
Vòu pas lou mèu e la bresco l’aucèu,
Mai mounto au cèu.

E n’ai proun d’estre encoucourda
Pèr de marchand de liberta,
Que de longo nous fan bada
La pastounargo coume is ai.
Coume se pòu viéure countènt,
Quand cresès plus en res, en rèn,
Lou sabe pas , lou sabe plus,
E siéu perdu.

Fai coume l’aucèu,
N’a proun d’un pau d’aigo fresco un aucèu,
D’un pau de casso e de pesco un aucèu,
Vòu pas lou mèu e la bresco l’aucèu,
Mai mounto au cèu.

Jèsu es na en Prouvènço
Dins un endré qu’es pas bèn liuen d’eici
Jèsu es na en Prouvènço
Justin lou …

Legir tot

Jèsu es na en Prouvènço
Dins un endré qu’es pas bèn liuen d’eici
Jèsu es na en Prouvènço
Justin lou pastre me l’a di.
Es na à l’adré de Durènço
Entre Avignoun, li Santo e Mount-Majour
Jèsu es na en Prouvènço
Jèsu es na dins lou miéjour.

E lou pastre m’a esplica :
Quouro se soun mes en partènço
Dins la famiho dóu fustié
Esperavon uno neissènço
Mai sabien pas quouro sarié.
Coume de carto n’èron sènso
Soun arriva dins noste endré.
Es entre mar, Rose e Durènço
Qu’adounc lou pichot neisseguè.

Ah ! de segur, la bello istòri
De l’enfant nascu de Marìo !
Bord qu’es nascu dins uno bòri
Es la Prouvènço sa patrìo.
Sian tóuti en rejouïssènço
Qu’es pèr nous-autre un grand ounour ;
Se Jèsu es na en Prouvènço
Es qu’ei tant bèu noste miéjour.

Ou----------------------- belèu bèn, belèu bèn
Ou----------------------- belèu bèn, belèu bèn.

Aflato-te de iéu
Ai besoun de parla
Parla un pau …

Legir tot

Ou----------------------- belèu bèn, belèu bèn
Ou----------------------- belèu bèn, belèu bèn.

Aflato-te de iéu
Ai besoun de parla
Parla un pau de tu, de iéu
Jusqu’à deman belèu
Belèu jusqu’à la mort.

Encaro sabe pas
Lou tèms que durara
L’amour que vèn de coumença
Jusqu’à deman belèu
Belèu jusqu’à la mort.

Se jitan dins l’amour coume dins un desvàri
Festejan chasque jour coume un anniversàri
E iéu te doune tout
E te dounes à iéu
Disèn qu’anaren jusqu’au bout
N’en sabèn rèn de tout
Disèn que l’on ié crèi
Mai sabèn pas de qu’èi

Iéu sabe pas enca
Lou tèms que durara
L’amour que vèn de coumença
Jusqu’à deman belèu
Belèu jusqu’à la mort.

Tóuti dous dounan d’èr en de bestiàri fer
Qui se mordon quàuqui fes pèr s’ama enca mies
Jamais es esta fa
Jamais noun se fara
Em’un pau de terro e de fiò
Mai grand amour en liò
Plus bel amour qu’au
Plus bel amour que tu

Iéu sabe pas enca
Lou tèms que durara
L’amour que vèn de coumença
Jusqu’à deman belèu
Belèu jusqu’à la mort

Que tout es bèu adematin,
lou mounde es en trin
pèr la fèsto.
Em’aquéli que soun eici,
sian tóuti d’ami …

Legir tot

Que tout es bèu adematin,
lou mounde es en trin
pèr la fèsto.
Em’aquéli que soun eici,
sian tóuti d’ami
es la festo.
Coume un grignoun descabestra
sèns ges de seden
que lando abrama
dins lou vènt,
lou mounde qu’èro escagassa
s’es resquinquiha,
e s’en vai dansa
à la fèsto.

D’abord qu’an de biòu, de chivau
pèr li prouvençau
es la fèsto.
D’abord qu’an d’òli ‘mé d’aiet,
pèr nòsti lipet
es la festo.
Coume un grignoun descabestra
sèns ges de seden
que lando abrama
dins lou vènt,
à forço de n’en pantaia
e de la souna,
aro es arriva-
do la fèsto.

Que la vido sarié bello
s’èro pas aquéu boucan,
di camioun sus lou quitran
nous dounant lou turban.
Que la vido sarié bello
s’èro pas aquéu sagan,
de trigos e de chamatan
de bourroulo-crestian ;
e se l’aigo que bevèn
èro l’aigo fresco dóu sourgènt.

Emé nautre venès canta
e frandoula
à la fèsto.
Aujourd’uei tóuti li soucit
se soun esvali
qu’es la fèsto.
Coume un grignoun descabestra
sèns ges de seden
que lando abrama
dins lou vènt,
avèn lis iue escarcaia
sus la liberta,
e la liberta
es la fèsto.

Un bèu matin
Se passo plus pèr lou camin
Dis escoulan
Se cour plus pèr de dire d’èstre lou proumié …

Legir tot

Un bèu matin
Se passo plus pèr lou camin
Dis escoulan
Se cour plus pèr de dire d’èstre lou proumié
Se jogo plus à pèd cauquet
Sus lou quitran.

Un bèu matin
S’óublidon ami e vesin
Au fièu dóu tèms
Se laisso la calour de l’oustau de si gènt
Se cresen d’agué proun de sèn
E s’en anen.

La jouinesso, ’co s’en vai
Amoussa lou fiò, s’acabo la fèsto.
La jouinesso, ’co s’en vai
E di bon moussèu soubro que l’aresto,
Li degai.

E vèn lou tèms
Ounte jouguen coume li grand
I jo nafrant
Li de la guerro, e de l’amour e de l’argènt
Que tout se croumpo e tout se vend dins nósti tèms

Es que lou tèms
S’esquiho lèu coume la sablo
Entre li det
Mai la jouinesso emé noste eime beluguet
Dedins lou cor la gardaren
Eternamen.

La jouinesso, ’co s’en vai
Amoussa lou fiò, s’acabo la fèsto.
La jouinesso, ’co s’en vai
E di bon moussèu soubro que l’aresto,
Li degai.

mm mm mm …
mm mm mm …

La jouinesso, ’co s’en vai
mm mm mm …

La jouinesso, ’co s’en vai
Amoussa lou fiò, s’acabo la fèsto.
La jouinesso, ’co s’en vai
Saupre se revendra lou mes de mai,
Tourna-mai.

Dins un jas abandouna
Lou paure pichot es na.
Marìo emé sant Jóusè
Pèr soun enfantounet
Tremoulant de la fre …

Legir tot

Dins un jas abandouna
Lou paure pichot es na.
Marìo emé sant Jóusè
Pèr soun enfantounet
Tremoulant de la fre
An, dins lou paié,
Adouba un paure lié.

Sus la paio ei quàsi nus,
Miserable coume un gus.
Lou biòu emé l’ase, ensèn
Ié boufon soun alen
E pièi quand dins lou fen
Sa sabo lou pren
Marìo ié douno lou sen.

Li pastre dereviha
Soun vengu lis ajuda.
Ié baion soun rejauchoun
De la e de froumajoun
E pèr lou pipaudoun
Un pichot vanoun
De lano de si móutoun.

Tre que l’estello a briha
Li rèi se soun endraia.
Carga de mierro e d’encèns
E d’or à Betelèn
Soun vengu umblamen
Pourgi si presènt
À l’enfant de la jacènt.

Dins un jas abandouna
Lou paure pichot es na.
Marìo emé sant Jóusè
Pèr soun enfantounet
Tremoulant de la fre
An, dins lou paié,
Adouba un paure lié.

Au mes de Mai, sus uno busco
Lou roussignòu, plegant lis iue,
S’èro endourmi dedins la niue ;
Mai lou …

Legir tot

Au mes de Mai, sus uno busco
Lou roussignòu, plegant lis iue,
S’èro endourmi dedins la niue ;
Mai lou rejit d’uno lambrusco
Dins sa vediho l’arrapè –
E lou vaqui pres pèr li pèd.

Lou roussignòu, quand se reviho,
A bèu, pecaire, arpeteja ;
Au quicho-pèd se vèi penja :
« Ah ! que soun traito li vediho !
Adiéu ma bello e mi cansoun :
Me fau mouri sus un bouissoun. »

Es desempièi que, dins Prouvènço,
À la jitello dóu maiòu
Ié dison gripo-roussignòu ;
E desempièi, pèr sa defènso,
Dedins li niue dóu mes de Mai,
Li roussignòu dormon jamai.

E sus si gardo, quite e lite,
Touto la niue menant rumour,
Fan que canta pèr sis amour :
Ah ! que li vigno crèisson vite !
En tèms d’amour, mi bèus ami,
Vau miés canta que de dourmi.

Trenet afourtissié
Que se poudié pas vèire
Ensèn la luno e lou soulèu.
Nautre aven au miejour uno autro astrounoumìo …

Legir tot

Trenet afourtissié
Que se poudié pas vèire
Ensèn la luno e lou soulèu.
Nautre aven au miejour uno autro astrounoumìo ;
Dóu mai i’a de soulèu
Dóu mai vesèn de luno,
De miliasso de luno se caufant au soulèu.

N’i’a en veno d’aiet e n’i’a en degout d’òli
Mai acò noun farié jamai qu’un paure aiòli
Pèr quau a d’apetis e s’es un pau groumand
Dèu n’en tasta mai d’uno o resta sus sa fam.

De redouno, espoumpido, urouso, atalentanto
Rejougnènt lou plesi dins si formo galanto ;
De pichoto semblant un parèu d’agroufioun
Qu’escoundon entre si gauto un pichot courdeloun.

Trenet afourtissié
Que se poudié pas vèire
Ensèn la luno e lou soulèu.
Nautre aven au miejour uno autro astrounoumìo ;
Dóu mai i’a de soulèu
Dóu mai vesèn de luno,
De miliasso de luno se caufant au soulèu.

E n’i’a que n’an que d’os, luno de mort peleto
Luno de quàsi ren ounte uno bandeleto
Tapo lou troufignoun, luno de faraoun
Que sa pèu boucanado es vengudo cartoun.

N’i’a que la man vous prus de chaspa sa peu bruno,
Passarias bèn la niue au lougis de sa luno ;
De blanco coume gip, de luno de pierrot
Envahido, dirias, d’un grand vitiligò.

Trenet afourtissié
Que se poudié pas vèire
Ensèn la luno e lou soulèu.
Nautre aven au miejour uno autro astrounoumìo ;
Dóu mai i’a de soulèu
Dóu mai vesèn de luno,
De miliasso de luno se caufant au soulèu.

N’i’a pièi d’espetaclouso, einormo car moustrouso
Boudenflado, mouloun de celulito afrouso ;
Se vous aflatas trop d’aquéli mounumen
Vous creirias engouli pèr li sablas mouvènt.

De pessègue duran, fierta dis espourtivo
Emé la poupo fermo e li gauto agradivo,
Gauto fresco di fiho emperlado d’embrum
Mesclant l’óudour de l’aigo à soun propre perfum.

Trenet afourtissié
Que se poudié pas vèire
Ensèn la luno e lou soulèu.
Nautre aven au miejour uno autro astrounoumìo ;
Dóu mai i’a de soulèu
Dóu mai vesèn de luno,
De miliasso de luno se caufant au soulèu.

L’engèni vous esbléugis à Paris
pauro pichòti lusour dóu miejour
sabès que coume se dis à Paris
lou travai es …

Legir tot

L’engèni vous esbléugis à Paris
pauro pichòti lusour dóu miejour
sabès que coume se dis à Paris
lou travai es la terrour dóu miejour.

Couneissoun proun lou pastis à Paris
li bocho emai la calour dóu miejour
de noste acènt se n’en ris à Paris
emai dis us e di mour dóu miejour.

Tout acò se dis desempièi d’an e d’an
lou vièi parisen l’apren à sis enfant
en ié redisent ço qu’a apres antan,
mai pamens

Tóuti li cervèu boutis de Paris
saupran jamai la founsour dóu miejour
la croio que s’espoumpis à Paris
saupra jamai li pudour dóu miejour.

Avant tout lou bramadis de Paris
cantavon li troubadour dóu miejour
e dins soun bèu paraulis de Paris
d’ounte vèn lou mot amour ? dóu miejour.
Amour dóu miejour.

Siéu mirèio à Maiano,
Esclarmonda a Mont-Segur ;
Siéu Faneto e Fourtuneto,
Elienòr e Guilhaumeta ;
E siéu Nerto o …

Legir tot

Siéu mirèio à Maiano,
Esclarmonda a Mont-Segur ;
Siéu Faneto e Fourtuneto,
Elienòr e Guilhaumeta ;
E siéu Nerto o belèu Lauro,
Beatritz la trobairitz ;
Siéu Esterello e l’Angloro,
E siáu meme Azalaïs (bis).

Felibresso, bastidano,
Trobairitz e partisana,
Dedins lis areno d’arle, ai crida « fau reguigna ! »
A la torre de costança, ai marcat « fau resistar ! ».
Sabe qu’au soulèu di Baus, qu’au soulèu dóu Luberoun,
Qu’au solèu de Queribus, qu’au solèu dau Carcassés,
Totei lei cigalas cantan, la memo cansoun.

E Vincèns de Valabrego
De ieu es malaut d’amor ;
Siéu en gàbi dins lis aubo
De Bernat de Ventador.
E Pèire Vidal me canto
En baladas e en coblets.
E siéu dins lis estampido
D’un Rambaut de Vaqueiràs.

Felibresso, bastidano,
Trobairitz e partisana,
Dedins lis areno d’arle, ai crida « fau reguigna ! »
A la torre de costança, ai marcat « fau resistar ! ».
Sabe qu’au soulèu di Baus, qu’au soulèu dóu Luberoun,
Qu’au solèu de Queribus, qu’au solèu dau Carcassés,
Totei lei cigalas cantan, la memo cansoun.

Camino alassa,
La cabro sus si taloun,
Matiéu revèn dóu marcat ;
I’a vendu quàuquis iòu.

Camino alassa ;
Es …

Legir tot

Camino alassa,
La cabro sus si taloun,
Matiéu revèn dóu marcat ;
I’a vendu quàuquis iòu.

Camino alassa ;
Es que lou cor i’a manca ;
S’èro di de chabi
Sa cabro que lou seguis
Pas pèr pas.

Mai pèr un pau de sau
Que ié douno au clot de sa man,
Elo, vèn ié douna
Un semblant de calour.

E sus lou caladat
S’entend plus que soun triste pas.
Tout lou vilage es mut
Que li gènt l’an quita.

Camino alassa
De l’estable au galinié
Deserta, si galino
An pèr éli tout lou païs.

La campano vuei
Au vènt sono que lou clar ;
’Mé sa cabro à si pèd,
Éu s’asseto agrasa.

E Matièu deura-ti,
Éu tambèn, s’enana
Dóu païs.

D’uno febreto iéu m’envau
Em’un prenoum que pren soun vòu
E quàuqui souveni d’amour
Qu’au founs dis iue garde toujour …

Legir tot

D’uno febreto iéu m’envau
Em’un prenoum que pren soun vòu
E quàuqui souveni d’amour
Qu’au founs dis iue garde toujour

Vese acò coume un bon jougaire
Que prenon pèr un enganaire
Quouro soun bate-cor darrié
Veramen lou rènd grimassié

Alor iéu rise douçamen
Parié coume is enterramen
En pensant qu’au founs, trepassa
N’es plus de rire s’arresta.

D’uno febreto iéu m’envau
Em’un prenoum que pren soun vòu
E quàuqui souveni d’amour
Qu’au founs dis iue garde toujour.

Merci moussu lou mounde.
Merci pèr voste mounde.
Que n’en fasèn noste proun,
Meme quouro viro pas trop round.

Merci …

Legir tot

Merci moussu lou mounde.
Merci pèr voste mounde.
Que n’en fasèn noste proun,
Meme quouro viro pas trop round.

Merci pèr li mountagno ;
Li nis dins li baragno.
Coumplimen pèr li sesoun,
Aqui i’a d’idèio de cansoun.

Merci la mar ;
Jamais s’es atrouva un verd mai blu , un blu mai verd.
Jamai s’es entendu en liò de plus poulid councert,
Qu’aquéli dis aucèu que fan l’aleto dins lou cèu.

Merci lou vènt ;
Fas oundeja li blad e fas ferni lis oucean.
Merci pèr lou soulèu e la coulèro di voulcan ;
Pèr l’arc-de-sedo bèu que bouto la gau dins lou cor
D’un enfant.

Merci moussu lou mounde.
Merci pèr voste mounde.
Vous pregan de perdouna
Li niais que fan que vous degaia.

Merci moussu lou mounde.
Merci pèr la couloumbo ;
La leissés jamai mouri
Vous n’en faren nòsti gramaci.

Nouvè, vendras d’amount dóu cèu
nous adurre bèn lèu
un amour nouvèu

Nouvè, pourgiras un pau de mèu
pèr nous …

Legir tot

Nouvè, vendras d’amount dóu cèu
nous adurre bèn lèu
un amour nouvèu

Nouvè, pourgiras un pau de mèu
pèr nous leva lou fèu
d’aquéu mounde grèu

Nouvè, Nouvè
eici vivènt à l’abèu
demié fiò e gèu

Nouvè, dins la fre e la nèu
toui lis enfant dóu cèu
an lis iue riserèu

Nouvè, Nouvè
eici vivènt à l’abèu
demié fiò e gèu

Nouvè, aduse à noste apèu
dins ti pàuri banèu
toun plus bel agnèu

Nouvè, Nouvè
eici vivènt à l’abèu
demié fiò e gèu

Nouvè, pourgiras un pau de mèu
pèr nous leva lou fèu
d’aquéu mounde grèu

Nouvè, vène d’amount dóu cèu
nous adurre lèu lèu
un amour nouvèu

Nouvè, vène d’amount dóu cèu
nous adurre lèu lèu
un amour nouvèu

Nouvè
Nouvè

Nouvè, Nouvè
Siéu toujour l’enfant
Nouvè, Nouvè
Qu’embelines tant
Nouvè, Nouvè
Iéu me souvene de toun tèms
Ounte iéu emé …

Legir tot

Nouvè, Nouvè
Siéu toujour l’enfant
Nouvè, Nouvè
Qu’embelines tant
Nouvè, Nouvè
Iéu me souvene de toun tèms
Ounte iéu emé mi parènt
Èrian tras qu’urous e countènt.

Nouvè, Nouvè
Lou passa ensèn
Nouvè, Nouvè
Un trefoulimen
Nouvè, Nouvè
Pèr elegi lou bèu sapin
L’adourna ‘mé de serpentin
Lou faire lusi diamantin.

Santo Barbo vèn
Adure soun blad dins tres sieto
Pièi vèn lou belèn
‘mé lou verd-bouisset e la fèsto
Nouvè, Nouvè
Dins l’esperit di tradicioun
Coume se fai dins soun cantoun
Despièi milo generacioun.

Nouvè, Nouvè
Toun vespre s’adus
Nouvè, Nouvè
Aboundant de lus
Nouvè, Nouvè
Bèn m’acata dedins moun lié
Pantaia de touca dóu det
Lou barbassu e si jouguet.

Nouvè, Nouvè
Ai lou treboulèri
Nouvè, Nouvè
Pèr toun grand mistèri
Nouvè, Nouvè
E tre que lou soulèu sourtié
Ère adejà dins mi soulié
À tafura li miéu jouguet.

E manja ensèn
Uno divino anchouiado
E manja ensèn
Un pau de merlusso en brandado
Nouvè, Nouvè
Dins l’esperit di tradicioun
Coume se fai dins soun cantoun
Despièi milo generacioun.

Cacho-fiò,
Bouto fiò !
Alègre ! Alègre !
Diéu nous alègre !
Calèndo vèn, tout bèn vèn !
Diéu nous fague la gràci
De vèire l’an que vèn,
E se noun sian pas mai,
Que noun fuguen pas mens !

Nouvè, Nouvè
Siegue un boumbimen
Nouvè, Nouvè
Pèr tóuti li gènt
Nouvè, Nouvè.

Papet Pinatèu sieissanto an qu’es fidèu e sage ;
Ges de malautié,
Ges de signe particulié.
Un jour, se dis …

Legir tot

Papet Pinatèu sieissanto an qu’es fidèu e sage ;
Ges de malautié,
Ges de signe particulié.
Un jour, se dis : « n’i’a proun desenant,
Me fau lèu-lèu garça lou camp,
Senoun siéu foutu,
Partirai jamai plus ».

S’esquiho dou lié e pièi se fai lisquet, pardinche.
Fai lis iue caiet
En vesènt dourmi sa mouié.
Alor i’escrièu un pichot bihet :
« De segur es uno foulié, mai
moun astrado en man,
mamet garce lou camp ! »

E vaqui papet Pinatèu que volo,
Lou cor lougié, lougié,
Oublidant si pensié … lou couquin
Se vai paga per coumença,
Un foutrau de dejuna,
De cafè, de pan bagna,
Papet Pinatèu desmeinajo.

Papet Pinatèu afreto un bèu batèu que passo ;
Se fai desbarca
Au cabaretoun d’à coustat.
Eila se vèi dansa li fiho
Que senton bon la vaniho ;
Soun tant agradivo
Que se ié recalivo.

E vaqui papet Pinatèu que volo,
Lou cor urous, urous
Papet es amourous … lou couquin
Baio de bouquetoun de flour,
E de foulard de coulour,
A si nouvèllis amour ;
Papet Pinatèu te degaies.

Tre lou calabrun, lou viage e lou chalun s’acabon ;
Papet tout mouquet
Se recampo a soun oustalet.
Mamet dis : « t’ai fa de poutage,
’cò fai de bèn à toun age » ;
E papet coumpren que sa foulié
Èro que de vènt.

Pastre dei mountagno,
La divinita
A pres pèr coumpagno
Vosto umanita ;
Soun dins la persouno
D’un petit garçoun
Que …

Legir tot

Pastre dei mountagno,
La divinita
A pres pèr coumpagno
Vosto umanita ;
Soun dins la persouno
D’un petit garçoun
Que soun Paire douno
Pèr vosto rançoun.

Li a proun de gènt
Que van en roumavage ;
Li a proun de gènt
Que van en Betelèn.
Li vole ana,
Ai quàsi proun courage,
Li vole ana,
S’iéu pode camina.

La cambo me fai mau
Bouto sello,
Bouto sello,
La cambo me fai mau,
Bouto sello à moun chivau.

Toui lei bergié
Qu’èron sus la mountagno,
Toui lei bergié
An vist un messagié,
Que li a crida :
Metès-vous en campagno,
Que li a crida :
Lou Fiéu de Diéu es na !

La cambo me fai mau
Bouto sello,
Bouto sello,
La cambo me fai mau,
Bouto sello à moun chivau.

La cambo me fai mau
Bouto sello,
Bouto sello,
La cambo me fai mau,
Bouto sello à moun chivau.

La troupo fidèlo
A pres grand plesi
D’ausi la nouvello
Que l’Ange li a dit ;
An peno de crèire
Qu’acò sié verai ;
Volon l’ana vèire
Aqui vounte jai.

Vire que vire dins moun baloun
Me vesès gros e siéu pichoun
Boulègue la coua davans tóuti
N’en rougèje de …

Legir tot

Vire que vire dins moun baloun
Me vesès gros e siéu pichoun
Boulègue la coua davans tóuti
N’en rougèje de la counfusioun.

Vire que vire dins moun baloun
Barre jamai mis afatoun
De cop que i’a casse li niero
Que me dounon vòsti nistoun.

Vire que vire dins moun baloun
De la pòu o de l’emoucioun
Pode que faire de boufigo
Quand vole larga de resoun.

Siéu discrèt e dison que m’amon
Mai m’an jamai fa un poutoun.

Vire que vire dins moun baloun
Ai jamai trouba de cantoun
Pèr m’escoundre ni de sourtido
Pèr m’escapa de ma presoun.

Quouro de vira n’aurai proun
Desplegarai mis aleiroun
D’un saut me negarai dins l’aire
Pèr óublida que siéu peissoun

Poulit sapin de mi Nouvè,
Mi niue de nèu à guèira lou cèu,
Sias bèn trop liuen, ai lou bourdoun …

Legir tot

Poulit sapin de mi Nouvè,
Mi niue de nèu à guèira lou cèu,
Sias bèn trop liuen, ai lou bourdoun
D’un desmama, d’un sèns-amour ;
Soun descarga mi sabatoun
Ai las, ai las, ei pèr toujour.

Adiéu sapin de mi dès ans,
O fau pas t’arresta, aquel èr fau countunia ;
Me sias de manco, coume uno fado,
Coume un païs, coume un amour ;
La chaminèio es amoussado,
Ai las, ai las, ei pèr toujour.

Poulit sapin de mi dès an,
Garlando d’or pèr lis iue d’enfant,
Qu’en s’amoussant fan beluguet,
Cadun soun tèms, cadun soun tour ;
Soun esclapa li miéu jouguet
Ai las, ai las, ei pèr toujour.

O noun fau pas ploura, Nouvè revendra ;
Cadun soun tèms, cadun soun tour,
Ai las, ai las, ei pèr toujour.