-
+
Filtrar los resultats
oc
Jol pont de mirabel
Los del Sauveterre
Jol pont de Mirabel, Catarina lavava.
Vengueron a passar tres cavaliers d'armada ;
Le premiò li diguet : "ne setz …
Legir tot
Jol pont de Mirabel, Catarina lavava.
Vengueron a passar tres cavaliers d'armada ;
Le premiò li diguet : "ne setz pas maridada".
Lo second li bailet una polida baga ;
Mas la baga del det tombèt al fond de l'aiga.
Lo troisieme saltet, faguet la cabussada.
Jol pont de Mirabel, Catarina plorava.
D'ausir dins : Cantarem
oc
La calha
Los del Sauveterre
O calha bela calha
Ont as ton nis ?
Sul puèg de la bastida
Delai lo riu
O calha bela …
Legir tot
O calha bela calha
Ont as ton nis ?
Sul puèg de la bastida
Delai lo riu
O calha bela calha
De qu'es bastit ?
Es de borra de lebre
E de lapin
O calha bela calha
Que i a dedins ?
De uòus coma los altres
Mas pus polits
O calha bela calha
Qual te noris ?
Son tres polidas sorres
De mon païs.
L'una me porta l'aiga
L'altra lo vin
L'altra la cançoneta
Per m'endurmir.
D'ausir dins : Cantarem
oc
La canson de Joaneta
Los del Sauveterre
Quand lo pàstron va delargàr (bis)
Se n' va trobàr Joaneta lan là
O lan là, Joaneta lan là,
Se …
Legir tot
Quand lo pàstron va delargàr (bis)
Se n' va trobàr Joaneta lan là
O lan là, Joaneta lan là,
Se n' va trobàr Joaneta.
Joaneta ont'anarèm gardàr (bis)
Per passàr un'oureta lan là
O lan là...
Avàl, avàl, al pràt sarràt (bis)
I a un'erba fresqueta lan là
O lan là...
Mé quand segueron al pràt sarràt (bis)
L'erba seguet molhàda lan là
O lan là...
Lo pàstron quitet son mantèl (bis)
Per fàr 'setar Joaneta lan là
O lan là...
Mé que dirai al mieu papà, me que dirai a la mia mamà,
D'èstre tant demoràda lan là
O lan là...
E li diràs al tieu papà, e li diràs a la tia mamà,
Que lo lop t'enrodàva lan là
O lan là...
Que sans un bràve pastorèl (bis)
Lo lop t'auria manjàda lan là
O lan là...
D'ausir dins : Febrier 78
oc
La pàura vièlha
Los del Sauveterre
La pàura vièlha, avia pàs qu'una dent (bis)
La tombet dins lo vent, la pàura vièlha
La tombet dins lo …
Legir tot
La pàura vièlha, avia pàs qu'una dent (bis)
La tombet dins lo vent, la pàura vièlha
La tombet dins lo vent, sa sola dent.
La pàura vièlha, avia pas qu'un escuch (bis)
La tàlha l'a agut, la pàura vièlha
La tàlha l'a agut, son sol escuch.
La pàura vièlha, avia pas qu'un enfant (bis)
Ne faguet son amant, la pàura vièlha
Ne faguet son amant, son sol enfant.
D'ausir dins : Febrier 78
oc
La vota
Los del Sauveterre
Avem pàs agut lo temps de fàr la vota
Avem pàs agut lo temps de festejàr.
I avia totjorn quicom …
Legir tot
Avem pàs agut lo temps de fàr la vota
Avem pàs agut lo temps de festejàr.
I avia totjorn quicom
Que l'i venia davant :
D'un costat, nos voliam prener lo Larzàc,
E de l'àutre, volian negàr Naussàc ;
Avem pàs...
D'un costat fasian lo Pàrc de las Cevenas,
E de l'autre, un'autorout'europeena...
Avem pàs...
D'un costat, nos fasian crevàr lo païs,
E de l'autre lo vendian al torist ;
Més un jorn, aurèm lo temps de fàr la vota...
D'ausir dins : Febrier 78
oc
Las regas
Los del Sauveterre
Lo passàt de nostre païs
Càl pàs l'anàr quèrre a Paris
Es pàs escrich alhors qu'aiçi :
Dins la parét …
Legir tot
Lo passàt de nostre païs
Càl pàs l'anàr quèrre a Paris
Es pàs escrich alhors qu'aiçi :
Dins la parét deboselàda,
Dins la canson de la velhàda,
Dins la nepla pàlla dels uèlhs
De las vièlhas e dels vièlhs.
Lo presént de nostre païs
Càl pàs l'anàr quèrre a Paris
Es pàs escrich alhors qu'aiçi :
Dins la blancor del làch de feda,
Dins lo marinàs que se leva,
Dins la pleja, dins la secàda,
Dins la pena de la jornàda.
L'avenir de nostre païs
Càl pàs l'anàr quèrre a Paris
Es pàs escrich alhors qu'aiçi :
DIns los anhèls al mièg del pràt,
Dins l'ondulejament del blàt,
Al cor de las regas dels camps,
E dins los somis dels enfants.
Avenir, presént e passàt,
Tot es escrich dins nostra terra,
De nostras mans, dins nostra lenga,
De la vergonha a la fiertàt.
E l'avenir, qu'a res ne sembla,
Sera ço que n'farèm ensembles.
D'ausir dins : Febrier 78
oc
Lo boiò
Los del Sauveterre
Quand lo Boiò ven de laurar
Planta aqui l'agulhada.
Troba sa femna al pe del fuòc
Tota desconsolada.
Se siás …
Legir tot
Quand lo Boiò ven de laurar
Planta aqui l'agulhada.
Troba sa femna al pe del fuòc
Tota desconsolada.
Se siás malauta diga-z-o
Te farem una alhada.
Amb una rava e un caulet
Una lauseta magra.
Quand serai mòrta enterratz mi
Al pus bas de la cava ;
Los pes virats per la parét
Lo cap jos la canela ;
Los pelegrins que passaran
Prendran d'aiga senhada ;
Diran un "pater" amb'un "ave"
Per la paura mesquina,
Qu'es anada al Paradis
Soleta ambe sas cabras.
D'ausir dins : Cantarem
oc
Lo mèrle
Los del Sauveterre
Quand lo mèrle sàut'al pràt
Leva la coeta, leba la coeta
Quand lo mèrle sàut'al pràt
Leva la coeta e …
Legir tot
Quand lo mèrle sàut'al pràt
Leva la coeta, leba la coeta
Quand lo mèrle sàut'al pràt
Leva la coeta e bàaissa lo càp.
Quand lo novi sàut'al pràt
Tomba la vesta, tomba la vesta
Quand lo novi sàut'al pràt
Tomba la vesta e bàissa lo cap.
Quand la novia sàut'al pràt
Tomba la ràuba, tomba la ràuba
Quand la novia sàut'al pràt
Tomba la ràuba e bàissa lo cap.
Quand lo mèrle se n' va del pràt
Bàissa la coeta, bàissa la coeta
Quand lo mèrle se n' va del pràt
Bàissa la coeta mé leva lo càp.
D'ausir dins : Febrier 78
oc
Lo temps passa
Los del Sauveterre
Passa, passa, lo temps que passa,
Cada jorn laissa mens de plaça
E lo vin vielh, tant bon que siague …
Legir tot
Passa, passa, lo temps que passa,
Cada jorn laissa mens de plaça
E lo vin vielh, tant bon que siague
Fara jamai que de vinagre.
Lo Boiò es encara laiat
E sa femna desconsolada ;
Entre dos cavaliers d'armada,
Catarina, que totjorn plora,
Treva pel païs escorgat ;
Los escorgaires esperon l'ora.
Passa, passa...
I a totjorn al fond de la prada
Lo pibol traucat del temps vielh,
E per cantar lo jorn novel
Lo cocut tant que pòd s'escana :
Polits ostals, terra alandada ;
Cò's aquò nòstre que lo temps pana.
Passa, passa...
D'ausir dins : Cantarem
oc
Los dalhaires
Los del Sauveterre
Son tres dalhaires
Qu'an lo prat a dalhar
La donde, la dondena
Son tres jovas fenairas
Que s'en van lo …
Legir tot
Son tres dalhaires
Qu'an lo prat a dalhar
La donde, la dondena
Son tres jovas fenairas
Que s'en van lo fenar
La pus jova de totas
S'en va querre lo dinar
Arribet a la costa
La posquet pas montar
Lo pus jove de totes
S'en anet l'ajudar
Quant arriva a la prada
Li volguet pas manjar
E de qu'avetz dalhaire
Que voletz pas dinar
Es vostre amor la bela
Que m'empacha de manjar
Se mon cur vos agrada
Vos lo cal demandar.
D'ausir dins : Cantarem
oc
Marion
Los del Sauveterre
Marion jos un pomiò
Que se pimpolhava d'aici,
Que se pimpolhava delai,
Que se pimpolhava.
Un gibos ven a passar …
Legir tot
Marion jos un pomiò
Que se pimpolhava d'aici,
Que se pimpolhava delai,
Que se pimpolhava.
Un gibos ven a passar
Que l'agachava
"Marion se o voliás
Seriás ma mestressa"
"Gibos per que siague aital
Cal copar la giba"
Un còp la giba copada
Lo gibos plorava
D'ausir dins : Cantarem
oc
Mia totsants s'aprocha
Los del Sauveterre
Mia totsants s'aprocha, la bela, a la a lé...
I a pàs res que l'empàcha, la bela, a le la. …
Legir tot
Mia totsants s'aprocha, la bela, a la a lé...
I a pàs res que l'empàcha, la bela, a le la.
Nos càl cambiàr de mèstre, la bela...
Nos càl cambiàr de boria, la bela...
Regrete pas lo mèstre, la bela...
Ni mai la mèstressa, la bela...
La sopa era cauda, la bela...
Més i avià pàs que d'àiga, la bela...
E lo jorn de la pàga, la bela...
Los mèstres èron malàutes, la bela...
Mis Totsants s'aprocha, la bela...
I a pàs res que l'empàcha, la bela...
D'ausir dins : Febrier 78
oc
Pàra lo lop
Los del Sauveterre
E pàra lo lop, pichota, pàra lo lop (bis)
Pàra lo lop que t'emporta que t'emporta
Pàra lo lop que …
Legir tot
E pàra lo lop, pichota, pàra lo lop (bis)
Pàra lo lop que t'emporta que t'emporta
Pàra lo lop que t'emporta l'anhelon.
Aquo's pàs lo lop, pichota, 'quo's pàs lo lop ! (bis)
'quo's los garçons que vironan que vironan
'quo's los garçons que vironan altorn de vos.
E pàra lo lop...
Aquo's pàs lo lop, pichota, 'quo's pàs lo lop ! (bis)
'quo's los soldàts que te butan que te butan
'quo's los soldàts que te butan de ton pràt.
E pàra lo lop...
Aquo's pàs lo lop, pichota, 'quo's pàs lo lop ! (bis)
Aquo's "Paris" que te voja que te voja
Aquo's "Paris" que te voja lo païs.
D'ausir dins : Febrier 78
oc
Parla mi
Los del Sauveterre
Parla mi, cònta mi
De que soscas grand paire
Cònta mi, parla mi
De ton païs,
E lo grand paire …
Legir tot
Parla mi, cònta mi
De que soscas grand paire
Cònta mi, parla mi
De ton païs,
E lo grand paire
Canturleja son cònte
L'enfant dins sos braces
S'es tot acroconit.
Per trobar mon païs
Cerca pas dins la carta
Lo camin per i anar
Es pas marcat ;
E per frontieira
I a pas que la musica
D'una lenga vielha
Que se vòl pas calar.
Mon vilatge es aqui
A la cima del causse
Lo solelh de julhet
Caufa l'adrech
Per la devesa
I a lo tropel que paissa
A l'ombra del fraisse
Lo pastre es assetat.
Mon ostal es aqui
Bastit de grossas peiras
Un clapas que ten cal
Val mai qu'un nis
Lo fiòc de lenha
Dins lo canton esclaira
Enfant e grand paire
Que se son endurmits.
D'ausir dins : Cantarem
oc
Son davalàts
Los del Sauveterre
Son davalàts los garçons de la montanha.
Son davalàts quand avian tot acabàt ;
Regretan ben lo païs, me pàs …
Legir tot
Son davalàts los garçons de la montanha.
Son davalàts quand avian tot acabàt ;
Regretan ben lo païs, me pàs lo mèstre
Regretarian un'amia se l'avian.
Per trabalhàr nos càl daissàr lo vilàtge
E mai d'un cop se n'anàr endocom mai ;
Per demoràr cadria fàr dansàr las fedas ;
Aimarian ben, mé nos pàgan pàs jamai.
Mé, 'quo's pàs nautres que càl planher, pecàire,
Que passejam solamént per musicàr ;
Mé n'i a d'autres que debon quitàr la boria
E per totjorn se n'anàr luenh de l'ostàl.
D'ausir dins : Febrier 78
