E a mon ostal lai fan l’amor
E ièu paure, gardi l’ase. (Bis)
Mès quand mon torn vendra,
Gardarà l’ase, …

Legir tot

E a mon ostal lai fan l’amor
E ièu paure, gardi l’ase. (Bis)
Mès quand mon torn vendra,
Gardarà l’ase, Gardarà l’ase,
Mès quand mon torn vendra,
Gardarà l’ase que voldrà.

E a mon ostal bevon lo vin
E ièu paure, bevi l’aiga. (Bis)
Mès quand mon torn vendra,
Biurà l’aiga, biurà l’aiga,
Mès quand mon torn vendra,
Biurà l’aiga que voldrà.

E a mon ostal lai fan l’amor
E ièu paure, gardi l’ase. (Bis)
E a mon ostal bevon lo vin
E ièu paure, bevi l’aiga. (Bis)
Mès quand mon torn vendra,
Gardarà l’ase, Gardarà l’ase,
Mès quand mon torn vendra,
Biurà l’aiga que voldrà.

A nau* denièrs son los garçons
Coratge ma hilha cau tiéner bon
A nau* denièrs que'us balhén
Los òmis que's …

Legir tot

A nau* denièrs son los garçons
Coratge ma hilha cau tiéner bon
A nau* denièrs que'us balhén
Los òmis que's meten a la rason
Coratge, ma hilha coratge

*nau, ueit, sèt, sheis, cinc, tres, dus, un.

A nau sòus lo bon vin blanc
Janiron aquesta annada
Per nes har velhar lo ser,
Dromir la matinada
Com …

Legir tot

A nau sòus lo bon vin blanc
Janiron aquesta annada
Per nes har velhar lo ser,
Dromir la matinada
Com t'i va l'aulhada, aulhèr ?
Com ti va l'aulhada ?

Na bostro capero
Bierjo de Lizart
Ra gent estrangèro
Benc de touto part.

REFRAIN
Avé, Avé, Avé Maria
Préguem, cantèm, …

Legir tot

Na bostro capero
Bierjo de Lizart
Ra gent estrangèro
Benc de touto part.

REFRAIN
Avé, Avé, Avé Maria
Préguem, cantèm,
Avé Maria

Per bous Nostro Damo,
Qu’aïman de canta
De touto nostr’amo,
Déouant bost’aouta.

REFRAIN

Grenhiouos, laousetos
Que boulatejats
Didets mous praoubetos
Sé per qui cantats.

REFRAIN

Dé hero traïdouro
Gouardats et troupéou
Célesto Pastouro
Ammiats mous en cèou.

A nueit hè nau ans
Que non ns’i èran vists
Tanlèu qui ns’èm vists
Que ns’èm adromits
Hètz-ve, donc, ençà …

Legir tot

A nueit hè nau ans
Que non ns’i èran vists
Tanlèu qui ns’èm vists
Que ns’èm adromits
Hètz-ve, donc, ençà
Las mias amoretas
Hètz-ve donc ençà
La nueit que se’n va

A nueit i a nau ans
Non ns’i èran pas vists
Tanlèu nos ns’èm vists
Que ns’èm adromits
Tanlèu deishudats
Que ns’èm embraçats
Hètz-ve donc ençà
Las meas amoretas
Hètz-ve donc ençà
La nueit que se’n va.

A nueit hèsta de Nadau,
E qu’èm en vacanças,
Nosauts qu’èm contents atau,
E plens d’esperança,
A viste doman matin, …

Legir tot

A nueit hèsta de Nadau,
E qu’èm en vacanças,
Nosauts qu’èm contents atau,
E plens d’esperança,
A viste doman matin,
Tà véder au pè deu sapin,
Lo petit paquet,
Lo de pairolet,
Ah, quina escadença,
Quina benhaurença!

Que demora dens lo cèu,
Dessus ua estela,
Que vola capvath la nèu,
Lo sac sus la rea,
Que passerà dens la nueit,
Jo que serèi dens lo lhèit,
Tà portar joguets,
A tots los poquets,
Ah, quina escadença,
Quina benhaurença!

Tot embarrat dens ma lapinèra
Non coneishi pas lo men vesin
On son ma tèrra e mos amics
A nuèit …

Legir tot

Tot embarrat dens ma lapinèra
Non coneishi pas lo men vesin
On son ma tèrra e mos amics
A nuèit que’t vau cantar
O mon país

Que sèi tostemps lo nom de las penas
Que sèi lo nom de tots los camins
Que’us vei enqüèra au hons deu vin
A nuèit que’t vau cantar
O mon país

Dens la nuèit que t’èi cercada Aneta
M’as deishat au còr la flor deu lin
Darèi ma letra a l’arcolin
A nuèit que’t vau cantar
O mon país

Amics si vedetz la mair per casa
Digatz-li que soi urós ací
Que son hilh canta sos sovenirs
A nuèit que’t vau cantar
O mon país

A nuèit toqueram lo pè a la nòvia, ( bis )
A la nòvia, nòvia,
Toqueram lo faridondèna,
A la …

Legir tot

A nuèit toqueram lo pè a la nòvia, ( bis )
A la nòvia, nòvia,
Toqueram lo faridondèna,
A la nòvia, nòvia,
Toqueram lo faridonde !

… l’artelh

… la cama

… lo jolh

… la cueisha

A perdut son caton,
Son caton a partit.
La paura Margoton
N’a meme perdut l’apetit.
Car dedins son canton
Lei …

Legir tot

A perdut son caton,
Son caton a partit.
La paura Margoton
N’a meme perdut l’apetit.
Car dedins son canton
Lei gents lei plus marrits
Dison que son caton
Ara es ben mòrt e qu’es finit.

Dison tanben que s’es gitat
Dedins lo fons d’un grand valat,
E que s’es fach tot escrachar
E puei qu’es tot escrabolhat !

Margòt te ne’n fas pas,
Escota ton amic,
Leis autrei son fadats
E se ton caton a partit,
Es anat promenar
Dins un autre païs :
Aièr l’ai vist passar
En direccion dau Paradís.

Era montat d’escambarlon
Sus una fusada en carton,
E s’envolava vèrs Pluton
Per veire se i a de ratons !

A perdut son caton,
Son caton a partit.
La paura Margoton
N’a meme perdut l’apetit.
Se dedins son canton
Lei gents lei plus marrits
Dison que son caton
Ara es ben mòrt e qu’es finit.

Dison tanben qu’a cabussat
Que s’es fach tot ratatinar
E puei que s’es fach rosigar
Tot entier per lei corpatas !

Margòt te ne’n fas pas
Escota ...

A qué serveish l'escòla?
A cantar, dançar, parlar occitan

A qué serveish l'escòla?
A apréner a léger, escríver e comptar. …

Legir tot

A qué serveish l'escòla?
A cantar, dançar, parlar occitan

A qué serveish l'escòla?
A apréner a léger, escríver e comptar.

A qué serveish l'escòla?
A descopar, pintrar e dessenhar.

A qué serveish l'escòla?
A poder ajudar los mei petits quan èm grans.

A qué serveish l'escòla?
A aver un beròi mestièr mei tard.

A qué serveish l'escòla?
A la cantina, bonas causas que podem minjar.

A qué serveish l'escòla?
En recreacion, tots amassa que ns'agrada de jogar.

E perqué vam a l'escòla?
Pr'amor los pairs que tribalhan e de nosautes ne's pòden pas aucupar!

A la prima totstemps, lo mèu còr pataqueja,
Quan floreish lo bròc blanc, que soi embriagat,
Tròp beròia tà jo …

Legir tot

A la prima totstemps, lo mèu còr pataqueja,
Quan floreish lo bròc blanc, que soi embriagat,
Tròp beròia tà jo n’èi pas jamei gausat
Envitar sons quinze ans darrèr la bòrda vielha.

E saurés, tu lo vent,
Si passa lo cap au finestron,
A l’entorn deu son còr anar sonar l’aubeda,
E saurés, tu lo vent,
Tu qui cantas tan beròi l’amor,
Cridar lo mèu seret per totas las contradas.

Aquiu despuish mila ans que iei doça l’erbeta,
Un pomèr que l’escón sonque taus amorós,
Que ns’i serem cochats shens deranjar las flors,
E deilhèu desvelhats paur arrais de l’aubeta.

Qu’èi tant marchat solet per devath l’estellada,
Lo huec dehens lo còs, d’aver trop saunejat,
Son imatge que l’èi tostemps au hons deu cap,
Que luseish com un só qui a trobat la matiada.

A Rochòbèla
La filheta d'un minur
Es bruna coma una irondèla
A de polits uèlhs d'azur
Una talha, una tornura …

Legir tot

A Rochòbèla
La filheta d'un minur
Es bruna coma una irondèla
A de polits uèlhs d'azur
Una talha, una tornura
Un regard mocur,

De son mestièr es tiraira
Trabalha chez "Franceson"
Es onèsta, es trabalhaira
Mes sas mans un pauc pertot
Es onèsta, es esparnhaira
Tira a siès bots.

Un soèr la polida bruna
Assetada sus un banc
Au bosquet au clar de luna
Fringava eme son galant
Un garçonet sens fortuna
Polit e charmant.

Tot per un còp la pichòta
Entendent un pichòt bruch
Sauta coma una cabreta
En diguent : «Ai entendut
Un bruch a la muralha
Mon Diu siam perduts».

Sens tamborn e sens escala
Sautavan las escalièrs
En passent la Marechala
Joau perdiguèt son solièr
Lisa son còl de percala
E sa cambalièr.

Per finir ma cansoneta
Mos amics vos vau contar
Que la mire de Liseta
Trobèt son gendre Polit
An quauques sòus a l'ombreta
Vivon sens socits.

A Sent Liugèr que i a quate bèras gojatas
Quate bèras gojatas se'n van dens l'Orion
Per har dançar los …

Legir tot

A Sent Liugèr que i a quate bèras gojatas
Quate bèras gojatas se'n van dens l'Orion
Per har dançar los drilhes e aqueths joens garçons.

Que s'an hèit un boquet pesava trenta liuras,
Pesava trenta liuras ne'u podèn pas portar,
Au permèr torn de dança se l'an deishat tombar.

A Tolosa cal anar, esperam faire un bon viatge.
Cal passar per un vilatge que i a un molin de …

Legir tot

A Tolosa cal anar, esperam faire un bon viatge.
Cal passar per un vilatge que i a un molin de vent,
aquí ganharem d’argent.

Dins aquel molin de ven, una polida molinièra,
"diga bèla molinièra, vòls pas logar un vailet
per far virar lo rodet ?

- Quand ieu lògui un vailet, me cordura me petassa,
pren lo blat dins la tremieja e lo met dins lo rusquet,
me far virar lo rodet."

Me convidèt a sopar, per manjar una pola grassa
e de vin a bèla tassa, e pus tard l’aiga vendrà
e lo rodet rodarà.

E lo primièr poton, qu'aguèri de to boca,
Fuguèt tan calorós, que mon alma, de plasér,
Montèt dedins ma boca, …

Legir tot

E lo primièr poton, qu'aguèri de to boca,
Fuguèt tan calorós, que mon alma, de plasér,
Montèt dedins ma boca, daissant coma una soca,
Mon còs abandonat, tot assecar, valiái pas res.

Aquò me fa venir craba, aquò me fa capvirar,
La calor que l'un me balha, l'autre la me ven tirar.
Aquò me fa venir craba, aquò me fa capvirar,
Tos potons coma una bala, me fan plan rebombelar.

E lo segond poton, qu'aguèri de ta boca,
Fuguèt tan calorós, que me rabinèt lo pòt.
Man alma, dins ma boca, churlupèt a la sorga,
E vaquí la calor que me davala dins lo còs.

Aquò me fa venir craba...

E lo tresen poton, qu'aguèri de ta boca,
Fuguèt tan calorós que mon alma s'esglasièt.
Aquela calorassa, la tresmudèt en glaça.
Davalèt dins mon còs e tornamai me lo torrèt.
Aquò me fa venir craba...

E lo quatren poton, qu'aguèri de ta boca,
Fuguèt tan calorós que mon alma se quilhèt.
E d'aquela calor, lo còs se reviscola.
Tant de caud e de freg que mon alma s'enrauquèt.

Aquò me fa venir craba...

A vendemia la Magdalena rescontrèt un bèl francimand.
Dins un bufal de marinada culhiguèt son poton brutlant.
I diguèt que …

Legir tot

A vendemia la Magdalena rescontrèt un bèl francimand.
Dins un bufal de marinada culhiguèt son poton brutlant.
I diguèt que sariá sa femna per Nadal o mèmes abans.

Sus las barcas, el esperava la bèla quitant lo trabalh.
Totis dos sols, cada vesprada, partissián lo long del canal.
Ressopet a fait ches l’aimada quand siaguèt lo jorn de Nadal.

Lo temps passa mas de la nòça parla pas lo bèl francimand,
e Magdalena vesiá sa fauta cada jorn mai granda portant,
quand sapièt qu’una autra griseta aviá pres lo lache galant.

A l’estanh davant nòstra Clapa la preguèt de lo doblidar.
Adieus alòrs ! E Magdalena a sos pès mòrta ven tombar.
E lo Cèrç planhís Magdalena quand la nèit l’ausissètz plorar.


Revirada

Aux vendanges, Madeleine rencontra un beau français.
Dans un souffle de vent marin, elle ceuilli son baiser brullant.
Il lui dit qu’elle serait sa femme pour Noël ou même avant.

Sur les Barques, il attendait la belle quitant son travail.
Tous les deux, seuls, chaque soirée, ils partaient le long du canal.
Il a même reveilloné chez l’aimée le soir de Noël.

Le temps passe mais de la noce, il ne parle plus, le beau français
et Madeleine voyait sa faute chaque jour plus grande,
quand elle appris qu’une autre jeune femme avait prit le lâche galant.

A l’étang devant notre Clape, il la pria de l’oublier.
Adieu alors ! Et Madeleine, à ses pieds tombe morte.
Et le vent du nord gémis pour Madeleine quand la nuit vous l’entendez pleurer.

Ab l’alen tir vas me l’aire
qu’ieu sen venir de Proensa!
Tot quant es de lai m’agensa,
si que, quan …

Legir tot

Ab l’alen tir vas me l’aire
qu’ieu sen venir de Proensa!
Tot quant es de lai m’agensa,
si que, quan n’aug ben retraire,
ieu m’o escout en rizen
e.n deman per un mot cen:
Tan m’es bel quan n’aug ben dire.

Qu’om no sap tan dous repaire
cum de Rozer tro c’a Vensa,
si cum clau mars e Durensa,
ni on tant fins jois s’esclaire.
Per qu’entre la franca gen
ai laissat mon cor jauzen
ab lieis que fa.ls iratz rire.

E s’ieu sai ren dir ni faire,
ilh n’aia.l grat, que sciensa
m’a donat e conoissensa,
per qu’ieu sui gais e chantaire.
E tot quan fauc d’avinen
ai del sieu bell cors plazen,
neis quan de bon cor consire.

Abal abal dins un castel
I a uno tan bèlo fillo
È que bol pas mouri
Sen bèsè soun amie …

Legir tot

Abal abal dins un castel
I a uno tan bèlo fillo
È que bol pas mouri
Sen bèsè soun amie

Soun paire per la counsoula
Té la enbouia quérrè
E rapiè i monta
Que la bélo trespassat

S’ es coulcodo sus soun coussinet
Nè plourabo de souspiro
Quant plourario cent ans
Soun amour non tournara

Lou jour de soun entèroument }
Tout lè moundè plourabo }bis
E mai lo capelan que plourabo en cantan }bis

En benguent de l’entèroument }
Passet davant sa porto }bis
Lèbet sus uelhs dessus }
Soun amour i èro pas pus }bis

Pourtara un an un jour lou dol de sa mestressa }bis
Pourtara un an un jour lou dol de soun amour }

Abal abal dins un castel

Abelha, abelha, bales tu la vielha
Pilha-te mac garda da la pitabelha

Seta-te as vuelha ? La flor fai carreia …

Legir tot

Abelha, abelha, bales tu la vielha
Pilha-te mac garda da la pitabelha

Seta-te as vuelha ? La flor fai carreia
O te pòrto a lieia ’bo mia ieia

Rubem a la cleia, boquem content la plueia
Mi de mia meira, tu de tia botieia

Seta-te as vuelha ? La flor fai carreia
O te pòrto a lieia ’bo mia ieia

Se cal pas faire una rason
Escotatz totes ma cançon

I aviá un còp sus tèrra
Un òme e una …

Legir tot

Se cal pas faire una rason
Escotatz totes ma cançon

I aviá un còp sus tèrra
Un òme e una femna
Sols dins un paradis etèrn
Sens coneissença de l'ivèrn

Mas fòl l'òme que viu
Dins la crenta de Diu

Adam Adam zonzonava Eva
Aquel fotut bonur me crèba
Gaita la poma que lusís
La vòli crocar l'engolir

Femna Calha-te soi perdut
Se culhèm lo fruch defendut
Soi nascut per dire de òc
Al paire que me faguèt òme

Se cal pas faire una rason
Apres òme a dire de non
N'ai mon confle d'aquel estiu
N'i a pron d'èstre esclava de Diu

Se cal pas faire una rason
Apren òme a dire de non

Aital Eva croquèt enfin
La poma e mostrèt lo camin
De la revòlta e de l'espèr
Viva Santa Viva l'infèrn

E los que gausan pas jamai
Faire espandir un mes de Mai
Que doblidem pas ma cançon

Se cal pas faire una rason

Adam e sa compànha
N’èran que tròp urós ;
Satan prenguèt la lanha
E s’en rendèt jalós ;
Songèt pus …

Legir tot

Adam e sa compànha
N’èran que tròp urós ;
Satan prenguèt la lanha
E s’en rendèt jalós ;
Songèt pus qu’a lei nuire
E per mièu lei destruire,
Li presentèt dau fruch
Qu’èra estat defendut.

- Aquesta poma es rara !
Tenètz, cresètz a ièu.
Se n’en manjatz tot ara
Sarètz coma de dieus.
Èva presta l’aurelha,
L’apetit se revelha ;
Per voler tròp saber
Manquèt a son dever.

La paura criminèla
Se reconeis ben lèu ;
Son pecat la borrèla
Li trobla lo cervèu ;
Per acabar la fèsta,
Jòga de tot son rèsta,
Se vira vers Adam,
Una poma a la man.

Après un tau mainatge,
Se trobèron tot nus ;
Au travèrs dau fulhatge
Intrèron tot confús ;
Mas Dieu, d’una voes auta,
Li reprochèt sa fauta,
E coma de gredins,
Lei caçèt dau jardin.

Adara nòvia quan volhis anar ceulà,
Lo dret a ton marit calrà demandar.
Si lo ton maritz te ditz "sèi …

Legir tot

Adara nòvia quan volhis anar ceulà,
Lo dret a ton marit calrà demandar.
Si lo ton maritz te ditz "sèi pas",
Avanceràs nòvia entà partir.
Si lo ton maritz te ditz "sèi pas",
A ton ostau nòvia calrà demorar.
Que te'n heiràs darrèr lo horn,
Que deisharàs tombar las larmas dinqu'au menton.
Que't diràs nòvia, s'aví sabut,
Jamèi nat òmi n'aurí prenut.

Ieu espère Adèla
Per la bagatèla.
Mai saup que vèn per aquò,
Fau pas li dire dos còps.
Lei sòus …

Legir tot

Ieu espère Adèla
Per la bagatèla.
Mai saup que vèn per aquò,
Fau pas li dire dos còps.
Lei sòus se ne’n trufa,
Es pas ‘na baudufa.
Lo diluns n’ai capitat
L’esclusivitat.

Que degun la toca,
Se vòle sa boca
I a pas besonh de question,
D’empurar la combustion.
Comble de tendressa
Mesclat d’alegressa,
Me fai de gròs potonas
Sus lo bot dau nas!

Ieu espère Adèla
Per la bagatèla.
Me fau l’esperar quand plòu
Perdequé m’a dich :« Ai paur
Quand plòu e quand banha,
Tot aquò me lanha ».
Belèu que prendrà lo car
De sièis oras e quart.

Mai la paura Adèla
A ges de cervèla,
A degut èstre en retard
E puei a mancat son car.
Que m’a fach l’Adèla?
La cresiáu fidèla.
Ai començat d’oblidar
Sa sinceritat.

Mai la polideta
Es tròp besuqueta
E se lo soar manja pas,
Aquò pòu la constipar.
Belèu qu’es malauta,
Es pas de ma fauta.
E puei se pòu pas venir,
Per ieu es finit.

Tant pis per l’Adèla,
M’aurà pas la bèla.
E se vèn pas, ieu me’n vau,
E m’entorne a mon ostau.
Belèu ma cosina
A aduch sa copina,
Coma i agrada lei durs
Es un còp segur !

E cric e crac
Mon conte es acabat !
Anam tornar partir
Sus la rota. Escota
Nòstre camin.

Deman ambe …

Legir tot

E cric e crac
Mon conte es acabat !
Anam tornar partir
Sus la rota. Escota
Nòstre camin.

Deman ambe nosaus
Serètz davant l'ostal
Del monde a venir
E i aurà una porta
E la caldrà dubrir !

Sabi ont es la clau :
Al fons de nòstres caps !
Vos saluda Marti.
Cadun farà sa rota
A cadun son camin.

T’en vas de ton vilatge, dins la doçor del ser,
Incèrt serà lo viatge, lo claufisses d’espèr.
Son un fum …

Legir tot

T’en vas de ton vilatge, dins la doçor del ser,
Incèrt serà lo viatge, lo claufisses d’espèr.
Son un fum sulla plaça, sas alas dins lo cap,
Non, carges pas ta saca, te van pas esperar.
Adieu t’en vas adieu.

Lo solelh s’enauçava veniá lo punt del jorn
Aquí s’es desliurada, te diguet son amor.
Ton còr ambe la bruna irà cap al tombèl,
Pas mens, aucèl de luna, seguiràs lo tropèl.
Adieu t’en vas adieu.

Fugiguères la terra que manja e que noirís
T’engulirà sens pena quora caldrà morir.
Dins lo lum de la luna alara poiràs trapar
Lo camin de ta bruna, cap a l’etèrnitat.
Adieu t’en vas adieu.

Adieu passeja-te plan adieu e siegues pas trista
Adieu al luòc de plorar adieu sarra-me la man

Cada còp que …

Legir tot

Adieu passeja-te plan adieu e siegues pas trista
Adieu al luòc de plorar adieu sarra-me la man

Cada còp que te sentiràs trista e soleta
E quand de còps pensaràs pichoneta
Que la vida val pas lo còp d’esser viscuda
Pensaràs al camin pichòt de nòstra vida

A cada aubre qu’avem plantat tantas fuelhas
A cada sòmi inventat tant d’estelas
De pertot ont avem caminat tantas peiras
Endacòm ont avem plorat tantas sorgas

A la luz d’aquel temps passat a aprene a dire
Veiràs plan melhor l’endemàn l’enveja de viure
Dins lo regard d’una vielha fòtò bastiràs lo sòmi
E benlèu qu’un jorn sense mòt sauràs dire t’aimi

Adieu l’amor la bruna a la guèrra me’n vau
A la guèrra me’n vau dedins l’estrangièr,
per culhir lo laurièr …

Legir tot

Adieu l’amor la bruna a la guèrra me’n vau
A la guèrra me’n vau dedins l’estrangièr,
per culhir lo laurièr la flor d’irange.

Me’n vau un jorn en vila véser se’n trapi cap,
véser se’n trapi cap d’aquelas filhas,
qu’elas m’agradan tan quand son polidas.

Amont ne’n trapi una faita a mon agrat,
faita a mon agrat e ieu a n-ela ;
la preni per la man me’n vau amb ela.

Me’n vau mandar sa maire se me la vòl donar,
se me la vèol donar o que’n vòl faire
la prendrai dins son lèit viurà a son aise.

Sa maire fa response que n’avián pas de lèit,
que n’avián pas de lèit, ni mai de restas
e ni mai pro d’argent per far la festa

Ongan es pas annada i’a pas agut de blat,
i a pas agut de blat, de milh per vendre
e ieu m’en foti que siasque mon gendre.

Adieu paure, adieu paure,
adieu paure Carnaval (bis)

Carnaval èra un bon òme
Qu’aviá fach son testament.
Aviá ren leissa’ …

Legir tot

Adieu paure, adieu paure,
adieu paure Carnaval (bis)

Carnaval èra un bon òme
Qu’aviá fach son testament.
Aviá ren leissa’ sa fema,
Encara mens a seis enfants.

Tu te’n vas e ieu me leisses
Emé lei borsons curats.
S’aviás pas agut la foira
Sariás pas tombat tant bas.

Tu te’n vas e ieu demòre
Per manjar la sopa a l’alh.

Adieu paure, adieu paure,
Adieu paure Carnaval

Tu te’n vas e ieu demòri
Per manjar la sopa a l’alh
Per …

Legir tot

Adieu paure, adieu paure,
Adieu paure Carnaval

Tu te’n vas e ieu demòri
Per manjar la sopa a l’alh
Per manjar la sopa a l’òli
Per manjar la sopa a l’alh

La joinessa fa la fèsta
Per saludar Carnaval
La Maria fa de còcas
Amb la farina de l’ostal

Repic:
Adieu paure! Adieu paure! Adieu paure Carnavas
Tu te’n vas et ièu m’entòrni, Adieu paure Carnavas

Adieu ta bèla …

Legir tot

Repic:
Adieu paure! Adieu paure! Adieu paure Carnavas
Tu te’n vas et ièu m’entòrni, Adieu paure Carnavas

Adieu ta bèla joinessa
Vai ti siás pron divertit
As acabat tei richessas
Ara deves te’n repentir
S’es verai qu’as fach ripalhas
Qu’as dansat dins de palais
Vai ! resta nu sus la palha
E plen de fen coma un ai
Adieu tu que ti chalavas
Que ti siás vist’ adorar
Adieu lei soùs qu’escampavas
Ara la ròda a virat
Ti fau cambiar de regime
Et se vòs pas lo subir
Per ti punir de tei crimes
Marrias anam ti chabir
Adieu vielh paire dei vìcis
Lo carema es arribat
Es lo jorn de la justìcia
Adieu tu cu vas crebar
Tot lo pòple ti saluda
èu se’n tòrna et tu te’n vas
Ta darriera ora es venguda
Adieu paure carnavas.

Repic:
Adieu paure! Adieu paure! Adieu paure Carnavas
Tu te’n vas et ièu m’entòrni, Adieu paure Carnavas