Repic :
Doman quand arrivarà
Doman ont lo cal cercar ?
Doman quant lo cal crompar ?
Doman cossí l’agantar …

Legir tot

Repic :
Doman quand arrivarà
Doman ont lo cal cercar ?
Doman quant lo cal crompar ?
Doman cossí l’agantar ?

Lo solelh promet la luna
E la luna lo solelh
E i a los de la tribuna
Que dison totjorn parèlh
Te prometon la fortuna
Per te far clucar l’uèlh
E te prometon la luna
Per t’amagar lo solelh

L’utopia i cal pas creire
Los que dison lo futur
Sabon pas jamai veire
Çò qu’aicí grelha segur
En cò nòstre sus la riba
Totjorn te parlan d’en bàs
Per parlar pas de la vida
E de çò que faguèron pas

Lo passat tornarà
Tot reviscolarà
La pola aurà de dents
Ieu serai president
Farem çò que cal far
Segur tot lusirà
O dison que farà jorn
Viurem pas que d’amor
La lauseta lausarà
Lo laurièr laurarà
Picarem de las mans
Majarem de domans
Es uei que se bastis
Es uei que lo garis

Al prumièr cavan de servici a Blagnac, ripi redde, segur. Ai pas lo temps de vos contar perque mas quò's …

Legir tot

Al prumièr cavan de servici a Blagnac, ripi redde, segur. Ai pas lo temps de vos contar perque mas quò's aital. Iò, los ausèls de nuèit, los bòti a mon ora, los fusèls oraris m'en adòbi. Sus mon Airbus A 380, me'n vau en vacanças e mas vacanças quò's Doman. Doman quò's la mòrt a las pòtas e lo rison de la Joconda dintrat dins lo punh de Vinci.
Doman quò's la sola idèia valida que vos trasconeissi. Las vòstras consti­tucions, las vòstras moralas, la vòstra cafeta-al-lach del matin, las vòstras camisas escaladas e que plissonan sus lo pressing, lo prumièr a man gaucha, dins vòstre barri, tot çò que vos brida, tot çò que vosautres subre-aimatz, tot çò qu'es vòstra mòrt jornadièra, tot aquò per iò quò's acabat.
Sus los estanhs, los cavals minjan de las flors blasidas e lors fotòs a se miral­har dins las aigas tristas lor tòrnan a lors morres tot embrumats. Damanda endonc una dotzena de cavals a ton florista !
Doman ? Un mot, un cadieral desossat, una cançon parlada d'una votz reglada al metronòme deus grands vents del nòrd flaquetant sus la cauçada d'una vila perduda, una gojata esplamida dins un canton de pòrta e se senhant a l'aprosmada del panaire de dròllas, una letra postada tròp d'abora e que lo portor de corrier a Paris a cinc oras e mièja de vespre voldrá pas te tornar que te conneis pas, la boita d'aspirina que tu minjes en te furgar lo cap e en cercar de costat una espiada frairala, aquesta botelha d'aiga minerala que quite ven pas de la terra, quela veitura que ripa e que t'engòrja l'autostrada.
Doman ? Al prumièr cavan de servici a Blagnac, me tiri, sèi a devenir lo manca un, res.
Sèi Res.
Lo tipe qu'espies aqueste ser sus la scena, aquel òme emb los pials blancs e son cap que sembla un trapèzi, es pas aquí.
Las cançons que canta, tot çò que t'arriba dins los uèlhs e las aurelhas, tot aquò fuguèt fach, dich e tornat dich dempuèi fòrça temps.
Lo tipe que gaites quò's de la semblança.
Doman quò's la mòrt figurada. E la vos vendon quela mòrt figurada, lo vos vendon aquel artista blancorit jols projectors talhat-coseguts, josmetuts. Vos vendon per paquetons, per cadierons un artista que s'es vendut per un pretz acceptat !
L'argent quò's lo rison del desesper.
Doman quò's tanben lo desesper. Alara, Doman seràs ric, mon camarada. Per que çò que te dòni a pas de pretz.
Agrada-me coma iò t'agradi. Doman, t'aimi.

Doman en aquesta ora
Bèla ont serèi-jo ?
Serèi sus la corgèira
Guardar los mautons
Morirèi-jo, bèla ? Morirèi d'amor …

Legir tot

Doman en aquesta ora
Bèla ont serèi-jo ?
Serèi sus la corgèira
Guardar los mautons
Morirèi-jo, bèla ? Morirèi d'amor ?

Jo vei venir ua bruma,
Sanja de color
Atau hèn las filhas,
Sanjan d'amorós

Qu'èi la mia au Baile
Lèu que'n hèi l'amor
S'aquò jo condèui,
Atau harí jo
Morirèi-jo, bèla ? Morirèi d'amor ?

Doman es lo prumièr mai
Mironfla, mirolirò
Doman es lo prumièr mai
Cadun vei sa mia
Soi anat al polit …

Legir tot

Doman es lo prumièr mai
Mironfla, mirolirò
Doman es lo prumièr mai
Cadun vei sa mia
Soi anat al polit bòsc...
Per florir ma mia

Mentre qu’ai copat lo mai...
Lo tamborn sonava

Mentre qu’ai portat lo mai...
Lo pifre jogava

"Obris, mia! obris-me...
Lo bèl mai se planta!"

Doman es lo prumièr mai...
Cadun vei sa mia

Doman ’i lo prumièr de Mai
Mironfa mirolira
Cadun va veire mia
Non farai pas io pauròt
Mironfa mirolira
Que …

Legir tot

Doman ’i lo prumièr de Mai
Mironfa mirolira
Cadun va veire mia
Non farai pas io pauròt
Mironfa mirolira
Que io non n’ai pas una

E davant que sian tres jorns
Benlèu n’aurai qualqu’una

M’en anguèri au bois-joli
Culhir lo Mai per una

E tot en lo li copant
Lo pifre ne jogava

E tot en lo li portant
La chabreta n’anava

E tot lo li plantant
Lo tambor ne frapava

E drubetz, mia, drubetz
Per vos lo Mai se planta

Non se planta pas per io
Se planta per una autra

Drubetz, mia, drubetz
O defonsi la porta

Enfonsatz ço que voldretz
Farai un’ autra pòrta

N’ai mon palre menisièr
Me farà n’autra pòrta

N’ai mon fraire sarralhèr
Me farà ’na clau tòrta

Doman serèi doman ombra ton ombra
hèi chau - au bronís de l’abelhèra
l’arredíder d’ua canta desbrombada
lo seren sobt …

Legir tot

Doman serèi doman ombra ton ombra
hèi chau - au bronís de l’abelhèra
l’arredíder d’ua canta desbrombada
lo seren sobt au camin deu ser

las còrdas dont cantan shens de naviu
lo bestiar deu cèu quan trist
que s’està - la mia ombra
seràs - los mòrts an pas pietat ac saps

aquò la soa doçor - lo son saunei
seràs - seràn ta joenessa
entà dròmis quiet saunejaràn per tu

que serèi ton pièt calme - mès
present - que sabrèi m’ac virar
quan a la fin m’agis desoblidat com cau

Òc, qu'as lo temps, Domitilhòta
De vàder grana, de vàder grana
Òc, qu'as lo temps Domitilhòta
D'aver los uelhs plorinejants. …

Legir tot

Òc, qu'as lo temps, Domitilhòta
De vàder grana, de vàder grana
Òc, qu'as lo temps Domitilhòta
D'aver los uelhs plorinejants.

Guarda Peiròt e la monaca
Costat deu còr tota la nueit,
Conterilhòts que't diseràn,
Cançons de brèç que't cantaràn.

Òc, qu'as lo temps, ma Domitilla
De vàder grana, de vàder grana
Òc, qu'as lo temps ma Domitilla
De't maridar, de vàder mair.

E quan Mamà e s'esmalia
Qu'i pòts pensar, quan èra petita
Costat deu còr qu'avè lo Peiròt
T'esmaginava ua breçairòla.

Òc, Domitilha, un beròi dia,
Que seràs la Mamà d'ua hilha.
Ad era, que li diseràs :
Òc, qu'as lo temps bèra mainada.

Guarda Peiròt e la monaca
Costat deu còr tota la nueit,
Conterilhòts que't diseràn
Cançons de breç que't cantaràn...

Glòria a qual al volant subran a desviat
Per evitar l’eiriç, lo grapaud fòra-viat !
E glòria a Don Juan …

Legir tot

Glòria a qual al volant subran a desviat
Per evitar l’eiriç, lo grapaud fòra-viat !
E glòria a Don Juan per son gent risolet
A la que per cadun valiá pas un caulet !
Aquela filha es tròp laida, me la cal.

E glòria al policièr qu’arrestèt una autò
Per daissar traversar los gats de Léautaud !
E glòria a Don Juan que donèt rendètz-vos
A la qu’èra a despart, al cotilhon limpós !
Aquela filha es tròp laida, me la cal.

Glòria al desconegut, que passa sens quincar
Quand sul guiton garrèl cadun vòl romegar !
E glòria a Don Juan per son trobar polit
A la que dels galants restava dins l’oblit !
Aquela filha es tròp laida, me la cal.

Glòria a-n-aquel curat que salvèt del lenhièr
Lo bon òme faidit, lo catar presonièr !
E glòria a Don Juan qu’èra mai qu’amistós
Ambé la que jamai recebèt de potons !
Aquela filha es tròp laida, me la cal.

Glòria a-n-aquel soldat qu’a pas tornar tirat
Puslèu que de tuar l’adversari nafrat !
E glòria a Don Juan d’aver plan regussat
Aquel paure faldal qu’èra totjorn baissat !
Aquela filha es tròp laida, me la cal.

Glòria a la bona sòr, que per un temps fresquet
Reviscolèt lo vièch sanglaçat del manquet !
E glòria a Don Juan que volguèt plan fretar
Aquel cuol que sabiá pas mai que s’assetar !
Aquela filha es tròp laida, me la cal.

Glòria a qual ajent pas d’ideal sacrò-sant
Viu sens tròp semenar d’embolhs dins son parçan !
E glòria a Don Juan que faguèt femna la
Que s’èra pas jamai facha despiuselar !
Aquela filha es tròp laida, me la cal.

Don ven anas filhetas, girar la farandòla (bis)
Don es que va balar aquela dansa propi fuola.
Don es que …

Legir tot

Don ven anas filhetas, girar la farandòla (bis)
Don es que va balar aquela dansa propi fuola.
Don es que va balar que ieu segur vau li anar.

Mi plas totplen girar virar faire la farandòla (bis)
Ancuei vuoli balar tota la nuech la dansa fuola.
Ancuei vuoli balar cor’ es que vas mi convidar.

Sovent te sònan amb de noms
D'aqueles qu'èran pas tos filhas.
Sovent te meton lo vestiment
De lor dimenge qu'es …

Legir tot

Sovent te sònan amb de noms
D'aqueles qu'èran pas tos filhas.
Sovent te meton lo vestiment
De lor dimenge qu'es pas lo tieu,
Dòna Carrièra.

Te sabi trista quora lo pas
Martèla l'òrdre sus ton pavat.
Te sabi urosa quand lo pè nus
De l'enfant paure jòga sens bruch,
Dòna Carrièra.

Dins tos ostals i a tant d'uòlhs
Pas res t'escapa dels gestes fòls
Dins ta memòria tot aquò deu
Comptar per l'ora del jutjament,
Dòna Carrièra.

Dins ta gandòla, a cada instant,
L'amor se jòga a s'inventar ;
Un amor paure qu'es amagat.
Pasmens te jure qu'a pas trichat,
Dòna Carrièra.

E se te levan tos pavats
Per que s'ausisse lo bruch
D'una revòlta d'encolerats,
Sabi que t'an pas levat ton buf,
Dòna Carrièra.

Dona un uòu poleta
Dona un uòu (bis)
Per faire una moleta
Poleta poleta
Per faire una moleta
Poleta dona …

Legir tot

Dona un uòu poleta
Dona un uòu (bis)
Per faire una moleta
Poleta poleta
Per faire una moleta
Poleta dona un uòu

Dona un uòu guiteta
Dona un uòu (bis)
Per faire una moleta
Guiteta, guiteta
Per faire una moleta
Guiteta dona un uòu

Dona-lhi de fen a n’aquel ase
Dona-lhi de fen qu’al mònge ben
Se n’en donatz gaire el mònja gaire
Se …

Legir tot

Dona-lhi de fen a n’aquel ase
Dona-lhi de fen qu’al mònge ben
Se n’en donatz gaire el mònja gaire
Se n’en donatz ben la lhi fai ben

Anem en beltròn ma dònda Joana
Anem en beltròn mon père Joòn
Quatre cinc nòu la mera Joana
Quatre cinc nòu lo père Joòn

Scrie-lhi de letras amoretas
E de compliments a tot moments
Ilhe es la pus jòlia des filhetas
Pr’ eli mon còr a de torments

1 - Per aqueu qu’a tròp set, dona-li de ton beure,
E per ‘queu qu’a tròp fam, dona-li de ton …

Legir tot

1 - Per aqueu qu’a tròp set, dona-li de ton beure,
E per ‘queu qu’a tròp fam, dona-li de ton pan.
Per ‘queu qu’a ren de ren, dona-li ‘n pauc per viure,
E per ‘queu qu’es solet, dona-li ‘n pauc la man.

R- ‘Queu que vòu pas donar sara abandonat.
Alòr, tu pòs donar e tant pis per aqueu,
E tant pis per aqueu, ‘queu que donariá pas
Pas meme la merda que li tomba dau quieu !

2 - Per aqueu que saup plus, dona-li ta paraula,
E per ‘queu qu’es preissat, dona-li ‘n pauc de temps.
Per ‘queu qu’a ges d’ostau, duèrbe-li ta cadaula,
E per ‘queu qu’a tròp mau, dona-li fòrça ben.

3 - Per aqueu qu’es tristàs, dona-li ‘n pauc de jòia,
E per ‘queu qu’a tròp freg, dona-li de calor.
Per ‘queu que ne’n pòu plus, dona-li ‘n pauc de vòia,
E per ‘queu qu’es perdut, dona-li ‘n pauc d’amor.

El, viro de vilo en chità
Boù sioou carous di juec pasà
Boù sioou gront uei se gacha entour
Se …

Legir tot

El, viro de vilo en chità
Boù sioou carous di juec pasà
Boù sioou gront uei se gacha entour
Se i’soun d’pichot da far sunhar
Uno chamizo de flanelo,
Lou gilè d’velù boù cat boutoun,
En paira d’braies da boutico
E a lhi pe n’bel parei de scarpoun
Da’n farnas fai’n bel jariot
Boù cat baquetes en chichou d’bousc
Da’n toc et carto na farfalo
Entont n’estorio el a countà
E tout lou mount ferm a gachar
A l’ome pa presà d’anar
Semeo scazi de tournar pichot
E nous a criàr qu’el quite pa
Chapel en testo ben pourtà
Na bela barbo bouisounà
Din siou carous el ten stremà
segret d’en bot que mouoerou pa
Entont lou temp cour senso fià
E lou carous se porta anant
Mentre carcun da n’aoutro part
Al cria que l’ome es retournà
El, viro de vilo en chità
Boù sioou carous di juec pasà
Boù sioou gront uei se gacha entour
Se i’soun d’pichot da far sunhar
Uno chamizo de flanelo,
Lou gilè d’velù boù cat boutoun,
En paira d’braies da boutico
E a lhi pe n’bel parei de scarpoun

Duèrm ma pichòta fin a deman
la nuèch es bèla, lo sumi ven plan
duèrbes li tius uèlhs ent un …

Legir tot

Duèrm ma pichòta fin a deman
la nuèch es bèla, lo sumi ven plan
duèrbes li tius uèlhs ent un autre monde
doç e colors, degun chagrin

L’i a una cevito abo quatre uèlhs,
un chat que parla abo quatre peis
una ramaça que bala se’n lac
Cinc solelhs la luna ent lo cièl

L'i a un ors que sòna lo rock & roll
Abo una marmòta que chanta de folk
de puèrc-singlarts que li fan lo còr
e de chaçaires que balon coma de fòls

Vièlhs e mainats juan ensem
Jòmai de sera, sempre matin
Jòmai de plors, sempre sorís
Masque d’aquò bòn tròbes aquí

Duèrm ma pichòta fin a deman
la nuèch es bèla , lo sumi ven plan
duèrbes li tius uèlhs ent un autre monde
Doç e colors, degun chagrin

Duerm, mon pitit, desjà la nuech s’avança
E los bargiers desboiren lors bestiaus.
Duerm, mon pitit, desjà l’estela dansa
E …

Legir tot

Duerm, mon pitit, desjà la nuech s’avança
E los bargiers desboiren lors bestiaus.
Duerm, mon pitit, desjà l’estela dansa
E la luna pica drech dins los ciaus.
Te veirai iò jamai, dins la charriera,
Menar tos buòus, desvirar ton aplech ?
Te veirai iò fringar quauqua bargiera
En li chantant queu tan brave coplet ?

Repic
Rossinholet, chanta ta chansoneta
Que fai sautar los lebraus de plaser.
Fie, chantarai per far dansar Joaneta
Dins quauques ans, quand n’auram dau leser, (bis)

Duerm, mon pitit, te fau frotjar d’enguera
Si tu voletz devenir fauchador.
Pervust, mon Diu, que venhe pas la guerra
Quand tu siras un bon trabalhador.
Sirai iò ’qui, ni jòuna ni tròp vielha,
Quante faudra ninar mos pitits filhs
E petassar lors pelhas d’una pelha ?
Sirai iò ’qui ? Qu’as ’qui lo paradis !

Refrain
Rossinholet, chanta ta chansoneta
Que fai sautar los lebraus de plaser,
L’es granda mair devenguda, Joaneta,
E per dansar la n’a pus de léser ! (bis)

Duerme emé ieu filheta
Derme emé ieu dintre aqueu liech
Siás una musica tant doça
Siás un camp cubèrt de …

Legir tot

Duerme emé ieu filheta
Derme emé ieu dintre aqueu liech
Siás una musica tant doça
Siás un camp cubèrt de flors
Siás un rire que passeja
Quora a maion fa bòn èstre ensems

Lo vent dins li rores
Subla la sieu cançon
Vene emé ieu
Duerme emé ieu

Duerme emé ieu filheta
Li marridi bèstias si son escapadi
L’i es l’enfant que juega
L’i es l’enfant resplendissent
Siás lo fuec que escaufa
Siás la raïç que mi ten drech

Duerme emé ieu filheta
Duerme emé ieu, deman es luenh
Siam tu e ieu, lo relòri si ferma
Siam tu e ieu, deman es luenh
Duerme emé ieu filheta
Es doç lo gust dau vent

Lo vent dins li rores
Subla la sieu cançon
Vene emé ieu
Duerme emé ieu

Dus pastors a l’ombreta
Que hasèn un boquet.
L’un cuelhè la vriuleta
E l’aute lo muguet.
Jo qu’aimi l’immortèla,
Mèi …

Legir tot

Dus pastors a l’ombreta
Que hasèn un boquet.
L’un cuelhè la vriuleta
E l’aute lo muguet.
Jo qu’aimi l’immortèla,
Mèi que las autas flors,
Com ei tostemps fidèla,
Atau son ams amors.

Un boquet de vriuletas
Que me n’avès enviat.
Diu d’aqueras manetas,
Tan plan l’avèn troçat !
Dab cordonet de seda,
E dab l’espingla d’aur,
Diu d’aqueras manetas,
Que valen un tresaur.

Dus pastors a l’ombreta
Que hasèn un boquet.
L’un cuelhè la vriuleta
E l’aute lo muguet.
Jo qu’aimi l’immortèla,
Mèi …

Legir tot

Dus pastors a l’ombreta
Que hasèn un boquet.
L’un cuelhè la vriuleta
E l’aute lo muguet.
Jo qu’aimi l’immortèla,
Mèi que las autas flors,
Com ei tostemps fidèla,
Atau son mas amors.

Jo que t’ac dit princessa,
Un còp e non pas mei.
Que la mia tendressa,
Non finirà jamei.
Hè’n drin l’experiéncia,
No’t demandi qu’aquò,
En jo poenh d’aparéncia,
Mes qu’ac èi tot au còr.

Un boquet de vriuletas
Que me n’avès enviat.
Diu d’aqueras manetas,
Tan plan l’avèn troçat !
Dab cordonet de seda,
E dab l’esplinga d’òr,
Diu d’aqueras manetas,
Que valen un tresòr.

D’aquí cent ans de qué, de qué seràs?
Tèrra ò ma tèrra volèm, volèm ben
D’aquí cent ans de qué, …

Legir tot

D’aquí cent ans de qué, de qué seràs?
Tèrra ò ma tèrra volèm, volèm ben
D’aquí cent ans de qué, qué faràs?
Seràs ma tèrra çò que ne farem

Seràs ma tèrra çò que ne farem
D’aquí cent ans seràs çò que serem

D’aquí cent ans a de qué somiarem?
Pòble ò mon pòble, volèm, volèm ben
D’aquí cent ans cossí te portaràs?
Seràs mon pòble çò que portarem
Mon pòble seràs çò que voldrem

Pòble ò mon pòble, çò que somiarem
D’aquí cent ans seràs çò que serem

D’aquí cent ans de qué dançarem?
Òmes e femnas digatz, digatz-me
D’aquí cent ans onte marcharem?
Per lo camin que fasèm

D’aquí cent ans de qué cantaràs?
Lenga ò ma lenga volèm, volèm ben
D’aquí cent ans, de qué diràs?
Direm ma lenga, direm

Seràs mon pòble çò que portarem
D’aquí cent ans seràs çò que serem

L’autre jour me passejave (bis)
D’Avignoun à Carpentras,
Lèri, lèri, lèri.
D’Avignoun à Carpentras,
Lèri, lèri pas.

Rescountrère douas fourmigo …

Legir tot

L’autre jour me passejave (bis)
D’Avignoun à Carpentras,
Lèri, lèri, lèri.
D’Avignoun à Carpentras,
Lèri, lèri pas.

Rescountrère douas fourmigo (bis)
Que pourtavon lou gousta,
Lèri, lèri, lèri.
Que pourtavon lou gousta,
Lèri, lèri pas.

L’adusien en douas limaço (bis)
Que lauravon lou roucas,
...Lou bouié que li menavo
Li sabié pas bèn mena,
...Quouro n’an fini la rego
L’an samena d’argelas !

N’a’speli tres bèlli roso,
N’a sourti tres bèlli fiho,
Sus un óulivié cura,
Lèri, lèri, lèri.
Lis as tóutis espousa,
Lèri, lèri pas.

S’es plus vist tant bèlli noço (bis)
D’Avignoun à Carpentras,
Lèri, lèri, lèri.
D’Avignoun à Carpentras,
Lèri, lèri pas.

È ! Ortalan ! Dança dejós la trelha !
È ! Ortalan ! Dança sens t'arrestar !

Dins lo Miègjorn, …

Legir tot

È ! Ortalan ! Dança dejós la trelha !
È ! Ortalan ! Dança sens t'arrestar !

Dins lo Miègjorn, de rasim e d'amor,
Fasèm bèla culhida.
Dins lo Miègjorn, de rasim e d'amor,
Se'n culhirà totjorn.
È ! Ortalan !...

Lo vin novèl canta dins lo vaissèl,
La vendémia acabada.
Lo vin novèl canta dins lo vaissèl,
L'imne de Sant Miquel.
È ! Ortalan !...

Vaquí lo most que pèga los artelhs,
La semal emplenada.
Vaquí lo most que pèga los artelhs,
Lo bon chuc de gavèl.
Es arribat, un còp tot acabat,
Lo jorn de la solenca.
Es arribat, un còp tot acabat,
Lo grand jorn de sabat.
È ! Ortalan !...

Una mosca en bicicleta
Fasiá lo torn d’un caulet
Encontrèt una mongeta
I fotèt un brave pet...

Repic :
Ara …

Legir tot

Una mosca en bicicleta
Fasiá lo torn d’un caulet
Encontrèt una mongeta
I fotèt un brave pet...

Repic :
Ara que la sason s’avança
Cal pas demorar al canton
Anem dintra dins la dança
Cantarem milanta cançons...

Dins lo trauc d’una sarralha
I aviá un rinoceròs
Que dançava l’escoticha
Sus quatre palms de fial gròs...

Una mirga s’afanava
A montar sus un pibol
La balena l’acorsava
A còp de pè dins lo cuol.

Dins una bóstia de sardas
Vivián 130 monins
Que fabricavan de farda
Amb de fuèlhas de ris...

Un tesson dins sa tessonièira
Que legissiá lo jornal
Vegèt la declaracion de guèrra
E tombèt se trobèt mal.

Lo combat d’una cigala
Contra un tropèl d’elefants
Emplenèt la mar glaciala
De cadavres e de sang.

E dança
Vai dança
E dança lo Parpanhàs...

L’autre jorn a Vabre
Vegèri venir
U carre fumaire
Pensèri morir
Se …

Legir tot

E dança
Vai dança
E dança lo Parpanhàs...

L’autre jorn a Vabre
Vegèri venir
U carre fumaire
Pensèri morir
Se fuma que fume
Aquò m’es egal
Qu’anga dins la luna
Quò’s pas mon trabalh.
Un jorn a Marsilha
Vegèri venir
Un tren de bons drilhas
Cugèri morir
Se fuma que fume
Es per far venir lo gaug
Monta sus la luna
Amai sovent pus naut.

Ie n’a quatre ròdas
Negras de carbon
Sens vaca ni muòla
Ni sens vacaron
Lo carre fumaire
Maquina a vapor
Totjorn ne fend l’aire
Amb un regulator.
N’a un escach de diòdas
De totas las colors
Sens viòla ni mandòla
Mas de sentetisors
Un molon de semplaires
De maquinas sens nom
Que venon asclar l’aire
De milanta ressons.

Mena a sa seguida
Un tropèl de vagons
Un plen de farina
L’autre de favons
Un autre menava
Filhas e garçons
De femnas e d’òmes
E de viatjors.
Mena a sa seguida
Un tropèl de chormons
De París de Marsilha
De totes los cantons
Quand la chorma en còla
Desbola un bèl jorn
Los francimands trantòlan
S’amagan los pebrons.

Un autre portavau
Cinc quintals de fèr
La maquina ronflava
Coma una sèrp
Tròta tròta tròta
Dins aquel valon
Sus tota la linha
E sus totes los ponts
Mena a sa seguida
Un tropèl de cançons
Reggae de jamaica
Borrèias e branlons
Lo tren d’Occitania
Partís totjorn comol
Se’n va de vila en vila
Per portar la leiçon.

Se qualqu’un arriba
Que siága en retard
Ne lèva las ússias
E ditz : "Ara es tròp tard !"
Aquí cal qu’atenda
Jusca l’autre tren
Per montar en voitura
E anar pus lènh
E se qualqu’un arriba
Que siága en retard
I a totjorn una via
Un veire un petard
Totjorn plaça segura
Auràs dins aquel tren
Anem monta en voitura
Anam partir pus lènh.

Cada defilada
Al còp de fiulet
La maquina lançada
Ba pren tot al net
Cada defilada
Al còp de fiulèl
La maquina lançada
Ba pren tot al bèl
Cada raggà baleti
Es un novèl espet
Lo fólzer es dins las tèstas
Lo fuòc es sul trastet
Cada raggà baleti
Es un viatge novèl
Per brandir las idèias
Bolegar tot al bèl.

Stallone Sylvester, Schwarzenegger
E ieu, e ieu, e ieu,
Som musclat coma un hamburger
Ai de tetas coma un vielh …

Legir tot

Stallone Sylvester, Schwarzenegger
E ieu, e ieu, e ieu,
Som musclat coma un hamburger
Ai de tetas coma un vielh rat
Fau de body building
Tot sol dins mon living
Ring, ringueding, gueding,
Vai z’i pichon, vai z’i

Crawford Cindy, Vanessa Paradis,
E ieu, e ieu, e ieu,
Que n’ai trapat que la Suzy
Pas mai sexy qu’un spaghetti
Lisi Play boy e Lui
Tot sol dins mon living
Ring, ringueding, gueding,
Vai z’i pichon, vai z’i

Jagger, Johny, Pavarotti,
E ieu, e ieu, e ieu,
Que canti coma un porc-epic
Canti melhor ambe de vin
Fau Tiou-la-la-la-iiii
Tot sol dins mon living
Ring, ringueding, gueding,
Vai z’i pichon, vai z’i

Bora Bora, Tahiti, Hawaï
E ieu, e ieu, e ieu,
Qua cada estiu vau a la Franqui
Sens poder me faire rostir
Fau un pauc de camping
Es pas tròp le standing
Tot sol dins mon living
Ring, ringueding, gueding,
Vai z’i pichon, vai z’i

Honda, Audi, Volkswagen, Ferrari
E ieu, e ieu, e ieu,
Amb mon trast tot poirit
Que peta fum coma un topin
Farai l’aquaplaning
E benlèu un looping
Tot sol dins mon living
Ring, ringueding, gueding,
Vai z’i pichon, vai z’i

Ted Lapidus, Lagerfeld, Cerruti,
E ieu, e ieu, e ieu,
Ai pas de bragas de dandy
Per chapotar dins lo rasim
Totjorn per me vestir
M’en vau a Monoprix
Tot sol dins mon living
Ring, ringueding, gueding,
Vai z’i pichon, vai z’i

Jesus, Marie et Spiritus Sancti,
E ieu, e ieu, e ieu,
Aquel Big Bang, e ieu aicí
Me cal legir, totjorn legir
To be or not to be
Bevi un còp de vin
Tot sol dins mon living
Ring, ringueding, gueding,
Vai z’i pichon, vai z’i

A son davant la tèrra redolava
una greseta doça, bona grava
prigonda e fresca ont l’araire dintrava
e lo boièr …

Legir tot

A son davant la tèrra redolava
una greseta doça, bona grava
prigonda e fresca ont l’araire dintrava
e lo boièr laurava.

Aviá laurat tot lo manne del jorn,
aviá polsat just lo temps de miègjorn,
la nuèit tombèt e laurava totjorn
a la luna montava.

A son davant la tèrra redolava
la glèba viva a sos pès s’engrunava,
de vent a vent las regas ondejavan
e la mossa cantava.

Tota la nuèit se faguèt d’òrs rossèls,
lo clar de luna encantèt los morrèls,
mancava pas una estèla dal cèl
e lo boièr laurava.

Lo clar de luna a sos pès redolava,
òr de la nuèit barrejat a la grava
lo clar de luna a sos pès s’enterrava
e lo boièr virava.

Lo muòl falet tirava sens esfòrç,
tira de buòu, tira doça dals fòrts
e s’un còp l’òme apiejava sul mòrs
la luna s’estonava.

Lo que passèt, aval, devèrs marin,
per l’agachar s’arrestèt sul camin
puèi reprenguèt son pas cap al matin.

A son dabant la tèrra redolava,
l’òr de la nuèit a sos pès s’enterrava
de vent a vent las regas ondejavan
e la luna montava.
A son davant la tèrra redolava
una greseta doça, bona grava
prigonda e fresca ont l’araire dintrava.
A son davant la tèrra redolava
l’òr de la nuèit barrejat a la grava
de vent a vent las regas ondejavan
e la luna montava.

E lo jorn vendrà
Que careçerà
L’espera dei mieus uelhs
E lo jorn vendrà
Que vendrà tanben
E lo jorn …

Legir tot

E lo jorn vendrà
Que careçerà
L’espera dei mieus uelhs
E lo jorn vendrà
Que vendrà tanben
E lo jorn vendrà
E seràs mai liura
Que lo maça-flic
Dau roge mes de mai
E seràs mai liura
Que li gabianòlas
Dau vent terrador

Canteràs mai luenh
Que la lònga votz
Dei vielhs trobadors
Canteràs mai luenh
Canteràs tanben
Reinat Char e Ritsous
L’Euskadi de deman
Lu fraires Catalans
L’Euskadi de deman
Lu poètas embarats
Auràs pus vergonha
De parlar Occitan

Bensai qu’un endeman
Borrèus s’escaperàn
Per la si faire bòna
Borrèus s’escaperàn
Per la si faire bòna
Embé lo soleu
Un jorn vendràs tanben
Escriure sus lo barri dau mieu
« Drech de viure »

Aurai tuat mon paire
Aurai manjat ma maire
E nos aimarem

Aurai explausat la vila
Bombardat mon trabalh
E nos …

Legir tot

Aurai tuat mon paire
Aurai manjat ma maire
E nos aimarem

Aurai explausat la vila
Bombardat mon trabalh
E nos aimarem

Aurai crebat leis uelhs
Aurai tampat d’aurelhas
E nos aimarem

Quand quitarai la vila
Quand quitarai mon còs
Que trevarai l’enveja
Nos nos aimarem

Quand quitarai la vila
Quand tornarai d’un passat de sordat

Nos nos aimarem
Blasi
Nos nos aimarem
Enfin

De vòls de sautarèls
Dintrèron dins las vilas
Per los camps la vermina
Mangèt raiças e ramèls
Tuèt la sauvagina …

Legir tot

De vòls de sautarèls
Dintrèron dins las vilas
Per los camps la vermina
Mangèt raiças e ramèls
Tuèt la sauvagina
Per las arroïnas
Venguèron gòrps e estornèls
La fam canina.

E o volguèri pas veire, e refusèri de creire.

Los reis donavan als chins
Lo pan blanc de sa taula
Los paures mendicavan
Prenián son linge fin
Enredesit de crassa
De vin, de racha
E lo lavavan per los rius
N'en bevián l'aiga.

E o volguèri pas veire...

Nasquèron los enfants
La boca cordurada
L'uòlh blanc, las mans ligadas
Venguèron de tavans
Per i chucar la bava
Quand se ploravan
Degus, enluòc, compreniá pas
Las mormonalhas.

E o volguèri pas veire...

Nòstre sang venguèt freg
A pona se tustava
Lo còr que se gelava
Somelhàvem al mièg
La fenèstra tancada
A la tronada
Los quauques uns de vius, de dreits
Los embarravan.

E o volguèri pas veire...

Lèugèr qu’ei lo dia
Deu beròi abriu
Qui hè cantar l’aiga de l’arriu
La brisa bailina
Los camps e las …

Legir tot

Lèugèr qu’ei lo dia
Deu beròi abriu
Qui hè cantar l’aiga de l’arriu
La brisa bailina
Los camps e las flors
L’arrai deu só vien secar l’arrós
Le men cor pataqueja
E ne compréni pas
Que mon cap viroleja
Shens estar brica làs

Repic :
E sere donc l’amor qui da sa claror
Au ceu deu printemps ?
E sere donc l’amo,r la bera sason
Qui s’arrid deu temps ?

Que luséish a l’auba
Lo darrèr lugran
Ara la terra pot desvelhar
Que hica sa rauba
Color de l’espèr
Com hè la huèlha deu tilhulèr
Dens las flors se repausa
La promessa deu frut
Que véi hens cada causa
Un bonur esconut

La lua qu’enlua
Los darrèrs sauneis
Vien lo moment de clucar los uelhs
La lua qu’ei blua
Se l’amor ac crét
E çó qui crét autanlèu qu’ac vét !
L’abriu que s‘amantóla
D’ua nueit de frescor
E l’amor s’esparvola
Puish qu’es au ras de jo

E que crei qu’ei ’amor qui da sa claror
Au ceu deu printemps.
E que crei qu’ei l’amor la bera sason
Qui s’arrid deu temps.