Anam ausir las aubadas
Que se’n venon de sonnar
Sus de trompetas dauradas
Dison qu’un delfin serà.
L’una fa : …

Legir tot

Anam ausir las aubadas
Que se’n venon de sonnar
Sus de trompetas dauradas
Dison qu’un delfin serà.
L’una fa : « Tarari tararèra
Lintampon laderitampon
E l’autra li fa lo respon .
Tarari, tararèra
Lintampon laderitampon
Novèl vengut, pichòt popon.

Quand dintrarem dins l’estable,
Li tirarem lo capel
Li direm : « Enfant aimable
Sètz polit coma un anèl. »
Un farà: « Tarari tararèra
Lintampon laderitampon
E l’autre farà lo respon .
Tarari, tararèra
Lintampon laderitampon
Novèl vengut, pichòt popon.

Sonatz pifres e trompetas,
Timbalas e caramèls,
E vos claras campanetas
Ambe lo còr dels angèls.
Digatz-li: « Tarari tararèra
Lintampon laderitampon
E cadun farà lo respon .
Tarari, tararèra
Lintampon laderitampon
Sètz benvengut, pichòt popon.

Ne ses-tu pas bientòst coifada ?
De la festa n’auvem lo chant.
Despaicha-te, qu’es la balada,
Nos i eram en …

Legir tot

Ne ses-tu pas bientòst coifada ?
De la festa n’auvem lo chant.
Despaicha-te, qu’es la balada,
Nos i eram en nos permenant.
Nos marcharam d’aici au vilatge,
Iò te massarai daus babois,
Tu los metras a ton corsatge,
Ie t’aiderai si tu iò voes.

Repic
Qu’es plan segur que ie voldria
Que, dins cent ans,
Tu fuguessas totjorn ma mia
Si nos viviam,
Tu fuguessas totjorn ma mia,
Me, ton amant.

’Neram veire ente quò dansa,
Una valsa nos devem far.
Mas ’paravant de nos ’n anar
Nos faram plan ’na contra-dansa.
De mai, si tu ses fatigada,
’Neram nos pausar un moment,
Tot en prenant ’na limonada,
Nos riram bien per nòstre argent.

Avant de ’ribar sur la plaça,
As-tu mestier de te ’restar ?
Ie t’atendrai, ô ma Joaneta,
Fai viste, ne te jaina pas.
Fau dubrir quela gròssa ombrela
Si quò molha pendent queu temps,
Releva bien sos ton aissela
Ta brava rauba daus dimencs.

I aviá un cat, un chin (bis)
Que fasián la tarralha,
Tro la la Papeta Calhau
I aviá un cat, …

Legir tot

I aviá un cat, un chin (bis)
Que fasián la tarralha,
Tro la la Papeta Calhau
I aviá un cat, un chin
Que fasián la tarralha !

Una mosca al plafond (bis)
Que s’espetava de rire,
Tro la la Papeta Calhau
Una mosca al plafond
Que s’espetava de rire !

Tombèt de la muralha (bis)
Se copèt las doas cueissas,
Tro la la Papeta Calhau
Tombèt de la muralha
Se copèt las doas cueissas !

Lo lendeman matin (bis)
La menèron a l’ospici,
Tro la la Papeta Calhau
Lo lendeman matin
La menèron a l’ospici !

Lo sus endeman matin (bis)
La tra-a-pèron mòrta,
Tro la la Papeta Calhau
Lo sus endeman matin
La tra-a-pèron mòrta .

Lo jorn de l’enterrament (bis)
Faguèron una panta de rire,
Tro la la Papeta Calhau
Lo jorn de l’enterrament
Faguèron una panta de rire !

I aviá per capelan (bis)
Un chin vestit de negre.
Tro la la Papeta Calhau
I aviá per capelan
Un chin vestit de negre.

I aviá per enfants de còr (bis)
Dos cats vestits de roge.
Tro la la Papeta Calhau
I aviá per enfants de còr
Dos cats vestits de roge.

I aviá per corbilhard (bis)
La carreta de Lazari.
Tro la la Papeta Calhau
I aviá per corbilhard
La carreta de Lazari.

Aquí lo dòl passat (bis)
De la paura mosqueta.
Tro la la Papeta Calhau
Aquí lo dòl passat
De la paura mosqueta.

Nos metèrem a dançar (bis)
Al mitan de la carrièra.
Tro la la Papeta Calhau
Nos metèrem a dançar
Al mitan de la carrièra.

La banquisa es a fondre
Lo planeta es a se rescaufar
Los pingoïns pòdon pas pondre
Los ors blancs an …

Legir tot

La banquisa es a fondre
Lo planeta es a se rescaufar
Los pingoïns pòdon pas pondre
Los ors blancs an començat de susar.
La sèlva eqüatoriala,
E bon nombre d’islas pacificas
Coneisson lor fin finala
Viurem lèu d’oras tragicas !

Mas vòli pas venir un vegetarian !
Manjarai encara de fetge e beurai de vin blanc !
Sabi que nòstre planeta a mestièr de ieu !
Per gaitar de se sauvar e per far rampèu...
Pola al topin, costelon, gòga, lard, capon,
Botifarra, caçolet...
Aperò, tastavin, taulejada e banquet.

Totas las cerealas : quinoa, milh,òrdi, blat,
Valon per la polalha ! Pòdi pas, pòdi pas, non,
Daissar mon entrecòsta, magret e cambajon, non,
Beure que de tisanas, gardarai lo pinton !

Lo diagnostic vital es plan engatjat...
Dempuèi la Preïstòria avèm bassacat,
Campanha, aire, tèrra, mar, tota la natura,
Espleitat aucas e guits per far la garbura.
Engraissat vacas, buòus, capons, lapins e motons...
Pollucion de l’environa ? Catastrofica !
Solucion macrobiotica !

Me pòdi totjorn pas far vegetarian !
Gardarai encara lo fetge e lo vin blanc !
E mai sabi lo planeta a mestièr de ieu
Per capitar de se sauvar, per far rampèu.
Venètz préner plaça a la taula que nos regala.
Cambiem de compòrtament, òc, e onorem,
Una bèla taulejada. E trinquem ! Veire plen !
Partegem lo terrador, Zo !

Passant sus la planqueta
Lo pè m’a lisat,
E io sèi tombada dins l’aiga
Mos cotilhons se son molhats

Pr’aqui …

Legir tot

Passant sus la planqueta
Lo pè m’a lisat,
E io sèi tombada dins l’aiga
Mos cotilhons se son molhats

Pr’aqui passa un caçaire
Tot lo long d’un riu
N’en cresiá de tirar la lebre
Mas que ne m’a tirat a ieu

Las balas que tirava
N’eran pas de plomb..
N’èran de quina marchandisa
Per fa dançar la Marion

Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.
Pimpè, Pimpè, Pimpè
Se copèt la …

Legir tot

Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.
Pimpè, Pimpè, Pimpè
Se copèt la camba
Pimpè, Pimpè, Pimpè
Se copèt lo pè.

A! que dança ben
La saca de palha
A! que dança ben
La saca de bren.

Plòu e solelha
Fa lo temps de Marselha
Se tot lo monde o sabiá
Tot lo monde corririá.
A fòrça …

Legir tot

Plòu e solelha
Fa lo temps de Marselha
Se tot lo monde o sabiá
Tot lo monde corririá.
A fòrça de córrer
Se romprián lo morre
A fòrça de caminar
Se romprián lo bot del nas.

Quan jo n’èri Joen amoros, corrèvi com un malurós,
Totas las nuèits entièras, a capvath las carrèras.

E adara jo’n …

Legir tot

Quan jo n’èri Joen amoros, corrèvi com un malurós,
Totas las nuèits entièras, a capvath las carrèras.

E adara jo’n soi maridat, la peguèça m’a bien passat
E atau harètz mainadas quan serètz maridadas

E adara jo’n soi maridat la peguèça m’a bien passat
E atau harètz manaitges quan serètz de mon atge.

Quand aurem tot acabat
Farem la nòça, farem la nòça
Quand aurem tot acabat
Farem la nòça a copar blat …

Legir tot

Quand aurem tot acabat
Farem la nòça, farem la nòça
Quand aurem tot acabat
Farem la nòça a copar blat

Repic :
I anarem totes, i anarem totes
I menarem nòstres enfants
E la jornada serà pagada
Coma se trabalhaviam

Quand aurem tot acabat
Farem la fèsta, farem la fèsta
Quand aurem tot acabat
Farem la fèsta a tot petar !

A cinq sòus los castanhons
Venètz los quèrre (bis)
A cinq sòus los castanhons
Venètz los quèrre, son plan bons !

Quand aurem pas pus de vin
Beurem de gaspa (bis)
Quand aurem pas pus de vin
Beurem de gaspa a plen topin !

Vòli de figas, vòli de figas
Vòli de pan per las manjar !
Vòli de figas, vòli de figas
Vòli de pan per las manjar !

Quand èri pichonet
Ma maire me bragava
Ara que siái grandet
Me bragui tot solet.

La dansarem pas pus
La …

Legir tot

Quand èri pichonet
Ma maire me bragava
Ara que siái grandet
Me bragui tot solet.

La dansarem pas pus
La borrèia d’Auvèrnha
La dansarem pas pus
Lo violon es romput

Quand lo veirai venir,
Mon Piari,
Lo beu galant que i aime
Tras los boissons dau plais
Atendrai,
Atendrai qu’eu …

Legir tot

Quand lo veirai venir,
Mon Piari,
Lo beu galant que i aime
Tras los boissons dau plais
Atendrai,
Atendrai qu’eu se prueime. (bis)

Mas per l’aidar trobar
Sens tardar
Lo nich de sa bargiera,
Farai japar pro fòrt
Lo Medòr
Que duerm sur la faugiera. (bis)

Eu vai venir d’en lai,
Bona mair,
Queu qu’a la votz si doça.
Eu vai dire : Mion,
Fai-me donc
’Na plaça sur la mossa. (bis)

Ne sira pas ’ribat
E siclat,
Dejà mon cuer n’en sauta,
Qu’eu voldra m’embrassar ;
Vos pensatz
Si prueimarai ma jauta ! (bis)

Entau nos fam l’amor
Tots los jorns
En gardant mon aumalha.
Qui podria nos blasmar ?
Om n’a mas
Lo plaser qu’om se balha. (bis)

Rossinhòl que vas en França,
Rossinhòl,
Parla de ieu a ma maire
Rossinhòl del bèl boscatge
Rossinhòl, d’un vòl.

Parla …

Legir tot

Rossinhòl que vas en França,
Rossinhòl,
Parla de ieu a ma maire
Rossinhòl del bèl boscatge
Rossinhòl, d’un vòl.

Parla de ieu a ma maire
Rossinhòl,
Ne parles pas a mon paire
Rossinhòl del bèl boscatge
Rossinhòl, d’un vòl.

Ne parles pas a mon paire
Rossinhòl,
Per que m’a mal maridada
Rossinhòl del bèl boscatge
Rossinhòl, d’un vòl.

Per que m’a mal maridada
Rossinhòl,
Jamais tornarai en França
Rossinhòl del bèl boscatge
Rossinhòl, d’un vòl.

arrepic :
Salut Baiona, petita flor
Pròche la Niva, pròche l’Ador
Mainada a la verva gascona
Charmanta e gaujosa citat …

Legir tot

arrepic :
Salut Baiona, petita flor
Pròche la Niva, pròche l’Ador
Mainada a la verva gascona
Charmanta e gaujosa citat
On respira la libertat
Salut Baiona !

Qu’aimi la toa muralha grisa
Deu Castèth-Vielh de Sent Leon
Fier gardien de la toa devisa
Verta cintura de gason
Qu’aimi la toa coqueta Niva
On se miran totas las maisons
Lo fin clochèr devath la liva
Hèit de dentèla e de feston

Se canta que cante
Canta pas per ieu
Canta per ma mia
Qu’es al luènh de ieu

Dejós ma fenèstra …

Legir tot

Se canta que cante
Canta pas per ieu
Canta per ma mia
Qu’es al luènh de ieu

Dejós ma fenèstra
I a un aucelon
Tota la nuèch canta
Canta sa cançon

Aquelas montanhas
Que tan nautas son
M’empachan de veire
Mas amors ont son

Aquelas montanhas
Lèu s’abaissaràn
E mas amoretas
Apareisseràn

Se ieu sabiài volar (bis)
Coma la pardiç grisa lan la lan la (bis)

Me’n anirai al potz
Per far …

Legir tot

Se ieu sabiài volar (bis)
Coma la pardiç grisa lan la lan la (bis)

Me’n anirai al potz
Per far coma l’aigadièr

Portarai un farrat
Per ma mia que moris

Se sian paure, sian countènt,
I’a de faiòu dins l’oulo,
Se n’i’a gaire, n’i’a souvent,
Dansèn la farandoulo.

Trapat sus …

Legir tot

Se sian paure, sian countènt,
I’a de faiòu dins l’oulo,
Se n’i’a gaire, n’i’a souvent,
Dansèn la farandoulo.

Trapat sus www.zictrad.free.fr.

Sèm montagnòls
n’avèm l’independança.
L’avèm, l’avèm, e mai la gardarem!
S’i a pas de rei en França,
N’autres i renharem! …

Legir tot

Sèm montagnòls
n’avèm l’independança.
L’avèm, l’avèm, e mai la gardarem!
S’i a pas de rei en França,
N’autres i renharem!
S’i a pas de rei en França,
N’autres i renharem!

Nostre sol mèstre es aquel que fa naisser
Lo blat l’automna e l’èrba lo printemps.
Lo pregan que nos daisse
Lo gost del pan longtemps!
Lo pregan que nos daisse
Lo gost del pan longtemps!

Fasèm justicia a la mòda montanhòla,
Sens derrengar les jutges inustièrs!
Lo còde de Lagliòla
Es lo boès del drilhièr!
Lo còde de Lagliòla
Es lo boès del drilhièr!

Tu, vinhairon, siàs fièr de ta vendemia,
Mè ièu te planhi, paure costovin
Tu, cultivas ta vinha,
N’autres bevèm lo vin
Tu, cultivas ta vinha,
N’autres bevèm lo vin

Dels vièlhs Galès, n’avem lo crit de guèrra
Possam de crits que fan tot ressontir
En passant sus la tèrra
Aiman de nos faire ausir
En passant sus la tèrra
Aiman de nos faire ausir

A cada còp, que nos trobam amassa
Còs contra còs, e los uelhs dens los uelhs
Lo huec nos pren, …

Legir tot

A cada còp, que nos trobam amassa
Còs contra còs, e los uelhs dens los uelhs
Lo huec nos pren, e pas jamei n’ès lassa
D’avitar un brasèr, qui nos brusla los sens.

Vòli jogar, tostemps dab tu bergèra
Lo plaser que nos dam, que s’amerita plan
Mei d’un poton, d’una careça bèra
E quan me hès entrar, gausim shens acabar.

Se lo flaquèr, per escaç me prenosse
E que lo men tecon, se volosse pausar.
Sufirà que, ta lenga se trigosse
Per har quilhar l’ardor, que sabes deishudar.

Som, som, veni veni veni,
Som, som, veni veni donc
Som, som, veni veni veni,
Som, som, veni veni donc …

Legir tot

Som, som, veni veni veni,
Som, som, veni veni donc
Som, som, veni veni veni,
Som, som, veni veni donc

Lo som som vòl pas venir, dondena
Lo som som vòl pas venir.
L’enfanton vòl pas dormir.

Som, som…

Lo som som plan lèu vendrà, dondena
Lo som som plan, lèu vendrà.
L’enfanton s’endormirà.

Som, som…

Segur, de tota la terra, fantons de totas colors,
Deman un alba novèla vendrà vos tirar lo som (bis)

Esper, veni veni veni
Esper, veni veni donc
Esper, veni veni veni
Esper, veni avans lo ser.

Repic :
Coneissetz-vos,
Coneissetz-vos au delai de l’aiga
La bela que fai mon torment ?
Qu’es mon tresaur, qu’es ma …

Legir tot

Repic :
Coneissetz-vos,
Coneissetz-vos au delai de l’aiga
La bela que fai mon torment ?
Qu’es mon tresaur, qu’es ma minharda,
L’aime com’un paubre einocent.

Sos piaus son color de la nuech,
Sa bocha es tant perfumada
Que crese sentir un boquet
Quand ’la me balha ’n’embrassada.

Sas dents an la blanchor dau lach,
Sos grands uelhs de jòun’ espanhòla
Lusissen coma doas estelas
Sos un front pur que res ne tròbla.

Sa talha fina, son bras rond,
Sas lonjas mans de damoisela,
De la Brejera au vielh pont
Qu’es la pus fiera, la pus bela.

Tan que batra dins mon parpalh
Mon cuer, qu’aurai un pau de vita,
Iò ne t’òblidarai jamai,
Te ’n fau lo serment, Margarita.

Sus la punta de l’espada pòrti nau ;
Sus la punta de l’espada pòrti nau ,
Pòrti nau, pòrti, jo, …

Legir tot

Sus la punta de l’espada pòrti nau ;
Sus la punta de l’espada pòrti nau ,
Pòrti nau, pòrti, jo,
Pòrti la mei bèra arròsa
Pòrti nau, pòrti, jo,
Pòrti la mei bèra flor
(Ueit, sèt, sheis, cinc, qüate, tres, dus, un)

Tiro la rèsso Mèstre Jan,
Tiro la tu que siés plus grand.
Ajournado, après fam (bis)
Quant as gagna ? …

Legir tot

Tiro la rèsso Mèstre Jan,
Tiro la tu que siés plus grand.
Ajournado, après fam (bis)
Quant as gagna ?
- Cinq peseto
- Quant as perdu ?
- Cinq escu !

Trapat sus www.zictrad.free.fr.

Trapa ta femna
Io teni la meuna
Trapa la tia
Io teni la mia

Legir tot

Trapa ta femna
Io teni la meuna
Trapa la tia
Io teni la mia

Tres filhas de Viladanha
Se’n venguèron a Canet ;
Èran regdas coma d’alhas,
Res i fasiá pas un plec

Refranh …

Legir tot

Tres filhas de Viladanha
Se’n venguèron a Canet ;
Èran regdas coma d’alhas,
Res i fasiá pas un plec

Refranh

I cal donar ‘na fretada
A n’aquelas afrontadas
Per aqueste carnaval
Aquò li cal

S’èran talament cingladas
Tibadas dins un corset
Qu’èran regdas coma d’alhas
Res i fasiá pas un plec.

Se’n anèron a la gleisa
Capela de Sant Francés
Totas tres s’agenolhèron
Ne peteron totas tres

Lo rector diguèt al clergue :
« Vai te’n veire qu’un vent es ? »
Lo clergue i fa responsa :
« Aquò’s lo vent dal cuol dels tres. »

Triste es lo cèl, trista es la terra
Soi triste fins al fons del còr!
Altorn de ièu tot es …

Legir tot

Triste es lo cèl, trista es la terra
Soi triste fins al fons del còr!
Altorn de ièu tot es misera,
Perqu’es tot triste com aquò?
Soi triste fins al fons del còr!

Ont va l’ausel? Ont va l’abelha?
Ont va la lèbre dèu branar?
Ont va lo vent quan se resvelha?
Mas ièu non sabi ont anar.
Per tant florit siá lo branar!

Venga lo temps de primavèra
Abril se’n tornarà doman.
Ièu qu’èi al còr dolor novèla,
Degun, ailàs! no’m vòl aimar!
Degun, ailàs! no’m vòl aimar!

Triste es lo cèl, trista es la tèrra.
Soi triste fins al fond del còr,
Alentorn de ièu, tot es …

Legir tot

Triste es lo cèl, trista es la tèrra.
Soi triste fins al fond del còr,
Alentorn de ièu, tot es misèra,
Perque es tot triste coma aquò ?
Soi triste al fons del còr.

Ont va l’aucèl, ont va l’abelha ?
Ont va la lèbre del branar ?
Ont va lo vent quand se desbèlha ?
Mas ièu non sabi ont anar,
Per tant florit sial o branar.

Venga lo temps de primavèra,
Abrilh se’n tornarà doman.
Ièu qu’ai al còr dolor novèla,
Dedun ailas non’m vòl aimar,
Dedun ailas non’m vòl aimar,

Repic:
Tròp s’èra levat lo mèrle
Tròp s’èra levat matin (bis)

Pren son sac e son ase
Se’n va dreit …

Legir tot

Repic:
Tròp s’èra levat lo mèrle
Tròp s’èra levat matin (bis)

Pren son sac e son ase
Se’n va dreit al molin
Las brumas son espessas
S’engana de camin.

Las brumas son espessas
S’engana de camin
El monta sus un arbre
Per fintar lo camin.

El monta sus un arbre
Per fintar lo camin
E la branca èra seca
E sa flanca apr’aquí.

E la branca èra seca
E sa flanca apr’aquí
Caliá pas paure mèrle
Te levar tan matin.

Un Moussu Brun,
Dous Moussu Rous,
Tres l’Inglès,
Quatre van se batre,
Cinq soun en trin,
Siés separès lèu,
Sèt …

Legir tot

Un Moussu Brun,
Dous Moussu Rous,
Tres l’Inglès,
Quatre van se batre,
Cinq soun en trin,
Siés separès lèu,
Sèt se mandon de cop de pèd,
Viue se crebon lis iue,
Nòu n’i’a un au sòu,
Des n’i’a un de lès.

Trapat sus www.zictrad.free.fr.

Veiqui ’rihat le jorn,
Nos vam nos maridar.
Après lo temp d’amor
Nos vam nos botar en mainage,
T’avia ben …

Legir tot

Veiqui ’rihat le jorn,
Nos vam nos maridar.
Après lo temp d’amor
Nos vam nos botar en mainage,
T’avia ben totjorn dich,
Qu’es vrai, mon bon amic,
Qu’un jorn tu coeijarias
Coma me pres rie mon costat.

Si dins un an d’aqui
Quò nos ven un pitit,
Fodra ben lo patir,
La nuech tu ne durmiras gaire.
Te fodra lo ninar,
Lo mochar, lo torchar.
Quò sira plan chabat
D’esser clins la trancquilitat.

Quand tu vodras dinar
Te farai pas junar,
Mas te fodra minjar
Mai de pan que de pomentaqe.
Deus chauls, de las rabas
E de las pompiras,
Mai deu salat purit
E deu quite pan chaumenit.

Quand tornaras sadol,
N’entraras pas ’maijon.
Metrai lo barrador,
Comptaras los claus de la pòrta.
Te fodra ’nar roflar
Sur lo pilòt de blad
0 ben sur los calaus,
Qu’es pro bon per los sadolauds.

Si ses tròp amoros
Tu coeijaras tot sol,
E per te far un gron
Tu trobaras quauqua palhassa.
La china e lo chin
Siran tos bons amics
E la vielha bibi
Tu li faras quauques mimis.

Dins cinquanta ans d’aqui,
Si nos som au pais,
Tu lo rancuraras,
Lo beu temp de nòstra jòunessa.
La cana a la man,
T’arosaras tos sòcs,
Et la testa en avant
Tu ’niras en t’acobaissant

Repic
Segues-tu, badaud, segues-tu, nigaud,
Segues-tu, nacre granda vielha ?
Segues-tu badaud, segues-tu, nigaud,
Segues-tu, paubre banturlaud ?

Rechant:
Vivèm totjorn en montanha,
Entra tots se fasèm companha.
Sèm tots de bravas gents,
E sèm totjorn contents.
À …

Legir tot

Rechant:
Vivèm totjorn en montanha,
Entra tots se fasèm companha.
Sèm tots de bravas gents,
E sèm totjorn contents.
À l’òrt ò à la charrièra,
Cada matin, cada sera,
E cada momenton,
Chantam ’na chançon.

L’estiu se levam la vèsta
I a lo volam e lo dalh
I a la messa e lo resta
I a totjorn lo gròs magalh.

Nòstre còr es en fèsta
Avèm ren paur dal trabalh
Se planhèm jamai de d’aren
Perqué sèm tant ben.

Avèm tots la sanetat
Nos coma ven pilham
Sèm contents tot l’an
E cada jorn chantam …

Vivèm totjorn en montanha
Entra toi si fèm companha
Sièm toi de bràvai gens
E sièm totjorn contents
À l’uòrt ò à la carriera
Cada matin cada sera
E cada momenton
Sentètz una cançon

L’estiu si movèm la vèsta
I a lo volam e lo dalh
I a la misson e lo rèsta
I a totjorn un gròs magalh
Lo nuòstre cuòr es en fèsta
N’avèm ren paur dal trabalh
Si planham jamai de ren
Perqué si portam ben
Avèm toi la santé
Nos coma vèn au pilham
Sièm contents tot l’an
E cada jorn cantam

Quora lo solelh s’abaissa
Quora sentèm lo frescor
Quitam lo prat e la faissa
Si raprocham de maion
Avèm remplit la feniera
L’ ostai es plen de govèrn
De faiòus e de peulons
De blad de tartiflons
N’en viètz de cada quèrn
Avèm remplit la caudiera
E d’aquela maniera
Manjam tot l’uvèrn

Quora lo solelh s’enauta
La frema e li pichons
Cadun mi dona una gauta
Sèmblon toi de cogordons
Joves e vielhs cadun sauta
Volèm sortir li picons
Un pauc d’aicí un pauc d’ailà
Fèm coma l’an passat
E i a ren de cambiat
Un pè denant un darrier
Fèm lo nuòstre dever
Quitam jamai Balver.