Adam e sa compànha
N’èran que tròp urós ;
Satan prenguèt la lanha
E s’en rendèt jalós ;
Songèt pus …

Legir tot

Adam e sa compànha
N’èran que tròp urós ;
Satan prenguèt la lanha
E s’en rendèt jalós ;
Songèt pus qu’a lei nuire
E per mièu lei destruire,
Li presentèt dau fruch
Qu’èra estat defendut.

- Aquesta poma es rara !
Tenètz, cresètz a ièu.
Se n’en manjatz tot ara
Sarètz coma de dieus.
Èva presta l’aurelha,
L’apetit se revelha ;
Per voler tròp saber
Manquèt a son dever.

La paura criminèla
Se reconeis ben lèu ;
Son pecat la borrèla
Li trobla lo cervèu ;
Per acabar la fèsta,
Jòga de tot son rèsta,
Se vira vers Adam,
Una poma a la man.

Après un tau mainatge,
Se trobèron tot nus ;
Au travèrs dau fulhatge
Intrèron tot confús ;
Mas Dieu, d’una voes auta,
Li reprochèt sa fauta,
E coma de gredins,
Lei caçèt dau jardin.

Ai vist lo lop, la lèbre e lo rainal dançar
Fasián lo torn de l’aubre e del boisson forcat.

Legir tot

Ai vist lo lop, la lèbre e lo rainal dançar
Fasián lo torn de l’aubre e del boisson forcat.

Aval lo long de l’aiga
I a un pomièr tot en flors.

I a tres filhas d’un prince
Que son …

Legir tot

Aval lo long de l’aiga
I a un pomièr tot en flors.

I a tres filhas d’un prince
Que son de per dejós

N’i a duas solas que rison
L’autra plora totjorn.

Son paire la va veire
- Ma filha qu’avètz donc ?

Avètz lo mau de tèsta
O aquel de l’amor ?

- N’ai pas lo mau de tèsta
Mès aquèl de l’amor.

Vòli mon amant Pèire
Qu’est tant brave garçon.

- Pèire es jujat a pendre
Duas oras après jorn.

- Paire se pendètz Pèire
Pendètz nos totes dos.

Pendètz Pèire a la brancha
E ieu de per dejós.

Catatz Pèire de ròsas
E ieu de blanchas flors.

Bolega
La musica d'aquí te desrevelha
Bolega toi
Quitament se sabes pas dançar
Bolega
I a pas deguns que te …

Legir tot

Bolega
La musica d'aquí te desrevelha
Bolega toi
Quitament se sabes pas dançar
Bolega
I a pas deguns que te susvelha
Bolega toi
Quitament se sabes pas dançar (bis)

Pren me la man pichona
Ven per dançar
Ven ambe ieu la vièlha
Te remembraràs lo plaser qu'es de bolegar
Vira la valsoneta
Rondèu o polcà
Tangò e mai museta
Te remembraràs lo plaser qu'es de bolegar

Carcinòl de Tolosa
Provençal o Roergàs
Italian de las islas
Te remembraràs lo plaser qu'es de bolegar
Biarnés de naissença
D'Espanha emigrat
Sicilian de Holanda
Te remembraràs lo plaser qu'es de bolegar

Mon país es fach
De monde d'aicí, de monde d'ailà
Lo balèti es fach
Per se poder totes encontrar

Black, blanc o burre
Omo e DOn Juan

D'esquèrra o de dreita
Te remembraràs lo plaser qu'es de bolegar
Festejam la musica
D'un meteis vam
I a pas que la Marina
E totes sos companhs que volèm pas per bolegar.

Braves gens de la maison
Que fasètz la droma aurelha

Braves gens de la maison
Se durmètz revelhatz vos !

Legir tot

Braves gens de la maison
Que fasètz la droma aurelha

Braves gens de la maison
Se durmètz revelhatz vos !

Dejol pont de Lion
Margarida se banha

E se banha pas laderi
Ne lava la bugada

Passan tres cavalièrs laderi …

Legir tot

Dejol pont de Lion
Margarida se banha

E se banha pas laderi
Ne lava la bugada

Passan tres cavalièrs laderi
Tres cavalièrs d'armada

Çò fet lo de davant laderi
Quela bèla lavaira !

Dessús lo pont de nantas
Lo rossinhòl i canta,
Don dèna latuda larèna
Don dèna latuda laré.

- Rossinholet salvatge …

Legir tot

Dessús lo pont de nantas
Lo rossinhòl i canta,
Don dèna latuda larèna
Don dèna latuda laré.

- Rossinholet salvatge
Vòli dintrar en mentage,

Tu que n’as lo cur tendre
Diga me quala prendre ?

- Ne prenguès pas de rojas
An las amors farochas,

Pren-te brunetas
Son totas polidetas.

Quand plèu per la carrièra
Dintratz dins un ostal
Dejós una gotièra
Seriatz pas a l'acial

Diga diga figa figa …

Legir tot

Quand plèu per la carrièra
Dintratz dins un ostal
Dejós una gotièra
Seriatz pas a l'acial

Diga diga figa figa
La flasca
Rapatipatà que me diràs
Flaflà

La vertat tota nuda
Que sòrt del fons del potz
Se la cresiatz perduda
Monsur destrompatz-vos

Val lo vin de la vinha
Mai que l'aiga del potz
Es una causa indigna
De los mesclar tots dos

Lo curèr en cadièra
Nos prècha la vertat
Las gents de la ribièra
Menan l'aiga a lor prat

Es aicí lo mes de mai
Gironflà mironlalirà
Cadun va veire mia.

- Io m’en vau al bòsc tantòst
Copar …

Legir tot

Es aicí lo mes de mai
Gironflà mironlalirà
Cadun va veire mia.

- Io m’en vau al bòsc tantòst
Copar lo mai a una.

E en tot lo li copant
L’acordeon jogava.

E durbètz mia durbètz
O desfonsi la pòrta.

- N’ai mon paire charpentièr
Me farà una autra pòrta.

Ieu soi perdut sense tu
Me daisses pas mon amor
Caminar sense tu al meu costat
Soi coma una flor …

Legir tot

Ieu soi perdut sense tu
Me daisses pas mon amor
Caminar sense tu al meu costat
Soi coma una flor passida que s'aprèsta a morir

Ieu soi perdut sense tu
Me daisses pas per totjorn
Caminar sense tu al meu costat
Soi coma un dançaire sens sos pès
Un bar sens alcoolics, un mòrt

Continuam la vida amassa
Quitament s'es pas aisit aurem pas d'escasença per seguir
La vida l'un sens l'autre poirà pas servir

Sosca-s-i ma polideta
Çò que sèm a viure es mai qu'una amoreta
Damora-s-ambe ieu, perque siagues urosa pòdes pas partir

Veires de flòc
Rires e jòc
Man dins ta man
Una candèla m'ajuda pas
Per amagar
Ta sensualitat
Òm fa …

Legir tot

Veires de flòc
Rires e jòc
Man dins ta man
Una candèla m'ajuda pas
Per amagar
Ta sensualitat
Òm fa coma òm pòt
Per renegar
L'amor al costat
E la candèla me basta pas
Per amagar
Çò que volèm far

La nuèit avança
E las ombras dançan
Tot a l'entorn de ieu
E ton aigat dins lo meu
Me fa oblidar
Las oras que passan
E la candèla
Se morís paurèla
Al moment lo mai volgut
E tos pòts dins la nuèit
Crosan los meus
Chuuuuuut

Chas la maire Antoèna
I a de bon vin blanc

I a de bon vin blanc, de bon vin blanc …

Legir tot

Chas la maire Antoèna
I a de bon vin blanc

I a de bon vin blanc, de bon vin blanc
De polidas dròllas
I a de bon vin blanc, de bon vin blanc
De bons enfants.

Lo molinièr passa
Fa petar lo foet,
Marisson l’agacha
Li quilha lo det.

Cal m’empacharà de l’agachar per la finèstra ?
Cal m’empacharà de l’agachar quand passarà ?

Janeton del Barri
A un polit rosièr
Que las calhas i cantan
Al mes de febrièr.

Le bal, qu'es aquò ? Le bal es un encontre : i encontras un còs, lo tieu, e le de …

Legir tot

Le bal, qu'es aquò ? Le bal es un encontre : i encontras un còs, lo tieu, e le de l'autre, de còsses joves, madurs, vièlhs, o sens atge, que s'aligan e s'animan coma jamès ni enlòc mès... Le bal es la parentèsi d'un còs a còs codificat ont aprenes de l'autre e li ensenhas, ont una musica se fa carn, ont un ritme se fa buf, ont un plaser fa societat. De la vila o del camp, ric o paure, oficial o clandestin, al defòra o al dedins, le bal es totjorn la cèrca collectiva d'un destin, l'invencion d'una intriga que se nòsa a mès d'un, aicí e ara. Mes pas cap de taula rasa : l'eiretatge i noirís l'aventura, le dasièr s'i acobla ambe l'auèi per nos fèr un deman. Tot i fa ventre, o puslèu : tot i fa camba, e una votz, e duas mans, un res sufís per balhar vam e compàs. De pèls que se lifan, de susors e sentors que se mesclan, d'ancas e de dits que s'agafan e se sarran, de caras que se gaitan e s'esclairan, de còsses que s'apròchan, s'alunhan, e marcan per l'aire le polsar d'un "nosautres" primitiu e subversiu : le bal es un "òc", una òbra comuna, un estacament, un eveniment, un Intercòs puslèu qu'un Internet, una umanitat reala puslèu que virtuala. Le bal es un rambalh, le triomfe de la vida sus la mòrt...

Lo camin sus la montanha
Lo seguèri tot un brieu,
Caminavi sens companha
Èra la fin de l’estiu.

Me cridèt …

Legir tot

Lo camin sus la montanha
Lo seguèri tot un brieu,
Caminavi sens companha
Èra la fin de l’estiu.

Me cridèt de delà la sanha
Coma gasavi lo riu,
Una filha de campanha
Que me trobèt agradiu.

Me prenguèt dins una jaça
A l’abric de la calor,
Causiguèt la bona plaça
Sul fen per parlar d’amor.

Ni jamai èra pas lassa
Me mordiguèt a dolor.
Vesiám per la pòrta bassa
Lo cèl cambiar de color.

Lo camin sus la montanha
Que se pèrd delà lo riu,
Una filha de campanha
Que l’amor es agradiu !

Èra plan fier e valent
A córrer de puèch en comba
E mancava pas d'alen
Per carrejar lo siu monde. …

Legir tot

Èra plan fier e valent
A córrer de puèch en comba
E mancava pas d'alen
Per carrejar lo siu monde.
Èra vielhòt, plan sovent
L'esperàvem de longa
Mas la pluèja ni mai lo vent
L'aurián tirat de sa ronda

Lo pichon trin de la montanha
S'escapava doçament.
Segur qu'èra plan longanha
Lo pichon trin d'una autre temps.

Per far tirar tres vagons
Caliá l'ausir estiflar.
Escupir coma un dragon
A revalar coma un fat.
E quand lo viatge èra long
S'arrestava per bufar,
Afalenat dessús lo pont,
De còps lo caliá butar.

Lo pichon trin...

Nos portava las novèlas
Qu'èran pas frescas totjorn,
Lo jornal de la vèlha,
Los racontes de l'entorn,
Un paquet amb una ficèla
Estropat ambe doçor
E un poton de la bèla,
De rires, una cançon.

Lo pichon trin...

Èra plan fier e valent
A córrer de puèch en comba
Mas un sèr de maissant temps
Acabèt pas sa ronda.
Coma un amic, un parent,
Lo plorèron lo monde ;
Jos la plèja e jos lo vent
L'avèm esperat de longa.

Lo pichon trin...

Pro viste passan los jorns de mai
Lo temps de l’estiu enquèra mai.
Cal vos mesfisar
De pas daissar passar …

Legir tot

Pro viste passan los jorns de mai
Lo temps de l’estiu enquèra mai.
Cal vos mesfisar
De pas daissar passar
Vòstra bèla joinessa.
Lèu passa l’atge dels amors
Lo vent bufa e n’empòrta las flors.

Matin s'ei lhevat
Lo rei d'Angletèrra ailàs

S'en pren son chivau
Lo brida e lo serra ailàs

Suu camin tròba …

Legir tot

Matin s'ei lhevat
Lo rei d'Angletèrra ailàs

S'en pren son chivau
Lo brida e lo serra ailàs

Suu camin tròba
Tretze damaisèlas ailàs

Totas las baisa
Sinon la pus bèla ailàs

Perqué m'refusatz ?
Lo rei d'Anglatèrra ailàs

Vòstra sòr m'a dit
Qu'èretz marideja ailàs

Ben n'a plan mentit
La faussa vilena ailàs

Entre era e jo
N'auram la grand guèrra ailàs

Diseràn las gents
B'aciu la grand guèrra ailàs

Matin s'ei lhevat...

Nau goiatas a Castèthnau
Eras que'n volerén dançar
Mès los goiats que'n cèrcan l'ombra
Eras que'n volerén dançar
Mès los …

Legir tot

Nau goiatas a Castèthnau
Eras que'n volerén dançar
Mès los goiats que'n cèrcan l'ombra
Eras que'n volerén dançar
Mès los goiats n'ac vòlon pas