E tic tac, e tic tac,
Qu’ei l’òra de partir
E tic tac, e tic tac,
Qu’ei la crotz deus …

Legir tot

E tic tac, e tic tac,
Qu’ei l’òra de partir
E tic tac, e tic tac,
Qu’ei la crotz deus camins,
Que te’n vas e donc adiu,
Que’t vam seguir dincau portau,
Lo hat que segueish lo briu,
E atau qu’ei e qu’ei atau.

Quan la mair ved partir
Lo darrèr deus sons hilhs,
Qui se’n va, com l’ausèth,
Non sab tà quin país,
Qu’ei tristèr, qu’ei doçor,
Un drin com un ser de Nadau,
Quan ei doça la dolor,
E atau qu’ei e qu’ei atau.

Hens l’eslama deu huec,
Tostemps que’t vederèi,
Hens la cançon deu vent,
Tostemps que t’escotarèi,
E adiu, ‘cò batlèu,
Sus un aute caminau,
Devath un aute sorelh,
E atau qu’ei e qu’ei atau.

Uno cançon d’Amour
Cançon en milo lengos
Qu’un ancian troubadour
Venguét canta un jour

Es la cançon d’Amour
Cançon en …

Legir tot

Uno cançon d’Amour
Cançon en milo lengos
Qu’un ancian troubadour
Venguét canta un jour

Es la cançon d’Amour
Cançon en milo lengos
Qu’un nouvèu troubadour
Vous cantara toujour.

Es vengut le temps
De mostrar sa cara
De daissar tombar
La falsa masqueta
Es vengut le temps
De durbir …

Legir tot

Es vengut le temps
De mostrar sa cara
De daissar tombar
La falsa masqueta
Es vengut le temps
De durbir l'ostal
D'èsser un moment
Un pauc sentimental...

Te dirèi qui som
Me diràs ont vas
E sense faiçon
Anirem somiar
Luènh dins las estèlas
Prigond dins la mar
Auèi sus la tèrra
Deman dins le passat...

Al païs de l'aiga
Nos podrem banhar
Perdrem la memòria
Per i demorar
Nos farem mainatges
Contes o istòria
Dins nòstre reialme
De rason madura...

Es vengut le temps
De passar lo pont
De durbir le còr
A d'autras sasons
Es vengut lo temps
De viure per jòc
D'oblidar ensems
Totas las leiçons...

E me vaquí tornar, a butar la romança,
Lo morre enfarinat e las quatre susors.
Es pas per fantasiá ni …

Legir tot

E me vaquí tornar, a butar la romança,
Lo morre enfarinat e las quatre susors.
Es pas per fantasiá ni per acostumança,
Mas per te dedicar, manhaga, mas cançons.
Del modèste coblet al cant protestatari,
Lo Vinhairon, Lo Tastapet, Lo Dromadari,
Tant paraulas d’amor coma panpantutú,
Tot çò que cantarai, o vau cantar per tu.

S’ai un trauc, qualque còp, mai se la votz me manca,
Se mon front se rafís qu’espia lo vielhum,
Es qu’èri pas nascut per èsser sauta-en-banca,
Que soi perdut sens tu, negat jos aquel lum.
E las gents son aquí, dins la sala enfumada,
Que se van esclafar a cada colhonada,
Sens saupre qu’ères tu, ma talent e ma set,
De ma boca l’alen, de mon còr lo polset.

Sens saupre que tos dets tot còp se desplegavan,
Comptant cada jorn d’un bonur sens endeman.
Mas tanlèu començar, i a d’amors que s’acaban ;
Lo nòstre, de mas mans, me l’an fait escanar.
Dempuèi vesi passar sens chuc ni muc ma vida.
L’arma de ma guitarra en dòl s’es arropida ;
De badas n’ai cambiat : n’èra pas de besonh,
Las còrdas jos mos dets an pus lo mème son.

Sabi qu’a fòrça mond mas rimas van paréisser,
Plegadas de mistèr’, coma los oroscòps,
Daissant las magarús totas s’i reconéisser
Que sens un pel d’amor, m’aimèron autres còps.
Pasmens te fises pas a l’idèa unanima
Car per ieu ta cançon es pas ges anonima :
T’ai volguda gardar dels chaupins, dels chapòts,
Mas ton nom l’ai aquí, a me cremar los pòts.

Uèi los refranhs d’amor empobolan las ondas ;
Fan pas trentatres torns que ja son enanats
Sens aver mai viscut qu’un manat de segondas.
De sasònhas atal, ne sabi de farnats.
Tanben me’n fiqui pro se la d’aquí agrada,
Se la veirem o pas deman al it-parada,
Mas anuèit, al, pus fons de ma mòrta sason,
M’es estat un bonur de cantar ta cançon.

Bèth chivalièr qui partitz a la guèrra
T’on vatz enqüèra, tan luenh d’ací
Non vedetz pas que la nueit ei …

Legir tot

Bèth chivalièr qui partitz a la guèrra
T’on vatz enqüèra, tan luenh d’ací
Non vedetz pas que la nueit ei pregonda
E que lo monde n’ei que chepic

Vos qui credetz que las amors deishadas
De las pensadas, se’n van shens mau
Ailàs, ailàs, los cercadors de glòria
La vòsta istòria s’envòla atau

Bèth chivalièr qui partitz a la guèrra
T’on vatz enqüèra, tan luenh d’ací
Que’n vau plorar jo qui’m deishavi díser
Que mon arríser èra tan doç

La tisana de mèl
Fa garir del cancèl
La tisana de tè
Fa davalhar la sang al pè

Lailalalalèra
Lai …

Legir tot

La tisana de mèl
Fa garir del cancèl
La tisana de tè
Fa davalhar la sang al pè

Lailalalalèra
Lai ! som l'adobaire
Lailalalalèra
Lai ! l'endevinaire

La tisana de caucida
M'a fait venir la pepida
La tisana de saniçon
Fa venir l'estomac bon

La tisana de pimpanèla
Fasquèt morir madomaisèla
La tisana de jolverd
Fa venir lo gosièr verd

La tisana de glaujòl
Farà morir l'aujòl
Per la tisana de socin
Val mès beure un còp de vin

La tisana de grata-cuol
Fa tombar redde coma un pibol
La tisana de gabèl
Fa atrapar la pèl.

Sul mestièr de la solituda e del fial de mon languiment
ai tescut amorosament la conçon lenta de l'espèra
qu'es …

Legir tot

Sul mestièr de la solituda e del fial de mon languiment
ai tescut amorosament la conçon lenta de l'espèra
qu'es aimablòta a sa manièra mas un pauc tristòta a moments

Sul tornet pacient de las oras ai fialat de mos pensaments
la cançon doça de l'espèra que fa passar fòrça misèra
e son anar nos es plasent.

Que la cançon de siague brava, vire, vire lo dabanèl.
Gaujosa d'un tin-tin d'esquilha dont lo terme s'escaravilha
dins lo solenci dels morrèls, encara umida, amai banhada
de clar de luna, d'albairada e de bèl-bèl.
La dirai per tu, familièra, la cançon tendra de l'espèra
leugièra e doça coma un vèl que l'ai tescuda e l'ai fialada
de ta presença desirada e de qualquas fialas de cèl.

Au ton coenh qu’as un riban blanc
Blanc com nèu au sorelh lhevant (bis)
Bèra hialaira, bèra hialaira
Que hialas …

Legir tot

Au ton coenh qu’as un riban blanc
Blanc com nèu au sorelh lhevant (bis)
Bèra hialaira, bèra hialaira
Que hialas deu matin au ser
Ditz-me perqué
Vira , husèth, vira, vira
Deu matin au ser vira, vira (bis)
Que cau ua pelha entà abilhar
La mainada qui vam batiar.

Au ton coenh qu’as un riban blu
Blu com la flor deu lin madur (bis)
Que cau, quan se mariderà
Ua camisa nava a’s botar.

Au ton coenh qu’as un riban roja
Roja com l’auba quan i a ploja
Que’u calerà quan plorirà
Un mocadèr entà s’eishugar

Au ton coenh qu’as un riban negre
Negre enqüèra mei qu’un tròç de pega (bis)
Bèra hialaira, bèra hialaira
Que hialas deu matin au ser
Ditz-me perqué
Vira , husèth, vira, vira
Deu matin au ser vira, vira (bis)
Que’u calerà, Quan morirà
Un linçòu entà l’enterrar.

Mossur, que’vs vieni saludar,
E aqueth boquet presentar.
Desligatz donc vòste bosset
Entà pagar lo dançar !
E lo qui …

Legir tot

Mossur, que’vs vieni saludar,
E aqueth boquet presentar.
Desligatz donc vòste bosset
Entà pagar lo dançar !
E lo qui mei i botarà
Lo boqueton s’emportarà.

Aqueth boquet n’es pas pagat,
Lo caça-can lo va sauvar.
Desligatz donc vòste bosset
Entà pagar lo dançar
E lo qui mei i botarà
Lo boqueton s’emportarà

Ieu ne sabi una cançon Melania
Que n’es plena de messorgas
E se i a cap de vertat Melania
Vòli …

Legir tot

Ieu ne sabi una cançon Melania
Que n’es plena de messorgas
E se i a cap de vertat Melania
Vòli que me raunhan las onglas
Partiguèri per un país doça amiga
Quèra tot plen de maravilhas
Quò’s l’Infèrn o lo Paradís doça amiga
Era campat al mièg d’una iscla.

I arribèri un bèl matin Melania
Que la luna fasiá la guinha
Me demandes pas lo camin Melania
Era auna autra galaxia...
A cima d’aquel estat doça amiga
I èra un vièlh tissós plan triste
Que moninava coma un damnat doça amiga
Davant son tropèl de ministres.

Tot lo jorn aquel colaud Melania
Sus un ordinator de ciri
Desquilhava de babaus Melania
Que i volián raubar l’empiri.
Passèri per un canton doça amiga
Ont fasián butar de figas
N’èran gròssas coma d’avions doça amiga
N’engraissavan de formigas.

Se vesiás lo bestialàa Melania
Qu’abalissián dins las usinas
De tessons coma d’ostals Melania
E d’ègas coma de molinas.
Los ciutadans d’aquel airal doça amiga
Manjavan pas que de pastilhas
Ne prenián per totes los mals doça amiga
Per las jòias o per las iras.

Çò que trapèri mai fat Melania
Dins aquel luòc de tirania
De femnas n’i aviá pas cap Melania
Se’n fasiá pas pus dempuèi un briu
E dins los super mercats doça amiga
Al mièg d’un mont de pacotilhas
S’i vendiá fòrça drollats doça amiga
Estropats coma de momias.

N’i aviá de cars o de donats Melania
De totas las categorias
D’aluserpits de manuals Melania
D’estampilhats de milesimes
Los dius d’aquel pòble caluc doça amiga
Eran de vièlhas maquinas
Que caliá pregar de contunh doça amiga
O te cambiavan en monina.

Lo fin del fin dins aquel país Melania
Era de se passejar dins l’aire
A cavalon sus de tapís Melania
E d’anar dins totes los caires.
Partissián als quatre fèrs doça amiga
Lo cap enbàs coma d’aranhas
Vesián la vida a la revèrs doça amiga
Los gardava de la maganha.

Per fugir aquel airal Melania
Que tròp es tròp me matrassava
Te sautèri dins un radal Melania
Que brandava dins una cava
Mas aquel fuòc virtual doça amiga
M’emportèt a travèrs las ondas
Per un viatge intersideral doça amiga
Que me tornèt dins nòstre monde.

Ieu sabi una cançon, miladieu ! Ieu sabi una cançon, (bis)
tota plena de messorgas latom patatom, tota plena de …

Legir tot

Ieu sabi una cançon, miladieu ! Ieu sabi una cançon, (bis)
tota plena de messorgas latom patatom, tota plena de messorgas.

Se i a cap de vertat, miladieu ! Se i a cap de vertat,
me’n rosegui las onglas latom patatom, me’n rosegui las onglas.

Manèri al mercat, miladieu ! Manèri al mercat,
lo monde se’n tornavan latom patatom, lo monde se’n tornavan.

Crompèri un caval, miladieu ! Crompèri un caval,
fuguèt una sauma sorda latom patatom, fuguèt una sauma sorda.

Balalin ! balalan ! las campanas de Sant Joan !
Qui las sona qui las sona ?
Lo riton de Carcassona,
lo corbàs sona lo clas,
la femna longa farà la tomba,
l’òme pelut farà lo taüc !
Balalin ! Balalan !

Crompèri un sac de bren, miladieu ! Crompèri un sac de bren,
fuguèt un sac d’estopa latom patatom, fuguèt un sac d’estopa.

Li meti en davant, miladieu ! Li meti en davant,
me la filava tota latom patatom, me la filava tota.

Li planti un pal pel cuol, miladieu ! Li planti un pal pel cuol,
sortiguèt una forca latom patatom, sortiguèt una forca.

Se i a cap de vertat, miladieu ! Se i a cap de vertat,
me’n rosegui las onglas latom patatom, me’n rosegui las onglas.

Ieu sabi una cançon, miladieu !
Ieu sabi una cançon
Tota plena de messorgas, latom patatom !
Tota plena de …

Legir tot

Ieu sabi una cançon, miladieu !
Ieu sabi una cançon
Tota plena de messorgas, latom patatom !
Tota plena de messorgas

Se i a cap de vertat, miladieu !
Se i a cap de vertat
Me’n rosegui las onglas, latom patatom !
Me’n rosegui las onglas

M’aneri al mercat, miladieu !
M’aneri al mercat
Lo monde se’n tornavan, latom patatom !
Lo monde se’n tornavan

Crompèri un caval, miladieu !
Crompèri un caval
Foguèt una sauma sorda, latom patatom !
Fuguèt una sauma sorda

Crompèri un sac de bren, miladieu !
Crompèri un sac de bren
Foguèt un sac d’estopa, latom patatom !
Fuguèt un sac d’estopa

Li meti en davant, miladieu !
Li meti en davant
Me la fialava tota, latom patatom !
Me la fialava tota

Li planti un pal pel cuol, miladieu !
Li planti un pal pel cuol
Sortiguèt una forca, latom patatom !
Sortiguèt una forca

Se i a cap de vertat, miladieu !
Se i a cap de vertat
Me’n rosegui las onglas, latom patatom !
Me’n rosegui las onglas

E qu’es aquò que s’entend dins la bruma ?
Qu’es aquel bruch, es un aucèl sens pluma ?
Que fa …

Legir tot

E qu’es aquò que s’entend dins la bruma ?
Qu’es aquel bruch, es un aucèl sens pluma ?
Que fa "tuf - tuf", que ronfla e que fuma
Monta, "descend" e vira coma vòl.
Lo cap levat nòstre pòble frissona...
Cerca dels uèlhs que pòt èsser aquel fòl...
Mas coma ven de devèrs Carcassona
Canta a plen gargaihòl.

Repic

Aquò que bronzina
Es lo motur de Vedrinas
Qu’a caval sus sa machina
Fila coma un rat…
Parièr a l’esclaire
Aquí es a son afaire
Sembla que nada dins l’aire
Com’un passerat

Dins lo cèl blau e lis coma una glaça
Gaitatz amics aquel punt dins l’espaça
Que pauc a pauc grossís e se desplaça
E que l’amont escalada tant naut.
Es un utís fait de "boès" e de tèla,
Per lo menar cal pas èsser un "nigaud"
Veiràs un jorn crebarà las estèlas
Es nòstre solelh tant caud.

E se los vièlhs que son mòrts a la guèrra
O dins lor lèit se levavan de tèrra
Eles qu’an pas jamai sabut çò qu’èra
Que de volar serián al "desespèr"
Las mans sul Cap davant aquel miracle
Estabosits, un frisson dins lo còr
S’amagarián en cridant "es lo diable
Que nos ven de l’infèrn".

Sabes quand l'estiu s'acaba
Qu'anam totis arribar.
Bona o marrida, l'annada,
Marrida o plan granada,
Lèu quauqu'un cantarà :

Luènh …

Legir tot

Sabes quand l'estiu s'acaba
Qu'anam totis arribar.
Bona o marrida, l'annada,
Marrida o plan granada,
Lèu quauqu'un cantarà :

Luènh lo temps de la gelada
E la granissa del cèl.
I aura pas mai de secada,
Ço qua caldrà d'aiga clara,
I aurà de vin novèl.

Lo temps buta las annadas
E los enfants venon grands :
Vièlhas vinhas arrancadas
Vèrdas paraulas secadas
E malhols novèls plantats.

Coma nosaus vendràs vièlha
Auràs pas mai de rasims
Acabarem jos l'araire.
Respirarem lo mèsme aire.
Aurem pas fach plan de bruch.

Luenh del temps de la gelada,
De la granissa del cèl,
I aurà pas mai de secada,
Ço que caldrà d'aiga clara :
Serem dins lo vin novèl.

Lo sire Montfaucon, gonfla bedena (bis)
Coma un barrau, coma un capon, pichòta Elena, (bis)
Se jamai dins son salon, …

Legir tot

Lo sire Montfaucon, gonfla bedena (bis)
Coma un barrau, coma un capon, pichòta Elena, (bis)
Se jamai dins son salon, tombatz lei braçs en estrena
Descurbiretz que l'amor, de fes es lord !

Refranh :
E i anetz pas (bis) gentona dòumaisela
E i anetz pas (bis) l'amor s'esquicha pas !

Dins Caromb i'a un baron, qu'a de dardenas
'Me de dardenas
D'escuts emai de ducatons, lei bralhas plenas (bis)
Se bevetz de picalhons a sa fònt que non s'abena,
Descurbiretz que tant d'or, a gost de mòrt !

Refranh... L'amor si juega pas !

I'a de cadres en Avenhon que fan pas pena (bis)
Mai son esclaus de son patron, pichòta Elena (bis)
Passan sa vida en avion, son aquí que per Calena
Descurbiretz que l'amor de fes es sord !

Refranh... L'amor s'espera pas !

Segur que deven gibos 'queu que si geina (bis)
Mai pecaire s'eriam vos, pichòta Elena (bis)
Se mancaviatz d'amorós, vos menariam a Vedena
Descurbiretz que l'amor es jamai cort !

Refranh... E i anetz pas se l'amour non i es pas ! (bis)

Tot al fons de son trauc aital l’òme aviá viscut
Paure e sol negre e fòrt a la mina s’èra …

Legir tot

Tot al fons de son trauc aital l’òme aviá viscut
Paure e sol negre e fòrt a la mina s’èra perdut
Passava sa vida a cavar passava sa vida a somiar

Es al solelh que vau morir ma vida la vesi fenir
La Joana a l’aiga e ièu pescant
Terra t’aurai vuejat la sang

Lo solelh l’aviá vist pel maridatge de son filh
E la platja e la mar las avia vistas al cinema
Passava sa vida a somiar passava sa vida a cantar

E vaquí qu’un matin la terra venguèt un tombèl
Paura Joana, paure filh diguèt lo patron al solelh
Passava sa vida a cantar,passava sa vida a cantar

Es al solelh que vau morir ma vida la vesi fenir
La Joana a l’aiga e ièu pescant
Terra m’auràs vuejat la sang

Vèni, ausirem ; anuèit, la cançon del silenci,
La cançon que comença,
Quand s’escantís, la nuèit, lo cant del rossinhòl …

Legir tot

Vèni, ausirem ; anuèit, la cançon del silenci,
La cançon que comença,
Quand s’escantís, la nuèit, lo cant del rossinhòl ;
La cançon que s’ausís al doç cresc de l’erbeta,
La cançon de l’aigueta
Que se pausa un moment al rebat d’un ramèl ;
La cançon de la branca
Que fernís e que dança
Desliurada del pes amorós d’un ausèl ;
La secrèta cançon breçant l’ombra blavenca
Del liri còrfondut de promessa maienca
Qu’espèra, per florir, un signe de l’azur.

E amics, escotatz
Que’vs vau parlar drin d’era
Que’vs vau díser l’istuèra
De la qui m’a quitat
En pujant hens …

Legir tot

E amics, escotatz
Que’vs vau parlar drin d’era
Que’vs vau díser l’istuèra
De la qui m’a quitat
En pujant hens los ueus
Tanlèu que l’èi espiada
La lutz s’ei alucada
Hens lo blu deu sons uelhs

Repic :
Que nèva sus l’Aussau
E lo còr qu’em hè mau
Que serèi a jamei, jamei... malurós
Que nèva sus l’Aussau
E doman qu’ei Nadau
Mes on ei lo sorelh, sorelh... de mas amors

Qu’entrè au pinchacuu
Tant beròja e tant fièra
Ne n’avoi pas ta hèra
Tà la miar tà l’escur
Que’u hasoi lo serment
De qu’èra la purmèra
Que’m sovieni enqüera
Que’m sovieni tostemps

Qu’estó longa la nueit
Tà dus còs qui holejan
Devant le chemineia
A l’acès deu men teit
E jo quan a cridat
Jo lo vielh solitari
Jo libre com un sarri
Que n’èi per Diu plorat.

Que soi desconsolat
Dinc au prochen estagi
Tau prochen arribatge
E serèi en estat ?
Tad aquera cançon
Que cau aver ganurra
B’a donc la vita dura
Lo praube monitor !

Un blanc anhèl passeja
un jorn de grand solèlh,
quora la set l’agafa,
davala beure al rèc.

Sul cop lo …

Legir tot

Un blanc anhèl passeja
un jorn de grand solèlh,
quora la set l’agafa,
davala beure al rèc.

Sul cop lo lop arriba,
se’n vol talhar un tròç,
sul cop l ’anhèl i esclafa
lo nas amb un bigòs !

Ai barrejat lo somi
e la realita,
aquela cançon fola
serà per los enfants !

Francisco Mussolini
e Benito Franco
se lançan de granadas
ambe Adolf Nixon.

Domenge e sas banas
fan rire tot l’infèrn
ont Tiers tira los pelses
del papa Inocent .

E la formiga canta
e la cigala, uèi
que pobles, e mainatges
an pas paur de la nuèit !

Quand lo solelhàs rabina la plana,
Que sus leis estanhs dançon lei belugs a ras deis enganas,
Uros quau, blocant …

Legir tot

Quand lo solelhàs rabina la plana,
Que sus leis estanhs dançon lei belugs a ras deis enganas,
Uros quau, blocant sa sèla gardiana,
Se’n vai libre e sol sot lo grand cèu blu !

Mai quora a l’error lo larg se rovilha,
Que sus mar lo jorn se vei davalar darrièr la montilha,
Quand vèrs la palutz la montura endilha,
Uros quau, gardian, vai s’encabanar.

Ara qu’an tornat lei temps d’abrivada,
Butem nòstei buòus sus lei caladàs en revolunada !
Au nom dau país e de la manada,
Mantenem, gardians, nòste vièlh combat.

Companhon, d’aut d’aut, e parte a grand èrre
Entalhòla-te, sèla ton chivau, que te vènon quèrre.
Plega ton seden, aganta ton fèrre,
Per la tradicion, fau donar l’assaut.

Mei fraires gardians, siam qu’una ponhada,
Mai sauvam la tèrra e l’us nacionau de la mau-parada.
E benlèu qu’un jorn la raça auborada
Bombirà desliura a nòste sinhau.
Mei fraires gardians, siam qu’una ponhada,
Mai sauvem la tèrra, e faguem sinhau !

Mon païs de toja e de brana
Qu’as tròp de hilhs a neurir
E qu’èi donc avut a passar la …

Legir tot

Mon païs de toja e de brana
Qu’as tròp de hilhs a neurir
E qu’èi donc avut a passar la mar grana,
Ací fení mon camin.
D’aqueth gran plateu sec e triste
Shens arbos e shens arriu
O ! que quitarèi si podí, au mei viste
Lo pè de cèu abejiu

Repic
Tèrra mairana,
Lo men còr non s’engana.
Luenh de la nosta plana,
Lo men cant s’estareish.
Tèrra luenheca,
Ua dolor mainadeca
A la prima sourdeish,
a l’abòr s’espandeish
E jamei ne guareish.

Que soi tot sol luenh de la vila.
Lo men can sembla a un lop.
O, hacienda mia ! O, palais esterille !
N’acessas pas nat amor.
Perque cercarèi la fòrtuna
Hens lo sable e los cactús ?
Soi vadut dehens lo degrèu, l’amarumi
Un vielh aulhèr tumahús.

Qu’èi venut lo mairam, la tèrra.
La mar mía, lo men hat.
Dehens la bruma, s’artistalhan acèra
Las penas deu Bascoat
Uei que desborda nosta plana
De musica e de cançons.
Canta, canta, Mejicano !
Qui tornas au ras de nos.

De ta jòia, Chile,
De ta cançon, Chile,
De ton espèr, Chile :
Solament una brasa
Que pòdon pas negar …

Legir tot

De ta jòia, Chile,
De ta cançon, Chile,
De ton espèr, Chile :
Solament una brasa
Que pòdon pas negar !
A, conèissem vòstra istòria,
Vòstra victòria de dos ans,
E puèi la bala dins l'espatla :
L'onor de l'armada es atal !
E la sang de pòble que raja,
E Tiers tornat en Pinochet...
Chile, dins ton còr de coire
Pòrtas lo nom d'un president !
Vira dins lo cèl l'aucèl negre,
Mentre lo papa benesís
Chile, la mòrt per carrièras :
« American Democracy » !
Atal iràn los pòbles
De nuèit en nuèit totjorn,
En esprant lo jorn
Que la nuèit siague mòrta !
De ta jòia Chile,
De ta cançon, Chile,
De ton espèr, Chile :
Solament una brasa
Que pòdon pas negar !

Es per tus, aquela cançon,
Tus, l’auvernhat que, sens faiçon,
M’as donat un pichòt gavèl
Quand me conglaçave la pèl, …

Legir tot

Es per tus, aquela cançon,
Tus, l’auvernhat que, sens faiçon,
M’as donat un pichòt gavèl
Quand me conglaçave la pèl,
Tus que m’as donat de fuòc quand
Las crocantas e los crocants,
Totas las gents, consciéncia en patz,
M’avián laissat sus los pavats…
Èra un fuòc freule, pas gigant,
Mas que m’aviá caufat lo còs,
E crama encara, qu’es tan gròs
Coma un bèu fuòc de la Sant Joan.
Tus, l’auvernhat, quand moriràs,
Vòle que ton anma en solaç
Au Paradís aja un parçan
Ras dau Paire Sant.

Es per tus, aquela cançon,
Tus, l’ostessa que, sens faiçon,
M’as laissat un brisum de pan
Au temps que bramave la fam,
Tus que me noiriguères quand
Las crocantas e los crocants,
Totas las gents, consciéncia en patz,
M’avián pas donat un favàs…
Èra pas mai qu’un tròç de pan,
Mas que m’aviá caufat lo còs,
E crama encara, qu’es tan gròs
Coma un pastisson de ma grand.
Tus, l’ostessa, quand moriràs,
Vòle que ton anma en solaç
Au Paradís aja un parçan
Ras dau Paire Sant.

Es per tus, aquela cançon,
Tus, l’estrangièr que, sens faiçon,
M’as saludat sens dire res
Quand quatre gendarmas m’an pres,
Piquères pas de las mans quand
Las crocantas e los crocants,
Totas las gents, consciéncia en patz,
Risián de mos ponhs entravats…
Èra pas qu’un lum de calelh,
Mas que m’aviá caufat lo còs,
E crama encara, qu’es tan gròs
Coma un milierat de solelhs.
Tus, l’estrangièr, quand moriràs,

(e Maria, Simon, Anna, Piton, Antòni, Manon...)

Dos grands uèlhs
Avisan lo monde Curiós que son
De tot moviment,
Dos …

Legir tot

(e Maria, Simon, Anna, Piton, Antòni, Manon...)

Dos grands uèlhs
Avisan lo monde Curiós que son
De tot moviment,
Dos grands uèlhs
Estonats de la ronda
Que fan d’enfants lo torn
Los amics, los parents
La vita lo aluca, los fai lusir...

Cantas ta cançon
Ta cançon d’amor
Cantas ta cançon Paulina
Cançon de tots los jorns

Aquela cançon
Deviá estre la teuna
Mon enfant, mon amor
Mes lo jornal a portat la novèla
D’enfants mòrts de aina
Dins un cròs de Liban
E ma pluma escrís mas
En letra de sang
Letras de sang.

Çò que cal
De folia, d’orrible
Per tuar cranament
Las femnas, los enfants
Los far s’escampar
Per la polsièra
E se dire venem de far
Qualquarés de grand...
Quala que siasque l’idéia
Quai que siasque lo sang
Siasque lo sang...

Qualques-uns
Esmoiats de musica
Cantan per noirir
Los enfants d’Etiopia
Mès los grands
Senhors de la guerra
Afustant las armas
Per los assassins
Quò’s ben lo mesme monde
Pas la mesma fin
Pas la mesma fin...

Aquel monde
Point d’egoïsme
Nos fa oblidar
Lo malur espandit Son nombrós
A portar la misera
Pas tant a se vestir
D’un pauc de bonur
Qui son los que ne’n gardan Vergonha al cur
Vergonha al cur...

Quò’s ton rire
Que salvarà lo monde
Del fons del Liban
Aus deserts d’Etiopia
Pels enfants
Que la tendressa inonda
Acòps d’inocença Un pauc d’utopia
S’emblausirà la vita
Tuant lo mesprés
Tuant lo mesprés.
Darnier refranh :
Aimi ta cançon
Ta cançon d’amor
Aimi ta cançon, Paulina
Cançon de cada jorn...

Dins una carriera estrecha
Un òme camina la nuèch
Es vengut d'una autra tèrra
De pantaïs a cada braç
Bravi …

Legir tot

Dins una carriera estrecha
Un òme camina la nuèch
Es vengut d'una autra tèrra
De pantaïs a cada braç
Bravi gens regarjatz pas
A d'estelas plen la boca
Bravi gens regarjatz pas
Bravi gens li parlatz pas

E passa coma lo lume
Donant la febre en toï
Despi vingts segles travaca
Sus doï colas a cavau
Bravi gens lo tocatz pas
Pareisse que dòna la malautiá
De viure en sanhant verd
Bravi gens lo tocatz pas

Es vengut d'un autre monde
Eme li sièu amics babiàs
Dalin dalan per la lavanda
A pichins bots recommençats
Bravi gens lo tocatz pas
Si pòu pilhar la malautiá
Lo monde si mettre a balar
Bravi gens lo tocatz pas

Siem pas aquí per si rire
E l'òme solet s'es pendut
Dins una carrièra eseura
Sensa un bram sens'un bram
Bravi gens vi ploratz pas
A d'estelas plen la boca
Bravi gens vi ploratz pas
Bravi gens anem cantar.

Be hasè bon
Au corn de chemineja
La ploja au frinèston
Lo vent qui ventoleja

Repic :
Mes n'èm pas …

Legir tot

Be hasè bon
Au corn de chemineja
La ploja au frinèston
Lo vent qui ventoleja

Repic :
Mes n'èm pas mei amassa
Estó lheu un saunei
Lo temps qui passa
Non s'en torna jamei

Be hasè doç
Davant l’eslama viva
Qui tindava de ros
Lo ton pèu qui lusiva

Be hasè bon
Los pès sus la platina
La nèu au frinèston
Qu’ei l’ivèr qui camina

Be hasè doç
Lo huéc a la figura
Deus tons uelhs amorós
Guardi la macadura

Dins lo temps, la brava
Se desonorava
En escarlimpar,
Usança oblidada :
Uèi es la fadada
Que vòl pas o …

Legir tot

Dins lo temps, la brava
Se desonorava
En escarlimpar,
Usança oblidada :
Uèi es la fadada
Que vòl pas o far.
Ton escòla es rufa,
Cadun ritz, se trufa
Qu’encara a setze ans
Siágas vèrge e pura
Segon la natura
Dels tempses ancians.

Emai es damatge
Per d’unes mainatges
Mai arrotinats,
Que l’òm despiusèla
Amb la tetarèla
E la mèca al nas,
Cadun te galeja
Sus aquela enveja
D’aparar ta flor
Per la bona causa,
Mai d’un, d’alhors, gausa
Corregir l’error.

Se siás una cibla
Demòra insensibla
A-n-aquel rancòr,
Mespresa sagetas,
Sansònhas simpletas,
Escota ton còr.
Arrestem la fabla ;
Siás ni mai colpabla
En te refusar,
Ni mai meritosa,
Ò jove amorosa,
Quand te fas baisar.

Se te pren, manhaga,
La set d’amanhagas
Seguís lo tropèl
De joves bedigas,
Pasmens res t’obliga
De faire rampèl.
Mas saupràs tre ara
Qu’òm pòt, fin finala,
Metre son onor
A córrer las quècas
E demorar pèca
Verge de l’amor.

En grand pena lo còr me dòl
per un cavalièr qu'ai perdut.
En lo temps aquo siá sauput
que l'ai …

Legir tot

En grand pena lo còr me dòl
per un cavalièr qu'ai perdut.
En lo temps aquo siá sauput
que l'ai contentat mòrt e fòl.
Ara per el soi traïda.
Tant d'amor es pas pro d'amor
quand l'ai contentat nuèit e jorn,
al lèit e tota vestida.

Mon cavalièr, ieu lo voldriá
téner un ser dins mos braces nuds
e que se'n tròbe el tresperdut,
de sol coissin li serviriá.
Car d'el soi mai afolida
qu'èra de Floris Blancaflor.
li autregi mon cor e m'amor,
mon èime, mos uèlhs, ma vida.

Bèl amic, avenent e doç,
quora seretz a mon poder,
e colcars los dos tot planièr
a port de mon bais amoròs
de grand gaug ieu comolada
vos tendrai en lòc de marit
tant que vos seretz pas desdit
de far tot çò que m'agrada.

A Bordèu que i a 9 damas
Pomas, arasims, higas e castanhas
Tan plan dansan au violon
Pomas, arasims, higas …

Legir tot

A Bordèu que i a 9 damas
Pomas, arasims, higas e castanhas
Tan plan dansan au violon
Pomas, arasims, higas e melons

Dimars gras qu’a 8 porcàs
Tots son bèths e tots son gras
Atau dança, autau dança,
Tots son bèths e tots son gras
Atau dança qui hè gras.

Devath deu pè qu’èi 7 junquets. (4 còps)
A, si los i èi, que’us i èi fresquets,
Qu’ei au bòsc la mauga,
A qui darèi, jo, la mea amor ?
A qui la’m demanda…

La novi a 6 brilhans au cap,
6 brilhans au cap, l’anet au dith.

A l’entorn de ma maison,
5 arrosès en botons.
Arrosè, flaurejen, Viva lo beth boton d’aròsa,
Arrosè, flaurejen, Viva lo beth boton d’arjen.

Nos qu’èram 4 aromigas,
Qui dansaban bras e bras.
Haut, haut sauta que sauta,
Haut, haut sauta que pòt.

Sus la punta de l’espada, pòrti 3.
Pòrti la mei bèra aròsa,
Pòrti jo, porti la mei bèra flor.

Au noste pomè, que’i abè 2 pomas.
Et si le vent la fait tomber,
La pommette, je l’aurai.

Au baricòt deu nòvi, i a 1 pichet de vin.
Truquem’i, bebem’i, au baricòt deu nòvi,
Truquem’i, bebem’i, au baricòt deu vin.

Ai fait cançons dins la carrièra
Cançons d’espèr
Quora cantavi « Se de fièra »
Cançon d’un sèr
Era per …

Legir tot

Ai fait cançons dins la carrièra
Cançons d’espèr
Quora cantavi « Se de fièra »
Cançon d’un sèr
Era per cridar a mon pòble
Desêrta-te
N’i a pron de nos mudar lo mòbles
Encranca-te
Son vengudas las votz que dison :
« Millions, millions ! »
Ven fòl lo paure que s’i fisa
Fai atencion.

Ai corregut de vila en vila
Totjorn segur
D’èsser cantaire cap de fila
Pòble madur
Era per ieu que cridavi
Lo desespèr
Era per per ajudar mos fraires
Dins lo desèrt.
Son vengudas las votz que dison
« Comercial ! »
Sabètz ont va lo que s’i fisa ?
A l’espital.

Quatre guitarras electricas
Aqui darrièr
Un vintenat de fanaticas
Perl o plaser
e cada nuèit farai tampona
Yeah, yeah, yeah, yeah !
Me’n tornarai a Carcassona
Bilhets, bilhets.

Quand cridarai dins ma
Ausiretz pas
Lo bruch de qualques còps de trica
Sus d’autres caps.

Vendrà lo temps de la darrièra
Granda leiçon
Aurai fait plan bèla carrièra
Dins la cançon.