A la bòrda qu’i a nau pans,
Tant deus negues com deus blancs.
"- Ic saps tu ?
-Òc ben, …

Legir tot

A la bòrda qu’i a nau pans,
Tant deus negues com deus blancs.
"- Ic saps tu ?
-Òc ben, qu’ac sèi.
-As-tu la clau ?
-Òc ben, que l’èi.
Òu ! Canalha, vira la palha,
Joan-vaquèr, tira lo pè.

A la bòrda qu’i a ueit pans,...
A la bòrda qu’i a sèt pans,...

Au ton coenh, qu’as un riban blanc
Blanc com nèu au sorelh levant,
Bèra hialaira, bèra hialaira,
Qui hialas deu …

Legir tot

Au ton coenh, qu’as un riban blanc
Blanc com nèu au sorelh levant,
Bèra hialaira, bèra hialaira,
Qui hialas deu matin au sèr,
Ditz me perqué ?

Vira husèth, vira, vira,
Deu matin au sèr, vira, vira,
Que’n cau ua pèlha entà abilhar,
La mainada qui vam batejar.

Au ton coenh, qu’as un riban blu,
Blu com hlor deu lin madur,
Bèra hialaira, bèra hialaira,
Qui hialas deu matin au sèr,
Ditz me perqué ?

Vira husèth, vira, vira,
Deu matin au sèr, vira, vira,
Que’n cau quan se mariderà,
Ua camisa nava a’s botar.

Au ton coenh, qu’as un riban rotge,
Rotge com l’auba quan i a ploja,
Bèra hialaira, bèra hialaira,
Qui hialas deu matin au sèr,
Ditz me perqué ?

Vira husèth, vira, vira,
Deu matin au sèr, vira, vira,
Que caderà quan plorirà,
Un mochoèr ende s’eishugar.

Au ton coenh, qu’as un riban nègue,
Nègue enqüera mei qu’un tròç de pèga,
Bèra hialaira, bèra hialaira,
Qui hialas deu matin au sèr,
Ditz me perqué ?

Vira husèth, vira, vira,
Deu matin au sèr, vira, vira,
Que caderà quan morirà,
Un linçòu ende s’enterrar.

Be i a longtemps, joenessa
Que non s’i a hèit cançons !
Non i a que gran tristessa,
E gran …

Legir tot

Be i a longtemps, joenessa
Que non s’i a hèit cançons !
Non i a que gran tristessa,
E gran desolacion !
Eth printemps qu’ei hòrt lègre
Jo non poish empachà’m,
Maugrat ma gran tristessa,
Jo tornarí cantar.

Las flors e los partèrras,
Que’s hèn espiar de près.
Tanben las immortèlas,
Vriuletas e vialèrs.
Las tres que representan
Las quate de colors,
Com hèn las joenas hilhas,
Quan son dab lors amors.

Non i a vita au monde
Com la deus auserons,
Cantan la matiada,
Quauques èrs tots navèths.
Se’n van de branca en branca,
Dab lors èrs tan gaujós,
Be diserén enténer,
La votz deus anjolons.

Cantem en Allegressa
Lauda Jerusalem
Lauda Jerusalem et Laetatus
Car nobis en Betleèm
Jesus est natus.

Podem díser Laudate
Car …

Legir tot

Cantem en Allegressa
Lauda Jerusalem
Lauda Jerusalem et Laetatus
Car nobis en Betleèm
Jesus est natus.

Podem díser Laudate
Car nisi Dominus
Nisi Dominus non ns’assistèsse
Nosauts èram perguts
Si èth non venguèsse.

A la Vièrja sacrada
Missus est angelus
Missus est angelus que l’a’avertida
Per maire Dominus
Que l’a causida.

Glòria a Diu lo paire
Et tibi Domine
Et tibi Domine, tant admirable
Natus de Virgine
Hens ua establa.

Capitèni Salias
De matin se lhevà.

« - Ò patge, mon bèth patge
Quin monde èran cela ?

- Aciu …

Legir tot

Capitèni Salias
De matin se lhevà.

« - Ò patge, mon bèth patge
Quin monde èran cela ?

- Aciu qu’èran las tropas
Ailàs ! de Mons de Laa. »

Capitèni Salias
L’espada que tirà.

Au permèr còp d’espada
Cinquanta e’n hé perir.

Au segond còp d’espada,
L’espada se fení.

Dehens la vila de Bordèu
Que i a ua ostaleria.

E l’òsta qui ei dehens
Qu’a ua tant bèra filha. …

Legir tot

Dehens la vila de Bordèu
Que i a ua ostaleria.

E l’òsta qui ei dehens
Qu’a ua tant bèra filha.

Arrens que non la i sabè
Sinon lo rei de Ongria.

Que l’a s’enviada a cercar
Per dus o tres messatgèrs.

Que non i ei voluda anar
Ni peus uns ni peus autes.

Quan arribà miejanueit
La filha que n’an prisa.

La soa mair que s’en va cridant
Tot au long de la vila.

Hilhas, n’aimatz pas tant los òmis,
Aqueths dont son tant jogadors.

Son nueits e jorns hens las aubèrjas,
Tant qu’an …

Legir tot

Hilhas, n’aimatz pas tant los òmis,
Aqueths dont son tant jogadors.

Son nueits e jorns hens las aubèrjas,
Tant qu’an argent s’ac jogan tot.

Quan n’an pas mei, eths que n’empruntan
Aus sons amics e companhons.

N’ei miei nueit quan s’i retiran,
E mantun còp lo punt deu jorn.

Au permèr mot dont dit la hemna,
Brut e tempèsta a la maison.

Gahan lo pau darrèr la pòrta,
Trucs e patacs a Janeton.

« Son aquò, galant, las promessas
Dont vos m’atz hèit en hent l’amor ?

Vos m’i disètz jo qu’en serí dauna,
Dauna de tota la maison ;

E adara, en soi vòstra esposada,
Que m’i truquetz tres còps per jorn.

L’un lo matin, l’aute lo vrèspe,
L’aute lo de sèr, per colacion ; »

Jo vos i vòi díser ua canson,
Tota plea de mensonjas.

E si n’i a nat mot de vertat,
Las …

Legir tot

Jo vos i vòi díser ua canson,
Tota plea de mensonjas.

E si n’i a nat mot de vertat,
Las aurelhas me’n tombin !

Me’n soi anat entau mercat,
Quan tots los autes se’n tornan.

Credi de m’i crompà’n shivau,
S’i tròba ua mitra shorda.

M’i dísen poder pas n’anar,
S’espatlava de córrer.

Que l’i èi volut sautà’u licou,
L’i gahi per la coda.

Èi volut i pujar dessús,
Soi tombat sus Baiona.

Credi de l’i balhar lo hen,
Que l’i èi balhada estopa.

Credi se l’anava minjar,
Me l’a hilada tota.

Que me n’a hèit un gusmeron,
Per har lo torn au monde.

Parti’ntau camp pr’anar boiar,
Tròbi pa’n gran de tèrra.

Èi botat l’arrai au pèishent,
E los bueus devath l’èrba.

Me’n soi tornat per lo casau,
Tròbi’n vèrn plen de higas.

L’èi tirat un còp de baston,
N’èi hèit tombat perricas.

Jo’n tròbi lo boc
Se’m peish la milhada, (bis)
Boc, boquilha,
Salhiràs-tu de ma milhada ?
Boc, bocat,
Salhiràs-tu de …

Legir tot

Jo’n tròbi lo boc
Se’m peish la milhada, (bis)
Boc, boquilha,
Salhiràs-tu de ma milhada ?
Boc, bocat,
Salhiràs-tu de mon beth blat ?

M’vau cuelhèr lo lop
Per tirar lo boc.
Lop de boc,
Boc, boquilha,
Salhiràs-tu de ma milhada ?
Boc, bocat,
Salhiràs-tu de mon beth blat ?

M’vau cuelhèr lo can
Per tirar lo lop.
Can de lop,
Lop de boc,
Boc, boquilha,...
M’vau cuelhèr la barra
Per tirar lo can.
Barra de can,
Can de lop,
Lop de boc,
Boc, boquilha, ...

M’vau cuelhèr lo huc
Per tirar la barra.
Huc de barra,
Barra de can,
Can de lop,
Lop de boc,
Boc, boquilha, ...

M’vau cuelhèr l’aigueta
Per tirar lo huc.
Aiga de huc,
Huc de barra,
Barra de can,
Can de lop,
Lop de boc,
Boc, boquilha, ...

M’vau cuelhèr lo bueu
Per tirar l’aigueta.
Bueu d’aigueta,
Aiga de huc,
Huc de barra,
Barra de can,
Can de lop,
Lop de boc,
Boc, boquilha, ...

M’vau cuelhèr lo jun
Per tirar lo bueu.
Jun de bueu,
Bueu d’aigueta,
Aiga de huc,
Huc de barra,
Barra de can,
Can de lop,
Lop de boc,
Boc, boquilha, ...

M’vau cuelhèr la julha
Per tirar lo jun.
Julha de jun,
Jun de bueu,
Bueu d’aigueta,
Aiga de huc,
Huc de barra,
Barra de can,
Can de lop,
Lop de boc,
Boc, boquilha, ...

M’vau cuelhèr l’arrat
Per tirar la julha.
Arrat de julha,
Julha de jun,
Jun de bueu,
Bueu d’aigueta,
Aiga de huc,
Huc de barra,
Barra de can,
Can de lop,
Lop de boc,
Boc, boquilha, ...

M’vau cuelhèr lo gat
Per tirar l’arrat.
Gat d’arrat,
Arrat de julha,
Julha de jun,
Jun de bueu,
Bueu d’aigueta,
Aiga de huc,
Huc de barra,
Barra de can,
Can de lop,
Lop de boc,
Boc, boquilha, ...

M’vau cuelhèr lo foasta
Per tirar lo gat.
Foasta de gat,
Gat d’arrat,
Arrat de julha,
Julha de jun,
Jun de bueu,
Bueu d’aigueta,
Aiga de huc,
Huc de barra,
Barra de can,
Can de lop,
Lop de boc,
Boc, boquilha, ...

Mossur Curè deu Casterar
Pren son fusil se’n va caçar.

Perditz ni lèbes tròba pas
Sonque Marion darrèr un aubar. …

Legir tot

Mossur Curè deu Casterar
Pren son fusil se’n va caçar.

Perditz ni lèbes tròba pas
Sonque Marion darrèr un aubar.

« - Marion, vos voletz confessar ?
- Mossur Curè, com vos plairà.

- Nos cau anar darrèr l’autar. »
L’autar se bota a tremblar.

E las cadièras a dançar
Las campanetas a tindar.

« - De la glèisa nse’n cau anar
Au bòsc anem nos estujar. »

Quan son au bòsc darrèr un aubar
Los lops se botan a hurlar.

Mossur Curè de Lanaplan
Quan ei plan hart, que canta plan,
Quan n’ei pas hart, que’s va hartar.

Lo nòvi :
Al canton d’aquesta clarièira
Paura Marion, te cal quitar !
Aviái causit una bergèra
Divián ongan nos …

Legir tot

Lo nòvi :
Al canton d’aquesta clarièira
Paura Marion, te cal quitar !
Aviái causit una bergèra
Divián ongan nos maridar.

Mes, ailàs ! La mòrt es passada
La menada per totjorn !
Òh mòrt, òh mòrt, qu’es tan crudèla
Perqué n’emportar mas amors ?

La nòvia :
Las bagas d’aur que me donaràs
Al pichon det, las i trobaràs.
En risent, tu las i botaràs
En plorant, tu las ne tiraràs !

Las dones pas a de filhetas
Que benlèu de tu se ririán.
Mas dona las a de nonetas
Per jo pregaràn cada jorn.

Lo nòvi :
Quan i auriá tantas de filhetas,
Que d’esteletas dins lo cèl,
Non n’aimariá jamai cap d’altra
Coma la qu’es dins lo tombèl !