Augan i a un pastor qui a marchandat ua anhèra,
Pendent la sason bèra com la flor.
Quan cregó lo …

Legir tot

Augan i a un pastor qui a marchandat ua anhèra,
Pendent la sason bèra com la flor.
Quan cregó lo marcat hèit,
Autanleù qu’estó deshèit,
Shens saber, ni l’un ni l’aute,
La causa deu hèit.

Be l’an fin lo nas, las doças anheretas !
Abans de quitar lo lor cujalar.
Vòlen véder lo pastor,
Dab lo salièr e lo baston,
Ensenhà’us de grans careças
E dà’us hèra aunor.

Mos de Condurat, de grana coneishença,
Qu’a plan marchandat, puish que s’a crompat
Ua anhèra com un lugran,
Segonda en son cledat,
Un aulhèr de l’arribèra
L’a vienguda enlhevar.

Avisatz-v’i plan, pastors de la contrada !
Si’n cadetz d’acòrd, contractatz d’abòrd.
Si’n datz arras solaments,
Per quauques engatjaments,
Cèrtas jo gausarí créder
Que’n seratz perdents.

Augan i a un pastor qui a marchandat ua anhèra,
Pendent la sason bèra com la flor.
Quan cregó lo …

Legir tot

Augan i a un pastor qui a marchandat ua anhèra,
Pendent la sason bèra com la flor.
Quan cregó lo marcat hèit,
Autanleù qu’estó des.hèit,
Shens saber, ni l’un ni l’aut,
La causa deu hèit.

Be l’an fin lo nas, las doças anheretas !
Abans de quitar lo lor cujalar.
Vòlen véder lo pastor,
Dab lo salièr e lo baston,
Ensenhà’us de grans careças
E dà’us hèra aunor.

Mos de Condurat, de gran coneishença,
‘Près aver crompat e plan marchandat,
Ua anhèra com un lugran,
Segonda en son cledat,
Un aulhèr de l’arribèra
L’a vienguda enlhevar.

Avisatz-v’i plan, pastors de la contrada !
Si’n cadetz d’acòrd, contractatz d’abòrd.
Si’n datz arras solaments,
Per quauques engatjaments,
Cèrtas jo gausarí créder
Que’n seratz perdents.

Aurai pas proun de tèms, proun de tèms.

Meme en courrènt
Lèu lèu coume lou vènt,
Lèu lèu coume lou …

Legir tot

Aurai pas proun de tèms, proun de tèms.

Meme en courrènt
Lèu lèu coume lou vènt,
Lèu lèu coume lou tèms,
Vese pamens
Qu’aurai pas proun de tèms, proun de tèms.

Pèr amira
Li milanto bèuta
De l’inmense univers
Vese bèn, iéu
Qu’aurai pas proun de tèms, proun de tèms.

Abadarne moun cor,
Bade de tant qu’ai d’iue,
Mai li niue
Emai li jour
Saran trop court.
De milié de jour
Acò’s trop court,
Acò’s trop court.

Que pèr ama
Tout ço qu’avèn d’ama
Quand reven lou printèms
Lou vese bèn
Aurai pas proun de tèms, proun de tèms.

Auriái aimat de te donar la man
Quand ton ceu se fai bas, mon amic
Quand lo freg monta e …

Legir tot

Auriái aimat de te donar la man
Quand ton ceu se fai bas, mon amic
Quand lo freg monta e te nega lo còr
E t'escana la votz e lo crit
Quand la nuech ven e te rauba lei mots
Que lo negre espandis sa color
Sus ton esper e puèi pauc a chapauc
Te fai s'empalunar ton amor

Auriái aimat de te donar la man...

Auriái aimat de te donar la man
Quand florís lo matin dins tei dets
Quand lo matin se leva cada jorn
Que ta votz fai madurar lei blats
Quand ton esper reviscola lo ceu
Que lo riu canta clar sas cançons
Quand la tèrra asaigada de doçor
Te pren e fai la vida en flors

Auriái aimat de te donar la man...

En país de Vilafranca,
Que s’i lhevèn per milièrs,
Contra lo gran rei de França,
En mila sheis cents quaranta …

Legir tot

En país de Vilafranca,
Que s’i lhevèn per milièrs,
Contra lo gran rei de França,
En mila sheis cents quaranta tres.

Mes òc, praubòt, mes òc praubòt,
En mila sheis cents quaranta tres.

Entà har guèrra a la talha,
Qu’avèn causit tres capdaus,
L’un Laforca, l’aute Lapalha,
Joan Petit qu’èra lo tresau.

Mes òc, praubòt, mes òc, praubòt,
Joan Petit qu’èra lo tresau.

Per tota l’Occitania,
Que’us aperavan crocants,
N’avèn per tota causida,
Que la misèria o la sang.

Mes òc praubòt, mes òc praubòt,
Que la misèria o la sang.
E qu’eston per tròp d’ahida
Venuts per los capulats,
Eths que vivèn de trahida,
Çò qui n’a pas jamei cambiat.

Mes òc praubòt, mes òc praubòt,
Çò qui n’a pas jamei cambiat.

Que’us hiquèn dessús l’arròda,
E que’us croishin tots los òs,
D’aqueth temps qu’èra la mòda
De’s morir atau tròç a tròç.

Mes òc praubòt, mes òc praubòt,
De’s morir atau, tròç a tròç.

E qu’estó ua triste dança,
Dab la cama, e lo pè, e lo dit,
Atau per lo rei de França,
Atau que dancè Joan Petit.

Mes òc praubòt, mes òc praubòt,
Atau que dançè Joan petit.

E l’istuèra qu’a hèit son viatge,
Qu’a pres camin de cançon,
Camin de ronda taus mainatges,
Mes uei que sabem, tu e jo.

Mes òc praubòt, mes òc praubòt,
Mes uei que sabem, tu e jo

Estade de Santiago de Chile, 1973...

Que s’aperava Victòr Jarà...

Qu’èra cantador...

Reconeishon Victor Jarà,
Que’u copèn las duas mans, …

Legir tot

Estade de Santiago de Chile, 1973...

Que s’aperava Victòr Jarà...

Qu’èra cantador...

Reconeishon Victor Jarà,
Que’u copèn las duas mans,
Que’u digón : « Viam adara,
Corau tà cantar s’auràs? »

Repic :
Victòr Jarà, Victòr Jarà, Victòr Jarà...

Cap aus fesilhs, shens empara,
Tanlèu retrenic ton cant,
Los mots shisclèn a lor cara,
Escriuts dab letras de sang.

Milèrs de votz sus l’estade
Se gahèn a l’arrepic,
Lavetz los soldats d’aviada,
Que se te’n mièn entau pic.

L’òrdi règna suu silenci,
Suu silenci sang-plapat,
Los fesilhs qu’an tuat l’òmi,
Mes son cant s’ei escapat.

Perdut aquiu au bèth miei deu desèrt
De mas pensadas embrumadas
Desaurat, desairat, desorat, desperdut
Viahòra, au zenit a cap …

Legir tot

Perdut aquiu au bèth miei deu desèrt
De mas pensadas embrumadas
Desaurat, desairat, desorat, desperdut
Viahòra, au zenit a cap cèu
Desesquerat descatavat desgansolat
perdut !

On lo monde e van ?
E on lo monde e va ?

E'm vau aprigar apelhar
de tres quate espessors
De faussa identitat
de'm servir si per cas
De faussa identitat
de'm servir si per cas
O lavetz tirar tot anar curt
Com un vèrmi de plaja a cridar
Eh ! Soi aquiu ! Mes lo brut de la mar
Ne m'enteneràn pas !
Solet shens arrés
tà'm díser quauquarren
E dab gent de pertot
qui semblan de saber
E brut de pertot
esgòrra au poralhèr !

Aus qui m'ann dit un dia, cau vàder grand
Qu'èri mainat ma mia, n'èri pas grand
Que m'avènn panat l'atge, …

Legir tot

Aus qui m'ann dit un dia, cau vàder grand
Qu'èri mainat ma mia, n'èri pas grand
Que m'avènn panat l'atge, e lo saunei
Lo saunei deu mainatge triste desvelh

Lo pair Nadau au viladge peu darrèr còp que passà
Qu'èra lo son darrèr viatge, jamès n'anava tornar

Aus qui m'ann dit un dia, pensa atau
Qu'ei donc pensat ma mia, pensat com cau
N'ei pas sofrit ni briga, nat mau de cap
Qu'ei plan seguit la via, plan escotat

Qu'èm los motons las aulhetas, darrèr de quauques pastors
Un còp a gauch, l'aud'a dreta, xentz pausà's nada question

Aus qui m'ann dit un dia, que't vas catar
Cau pas candar ma mia, que's cau carar
Candar qu'ei passeïsme, ganha pas sòs
Ací qu'ei lo torisme, cregam si vòs

Quinn pòt l'argent, la moneda a tau punt virar lo cap
E deus bilhets que'n hènn medas, be'n cau estar ahaimats

Aus qui m'ann dit un dia, que'vs disi oei
Caratz'vs donc ma mia per un jamei

- Diga-me ausèl de la mar granda
Tu que vòlas totjorn ser e matin
Butat pel marin o la cisampa …

Legir tot

- Diga-me ausèl de la mar granda
Tu que vòlas totjorn ser e matin
Butat pel marin o la cisampa
Diga-me ont es lo meu camin...
- Ton camin es aquel que t’amaga
Darrièr cada arbre cada panical
Ton camin es aquel que te fargas
A tu de lo traçar plan coma cal.

- Diga-me ausèl de la montanha
Tu que sabes ont naisson las nivols
Digas me lo país de cocanha
Cossí far per lo trapar un jorn...
- Aquel país es aquel que dessenhas
Sus la saula fina de ton òrt
Aquel país es aquel que t’ensenhan
Dins la nèch los teus sòmis los pus fòls.

- Diga-me auselon del viatge
Tu que totjorn segues lo printemps
Per delà lo mendre paisatge
Diga-me se l’amistat dura longtemps...
- L’amistat es quicòm que s’encontra
Al sortir de l’ombra de ton niu
Es coma una istòria que se conta
A tu de la far durar tot un briu.

- Diga-me rossinholet salvatge
Tu que totjorn cantes nèit e jorn
Aval arrucat dins ton boscatge
Diga-me cossí far una cançon...
- Una cançon es una flor que puèlha
Jos las pèiras gròssas del camin
Dins l’agach dels òmes, de las bèstias
O dins las prigondors de l’infinit.

Au verdurèr jo me’n entrèi,
Au verdurèr jo me’n entrèi,
Tres arrosetas li trobèi.

Aussau ! Mas amoretas !
Aussau, …

Legir tot

Au verdurèr jo me’n entrèi,
Au verdurèr jo me’n entrèi,
Tres arrosetas li trobèi.

Aussau ! Mas amoretas !
Aussau, jo me’n i vau.

Tres arrosetas li trobèi.
Tres arrosetas li trobèi.
Que las seguèi, que las liguèi.

Aussau ! …

Que las seguèi, que las liguèi.
A mas amors las enviarèi.

Aussau ! …

A mas amors las enviarèi.
Mès qui serà lo messatgèr ?

Aussau ! …

Mès qui serà lo messatgèr ?
La calandreta o l’esparvèr ?

Aussau ! …

La calandreta o l’esparvèr ?
La calandreta es cap-leugèr.

Aussau ! …

La calandreta es cap-leugèr.
E l’esparvèr tròp messorguèr.

Aussau ! …

E l’esparvèr tròp messorguèr.
Jo medish que la portarai.

Aussau ! …

Avètz autant de drèites
Coma los autres n’an
E qualques uns de mai :
Lo de faire la mala
E …

Legir tot

Avètz autant de drèites
Coma los autres n’an
E qualques uns de mai :
Lo de faire la mala
E de clavar l’ostal
E d’escampar la clau
Per la finèstra del vagon
Que vos mena trabalhar
Al pais ont de trabalh n’i a.
Mas Achtung es pas permés
Quand partissètz, d’emportar res.

Avètz autnat de dreites
Coma los autres n’an
E qualques uns de mai :
Lo d’ensenhar als dròlles
Consí se preparar
Esquina sopla, cap asclat
A èsser de bons fonccionaris
Que dison oui, que diràn ya
Mas Achtung es pas permés
Als fonccionaris de pensar res.

Avètz autant de dreites
Coma los autres n’an
E qualques uns de mai :
Lo de vendre a racina
Lo pais pam per pam,
De far tutu-pampam
O de vos levar coma d’òmes
Capables d’escriure l’istùoria
De son pais en occitan.
Mas Achtung es pas permés
Un còp manjat de faire res.

Sietz partits da vòsta casa
sietz partits da vòsta meison
avetz laissat darrier
vòsta terra vòsta Nacion.
Agachetz arrier pensetz-ie …

Legir tot

Sietz partits da vòsta casa
sietz partits da vòsta meison
avetz laissat darrier
vòsta terra vòsta Nacion.
Agachetz arrier pensetz-ie un pauc
vòsta terra es encar ilai
i padrons, no, sietz pas vos
sempre i estes... de merdós.
Balar, sonar, chantar, sautar
lo nòste cor es tot ici
lo nòste cor que sanha encar
laissa ren perde laissa ren estar
s’al nòste arbo i a encar de pòst
farem bordel farem la guerra
portetz i fusils portetz i canons
la Nacion nos espera !

Taquem a viver nòsta montanha
Taquem aranjar nòstes meisons
a comandar nòsti pais
a retrobar nòsta radis.
Agachem la viá qu’avem denant
es tota guerça e partusàa
la dreiçarem l’aranjarem
aquela viá qu’avem laissat...
Nos volem lòn que sabem
nos volem lòn que avem ren
pas d’autoviá pas de meisons
pas d’autoviá mas d’autonomiá !

Aquel crit que sortís del pitre de la luta
Aquel crit qu’es pastat de nòstra volontat
L’avèm volgut tant fòrt …

Legir tot

Aquel crit que sortís del pitre de la luta
Aquel crit qu’es pastat de nòstra volontat
L’avèm volgut tant fòrt per socar lo silenci
De las complicitats a totes los nivèls
Se sovent vos far paur, talpas de la consciénça
Negres que siátz de pas voler vòstre bonur
Se sovent fa solelh dins l’escur sens sapiénça
Es qu’al fuòc de vertat a rescalfat sas mans
Aquel crit l’ai volgut plantat dins ma guitarra
Coma un còp de cotèl al còr de l’enemic
Aquel crit l’ai portat, fanga de ma colèra
Sus las moquetas frejas de las decisions
Es pas crit de la fin mas crit de la debuta
Ara tot pòt venir siàm prestis a marchar
Avèm causit d’anar sul camin de la luta
Del pitre general lo crit ven de montar.

Dins Occitania
Viure o podem
Nòstra autonomia
Lèu la ganharem.

Autorn de Pont
I a de bèras hilhòtas
Mon còr ei content
De las véder sovent
A l’arriutèr
Peu camin …

Legir tot

Autorn de Pont
I a de bèras hilhòtas
Mon còr ei content
De las véder sovent
A l’arriutèr
Peu camin d’Aigas Bonas
A pont Crabèr
Mon diu lo gran regret
Que’u m’as avut
Lo flòc de primavèra
Que’u m’as avut
Que non t’èra devut
Si aví sabut
Que te’n devès pervàler
L’aurí venut
En bèth inconegut
Si jamei plus
E pujas sus de l’arbe
Dab lo cotèth
Que’t coparèi l’ausèth
L’ausèth qui va
Qui vòla peu boscatge
Gai e hardit
Lo beròi rei petit.

Ieu auvi lei carrièras d'autura
Que cantan sei darriers novès
E la mar espera son ora
Ara se desmanada la …

Legir tot

Ieu auvi lei carrièras d'autura
Que cantan sei darriers novès
E la mar espera son ora
Ara se desmanada la soam deis estieus
Pièi que leva lo vent ais alas de mon batèu
De colèra farai levame a mon dever...

Aquí li aviá quauqueis ostaus
Onte si damnava lo mistrau
Dau mes de julhet, au mes de julhet...
Aquí sus l'autura entre lei rocas
Dins qu'un liech de ferri, lo mieu paire es nat
Un jorn que bofava lo mes de janvier

Mon paire es un auçèu dau luenh
Deis alas traucadas de sòmnis
E ieu qu'an forabandit
N'ai que lei camins pèr païs
E nègra es la mar de Fòs e vai...

Agusa ton cant pichòt saralher
Que la rèire-grand frenis dins son liech
Caufa la tisana, flor de lampordier
Agusa ton cant pichòt sarralher
Dins l'ombra calhèra deis òuliviers
La moart que ti frusta es deis uelhs d'acier...

Lo païs es un pèis sensa fin
Deis alas traucadas d'usinas
Coma si vòu pas sovenir
Qu'èra tant clar coma ramilha
Que lava l'aura a de matin
Ara qu'es devengut bordilhas
Lo païs giscla, lo païs giscla...

Aquí non li dien gens ai gens mai "pròletaris"
Aquí non li dien tèmps au tèmps mai "orari"
Aquí non li dien vènts ai vènts mai "tubèia"
E ai paures se li dis "arabas", ai fruchas "benefiças",
A l'amor se li dís "plesir", a la mar se li dís "bordilhas" !

Aquí quora li vau, l'auvi degun que ieu comprengue
Qu'una mameta vièlha ai sens de gipsa, a l'alen de pòussa
Que si carga de ieu e mi fa "lo sant-soam",
La conoissi aquèla : sanja jamai son nom !

Aval aval a la combeta
Un boièr semenava de blat (bis)

Repic : Ò bon Dieu !

Vegèt venir la …

Legir tot

Aval aval a la combeta
Un boièr semenava de blat (bis)

Repic : Ò bon Dieu !

Vegèt venir la Sana Vièrja
Paura, fugissent ambe son enfant.

Mas, diga, tu, boièr, brave òme,
Creses que me poiriás pas sauvar ?

Si fet, si fet, ma bona femna
Segur que farai tot çò que poirai !

Veson venir lo rei Eròde
Ambe sa bela tropa de soldats.

Mas, diga, tu, boièr, brave òme,
N’auriás pas vist aquí a passar

Una tan bèla pelegrina
Paura fugissent ambe son enfant ?

Mas dempuèi que ieu la vegèri
Los blats ne son ben florits, ben granats.

Aval a la ribèra
I a un prat a dalhar

Tres polides jun’òmes
L’an pres per le copar

Tres polidas …

Legir tot

Aval a la ribèra
I a un prat a dalhar

Tres polides jun’òmes
L’an pres per le copar

Tres polidas filhetas
L’an pres a fenejar

La pus jove de totas
Va quèrre le dinnar

Lo pus polit dalhaire
Pòt pas brica dinnar

Qu’avètz gentil dalhaire
Que podètz pas dinnar

Vòstras amors me charman
Me las cal demandar

Demandatz a mon paire
Vos las acordarà

Son paire li diguèt
Vos podètz maridar

Aval a la ribièira, i a una prada a dalhar
Ladondena…
Son tres jòunes dalhaires, que l’an pres a dalhar… …

Legir tot

Aval a la ribièira, i a una prada a dalhar
Ladondena…
Son tres jòunes dalhaires, que l’an pres a dalhar…
Son tres jòunas filhòtas que l’an pres a fenejar…
La pus jòuna d’entre elas s’en vai querre lo dinnar…
Lo pus jòune dalhaire non voguèt pas marendar…
A t’eu cassat sa dalha ? O perdut sa ‘gusa ?…
Quò es vòstre amor la bèla, me garda de marendar…

Aval a la ribièira, i a un prat a dalhar
Lalilonlilonlilèra…
Son tres joves dalhaires, que l’an pres a dalhar…
Son tres jovas filhòtas que l’an pres a fenar…
La pus jova de totas vai querre lo dinnar…
Lo pus jove dalhaire non volguèt pas manjar…
Mas de qu’avètz dalhaire ? Non volètz pas manjar ?…
Lo vòstre amor, la bèla, M’empacha de manjar…

Aval a la riviera
I a un prat a dalhar
I a un prat a dalhar
La dondena…

Son tres …

Legir tot

Aval a la riviera
I a un prat a dalhar
I a un prat a dalhar
La dondena…

Son tres joves dalhaires
Que l’an pres a dalhar…

Son tres jovas filhatas
Que l’an pres a fenar…

La pus jova de totas
Vai querre lo dinar…

Lo pus jove dalhaire
Non volguet pas manjar…

E de qu’avetz dalhaire
Non voletz pas manjar?…

Lo vòstre amor, la bela
M’empacha de manjar…

Aval a la riviera…

Aval al fons de la pradèla
Ie n’a una polida bergèra
Polida coma lo solelh
Revelhada coma un calelh.

De …

Legir tot

Aval al fons de la pradèla
Ie n’a una polida bergèra
Polida coma lo solelh
Revelhada coma un calelh.

De tan polida la trobèri
Qu’al pè d’ela ieu m’assetèri
"Adissiatz la bèla del bon jorn
Ne voldriatz pas logar un pastron ?

- De pastron ieu me’n chauti gaire
Pel trabalh que ieu n’ai a faire
Tot pastorèl que val quicòm
N’es pas a logar per San Joan.

- Se ieu duèi ne vali pas gaire
Demandi pas a ganhar gaire
Una embraçada e un poton
Ieu serai vòstre servitor.

- Monsur m’escusaretz par ara
Que la mamà me n’a sonada
Tornaretz deman après miègjorn
Serai la bèla del bon jorn."

E lo pastor manquèt pas l’ora
Que i aviá dicha la pastora
Quand lo pastorèl soguèt al prat
La pastora n’agèt anat.

A tu coquina de pastora
Que se jamai te trapi sola
Quand paire e maire ie serián
Una embraçada te’n fariái.

Aval aval dins un castèl
I a una tan bèla filha
Ditz que vòl pas morir
Sens véser son amic. …

Legir tot

Aval aval dins un castèl
I a una tan bèla filha
Ditz que vòl pas morir
Sens véser son amic.

Son paire per la consolar
Lo galant mandèt quèrre
Èra pas mièg montat
Que la bèla a trespassat.

Se pausa sus son coissinet
Ne plora ne sospira
Quand plorarà cent ans
Sas amors non tornaran.

Lo jorn de son enterrament
Tot lo monde plorava
Duscas al capelan
Que plorava en cantant.

En venguent de l'enterrament
Passa davant sa porta
Lèva los uèlhs en sus
Sas amors i èran pas pus.

Ba portarà un an un jorn
Lo dòl de sa mestressa
Portarà un an un jorn
Tot lo dòl de sas amors.

(Collectada al prèp de Léon Pech a Mas Cabardès)

Aval en rebaireta
Traladerà la lai tialalai
Traladerà la la
Aval en rebaireta
I a un aibre totas flors
I …

Legir tot

Aval en rebaireta
Traladerà la lai tialalai
Traladerà la la
Aval en rebaireta
I a un aibre totas flors
I a un aibre totas flors.

Son tres filhas d'un còmte
Tra...
Que s'i ajan rondilhons.

Las doas cantan un aire
Tra...
L'autra plora totjorn.

Qué ploras tu la bèla ?
Tra...
Jo plori le mal d'amor.

Vè-te'n dançar la bèla
Tra...
E canta una cançon.

As tan dançat la bèla
Tra...
A pèrdre les cotilhons.

Aval lo long de l’aiga
I a un pomièr tot en flors.

I a tres filhas d’un prince
Que son …

Legir tot

Aval lo long de l’aiga
I a un pomièr tot en flors.

I a tres filhas d’un prince
Que son de per dejós

N’i a duas solas que rison
L’autra plora totjorn.

Son paire la va veire
- Ma filha qu’avètz donc ?

Avètz lo mau de tèsta
O aquel de l’amor ?

- N’ai pas lo mau de tèsta
Mès aquèl de l’amor.

Vòli mon amant Pèire
Qu’est tant brave garçon.

- Pèire es jujat a pendre
Duas oras après jorn.

- Paire se pendètz Pèire
Pendètz nos totes dos.

Pendètz Pèire a la brancha
E ieu de per dejós.

Catatz Pèire de ròsas
E ieu de blanchas flors.

Aval lo long de l’aiga
I a un prat a dalhar
I a un prat a dalhar o la la …

Legir tot

Aval lo long de l’aiga
I a un prat a dalhar
I a un prat a dalhar o la la o la lèra
I a un prat a dalhar o la la

I a tres joves dalhaires
Que l’an pres a dalhar

A tres joves fenaires
Que l’an pres a fenar

La pus jove de totes
Va quèrre lo dinar

Quand foguèt a la costa
Lo poguèt pas montar

Lo pus jove de totes
Li anèt ajudar

Venètz venètz dalhaires
Venètz venètz manjar

Venètz venètz fenaires
Venètz venètz manjar

Quand foguèt a la taula
Ne voguet pas manjar

Mès de qu’avetz dalhaire
Que volètz pas manjar

Quo’s vostre cor la bèla
Que m’a tant agradat

A mon paire, a ma maire
Vos chau lo demandar

A mon paire, a ma maire
vos refusaràn pas.

Tu qu'as decidat d'escriure,
de dire o de cantar
ton païs en occitan,
cubrís-te : vent freg de censura
totes …

Legir tot

Tu qu'as decidat d'escriure,
de dire o de cantar
ton païs en occitan,
cubrís-te : vent freg de censura
totes ensems van bufar
mandarins de la riva gaucha
e « petainistas » barrejats !
Avanças pel bon camin,
escota jaupar la clica
d'aqueles qu'an pas jamai
volgut dintrar dins la luta !
A l'abric de lors ideas
compradas amb lors libres
intellectuals mosits
balhaires de grands principis !
Mèstre d'escòla publica,
tu que n'as pron d'escanar
ton païs dins sos enfants,
ara te levas e dises :
cal ensenhar la vertat !
Crebar la messorga d'Estat !
Avanças pel bon camin,
escota jaupar la tropa
d'aqueles qu'an pas jamai
volgut dintrar dins la luta...
rosegaires de papièrs
afartats de circularis :
vos sentiretz plan leugièrs
dins lo punh fòrt de l'istòria !
Ma cançon es testimòni,
l'autre temps arribarà,
paures òmes del passat !
E tu, vinhairon de l'Auda,
tu, minaire de Caramaus,
Lip e Larzac, vosaus mos fraires,
inventatz l'òme de deman !

La vesètz que desbarutla
Aganida jos la carga
Garreleja se desmarga
Se'n va coma un funambula
pas question de dire …

Legir tot

La vesètz que desbarutla
Aganida jos la carga
Garreleja se desmarga
Se'n va coma un funambula
pas question de dire non
Son esfòrç lo dissimula
Pas res pus que l'estimula
Levat los còps de baston

Repic

Avèm cargat la mula
E tot mes sus l'esquina
De la paura mesquina
Avèm cargat la mula
Dinguedondi dinguedonda
Pas paur del ridicula
Avèm cargat la mula

As jogat a chuca-tina
Finit per cargar la mula
L'empegada majuscula
Pas plan fièr de ta monina
Quand te siás bandat aital
I a pas mai cap de virgula
La pensada coagula
E se nega dins lo barralh

Dins ton cap aquò circula
Nuèit e jorn es un infèrn
E l'estiu coma l'ivèrn
Matinièra o noctambula
Dins ta tèsta s'es blotida
Una brava libellula
Qu'avança que se recula
E que cèrca la sortida

Avèn tóuti leissa
un amour s’estrassa
is espinasso
que pougnon noste cor
is espinasso
di doute e di descor.

Avèn …

Legir tot

Avèn tóuti leissa
un amour s’estrassa
is espinasso
que pougnon noste cor
is espinasso
di doute e di descor.

Avèn tóuti leissa
uno bello amista
se passi d’ouro
e mouri plan-planet,
e pièi se plouro
s’un cop sian mai soulet.

S’erian proumes
quand erian amourous
de poussedi lou mounde
mai lou mounde es tant grand
que saren jamai proun de dous.

Avèn tóuti leissa
sènso se n’avisa
noste courage
d’à cha pau s’alassa
e l’eiretage
es esta degaia.

S’erian proumes
dóu tèms qu’erian urous
de refaire lou mounde
mai lou mounde es tant grand
que saren jamai proun noumbrous.

1) Aven un bèu castèu,
La tan tiro liro liro
Aven un bèu castèu,
La tan tiro liro lèu ! …

Legir tot

1) Aven un bèu castèu,
La tan tiro liro liro
Aven un bèu castèu,
La tan tiro liro lèu !

2) Lou nostr ’es bèn plus bèu,
La tan tiro liro liro,
Lou nostr’ es bèn plus bèu,
La tan tiro liro lèu !

3) Vous lou demouliren,
La tan...
... len !

4) Quau sara lou massoun ?
La tan...
... loun !

5) X es soun noum,
La tan tiro liro liro,
X es soun noum,
La tan tiro liro BOUM !

Trapat sus www.zictrad.free.fr.

Avignoun, Avignoun,
Oh ma ville natale
Te fau un gros poutoun,
Moun païs prouvençau,
Toi qui es de mon chant, …

Legir tot

Avignoun, Avignoun,
Oh ma ville natale
Te fau un gros poutoun,
Moun païs prouvençau,
Toi qui es de mon chant,
Mon ardente cigale,
Moi qui suis de ton sang,
Oh ma cité Papale !

Avignoun, Avignoun,
Quelle vision magnifique,
Sur tes remparts, ton pont,
Et sa chapelle antique,
Chatoyantes couleurs,
Du Rhône et de ses rives,
Et familières odeurs
Qui des maisons arrivent.

Avignoun, Avignoun,
Siés un pau d’Italio,
’Mé ti vòu de pijoun,
La bèuta de ti fiho,
Que ti palai soun bèu,
Au fin founs dis androuno,
Emai ti glèiso sourno,
Quand raio lou soulèu.

Avignoun, Avignoun
L’été tu es un artiste,
Tu rugis comme un lion,
Et ton théâtre existe.
Tu chantes de bonheur,
Tu danses sous tes masques.
Tu gémis de chaleur,
Tu cries dans la bourrasque.

Avignoun, Avignoun,
Sabe pas coume dire,
Un jour, siéu un pau jalous
L’endeman te desire,
Tu, moun air d’oupera,
Tambèn ma farandoulo,
Un blues anue jouga
Au mitan de la foulo.

Avignon, Avignoun
Tu es mon Italie,
Avec tous tes pigeons,
La beauté de tes filles
Tes palais oubliés
Dans des ruelles grises,
Et des soleils cachés
Dans le fond des églises.

Avignon, Avignoun,
Sabe pas coume dire,
Un jour, siéu un pau jalous
L’endeman te desire,
Despièi mai de milo an
Passo toun aventuro
Mesclan i us ancian,
Ta mouderno figuro.

Tu m’appelles et me hantes
Tu me dis : Souviens-toi
De ce petit garçon
Dans les rues d’Avignon.

Avignon, Avignoun,
Oh ma vilo natalo,
Te fau un gros poutoun,
Moun païs prouvençau,
Tu que siés de mou cant, …

Legir tot

Avignon, Avignoun,
Oh ma vilo natalo,
Te fau un gros poutoun,
Moun païs prouvençau,
Tu que siés de mou cant,
Moun ardènto cigalo,
Iéu que siéu de toun sang,
O ma vilo meiralo !

Avignon, Avignoun,
Que vesioun magnifico,
Sus ti bàrri, toun pont,
’Mé sa capello antico.
Chanjarèli coulour,
Dóu Rose e de sis ribo,
E famihero óudour,
Que dis oustau arribon.

Avignon, Avignoun,
Siés un pau d’Italio,
’Mé ti vòu de pijoun,
La bèuta de ti fiho,
Que ti palai soun bèu,
Au fin founs dis androuno,
Emai ti glèiso sourno,
Quand raio lou soulèu.

Avignon, Avignoun
L’estiéu siés un artisto,
Rugis coume un lioun,
Mai toun tiatre eisisto.
Bramado de doulour,
Incantacioun di masco,
Urlamen de calour,
Crido dins la bourrasco.

Avignon, Avignoun,
Sabe pas coume dire,
Un jour, siéu un pau jalous
L’endeman te desire,
Tu, moun air d’oupera,
Tambèn ma farandoulo,
Un blues anue jouga
Au mitan de la foulo.

Musico…

Avigoun, Avignoun,
Siés un pau d’Italio,
’Mé ti vòu de pijoun,
La béuta de ti fiho,
Despièi mai de milo an
Passo toun aventuro
Mesclan i us ancian,
Ta mouderno figuro.