1- (sus l’er de « chourmo » de Massilia)

Marcha collèga
Vèn’aici d’amassar
Anam ti fotre lo òai
Per aparar …

Legir tot

1- (sus l’er de « chourmo » de Massilia)

Marcha collèga
Vèn’aici d’amassar
Anam ti fotre lo òai
Per aparar la libertat
Marcha collèga
S’arrestarem pas
Volèm lo drech de parlar
La lenga de nòsta ciutat.

2- (sus l’er de la targa dau Martègue)

Totei per carriera
Totjorn bolegants
Volèm pas de frontiera
E parlar l’occitan
Fòra leis estraças
Lei jacobins fadats
Que volèm pas d’un monde
Uniformizat
Alhòli en totei - a deman

Balin-Balant Balin Balin Balant
Tatou se fai abans e se n’en vai tirant
Lei papets lei minòts, lei sople e …

Legir tot

Balin-Balant Balin Balin Balant
Tatou se fai abans e se n’en vai tirant
Lei papets lei minòts, lei sople e lei fracàs
Aquòs ara Tatou que per vos vai cantar
Ai lo cap que me dòu que de mòts siau gavat
Faudria mai d’un mes per poder lei comptar
Ai de mòts de pertot, bodi que pastagà !
Arabi, provençau, frances e bambarà
Vé ! fau sautar lo tap, tot aquò vai rajar
E conoissi degun que sauprà retapar

Repic
Canon es canon e mitralheta es mitralheta
Es lo Prince T per tu que reven tirar
Canon es canon e mitralheta es mitralheta
E sas, tirarà tant qu’un quinflù restarà !
Balin-Balant Balin Balin-Balant Balin-Balant
Tatou se fai abans
Balin-Balant Balin Balin-Balant Balin-Balant
E se n’en vai tirant

Si toei lei gens eici come ièu son armats
A la caça verbala ara podem jogar
Es gratis e eisat per i participar
Vos fau just una lenga e sacher n’en usar

Sabetz cu vòu caçar la besti deu trovar
Tan ben la conoissen que serà de bòn far
Bolega ti raggà ta vòtz cau ben cargar
Zo ! qu’anan cafir l’er de taratatà !

REPIC

Sus lei càp-patolhars d’en promier anan tirar
Sus lei que t’an lei foits. lei chin e lei sordats
Sus lei que fan la lei per poder totjorn ganhar
Sus lei que tracon la jòia la dansa e la ganjà
Sus lei que risolejon per fin de t’apastar
E que sariàn comic se nos fasian mens plorar
Taratatà eici, Taratata eilà
Sus Ici que tot desavion e volon pas sanjar

REPIC

E cric e crac anan tirar
Tan que dins la dansa un Kinflù restarà

Amors no-m posc partir ni dessebrar.
Pero ben sai que
le partirs me demora.
Et eu non posc senes
Amor …

Legir tot

Amors no-m posc partir ni dessebrar.
Pero ben sai que
le partirs me demora.
Et eu non posc senes
Amor Estar.
Et ai agut aital fat tota ora.

Amoros sui et amoros serai.
A conosc ben que per amor morrai.
E ges per tan d’amor no-m posc partir.
Si ben conosc mon viure e mon morir.

Aital astr’ai com Nicolas de Bar.
Que si visques lonc temps
Savis hom fora. qu’estet lonc temps
Mest Los peissos en mar.
A sabia que-i morria
Qualqu’ora e ges per tan no-n volc venic sai

Interprétation française

Amour je ne puis partir ni m’éloigner
mais je sais bien que le partir m’attend
et je ne peux sans amour être
et tel sort j’ai eu de tout temps
amoureux suis et amoureux serai
et je sais bien que par amour mourrai
et cependant d’amour ne peut partir
bien que j’y sache mon vivre et mon mourir.

J’ai le destin de Nicolas de Bari
S’il avait vécu longtemps
Sage aurait été Il fut longtemps
parmi les poissons de la mer
et il savait qu’il y mourrait un jour
et pourtant il ne voulut pas revoir la terre

Crompar las particions : http://www.ocmusic.org/boutique/index.php?cPath=5

Su lo davan de la pòrta
La carriera vuéia regadja bessai
Lo contor d’un miratge
Lo viélh banc escondut au …

Legir tot

Su lo davan de la pòrta
La carriera vuéia regadja bessai
Lo contor d’un miratge
Lo viélh banc escondut au canton de la plaça
Que sembla audir lu crits sarvages
Sera encor un còp lo campdei indians

Canson soterana canson dei baumas
Canson dau cavo dins lo còr dei omes
Canson d’un sera canson testarda
Canta que lu pichons s’en van (bis)

La cohina tròp quieta rebomba coma fòla
Dau cant dei culhés dins li bocas engortis
Lo jardin un pau si garda en flors
Lu rires dei dròles li après dinas urois
Roge mercurochrome grafiniadas glorois

REPIC
L’home e la frema dins lo silenci passat
Senton l’esperança que bofa su la paur
pauc d’estre desprovit quora la vida s’engana
sus un sentié estrech don Barolan li peiras
E que de ben segur cau donar l’abuton

Cansoneta farai, francament siáu gonflat,
Òc i a tròp d’emboucants per poder somilhar !
Urosament que lei cònòs vòlon jamai, …

Legir tot

Cansoneta farai, francament siáu gonflat,
Òc i a tròp d’emboucants per poder somilhar !
Urosament que lei cònòs vòlon jamai,
Veiriam pas lo soleu e son dardai.

Mon paure que malur ! Qunta vergonha !
De veire per carriera s’espandir la caronha.
Lo marrit drac de segur es encara tornat
E i a gies de Santa Marta per l’anar esquichar.

Aquela cridadissa es la cançon de l’òdi,
Veici la passejada de totei lei fadòlis,
Lei racistes encara son a defilar,
Morres de nervis dins tota la ciutat.

Viéu ma paura bandiera dedins lo verminier,
De que fa " Sang e Aur " dedins lo bordilher,
Aussa ti Frederic! Desvilha ti Gelu !
Que cresi ben qu’aici son devenguts caluts.

Buai ! D’aqueleis estrassas que juegon ai crosats,
D’aquela trista armada serai pas lo sordat,
Marsilha, ma polida, assosta teis enfants
E fòra lei fascistes francès ò occitans !

Quand lou souleias rabino la plano
Que sus lis estang danson li belu a ras dis engano
Urous quau bloucant …

Legir tot

Quand lou souleias rabino la plano
Que sus lis estang danson li belu a ras dis engano
Urous quau bloucant sa sello gardiano
S’en vai libre e soul sout lou grand cèu blu
Quand lou souleias rabino la plano
Urous quau s’en vai sout lou grand cèu blu

Mai quouro à l’errour lou larg se rouviho
Que sus mar lou jour se vèi davala darrié la mountiho
Quand vers la palun la mounturo endiho
Urous quau gardian vai s’encabana
Mai quouro à l’errour lou larg se rouviho
Urous quau gardian vai s’encabana

Aro qu’an tourna li tèms d’abrivado
Buten nòsti biòu sus li calada en revoulunado
Au noum dòu païs e de la manado
Mantenen gardian noste vièi coumbat
Aro qu’an tourna li tèms d’abrivado
Mantenen gardian noste vièi coumbat

Coumpagnoun d’aut d’aut e parte à grand erre
Entaiolo-te sello toun chivau que te vènon querre
Plego toun seden aganto toun ferre
Pèr la tradicioun fau douna l’assaut
Coumpagnoun d’aut d’aut e parte à grand erre
Pèr la tradicioun fau douna l’assaut

Mi fraire gardian sian qu’uno pougnado
Mai sauvan la terro e l’us naciounau de la mau-parado
E belèu qu’un jour la Raço aubourado
Boumbira delièuro à noste signau
Mi fraire gardian sian qu’uno pougnado
Mai sauven la terro e faguen signau

Vese eici Jan-de-la- niolo,
Jan-di-figo, Jan-viholo,
Jan d’auriòu qu’óublido tout,
Jan-lou-bret, Jan-que-saup-tout.

Jan-requiéulo, Jan-trepasso
(l’un s’aplanto, l’autre passo),
Jan-l’empres, Jan-picardan, …

Legir tot

Vese eici Jan-de-la- niolo,
Jan-di-figo, Jan-viholo,
Jan d’auriòu qu’óublido tout,
Jan-lou-bret, Jan-que-saup-tout.

Jan-requiéulo, Jan-trepasso
(l’un s’aplanto, l’autre passo),
Jan-l’empres, Jan-picardan,
Jan-l’amelo, que n’i’a tant !

Pouden pas, aqui de filo,
Broucarda touto la vilo.
Se voulès, pèr aquest an,
Repassaren que li Jan.

Jan-lou-niais, Jan-de-la- vaco,
Jan-sènso-biais que destraco,
Pièi Jan-foutre, Jan-fai-tout,
Jan-risco-rèn-fai-dous-bout.

Vese encaro Jan-d’oulando
(qu’es tant siau que rèn l’esbrando)
Jan-flahuto, Jan-lou-bou,
(bouto ! sian pancaro au bout !)

Pouden pas, aqui de filo,
Broucarda touto la vilo.
Se voulès, pèr aquest an,
Repassaren que li Jan.

I’a Jan-que-ris, Jan-que- plouro,
I’a Jan-raubo, Jan-toutouro,
Jan-de-l’ourse que fai pòu,
Jan-fougnaire que res vòu.

Jan-coufèsso-li-mounino
Que se copo lis esquino,
Jan-peto-Jan, Jan-cago-blanc
Que fai rire lis enfant.

Pouden pas, aqui de filo,
Broucarda touto la vilo.
Se voulès, pèr aquest an,
Repassaren que li Jan.

I’a Jan-lipo-la-toupino,
Jan-coucounié qu’i galino
’mé lou det vai tasta l’iòu
Emai Jan-cerco-la-pòu.

I’a Jan-renosi que reno,
Jan-siblet, Jan-que-remeno
I’a pièi Jan-que-tout-es-siéu,
E i’a tambèn Jan… disiéu,

Que pèr n’en tira la tiero
Passarian la niue entiero…
N’i’a encaro de mouloun
Mai clave eici ma cansoun.

Que pèr n’en tira la tiero
Passarian la niue entiero…
N’i’a encaro de mouloun
Mai clave eici ma cansoun.

Que pèr n’en tira la tiero
Passarian la niue entiero…
N’i’a encaro de mouloun
Mai clave eici ma cansoun.

Cantem los qu’après las guèrras
An sabut bastir la patz,
E avalit las termièras,
Las parets, los barbelats.
Que sauvaram …

Legir tot

Cantem los qu’après las guèrras
An sabut bastir la patz,
E avalit las termièras,
Las parets, los barbelats.
Que sauvaram la nosta tèrra,
Si nos volem téner la man,
E trobar la fe navèra
Qui nse miarà tà doman.

Tà deféner la frairèra,
Tant d’òmis que son tombats,
Mes au miei de la horrèra,
Autes que se son quilhats.
Seguim los sus aquera via,
Qu’avem au còr l’esper navèth,
De véder paréisher l’auba,
L’auba d’un monde mei bèth.

Que tots los pòbles s’amassen,
Tà servar la libertat,
E que shens pausa caminen
De cap tà l’egalitat.
Ajudem-los dia après dia,
B’ei aquiu lo noste dever,
E cantem dab alegria
La patz, l’amor e l’esper.

Coma òm se disià l’un l’autre qu’òm s’aimarià l’un l’autre
Aquò s’acaba lentament la fuelha tomba amb lo vent
AI …

Legir tot

Coma òm se disià l’un l’autre qu’òm s’aimarià l’un l’autre
Aquò s’acaba lentament la fuelha tomba amb lo vent
AI lièch en vila o en veitura faguerem tot en desmesura
Una careiça de la man valià melhor que de parlar

Bona rota ma miga

Una guitarra una music, per te somiar aquò’s pas brica
L’imatge de tos uòlhs sufis a mai se lo demai fugìs
Vòli de tu la remembrança d’un regard color d’esperança
Coma un perfum d’ambiguitat entre preson e libertat

Coma òm se disià l’un l’autre qu’òm s’aimarià l’un l’autre
Aquò s’acaba lentament la fuelha tomba amb lo vent
Coma òm se disià l’un l’autre qu’òm s’aimarià l’un l’autre
L’ivern s’acaba lentament a la prima la fuelha ven

Amics d’aici nos cal partir
Que lo pais es bel
Amics d’aici nos cal partir
Jost la vota del cèl …

Legir tot

Amics d’aici nos cal partir
Que lo pais es bel
Amics d’aici nos cal partir
Jost la vota del cèl

Perqué nos veirém mai amics
Perqué nos veirém mai?
direm pas adieussatz amics
Perqué nos veirém mai?

Quilhem lo veire plen de vin
que trincarem un pauc
Quilhem lo veire plen de vin
E portem- lo pro naut

Sarrem las mans un darrè còp
amics de l’ancian temps
Sarrem las mans un darrè còp
Los mòrts seran contents

Lo bon Sant Dominica
Veniá docetament
Per parlar del Bon Diu
Al monde occitan.
L'armada lo seguiá
Per far dintrar …

Legir tot

Lo bon Sant Dominica
Veniá docetament
Per parlar del Bon Diu
Al monde occitan.
L'armada lo seguiá
Per far dintrar l'idèia
Del pur amor crestian
Aluquèran los lenhièrs.

Canta curat
Per Sant Dominica
Canta curat
Te seguirai pas.

Lo bon papa Inocent
Dumpuèi sa bona vila
De Roma susvelhava
La caça aus ereticas.
Fasiá fòrça preguièras
Per mandar al rei de França
De l'ajudar a tuar
Tots aqueus occitans.

Lo bon rei Sant Loïs,
Qualques vint ans après,
N'aviá pas pro begut
De sang de sarrazin.
Sa darrièra crosada
En tèrra occitana
Ne fuguèt qu'una idèia
Per nos colonisar.

Vos tres que setz al cial
(Del mins quò se pretend)
A vautres los borrèls
Del pòble occitan,
Se dins nòstre païs
Las glèisas son pas uflas
Benlèu es montat naut,
Lo fum de Montsegur.

Canta curat,
Son tres dins ta glèisa
Canta curat,
Te seguirai pas.

Canta curat
Per tres assassins,
Canta curat,
Te seguirai pas.

Be i avè donc longtemps, Liseta
Qui n’èram pas jamei tornats
Cap a d’aqueras carrereta
Qui’nse vedó jogar, mainats ! …

Legir tot

Be i avè donc longtemps, Liseta
Qui n’èram pas jamei tornats
Cap a d’aqueras carrereta
Qui’nse vedó jogar, mainats !
Un lavader vielh, chic de causa :
Tau qui passa, un teit croishit,
Un acès on i a bèra pausa
Qui las bugadas an fanit

Repic :
Mes se te’n sovienes, Liseta,
Lo cant de l’aigueta qu’ei viu
Com lo reclam d’ua amoreta
Qui se passeja dens l’arriu

Qu’èra un reiaume de pèira
On avèm plantat los dijaus
Que semiavam nost’ arribèra
D’islas bastidas de calhaus !
E tot lo vesiat retreniva
D’arriders clars, bèth còp de plors,
Qui lo briu de l’aiga hueitiva
Breçaba d’un cant silenciós

Qu’i viscom mei de benalejas
Qui ne’n pòt sauneja lo briu
E se vadón quauques pelejas
Lo Lu n’en pergó pas lo hiu !
Que n’i a qui dsien qu’a un atge,
Que cau cresmar çò de passat !
Mes jo que crei que n’i a pas atge,
Tà cantar çò qui avem aimat

Canta dab jo, lisa, liseta,
E lo cant de l’aiga qui viu
Com lo reclam de l’amoreta
Qui anem pescar dens l’arriu

Coma quand dins la gabia òm embarra un aucèl
Vesi montar la rabia d’un pòble cantarèl

Canta rossinhòl canta e …

Legir tot

Coma quand dins la gabia òm embarra un aucèl
Vesi montar la rabia d’un pòble cantarèl

Canta rossinhòl canta e vendrà lo solelh

Coma l’enfant camina paurós un pauc garèl
Tot un pòble s’endralha dins un camin novel

Coma nais un auratge sul còp un sèr d’estieu
Un cant d’amor se leva dins un silenci vielh

Coma d’empuei tant d’oras l’albelha fai de mel
Fargem nòstra bastida e l’ostal será bel

Coma al mes de decembre l’aubre espera la nèu
Ieu dins l’ostal t’esperi sol darrèr lo carrèu

Coma quand dins la gabia
òm embarra un aucèl
vese montar la rabia
d´un pòble cantarèl

Canta rossinhòl canta e …

Legir tot

Coma quand dins la gabia
òm embarra un aucèl
vese montar la rabia
d´un pòble cantarèl

Canta rossinhòl canta e vendra lo solelh

Coma l´enfant camina
paurós un pauc garèl
tot un pòble s ´endralha
dins un camin novel

Canta rossinhòl canta e vendra lo solelh

Coma nais un auratge
sul còp un ser d´estiu
un cant d´mor se leva
dins un silenci vielh

Canta rossinhòl canta e vendra lo solelh

Coma d´empuèi tant d´oras
l´abelha fai de mel
fragem nostra bastida
e l´ostal sera bèl

Canta rossinhòl canta e vendra lo solelh

Coma al mes de decembre
l´aubre espera la nèu
ièu dins l´ostal t´espèri
sol darrèr lo carrèu

Canta rossinhòl canta e vendra lo solelh

Escoute plà, aquera musica
Que’t ba jumpa, que’t ba parla d’amistat,
Au houns dou co, lhèu que s’estuya
Enta nou …

Legir tot

Escoute plà, aquera musica
Que’t ba jumpa, que’t ba parla d’amistat,
Au houns dou co, lhèu que s’estuya
Enta nou pas jamey cambia.

Repic : Canta souben, ayma toustem,
Co qui ey, qui ey estat,
Lous soubiés qui ‘abem,
Canta douçamen, canta !

Cade mati, u aute bite,
Cade printems adare mey embrumat.
Lou ceu mensh blu, l’auset mey triste,
Au nouste appeù respounera.

Lou temps s’en ba, u drin trop biste,
N’ey pas aysit, bet cops d’espià, en daban,
Que cau segui, l’arrode bire,
N’ey pas fenit, que bederam !

Quauques maynats dens lou biladje,
Qu’an entamat u bet repic desbroumbat,
Ta retrouba ue bielhe imadje
L’istoere qu’a recoumençat.

Ieu tanben coma un fat
Sens repaus cap al final
Cantaré cantaré
Ieu tanben paure damnat
Juscas al darrièr badalh …

Legir tot

Ieu tanben coma un fat
Sens repaus cap al final
Cantaré cantaré
Ieu tanben paure damnat
Juscas al darrièr badalh
Cantaré cantaré

Es que podriá viure
Un jorn sens cançons
E sens la musica
Dels rires, dels mots ?
Es que podriá viure
Sens beure a la font
De la poësia
E de la doçor ?

Ieu tanben jamai cansat
Per una autra societat
Lutaré lutaré
Ieu tanben revoltat
Fidèl a mon ideal
Lutaré lutaré

Es que podriá viure
Un jorn coma un sord
O coma un avugle
Sens véser lo mond ?
Es que podriá viure
Sens fe ni rason
Sens actes ni libres
Per avançar totjorn ?

Ieu tanben embruèissat
Per la vida e son art
Aimaré aimaré
Ieu tanben captivat
Per la bèstia e l'uman
Aimaré aimaré

Es que podriá viure
Un jorn sens plaser
Sens crocar tranquille
Las pèls, les païsatges ?
Es que podriá viure
Un jorn sens conéisser
Lo gost d'èsser liure
L'enveja d'aquel monde

Ieu tanben coma un fat
Sens repaus cap al final
Cantaré cantaré
Ieu tanben paure damnat
Juscas al darrièr badalh
Cantaré cantaré !

O Cantas, cantas filheta,
Filheta da marida (bis)

Ma couma voulès que canti
Que n’en ai moun couor a passat …

Legir tot

O Cantas, cantas filheta,
Filheta da marida (bis)

Ma couma voulès que canti
Que n’en ai moun couor a passat (bis)

I a de mes et de semana
Que n’ai vist moun ami (bis)

O venès mai lou dimenche
Lou dimenche après dina (bis)

Sus lou cantoun de la plaça
Lou galant se trovera (bis)

Cantas, cantas, cantas,
Cantas maganarello.
Que la culido es bello.
Que la culido es cantarello.
Cantas, cantas, cantas,
Cantas maganarello. …

Legir tot

Cantas, cantas, cantas,
Cantas maganarello.
Que la culido es bello.
Que la culido es cantarello.
Cantas, cantas, cantas,
Cantas maganarello.

Mirèio es à la fueio,
Un bèu matin de mai.
Aquéu matin, pèr pendeloto,
A sis auriho, la faroto,
Avié penja dos agrioto.
Vincèn aquèu matin,
Passé’qui tourna-mai, tourna-mai.

Cantas, cantas, cantas,
Cantas maganarello.
Que la culido es bello.
Que la culido es cantarello.
Cantas, cantas, cantas,
Cantas maganarello.

Galant soun li magnan,
E s’endormon di tres.
Lis amourié soun plen de fiho,
Que lou bèu tèms escarrabiho,
Coume un vòu de blóundis abiho,
Que raubon sa melico,
I roumanin dóu gres, dóu gres.

Cantas, cantas, cantas,
Cantas maganarello.
Que la culido es bello.
Que la culido es cantarello.
Cantas, cantas, cantas,
Cantas maganarello.

Cantas, cantas,
Cantas maganarello.
Cantas !

Cantem en allegressa :
Lauda Jerusalem, Lauda Jerusalem
E laetatus, car nobis en Béthleem
Jesus est natus.

A la Vierge …

Legir tot

Cantem en allegressa :
Lauda Jerusalem, Lauda Jerusalem
E laetatus, car nobis en Béthleem
Jesus est natus.

A la Vierge sacrada
Missus est angelus, missus est angelus
Que l’a ‘vertida ; per maire Dominus
Que l’a causida

La Vierge li respon :
« Ailas ! et quomodo ? Ailas ! et quomodo
Se poiré faire que’m hessi com aquo
Vièrja e maire ? »

« Né Timeas, Maria,
Virtus altissimi, Virtus Altissimi,
Tant que sospiri, obumbrabit tibi,
Lo gran mistèri. »

Glori’ a Diu lo pair,
Et tibi Domine, miné, Domine,
Tant admirable, natus de virgine,
Hens un estable !

Cantem en Allegressa
Lauda Jerusalem
Lauda Jerusalem et Laetatus
Car nobis en Betleèm
Jesus est natus.

Podem díser Laudate
Car …

Legir tot

Cantem en Allegressa
Lauda Jerusalem
Lauda Jerusalem et Laetatus
Car nobis en Betleèm
Jesus est natus.

Podem díser Laudate
Car nisi Dominus
Nisi Dominus non ns’assistèsse
Nosauts èram perguts
Si èth non venguèsse.

A la Vièrja sacrada
Missus est angelus
Missus est angelus que l’a’avertida
Per maire Dominus
Que l’a causida.

Glòria a Diu lo paire
Et tibi Domine
Et tibi Domine, tant admirable
Natus de Virgine
Hens ua establa.

Cantem en allegressa
Lauda Jerusalem
Landa Jerusalem et Laetatus
Car nobis en Bethleèm
Jesus est natus
Podem díser Laudate
Car …

Legir tot

Cantem en allegressa
Lauda Jerusalem
Landa Jerusalem et Laetatus
Car nobis en Bethleèm
Jesus est natus
Podem díser Laudate
Car nisi Dominus
Nisi Dominus non ns’assistèsse
Nosauts èram perguts
Si eth non venguèsse
A la Vièrja sacrada
Missus est angelus
Missus est angelus que l’a’vertida
Per maire Dominus
Que l’a causida
La Vièrja l’i respon
- " Ailàs ! et quomodo
AiIàs ! et quomodo se poiré faire
Que’m hèssi com aquò
Vièrja e maire ! "
- " Ne tlmeas, Maria!
Virtus altlssimi
Virtus altlssimi, tan que sospiri
Obumbrabit tibi
Lo gran mistèri. "
Glòria a Diu lo paire
Et tibi Domine
Et fibi Domine, tant admirable
Natus de virgine
Hens ua eslabla.

Sabetz quin s’apèra aqueth bordalat
Qui drom hens la gèira a miei estofat ?
Au nom de la senta rentabilitat, …

Legir tot

Sabetz quin s’apèra aqueth bordalat
Qui drom hens la gèira a miei estofat ?
Au nom de la senta rentabilitat,
Lo monde de noste l’a abandonat
O, o, o, o
Lo monde de noste l’a abandonat.

REPIC
O, amics, cantem mei hòrt
Tau païs que volem tà doman (bis)

Ua petita escòla, i a mei de vint ans,
Que s’i arregolava de crits e de cants.
L’auberja èra plea, taben los quilhèrs,
En fin de setmana, de joens e d’obrèrs
O, o, o, o
En fin de setmana, de joens e d’obrèrs

N’i cantan adara que gais e corbaish,
N’i possan enqüèra que flors de pugaish.
Totun b’èra bona la tèrra d’ací
E tan bèra l’auba, au brum deu matin
O, o, o, o
E tan bèra l’auba, au brum deu matin

Mes torna la prima, diluns qu’i vedoi
U coble de joens dab dalha e bedolh.
Portan pas la cinta, tapòc lo beret,
Mes quan eishartigan, que cantan en biarnés.
O, o, o, o
Mes quan eishartigan, que cantan en biarnés.

Ieu me soi levat per un matinet
Que l’alba preniá son blanc mantelet.

Cantem Nadal, Nadal Nadal,
Cantem Nadal encara …

Legir tot

Ieu me soi levat per un matinet
Que l’alba preniá son blanc mantelet.

Cantem Nadal, Nadal Nadal,
Cantem Nadal encara ! (bis)

Ai pres ma capòta e mon capulet
E mon cort mantèl de droguet violet.

Ieu me’n soi anat cercar Guilhaumet.
–Qu’escotas aquí, gai pastorelet ?

Escoti cantar lo rossinholet,
Jamais n’ai ausit cant tant aimablet !

-N’es lo rossinhòl ni autre auselet
Mas del paradís un bèl angelet.

Ditz qu’a Betelèm, dins un establet,
Es nascut anuèit un Dieu enfantet.

Canten Nouvè, Nouvè, Nouvè, Nouvè sus la museto
Canten Nouvè, Nouvè, Nouvè, Nouvè sus la museto
Pèr noun langui long …

Legir tot

Canten Nouvè, Nouvè, Nouvè, Nouvè sus la museto
Canten Nouvè, Nouvè, Nouvè, Nouvè sus la museto
Pèr noun langui long dau camin Countén quauco sourneto
Sus lou Fifre e lou Tambourin , Disen la cansouneto
Lou tèms nous a gaire dura ves eiçi la granjeto
Lou bèu prèmiè que rintrara que levo la barreto

Cantèri quand èri lo ser a ta fenèstra.
Tombèt lo lintèl, m'espotiguèt la tèsta.
Cantèri quand èri quilhat sus la …

Legir tot

Cantèri quand èri lo ser a ta fenèstra.
Tombèt lo lintèl, m'espotiguèt la tèsta.
Cantèri quand èri quilhat sus la paret,
tombèt la paret, tot aquò s'arroinèt.
lo lintéI de rafanèt, la paret qu'èra pas neta.
Aquí davant aquí darrièr Aquí tocant aquí tenent
Òai ! Maman ! de l'ostal es la cançon
Òai ! Maman ! una cançon sens maçon
Òai ! Maman ! es la cançon de l'ostal
La cançon de l'ostal industrial.

Cantèri quand èri lo ser davant ta pòrta.
Tombèt lo chambràn, m'espotiguèt la clòsca
Cantèri quand èri bandat coma un colhon
tot se fissurèt e tombèt lo balcon
lo chambran qu'èra branlant, lo balcon paure colhon,
lo lintèl de rafanèl, la paret qu èra pas neta.
Aquí davant …
Òai ! Maman !

Cantèri quand èri lou ser dins ta cousino
Tombèt la sartan, m'espotiguèt l'esquino
Cantèri quand èri montant ton escalié
Tombèt lou cantaire dau segond au proumié
la putan de sartan, l'escalié qu'èro de papièr,
lou chambran qu'èro branlan, lou balcon paure couioun,
lou lintèu de rafanèu, la muraio que trantaio.
Aquí davans …
Òai ! Maman !

Per la filha e son desir
D’una melodia ausir
Per totas las Melodia
Per un plor, per un rire

Pels …

Legir tot

Per la filha e son desir
D’una melodia ausir
Per totas las Melodia
Per un plor, per un rire

Pels lendemans al luènh
Un matin que ven
Per nòstra set de somiar
La libertat per deman
Canti

Per que cada man tòque cèl
E que cada votz pòrte la Tèrra
Que los agaches nos revelen
Per que la nòstras pels se freguen
Per que demòrem ensems

Per una bala que sibla
De Tien An Men a Mexicò
A totes los que nos salvan
Mentre qu’aicí jogam

Per un repic de mai
Un ami que se sarra
Per l’amor de la maire
A son enfant que s’aluènha
Canti

Canti per los qu'an perdut la cançon,
Cap d'autre cant ma boca non pòt traire,
Son ni resson
Simple e …

Legir tot

Canti per los qu'an perdut la cançon,
Cap d'autre cant ma boca non pòt traire,
Son ni resson
Simple e florit coma lo sol desaire.

D'aver ieu vist l'òrta, l'arbre e l'aucèl
Muts e bufècs e la cançon perduda.
Tèrra ni cèl
M'an pas levat la paur d'esclavitud.

Tròp se planhís la sansonha del vent,
Tripas d'umans e còrdas de guitarra,
Un trauc d'avenc
Se pren la crit, lo brama puèi lo sarra.

D'aver vist muts l'òrta, l'arbre e lo cèl
E la paura vergonha del lauraire,
Fau pas bèl-bèl
Al vòstre torn de vila, guerrejaires.

D'aicí estant escoti'l dit del vent,
Tripas d'umans e còrdas de guitarra.
Que li ai fisat quand ai levat los rens
Lo buf coral de mon cant solidari.

Aquo vai ben ? alor dansam !
Riddim au dedins , fora leis embocants !
Va sas ragga , tornamai …

Legir tot

Aquo vai ben ? alor dansam !
Riddim au dedins , fora leis embocants !
Va sas ragga , tornamai fem abans,
Cantam per lo monde e de marsilha siam
La mar , lo port , lo ciele e lei barris
L’ombra dei carrieras dedins bagatoni
Aquo’s mon liech , aquo’s mon camin
Blu e blanc vaici lo drapeu qu’ai chausit

Repic
Canti , cantas , canta , cantam
Riddim au dedins , fora leis embocants !
Dansi , dansas , dansa , dansam
Zo ! raggamuffin cau estre bolegant

Marsilha , oc , es pas soleta
E ieu charri ame tota la planeta
Lei papiers , lei visas , lei porta-casquettas
N’ia pron , fau que tot aquo peta !
Saupras colega co qu’es ma nacion
Lei rebelaires de totei generacions
Gies de frontiera , d’administracion
Que de toteis estats , va sas , fau secession

Repic

Totei leis estrassas que fan montar la pression
Dins toei lei caires te fan declaracions
Te dien que trbalhan per la populacion
Parlan d’educacion , parlan d’integracion
L’integracion e mai l’educacion
T’en donarai aqui le sieuna definicion
Manipulacion e assimilacion
Dins son monde de fadoli ta participacion

Repic

A nostre torn de parlar fort
I a trop de temps , va sas , que fem lei morts
Me fau de voia , d’estrambord
Que lei gens vivents me fan batre lo cor
Vida vidanta , vies , vaqui mon aliment
La votz , lo son , lo beat vaqui mon armament
Jita tei paraulas , bofa coma lo vent
Totjorn e per tot te cau balhar tei sentiments

Repic

Lei mestres , ailamont , te demandan jamai
Si tot aquo te plai
Taisa te mon beu , t’enganaran mai
Te comptan lei dollars mai cu porta lo fais !
Aqu’os verai , aquo’s pas un pantai
Mandi ma canson e s’arrestara jamai
Per planas , montagnas e dins lei garragais
Te va dieu ragga e totjorn va dirai !

Canto, moun bèu canto,
coume se te falié mouri demain ;
coume se rèn avié plus d’impourtanço,
canto, vai canto. …

Legir tot

Canto, moun bèu canto,
coume se te falié mouri demain ;
coume se rèn avié plus d’impourtanço,
canto, vai canto.

Amo, moun bèu amo
la vido que s’esquiho de ti man ;
coume s’ero acò ta darriero chanço,
canto, vai canto.

De cop que i’a fai besoun
de cauco foro la resoun
sauto de toun estre
marcho sus la testo
e pièi faras de cansoun ;

t’en fagues pas !

Canto, moun bèu canto,
coume se te falié mouri demain ;
coume se rèn avié plus d’impourtanço,
canto, vai canto.

Festo, fai la festo,
pèr te desenueia de toun tran- tran,
pèr oublida que plòu sus ti vacanço ;
canto, vai canto.

Poudras parti quand voudras,
e faire tout ço que voudras :
vueja la boutiho,
courseja li fiho,
o t’ajassa se siés las ;

t’en fagues pas !

Canto, moun bèu canto,
coume se te falié mouri demain ;
coume se rèn avié plus d’impourtanço,
canto, vai canto.

Lu òmes aquí arecampats
Son fachs emb’ai fius dau vent
Aqueu que subla en li bandieras
Au merlet dau vielh …

Legir tot

Lu òmes aquí arecampats
Son fachs emb’ai fius dau vent
Aqueu que subla en li bandieras
Au merlet dau vielh castèu
Es la votz de Montsegur
Lu mòts que grunhisson
An la memòria dei ròcas

Cants e sangs d’Occitania
sensa frontiera, un tròç de ren a partajar

Venguts per l’amontanhage
En un pantais a ensegre
Ai ressons d’aquela tèrra
Lu còrs remonteràn lu rius
Se l’istòria es endurmida
L’aiga que la revilherà
Sauprà lo gust dei ròcas

Cants e luchas d’Occitania
Sensa frontiera, un tròç de ren a partajar

Per lo camin dei frusados
Sota soleu siam douze mile
Per ascendre lo lume
Far lúser una beluga
Pas mai d’una beluga
Per emberlugar lu bòrnis
Emb’ai mòts dei ròcas

Lenga dau breç, lenga occitana
Un tròç de ren a far cantar
A partajar