ou Magali, ma tant amada
mete la testa au fenestron

e gaita ton pais escanat
gaita ton pais escaraunhat
gaita …

Legir tot

ou Magali, ma tant amada
mete la testa au fenestron

e gaita ton pais escanat
gaita ton pais escaraunhat
gaita ton pais sagatat
deman beleu podras pus l'agachar.
Magali

ou Magali.....

e brama per lo barrage qu'a encadenat Verdon
brama qu'au raubat la Camarga
per faire a fos un aganta-colhon, Magali

ou Magali.....

agacha l'ostau que s'escranca
toti li jovents an degut
partir, per faire de plaça
al trusts, a l'armada, au torisme ponchut, Magali

ou Magali.....

escota li trins de baucita
son roges dau sang dau pais
roges coma la colera
la vergonha tanben te rogis Magali

o Magali ma tant amada
lo fau quitar lo fenestron

sies tu, ame ta rauba anciana
qu'as fach creire qu'eriam morts
es temps de prener de bralhas
e de far veire que siam forts, Magali.
resvelha te, Magali, síam pas morts.

una nuech que vou fas finir
d'uelhs virats au ceu
un ceu clafit de bon dieu
e de napalm
doas …

Legir tot

una nuech que vou fas finir
d'uelhs virats au ceu
un ceu clafit de bon dieu
e de napalm
doas belugas, un fuoc, un crit, un enfant mort
eilabas, tant lunh, pasmens
a costat a costat de ieu.

refranh :
me demandes pas perque
ai besonh de bramar, de cridar (bis)

de mans magras que se duerbon
despuei de temps
d'avans de fruchs en molons
mans dubertas, cors conflats, esper mut
mans vuejadas, fruchs cremats, lei sacrada
dau mercat

refranh

una nuech pesuga e calida
darrier li barbelats
un ome drech a la votz cauda
canta libertat
canta l'amor : l'an chaplat, li an trencat li mans
li an desrabat la vida mai lo crit monta
libertat

refranh :
me demandes pas perque.

Coma una ironda que li an ronhada seis alas
Coma una ironda un òme a traversat lo monde
Monte l'avenidor …

Legir tot

Coma una ironda que li an ronhada seis alas
Coma una ironda un òme a traversat lo monde
Monte l'avenidor crida la guèrra
Coma una ironda que dau ceu blessat davala
Coma una ironda un òme a traversat la tèrra
Per anar carrejar sei sonjes au cementeri
Un òme a traversat lo monde
Ten l'empenta de sei pantais
Beu lo sang cachat dei peiras
Sona sei gents a l'espelida
Dau monde tant de temps confiscat
Detras la semblança dau segle,
Seis espalas, sei mans, son seisse
Tant vastas coma lei de Dieu
Abramon lo desir dau temps.
Coma una ironda que dau ceu blessat davala
Coma una ironda un òme a traversat la tèrra
Per anar carrejar sei sonjes au cementeri
Un òme a traversat lo monde
Coma paussa dins l'aur dau temps
Preda recaçada de long dau camin
A rebors, e sorgis peds descaus
Dei baumas violadas de la scienci sensa les
Dins lo mirau d'eternitat
Saup que ges d'estela l'esperan
Que sol lo ventolas ie bofa.
Coma una ironda que dau ceu blessat davala
Coma una ironda un òme a traversat la tèrra
Per anar carrejar sei sonjes au cementeri.

Mon Dieu ai 3000 ans
Arribi anuech sens fòrça
Ai jamai poscut dire
Ma cansçon d'amor.

Legir tot

Mon Dieu ai 3000 ans
Arribi anuech sens fòrça
Ai jamai poscut dire
Ma cansçon d'amor.

Mon enfant, ma flor au solèu
Mon enfant, benlèu,
Faudrà que te digue un jorn
Me faudrà te demandar
Te …

Legir tot

Mon enfant, ma flor au solèu
Mon enfant, benlèu,
Faudrà que te digue un jorn
Me faudrà te demandar
Te demandar perdon
L'aviás pas demandar
E pasmens siás aquí
Que faràs de la vida
Que faràn de tu.
Mon enfant i a ges de solèu
Per dos pòples sus tres
Ges de pan, ges de flors
Ges d'esper, ges d'amor (bis)
Que faudrà te respondre un jorn
Quora demandaràs çò qu'ai fach
Per l'empachar ?
Mon enfant ai assajat,
Ai vòugut quichar
De tot mon pes sus lo monde
Siáu lèugiera
Pòdi pas, pòdi pas, pòdi pas.
Meravilhos present que t'ai fach
N'ai lo ventre abrandat
Lo còr espelugat.
Mon enfant, per aquesta vida,
Per aquèu polit don
Faudrà que te digue un jorn
Me faudrà te demandar
Te demandar
Perdon.

Palunhalha, palunalha,
Ont jamai florisson gaire
Sota una suelha de moissala
Que de poiridier d'aigassa

Palunhalha, palunalha,
Qu'a sei ribas …

Legir tot

Palunhalha, palunalha,
Ont jamai florisson gaire
Sota una suelha de moissala
Que de poiridier d'aigassa

Palunhalha, palunalha,
Qu'a sei ribas desoladas
Lei chivaus e lei cavalas
Ie trobon que sau amara

Quau pòt destriar la cara
De ta palun O Camarga

Palunhalha, palunalha,
Qu'escondudas tras lei sagnas
De febrassas ie varalhon
Coma de pogaus alabres

Palunhalha, palunalha,
Negre maine solitari
Que la mòrt, la mòrt pauc parla
Semble que n'en siague lo baile

Mai perqué aqueu pivelage
De ta palun O Camarga

parla me parla me
diga me ti mots d'esmai
parla me
aqueli mots esconduts
au fons de tu
ou parla …

Legir tot

parla me parla me
diga me ti mots d'esmai
parla me
aqueli mots esconduts
au fons de tu
ou parla me, monte que siegues
parla me de tu.

pus jamai pus jamai
l'image de ta cara
pus jamai au fons de mi remembres
sieu perduda
testa negada, en barigola
dins lo blu.

e t'escota me parlar, vo, mai sieu sola
ou eilavau, es luenh, e la chavana
resquilha sus
mis uelhs.
asseta-te aqui
dins aqueu bar sorn la luz es daurada
e se siam retrobats, trevas de ço qu'eriam
estat de mistons : "s'il vous plait, 2 cafés".

pus ren ven entre nos
pus ren ven, ren
qu'un silenci gelos
di moments escambiats ame lis autri
sensa nos luenh de nosautri :
"gardez la monnaie"...

desir desir desir sofrir venir vielh
plaser, plaser, sofrir e venir vielh
tu e ieu venir vielh

ou zou mai parla me
que ja, sabe, te'n vas mai
parla me

sus aqueu trepador negre
sieu soleta, mai parla me
coma avans
quora eriam amants
parla me parla me.

Sabi pas çò que s'es passat
Tot semblava tant simple
Tot anava de se
Tot anava solet
Ton sorire, ta …

Legir tot

Sabi pas çò que s'es passat
Tot semblava tant simple
Tot anava de se
Tot anava solet
Ton sorire, ta fe e ta talent de viure
Serena e silenciosa
E tei pantais de libertat
Sabi pas çò que s'es passat
La vida m'a laissada
Lo nas pegat a la fenèstra
E lo còr nus a l'espèra
Ai set de ta tendressa
De tei paraulas lindas de fiu,
De fraire ainat
De vièlh e tendre amant
Sabe pas çò que s'es passat
Tot semblava tant simple
Tot anava de se
Tot anava solet
E t'espèri frairòt
Fraire de mon còr
T'ai pas tot dich
T'espèri.

Siau pas poeta
Cridi per de dire de cridar
Per besonh
Es pas pus temps d'èstre poeta
Nostras paraulas pochudas …

Legir tot

Siau pas poeta
Cridi per de dire de cridar
Per besonh
Es pas pus temps d'èstre poeta
Nostras paraulas pochudas agusadas
Prestas per crebar lei baranhas
N'avem pron d'esperar...
Ara e pas deman
Prendrem nòstre drech
Sota lo picar de totei lei politicas
Tustarem mai fòrt...
Nos an laissat nòstrei ponhs
Avem tròp esperat
Nos siam venduts foncionaris, obriers,
Nos tenon ambe son argent
Que volem pas lo perdre
Connerie
Vendem nòstre creire dau pretz de nòstra mesada
Avem pas lo corage de nos desencadenar...
Quora quitarem d'èstre poetas aliscats
Per viure la fòrça de nòstras paraulas.

triste es lo ceu trista es la terra
sieu ttista fin qu'au fons dau cor
alentor de ieu tot es …

Legir tot

triste es lo ceu trista es la terra
sieu ttista fin qu'au fons dau cor
alentor de ieu tot es misera
perque es tot triste coma aquo
sieu trista fin qu'au fons dau cor.

onte va l'auceu onte va l'abelha
ont'va la lebre dau branat
ont'va lo vent quand se resvelha
mai ieu non sabe ont'anar
per tant florit ques lo branat

vengue lo temps de primavera
abriu se tornara deman
ieu qu'ai au cor dolor novela
degun, ailas, me vau aimar (bis)

triste es lo ceu trista es la terra
sieu ttista fin qu'au fons dau cor
alentor de ieu tot es …

Legir tot

triste es lo ceu trista es la terra
sieu ttista fin qu'au fons dau cor
alentor de ieu tot es misera
perque es tot triste coma aquo
sieu trista fin qu'au fons dau cor.

onte va l'auceu onte va l'abelha
ont'va la lebre dau branat
ont'va lo vent quand se resvelha
mai ieu non sabe ont'anar
per tant florit ques lo branat

vengue lo temps de primavera
abriu se tornara deman
ieu qu'ai au cor dolor novela
degun, ailas, me vau aimar (bis)

Tu e ieu sus un camin
La mar me monta dins lei uèlhs
La chavana es la chavana
Ai besonh …

Legir tot

Tu e ieu sus un camin
La mar me monta dins lei uèlhs
La chavana es la chavana
Ai besonh de tu
Ai besonh de tu
Non digues ren
Vòli ausir la mar
Borolar ma rason
Vòli sentir me rosegar lo cors
La mar, ma mar
Ai pas besonh de camin sota mei pes nus
Per caminar, caminar
Tu e ieu sus un camin vièlh
Un camin vièlh

tu e ieu sus un camin vielh
la mar me monta dins lis uelhs
la chavana es la chavana la …

Legir tot

tu e ieu sus un camin vielh
la mar me monta dins lis uelhs
la chavana es la chavana la mar me giscla
dins lo cor
la chavana es la chavana.

ai besonh de tu, ai besonh de tu.
non...digues ren.

voli ausir la mar
borrolar ma rason
voli sentir la mar
me rosigar lo cor
la mar, ma mar’
ai pas besonh de camin
sota mi peds nus
per caminar, per caminar...
tu e ieu sus un camin vielh.

I a aquest que la croia
Fai totjorn gratar camin
Sensa veire a drecha a gaucha
Desquincalhar lei vesins
Que …

Legir tot

I a aquest que la croia
Fai totjorn gratar camin
Sensa veire a drecha a gaucha
Desquincalhar lei vesins
Que trapeja dins la fanga
Leis espers 'me leis agacins
Per gostar solet la jòia
D'escalar sus lo pontin
E que tusta, que bacela, qu'escaraunha testa 'qui
Per aguer solet lo soleu per eu e ne vos ne vaquí
I a aqueu que planplan camina
Au mitan com'un fadat
'me l'agach dins lis estelas
Eu saup ren, eu compren pas.
Qu'atraversa lei chavanas
E vai monte bofa lo vent
Que duerbe lo paraplueia
E dis que eu ie compren ren
Quand n'i a que tuston que bacelon qu'escaraunhon testa 'qui
Per aguer de soleu per totei e ne vos ne vaquí.

Vint ans a esperar,
Una vida,
A esperar lo crit de jòia
D'un dròlle en lenga d'òc
A esperar lo …

Legir tot

Vint ans a esperar,
Una vida,
A esperar lo crit de jòia
D'un dròlle en lenga d'òc
A esperar lo crit d'amor
D'un òme en occitan

Vint ans a assajar,
Folia,
De cantar l'esper nòu
De la flor d'amelier
De cridar l'esper fòu
Espelit en genier

E lo soleu a sortit
Darrier lei nivous escurs
Per esbleugir lo freg matin
Eneblat

Vint ans a essajar
De far
Calar lei campanas de mòrt
Dins ma testa esclapada
A assajar d'ausir tindar
Lei cascaveus de patz

Vint ans a esperar,
Una vida,
De sentir dins la nuech
Mile mans se quichar
De veire un fum de punhs levats
Una flor dins lei dets

Lo raiolet a rajat
Lo borbolh deu forcir
Lo cascalh deu venir
mai douç, mai gigant.