Dins lo desert de sa pensada
Sapt ela que quò's lo solelh
Que raia adara, o lo calelh
Quand sus …

Legir tot

Dins lo desert de sa pensada
Sapt ela que quò's lo solelh
Que raia adara, o lo calelh
Quand sus son banc reiva assetada
Quò's aquí que s'apren a morir
Lus elhs clucats sens esperança
Garda-t-ela la remembrança
De dins son temps d'aver sorit.

Se parla quò's un riga-raga
Que monta de son gorjarel
Coma un bruch teune de rausel
Que s'escotissan vent e vaga
E mai que mai sembla escotar
E si lo cap branlant remuda
Sa pota demora pus muda
Que se jamai n'aviá cantat

Ne tomba pus cap de grumilha
Sap punt lo dol, sap punt l'amor
Sap nonmas viure al jorn lo jorn
Perque la granda sòm l'aguilha.
E puei quand torna lo printemps
se sovent pus que sus la tèrra
I a dels potons d'amor enquera
E pertant aimet dins son temps...

Davant ma fenèstra
I a un aucelon cantant
Lo ser en occitan

Tota la nuèch canta
Canta sa cançon
Per …

Legir tot

Davant ma fenèstra
I a un aucelon cantant
Lo ser en occitan

Tota la nuèch canta
Canta sa cançon
Per ma mia e per ieu

Una lenga en un pais
Quò's los elhs per un enfant
Un amic per un amic
Una mia per un amant

Una lenga es una glaça
Ont vesèm nòstra vertat
E quand la lenga s'efaça
S'efaça tanben la vertat

Una lenga en una tèrra
Quòs un aucel dins son niu
Quò's un filh per una maire
Quò's de l'aiga per un riu

Los òmes que fan las guerras
Saben ben çò que cal far
Per poder gardar la tèrra
La cultura deu crebar

Nòstra lenga n'es pas tòrta
Val un autre quò's segur
Nòstra lenga n'es pas mòrta
Fa totjorn tustar los curs

Lo jorn que n'auvirem pus
A la fiera o al mercat
Que nonmas parlar ponchut
Sera pus temps de cantar

Les chevaux de Lascaux
Respirent l’air du temps
Et portent sur leur dos
Le poids de vingt mille ans

Les …

Legir tot

Les chevaux de Lascaux
Respirent l’air du temps
Et portent sur leur dos
Le poids de vingt mille ans

Les chevaux de Lascaux
Depuis la nuit des temps
Conduisent un troupeau
Plus libre que le vent.

A incendier les murs
A se cacher des flammes
Jusqu’à la déchirure
D’en oublier leur âme

Les chevaux de Lascaux
Lorsque cesse le bruit
Reprennent leur galop
Jusqu’au fond de la nuit

Les chevaux de Lascaux
Déchirent le silence
Et brisent du sabot
Des siècles d’impatience.

A incendier les murs
A se cacher des flammes
Jusqu’à la déchirure
D’en oublier leur âme.

Les chevaux de Lascaux
Savent qu’il est trop tôt
Et laissent passer le temps
Dans l’espace et le temps

Lo matin tusta ma fenestra
Defòra s’acaba l’estiu
Lo temps que t’escrivi ma letra
Un ausel canta dins son niu …

Legir tot

Lo matin tusta ma fenestra
Defòra s’acaba l’estiu
Lo temps que t’escrivi ma letra
Un ausel canta dins son niu

E lo temps s’estira e lo temps se’n va
Lo temps es liure e se’n tòrna pas

Lo vent que bufa las nivols
E que bolega los garrics
A fach dançar jos los pibols
La bruma linda del matin

Lo temps virarà la sarralha
Tornarem veire lo solelh
Daissarem darrer la muralha
L’ombra dels "flics" e deus barrels

Lo temps es una plega viva
Que se barra de temps en temps
Avisa un pauc dins la deriva
Leva la man qualqu’un la pren

Sei coma lo cadòfle dins un carrel de blat
Se lo vent bufa un jorn un pauc d’aquel costat
Me …

Legir tot

Sei coma lo cadòfle dins un carrel de blat
Se lo vent bufa un jorn un pauc d’aquel costat
Me veiretz m’envolar lonh del carrel de blat
Mas l’an que ven avisa un pauc serai aquí dins lo blat

Filha t’espèri
Mas vòli te donar lo temps de viure
Filha t’espèri
Mas vòli te donar lo temps d’aimar

Sei coma lo cadòfle que degun vòl crompar
Que degun vòl recoltar per l’engrantjar
Sei pas bon al mercat sei pas bon per minjar
Sei liure d’anar amb lo vent me permenar dins los prats

Coma per lo cadòfle que tòrna l’an que ven
Te cal passar l’ivern e me veiretz tornar
Mas quand l’ivern es long l’òm ditz que seràn bons
Lo printemps e l’estiu que van arribar dins los prats

Lo vent nos empòrta
Tots los sovenirs
La clau jos la pòrta
Daissa zo partir
Del temps de cirèias
Jusc’als …

Legir tot

Lo vent nos empòrta
Tots los sovenirs
La clau jos la pòrta
Daissa zo partir
Del temps de cirèias
Jusc’als biais madurs
Cent milas mervelhas
Trobarem segur,

Lo camin es long que monta a nòstre ostal
Dempuei lo vent de mai al solelh d’abrial
Lo camin es long que monta a nòstre ostal
Si fasem çò que cal li farem Carnaval

Del fons de la prada
Al cap de randals
A la caminada
Passarem Nadal
Causirem la rota
Que monta al solelh
Farem jorn de vota
Sus los sendarels.

E jos la teulada
Quand l’aurem trobada
Farem una taulada
Per la batejar
La nuèch serà corta
Long serà lo jorn
La passarem tota
A cantar l’amor.

Segur que lo temps a canjat
Ara los crocant son crocats
Ne demòra del Peiregòrd
Ni mieja chen ni mieja …

Legir tot

Segur que lo temps a canjat
Ara los crocant son crocats
Ne demòra del Peiregòrd
Ni mieja chen ni mieja pòrc
Pertant la lenga canta enquera
Sus los camins de per chas nos
Dins ton pais negre Jacon.

Lo comte de Nansac n'es pas mòrt
A solament canjat de nom
Es totjorn mestre en Peiregòrd
Fa totjorn d'autres maluros
De son burèl dunpèi Paris
Decida çò qu'es bon per nos
E ton pais negre Jacon

Los riches d'anuèch o d'antan
Son lo que t'an emprisonat
E los enfants de tos enfants
Se son anats per trabalhar
Mas la colera gronda enquera
Sus los camins de per chas nos
Dins ton pais negre Jacon.

L'estanh on s'es negat Lina
Es un plan d'aiga per toristas
E lo castel qu'avetz brulat
Cal pagar per lo visitar
Lo maissant esprit cor enquera
Sus los camins de per chas nos
Dins ton pais negre Jacon.

Dunpéi lo temps que s'es partit
ton sovenir es viu enquera
Dins los ostals de ton pais
Ont ròda totjorn la misèra
Mas la revòlta cor enquera
Sus los camins de per chas nos
Dins ton pais negre Jacon
Mas la revòlta cor enquera
Sus los camins de per chas nos
Dins ton pais negre JACON.

Ai trobat l’autre matin
Dins lo fons de mon jardin
Estuchat jos un garric
Un bocin de mon país
Lai …

Legir tot

Ai trobat l’autre matin
Dins lo fons de mon jardin
Estuchat jos un garric
Un bocin de mon país
Lai menat dins la maison
E n’ai fach una cançon
Qualquas nòtas e un refranh
Per far cantar los enfants

Meitat chen meitat pòrc
Meitat viu e meitat mòrt
Meitat chen meitat pòrc
Ai trobat lo Peiregòrd

L’ai menat dins la maison
E n’ai fach una cançon
Qualquas nòtas e un refranh
Per far cantar los enfants
Aviá durmit tant de temps
Segur era plan content
De tornar viure al solelh
E de se calfar la pèl

Aviá durmit tant de temps
Segur era plan content
De tornar viure al solelh
E de se calfar la pèl
Quand ai cantat mon refranh
Ai auvit un contracant
Lo país cantava emb ieu
Lo país me respondiá

Quand ai cantat mon refranh
Ai auvit un contracant
Lo país cantava emb ieu
Lo país me respondiá
L’ai escrich aquel refranh
Per dire a mos enfants
Que sovent dins lo jardin
Cal crusar jos lo garric

Dins la nuèch, a pena tombada,
Daissant un bocin de clartat,
Lo grapald fai sa permenada,
Doçament, com'un estropiat.

Clòc, …

Legir tot

Dins la nuèch, a pena tombada,
Daissant un bocin de clartat,
Lo grapald fai sa permenada,
Doçament, com'un estropiat.

Clòc, clòc, dins la vielha muralha
Una bona mia l'atend
Per li dire : cal far vistalha
E las nòças, en mesma temps.

Quò's al solelh, sus una branca,
Que los ausèls se fan la cort,
E per se plaire, ren l'i manca
Ni la cançon, ni la color.

Los grapalds, saben que son ledes,
Tanben, quand vòlen s'embrassar,
Per qu'en passar, degun lor crede,
Dins un cròs, se van estujar.

A ! Que ne vesèm sus la tèrra,
Que fan pas coma los grapalds ;
Mas se potonan a la fièra,
Al luèc d'anar tras bèl randal.

Qu quò's que se fai
Las nuèchs de plena luna,
De Tamniès a Marcais,
Per termes e per beuna,
Trintolar …

Legir tot

Qu quò's que se fai
Las nuèchs de plena luna,
De Tamniès a Marcais,
Per termes e per beuna,
Trintolar sus l'esquina
D'un paure malurós ?
La bèstia coquina,
Quò's lo leberon !

La luna los a vists,
Lo vent me l'a cantat.

Qu quò's qu'a desvirat
Madama la Comtessa
Per mitan d'un valat
Un ser qu'après la messa
Se'n anava soleta
Veire son amorós
Per far de galipetas ?
Quò's lo leberon !

Qu quò's que levèt
Una nuèch la sotana
De monsur lo curat
De pautas jos la luna
per li far confessar
Tots los cotilhons
Qu'avián desvirats ?
Quò's lo leberon !

Qu quò's que mingèt
Las malurosas causas
D'un gendarma de pes
Una nuèch que gelava,
Una nuèch que s'annava
Per botar en preijon
Un tròç de paure diable ?
Quò's lo leberon !

Aviai somiat d’un pais novèl
De poder viure mon vielh sòmi
De passar de l’ombra al solelh
De m’esvelhar dumpuei …

Legir tot

Aviai somiat d’un pais novèl
De poder viure mon vielh sòmi
De passar de l’ombra al solelh
De m’esvelhar dumpuei que durmi
En mesma temps que de vestit
Aviai pensat cambiar de pèl
Aquel novèl monde a venir
Mas qu’es devengut Macarèl !

Ont es passat lo mes de mai? (bis)

Aviai somiat que lo rovilh
S’atrapava per los canons
E que jamai pus los fusilhs
Passan lo nas al fenestron
Quand somiavi a l’endoman
Esperavi dumpuei vint ans
Que la paraula d’òmes d’Òc
Serà un dreit per mos enfants

Aviai somiat que jamai pus
A causa de nòstra feblessa
La merda negra entre nos
Un brave jorn reviscolessa
Aviai somiat aviai somiat
Mas sabetz ben çò qu’es un sòmi
L’òm se creis totjorn esvelhat
E l’òm viu totjorn endurmit

Quand degun voliá trabalhar
Per ganhar mins qu'una misèra
Aquí fuguèron amenats
Per bolegar tèrra e peiras

Venguts d'un pais …

Legir tot

Quand degun voliá trabalhar
Per ganhar mins qu'una misèra
Aquí fuguèron amenats
Per bolegar tèrra e peiras

Venguts d'un pais de solelh
Emplits de dòl e de misèra
L'an vesiá al fons de lors elhs
L'avenir com'una preguièra

Los lops son pus dins las istòrias
Son davalats dins la carrièra
Lo sang e la mòrt los pòrta
Los lops son darrier nòstra pòrta

Avián un parlar diferent
Tanben degun ne lor parlava
Un biais de viure diferent
Tanben degun ne los aimava

Pertant lo ser de lor ostal
Montava una musica clara
Cançon d'amor o de trabalh
Mesclada al son d'una guitara

Per una dròlla un ser de vòta
Los lops esgorjèron l'anhèl
Per l'estrangièr quò's una fauta
D'oblidar sa color de pèl

Pèira jetada dins lo jardin
Dels òmes a la blanca pèl
La mòrt èra sus lo camin
Còp de fusil entre los elhs

Los seunes son tornats partir
Dins lor pais per oblidar
Mas l'un d'els es al cementeri
La vita quò se crompa pas

Tots los ans lo ser de vòta
Una drolleta del pais
S'en va portar sus una tomba
Una ròsa de son jardin.

Savem pas pincar un clavel
Savem pas tenir un martel
Savem pas menar un tropel
Savem pas tirar lo capel …

Legir tot

Savem pas pincar un clavel
Savem pas tenir un martel
Savem pas menar un tropel
Savem pas tirar lo capel
Savem pas bastir un ostal
Savem pas dondar un caval
Fasem pas rondinar lo dalh
Fasem pas doble de travalh

Una musica una flor
Una sason
Una musica una flor
Mila cançons

Fasem pas naisser los anhels
Fasem pas brisar los rastels
Avem l ‘estela dins lo cel
Avem lo lum sul sendarel
Avem la nuetch per nos negar
Avem la mar per nos breiçar
Avem lo solelh din lo cap
Avem lo vent per nos pagar

Una musica una flor
Una sason
Una musica una flor
Mila cançons

Mas dins lo lum quand ven lo ser
Travalhem quand lo monda der
Sem reviraires de sasons
Sem frabricaires de cançons.

A quinze ans sul "trimard" Nom de diu !
Crane coma un comunard Miladiu !
La vita te cal ganhar …

Legir tot

A quinze ans sul "trimard" Nom de diu !
Crane coma un comunard Miladiu !
La vita te cal ganhar
A còp de bèc a còp de braç
Cadun deu quilhar son niu
Fuèc de Diu !

Se'n anguet sol pel camin
Dins la brada del matin
Son vielh pairin li donet
Pel prumier jorn un crostet
Una chopina de vin.

De lonh en lonh se loguet
Dins las bòrias, sus chantiers.
A jorn falit la borrèia
Vironejava son aise
Emb la dròllas de l'estiu.

Un tròç de jorn de malur
Que trabalhava de bon cur
Una machina lo gafet
La man drecha li copet
Far l'obrier pus question.

Quò's merchant que devenguet
De cotèls e de lacets
Fasiá tirar son "trimard"
Per dos chens, per dos canhards
Quò's una brava invencion !

Cotèls, cotèls de sanaire
Per rasar la bèla maire !
Ne trobaretz pas melhor
Pel trabalh, per la maison
Emb las lamas que fan "Jiu !"

A Sarlat l'òm se rapela
Lo "manchòt" davant la pòsta
E de la doça Ernestina
Son aimada, sa calina
Emb las lamas que fan "Jiu !"

represa del 1er coplet

Plantèm lo mai
Plantèm lo pinhièr
Davant l’ostal
Plantèm lo mai
Plantèm lo pinhièr
De mai en mai.

Per la …

Legir tot

Plantèm lo mai
Plantèm lo pinhièr
Davant l’ostal
Plantèm lo mai
Plantèm lo pinhièr
De mai en mai.

Per la fin d’abrial
Lo plantarem
Lo jorn del trabalh
Mès n’aurem Cap de fial :
Es mai de paure
Que lo de Nadal.

Per ’Lèna, per Chavà,
Que se van dissabde maridar.
Per ’Lèna, per Chavà,
Que se van dissabte potonar.

Per Francesa e Michèl
Que se son bastits un niu novèl
Jos un bocin de cèl
Pincat al cimèl d’un rocanèl.

Après las élections
Quand a ganhat lo qu’aviam causit
E que serà portur
Deus espèrs que nos tustan lo cur.

Mes pas per los patrons
Del mens los que nos espanisson
Que fan plegar lo còl
Aqueus Monsurs que nos fan virar fòls.

.Anuèch deçai levat
Serà l’albre de la libertat
Pincat cap al capial
A nos chabròls, grillions e cacals.

Se eriái un albre
Aimariai estre un gran castanh
Del fons de la barrada
D'annadas en annadas
Cent mila castanhas …

Legir tot

Se eriái un albre
Aimariai estre un gran castanh
Del fons de la barrada
D'annadas en annadas
Cent mila castanhas per rufar
Mas al bandit qu'ausa esperar
Per los pins me remplaçar
Cent mila pelons per l'agulhar

Se eriái un albre...

Se eriái un albre
Voldriái estre un vièlh garric
Entortilhat de ledra
Per pas blassar las cèrvias
Quand vénon se raspar l'esquina
Al cur de la Bessada
Ont dins lor nuèch de seda
S'encontran sorciers e fachilhièras

Se eriái un albre
Segur seriái un bel pomièr
Pesuc de bravas pomas
Tots los enfants de Doma
Jamai ne se'n podrian sadolar
E per tu mon ama
De l'alba jusca l'alba
Malhat de flors coma un ramelet

Ne sei pas un albre
Pas mai grand castanh que bel pomièr
N'ai pas de folhatge
Pas mai de fruch salvatge
Lès pincadas al cur de mon pais
Ai de tant prigondas raiç
Ai de tant rebelas raiç
Que degun me podrà desregar.

Per anar cercar ma mía
Ai sautat la barrada anuèch
Per anar carcar ma mia
La barrada ai sautat.
La …

Legir tot

Per anar cercar ma mía
Ai sautat la barrada anuèch
Per anar carcar ma mia
La barrada ai sautat.
La barrada era nauta
E ieu m’i sei mincat
La barrada era nauta
E ieu m’i sei acabat.

Per anar cercar ma mia
Ai passat la rebièra anuèch
Per anar cercar ma mía
La ribièra ai passat.
Lo rajièr corriá
Lo riu m’a neportat
Lo rajièr corna
E ieu m’i sei negat.

Per anar cercar ma mia
Ai traversat lo bòsc anuèch
Per anaracercar ma mía
Lo bòsc ai traversat.
Mès los lops m’esperavan
E los lops m’an gafat
Los lops m’esperavan
Me vaiquí graupinhat.

Per anar cercar ma mía
Me sei pegat doas alas anuèch
Per anar cercar ma mía
Doas alas me sei pegat.
Lo vent del nòrd bufava
Que me las a panat
Lo vent del nord bufava
Ieu me sei escrasat.

Gafat negat escrasat,
Me’n sei tornat chas ieu anuèch
Gafat, negat, escrasat,
Chas ieu me’n sei tornat.
Ma mía m’esperava
Davant l’ostal barrat
Ma mía m’esperava
Endonc avèm dançat.

A la caforca dels camins
Lo temps passat pot pas durar
Avem daissat qualquas amics
Qualquas nenets sont arrivats

Cal …

Legir tot

A la caforca dels camins
Lo temps passat pot pas durar
Avem daissat qualquas amics
Qualquas nenets sont arrivats

Cal i anar, cal partir
Lo desesper n’en avem bric
Cal partir, cal i anar
Lo desesper n’en avem pas…Cantarem OC & CO !
Al caforc de la nuetch, del jorn
Avem passat qualquas printemps
Avem avem perdut qualquas amors
Avem aimat de temps en temps

Cal i anar, cal partir
Lo desesper n’en avem bric
Cal partir, cal i anar
Lo desesper n’en avem pas…Dansarem OC & CO !
A la caforca dels matins
Avem causit de caminar
De moler la grana al molin
E totjorn tornar commençar.

Cal i anar, cal partir
Lo desesper n’en avem bric
Cal partir, cal i anar
Lo desesper n’en avem pas… Somiarem OC & CO
A la caforca dels camins
Avem benleù pas vist la fin
Doman sera coma lo vin
Un pauc melhor cada matin

Cal i anar, cal partir
Lo desesper n’en avem bric
Cal partir, cal i anar
Lo desesper n’en avem pas…Pensarem OC & CO !

Plegada dins ton mantel de peiras
Ma vila, ma vila
Jos ta dentela immobila
Ma vila de Sarlat
Nascuda d’una …

Legir tot

Plegada dins ton mantel de peiras
Ma vila, ma vila
Jos ta dentela immobila
Ma vila de Sarlat
Nascuda d’una istòria fiera
E tòrta e fòrta
Mila ans t’an fach una beutat
Ma vila de Sarlat
E doman e doman...

Ont son anats los trobadors
Ma vila, ma vila
Que t’an cantat, que t’an contat
Dins la lenga d’amor
Lo ven n’a bric boissat lors cants
Ma vila, ma vila
Paraulas rica de ta sang
Ma vila de Sarlat
E doman e doman...

L’estiu quand te fas mercandièra
Ma vila, ma vila
Escupissi dins la tortiera
Ma vila de Sarlat
Per un macarèl de passatge
Ma vila, ma vila
Vendes ton cur e tos mainatges
Ma vila de Sarlat
E doman e doman...

Remenbrança d’un temps passat
Ma vila, ma vila
Amalida de libertat
Ma vila de Sarlat
Tu qu’as saludat la Comuna
Ma vila, ma vila
un avenir benleu ganhat
Ma vila de Sarlat
E doman e doman...

"Porches" urós semblant se dire
Ma vila, ma vila
Quimèras se rinçant lo nas
Ma vila de Sarlat
Dins los carreirons qualquas vielhas
Fan la nogalhada
Me sembla auvir ton cur tustar
Ma vila de sarlat
E doman e doman...

Sei lo vent ma mia lo vent del solelh
Lo vent de Sent Joan lo fuèc dins lo cèl
E …

Legir tot

Sei lo vent ma mia lo vent del solelh
Lo vent de Sent Joan lo fuèc dins lo cèl
E ieu t’esclararai bufa ton calelh
Sei las flamas que dançan dins tos uelhs

Sei lo vent qu’escampa lo temps
I a pus jamai de sovent
Sei lo vent qu’escampa lo temps
Lo vent ma mia lo vent

Sei lo vent ma mia lo vent de l’amor
Lo vent de l’estiu lo vent de megjorn
Pòrti la calor a quand i a de l’imor
Sei la ròda al cèl de totas calors

Sei lo vent ma mia lo vent d’antan
Sei coma l’esper grand de tos vint ans
Lo vent de la prima per far los amants
D’un parlar crocant sei lo vent cantant

Sei lo vent ma mia sei lo vent d’anuèch
Lo vent de l’ivern lo vent de la nuèch
Serai la bufada qu’aluca ton fuèc
E te calfarai quand auràs tròp freg

Après aver tant aimat
Tant grumilhat
Après aver tant marchat
Tant caminat
Après aver tant donat
Et tant reçu
Après …

Legir tot

Après aver tant aimat
Tant grumilhat
Après aver tant marchat
Tant caminat
Après aver tant donat
Et tant reçu
Après aver tant jogat
E tant perdut

Sèm d’onte venèm
….. ont anirèm ? (2)

Après estre tant partits
E tant tornats
Après aver tant bastit
Tant desbolhat

Sèm d’onte venèm
Serèm ont anirèm (2)

Lo grand camin
Aquel camin (2)

Après aver tant culit
Tant samenat
Après aver tant escrit
E tant cantat

Sèm d’onte venèm
Serèm ont anirèm (2)

Lo grand camin
Aquel camin (4)