Vint e dos de setembre, es la data annadièra
Que soleta, tanplan, partiguèretz plan fièra.
Cada annada i ploravi, per …

Legir tot

Vint e dos de setembre, es la data annadièra
Que soleta, tanplan, partiguèretz plan fièra.
Cada annada i ploravi, per remembre innocent…
Mas i sèm tòrna-mai e ma parpèla es seca,
Dins mon eime pas cap de tristum me rosega :
Vint e dos de setembre, me’n chauti de present…

Tanben veiretz pas pus al temps de calor mòrta
Un fantaume solet que me sembla e que pòrta
Lo dòl de cada fuèlha, per remembre innocent…
Cagaròts de Prévert, vos botetz pas en caire,
Vòstra fuèlha, sens ieu l’enterraretz, pecaire :
Vint e dos de setembre, me’n chauti de present…

Autres còps dobrissiái coma un aucèl volaire
Mos dos braces, seguent las irondas en l’aire,
E me rompiái lo còl, per remembre innocent…
Lo complèxe d’Icari, ai páur que m’abandone,
Las irondas se’n van ; mas fan pas pus l’automne :
Vint e dos de setembre, me’n chauti de present…

Piosament nosat de vòstras denteletas
Aviái sus ma fenèstra un boquet de sauretas,
Qu’asagavi de plors, per remembre innocent…
Saique las ofrirai al primièr mòrt que passa,
Los regrets eternals, ara aquò me trespassa :
Vint e dos de setembre, me’n chauti de present…

Ai pas mai qu’un brisum de còr, cal èstre onèste,
Que passarà pas pus l’equinòxi funèste
En picant sus l’arescle, per remembre innocent…
Lo fuòc s’es damorçat, e sas cendres son fredas,
I podriátz pas rostir quatre fuèlhas de bledas :
Vint e dos de setembre, ara es pas diferent…
E d’èsser pas pus triste sens vos es dolent.

Vira vira enca’ sus mon ciel la luna
Vira vira enca’ passa fito e vai
se trobem ensem a chantar, …

Legir tot

Vira vira enca’ sus mon ciel la luna
Vira vira enca’ passa fito e vai
se trobem ensem a chantar, ò luna,
s’endurmem ensem e balem, enca’

Beica beica un pauc mas que monde uòre
beica beica un pauc i conoisses tu ?
Balen rigodon e balet, ò luna,
balen pròpi ben, saben mac aquò
Nuech de dança a balar ocitan
i a de monde que n’en sa’ pas tant
bojets las chambas, viretz lo cul,
de belas cichas sença lo cor !

Pensa pensa en pauc lòn quei a darier
estòria, lenga, vita, nosta nacion
lo sabesson lor lòn que i a, ò luna,
magaro lo saben ja e i n’en fote pas !
Nuech de dança a balar ocitan
i a de monde que n’en sa’ pas tant
bojets las chambas, viretz lo cul,
de belas cichas sença lo cor !

Parleme de nos, lòn que sentes luna ?
Lo deman es quiar o i’es propi pas ?
Isto icì a pensar ’bo una bira, ò luna,
lo matin es bel e pien de chalor.
Nuech de dança a balar ocitan
sudor e chambas aquì dins un prat
matin de prima passat a pensar
pantais, paratge e libertat

Que t’aimi plan Renaud
Quand cantas l’Exagòn
Lo parigòt bobo
E l’insomés de Corsega

Contra las colonias
L’enqueredor, lo capelan …

Legir tot

Que t’aimi plan Renaud
Quand cantas l’Exagòn
Lo parigòt bobo
E l’insomés de Corsega

Contra las colonias
L’enqueredor, lo capelan
Castigas la patria
Que s’impausa per la sang

Tu que cantas Leonard
Cada Sioux, tot son combat
Tombèri per asard
Sus ton "París-Província"

Es un anar- tonar
2000 ans atràs
Aquel nom assassina
La Libertat

E viva Zapata !

Que t’aimi plan Pascal
Per l’òbra de tas sciéncias
M’agradan pas aital
"Las Letras Provincialas"

Me’n garci de saber
Qual ten rason o tòrt
Que siá Jesuita, Olandés
Ton titol sentís a mòrt

Mai que de m’ensenhar
Rementas ma misèria
La de mos estat
D’innocent provincial

Es un anar-tornar
De sègles atràs
Aquel nom assassina
Ton espèr de Gràcia

E viva Zapata !

Ai 2000 ans d’amor
T’espèri en çò meu
Ma rota val la ronda
Se retenes ton drapèu

T’ofrissi mon saber
Ma musica e cada nòta
Cada pèire e son istòria
Se t’eissugas la bòta

T’espèri a Besièrs
Qu’es província de res
Aqui dansam, sabes,
La Libertat emai la Gràcia

T’espèri a Besièrs
Per 2000 ans de fèsta
Aqui dansam, sabes,
La Libertat...

Emai la Gràcia !

Rechant:
Vivèm totjorn en montanha,
Entra tots se fasèm companha.
Sèm tots de bravas gents,
E sèm totjorn contents.
À …

Legir tot

Rechant:
Vivèm totjorn en montanha,
Entra tots se fasèm companha.
Sèm tots de bravas gents,
E sèm totjorn contents.
À l’òrt ò à la charrièra,
Cada matin, cada sera,
E cada momenton,
Chantam ’na chançon.

L’estiu se levam la vèsta
I a lo volam e lo dalh
I a la messa e lo resta
I a totjorn lo gròs magalh.

Nòstre còr es en fèsta
Avèm ren paur dal trabalh
Se planhèm jamai de d’aren
Perqué sèm tant ben.

Avèm tots la sanetat
Nos coma ven pilham
Sèm contents tot l’an
E cada jorn chantam …

Vivèm totjorn en montanha
Entra toi si fèm companha
Sièm toi de bràvai gens
E sièm totjorn contents
À l’uòrt ò à la carriera
Cada matin cada sera
E cada momenton
Sentètz una cançon

L’estiu si movèm la vèsta
I a lo volam e lo dalh
I a la misson e lo rèsta
I a totjorn un gròs magalh
Lo nuòstre cuòr es en fèsta
N’avèm ren paur dal trabalh
Si planham jamai de ren
Perqué si portam ben
Avèm toi la santé
Nos coma vèn au pilham
Sièm contents tot l’an
E cada jorn cantam

Quora lo solelh s’abaissa
Quora sentèm lo frescor
Quitam lo prat e la faissa
Si raprocham de maion
Avèm remplit la feniera
L’ ostai es plen de govèrn
De faiòus e de peulons
De blad de tartiflons
N’en viètz de cada quèrn
Avèm remplit la caudiera
E d’aquela maniera
Manjam tot l’uvèrn

Quora lo solelh s’enauta
La frema e li pichons
Cadun mi dona una gauta
Sèmblon toi de cogordons
Joves e vielhs cadun sauta
Volèm sortir li picons
Un pauc d’aicí un pauc d’ailà
Fèm coma l’an passat
E i a ren de cambiat
Un pè denant un darrier
Fèm lo nuòstre dever
Quitam jamai Balver.

Jà siu anaa a esflorar lo solelh
Ai chantat un jorn mai clar encuei
Volam dins l’aire mas sensa dolor …

Legir tot

Jà siu anaa a esflorar lo solelh
Ai chantat un jorn mai clar encuei
Volam dins l’aire mas sensa dolor
L’esgard d’na mainat
Libertat desmentiaa
Sentiment d’amor

Jà siu anaa a chaminar dins la nueit
E ai trobat un suenh mai legier encuei
Volam dins l’aire mas sensa dolor
L’esgard d’na mainat
Libertat desmentiaa
Sentiment d’amor

Jà siu anaa a chantar de chançons
Clar retrobat d’aquesti jorns escurs
Volam dins l’aire mas sensa dolor
L’esgard d’na mainat
Libertat desmentiaa
Sentiment d’amor.

Vòle Pierò ma maire
Vòle Pierò (bis)
Qu'aquò's-un charmant garçon
La li to e la li te nò
Qu'aquo's-un charmant …

Legir tot

Vòle Pierò ma maire
Vòle Pierò (bis)
Qu'aquò's-un charmant garçon
La li to e la li te nò
Qu'aquo's-un charmant garçon
Ma maire vòle Pierò.

De que n'en vòls tu far ma filha
De que n'en vòls tu far ? (bis)
Que si sa pas solament bralhar
La li to e la li te nò
Que si sa pas solament bralhar
Ma filha de que n'en vols tu far?

Ieu lo bralharai ma maire
Ieu lo bralharai (bis)
Quand l'aurai, li apprendrai
La li to e la li te nò
Quand l'aurai, li apprendrai
Ma maire, ieu li aprendrai.

Pren un cordonièr ma fïlha
Pren un cordonièr (bis)
Que ti cauçarà lo pè
La li to e la li te nò
Que il cauçarà lo pè
Ma filha pren un cordonièr.

Prenètz-lo vos ma maire
Prenètz-lo vos (bis)
Nos cauçarà totes dos
La li to e la li te nò
Nos cauçara totes dos
Ma maire, prenètz-lo vos.

Pens'a la mòrt ma filha
Pens'a la mòrt (bis)
Qu'aquòs ben un triste sòrt
Pens'a la mòrt
La li to e la li te nò
Qu'aquò's ben un triste sòrt
Ma filha de pens'a la mòrt.

Pensatz-i-vos ma maire
Pensatz-i-vos (bis)
Que vos campeja pres talons
La li to e la li te nò
Que vos campeja pres talons
Ma Maire, pensatz-i-vos.

E taisa-ti ma filha
Parla pas tròp (bis)
Que ti fotriá mon esclòp
La li to e la li te nò
Que ti fotriá mon esclòp
Ma filha, parla pas tròp.

Taisatz-vos ma maire
Taisatz-vos-vos (bis)
Ieu los vos fotriá totes dos
La li to e la li te nò
Ieu los vos fotriá totes dos
Ma maire. taisatz-vos-vos.

Volèm volèm volèm volèm pas trabalhar

Sèm pas nascuts per trabalhar sèm nascuts per trimar
Gaita lo solelh que caufa …

Legir tot

Volèm volèm volèm volèm pas trabalhar

Sèm pas nascuts per trabalhar sèm nascuts per trimar
Gaita lo solelh que caufa la codena
Al prèp de la chiminièira quand fa freg defòra
Dins la ribièira tranquil quand te pren la susada
La manivèla l’ai ja virada
Virada tanben la pompa que fa montar l’aiga
E aquela aigueta me refresca pas
Me refresca pas quand se cal trabalhar

Volèm volèm volèm volèm pas trabalhar

Volèm pas trabalhar per patron que dòna pas lo sòu
Se i a pas res per manjar i anirem pas per trimar
Vai-z-i fagas pas lo colhon, trimes pas pel capital
Que sèm pas de pebrons per nos faire trabalhar sens sòu
Lo margue del bigòs l’ai ja tastat
E pòdi dire que m’a fach susar
La pala tanben l’ai manejada
E es per tot aquò que volèm pas trabalhar

Volèm volèm volèm volèm pas trabalhar

Al prèp de la ribièira i a un pibol qu’es traucat
Lo rossinhòl i canta i canta i canta plan
Lo vent que bufa per aquela garriga
Nos canta la cançon la cançon que va plan
Ai copada l’erba ai cavada la tèrra
Ai fach de tot e mai que de rason
Cal faire çò que cal faire per far manjar lo pichon
Mas es quand i sèm obligats que volèm pas trabalhar

Volèm volèm volèm volèm pas trabalhar

Nòstra tèrra crèba
Venduda al poder de l’aur.

Mas lo punh se brandís,
Lo crit s’espandís
Volèm viure al Pais …

Legir tot

Nòstra tèrra crèba
Venduda al poder de l’aur.

Mas lo punh se brandís,
Lo crit s’espandís
Volèm viure al Pais !

Los joves nos daissan :
CRS es lors sòrt.

Las usinas tampan :
Trabalharàs dins lo Nòrd.

Nòstra lengra creba,
la dison lenga de mòrts.

La revòlta crida :
Es lo crit d’un pòble fòrt.

Voletz ausir una novela
Qu’ara m’an dich: per vòste ben
Dins un estable una pieucella
A fach un filh en …

Legir tot

Voletz ausir una novela
Qu’ara m’an dich: per vòste ben
Dins un estable una pieucella
A fach un filh en Betelem

Anem anem, a l’estable correm
Onte lo vent sofla, sofla sofla ben
Portem quarquas causas que non a ren

Ai ausit dire que la maire
emé lo filh son mal lojats
Car ela l’a fach ent’un caire,
dedins la grepia, dins lo jas

Jan, Tòni, Peire mon compaire
Voletz pas que quitem l’aver
Per l’anar veire lo chal faire
E s’aquitar de son dever

Margòt dedins de sa paniera
Portaré d’iòu, de formatjon
Io portarei de ma feniera
A l’ase de palha un barrion

Volètz auvir una novela
Qu’ara m’an dich per vòstre ben
Dins un estable una pieucèla
A fach un fieu en …

Legir tot

Volètz auvir una novela
Qu’ara m’an dich per vòstre ben
Dins un estable una pieucèla
A fach un fieu en Betelem

Anem donc lèu vèrs l’estable correm
Vonte lo vent boffa boffa boffa ben
Portem quauca cauva
Car non a pas ren

Joan, Guilhòt, Matieu, mon compaire
Volètz pas que quitem l’aver
Per l’anar veire va fau faire
E s’aquitar de son dever

Anem donc lèu vèrs l’estable correm...
Margòt de dintre sa panièra
Portarà d’uòus de fromajons
Ieu portarai de ma fenièra
A l’ai de palha un barrion

Ai auvir dire que la maire
Emai l’enfant son mau lojats
Dison que l’a fach dins un caire
Dedins la gràpia dins un jas

Anem donc lèu vèrs l’estable correm...

Dison que lei rei et lei pastres
Per l’anar veire an tot quitat
Lo cèu la terra et toei leis astres
Li an toei jurat fidelitat

Anem donc lèu vèrs l’estable correm
Vonte lo vent boffa boffa boffa ben
Portem quauca cauva
Car non a pas ren

"Fa qualques temps que tot s’esquiça
Que tot ven vièlh jos mon teulat,
E que sus mon pel blanc s’atissa …

Legir tot

"Fa qualques temps que tot s’esquiça
Que tot ven vièlh jos mon teulat,
E que sus mon pel blanc s’atissa
Un molinièr afirolat :
Qualque temps que, fotuda bauja,
La Mòrt me sarra de nonent
E de me far passar a gaucha
L’arma ne vei pas lo moment.
Mas avant d’anar véser en fàcia,
Dins son òrt, lo Grand Maniton,
Demandi pas ieu qu’una gràcia :
Vòli morir sul cagador.
M’espatarrar sus la cuveta
Coma dins un fautulh, e tac !,
Estabosit per un atac,
Partir sens tamborn ni trompeta.

Urós benlèu, lo que la ròda
Del temps solament l’agafèt
Un còp vengut vièlh coma Eròd(a)
Senil e innocent a fèt ;
Grand gaug per lo que descanilha
Assistit dins sa malautiá
E pel medecin de familha,
E pels parents, e pel quartièr ;
Ça que la, ieu, quand vendrà l’ora,
Me passarai de mocador
E de grand lèit ontcadun plora,
Vòli morir sul cagador.
Que la femna un matin me trape
Sens buf, sens vida, sens babilh,
Ambé las cauças sul pompilh,
Mòrt sens l’ajuda d’Esculap(e).

Tanplan seriái pro crebassina
Per me faire ponchar un bric
Ambé la cotèla assassina
Que trucidèt lo Nòstre Enric ;
O benlèu qu’aimariái me véser
Defuntar, mon Dieu quan topet !,
Sus ta sarralha, Löís Setze,
La que te copèt lo copet.
Mas non, virarai pas la vèsta,
Serai pas jamai traïdor,
A sant Löís daissi sa pèsta,
Vòli morir sul cagador.
Grand de Roma o de Babilòna,
Ta mòrt me fa pas tresfosir
Lo rei serà pas mon cosin
Quand crebarai, ieu, sus mon tròn(a)."

Atal cantava un trobador
Un matin, dins son cagador.
Tanben, non es besonh de crénher :
Reluqui pas d’un uèlh ratàs
Ni mai la crotz de Nòstre Sénher
Ni mai la còrda de Judàs.
De Manolete dins l’arena
Gelosi pas lo sòrt, a non !,
E per ieu la mòrt de Turena
Val pas un bolet de canon.
Soi pas tanpauc lo que captiva
Dins lo lèit d’una garlindon
Danielon, ta fin agradiva,
Vòli morir sul cagador.
Sens aver temps de levar l’anca,
En un virat d’uèlh me n’anar
Lo papièr rufat dins la man,
Lo cuol sus la luneta blanca.

Ni per la fòrça d’una ròssa
A cada membre estiralhat,
Somii pas de la mòrt atròça
E a bocins de Ravalhac ;
Ni de la pèira que te truca
Monfòrt, ni mai de l’arbre, lo
Qu’al desespèr de sa perruca
S’i encabdelèt Absalon ;
Ni mai del teatre ont Molièra,
Jol lum pallòt d’un projector,
Gromelèt sa scèna darrièra,
Vòli morir sul cagador.
Me faire petar la codena
Dins un esfòrç monumental,
E rendre l’ultime badalh
Lo punh sarrat sus la cadena.

Vòli pas trabalhar e sabi pas raubar
Faire la caritat aquò lo pòdi pas
Cada minuta cada jorn pensi al …

Legir tot

Vòli pas trabalhar e sabi pas raubar
Faire la caritat aquò lo pòdi pas
Cada minuta cada jorn pensi al vin e a l’amor
et me passeji al solelh e esperi venir vielh

E puèi m’en vau sus mon paure chivau
e escampi la clau de mon pichòt ostau
e m’en vau sul camin que mena a Sant-Marcellin
a costat de Dallas dins lo vielh Grand Texas

E preni mon violon e aganti mon arquet
e preni ma guitarra e canti mon coplèt
Adièu companhas d’aqueste sèr gardatz un pauc d’espèr
la vida es corta per plorar aquò’s melhor de plan dançar

Travailler c’est trop dûr et voler c’est pas beau
demander la charité c’est quelqu’chose j’peux pas faire 2x
chaque jour que moi je vis on me demande de quoi je vis
j’dis que j’ vis sur l’amour et j’espere de vivr’ vieux

Et je prends mon viex cheval et j’attrappe ma vieille selle
et je selle mon vieux cheval pour aller chercher ma belle
et je prends ma vielle bible, ma torah, mon vieux coran
et d’Abidjan à San Feliz, je m’en vais chercher Helène

Travailler c’est trop dur...........

et je prends mon violon et j’attrappe mon archet
et je joue ma vielle valse pour faire le monde danser
vous connaissez mes chères amis
la vie est bien bien bien trop court pour se faire des soucis
alors ce soir allons danser

Repic :
Vòli viatjar
O vèni me cercar !
Pòdi pas demorar
Aquí a esperar
Vòli viatjar
O vèni me …

Legir tot

Repic :
Vòli viatjar
O vèni me cercar !
Pòdi pas demorar
Aquí a esperar
Vòli viatjar
O vèni me cercar !
Me vòli passejar
Dins lo mond anar.

E pareis qu’en China
Te disi fanton
Fabrican d’usinas
Amb de bambós
E coma forquetas
Es tròp amusent
Usan de broquetas
Per se cauçar las dents.

Pareis qu’en Egipte
Te disi fanton
Fan de piramidas
Ambe de carton
De tan que solelha
Se craman la pèl
E meton de pelhas
Sul cap dels camèls.

Pareis qu’en Anglatèrra
Son plan malurós
I plòu l’annada entièira
Es totjorn nivolós
La bruma es tant espessa
A copar al cotèl
Que sovent las princessas
I perdon lor capèl.

Pareis qu’en America
Se fan pas pessament
Fargan de musica
Sens cap d’instrument
De tant qu’an de vacadas
Mancan de regràs
Semenan de pradas
Sus la planeta Mars.

Pareis que sus la luna
Aquò es vertat
I a de mercants de prunas
E de rasim muscat
I a de mars d pèiras
Dins cada canton
Somian de la tèrra
Los que vivon amont.

Vòs te maridar Mariòta ?
-Nani pas tu, nani pas tu. Tròp jogador !
Nani pas tu, jogaire !

L'as …

Legir tot

Vòs te maridar Mariòta ?
-Nani pas tu, nani pas tu. Tròp jogador !
Nani pas tu, jogaire !

L'as jogada ta Camisa,
pendons e tot, pendons e tot. Tròp jogador !
Pendons e tot, jogaire !

Las jogada ta culota
botons e tot, botons e tot. Tròp jogador !
Botons e tot, jogaire !

L'as jogada ta saqueta,
crostet e tot...

L'as jogada ta bodega
bordon e tot,...

L'as jogada ta mameta
calina e tot...

L'as jogada ta boriòta
vinhas e tot...

Te jogariás ta femneta
enfants e tot...

Vos te maridàr Roseta ?
Rosa te vos maridàr ?
Rosa te vos maridàr
riga dun dun, lanlà derideta
Rosa …

Legir tot

Vos te maridàr Roseta ?
Rosa te vos maridàr ?
Rosa te vos maridàr
riga dun dun, lanlà derideta
Rosa te vos maridàr
riga dun dun, laderidà

Pas damb tu, mossur lo haure
lo her me herès trucar...

crenhes pas, mon amigueta
èi vallets per m’ajudar...

en tot alugar era forja
se brulec lo devantau...

ploris pas mon amigueta
te ’n comprarei un de nau ...

ei doman hèira a Lèitora
dissabte la de Condon...

ei corrut mercats e hèiras
shens trobar un aute de atau...

pas sonque de cotonada
que t’ seré anat tròp mau.

Vòs te maridar Roseta ?
Ròsa te vòs maridar ?
Ròsa te vòs maridar riga tron tron lalaririretta
Ròsa te …

Legir tot

Vòs te maridar Roseta ?
Ròsa te vòs maridar ?
Ròsa te vòs maridar riga tron tron lalaririretta
Ròsa te vòs maridar riga tron tron lalaririlà

Pas segur ’mé tu lo faires
lo fer me faires picar
lo fer me faires picar riga tron tron lalaririretta
lo fer me faires picar riga tron tron lalaririlà

Creies pas Margariretta
creies pas Margarirà ?
Ai i valets per m’ajudar riga tron tron lalaririretta
Ai i valets per m’ajudar riga tron tron lalaririlà

Mesanuech era sonada
mesanuech era sonada
Ven quarqu’un per l’amular riga tron tron lalaririretta
Ven quarqu’un per l’amular riga tron tron lalaririlà

Vos vesi enquer' ! en rauba d'estiu
Blanca e jauna embe de flors de ridèu
Mas l'i vesiái pus l'imor …

Legir tot

Vos vesi enquer' ! en rauba d'estiu
Blanca e jauna embe de flors de ridèu
Mas l'i vesiái pus l'imor e lo viu
Del mai desparlant de tots aquels lèus.

La pichòta nòvia e la sòr ainada
S'en èra tornad' embe la toaleta
E quò n'èra ja nòstra destinada
Que tant m'avisava jos vòstra veleta

Siatz a perdonar ! E quò's per aquò
Que gardi, ailàs ! embe qualque orguèlh,
Dins mon sovenir, bonable autres còps,
L'esclar de costat rajat de vòstr'uèlh.

Vos vòle contar 'na istòria,
'Na p'ita chausa de ren.
Se vira dins ma memòria,
Ten de la plaça per …

Legir tot

Vos vòle contar 'na istòria,
'Na p'ita chausa de ren.
Se vira dins ma memòria,
Ten de la plaça per dietz.
Me bargassa dins la testa,
Juga los cuòls beneisits.
Venetz, portatz vòstra 'sieta,
Minjatz-me 'queu suvenir.

Dins 'quilhs temps fasía misera,
Aviam pas l'aíse de pan.
Era plan nastra la terra,
Volia pas veire lo blat.
Anava a la picoreia,
Ieu que coneissia la nuech,
De que far 'na fricasseia,
De que n'engraissar un det.

Un ser de luna 'chabada
Que raubava quauqu'uns uòus,
Viguei 'na femna chabrada
E me faguei bocaraud.
'Quò z-era pas 'na miraudia
- Venia pas de Ventadorn -
Ne'n faguei pas 'na malaudia,
Lamberem lo sautador.

Li dissei : Seras ma femna,
L'i a be misera per dos ;
'Nirai raubar per te femna,
E tu tendras la maison.
Aitau faguerem l'annada,
Topinairitz, leberon,
Un jorn la viguei uflada,
Zo trobei a ma faiçon.

'Laidonc la volguei coijada
Per mainatjar mon pitit.
Ieu farai be ta boissada
E, quand 'ribara l'estiu,
Me balharas 'queu mainatge,
Sera crestian per la font,
Frotjara dins lo vilatge
E n'autres seram aüros.

Mas quand se voidet ma femna,
Margari era chas nos,
E la n'emportet ma femna.
E quand 'visei mon garçon :
Era banard, era negre,
Avia la pus lonja coa,
Era banard, de piau negre,
'Quo es lo diable qu'aviam coat.

Lo 'trapei de per 'na pauta,
L'assomei 'pres lo balet.
Ma fe, 'quò seria ma fauta
Si lo diable corguia uei.
Ma femna dins la chapela,
L'autre chas l'escarissor,
Mas chercharai 'na piucela
Per mon prupchen còp d'amor.

Vos vòle contar 'na istòria,
'Na p'ita chausa de ren.
Se vira dins ma memòria,
Ten de la plaça per …

Legir tot

Vos vòle contar 'na istòria,
'Na p'ita chausa de ren.
Se vira dins ma memòria,
Ten de la plaça per dietz.
Me bargassa dins la testa,
Juga los cuòls beneisits.
Venetz, portatz vòstra 'sieta,
Minjatz-me 'queu suvenir.

Dins 'quilhs temps fasía misera,
Aviam pas l'aíse de pan.
Era plan nastra la terra,
Volia pas veire lo blat.
Anava a la picoreia,
Ieu que coneissia la nuech,
De que far 'na fricasseia,
De que n'engraissar un det.

Un ser de luna 'chabada
Que raubava quauqu'uns uòus,
Viguei 'na femna chabrada
E me faguei bocaraud.
'Quò z-era pas 'na miraudia
- Venia pas de Ventadorn -
Ne'n faguei pas 'na malaudia,
Lamberem lo sautador.

Li dissei : Seras ma femna,
L'i a be misera per dos ;
'Nirai raubar per te femna,
E tu tendras la maison.
Aitau faguerem l'annada,
Topinairitz, leberon,
Un jorn la viguei uflada,
Zo trobei a ma faiçon.

'Laidonc la volguei coijada
Per mainatjar mon pitit.
Ieu farai be ta boissada
E, quand 'ribara l'estiu,
Me balharas 'queu mainatge,
Sera crestian per la font,
Frotjara dins lo vilatge
E n'autres seram aüros.

Mas quand se voidet ma femna,
Margari era chas nos,
E la n'emportet ma femna.
E quand 'visei mon garçon :
Era banard, era negre,
Avia la pus lonja coa,
Era banard, de piau negre,
'Quo es lo diable qu'aviam coat.

Lo 'trapei de per 'na pauta,
L'assomei 'pres lo balet.
Ma fe, 'quò seria ma fauta
Si lo diable corguia uei.
Ma femna dins la chapela,
L'autre chas l'escarissor,
Mas chercharai 'na piucela
Per mon prupchen còp d'amor.

La la la ….

L'aire sus las alas
monto fito
sofle fin
bas tencha verda
lo romor
a finit

la …

Legir tot

La la la ….

L'aire sus las alas
monto fito
sofle fin
bas tencha verda
lo romor
a finit

la la la ….

Las nebias son de lach
des poientas en lo ciel
pumas jaunas i mies pels
que me auçon pus aut
vira riond
luenh d'aqui

la la la….

V’autres, que siatz assemblats au don-don de la campana
Podetz ben vieure en solaç mentre que l’infern s’afana
Siam venguts …

Legir tot

V’autres, que siatz assemblats au don-don de la campana
Podetz ben vieure en solaç mentre que l’infern s’afana
Siam venguts a sauvament, cantem donc joiosament

L’enfant que n’era promés ven per nos sauvar la vida
Es naissut apres de nòu mes d’una vierja tan polida
Que la planeta dòu jorn d’ela empronta sa lusor

Per tot caire e canton non si vei que faire festa
Lis uns brandon lo menton, lis autres clinon la testa
Quand non pòdon pus velhar non fan ren que badalhar

Per veire aquel bel garçon fau laissar tota cautela
Car el n’es totjorn amont que fai bòna sentinela
Non vòl que ren de malin intre dins son bel jardin

Dempuei belèu mai de tres jorns
Que siáu sus mon ordinator
Per surfar sus lo Net.flor
Dins l’espèr de rescontrar …

Legir tot

Dempuei belèu mai de tres jorns
Que siáu sus mon ordinator
Per surfar sus lo Net.flor
Dins l’espèr de rescontrar la femna de ma vida enfin lo grand amor !
N’i a pron de se crebar leis uelhs
D’agachar l’escran jorn e nuech.
Ara, siáu completament cuech
A fòrça de tafurar sens trobar ma Mirèlha e sens trobar l’amor.

Alòr vau veire Eisabèu, crèse que i a’n moment que siam pas’nats dançar.
I a qu’escotar lo printemps, leis aucèus son contents e fan que de cantar.
E i a meme un rossinhòu que sibla un èr novèu e i a plus qu’a balar.
Ai de ressòrts dins lei pès, siáu un pauc mal-adrech, mai sabe ben virar.

E tot en dançant ton capèu
A volat dins lei grata-quieus.
Mai li fai pas ren, Eisabèu.
Vira-vira-vira lèu, belèu que sens capèu siás plus lèsta que ieu.
Mai perdequé vòs plus dançar ?
As-ti paur de t’enraumassar ?
Ieu, vau pas te lo ramassar :
Ai tròp paur de m’estrassar e lei mans e lo quieu dedins lei grata-quieus !

Laissa aquò bèla Eisabèu, crèse que i a’n moment que siam pas’nats dançar.
I a qu’escotar lo printemps, leis aucèus son contents e fan que de cantar.
E i a meme un rossinhòu que sibla un èr novèu e i a plus qu’a balar.
Ai de ressòrts dins lei pès, siáu un pauc mal-adrech, mai sabe ben virar.

Tot-an-un còp, la blondineta,
De dansar s’arresta tot net
Per me dire que sus lo Net
Se pòu trobar de berets, de capèus, de casquetas emai de capelets.
Atuba, atuba ton PC,
Carga, carga ton DVD
E puei pica sus ton clavier :
Lo www.laspagatlocapèu.net.

En esperant que se carga, anem, vène Eisabèu, i a lo temps per dançar.
I a qu’escotar lo printemps, leis aucèus son contents e fan que de cantar.
E i a meme un rossinhòu que sibla un èr novèu e i a plus qu’a balar.
Ai de ressòrts dins lei pès, siáu un pauc mal-adrech, mai sabe ben virar.

Macarèu ! Mai an empegat
Un virus qu’a tot rosigat :
E lo disc dur a cagat,
Lei fichiers son sagatats, la rata es amossada, e siam dins lo panèu !
Fau pas ne’n plorar, Eisabèu,
Laissa un pauc ton PC lèu-lèu.
Pòs dire adieu a ton capèu,
E puei d’abòrd sens capèu, lo solèu de tei peus es mila còps plus bèu !

Per oblidar Eisabèu, anem-anem-anem, anem un pauc dançar.
I a qu’escotar lo printemps, leis aucèus son contents e fan que de cantar.
E i a meme un rossinhòu que sibla un èr novèu e i a plus qu’a balar.
Ai de ressòrts dins lei pès, siáu un pauc mal-adrech, mai sabe ben virar.

Quand, survolant les clivages, les étiquettes, d’un endroit devenu plus parisien que les parisiens. De ce trou du cul du …

Legir tot

Quand, survolant les clivages, les étiquettes, d’un endroit devenu plus parisien que les parisiens. De ce trou du cul du monde, plus bétonné et plus lourd que le plomb, appelé Comté, s’éleva soudain un slogan révolutionnaire. Plus rouge que les poivrons l’été, plus anarchiste que le Paillon lorsqu’il dévale et avale la pente jusqu’à la mer marron. Un cri résonnant qui d’un coup éclaire par milliers les cervelles en attente. Urgentes de partager l’essence et le fond de cette profonde pensée :
Volem viure sens ren fotre au pais.

Car pour de bon bon,
Nux Vomica revient
Ecoute donc donc
le son niçois écoute bien
Comme c’est bon bon
Oh oui comme c’est bien !
Car ainsi font font
les niçois et puis s’en vont.
Ecoute donc donc
le son niçois écoute bien
Comme il est bon bon
Oh oui comme il est bien !
C’est comme ils font font
Encore un tour disparaîtront
Et ainsi sont sont
Les niçois et puis s’en vont.

Maudit de l’extérieur, marginal de l’intérieur.
Gardaren lou moral pour un monde meilleur.
A l’extérieur de ceux qui se croient supérieurs,
On hissera Nice à nos valeurs.
Quel est cet ailleurs qui dirige en malheur
Mon quotidien et me transforme en râleur ?
Quel est cet ailleurs qui dicte en douceur
L’oubli d’ici pour un monde meilleur ?
Qui c’est ce meilleur qu’on doit être à toute heure ?
Cet être Tarzan ignorant la douleur.
Où est l’être pensant
Se demandant dans cette course à l’argent
mais, où est mon bonheur ?

Je n’ai pas une culture, j’en ai au moins deux.
Si ça les fait caguer, moi ça me rend heureux.
Dans ce drôle de monde, il ne faudrait pas qu’il n’y ait qu’une langue, la leur.

D’une image, caricature, croquis, de cette grimace de nous soudain jaillit la lumière assourdissante. Lucide comme l’eau sur la grève de bon matin. De cet éclair, foudre, montagne d’intelligence, de cet endroit que tous croyaient maudit, surgit la phrase qui tue, soyez tout ouïe :
Le chômage on s’en fout, plus de travail du tout !

C’est au Mexique raggamufin que je mets l’apostrophe
Dans un lieu à la télé toujours oublié par la voix off …

Legir tot

C’est au Mexique raggamufin que je mets l’apostrophe
Dans un lieu à la télé toujours oublié par la voix off
Il te faut m’accompagner dans la selva Lacandón
Où la colère chiapanèque depuis longtemps résonne
Exploités, maltraités, ça va faire 500 ans !
Obligés de travailler très très dur pour le diable blanc
Sur leurs propres terres ils sont victimes du silence
De la communauté internationale ne pensant qu’à l’immense
Marché représenté par les pays sous développés
Plein de ressources naturelles et de main d’œuvre mal payée
Escota aquò raggamufin, escota aquò, encara un còp !

Ya basta raggamufin Ya basta
El pueblo unido jamás será vencido
Ya basta compañeros Ya basta
El pueblo unido jamás será vencido!

Depuis plus de 50 ans au pouvoir était le PRI
Parti révolutionnaire institutionnel et puis
C’est ce que les pays riches appellent la démocratie
Tant que coule et coule encore le robinet du profit
Avec les Etats-Unis et le Canada
Le gouvernement signa les accords de l’ALENA
Par dessus la frontière on délocalise à tour de bras
Pas question de négociation pas question de syndicat
La culture traditionnelle du mais c’est le passé
Faut se mettre aux OGM ou dans les villes aller travailler
Aller travailler

Ya basta raggamufin Ya basta
El pueblo unido jamás será vencido
Ya basta compañeros Ya basta
El pueblo unido jamás será vencido!

1994 le premier janvier,
Le Chiapas s’est alors brusquement enflammé
Prenant les armes et tenant tête à l’armée
Par la voix de Marcos les indiens se sont exprimés
Depuis Marcos est en poster, dans les journaux, les médias
Mais l’espoir n’est pas dans ce théatre de la langue de bois
Reconnaissons la force de ceux qui loin des télévisions
Donnent corps au jour le jour à la contestation…

Ya basta raggamufin Ya basta
El pueblo unido jamás será vencido
Ya basta compañeros Ya basta
El pueblo unido jamás será vencido!

Lo monde l’embarran de luenh
Sus lo fuèc ara bufa lo vent
Manjan lo silenci, lo vuege nos atrapa
Cercam per nos batre, viva Zapata !
Propaganda, publicitat, television, sègle liberau…
La mòrt es aquí, lo patiment es multinacionau !
Veiràs que deman es encuèi dins ta boca
Picam dau còr de Chile au Babazoc..
Dins lei cèus dessenhats d’esperanças
Ma fista !
Avançan lei secrètas desiranças
Zapatistas.
Au cròs dei mans, dins la brasa dei contèstas
Lei dolors s’escafan en fin nos rèsta
Una paur que pista
Nòstre pantais zapatista.

L’i a de causas da bèls compréner
la vita es plena , lo sabes já...
coma l'alh ent l'alhòli,
coma …

Legir tot

L’i a de causas da bèls compréner
la vita es plena , lo sabes já...
coma l'alh ent l'alhòli,
coma l'aiga ent lo Pastís...
aquí chantem e vos demandem
se aquesta estòria lo es pròpi pas
d'aquela planta nos vos parlem
e vos diem...
LegaliZen?

Zen Zen Zen istètz calmes, istètz Zen
Zen Zen Zen que aquí, èira, vos expliquem

Dètz mila ans que la coltivem,
que l'i a un motiu ! E lo sabem...
Nos acompanha , nos primitiu
la planta màgica dau nòm "Divin"
de la medecina , au narguilè
de la chamisa, au bambolet
es bòna tota de la poncha al pè
qu’es proïbia?
LegaliZen?

Zen Zen Zen istètz calmes, istètz Zen
Zen Zen Zen e lo sabem de lòn que parlem
Zen Zen Zen de estremar-la se siem estofiats
Zen Zen Zen que aquest bòt...

Nòstra doctrina es pròpi "zen"
volem plantar-la e siem pas luènh
la mènt, lo còr...nòstre poder
paciéncia, calma que l’i arribem
prats, lòbias, òrts , lo tiu jardin
endapertot saurè lo vèrt
es la "vision" que nos volem
es da bèl far ,
LegaliZen !


Zen Zen Zen istètz calmes, istètz Zen
Zen Zen Zen e lo sabem de lòn que parlem
Zen Zen Zen lo tèmp es maür, las flors tanben
Zen Zen Zen lo mai es fach...volem la lei!

Zen zen, zon,
La sopa a la ceba
Zen zen, zon,
Sopa de cebilhons.

La sopa a la ceba
Es …

Legir tot

Zen zen, zon,
La sopa a la ceba
Zen zen, zon,
Sopa de cebilhons.

La sopa a la ceba
Es per las domaiselas
Sopa de cebilhon
Es per los garçons.

Aquel jorn me síu vist a muere sas
Dins al liech, pensa que m’aribà
De matin partit bon’ora per anar …

Legir tot

Aquel jorn me síu vist a muere sas
Dins al liech, pensa que m’aribà
De matin partit bon’ora per anar
Abó Jan Tolosa anar sonar

Viro i uelhs per veire lo míu socho mas
dius faus, ’quel cristo i era pus
mi che fau ? me chal escapar denan, senon
estesa fin me tocha a mi decò

Arribat en pau’ apres de la Garbela sas
Zigodon tranquil l’ai mai trobat
Tot lo bòsc i a pas en fil d’armur
maraman la nuech nos a chapat

Espetarei la fin de la stajon, apres
Anarei a perlu a Zigodon !

Zin zin zon la sopa a la ceba
Zin zin zon sopa de cebilhons
La sopa a la ceba es …

Legir tot

Zin zin zon la sopa a la ceba
Zin zin zon sopa de cebilhons
La sopa a la ceba es per las domaisèlas
Sopa de cebilhons es per los garçons.

Aux rayons de soleil
Ve les comme ils avancent
Tous les ans c’est pareil
Cap au sud de la france. …

Legir tot

Aux rayons de soleil
Ve les comme ils avancent
Tous les ans c’est pareil
Cap au sud de la france.
Les bouchons en bagnoles
Cocagne ils n’ont pas peur
Que! Sous le parasol
Il y aura le bonheur.

Sur les plages petites
C’est la vraie anchoïade
Ça leur donne la gite
A moi l’estoumagade.
Ils te passent des cremes
Qui brillent sans malice
Et degun sort indemne
On dirait des panisses.

Ve-les! Ve! Oh ze y’a pas gros
De riou a rio... Zou lamparo
Ve-les! Ve! Sardines et maquereaux
C’est le zou lamparo zou lamparo!

Ve-les! Ve-les! Zou! Ve-les! Ve-les! Zou!
Ve-les! Ve-les! Zou! Ve-les! Ve-les! ...

Dançando lamparo.....

Des qu’ils voient le ciel bleu
Ils se croient aux tropiques
On dirait qu’il y a le feu
Mefi la panique.
Pourtant rien de mechant
C’est un jour ordinaire
Mais chez eux c’est souvent
Qu’on se mouille peuchere...

Refrain / flash!

Zou lamparo zou! La machine a u.v.
zou lamparo zou! Zou!
Zou lamparo zou! La machine a u.v.
Zou lamparo zou! Zou!

Hòu, zóu boulègo-te.

Vène nous ajuda
te fas espera.
Zóu, que se vènes pas
nous vas proun manca.

Ajudo-nous lèu …

Legir tot

Hòu, zóu boulègo-te.

Vène nous ajuda
te fas espera.
Zóu, que se vènes pas
nous vas proun manca.

Ajudo-nous lèu à desenfanga
noste carretoun qu’es dins lou roudan
lou fau, que que coste, desencala.
Butasso à la rodo, un pau d’en avans,
anèn pas resta ‘qui jusqu’à deman,
lou póutiraren se dounes la man.

Cerques pas de resoun pèr t’esbigna,
Prouvènço a besoun qu’aro sis enfant
Se groupon soulide pèr l’apara.
Tóuti tant que sian, se ié fau bouta,
que soun aveni es dins nòsti man ;
aro n’es plus l’ouro de pantaia.

Hòu, boulègo-te, zóu.