Eh tu
Tu, dins mon cap
Bades pas coma aquò,
Ne pòdi pas pus
D'escanar las oras
A esperar qu'escopigas …

Legir tot

Eh tu
Tu, dins mon cap
Bades pas coma aquò,
Ne pòdi pas pus
D'escanar las oras
A esperar qu'escopigas tos uèlhs
Sus ma pèl de sabaud
Que jos tas labras se fendascla
Ne pòdi pas pus
D'aquelas putas de rainals
Que me rosigan quora davala la nuèch
Sul porpre de nòstras orquidèas de polsa,
Ne farem segur de polits ramelets
De mots, de rire e d'espèr
D'aquel present que rabina los uèlhs
E que dona lo vòmit als autres
Ne'n farem de polits ramelets
Vèni.

Revirada :

Eh toi
Toi, dans ma tête
Ne hurle pas comme ça,
Je n'en peux plus
D'étrangler les heures
A attendre que tu craches tes yeux
Sur ma peau de crapaud
Qui se fendille sous tes lèvres
Je n'en peux plus
De ces putains de renards
Qui me rongent lorsque descend la nuit
Sur le pourpre de nos orchidées de poussière,
Nous en ferons c'est certains de beaux bouquets
De mots, de rire et d'espoir
De ce cadeau qui brûles les yeux
Et qui donne la nausée aux autres
Nous en ferons de beaux bouquets,
Viens.

Vèni pichona veser ma bòrda
Amb ieu aquí seràs urosa
Ai de cavals
De pòrcs
De buòus

Ai quatre tractors …

Legir tot

Vèni pichona veser ma bòrda
Amb ieu aquí seràs urosa
Ai de cavals
De pòrcs
De buòus

Ai quatre tractors e tres araires
Una galinièra e una granja
E de pibols
De camps, de vinhas, de vergièrs.

Vuiràs al mièg de la clorofila
Auràs mai de colors qu’a la vila
La de riussets
De prats, de puèges de bòsques.

Sentiràs pas mai la gasolina
Aicí los aucèls son dins las vinhas
I a pas cap de rambalh
De bruch, de fum, de fats ,de fòls.

I a pas de betum, pas cap de buildings
I a pas de tut-tut
Pas cap de vrom vrom
Mas de cui- cui, meuh meuh, coin coin, cot codett

Per trabalhar lèu te levaràs
E amb las polas te colcaràs
Per faire de caulets
De blat, de vin, de milh, de fen.

Lo vent que passa per la lana
Que s’en va, que s’en va lo vent,
Entre la gèura e la …

Legir tot

Lo vent que passa per la lana
Que s’en va, que s’en va lo vent,
Entre la gèura e la brana
Capsus lo pont de Biravent.
Que destaca suu son passatge
Las lòsas vielhas deu paratge :
Qu’ei lo vent hou qui se passeja.
Que da lo salut de le mar
A los floretas deu branar
Mes qu’ei pressat, que s’amaneja !

Lo vent que passa per la lana
Que s’en va, que s’en va lo vent,
Entre la gèsta e la gavarra
Capvath la Hont de Bohavent.
Que hè arrider los mainatges,
Qu’arrevira los jupons sages
Aqueth diablàs : e que’s passeja
Peu miei deu linge a secar
Sus la cleda deu cazalà
On lo linçòu blanc viroleja !

Lo vent qu’ei passat per la lana
Que s’en va, que s’en va lo vent,
Mei endavant, cap-a la plana
Cap-au Horat de Crèvavent,
Portar mei luènh lo son messatge
De libertat e de coratge.
Qu’ei lo vent hou qui se passeja :
Peu miei deu monde a desvelhar
Que soa l’òra de’s lhevar
Quan lo Vent deu Pais ventoleja !

Lo vent que passa per la lana
Que s’en va, que s’en va lo vent,
Entre la gèura e la …

Legir tot

Lo vent que passa per la lana
Que s’en va, que s’en va lo vent,
Entre la gèura e la brana
Capsus lo pont de Biravent.
Que destaca suu son passatge
Las lòsas vielhas deu paratge :
Qu’ei lo vent hòu qui se passeja.
Que da lo salut de le mar
A los floretas deu branar
Mes qu’ei pressat, que s’amaneja !

Lo vent que passa per la lana
Que s’en va, que s’en va lo vent,
Entre la gèsta e la gavarra
Capvath la Hont de Bohavent.
Que hè arrider los mainatges,
Qu’arrevira los jupons sages
Aqueth diablàs ! E que’s passeja
Peu miei deu linge a secar
Sus la cleda deu cazalà
On lo linçòu blanc viroleja !

Lo vent que passa per la lana
Que s’en va, que s’en va lo vent,
Mei endavant, cap-a la plana
Cap-au Horat de Crèvavent,
Portar mei luènh lo son messatge
De libertat e de coratge.
Qu’ei lo vent hòu qui se passeja :
Peu miei deu monde a desvelhar
Que soa l’òra de’s lhevar
Quan lo Vent deu Pais ventoleja !

Quan vei la lauzeta mover
De joi sas alas contra-l rai
Que s’oblid’e-s laissa chazer
Per la doussor qu’al cor …

Legir tot

Quan vei la lauzeta mover
De joi sas alas contra-l rai
Que s’oblid’e-s laissa chazer
Per la doussor qu’al cor li vai.
Ai ! Tan grand’ enveja m’en ve
De cui qu’eu veia jauzion
Meravelhas ai car desse
Lo cor de dezirier no-m fon.

Ailas ! Tan cujava saber
D’amor e tan petit en sai
Car eu d’amar no-m posc tener
Cela dona ja pro non aurai.
Tout m’a mon cor e tout m’a me
E se mezeis e tot lo mon
E quan se-m tolc no-m laisset re
Mas dezirier e cor volon.

Que sòi en lieit aqueth dimenge ser,
Non pòdi dromir, non sabi perqué.
Deman maitin que m’aurèi a lhevar,
Non …

Legir tot

Que sòi en lieit aqueth dimenge ser,
Non pòdi dromir, non sabi perqué.
Deman maitin que m’aurèi a lhevar,
Non sabi a quina ora.
Tròp d’ora, tròp d’ora.
Era nhèu que cai per darrèr eth carrèu,
Si podiá càger tot çò qui a en cèu,
Que seriam totis aicí en preson,
Dinc a’ra fin deth monde,
Quin conde, quin conde.

Maman, tien m’era man,
Tostemps, tostemps,
Jo n’èi pas que dètz ans,
Eth còr un sinhau gran,
Non vòli pujar laguens
Eth car de Sent Gaudenç.

Hens era valisa que i a pantelons,
Qu’èi camas tròp primas, que son bien tròp corts,
Mos semblam totis de tota faiçon,
Damb era blosa grisa.
Tan grisa, tan grisa.
Que i a castanhas laguens eth carton,
Que las minjarèi a la recreacion,
Si n’èi pas tròp d’amics que’m van durar
Dilhèu un o dus dias,
Dus dias, dus dias.

Maman, tien m’era man,
Tostemps, tostemps,
Jo n’èi pas que dètz ans,
Eth còr un sinhau gran,
Non vòli pujar laguens
Eth car de Sent Gaudenç.

Qu’ensajarèi de bien tribalhar,
Que sòi borsièr, no’m cau redoblar,
Qu’aprenguerèi tot çò que ne sòi pas,
Era vita hens eth libe,
Pas libre, pas libre.
Hens quinze dias que serèi tornat,
Òc, quinze dias, qu’ei vite passat,
Segur n’aurèi cap de paur a’ra net,
Qu’èi ua cançon petita,
Magica, magica.

Din, dan,
Din, dan,
Campaneta de Guran,
Qui la tòca,
Maria Pòca
Que le’n dan
U n pan,
Ua coqueta ath cap deth an.

Trente ans après aqueth dimenge ser
Non pòdi dromir, non sabi perqué...

Es quatre oras de matin
...me sio torna butat...
La ceriera es derecha
ma mi tiro d’un cant
Es quatre …

Legir tot

Es quatre oras de matin
...me sio torna butat...
La ceriera es derecha
ma mi tiro d’un cant
Es quatre oras de matin
...me sio torna encochat
Mi sai pa aquel vinet...
òi que m’a "siluràt" !!

Pan e ventreska, quatre botats un salam
tu pòrtes tot e mi pòrto lo pan,
Pan e ventreska, quatre botats un salam
tu pòrtes tot e mi pòrto la fam.

Siu denan la maison
lo telefòno sòna...
sun i quatre amisons :
"Vos pas anar-te cojar ?"
Aquelhs quatre bastard,
i portesse lo diau !!
"Ia na festa ilamon al pais San Bernoi"!!!

Pan e ventreska, me siu pròpi echocat
Pas mac lo vin que m’a trabalhat
Pan e ventreska, quatre palhas un salam

Verdas, verdas son totas mas fardas,
Verd verd verd mon pul e mon berret
Segur que verd es aquò que …

Legir tot

Verdas, verdas son totas mas fardas,
Verd verd verd mon pul e mon berret
Segur que verd es aquò que m’agrada
Que lo meu papà es jardinièr.

Rojas, rojas son totas mas fardas,
Roge, roge mon pul e mon berret
Segur que roge es aquò que m’agrada
Que lo meu papà es un pompièr.

Blancas, blancas son totas mas fardas,
Blanc, blanc, blanc mon pul e mon berret
Segur que blanc es aquò que m’agrada
Que lo meu papà es molinièr.

Blavas, blavas son totas mas fardas,
Blau, blau, blau mon pul e mon berret
Segur que blau es aquò que m’agrada
Que lo meu papà es policièr.

Negras, negras son totas mas fardas,
Negre, negre mon pul e mon berret
Segur que negre es aquò que m’agrada
Que lo meu papà es carbonièr.

R- Vergonha a n’aqueu
Qu’a leissat degalhar
Sa cultura, sei racinas.
Vergonha a n’aqueu
Qu’a leissat se’n anar
Sa cultura, …

Legir tot

R- Vergonha a n’aqueu
Qu’a leissat degalhar
Sa cultura, sei racinas.
Vergonha a n’aqueu
Qu’a leissat se’n anar
Sa cultura, sei racinas.

1- IF I SPEAK Provençau, VERY WELL, fòrça ben,
Es BECAUSE ai mesclat de PUDDING au cachat.
TO BE OR NOT TO BE, mont’anam com’aquò ?
Mai come siáu FAIR PLAY, te salud’e GOOD BYE.

2- Per te desenuiar, per oblidar ton STRESS,
Te fau prendre un WEEK-END, tranquilàs, VERY COOL :
Lo dissabte au NIGHT-CLUB, lo dimenche au JOGGING,
E puei l’après-dinnar, i a lo MATCH de FOOT-BALL.

3- Per manjar au FAST-FOOD, en cò de MAC-DONALD,
I a de tubes d’alhòli importats de TAIWAN.
Per lo pebre es DUCRÒS que s’es descarcassat,
E i a de pan banhat MADE IN AMERICÀ !

Vèrs Ros li fan de nòças
I anirem tots dos
Vira-lo vira l’ane,
I anirem tots dos,
Vira-lo, vira l’anichon. …

Legir tot

Vèrs Ros li fan de nòças
I anirem tots dos
Vira-lo vira l’ane,
I anirem tots dos,
Vira-lo, vira l’anichon.

I pòrte ma musica
Per los faire dançar.

Quand sòrtan de la lhèisa
Los veiquia qui mariats.

Se botèran a taula,
I èran ben trenta-dos.

Ne’n mingèran ‘na chabra
E vint pès de caion.

Beguèran ‘na sampòta
E quatre bambonons.

-Anètz, pren ta musica
Joan, tòcha-nos un pauc.

S’asseta sus la taula
E ne’n tòcha de briu.

Chacun pren sa bergèira
E pican la borrèia.

Los vielhs e mai los joines
Virèran joc’au matin.

Vèrsa-me vin vèrsa-me las espècias
estrem esclet vèrsa’m aqueth ahuec
d’arròs e la graumada me la vèrsis
d’anueit son abondada …

Legir tot

Vèrsa-me vin vèrsa-me las espècias
estrem esclet vèrsa’m aqueth ahuec
d’arròs e la graumada me la vèrsis
d’anueit son abondada e son arsec

vèrsis-me la shaliva e lo mormèc
la vinha tota dont me talhis brècis
tota la vrenha me vèrsis m’aubrèssis
deus sons saumucs a la sègui-li-sèc

vèrsa-me las arribas de Garona
haubas tanben lo flume setembriu
qu’èi set e brosti briu de briu

mèi qu’aquò vèrsis darròquis la tona
barregis la Paraula a ric esgot
vèrsis l’auratge tot

REPIC :
Vetz, vetz, vetz T. sur le riddim
Met, met, met en marche sa machine,
Vetz, vetz, vétz T. …

Legir tot

REPIC :
Vetz, vetz, vetz T. sur le riddim
Met, met, met en marche sa machine,
Vetz, vetz, vétz T. sur le riddim
Fait danser les cousins et danser les cousines,
Vetz, vetz, vetz T. sur le riddim,
Met, met, met en marche sa machine,
Vetz, vetz, vetz T. sur le riddim

Fait danser les gamins et danser les gamines.
Mon nom c’est moussu T., je suis un DJ cool,
Je tchatche sur la musique comme d’autres jouent aux boules
Mettez moi un bon dub, aussitôt je déboule
Depuis les escaliers de la Montée des Accoules.
Quand la musique est partie je dis "faut que ça roule"
J’ai jamais sû freiner, faites attention la foule,
Ca me saoûle quand c’est speed, et plus c’est speed, plus ça me saoûle
Je lance ma boule et toutes les quilles s’écroulent.

REPIC

Les deux pieds dans les étriers
Sur la version revient Moussu T.
T T T T T T vetz comme dans Ford T
Mon père s’appelle Henri d’ailleurs c’est la réalité
Les connaiseurs m’appellent le MC aux grandes mains,
D’autres disent que je suis le dernier des patarins
C’est vrai qu’avec moi Dieu ne fait pas le Mâlin
Bogo mille, bogo 2000, je t’expliquerai tout ça demain.

REPIC

Je passais tranquillement dans ma rue l’autre nuit
Quand un individu m’arrête et me supplie
"Par pitié Moussu T., aidez moi, je vous en prie !
Donnez moi des tuyaux pour prendre la mairie"
Pour prendre la mairie supprime les képis,
Légalise la sensi, fais monter l’aïoli
Il me tend un cigare et me dit "grand merci !
Appelez moi Bernard, entre nous pas de chichi.".

REPIC

Mets toi à fond ne fais pas de manière
Laisse les cònòs et les pébrons derrière
Pas de mouligasse que des boulégants qui sautent en l’air
MC’s du midi, faire danser c’est notre affaire,
C’est toi, c’est moi sur la galère
Rames que tu rames on fera le tour de la terre,
Pas de mouligasses que des boulégants qui font l’affaire
Viens t’éclater, tu verras c’est facile à faire.

REPIC

Partout où je débarque j’agite et je remue
Quand je prend le micro on ne m’arrête plus
Maintenant dans la danse, tout à l’heure dans la rue,
Tu le sais, tu le verras, raggamuffin continues.
On dit que les hommes des étoiles sont descendus
A voir tout ce que j’ai vu Il aurait peut être pas fallu
Mais comme il est trop tard pour regretter d’être venu
Je préfère me débattre pour trouver une issue.

REPIC.

Aièr as passat la refòrma
Aviam degun par n’ajudar
Cadet siás bastit dins lei fòrmas
As tirat tretge e siás …

Legir tot

Aièr as passat la refòrma
Aviam degun par n’ajudar
Cadet siás bastit dins lei fòrmas
As tirat tretge e siás sordat
Lei cocha-buòus , sus nòstrei terras
Fan son rabalh per la tuariá
Li vas garnir sa bocharia
Mon bèl anhèu vas a la guerra
Pagar l’impòst de ma misera

REPIC :
Dien qu’es la lei ; afrosa lei
Que cresta mai tant de familha
L’abolissia, nòstre bòn rei
Si suiviá pus dedins Marselha
Es pas la lei es un orror
Es un decrèt de la terror
Es lo cotèu de la tripiera
Au còr dei mèras

Au bot de vonze ans de mariatge
Ton pèra , en morrent m’a laissat
Sèt orfelins dau pus bas iatge
Sensa una piela dins lo sac
Ai exemptat per priviletge
Ton ainat lo gara-bòn temps
E vuei cadet, tu mon sostien
Ti venon prendre a Veusa Mègi
Mi n’es mòrt cinq sauvi lo piegi

Quand leis avesques après la messa
Au nom d’un Dieu enverinat
Venon benesir la joinessa
Que parte per s’entresaunar
Quand nos cantan sei merevelhas
S’a ben gafolhat son sadol
Coma un chin de l’adobador
Dins lo sang jusqu’à la cavilha
Suson que plora es un empia

REPIC

Mestre móscol lo vièlh mondaire
Que siam vesins e qu’a servit
Sovent nos a contat pecaire
Lei desastres monte s’es vist
Quand mi figuri son armada
Perduda au fons de l’estrangier
Tant de malurs tant de dangier
Que m’estanalhan lei pensadas
N’en siáu a la desesperada !

Sabi pus ges d’autrei prièras
Jesu gardatz mon benonit
Gòlh ni manchier su d’eicivieras
Que lo vigui pas revenir
T’ai fach dire leis evangilas
Mai tant de paureis inocents
Qu’ambé una camba, un braç de mens
Si tirassan dins nòsta vila
Oh ! se ma fé t’èra inutila

REPIC

Esconde-ti fau pas que partes
Avant tot duves escapar
Lei mestres diràn que desartes
La lei dau senhor va ditz pas
Qu’es que reclama la patria
Buai ! de sei drechs tacats de sang !
Per ieu la França es mon enfant !
Sei drechs , Suson ni la paurilha
N’an pas manco leis escorilhas

REPIC

REPIC

Pro de renoncias
E pro de mediocritats
Pro d'evidéncias
E pro de facilitats

Le còs es pas una gàbia
Que …

Legir tot

Pro de renoncias
E pro de mediocritats
Pro d'evidéncias
E pro de facilitats

Le còs es pas una gàbia
Que la morala n'es la clau
E l'evidéncia fa sovent
Las cadenas de l'esclau

Cal pausar lenha al fòc
Clafar le còr d'aquel fogal
Te vòli femna flama jòc
E non pas maire a l'ostal

Pro d'ipocrisias
E pro de falsetats
Pro, pro de crentas
E pro de propietas

L'amor es de cada planèta
Sens cap d'exclusivitat
Vida de vila novèla
Grèlha-nos dins le cap...

Deche mi ana mama
Quey hami de m’envoular
Anar veder aqueth pais
Oun lo sorelh quey lo rey

Legir tot

Deche mi ana mama
Quey hami de m’envoular
Anar veder aqueth pais
Oun lo sorelh quey lo rey

Sus aquèla vielha rota sovent te sentiràs sol
E de las vielhas paraulas un jorn n’auràs ton sadol
Prendràs una …

Legir tot

Sus aquèla vielha rota sovent te sentiràs sol
E de las vielhas paraulas un jorn n’auràs ton sadol
Prendràs una cigareta beuràs un veire de vin
A cada jòia sa fèsta a cada pena son chagrin

Cada vila per somiar e la vida per aimar

Dins l’escur d’une serrada auràs enveja d’una man
Coma la terra a besonh d’aiga e lo gabian de la mar
Ausiràs una musica vielha e nòva en mème temps
A cada aubre sa rasiga e a cada sason son temps

Quand sentiràs la malaiga te penetrar dins lo còr
Pensaràs que se i a d’aiga aquò’s segur que i a un pòrt
Tornaràs faire lo viatge te donarà d’estrambòrd
A cada mar son ribatge e a cada viatge son pòrt

Ai pres la nuèit passada
sus la rota somiada
una machina per
viatjar dins lo temps,
anar dins los espacis …

Legir tot

Ai pres la nuèit passada
sus la rota somiada
una machina per
viatjar dins lo temps,
anar dins los espacis
veire lo devenir
dels òmes de mon pòble :
Farai anar-venir.

Vaquí una gran vinha
espandida al solelh
e de crits e de plors
que sònan fòrt dins l'aire
Sons los d'un promotor
trigoçant un araire.

Dedins aquel vilatge
i a fòrça visitors.
Una plancarta ditz :
« Miè-pretz per los mainatges :
Resèrva folklorica
Prefèctes e Notables ».

I a quicòm de cambiat
a la television.
Ont son passats Guy Lux
e sos cantaires magres ?
Ara parla Vialada
emission occitana !

Enfin tot çò qu'es nòstre
es sortit de l'escur
Ara son de nosaus
las vinhas e las vilas.
A costat de trabalh
mas ieu n'èri segur !

Entre Vidourle e la Vaunage
Entre Lunèu e Cauvissoun
Sus uno auturo prouh sauvajo
I'a 'n vièi moulin a l'abandoun …

Legir tot

Entre Vidourle e la Vaunage
Entre Lunèu e Cauvissoun
Sus uno auturo prouh sauvajo
I'a 'n vièi moulin a l'abandoun
Longtèmps virant sis gràndis alo,
Qu'espaventavon lis aucèu,
Menè 'no roundo triounfalo
Escoubant la terro e lou cèu.

REFRIN
'Mé si molo au sòu, cuberto d'arounge
Soun téule engruna, e tout d'abóusoun
Aquéu vièi moulin trisso que de sounge,
E lou moulinié n'en fai de cansoun.

La farandoulo sèmpre viroulo,
E soun refrin nous bouto en trin. (bis)

Li païsan de l'encountrado,
Emé sis ase ié venien
Pourta si recordo daurado
Pèr faire farino e vesien
Lou moulinié, toujour en voio,
Que galoi, tenié pèd pertout ;
Dins aquéu moulin plen de joio,
Lou plus chanut dóu terradou.

Refrin

Vaquí la tristo e soumbro istòri
D'un moulin e de soun destin.
Mai degun a garda memòri
Dóu moulinié mort de chagrin.
Pamens dison que sus l'auturo
Entre Lunèu e Cauvissoun,
S'entend un fòu dins la sournuro
Canta de longo uno cansoun.

Refrin

Lo mur de peiras al fons d’la via,
las vielhas quintanas contra mon cèl dedins la realitat.
Charas esculturats coma …

Legir tot

Lo mur de peiras al fons d’la via,
las vielhas quintanas contra mon cèl dedins la realitat.
Charas esculturats coma ental bòsc
talhons de suve marcats dal solelh
morres severas parelhas al miu
perduas en recòrds d’istòrias passaas
ferms dins un temp sensa etat.

Lhi mius filhs da luenh, esperduts en quarque vila,
quarqu’un al delai di monts, quarqu’un al delai de la mar.
Las mias filhas da luenh, espanteaas en quarque realitat,
quarqu’una es contenta, quarqu’una… qui sa.

Al delai d’la curva d’la colina
un ase guichit fai son trabalh,
dedins lo blanc d’aquestas maisons,
chama una votz, plora un enfant,
esguilha lo temp sus la mia etat.
La vita chambia esquasi per juec
e aqueste monde desvanissarè,
coma despareis esquasi chasque jorn
de viatge, de mòrt, ràbia o de pior,
aquesta mia gent de suve antic.

E un jorn, bò, un jorn, serèm ramassats,
dal monde que chambia, dal temp que muèr;
mas aquestas peiras, restarèn a agachar,
coma totjorn agachon la mar.

Lègas, lègas de brumeis
De l’ivèrn aus gestars mòrts
Hens las jaugas deu so-coc
M’separan de l’òme hòrt

Lègas, lègas …

Legir tot

Lègas, lègas de brumeis
De l’ivèrn aus gestars mòrts
Hens las jaugas deu so-coc
M’separan de l’òme hòrt

Lègas, lègas de sauneis
Adromit au hons deus bòscs
Aprigats per lo mistèri
M’separan de l’òme rei

Lo men can que ten l’aurelha
Lo renard près de la hont
An flairat lo traç de l’òme
Hens lo vent dab lo rebomb

Si mon can èra gaujòs
Si lo vent vienè deu Sud
Anari, tot a plaser
De cap a l’inconegut

Mès dejà lo men can nhaula
Au Nòrd es l’inconegut
Vielh solitari arracat
Enteni aciu la butada

A ròse presa en boton
Com tu, frair lop, jo prefèri
Lo chac libre deu cardon,
Amuisha’m donc lo ton jaç
Mon frair Lop !

Que fan los bateus
Quand son venguts vielhs
Quand son sadolats
De dançar sus l’aiga ?
Que fan los bateus …

Legir tot

Que fan los bateus
Quand son venguts vielhs
Quand son sadolats
De dançar sus l’aiga ?
Que fan los bateus
Quand son venguts vielhs
Quand son arrenduts
D’esposar la mar ?

Coichats sus la plaja
Conhats dins lo sable
Se pausan del temps d’aman
A córrer los océans.
E los sers sens luna
Negats per la bruma
Auvissan del fons credar
Los que son jamai tornats.

La mar lo graupinha
La sal los rosica
Las algas fan un linçòl
Son aquí coatats de dòl.
E lo vent que passa
Que los a possat
Lor canta per amistat
’Na cançon de marinier.

Breçats per las vagas semblan catedralas
Una maison peus ausèls
Perduda entre mar e cèl.
An plegat las cambas
Sarrat los velatges
Daissant l’aventura
Aus novèls nascuts deus chantièrs

Vila de Castelnau, Vila de Castelnau,
Vila tant renommada, Ladondena
Vila tan renommada, Ladonden

I aviá dos cents soldats, I …

Legir tot

Vila de Castelnau, Vila de Castelnau,
Vila tant renommada, Ladondena
Vila tan renommada, Ladonden

I aviá dos cents soldats, I aviá dos cents soldats,
Apelats a la guèrra, Ladondena,
Apelats a la guèrra, Ladonden

Totes son maridats, Totes son maridats,
Se non lo "Capitaine", Ladondena
Se non lo "Capitaine", Ladonden

El se vòl maridar, El se vòl maridar
Amb bèla domaisèla, Ladondena
Amb bèla domaisèla, Ladonden

Sul Camin de la Font, Sul Camin de la Font,
Rescontra la cambrièra, Ladondena
Rescontra la cambrièra, Ladonden

Digatz cambrièra, donc, Digatz cambrièra, donc,
Ont es la domaisèla, Ladondena,
Ont es la domaisèla, Ladonden

Pojatz, lai naut Pojatz, Pojatz, lai naut Pojatz,
Lai naut dins la cambreta Ladondena
Lai naut dins la cambreta Ladonden

Quand foguèt el montat, Quand foguèt el montat,
Que li present’ una cadièra (?), Ladondena
Que li present’ una cadièra (?), Ladonden

Quand foguèt el (as)setat, Quand foguèt el (as)setat,
Que li present(an) un veire, Ladondena
Que li present(an) un veire, Ladonden

Quand aguèt begut, Quand aguèt begut,
Bat lo tamborn de guèrra, Ladondena,
Bat lo tamborn de guèrra, Ladondena,

Anem soldats Anem, Anem soldats Anem,
Anem ja ta la guèrra, Ladondena,
Anem ja ta la guèrra, Ladonden

Vila de Pau, de nostes Pireneos
Be’n es la reina, la mei bera flor
Enlòc n’ei vist com tu vila …

Legir tot

Vila de Pau, de nostes Pireneos
Be’n es la reina, la mei bera flor
Enlòc n’ei vist com tu vila tan plea
De dos deu cèu d’atrets et d’esplendors
Que vau partir mes miga que pots créder
Que tornerei au pais de mas amors
Vila de Pau per mei te podé véder
Uelh en partin, m’en vau de reculons.

Que cau quitar lo pais qui m’a vist bader
On ei cantat, aimat e bébut tan
D’aquet bon vin de hauta renomada
De Jurançon deus costalats de Gan
Bé caleré qu’avossa l’amna rhéda
Lo qui’t coneish si pativa shens plors
Vila de Pau per mei te podé véder
Uelh en partin, m’en vau de reculons.

Adiu ! Adiu ! Beròi lòc de plasença
Lo trin partesh jo ne no’t védi mei
Adiu Biarn on l’aunor, la vailhença
La fé, la glòri e s’an hèi ua lei
Lo bastiment que l’ancra no maseda
Deisha en darrèr lo pais de mas amors
Vila de Pau per mei te podé véder
Uelh en partin, m’en vau de reculons.

Bèth temps a, nostes joens que partivan
cercar tribalh en las granas vilas,
tanben tà s’i ganhar quauques liuras,
demorà’s …

Legir tot

Bèth temps a, nostes joens que partivan
cercar tribalh en las granas vilas,
tanben tà s’i ganhar quauques liuras,
demorà’s en casa non podevan.

Era vila i era campanha
Que son mondes autaments diferents.

Ací n’avem pas tant de violéncia,
non s’i enten pas qu’açò a la telè,
Dab eths jornaus, que’u poden ensenhar
Mon Diu prauba, praubina joenessa !

En vila, mei nombrós son los mainats
mes per noste mei de calor a dar.
Eth regent qu’ajuda lo vòste chin
que pòt donc har mei plan eths sons devers.

Ací, qu’avem era grana chança
de víver au miei d’era natura,
d’aver ua vita sana, pura.
Qu’avem de guardar aquera chança.

Ville, ma vila,
Le soleil te va bien!
En clair et chaud
Te maquille
Coma a vint ans
T´ai vista …

Legir tot

Ville, ma vila,
Le soleil te va bien!
En clair et chaud
Te maquille
Coma a vint ans
T´ai vista ièu

Ai pres la carrièra
que monta a ciutat,
Quand le jour est au bleu
Que lo gris vira al blanc,
Al Pé de las corbièras
Sias vila de l´Orient!
Ville ma ville,
Le soleil te va bien
Vila ma vila,
Te va plan lo solelh

Ville ma ville,
Le vieux temps t´allait bien
Ville ma ville,
Le vieux temps t´allait bien
Le pape t´avait
prise en grippe
tu inventais les citoyens
tu inventais les citoyens.

Al long de las carrieras
Que montan a ciutat
Podian anar ensems
E le blanc e le noir
Les juifs e les arabes
Y chantaient leurs chansons
Ville, ma ville
Tu étais leur maison

Vila, ma vila
Que demain t´ira bien
Vila, ma vila
Que demain t´ira bien
Mais faudra qu´on
Se le confisque:
Se balha pas,
deman se pren!

Al long de las carrièras
Que montanm a ciutat
Traparem gost al vin
E cantarem Nadal:
Le premièr an de l´homme
Au nouveau calendrier.
Ville ma ville
Que demain t´ira bien
Ville, ma ville,
Es atal que farem!

Quant de temps es passat
Quantu trins son partits
Siam totjorn assetats
Ti vòli mai aquí
Cada còup si diem …

Legir tot

Quant de temps es passat
Quantu trins son partits
Siam totjorn assetats
Ti vòli mai aquí
Cada còup si diem
Aqueu es lo darrier
Asperam lo que ven
Mas s’endraia solet

Li vau balin-balan
Tra d’aquelu lorditges
E mi negui plan-plan
Dins la mieu folia

Ai barrat la pòrta
E lo mieu còr tanben
La mieu rason es mòrta
Aquò mi fa de ben
Tant de temps ai negat toi lu mieus desideris
Aura ai decidat de faire un pauc l’arleri

Siáu partit dins lo sera
Ai laissat lo vilatge
E lo mieu « trip » si serra
Per aqueu darrier viatge
cen que serà la vida
m’en bati la cançon
Que ti canti s’es poirida
Dins lo darrier vagon

Lu raias son polits
L’i van tra la mieu nuech
Ben drech a l’infinit
Enclavan lo mieu piech
Escotatz bravi gents
Es la cançon d’un garri
Qu’a la fora totplen
D’emparar lo judici

Ville, ma vila,
Le soleil te va bien !
En clair et chaud
Te maquille
Coma a vint ans
T'ai …

Legir tot

Ville, ma vila,
Le soleil te va bien !
En clair et chaud
Te maquille
Coma a vint ans
T'ai vista ieu !

Ai pres la carrièra
Que monta a ciutat,
Quand le jour est au bleu
Que lo gris vira al blanc,
Al pè de las corbieras
Sias vila de l'Orient !
Ville, ma ville,
Le soleil te va bien !
Vila, ma vila,
Te va pla lo solelh !

Ville, ma vila
Le vieux temps t'allait bien
Le vieux temps d'allait bien
Le pape t'avait
Prise en grippe
Tu inventais les citoyens
Tu inventais les citoyens.

Al long de las carrièras
Que montan a ciutat
Podián anar ensems
Et le blanc et le noir
Les juifs et les arabes
Y chantaient leurs chansons
Ville, ma ville
Tu étais leur maison
Ville, ma ville
Tu étais leur maison.

Ville, ma vila
Que demain t'ira bien
Que dfemain t'ira bien
Mais faudra qu'on
Se le confisque :
Se balha pas,
Deman se pren !

Al long de las carrièras
Que montan a ciutat
Traparam gost al vin
E cantarem Nadal :
Le premier an de l'homme
Au nouveau calendrier.
Ville, ma ville
Que demain t'ira bien
Ville, ma ville,
Es atal que farem !

N’eram pas que dodze o be-se un drin mei
Quan un beroi printemps nos a amassats.
Mes qu’avèm la hami …

Legir tot

N’eram pas que dodze o be-se un drin mei
Quan un beroi printemps nos a amassats.
Mes qu’avèm la hami e lo même saunei
D’apitar un larèr de fraternitat.

A còps sus la via, boha un hòrt maishant vent,
Que s’i troban trebucs e arroderats.
Mauhum, malaudia, ou seriós accident
D’amics plan estimats que’ns an separats.

Mes après la ploja, que torna lo sorelh,
Vengó u arrajon de fraternitat.
L’enveja d’escambi e lo gost de l’arcuelh
Hèn, de Pau a Varna, u pont d’amistat !

Si doman la vita nos mia a separà’s,
Qu’auram lo còr pleat de douç arríders,
De rondeu, de cante, la man dehens la man,
E sonque lo degrèu, de’s trobar solets.

REPIC

Vint ans d’empont,
Per las arribèras,
Vint ans arron
L’amistat, la gaujor.
Vint ans d’aujor,
De gai, d’arridèra,
Longa sason
Tà la jòia e l’amor.

Vint ans a esperar,
Una vida,
A esperar lo crit de jòia
D'un dròlle en lenga d'òc
A esperar lo …

Legir tot

Vint ans a esperar,
Una vida,
A esperar lo crit de jòia
D'un dròlle en lenga d'òc
A esperar lo crit d'amor
D'un òme en occitan

Vint ans a assajar,
Folia,
De cantar l'esper nòu
De la flor d'amelier
De cridar l'esper fòu
Espelit en genier

E lo soleu a sortit
Darrier lei nivous escurs
Per esbleugir lo freg matin
Eneblat

Vint ans a essajar
De far
Calar lei campanas de mòrt
Dins ma testa esclapada
A assajar d'ausir tindar
Lei cascaveus de patz

Vint ans a esperar,
Una vida,
De sentir dins la nuech
Mile mans se quichar
De veire un fum de punhs levats
Una flor dins lei dets

Lo raiolet a rajat
Lo borbolh deu forcir
Lo cascalh deu venir
mai douç, mai gigant.

Sèi nonmàs vengut batelar un momenton
E ravaudar mas vièlhas cançons
Sui tornar vengut parlar de tot e de res …

Legir tot

Sèi nonmàs vengut batelar un momenton
E ravaudar mas vièlhas cançons
Sui tornar vengut parlar de tot e de res
E reviscolar entau vint ans aprèp

De l’autre costat de l’amor lo mut dira
-Tot espatlut, tot escorniolat"
“Cresi qu’ai vielhit en cerchar novèl matin,
Mas a que ora estifla Io darrièr trin ?"

Lo trin passa pas totjorn
E i a jamai de viatjador

Laidonc mielh vau rire de tot e mai de se
Per se sadolar de mots vint ans aprèp

Quò n’es pas darrièr-maison
Ai fach un tròç de chamin
de la cinquesma sason
N’ai pus un quite bocin

Que son devenguts los que tan fasián de bruch ?
Se son sarrats, i a pus degun;
La puta richona au mitan d’un ser d’estiu
Dempuèi que Io temps esbolha tot çò que viu

Tan va cruchon d’aigardent
que se voida segurament

Laidonc mièlh vau rire de tot e mai de se
Sadol coma lo bonur, vita de chen !

quò n’es pas darrièr-maison
Ai fach un tròç de camin
de la cinquesma sason
Ai pus lo quite bocin

sui nonmàs vengut parlar de tot e de res
E reviscolar entau vint ans aprèp.