Lo vènt que bofa vers la mar
'queu fòu es mai vièlh
Que lei cants e sei mòts
A pintat …

Legir tot

Lo vènt que bofa vers la mar
'queu fòu es mai vièlh
Que lei cants e sei mòts
A pintat de blu, lei noestei colèras
De rotge e d'espèr noestei soèrs.

Ma terra bastuda e saunada
Entre cèu e mar balin-bala ta carn
Misèra e Talent sont regats sus ton vèntre,
Cargat de còrs secats au solèu

Neo plissio asma
Tou pelagous ton laon
Sto kima vadizi ta farangiakoun
Ti nicho ton kinon tagoudiston

La cançon nòva e frerennala
Dei pòples de mar camina au vènt larg,
Lei clusas prefondas ressonan, embanhadas
Dau cant dei trobaires comuns.

Quèta pluèia, aquò m'ennuèia,
Tomba, tomba que negarà tot
Patàn ! que garonlhàs !
Dins lo campas,
Sabi pas meme …

Legir tot

Quèta pluèia, aquò m'ennuèia,
Tomba, tomba que negarà tot
Patàn ! que garonlhàs !
Dins lo campas,
Sabi pas meme s'ai barrat lo màs ?
Ai lei figas, pron umidas
Bota mi lo fuec la regalida,
Que m'escaufe un pauc
Ai lo babau
Qu'ei "trempe trempe" coma un cacalaus !

Boan Dièu, ti dièu
Se non vira lèu
Li farai, ben verai
Lei banas au sorèu !

Çò dís Març a Febrier,
Ne'n plòuvi mai dins qu'un jorn qu'una nuech
Que tu dins vint-e-uech,
Tei brefoniers
Fan s'estrassar lei mes dau calendier !
Abrièu, tu sies au fièu
Presta mi n'un, va dirai en degun,
Qu'aquò's boan pèr lo liume
Au rebalun
L'aurà d'aiguèta amé de palun !

Boan Dièu, Sant-Gèns,
Mèstres dei sorgènts,
Fètz lèu, rampèu
Au paire sorèu !

Que gabin ! Boan Sant-Martin,
Beves ton vin, laissa l'aiga au molin,
Petàn ! Que tèmps de chin !
Lei babachins,
Nos van raubar lo mercat dau rasin !
Dins lei Baïsses quèta raissa,
A negat meme lei pastagats,
Petàn ! e lo Jòusè, 'me sa misè
Tantòst van far cantar lo marmoset

Quand plòu, Janòt,
Lava la Renault,
Plòugut, lo Luc,
Demoara jegut !

Quèta plèia...
Tu pitoata, pren tei bòttas
De barigolas si farem ribòta
E pièi, a de matin
Farem gin-gin
Laissem lei nivas correr aperalin...

Quand banha, Crestiana
Debana de lanha,
Tac Tac, Pollàc,
Bèu mon armanhac !

Pastres rintratz vòstei tropèus
E corrètz lèu en grand diligença
Per adorar la bela naissença.
D'aqueste enfant que vèn dau …

Legir tot

Pastres rintratz vòstei tropèus
E corrètz lèu en grand diligença
Per adorar la bela naissença.
D'aqueste enfant que vèn dau cèu !

Anarem toei, d'aqueste pas,
Fringar davans eu lei cinq pas !

Eu es naissut, dins Ventabren,
Desmantelat coma Romanhòla,
Plorant caumatge subre la viòla,
Dins una grupi sensa fèn !

E tot çò que vautrei podètz,
Per èu de bòn cuer va farètz !

Au costat sa maire veirètz,
Lo bòn Jòusé qu'es lo sieu paire,
L'ai e lo biòu de l'autre caire,
Per vos mostrar çò que farètz !

Anarem toei d'aqueste pas,
Fringar davans èu lei cinq pas !

Alora anèm d'aqueste pas,
L'adorar dintre sa logeta,
E au son de nòstei musetas,
Fringar davans èu lei cinq pas !
E tot çò que nautrei podrem,
Per eu de bòn cuer va farem !

Lo paure Satan es blet,
Se'n vai cuech coma un polet,
Morrà de la macadura,
Tura lura lura,
I'a 'n …

Legir tot

Lo paure Satan es blet,
Se'n vai cuech coma un polet,
Morrà de la macadura,
Tura lura lura,
I'a 'n pichòt que lo tafura,
Lan ian tura lura lo !

L'enfant que n'es arribat,
L'a quadi coma crebat,
L'a mès en paura postura
Tura lura lura,
Pareirà plus qu'en pintura,
Lan ian tura lura lo !

La Pruneta e lei Mions,
Li an donat de baston,
L'an colhut dins la fritura
Tura lura lura,
Sembla paura pescadoira,
Lan ian tura lura lo !

Se disiá diable d'onor,
E fasiá lo grand senhor,
A mordut' na poma dura,
Tura lura lura,
Una poma non madura,
Lan ian tura lura lo !

Aquí's l'autona d'un monde vièlh,
AVisa fraire que toarna l'ivèrn,
Deman sarà mai dur que vuèi,
Duerbon lei presons, barran …

Legir tot

Aquí's l'autona d'un monde vièlh,
AVisa fraire que toarna l'ivèrn,
Deman sarà mai dur que vuèi,
Duerbon lei presons, barran l'espèr...

Sonca es foarta ma cançon,
Dirà lo païs que tomba
E la pèna dei meissons
E lo desèrt dins lei combas,
Lei vièlhs abilhants sei vèspres
De sonjes palas e d'ombras,S'èra foarta ma cançon...

Chins de carrièras, que totei siam,
Dins lei joncièras s'acata deman...

Sonca es liura Occitanía,
Sarà fresca ma cançon,
Tant coma aiga pèr lo riu,
E sadola de violon,
Mai copa la grana, cu copa la flor,
Se son secats noestei jorns...

E vira vira sus dau rodet,
A tu que cantes ti mostran au det !...

Sonca es mai grand mon fusièu,
Podrai tirar lo sorèu,
E dau trauc dedins seis uelhs,
Beurai lo lume dau çèu,
Anarai pintar de jorn
La nuech que t'a fach tant negra
Cançon en bosca de claror...

Jogam a la targa
Bravei Martegaus,
Se tombam dins l'aiga,
Si farem pas mau,
Es sus la tinteina
Qu'un marin …

Legir tot

Jogam a la targa
Bravei Martegaus,
Se tombam dins l'aiga,
Si farem pas mau,
Es sus la tinteina
Qu'un marin adrech,
Coma la polena
Dèu se tenir drech !

Per plaire ai filhetas,
Quand anatz targar,
Ne'n fau de pampalhetas,
Ben estre abilhats,
Se l'i a d'amolaire,
Que vòugon montar,
Leis aurem pecaire,
Ben lèu debauçats !

Quand es d'atarraires
Que tomban solets,
Lei diam de targaires,
Dau bon rei René
Car podem va dire
Quand lei viam tombar,
Mancan pas de rire,
lei vesent sautar.

Mai lei traucs dins l'aiga,
Si coneisson pas :
Se banhon lei bralhas,
Lei farèm secar !
Quand la targa es lesta,
Si fau desfrairar,
Per ganhar la pèça,
Fau tot debarcar !

Tura lura lura lo gau canta
E n'es pas encara l'auba !
Tura lura lura lo gau canta
E n'es …

Legir tot

Tura lura lura lo gau canta
E n'es pas encara l'auba !
Tura lura lura lo gau canta
E n'es pas encara jorn !
Voes-ti venir ? - Nanni, nanni !
Vendràs pron ben ! - Ne'n farai ren !
Guilhaume, Guilhaume,
Au mens se non tòrni plus,
Mi faràs dire un sant-psaume !
Ailàs mon Dieu ! Que farai ieu ?
Siáu maluros coma un polet,
Quand siáu solet, quand siáu solet !

Tura lura lura l'aura mena
E me fai bofar lei dets !
Certa ieu siáu ben en pena,
Ai pòu de morir de freg !
Òu ! de l'ostau ! - Cu pica avau ?
Vòli loegear ! - Siam toei cochats !
Granjiera, granjiera,
Duerbes me, siáu tot jalat,
Bota me dins la feniera,
Ailàs mon Dieu ! Que farai ieu ?
Lo paure onte tirarai ?
Benlèu morrai, benlèu, morrai ?

Tura lura lura lei ribieras,
An dejà tot inondat !
Vèsi plus ren lei brotieras
Benlèu me faudrà nedar !
Quauque barquet ! - N'i a pas de què !
Ont'passarai ? - Certa non sai !
Sauvaire ! Sauvaire !
Tu n'as ges de caritat !
Es pas ansin que fau faire !
Ailàs mon Dieu ! Que farai ieu ?
Lo paure onte passarai,
Me negarai, me negarai !

Tura lura lura per fortuna,
Siáu sortit d'un michant pas !
La pòdi comptar per una,
Enfin ai trobat lo jas !
Bonjorn a tos ! - Emai a vos !
De que fasètz ? - Vos lo vesètz !
Maria, Maria,
Siás la maire d'un bèu fièu
As ganhat la loteria !
Ailàs mon Dieu ! Que farai ieu ?
Siáu maluros coma un polet,
Quand siáu solet, quand siáu solet !

Lo tèmps se'n vai lèu, lèu, lèu, lèu
Coma un raubaire, lèu.
Mai ven lo mes, lo mes de mai, …

Legir tot

Lo tèmps se'n vai lèu, lèu, lèu, lèu
Coma un raubaire, lèu.
Mai ven lo mes, lo mes de mai,
Pèr esperar l'amor.

L'auçèu fai son nís, lèu, lèu, lèu, lèu
La frema vestís, lèu.
Son plumatge de jai, lèu, lèu, lèu, lèu
Sus un liech de boscai

Siam en mai, siam en mai...

Quand la Sant-Brancai, lèu, lèu, lèu, lèu
Bota la dansa ai sens
I'a totjorn un auçeu, lèu, lèu, lèu, lèu
Pèr plorar la solituda.

Nanon t'ai portat un grand veire de lach
Un chicolon de vin
Una poma de mèu, lèu, lèu, lèu, lèu
Un ramèu d'aubespin

Mon òme jamai, lèu, lèu, lèu, lèu
T'esposarai en mai
Que leis armas se'n van, lèu, lèu, lèu, lèu
Pèr damnar lei galants

Siam en mai, siam en mai...

Lo tèmps se'n vai...