Per un vrespe d'estiu en pais estrangèr
Lo temps qu'èi pesuc e l'ambient pro leugèr
Lucadas crotzadas pr'amor deu curiosèr …

Legir tot

Per un vrespe d'estiu en pais estrangèr
Lo temps qu'èi pesuc e l'ambient pro leugèr
Lucadas crotzadas pr'amor deu curiosèr
Per un vrespe d'estiu en pais estrangèr.

Mentre qui danças peu mièi de l'esclarèja
Au son deus tamborins, que se'm gaha l'envèja
D'ua dança carnau dab tu qui alèjas
Mentre qui danças peu mièi de l'esclarèja.

Lo viatge iniciatic m'envadeish calorós
Los braç e los còs lo balanç tant graciós
deu ton peu nègre e long, de l'anar misteriós
Lo viatge iniciatic m'envadeish calorós.

Un drin empatricat, que vadi mei escarp
Anar mei endavant, desbrembà's lo miscap
De non poder malaja, apressà'm deu ton cap
Un drin empatricat, que vadi mei escarp.

Qu'èi en clucar los uelhs qui apercebi la lutz
De ton beth irís nègre esclarejant lo putz
deus sentits mei pregonds qui partajam los dus
Qu'èi en clucar los uelhs qui apercèbi la lutz.

L'estrància s'acabè, que desapareishós
Lo men còr qu'èi macat a jamèi per tas flors
E quan sus ma terra se'm torna lo sovièr
Que'm gahi la flabuta e vadi mei leugèr.

Abans qui gèli, plavi o ventèji, que'u voi diser quin l'aimi,
Jo la desiri, ma tor d'ivòri, pas d'auta non …

Legir tot

Abans qui gèli, plavi o ventèji, que'u voi diser quin l'aimi,
Jo la desiri, ma tor d'ivòri, pas d'auta non n'adòri
Que l'aimi, que l'aimi, que l'aimi
Que l'aimi, que l'aimi, que l'aimi
Mes trobador non vàli e non gausi pas partir
Que cridi, que cridi, que cridi,
Que sàpis que deus òmis, soi jo qui te meriti,
Que plori, que plori, que plori...

Pr'amor deu gelós, aqueth bienurós, eth qui èra tant amorós,
Las nostas amors, a maugrat deus plors, tostemps demoraran blós,
Dolorós, dolorós, dolorós,
Dolorós, dolorós, dolorós,
Lo hred deu cèu tenebrós qu'ei un lincòu de doçors,
Tot qu'ei doç, tot qu'ei doç tot qu'ei doç
De luenh, be son mas amors, mes sàpis que soi urós,
Amorós, amorós, amorós...

Nau gojatas deu pèu rós
Que dançan au mièi de las flors
Nau gojatas deu pèu rós
Que hèn virar …

Legir tot

Nau gojatas deu pèu rós
Que dançan au mièi de las flors
Nau gojatas deu pèu rós
Que hèn virar las amors
Se las tòcas tòcas tòcas
Se las tòcas malurós
Se las tòcas tòcas tòcas
Se las tòcas qu'es amorós....

A totas las Mametas deu parçan, d’aulhors
Aiko, Anuvà, Aïcha,Jenny o Lidià
Qu’ètz l’unica ligam d’un passat bienurós,
Jana, Maria, …

Legir tot

A totas las Mametas deu parçan, d’aulhors
Aiko, Anuvà, Aïcha,Jenny o Lidià
Qu’ètz l’unica ligam d’un passat bienurós,
Jana, Maria, Olgà, Panxikà, Rosità.

E saps ma Mameta, a tu pensi sovent
Demoran imatges esblasidas per los ans
L’enfáncia magica, los sovièrs plan presents
Dimenjadas, vacanças, potiu, be t’aimi tant.

D’Aragon a cinq ans qu’as quitat lo praubèr
Passat la termièra dinc a l’Auda vesia
Ua terra d’arcuelh on contunha a plasèr
Las sasons de l’amor, la vita de tot dia.

Que m’as aprés tot çò qu’un mainat a besonh
A parlar, marchar, per las bòrdas au cluquet
E per los camps causir los mei bons responchons*
Lo temps de las sasons, a daunejar la met.

E puish un còp per l’an la hèsta deu vilatge
Devath las platanas, la plaçeta enlusida
De la lutz deus lampions, las caras de tot atge
De gaujor a jamei ma memòria an conhida.

Tota sola acera la Mameta qu’espèra
A quauqu’un tà disnar vrespejar o sopar
Arrens non vieneràn, la Mameta qu’apèra
Hant-se-nueit, ta batlèu, dromir que calerà.

Nau que s'an gahat l'aviada per los camins de travèrsa
Nau que s'an gahat l'aviada per los senderòts....

Legir tot

Nau que s'an gahat l'aviada per los camins de travèrsa
Nau que s'an gahat l'aviada per los senderòts....

Peirotov n'avó hartèra
En Biarn que desbarquè
Mes ne viengó pas dab era
Ne li disó pas perqué

lo Peirotov, …

Legir tot

Peirotov n'avó hartèra
En Biarn que desbarquè
Mes ne viengó pas dab era
Ne li disó pas perqué

lo Peirotov, lo Peirotov, lo praube praube Peirotov (x 2)

Mes sus la tèrra navèra
Que's cau ganhar lo dequé
Tà har cap a la magrèra
A las pòrtas que truquè

Lo peirotov...

E au cap de la darrèra
Qu'entrè e que horruquè
autant com eth qu'èra vueita
Qu'èi a plorar que's hiquè

Lo Peirotov....

Acerà hòra la bèra
Lo còr que'u s'esperequè
Mes non li calo pas hèra
Pantelovic la se casquè !

Lo Peirotov...

Era m’a hèit captiu d’ua espiada calina,
En ma carnau caujòla non poish mei demorar,
Va caler que’n sòrti sinon …

Legir tot

Era m’a hèit captiu d’ua espiada calina,
En ma carnau caujòla non poish mei demorar,
Va caler que’n sòrti sinon que vau crebar.

Be soi enqüèra viu puish que mon còr bailina,
En sa carnau caujòla on non pòt aledar,
Ja sian tant de penas non poish pas mei plorar.

Tant de temps qui t’aimi en secret malaja,
Jamei non t’ac èi dit deu men perhons t’apèri,
L’amor emprisoat que s’ei mudat en òdi.

Ni mon còs ni mon còr non poderàn bahida,
Pas mei sofrir lo mau qui m’a hèit ton espiada,
Alebats a jamei per sa perfida espada.

Mes ara que’t dèishi, que senteishi lo hred,
Qu’ei la nueit qui s’apressa que vau barrar los uelhs.

Deu cap deus ans estant
Que’m brembi enqüèra tant
Deu ton peu anerat
Leugèr e encantat.

Jo quan te solacièi …

Legir tot

Deu cap deus ans estant
Que’m brembi enqüèra tant
Deu ton peu anerat
Leugèr e encantat.

Jo quan te solacièi
Ne data pas de uei
N’avoi lo verdigòu
Que’n pensèi vàder hòu.

D’ua tau abraçada
Arron la passejada
Hasóm la cabiròla
E vira la cabòla.

De nueithens a l’aubeta
Shens cès ni pauseta
E tostemps a l’argüeit
B’estó braca la nueit.

E lo merlo au matin
L’aulor a l’aubespin
E l’arrós sus la peth
Uns diamants sus ton piet.

Deu cap deus ans estant
Que’m brembi enqüèra tant
D’ua aulor d’ua estrèita
E perpit e delèra…