Repic :
Avisa-t’i Maria,
L’autan que s’ei lhevat,
Ton chapeuque’u se’n mia,
Au pe deu costalat.

Que’u hè sautar pradèras, …

Legir tot

Repic :
Avisa-t’i Maria,
L’autan que s’ei lhevat,
Ton chapeuque’u se’n mia,
Au pe deu costalat.

Que’u hè sautar pradèras,
Arrius o milhocars,
E per las carratèras
Que’u hè virabocà’s.

E tu de córrer miga,
Au darrèr deu chapèu,
Mes arren n’amatiga
Lo vent holet deu cèu.

Se preni la corruda
Bathlèu me robaràs,
Demorant ta vienguda
Ton chapèu dens las mans.

Que’u te tornarèi, miga,
Shens ne demandar sòs,
Se un pòt te desliga
Deu prètz de mon esflòrç.

Avisa-t’i, Maria
L’autan s’ei ataisat,
Mes au men cor, maria,
Qu’ei l’amor qui a bohat.
Avisa-t’i, maria,
Qu’ei l’amor qui a bohat
Au noste cor, maria,
Que s’ei assobacat.

Au bal, au bal, au bal, au bal, soi anat. con la vesìna
La bal, la bal, la bal, soi …

Legir tot

Au bal, au bal, au bal, au bal, soi anat. con la vesìna
La bal, la bal, la bal, soi anat. tà carnaval
Au bal, au bal, au bal, soi anat. con la vesìna
La bal, la bal, la bal, per me har garrir lo mal

Voisin, voisine en nage
La danse n’a pas d’âge
Ici fini la routine
Chacun peut faire sa cuisine
Voisin, voisine d’âge
La danse se passe en nage
Ici, chacun se vaccine
C’est de la grande médecine
C’est la valse aux étiquettes,
Come on la grande mescla
Des troubadours à nos jours
Rap, polyglotte nous
Sur la route del fuego
Voisin, show devant l’slow
Improvisons, double ose
Un tout peu « chicot » de prose
Biguine, vesìna, gasconcubine
E cubaine mon aubaine, tout doux va, tout doux vem (bis)
BALAGORA, NOSTE RAM DAM
BALAGORA RAM DAM DAM

On détourne les musiques des voisins noirs atypiques
Qui s’y frotte civique, atypique ( bis)
La raspa, le mambo, le funkypsychédélice
les standards du mèstra jazz
Les sambas mamazurkas
le canto au pinhadars
la scottish, les derviches,
Paso tango, fandango, hip hop et cha cha cha
Jungle, jingle, jangle, ram dam dam
BALAGORA, NOSTE RAM DAM
BALAGORA RAM DAM DAM
Au bal, y’a pas d’gênes
On s’oxygène, on s’occi tam-tam
Qu’on soient des peaux douces, des peaux tendues, des quidams-dam !
Dom tom à rimes, peaux-onomatopées
Patacoum pas K dansé, patacoum patacadansat (bis)
Bal sans papiers, sur un pied d’égalité
Comme écrit Joe Bousquet « survivre à ce qu’on est né »
Pas à pas, pas à pied, au bal c’est boug’de là
Que vous soyez nés de ci, que vous soyez nés de là
De la base ou des élus, d’Orient, d’Occident
Dissidents, décidés, des quartiers et des cités
D’ici là, revendiquez et puis décentralisez
Car d’ici l’altérité passe à votre insu, portée
Voisin c’est l’Agora
Voisine on s’y défoule
Dans un bal sans Agora Il ya longtemps qu’il n’y a plus foule
Car en boite c’est le watt qui fait monter l’audimat
Au show bal, c’est de la vie que va monter la pépie (bis)
Voisin sort de ta boite
Ta voisine est sur la place Comme la rumba de Cuba, ram dam dam (bis)

BALAGORA, NOSTE RAM DAM
BALAGORA RAM DAM DAM

Lo rondeù de leù, beleù
Le solférino tango
La raga d’Arnaut Bernat
La bourrée des ainés mats
Mais, ainé n’est pas qui vieux
La jeunesse et la genèse
Chacun descend dans sa cave
Jeter la bonne aventure à l’océan
L’identité c’est l’océan
Noste ram dam dam

L'èrba griseja de fin velós,
Lo castèl quilha sa nauta tor.
Mila e un gòrps viran a l'entorn,
Nèbla e …

Legir tot

L'èrba griseja de fin velós,
Lo castèl quilha sa nauta tor.
Mila e un gòrps viran a l'entorn,
Nèbla e silenci, ni nuèit, ni jorn.
Dormís, nenòta.

Un monge monta lo carrairon,
E per la man mena un enfant blond,
Montan al castèl, davalan al cambron
Onte dormís lo rei Babarós.
Dormís, nenòta.

Dempuèi qu'es mòrt lo rei trobador,
Dormís setat sus un cadieiron,
Sa barba es longa dusc'als genolhs
L'òr a passit sul mantèl polsós.
Dormís, nenòta.

Cada cent ans un monge sens nom
Mena un enfant raubat al mond.
Lo rei badalha, li ditz : "Fanton..."
Pausa la man sus son pèl sedós.
Dormís, nenòta.

- Es que los gòrps viran totjorn
Sus mon castèl entre nuèit e jorn ?
- Viran, reviran. Al luònh los lops
Ploran sul sòrt del rei amorós.
Dormís, nenòta.

Blanc coma nèu dins l'escur cambron
L'enfant saluda lo vièlh senhor.
La polsa fina lo cobrís tot
Ja, per cent ans dormís Babarós.
Dormís, nenòta.
Los reis dormisson.

Que demora au ràs de l’ostau,
A noste que l’aperam Babau,
Hens un clòt au hons deu casau,
Qui ei …

Legir tot

Que demora au ràs de l’ostau,
A noste que l’aperam Babau,
Hens un clòt au hons deu casau,
Qui ei despuish dijaus Babau.

Que m’a dit, entà’m sauvar de tot,
Que calè lèu que prenossi broths
De sègas bluas deu més d’aost,
Tà ne tirar sonque lo medoth.

A jo, ne’m hè pas paur, lo Babau,
Qu’amainadè quate babolets.
Ne crèi pas que’m poishqui har deu mau,
Qu’a potonejat sons hadets.

Las sègas bluas, tà las cercar,
Que cau pujar au bec de l’om,
Sautar e córrer tà s’enhonçar
Cavath la sèuva au mei pregond.

A jo, que m’agrada mei non pas tornar
Que lo mau de garganta !

Au nom de Bacus
Lei gents d’aqui leis imigrants
Au nom de Bacus
De la vinha dau vin e dau …

Legir tot

Au nom de Bacus
Lei gents d’aqui leis imigrants
Au nom de Bacus
De la vinha dau vin e dau shit afgan.

Bòrd que rajan leis aigas setembralas
Aquí començan nòstrei bacanalas
Vòli dire tot çò que mi pica dins lo coraçon
Tot çò que vòlon meis amics, tot çò qu’avèm de beson,
Una barrica cadun, un detgenat per Silèna
Una saqueta d’erbum e percaçar nòstrei penas.
Es que lo monde es una bofiga clafida d’enfavats
Es que i a una engarça es que lei dets son pipats
Alòr dançan lei fadòlis sus la plaça publica
E si sarran lei mans lei gents sus la musica
Se siam per ara fach pron de marrit sang
Quom pas tantala satisfarem nòstra fam
E puèi en ritmica mandarem la desbranda
La nuech serà lònga la nuech serà granda.

Repic.

Sas que dins ma boca lei paraulas son fisicas
Se balanci la chacha es que tot aquò pica
I a pron de degrat dins la tina de mei cançons
Pron de solèu enlusiguèt mei versions
Siáu enrabiat que la paraula sus lo son s’afina
Siáu emportat que s’enmalicia sovent ma rima
Es que lei marridàs, lei gents que fan bòna mina
Començan de mi pesar fòrt sus l’esquina
Vòli ieu te cantar çò que ma tèsta emplena
De tònas de mòts e la lenga en scèna
Canta canta bacchus lo protegit de Silèna
Canta lei bacantas e lei grands dieus deis arenas
Lo monde non serà plus qu’una magia dau tèxte
Laissa venir ta foliá e gis de pretexte.

Señora chichera vendame chichita
Señora chichera vendame chichita
Si no tienes chicha cualquiera cosita
Señora chichera

De la cordillera hasta los yungas
Pueblo de arena y de piedras
Se dicen Collas bajo las montañas
Cosechando el sol y las lluvias
En todo los Andes en las alturas
Viven estos hombres entre condores y llamas
Resando sus dioses hablando por challas
Echando a la vez cocita y rimas
Baccus en el micro vino y hierbas
Pinchando chupando¿ Como estas ?
Chichita naciendo del mais sagrado
Singani de las uvas y del viento
Durmiendo en las entrañas de las tierras
Pachamama estas un lyrics con alas
Palabras como mariposas
Que frente al enemigo se vuelven armas

On a tous croqué la pomme
On se prend pour des as
Au final nous sommes
Tous dans la même engatse
Au final les hommes
Trop souvent se lassent
Des morceaux à la tonne
Du son et des basses
Des paroles qui cognent
Pour faire bouger les masses
C’est ce qu’on te donne
Pour que tu te délasses...
Leis estres dau bòsc, lei seuvans antics
Des baffles qui sonnent, des sm58,
Manda un pauc lo generau dins la sala
Que t’arriba Liber en ondas musicalas,
Manda un pauc de còps de pè dins la tradicien,
Fai petar leis encastres espòutisse lei naciens,
Es arribat lo Dieu de pampras coronat
Que se debane la fèsta, inch allah.

Pastre de delai l’aiga
As gaire de bon temps.
Diga-zo ! bailèra lèra !
Lèra-lèra lèra-lèra la !
E n’ai …

Legir tot

Pastre de delai l’aiga
As gaire de bon temps.
Diga-zo ! bailèra lèra !
Lèra-lèra lèra-lèra la !
E n’ai pas gaire, e diga-tu ?
Bailèra lèra !
Lèra-lèra lèra- lèra bailèra la !

Pastre, lo prat fa flor,
Cal gardar ton tropèl.
L’èrba es plus fina al prat d’aicí !

Pastre cossí farai ?
Aval i a lo bèl riu.
"Espèra-me, te vau cercar !"

Brave mond de Lunèu brave mond dàu Clapàs
Brave gent dàu mond entièr venètz totes escotatz
L’istòria d’un guitarrièr la …

Legir tot

Brave mond de Lunèu brave mond dàu Clapàs
Brave gent dàu mond entièr venètz totes escotatz
L’istòria d’un guitarrièr la vertadièra balada
D’un òme de Bòseman dins l’America lontana
Era mai qu’un menestral era mai qu’un laütièr
Davant son banc son taulièr era mai qu’un fachinièr
Amb sas mans de fustièr tant negras coma sa cara
Fasià naissèr de sos dets mai d’una bèla guitarra

Repic :
Sammy Black que ma cançon se passeje
Sammy Black per te mandar l’omenatge
Sammy Black d’un pichòt paure cantaire
Sammy Black que canta amb ta guitarra

L’òme sabià pas jamai ont anava sa guitarra
Somiava qu’endacòm mai casi au cap de la tèrra
Un òme un enfant benlèu fasià naissèr tantas nòtas
De son instrument novèl de sas manetas pichòtas
Ò mon fraire guitarrièr ta guitarra a mon costat
D’aquèl mond messorguièr canti l’estupiditat
Me farai totjorn guerrièr per mai de fraternitat
A mai se siòi lo darrièr per cantar la libertat

Sammy Black ièu cant’ amb ta guitarra

Balalin e balalan,
Li campano de Mazan,
Soun aqui que vènon,
Tout lou camin tenon.

Balalin e balalan,
Vaqui lou …

Legir tot

Balalin e balalan,
Li campano de Mazan,
Soun aqui que vènon,
Tout lou camin tenon.

Balalin e balalan,
Vaqui lou Càrri de Mazan,
Es aqui que vèn,
Tout lou camin tèn.
Garcès-vous lèu dóu mitan,
Vaqui lou Càrri de Mazan,
Se lou vesès pas quest’an,
Repassara mai dins vint an.

Trapat sus www.zictrad.free.fr.

Vaquí venir lo postilhon que brama
Per anonciar que tot vai començar.
E puei vaquí lo postilhon que crana
Sus …

Legir tot

Vaquí venir lo postilhon que brama
Per anonciar que tot vai començar.
E puei vaquí lo postilhon que crana
Sus son chivau que fai que de cagar.
Hò ! mai de que fan lei dos bota-en-trin
Qu’assajan de mesurar lo camin ?
An belèu begut tròp de vin
D’un mètre ne’n fan quatre ò cinc.

R. Balalin e balalant,
Vaquí lo Carri de Mazan.
Es aquí que vèn.
Tot lo camin tèn.
Garcetz-vos lèu dau mitan,
Vaquí lo Carri de Mazan.
Se lo vesètz pas ‘quest an,
Repassarà mai dins vint ans.

Puei lei tambors a grands còps de baguetas
Ran-tan-plan-plan, se cresan lei plus bèus.
Mai an pas tòrt car vaquí lei trompetas
Que bofan mai que l’àngel bofarèu.
Ah ! Coquin de sòrt, lo polit capèu
Dau cavalier que pòrta lo drapèu.
La cantiniera dau mitan
Se maridarà pas ‘quest an !

Que de travalh per lo veterinari
I a belèu mai de cent trenta chivaus.
Vaquí enfin lo grand Senhor dau Carri
Qu’es tot content de veire lei badaus.
Ieu, siáu segur qu’a chausit un grefier
Que, que, que, que, que, que, qu’es un pauc bret
Per remplaçar son vièlh viguier
Qu’es mut com’un tròç d’olivier.

Lei menestriers cantan de colhonadas
Mai li fai ren ‘quò fai ben rigolar
Lei musicians que per la galejada
Fan ba-be-lo, e be bòp a lo-là.
Vaquí lo Senhor, ‘queu dei Cacalaus
Segur qu’aquest an marca pas tròp mau.
E puei lo Senhor dei Tavans
Que son ase a lo quieu tot blanc.

Un couma mi ma maire lou fai pi
S’es rout la “machinetta” e paire ranjo pi

Legir tot

Un couma mi ma maire lou fai pi
S’es rout la “machinetta” e paire ranjo pi

Jan Braguëttou ou s’é marià
e cat fìe ou s’é pià

Una a cus l’àouta a tàia
l’àouta a fa …

Legir tot

Jan Braguëttou ou s’é marià
e cat fìe ou s’é pià

Una a cus l’àouta a tàia
l’àouta a fa capéi ëd pàia
l’àouta a fa capéi ëd fioû
për portàie a mounsinhoû

Monsinhoû ëd la capa rousa
voei savéie lo que i cousta

E se a i cousta doue couatrìn
sur la piasa ëd Turìn
sur la piasa ëd Savoia
ounda pistou la baboia

Per la Sant Antòni bèra hèsta e i a
Par la Sant Maurici tot lo monde i va
Tralalà, laralà, …

Legir tot

Per la Sant Antòni bèra hèsta e i a
Par la Sant Maurici tot lo monde i va
Tralalà, laralà, lalalà, lalà
Tralalà, laralà, lalalà, lalà.

Qu’i van tres damisèlas, que son de Lescar
L’ua ditz a l’auta : « qui’m va envitar »
Tralalà, laralà, lalalà, lalà
Tralalà, laralà, lalalà, lalà.

Balha me ta man
Te dirai la vida
Balha me ta man
N’ai legit la linha

Vira, vira pantalh
Se …

Legir tot

Balha me ta man
Te dirai la vida
Balha me ta man
N’ai legit la linha

Vira, vira pantalh
Se la vida trantalha
La musica vai,
E seguis sa dralha

Donne-moi ta main
Je t’en dirais la vie
Donne-moi ta main
J’en lirais la ligne

Vira, vira pantalh

Balha me ton còr
Te dirai sei marcas
Balha me ton còr
L’amor que s’embarca

Vira, vira pantalh…

Donne-moi ton cœur
Je t’en dirais les marques
Donne-moi ton cœur
L’amour qui s’embarque

Quan creban de hame en Africa Nera
La dròlla escopís dins la sieta plena
Que dirà benlèu cara-te la mair …

Legir tot

Quan creban de hame en Africa Nera
La dròlla escopís dins la sieta plena
Que dirà benlèu cara-te la mair !
Sadora de mèu, en-hastiada d’alh.

Balha-me rason de’m levar doman
Entà uardar lo monde se plenhar de dòu
Balha-me rason auèi d’acceptar
De deishar segar los qu’an pas semiat.

D’ara enlà au cap, ac ai meritat
Segur soi nescut a ont l’ai volgut
Atau mos parents ac an calculat
Tanben a l’armada que m’an pagerat.

Au servici, qu’i soi pas demorat
Sonque dus meses : me soi escapat
Entà cuelher lonh camins liberats
Trobèi un trabalh pagat… Engabiat !

Lo men psy m’embuca cada dia carn
Maishanta que passa per mon ganitèth
Las informacions, las televisions
Atau desbrembi maugrat d’existir.

Balha-me una cigarreta,
Vueja-me ras un gòt de vin.
L’amor lo ser vos fa riseta,
Melhor vos chapla lo matin. …

Legir tot

Balha-me una cigarreta,
Vueja-me ras un gòt de vin.
L’amor lo ser vos fa riseta,
Melhor vos chapla lo matin.
Ai pas tirat a la palheta
Se me caliá viure o morir.
Balha-me una cigarreta,
Vueja-me ras un gòt de vin.

Tornarà pas polsar l’aureta
Dins la bruga e lo romanin,
Cantarà pas pus la lauseta
Dins la frescura del matin.
La vida m’a fait la cambeta
Me soi amorrat pel camin.
Balha-me una cigarreta,
Vueja-me ras un gòt de vin.

Mòrt somiada per lo poëta,
Per lo qu’a pas de devenir.
Buf calhat dins la clarineta,
Det agrepit sul clavecin.
Caliá pas èsser plan profeta
Per solfinar ma puta fin.
Balha-me una cigarreta,
Vueja-me ras un gòt de vin.

Me donaràn pas la roseta :
I a pas cap de glòria a perir
Al camp d’amor. Quand lo còr peta,
Que siá aval, que siá aquí...
Entre la ròsa e l’amoreta,
Jamai non ai sauput causir.
L’aura s’esquiça sus l’acrin.
Balha-me una cigarreta...

Qun plaser per las vacanças
De navigar sul canal
Es dins lo sud de la França
Al país meridional

Embarcam …

Legir tot

Qun plaser per las vacanças
De navigar sul canal
Es dins lo sud de la França
Al país meridional

Embarcam a Tolosa la ciutat de las violetas
Son rugbí es conescut dins tota la planeta
Lo Capitòla nos encanta e disèm bravissimo
Per immortalizar la voès de Nogarò

Dins la campanha, las alas d'un molin nos saludan
L'escala a Castèlnau d'Ari serà la plan venguda
Son caçolet es tant apreciat
E ben, avèm plan fait de nos arrestar, è !

Al lènc s'anonçan las tors de Carcassona
Tot lo monde descend ; la visita serà bona
Los remparts de la Ciutat gardaràn per totjorn
Lo riche patrimòni ambe un grand amor.

Lo canal en passent s'apròcha d'Argelièrs
Patria de Marcelin Albèrt que podèm èsser fièrs
Defensor dals vinhairons roinats dins la misèria
Sa memòria demòra gravada dins l'estela.

Arribam a Besièrs ont es nascut Riquet
Sa sciéncia permetèt de montar lo projèct
De faire lo canal que tant aviá revat
Son estatua perpetua a jamai son passat.

Siam pròche de Seta per l'estanh de Taur
Lo mont Sant Clar survelha d'amont-naut
Brassens e Valéry an marcat per la vida
La memòria demòra solida dins la vila.

Lo viatge s'acaba e disèm plan mercé
A totes los òmes qu'an trabalhat per aver
Aquela òbra tan volguda d'un canal sens parelh
Riquet agèt la pròba per decidar Colbèrt e lo rei Solelh


Qun plaser per las vacanças
De navigar sul canal
Es dins lo sud de la França
Al país meridional

Interprétation française (Le Canal)
Quel plaisir pour les vacances
De naviguer sur le canal
C'est dans le sud de la France
Au pays méridional.

Nous embarquons à Toulouse la Cité des violettes
Son rugby est connu sur toute la planète
Le Capitole nous enchante et nous disons bravissimo
Pour immortaliser la voix de Nougaro.

Dans la campagne, les ailes d'un moulin nous saluent
L'escale à Castelnaudary sera la bienvenue
Son cassoulet est si apprécié
Nous avons bien fait de nous arrêter.

Au loin, s'annoncent les tours de Carcassonne
Tout le monde descend la visite sera bonne
Les remparts de la Cité garderont pour toujours
Le riche patrimoine avec un grand amour

Le canal s'approche d'Argeliers
Patrie de Marcelin Albert ; nous pouvons être fiers
Du défenseur des vignerons ruinés par la misère
Sa mémoire demeure gravée dans la pierre.

Nous arrivons à Béziers où est né Riquet
Sa science permit de réaliser le projet
De faire le canal dont il avait tant rêvé
Sa statue perpétue à jamais son passé.

Nous approchons de Sète par l'étang de Thau
Le mont Saint-Clair surveille depuis sa cime
Brassens et Valéry ont marqué pour la vie
Leur mémoire demeure ancrée dans la ville.

Le voyage prend fin et nous remercions fortement
Tous les hommes qui ont travaillé pour avoir
Cette oeuvre si désirée d'un canal sans pareil
Riquet sut convaincre Colbert et le Roi-Soleil.

Quel plaisir pour les vacances
De naviguer sur le canal
C'est dans le sud de la France
Au pays méridional.

Mon rèiregrand s’apelava Balo, un ors tinhós que podiá d’un butassal fotre un pin centenari pel sòl.
Mon grand s’apelava …

Legir tot

Mon rèiregrand s’apelava Balo, un ors tinhós que podiá d’un butassal fotre un pin centenari pel sòl.
Mon grand s’apelava Balo. Èra la terror de la selva amb un macarèl de gronhament a te far dreiçar los pelses sus l’esquina a vint kilomètres, un gronhament qu’a costat d’aquel los de Jurassic Park èran de farlabica.
Mon paire s’apelava Balo, que podiá manjar d’un còp un vintenat de salmons sens aver una crisi de fetge.
E ieu m’apèli Balo..
E mon filh tanben s’apelarà Balo.
Soi un eslovèn, d’una familha d’eslovèns plantigrads de paire en filh.
Vaquí per las presentacions

Repic :
Balo mon fraire
Balo mon fraire
Siàs estrangièr
Soi trop luènh de ma terra
(siàs trop luènh de ta terra)
Ma terra eslovèna
(ta tèrra eslovèna)
Largat dins los Pirenèus
Balo mon fraire
Balo mon fraire
Siàs (soi) estrangièr

Mon istòria es l’istòria d’un expatriat involontari e pas clandestin que soi arribat en França dins un camion oficial del govèrnament menat per vint-e-quatre motards, coma lo Sarkozy.
Èri aqui, que diguèron, per amenar una contribucion à la biodiversitat.
Dal còp, me montèri plan lo còl, mas lèu descantèri quand me metèron un colar G.P.S e un emissor dins lo ventre coma lo Robocòp, que bronzinava, bronzinava e me fotèt de bravas colicas. Ambe tota aquela electronica, pensabi qu’arribariá a captar totas las radiòs.

Ici Londres…Les ours hiberneront après avoir mangé le miel…

E me vaquí victima de la deslocalizacion dins un païs que conéissi pas…un polit païs, pr’aquí pr’aquò, mas un païs ambe de madurs vestits de verd, d’amòrris amagats dins los bartasses e qu’ensajan de me plombar lo cuol.
Quina vergonha ! E tot aquò per qualquas fedas, per qualques pichons prelèvaments suls tropèls per çò que pòdi pas viure de rasonaments e d’aiga fresca !
Pensi qu’aquò dèu èsser una venjança dels pastres que me pòdon pas véser.
Mas i pòdi pas res se soi un animal totemic e se, un còp èra, d’orses occitans venián de còps raubar de pastorèlas !
Cal avertir lo Dalaï Lama o la Brigida Bardòt, la Bela del Ciné que totòm a sa fotò !

Ont es l’amor dins tot aquò ? E consí trapar una femèla, que sèm que quatre pelats dins tota la cadena dels Pirenèus ?!
Aviá rendetz-vos ambe la Franska, mas moriguèt sus l’estrada per ço que portava pas de gilet jaune, que la lei èra pas encara passada.
Me caldrà passar benlèu del costat espanhòl !
Monsur Zapaterò ! Se dits qu’al vòstre païs n’i a mai de femèlas e que son mai caudas coma la Bèla de Cadiz !
Aicí es la misèria sexuala ! E totjorn aqueles caçaires !
L’ivèrn passat, m’a calgut prener de somnifèris per dormir e fasquèri pas que somiar, somiar que descendiá dins la Granda Vila e que fotiá de bravas morniflas als buildings coma lo Godzilla.
M’auràn pas ! Farai pas coma lo King Kong qu’acabèt sa corsa ennaut d’un gratacèl e se batèt a còps de punh contra los avions.
Montarai a Montsegur.
A Montsegur, segur que me traparàn pas.
Aquel monde es lo monde del diable !
E ièu soi vengut catar, catar, catar !

A las batalhas del rei
Los que i van non tornan gaire
Si bel Joan se n´es tornat
Non pas …

Legir tot

A las batalhas del rei
Los que i van non tornan gaire
Si bel Joan se n´es tornat
Non pas Joan-Frances encara.

Sa maire lo veguèt venir
Per un prat que verdejava
Conegut a son regard
Qu´el sèu enfant èra trist

-Filhèt, lo mièu filhèt
Qinas colors an tas faldas?
Si tu n`es estat malaut
O s´es estat en batalhas?

-Non som pas estat malaut
Mès ben estat en batalhas
Entre ièu e mon caval
Que portam vint e nòu plagas

Aprestatz-me un bon lèit
Ièu non i estarai gaire,
Serai mòrt a mièjanèit.
Mon caval a punta d´alba

Enterratz me al sarrat
Mon caval la campanha
A ièu cargatz me de flors
Al caval totas las armas.

E diran los passejants:
-De quin son aquelas armas?
-De l´enfant de Lisardon
Qu´era estat a las batalhas

Sem trenta, o ben quaranta,
tots ladres, Díu que banda
e mi, lo pus salòp síu lo cap de tot …

Legir tot

Sem trenta, o ben quaranta,
tots ladres, Díu que banda
e mi, lo pus salòp síu lo cap de tot lo tròp
De morres da galera, de esquiaus da vender en fiera,
e mi, lo pus marrit, síu lo mestre di bandits
Portem òuta ent’i vies tempesta e temporíer
lo tron di nòsti esquiòp e i besties al galòp
Sus la nòsta carriera raubavem tot çò qu’i era,
ai paures a ai segnors, nos portavem via i valors
E sensa estar a veire gavem ai conts e ai preires,
jurant contra i padrons d’aquest e de l’aute mond
Abó l’òr raubat dal vesco bagases e vin a l’òsto
e mi, lo pus mortal, arversat sus en botal
E dui carabinìer i gropen i chavilhes,
lo pòrten a empicar propi a l’ora dal marchàt
Sarèn beleu quaranta i ladres de la banda,
darreire d’un buisson ura i mòsten, beic-lo amont!

1.
De bon matin se leva,
Barabim, barabam, bam, bam;
De bon matin se leva,
Dis que s'en vòl anar, …

Legir tot

1.
De bon matin se leva,
Barabim, barabam, bam, bam;
De bon matin se leva,
Dis que s'en vòl anar, e-i-a, e-i-a,
Dis que s'en vòl anar.

2.
S'en vòl anar a Marselha...Veire lo rei passar...

3.
Lo rei es en fenèstra...Que l'agacha passar...

4.
_"Quala es aquela dama...Que se passeja tant...

5.
_Ièu soi pas una dama...Soi filha d'un paisan...

6.
_Se volètz èstre reina...Ièu vos esposarai...

7.
-Vòli pas èstre reina...Vòli préner un paisan"...

J’ai mis quatre planches
Un cyprès, deux vignes, c’est ma baraquette,
On y vient le dimanche,
On y chime, on …

Legir tot

J’ai mis quatre planches
Un cyprès, deux vignes, c’est ma baraquette,
On y vient le dimanche,
On y chime, on se vide la tête.

Pas de pays sans paysan,
Pas de bartàs sans baraquettes
Loin des pâles lotissements,
Loin des plages à starlettes
Loin de la ville qui se la joue
Près des collines, au bord de l’eau,
Loin de leur société de fou
Bien loin du pays des conos…
J’ai mis quatre planches
Un cyprès, deux vignes, c’est ma baraquette,
On y vient le dimanche,
On y mange, on se vide la tête.

Ça sent comme il faut les étangs,
On y voit le mont de Sète,
Sous l’autoroute, au milieu des champs,
La garrigue est pas très nette,
C’est là-haut vers le Pic Saint Loup
Plus loin vers les hauts-plateaux,
Loin de leur train-train de « capbords »
Loin de l’usine et du boulot.

J’ai mis quatre planches
Un cyprès, deux vignes, c’est ma baraquette,
On y vient le dimanche,
On y chante, on se vide la tête.

Et s’ils me gonflent, font les caguants
J’irai vivre dans ma baraquette,
Pas besoin de villa tout en ciment,
S’urbanisation pas du tout nette !
Tranquille je me ferai mon trou,
Près des collines au bord de l’eau,
On vivra d’amour, le reste on s’en fout,
Quitte à avoir les flics sur le dos.

Mais je vous vois tous venir de loin :
« Comment tu feras pour ton sound system ? »
T’inquiètes, moi je crains dégun,
Je tourne au solaire et à l’éolienne !

J’ai mis quatre planches
Un cyprès, deux vignes, c’est ma baraquette,
On y vient le dimanche,
On y chime, on se vide la tête.

A la cala dins la baraqueta
A la sosta dins la cabaneta
Al bòrd dals palus o dins la montanha
Fasèm just ! ribon ribanha…

Tu sordat renegat. Ven armat e vau mandar.
Va t’en vito, aquí non sies convidat.
Vai t’en, vai, de la …

Legir tot

Tu sordat renegat. Ven armat e vau mandar.
Va t’en vito, aquí non sies convidat.
Vai t’en, vai, de la mieu terra, vai, m’au fusiu, tu ven armat, e cauria la plantar ?
Li mieu arma potenti, lou son ben mai, son lu mòt, lo pantai.

Tu pirata, mercenari, garda ben lo tieu drapeu,
mondanas, sas desacordi de tu,
lo mieu monde es una lenga, es.
Quora cantes, as la bila e quora canti sieu uros
Canta, canta, quora t’arresteras ?
Suorte d’aquí, de la mieu terra, suorte.

Suorte, as tuort, lo tieu monde es estuort.
Sies fuort de cen que de la fuorça de suau, au,
De la tieu fuorça de muort, ma cenque vòu, pòu.

Puortes en tu, tu, mas cu sies per mi dire dont anar ?
Ieu que sabi manco dont vau, vau, dont mi puorta lo vent de la vida,
e ai lo temps que passa, dura, dura, aqueu temps que va e ven.

Puorta la cros que as, vai que l’as.
Cadun la sieua e tu la tieua, que as ?
Muostra la e puorta-la, non escondre ren, ren, ren, ren.

Davalavo dóu cèu dins la niue
S’esquihavo pertout, liuen dis iue.
La gorbo pleno de privadié
Pèr li pichot soulié. …

Legir tot

Davalavo dóu cèu dins la niue
S’esquihavo pertout, liuen dis iue.
La gorbo pleno de privadié
Pèr li pichot soulié.

De téulisso en téulisso amoundaut
Distribuïssié dins chasque oustau
Emé si presènt, à cop segur,
La joio e lou bonur.

À l’agachoun davans la chaminèio
L’avèn jamai vist
Veni pourgi si jouguet à la ninèio.

Pamens assajavian de garda
Tant e pièi mai li parpello à brand
Mai la som nous reprenié subran
E jamai lou vesian.

Lou marchand de sablo èro passa davans.
M’acò lis enfant
Jamai l’an vist lou vièi papet barbo-blanc.

Ai-las tout a chanja dins lou mounde ;
E vuei avèn de tout en abounde.
Es tout parié pèr li paire Nouvè,
Que n’i’a un fourniguié.

E darnié si barbo de coutoun
Se n’en vèi dins tóuti li cantoun
De la vilo e li super marcat
N’an l’especialita.

Que dins tóuti li carriero, un mes durant,
Róugis espravant
Se n’en vèi pertout agachant lis enfant.

Lou paire Nadau d’à passa-tèms
Delegavo si dré i parènt
Qu’uno fes lis enfantoun au lié
Garnissien si soulié.

Lou marchand de sablo èro passa davans.
M’acò lis enfant
Jamai l’an vist lou vièi papet barbo-blanc.

Lou marchand de sablo èro passa davans.
M’acò lis enfant
Jamai l’an vist lou vièi…
Jamai l’an vist lou vièi…
Jamai l’an vist lou vièi papet barbo-blanc.

Barcatièra de Ròse,
Tu qu'as poder sus l'ombra
Se mi passes ma bèla
Fins qu'a l'iscla de mar
Ti darai …

Legir tot

Barcatièra de Ròse,
Tu qu'as poder sus l'ombra
Se mi passes ma bèla
Fins qu'a l'iscla de mar
Ti darai ma joinessa
Çè que sabi de l'aiga
E lei rotas dau flume
E lo retrach dau soar
Quand toarnon lei sasons.

Barcattièra de Ròse lan-là
Barcattièra de Ròse lan-là
Fai mi passar ma bèla
Lan-là dins ta penèla
Fai mi passar ma bèla
Lan-là dins ton fielat.

Se mi la passes viva
Lon-di-là dins ta penèla
Se mi la passes viva
Lon-di-là dins ton fielat
Ti darai la flor dei nivas
Lan-là dins ton fielat.

L'ai vist de long de l'aiga
Correr entre lei saladèlas
L'ai vist de long de l'aiga
'me lo sorèu dintre sei bras
Tombar dedins leis augas
A l'ora palinèla
Tombar dedins leis augas
Au flume se'n anar.

L'iscla de mar s'aliuencha
D'a mesura que nades
Mai laissa ti negar
Dins lo flume que raja
Li saràs dins l'instant
Que la flor si fai grana
Li saràs dins l'instant
Que l'aiga viva passa.

Ei doça l'iscla bruna
Coma un enfant que dintra
Si pensant d'autrei cauvas
Es la foant dei sèrènas
Onte jason lei barcas
Es la cala dei sinhas
La man de sembelin
Que fa passar lo temps
Per lo cas de l'aguilha.

Ela es filha de lume
Lon-di-là dins ta penèla
Ela es filha de lume
Lon-di-là dins ton fielat
E sièu pèis d'aiga fonsa
Lan-là dau flume nègre
E sièu pèis d'aiga fonsa
En Arle 's mon ostau...

R-E ! Barnabèu, tei braias
Son grandas de talha.
Te faudriá, crèses pas,
Un pauc lei remontar ?
E! Barnabèu, …

Legir tot

R-E ! Barnabèu, tei braias
Son grandas de talha.
Te faudriá, crèses pas,
Un pauc lei remontar ?
E! Barnabèu, tei braias
Son grandas de talha.
A! Lei braias a la mòda
Es pas totjorn comòde.

1- Un divendre matin
Que fasiá força bèu,
S’èra mes en camin
Mon amic Barnabèu.
Come aviá quatre sòus,
Qu’èra un pauc besuquet,
S’èra vestit de nòu,
E sa fema disiá :

2-Barnabèu qu’èra fièr,
Fasiá gaire atencion,
Car s’èra endralhat per
Faire lei comissions.
Dins lo super-marcat,
I aviá de promocions.
E per lo tartiflar
I aviá la Margoton

3-Barnabèu a vogut
Destacar un cadí,
Mai a jamai poscut
Bòrd qu’es pas desgordit.
Ara lei carretons
Fau lei descadenar,
E come es tròp colhon,
Posquèt pas i arribar.

4-"Te’n fagues pas mon bèu"
La Margoton li a dich:
"I arribarem belèu,
Sensa prendre un cadí.
Prendrem tot dins lei braçs
Un pauc tu, un pauc ieu,
Ne’n metrai dins lo cas
Un pauc dins mon faudiu."

5-Son rintrats d’escondons
Dins lo super-marcat,
E Margòt, tron de nom,
Voguèt tot achatar.
Crompa que cromparàs,
Margòt fasiá tant lèu,
Que dins tres torns de braç
N’aguèt plen son faudiu.

6-"’Queste còp, Margoton"
Li diguèt Barnabèu,
"Crèse que n’avèm pron,
Vas petar ton faudiu".
"Taisa-te, grand fadat"
Li diguèt Margoton,
"As que de ne’n botar
Dedins ton pantalon."

7-Barnabèu, non de non,
Se faguèt pas pregar;
Quitèt lo centuron,
Comencèt de cargar,
La Margòt vesent ’quò,
I meteguèt pereu
Tres quilòs d’aubricòts,
De tartifles e de mèu,
Un camembert ben fach,
Un pauc de Panzanís,
Un pauc de Bananià,
E puei es pas fenit :
De merluça a la sau,
E de Coca-Colà,
Un pareu d’estivaus
E de buòu conjalat.
Un pauc de papier-quieu,
Un pauc de chocolat,
Quatre tricòts de pèu
E dos melons crapats.
Un paquet de Conus
Antí-depausicion
Qu’an mostrat tot bèu just
A la television.

8-Quora a faugut pagar
’Quò siguèt plus parier
A faugut desbralhar
Tota la "palanqué".
E vaquí Barnabèu
Descargar ’mé Margòt,
Lei tartifles novèus,
Lo mèu, leis aubricòts.
Vaquí lo papier-quieu,
Vaquí lo chocolat,
E lei tricòts de pèu,
E lei melons crapats,
Lo paquet de Conus
Antí-depausicion
Qu’an mostrat tot bèu just
A la television.
La merluça a la sau
E lo Coca-Cola,
Lo pareu d’estivaus
E lo buòu conjalat.
Vaquí lei Panzanís,
Vaquí lo Bananià,
Mai mancava pardí
Lo camembert ben fach!

R-E la caissiera en aia
Badava lei braias,
Disiá: "Oblidatz pas
De ben lei remontar.
Ai jamai vist de braias
Tant grandas de talha.
E lei braias a la moda,
Ara, son ben comòdas.

9-Mai l’amic Barnabèu
Sentiá degolinar,
Enjusqu’a seis artèus,
Lo camembert tròp fach.
Empestava tant fòrt
Que diguèt per blagar:
"Bregand, coquin de sòrt,
Se deu èstre envolat !"

1-Amondaut dins la montanha,
Dins un mas tot escrancat,
Era encara la campanha,
Un gau fasiá que cantar.
Aquí restava …

Legir tot

1-Amondaut dins la montanha,
Dins un mas tot escrancat,
Era encara la campanha,
Un gau fasiá que cantar.
Aquí restava un paure ome:
Bartomieu, lo vielh pacan,
Atifat ’mé son costume
Petaçat de carmentran.

R-Mai son còr a Bartomieu
Era pas tot petaçat.
Mai son còr a Bartomieu
Era pas tot estraçat.
Mai son còr a Bartomieu
Era pas tot espeçat.
Mai son còr a Bartomieu
Era pas encar passat.
I aviá totjorn sus sa taula
Una sieta per quauqu’un.
I aviá totjorn dins sa granja
Una jaça per quauqu’un.
I aviá totjorn dins sa cava
Un pauc de vin per quauqu’un.
I aviá totjorn dins son fuòc,
Una flama per quauqu’un.

2-Aviá ’na vesta traucada
Qu’aviá perdut sei botons.
Urosament qu’èra cauda,
Facha de pèu de moton.
Come un bomian, lo paure ome
’Mé son capèu estraçat
Que quand ploviá fasiá come
Lei cats per pas se banhar.

3-Quand Bartomieu s’assetava
Sus son banc tot esclapat,
La chaminèia tubava
E lo bosc mancava pas.
Aviá ’na vièlha bofarda
’Mé lo bot tot espeçat.
E tirava una bofada
Per atubar lo tabac.

4-E s’un còp dedins ta vida
Siás un pauc malanconieu,
Fai un torn per la bastida
D’aqueu paure Bartomieu.
Ieu, m’agradava aquel ome
’Mé son tricòt tot passat
Que quand èra jovenome
Sa grand li aviá tricotat.

basta per ieu de morir dins mon pais
basta per ieu de ie estre aclapada
de me ie fondre, de …

Legir tot

basta per ieu de morir dins mon pais
basta per ieu de ie estre aclapada
de me ie fondre, de me ie avalir
de me ie anaquelir, de me ie fondre dedins
basta per ieu de morir dins mon pais
e de renaisse, de renaisse bauca o flor
una flor que culira un enfant abalit
dins mon pais

basta per ieu d'estre dedins ma terra
dins lo ventfie de ma terra
dins lo cor de ma terra
dins la fauda de ma terra
estre bauca, flor, dins mon pais.

A Vièla e a Vilhèras qu’avem quauques turments,
Dab la valea d’Aspa qu’avem gran diferent.

Montanhas son montanhas, non n’i …

Legir tot

A Vièla e a Vilhèras qu’avem quauques turments,
Dab la valea d’Aspa qu’avem gran diferent.

Montanhas son montanhas, non n’i a com las d’Aishòs,
Au mensh tant desirada, deu vilatge d’Escòt.

Que volèn la termièra_ au som deu Tucolet,
Au còl de Maria Blanca, lo mes beròi endret.

Tretze vaquèrs de Vièla, que pujan t’aquí haut.
Que traucan la Tecoèra entà Camor de haut.

Qu’anàn liurar batalha a d’aqueths grans brigands
Tà defénder la tèrra que tots aimavan tant.

S’avèn leishat borrugas au cap deus grans barròts;
Entà ’star mei solides que’s tiran los esclòps.

Sèt demoràn per tèrra estenuts aus Camors,
Los auts avón a huéger capvath deu Varescon.

Partín au mei a córrer, entà darrèr deus plors,
T’anar portar la plenta, au parquet d’Auloron.

Los de Vièla tranquilles que’us espiavan a har :
« Que podetz tostemps córrer, qu’avem ganhat l’ahar. »

Que plantàn la termièra, darrè’u serròt d’Aishòs.
La crotz qu’ei a la vista, au pè deu gran garròc.

E quan tornèn tà casa que podèn estar fièrs
De racontar l’istuèra coma de grans guerrièrs.

E tota la joenessa qui aimavan lo bestiar
Dab gran reconeishença, lo ser, qu’anàn tringar.

Adiu Maria Blanca e los Camors d’Aishòs,
Non i a nada contrada qui ei autant bèra enlòc.

Ca-vietz audir joenessa
La planhta deus vetèths
Que jo n’èi gran tristessa
De’us véder presonèrs.

La libertat qu’ei bèra
E …

Legir tot

Ca-vietz audir joenessa
La planhta deus vetèths
Que jo n’èi gran tristessa
De’us véder presonèrs.

La libertat qu’ei bèra
E la lutz deu bon Diu
A jo m’an dit de qu’èra
Entà tot çò que viu.

Sarrats dens ua cauja
Shens se poder mudar
Shens conéisher la maire
Ni l’aulor deu mentràs.

Tot lo dia que ploran
Dab uèlhs desesperats
A jo m’an dit de qu’èra
Aquò un gran pecat.

No saben la montanha
Ni l’èrba deu pradolh
E n’audeishen deu Gave
Lo briu plen de gorgolhs

De la tèrra mairana
Que son desarrigats
A jo m’an dit de qu’èra
Gran dòu e gran pieitat.

T’à tirar d’esclavatge
Nostes hrairs los vetèths
Trencar loas estacas
Qu’ei hèit quate coplets.

La libertat qu’èi bèra
E jo que voi cridar
Permor que m’an dit qu’èra
Un dret de la guardar.

Ai dins lo còr coma un ritme t’amor fòl
Ai dins lo còs una plaga coma un dòl
Ai dins …

Legir tot

Ai dins lo còr coma un ritme t’amor fòl
Ai dins lo còs una plaga coma un dòl
Ai dins los uòlhs de belugas per aimar
Ai dins las mans una enveja de donar

De femnas-solelh et d’òmes de plueja
Ai set d’un pais et la copa es vueja

Ai vist la mar silenciosa en ivern
Ai vist ton pas dessenhat sul camin verd
Ai vist ton nom escrich coma un crit d’esper
Balha ta man siam ensems aqueste ser
D’esser silenciós mon pòble s’anuja
Farem un pais se n’avem l’enveja