Un jorn a la font clara m’anère passejar
La trobère tant bèla m’i volguère banhar

I a tant de temps …

Legir tot

Un jorn a la font clara m’anère passejar
La trobère tant bèla m’i volguère banhar

I a tant de temps que l’espère
Jamai la doblidarai

Dejós una platana me jacere un moment
Aval d’aquela plana ont venià sovent

Sus la branca mai nauta cantava un rossinhòl
Canta rossinhòl canta qu’ara lo còr me dòl

Ièu cante per ma mìa que me vòl pas aimar
Dempuèi aquela ròsa qu’èla ne’n volià pas

Voldriai qu’aquèla ròsa sià per lo jardinier
Voldriai qu’aquèla ròsa demòre sul rosier

A travèrs l’aubièra long es lo camin
De l’abitarèla tòrni de matin
La fredor tant fòrta me gela lo còs …

Legir tot

A travèrs l’aubièra long es lo camin
De l’abitarèla tòrni de matin
La fredor tant fòrta me gela lo còs
Dobris-me ta pòrta dobris-me ton còr

Repic : Quand Marina canta m’agrada son cant
E sa votz m’encanta tot en l’escotant
Bolega las ancas remena son còs
Estranha musica taverna d’Eròs

L’ozò la retsina m’an enchichorlat
Los uòlhs de Marina m’an ben emmascat
Lo desir me pòrta ai sòm e ai freg
Dobris-me ta pòrta dobris-me ton lièch

Que la nuòch es bela l’aire se fai doç
Ma vida es rebella mon còr amorós
Canti per los paures aima-me se vòls
Dobris-me ta pòrta dobris-me ton còs

Adieu passeja-te plan adieu e siegues pas trista
Adieu al luòc de plorar adieu sarra-me la man

Cada còp que …

Legir tot

Adieu passeja-te plan adieu e siegues pas trista
Adieu al luòc de plorar adieu sarra-me la man

Cada còp que te sentiràs trista e soleta
E quand de còps pensaràs pichoneta
Que la vida val pas lo còp d’esser viscuda
Pensaràs al camin pichòt de nòstra vida

A cada aubre qu’avem plantat tantas fuelhas
A cada sòmi inventat tant d’estelas
De pertot ont avem caminat tantas peiras
Endacòm ont avem plorat tantas sorgas

A la luz d’aquel temps passat a aprene a dire
Veiràs plan melhor l’endemàn l’enveja de viure
Dins lo regard d’una vielha fòtò bastiràs lo sòmi
E benlèu qu’un jorn sense mòt sauràs dire t’aimi

Aquesta satira la fau lo còr dolent
Dieus! Qual pòt dire ni saupre lo torment
Ont que me vire siòi …

Legir tot

Aquesta satira la fau lo còr dolent
Dieus! Qual pòt dire ni saupre lo torment
Ont que me vire siòi en grand pensament
Consi escriure aquel azirament ?
Lo mond es giblat uèi que corrompon e lei
E sagrament e fe
Cadun son vesin pensa l’aver per malvolença
Om se tua entre se sens rason e sens drech

Ai! Tolosa e Provença e la terra d’Argença
Besièrs e Carcassés qui t’a vist e te vei

Totjorn m’azire e ai azirament
la nuòch sospire e velhant e dorment
Ont que me vire ausisse brave gent
Que cridon “Sire !” al françès umilment
Lo françès n’a mercès son que s’en pòt aver
D’argent sens autre drech
A(n)eles l’abondança e la granda bombança
Engana e traison aqui lor confession

Coma un sauvatge que canta al missant temps
Ai lo coratge de cantar de present
Vesent paratge que vai en se perdent
E bon linhatge que vai en descasent
Quand creis la malvestat los barons rebusats
Enganaires enganats
Valor menan darrièra e desonor premièra
Es un marrit afar que l’argent mal ganhat

Ai causit de cantar l'amor, la vida
E vaquí que me trapi davant aquel silenci.
Ai causit de cantar la …

Legir tot

Ai causit de cantar l'amor, la vida
E vaquí que me trapi davant aquel silenci.
Ai causit de cantar la flor, la femna
E vaquí que se taisan dins ma boca los mots.
Ai causit de cantar lo cèl, la prima
E vaquí que l'ivèrn jamai s'acaba pas.
Ai causit de cantar la nuòch, l'estela
E vaquí que que l'imatge d'un presonièr me ven.
Ai causit de cantar lo gran, la tèrra
E vaquí que qu'es desèrta la plana ont ai viscut.
Ai causit de cantar mon pòrt, ma vila
E vaquí que la barca ja se pèrd dins l'estanh.
Ai causit de cantar l'amor, la vida
E vaquí que me trapi davant aquel silenci.

Lo primièr còp, lo primièr còp qu’ai rescontrat qu’ai vist ma mìa
Lo primièr còp, lo primièr còp èra au …

Legir tot

Lo primièr còp, lo primièr còp qu’ai rescontrat qu’ai vist ma mìa
Lo primièr còp, lo primièr còp èra au mercat de Cracovìa
E dins mon còr, e dins mon còr m’an dessarat una sagèta
E dins mon còr, e dins mon còr me siòi cantat ma cançonèta

Quand lo solèu se farà matinièr ièu tornarai bèla Alicja
E los aucèls se faràn chivalièrs e t’aimarai

E mai d’un còp e mai d’un còp avem bastit nòstra amorèta
E mai d’un còp e mai d’un còp nos siam aimats sus la placèta
La solelhada d’un café e lo temps d’un passa-carrièra
La solelhada d’un café e la retornèla guerrièra

Lo darrièr còp, lo darrièr còp qu’ai rescontrat qu’ai vist ma mìa
Lo darrièr còp, lo darrièr còp èra au mercat de Cracovìa
E dins mon còr, e dins mon còr una dolor ara s’amaga
E dins mon còr, e dins mon còr una dolor coma una plaga

Amont dins lo castèl i a una bèla filha

A tantes amorós per faire sa causida

Lo pichon sabatièr aguèt …

Legir tot

Amont dins lo castèl i a una bèla filha

A tantes amorós per faire sa causida

Lo pichon sabatièr aguèt sa preferéncia

Bèla se voliàs plan dormiriam dins ta brèça

Dins lo mitan dau lièch la ribèira es prigonda

Los chivalets dau rèi i vendràn beure amassa

Atal nos aimarem dusca a la fin dau mond

Atal fai fai fai ma mariòta pichonèta
Atal fai fai fai tres tornets e puèi se’n vai

Legir tot

Atal fai fai fai ma mariòta pichonèta
Atal fai fai fai tres tornets e puèi se’n vai

Au clar de la luna mon amic Peiron
Balha-me ta pluma ton pichon gredon
Ma candela es mòrta i vesi …

Legir tot

Au clar de la luna mon amic Peiron
Balha-me ta pluma ton pichon gredon
Ma candela es mòrta i vesi pas res
Dobris-me ta pòrta dormiràs apres

Au clar de la luna me diguèt Peiron
Ai pas ges de pluma ni mai de gredon
Diga a la vesina que n’as de besonh
Es dins sa cosina canta sa cançon

Lo dimenge au mercat de Lunèu
Pesca-luna a portat son capèu
A son braç la polida Muriel
Li demanda de …

Legir tot

Lo dimenge au mercat de Lunèu
Pesca-luna a portat son capèu
A son braç la polida Muriel
Li demanda de crompar de mèu
Pesca-luna es au “Marselhès”
I demòra lo temps de la messa
Pesca-luna es pas un borgès
Lo trobaretz au mercat de Lunèu

A la fièra de Rovièra
Pesca-luna a crompat un anhèu
Mai pecaire a Beucaire
Pesca-luna a perdut son capèu

Lo dijòus au mercat d’Avinhon
Marca-mau a crompat un moton
Per l’ofrir a la bèla Marion
En volent que li fague un poton
Marca-mau es au cafeton
I demòra lo temps de la messa
Marca-mau es pas un colhon
Lo trobaretz au mercat d’Avinhon

Lo divendres au mercat de Montfrin
Manja-cèba a crompat un lapin
Per l’ofrir a la bèla Fanny
Per i faire fugir lo chagrin
Manja-cèba es au bar deis amics
I demòra lo temps de la messa
Manja-cèba es pas luènh d’aqui
Lo trobaretz au mercat de Montfrin

Brave mond de Lunèu brave mond dàu Clapàs
Brave gent dàu mond entièr venètz totes escotatz
L’istòria d’un guitarrièr la …

Legir tot

Brave mond de Lunèu brave mond dàu Clapàs
Brave gent dàu mond entièr venètz totes escotatz
L’istòria d’un guitarrièr la vertadièra balada
D’un òme de Bòseman dins l’America lontana
Era mai qu’un menestral era mai qu’un laütièr
Davant son banc son taulièr era mai qu’un fachinièr
Amb sas mans de fustièr tant negras coma sa cara
Fasià naissèr de sos dets mai d’una bèla guitarra

Repic :
Sammy Black que ma cançon se passeje
Sammy Black per te mandar l’omenatge
Sammy Black d’un pichòt paure cantaire
Sammy Black que canta amb ta guitarra

L’òme sabià pas jamai ont anava sa guitarra
Somiava qu’endacòm mai casi au cap de la tèrra
Un òme un enfant benlèu fasià naissèr tantas nòtas
De son instrument novèl de sas manetas pichòtas
Ò mon fraire guitarrièr ta guitarra a mon costat
D’aquèl mond messorguièr canti l’estupiditat
Me farai totjorn guerrièr per mai de fraternitat
A mai se siòi lo darrièr per cantar la libertat

Sammy Black ièu cant’ amb ta guitarra

Ai dins lo còr coma un ritme t’amor fòl
Ai dins lo còs una plaga coma un dòl
Ai dins …

Legir tot

Ai dins lo còr coma un ritme t’amor fòl
Ai dins lo còs una plaga coma un dòl
Ai dins los uòlhs de belugas per aimar
Ai dins las mans una enveja de donar

De femnas-solelh et d’òmes de plueja
Ai set d’un pais et la copa es vueja

Ai vist la mar silenciosa en ivern
Ai vist ton pas dessenhat sul camin verd
Ai vist ton nom escrich coma un crit d’esper
Balha ta man siam ensems aqueste ser
D’esser silenciós mon pòble s’anuja
Farem un pais se n’avem l’enveja

Quatre companhas, mila companhas, o bella ciao
Cantavan la tèuna canson.

L'aura es valenta, l'auba es naissenta, o bella ciao …

Legir tot

Quatre companhas, mila companhas, o bella ciao
Cantavan la tèuna canson.

L'aura es valenta, l'auba es naissenta, o bella ciao
E lo camin mena a la mar.

Dins la montanha, dins la campanha, o bella ciao
Cercam d'òmes de volontat.

E tu que dobtas, ven amb nautras, o bella ciao
L'aire sentís la libertat.

Una guitarra un fuòc de camp
Prèp de la vila s’ausís ton cant
Qualquas paraulas en catalan
Una musica un …

Legir tot

Una guitarra un fuòc de camp
Prèp de la vila s’ausís ton cant
Qualquas paraulas en catalan
Una musica un èr bomian

De vila en vila t’an escampat
Dison que raubas e qu’as tuat
Rison quand passas sul camin blanc
Dison que manjas los enfants

Penjada al pitre i a una crotz
D’aur e de perlas lusìs al jorn
Sarras la lama de ton cotèl
Sarah la negra a ton anèl

Crompas las pelhas vendes de tot
Rachèl desvela l’avenidor
Sias òme liure desrengas plan
La lèi e l’òrdre d’un mond fat

L’ostal rodèla de vers la mar
De vers las Santas benlèu tard
Mas sera fèsta per tu Bomian
Sabi ta jòia d’esser a deman

Una guitarra sens fuòc de camp
Prèp de la vila s’ausís mon cant
Qualquas paraulas en occitan
Te balhi ma cançon bomian

Calandrèta bèla calandrèta
Calandrèta te desplumarai
Te desplumarai lo bèc (bis)
E lo bèc (bis)
Calandrèta (bis) a a a …

Legir tot

Calandrèta bèla calandrèta
Calandrèta te desplumarai
Te desplumarai lo bèc (bis)
E lo bèc (bis)
Calandrèta (bis) a a a a

E los uòlhs

E lo cap

E lo còl

E las alas

E l’esquina

E las patas

E la coèta

Tot al fons de son trauc aital l’òme aviá viscut
Paure e sol negre e fòrt a la mina s’èra …

Legir tot

Tot al fons de son trauc aital l’òme aviá viscut
Paure e sol negre e fòrt a la mina s’èra perdut
Passava sa vida a cavar passava sa vida a somiar

Es al solelh que vau morir ma vida la vesi fenir
La Joana a l’aiga e ièu pescant
Terra t’aurai vuejat la sang

Lo solelh l’aviá vist pel maridatge de son filh
E la platja e la mar las avia vistas al cinema
Passava sa vida a somiar passava sa vida a cantar

E vaquí qu’un matin la terra venguèt un tombèl
Paura Joana, paure filh diguèt lo patron al solelh
Passava sa vida a cantar,passava sa vida a cantar

Es al solelh que vau morir ma vida la vesi fenir
La Joana a l’aiga e ièu pescant
Terra m’auràs vuejat la sang