Ai rencontrat ma mia diluns
Que se’n anava vendre de fums
Luns fums tòn
Retorna-te ma mia, retorna-te que plòu …

Legir tot

Ai rencontrat ma mia diluns
Que se’n anava vendre de fums
Luns fums tòn
Retorna-te ma mia, retorna-te que plòu !

Ai rencontrat ma mia dimars
Que se’n anava vendre de lard
Mars lard luns fums tòn
Retorna-te…

Dimècres – lèbres
Dijòus – uòus
Divendres – cendres
Dissabte – sable
Dimenge – penche
Setmana – lana
Quinzena – mena
Mes – pes
An – agland

Aval a la ribièira, i a una prada a dalhar
Ladondena…
Son tres jòunes dalhaires, que l’an pres a dalhar… …

Legir tot

Aval a la ribièira, i a una prada a dalhar
Ladondena…
Son tres jòunes dalhaires, que l’an pres a dalhar…
Son tres jòunas filhòtas que l’an pres a fenejar…
La pus jòuna d’entre elas s’en vai querre lo dinnar…
Lo pus jòune dalhaire non voguèt pas marendar…
A t’eu cassat sa dalha ? O perdut sa ‘gusa ?…
Quò es vòstre amor la bèla, me garda de marendar…

Aval a la ribièira, i a un prat a dalhar
Lalilonlilonlilèra…
Son tres joves dalhaires, que l’an pres a dalhar…
Son tres jovas filhòtas que l’an pres a fenar…
La pus jova de totas vai querre lo dinnar…
Lo pus jove dalhaire non volguèt pas manjar…
Mas de qu’avètz dalhaire ? Non volètz pas manjar ?…
Lo vòstre amor, la bèla, M’empacha de manjar…

Bèth chivalièr, qui partitz ta la guèrra,
T’on vas encuèra, tant luenh d’aicí ?
Non vedètz pas que la nuèit …

Legir tot

Bèth chivalièr, qui partitz ta la guèrra,
T’on vas encuèra, tant luenh d’aicí ?
Non vedètz pas que la nuèit ei pregonda,
E que lo monde n’ei que chepic ?

Vos qui credètz que las amors deishadas
De las pensadas se’n van shens mau,
Ailàs ! Ailàs ! Los cercadors de glòria,
La vòstra istòria, s’envòla atau !

Bèth chivalièr qui partitz tà la guèrra,
T’on vas encuèra, tant luenh de nos ?
Que’n vau plorar, jo qui’m deishavi diser,
Que mon arriser èra tant doç...

Com t’i va l’aulhada aulhèr ?
Com t’i va l’aulhada ?
L’aulhada en va pas tan plan
Que l’annada passada …

Legir tot

Com t’i va l’aulhada aulhèr ?
Com t’i va l’aulhada ?
L’aulhada en va pas tan plan
Que l’annada passada

Com t’i va...
Los anhèts son entecats,
Les aulhas embrumadas.

Com t’i va...
L’aulhada en va melher en’oan,
Que l’annada passada.

Com t’i va...
Los anhèts que son hòrts bèths,
Las aulhas hòrt oalhardas.

De cap a la gran’ prada ;
Tu qu’as pan e jo qu’ai leit,
Atau haram calhada.

Tòque ton ligòt aulhèr,
Entà darrèr la còsta ;
Jo qu’ei burre e tu qu’as pantaissar
Atau haram le ròste.

Dempuèi Tiesac dinc a Marselha
ai trabalhat ai plan trimat...
Dintrère dins la vila vièlha
de Montpelhièr tant renomat.

En …

Legir tot

Dempuèi Tiesac dinc a Marselha
ai trabalhat ai plan trimat...
Dintrère dins la vila vièlha
de Montpelhièr tant renomat.

En demandar la retirada,
ausisse dels maçons cantar.
Aicí quò’s una bona vila,
vau ensajar de me logar.

- « Vos soète lo bonjorn mos fraires
e mai a vos mèstre del luòc !
Auriatz pas un prètzfach a faire
sèi Auvernhat vos lo fariái. »

- « Pausa ton sac, pausa ta caissa !
Manja un croston beu un bon còp !
Aprèssa prendràs tas embaissas,
alisaràs aquelses ròcs. »

Ambe la massa tuste l’agulha,
pique lo ròc per l’afinar.
Lo mèstre es content de l’ajuda,
a trobat un crane Auvernhat

Sa filha garnís la conolha,
vas l’Auvernhat se’n va fielar.
- « Arrestatz-vos, pausatz l’agulha
sèi richa dròlla a maridar ! »

Joan Petit que dansa
Per lo rei de França !
Am lo det, lo punh, lo braç, l’espatla, lo cap, …

Legir tot

Joan Petit que dansa
Per lo rei de França !
Am lo det, lo punh, lo braç, l’espatla, lo cap, lo pè, las tripas, la lenga, lo còr...
Aital dansa Joan Petit !

Qual vòl sapiere la vida
Del paure carbonièr
Que mena dins la mina
E mai a son panièr
Escotatz en …

Legir tot

Qual vòl sapiere la vida
Del paure carbonièr
Que mena dins la mina
E mai a son panièr
Escotatz en silença
Vos fau la descripcion
De l’ora que comença
E mai de sa racion (bis)

A sièis oras sonadas
Sièis oras del matin
Se finís la dintrada
Lo que i es pas tanpís
I a pas una minuta
De retard per començar
I a las oras entièiras
Quand s’agís d’acabar...

Per dintrar dins la mira
Cambia d’abilhament
Car la negra farina
Lo met tròp degostent
S’en va prestar la vida
A un cable d’alphà
E a la man ardida
D’un inocent gòbà...

Pendent uèch oras trima
Per vendre sa santat
Sa fòrça e sa vista
Son drech d’umanitat
E far de son cadavre
Un èstre de malur
En astiquent lo sabre
De son acaparur...

Al trabalh lo servatge
I remplís l’estomac
Cal que sèga plan sage
E sustot revelhat
Tanpis se de sa vida
Cal qu’i daisse l’entièr
La valor es minima
D’un paure carbonièr...

Se jamai el se blaça
A ne demorar estropiat
I lançan a la faça
Que o a plan cercat
L’invitan a reprene
Lo trabalh quand pòt pas
Se vòl pas se sometre
I dison : « E ben plaijatz ! »...

Al tribunal lo jutge
L’agacha amb mesprés
E i ditz : « Paure bogre
De qu’es aquò que volètz ?
Vos calriá una renta
Per èstre estropiat ?
Vos seriá meritenta
S’aviatz perdut lo cap...

Quand seretz armiari
Cul de jata o manchòt
Poiretz ganhar un salari
En fayent mandigòt
Aniretz de pòrta en pòrta
Emplorar la pietat
La lei es richa e fòrta
Contra l’umanitat...

Aqui de que capita
Lo paure carbonièr
Quand la flor parasita
Vei son sospir darnièr
I negrís la misèra
Per lo recompensar
De la ruda galèra
Qu’el a a suportar...

Ni per versar de larmas
Carbonièr sus ton sòrt
Se prenes pas las armas
Jamai seràs lo fòrt
Bat ton inconsciença
Se vòls poder lutar
Ambe plena consciença
Cor, vai te sindicar...

Las filhetas de la Saula
E las de Vilamada,
Sus la riba van dançar
Mai d’un còp dins l’annada ! …

Legir tot

Las filhetas de la Saula
E las de Vilamada,
Sus la riba van dançar
Mai d’un còp dins l’annada !
Los joves fringaires
Quand las veson a passar alarireta...
Los joves fringaires
Las van far tornejar !

Ne’s pas pus lo temps de dançar
Doman dins la segada,
Filhetas cal trabalhar
La sèga es commençada !
Los joves segaires
Quand voldretz gardejar alarireta...
Los joves segaires
Vendràn vos ajudar !

Pus tard abans vendemiar
Lavarem la bugada,
Apèi vos caldrà filar
L’ivèrn dins la velhada !
Los joves lauraires
En quitent de laurar alarireta...
Los joves lauraires
Vendràn vos passejar !

E l’ivèrn se passarà
E l’èrba dins la prada,
Amb el printemps possarà
La dalha es agusada !
Als joves dalhaires
Abans de fenejar alarireta...
Als joves dalhaires
Poirem vos maridar !

Sul ròc de Carlat pichona
Ai fach una mestressa…
Fach una mestressa…
Sul ròc de Carlat !

S’apèla Loisòta ! …

Legir tot

Sul ròc de Carlat pichona
Ai fach una mestressa…
Fach una mestressa…
Sul ròc de Carlat !

S’apèla Loisòta !
Ieu la vòle aimar, pichona !
S’apèla Loisòta !
Ieu la vòle aimar !

Santa Maire ! M’agrada !
Ieu la vòle aimar, pichona !

Tinda, tinda relòtge, abaissa-te solelh
Lalala...
Sant Clar, Sant Clar apròcha, de mèstre camjarem...
Camjarem, camjarem de pòrta, camjarem de …

Legir tot

Tinda, tinda relòtge, abaissa-te solelh
Lalala...
Sant Clar, Sant Clar apròcha, de mèstre camjarem...
Camjarem, camjarem de pòrta, camjarem de sòrta...
Camjarem, camjarem de cantèl, saurem qual serà lo pus bèl...
Canjarem de barricon, saurem qual serà lo pus bon...
Adieu-siatz mon mèstre, amb vòstre capèl blanc !
Ficatz la man a la pòcha, donatz me d’escuts blancs !

Un còp i aviá un rector
Sedeguin sedegan santeligalaman
E lo tren tren dins son jarden !
Un còp i …

Legir tot

Un còp i aviá un rector
Sedeguin sedegan santeligalaman
E lo tren tren dins son jarden !
Un còp i aviá un rector...
Confessava las dròllas !

La primièra que confessèt
Sedeguin... Tu seràs ma mestressa !

E lo rector s’en va...
Sedeguin... S’en va dire la messa.

E quand sesquèt alleluià
Sedeguin... Aval l’i a ma mestressa !

E lo clèrgue ni’n respondèt
Sedeguin... Aquò se ditz pas a la messa !