On me dit souvent
Mais pourquoi parler occitan
Vis avec ton temps
Et prends ta place dans le rang

Mais …

Legir tot

On me dit souvent
Mais pourquoi parler occitan
Vis avec ton temps
Et prends ta place dans le rang

Mais sans transition
On nous parle de trahison
D’arrêt de transmission
D’entorse à la Tradition

La nòstra musica
Es pas foclorica
Portée par l’accent
elle parle en Occitan

Es un biais de far un avenir a nòstr’imatge
Es un pont bastit entre la vila e lo vilatge
Es pas folcloric (X2)

Es la marqua doça de l’aucel sus lo rivatge
Lo présent e l’avenir que van cerquar paratge
Es pas folcloric (X2)

C’est question de style
De vivre avec son temps
C’est pas toujours facile
De respectant l’antan

Laissons les cloisons
Aux intégristes rampants
Ouvrons l’horizon
Aux rêveurs du printemps

Al delà del temps
Trovar son camin
Faire rencontrer
Les humanités

Es l’accent que sent l’alh, lo vin e lo fromatge
Es la votz que trona cap al fin fond de l’auratge
Es pas folcloric (X2)

Es lo trobador vengut del fons de l’atge
Que branca son amplificator dins lo garatge
Es pas folcloric (X2)

Es pas tard
son encar eicì
nòsti chamin d’un viatge
l’erba, i roieras
per lo boscatge
i champs a l’adrech …

Legir tot

Es pas tard
son encar eicì
nòsti chamin d’un viatge
l’erba, i roieras
per lo boscatge
i champs a l’adrech
e i muralhets cuberts
dal bracabòsc

Es pas tard
aura e silenci
a l’ora di colinas
Solelh s’i peiras
s’i roinas
d’aquò n’a pron
per chamina al fons
del’àpres- mesjorn

Venarè lo pitac vert
nos portarè bonhur
balant l’ "asus-ain"
’mbo lo jai lor anaunrèn sercar
aval dins la bosquina
i chants qu’avem perdut
e lo pastre d’escorbasses
encuei venaré pas
per semenar tempesta
si nòsti sons
nòsti colors
no, l’es pas encar tard
sem i rei del jorn

Salharen
de melodias amagàas
da tuchi i caire
passa-carriera di sonaires
banda del bòsc
desfilarè en volant
una procession
Ranpelada
sus lo resson
de pinfre e gargamascha
per un’aubada
d’imor e ruscha
s’amusaren
a-n-aquel son
i vielhs sants di pilons.

Es pelut, pelut coma un artichaut,
A de pels darrèr, davant, dessus l’esquina
Es pelut, pelut coma un artichaut,
E …

Legir tot

Es pelut, pelut coma un artichaut,
A de pels darrèr, davant, dessus l’esquina
Es pelut, pelut coma un artichaut,
E se dança pas es de paur d’aver caud

Es pelut davant, es pelut darrèr,
Es pelut dels braces duscas als pompilhs,
Es pelut davant, es pelut darrèr,
Se se fa pas tondre es de paur d’aver freg.

Dins lo batèu, dempuèi la vièlha Africa
Sèm dins la nèti
Ròda la mòrt, son odor e la trica
Es …

Legir tot

Dins lo batèu, dempuèi la vièlha Africa
Sèm dins la nèti
Ròda la mòrt, son odor e la trica
Es sola lèi.
Quantes de negres mòrts
Quand tocarem lo pòrt ?
Es que lo rossinhòl es mòrt
O endormit dins l'òrt
En esperant lo vent
Que mena lo printemps ?
Nos an cormpats de bocinons de veire, de petaçons.

Sus lo camin cobèrt de vièlh polsa
Que mena al forn
Son de milièrs qu'an marchat dins l'angoissa
Ara es mon torn
Deman aquela carn
Serà un vent amar.
Es que lo rossinnhòl es mòrt...
An semenat la semença del diable
Òrre mèisson.

Una paret, mon istòria es finida
Ai pas d'enfant
L'aiga e lo pan se mensuran la vida
Voide es deman
Triomfe falsetat
Per pas res ai luchat.
Es que lo rossinnhòl es mòrt...
Ai, coma es freg l'ivèrn que se prepara,
Ai coma es long.

L'uòlh del cobalt me trauca la peitrina
Siòi pas pron fòrt
Contra aquel mal que dedins ieu camina
Vesi ma mòrt
Ai paur del cèl desèrt
D'aquel non-res dobèrt.
Es que lo rossinnhòl es mòrt...
Onte serai deman a punta d'alba
Al biau del jorn.

Es que lo rossinnhòl es mòrt...
Que pòt cantar l'aucèl que se revelha
Si que non l'amor
Que cantariá l'aucèl que se revelha
Si que non l'amor ?

Es mens qu’un òme
Qu’estirassa la grola
Grunha solet dins la carriera freioa
Minga vanaglòria per lo retorn dau eròe …

Legir tot

Es mens qu’un òme
Qu’estirassa la grola
Grunha solet dins la carriera freioa
Minga vanaglòria per lo retorn dau eròe
Eròe fantaume d’una guèrra luencha

Reven cargat d’ans
Matusalem a vint ans
testimòni viu
De l’òdi e la vergonha
A l’odor testarda
Sang , beta e merda
Dei ossaris ordinari dei fèstas guerrieri

Grozni canta pas Jenine bala pas
Chechenia es pas un gropa
Palestina una chorma
L’indiferença es regina a estraça academia
Duermon dau sòm dei justs
En si panant li mans

Es ren qu’un òme
Qu’estirassa la grola
Canta solet, la cançon dei pichons
Dont crepon lu rires
Coma bòfas de sabon
Dins lo gorgoiament dei gòrjas que talhan

Es pas plus un òme
Que reven de la guèrra
A l’ànima que brama
A estofar lo silenci
Son la rason e lo drech
Qu’estirassan la grola
A fach lo sieu dever, li a laissat...
Es mens qu’un òme que s’estirassa...

Quand siàs lengadociana entre Tolosa e la mar
L’Autan la Tramontana aqui se dònan la man
E quand te fas …

Legir tot

Quand siàs lengadociana entre Tolosa e la mar
L’Autan la Tramontana aqui se dònan la man
E quand te fas gascona o filha de Montsegur
Pròcha de l’andorana siàs aranèsa segur

De sang e d’aur vestida dessus ta rauba una crotz
Nascuda e mai bastida de paratge e d’amor

Quand te fas lemosina lo cap quilhat cap al nòrd
De Françia la vesina es que pòs sentir lo còr
Quand te fas aquitana reira filha d’Alienòr
Biarnèsa e bigordana o filha dau Peiregòrd

Quand te fas provençala e mai italiana ailà
Dins ta lenga mairala lo Ròse es totjorn cantat
Quora te fas farandola demòra fòrça sovent
Un gost de farigola que te carreja lo vent

Quand siás lengadociana
entre Tolosa e la mar;
l’autan, la tramontana,
Segur se donan la man.

E quand te fas …

Legir tot

Quand siás lengadociana
entre Tolosa e la mar;
l’autan, la tramontana,
Segur se donan la man.

E quand te fas gascona
o filha de Montsegur,
pròcha de l’andorrana,
siás aranesa, segur.

De sang e d’aur vestida;
dessus ta rauba, una crotz.
Nascuda e mai bastida
de paratge e d’amor.

Quand te fas lemosina,
lo cap quilhat cap al nòrd,
de Francia la vesina:
es que pòs sentir lo còr?

Quand te das aquitana,
rèira-filha d’Alienòr,
biarnesa e bigordana,
o filha dau Peiregòrd.

Quand te fas provençala
e mai italiana ailà,
dins ta lenga mairala
lo Ròse es totjorn cantat.

Quora te fas farandòla,
demòra fòrça sovent
un gost de farigola
que te carreja lo vent.

Visita lo país, naviga sul canal,
Escota las cigalas mon pichon occitan

Fai tirar ! e bon viatge sul canal …

Legir tot

Visita lo país, naviga sul canal,
Escota las cigalas mon pichon occitan

Fai tirar ! e bon viatge sul canal

Interprétation française
Visite le pays, navigue sur le canal
Ecoute les cigales mon petit occitan

Vas-y et bon voyage sur le canal

Escota me plan tu mainatge de la tèrra,
Escota me plan gafet de viva sason.
A tu de causir dins …

Legir tot

Escota me plan tu mainatge de la tèrra,
Escota me plan gafet de viva sason.
A tu de causir dins l'amor o la colèra,
Cossí parlaràs, lenga de viva color.

Ont as fotut ton messatge ?
L'as perdut, es plan domatge,
Escampat dins qun viatge ?
Benlèu que ton repapiaire es rompue.
Ont as fotut ton messatge ?
L'as perdut, es plan domatge,
Escampat dins qun viatge ?
Benlèu que non es pas fotut.

I a ges de país, cap d'estat ni de frontièra,
Que pòsca arrancar las somessas de l'amor.
Ges de gat pelat, cap de monde, cap de sèrras,
Que pòsca chapar mirga de tota color.

Ont as fotut ton messatge...

Escota plan, n’ei pas tròp tard,
Que n’èi passat tant de camins,
Escota plan n’ei pas tròp tard,
Uei que …

Legir tot

Escota plan, n’ei pas tròp tard,
Que n’èi passat tant de camins,
Escota plan n’ei pas tròp tard,
Uei que me’ntorni tau pais.

Que tornarèi lhevar las pèiras
De tots los castèths desbrembats,
Poiràs ausit capvath las sèrras
Los reclams de ma libertat.

Escota plan, n’ei pas tròp tard,
Tà ua flor, tà un matin,
Escota plan, n’ei pas tròp tard,
A nueit, lo vent que m’at a dit.

Que ns’an macada la montanha,
L’an macada dinca la sang ;
I aurà pas mèi nada castanha,
Mès saps, que’ns demora lo tranc.

Escota plan, n’ei pas tròp tard,
Lo temps de la mia cançon,
Escota plan, n’ei pas tròp tard,
Uei qu’èm a la bèra sason.

Que’m pelejarèi dab la tèrra,
Dab l’espèr dens las mias mans,
E dens lo vente ma colèra
Entaus casaus abandonats.

Un vent de paur boha sus l’Espanha
Los dias qu’an color de la nuèit
Acerà per delà la montanha
La …

Legir tot

Un vent de paur boha sus l’Espanha
Los dias qu’an color de la nuèit
Acerà per delà la montanha
La mort qu’ei a l’arguèit.

Ausís los crits qui pujan de l’ombra
Ne pòdes pas non pas escotar
Plagan de dòu la cara deu monde
Ne’t pòdes pas carar.

Repic :
No a la muerte

Que calerà que la toristalha
Coneishi plan lo prètz deu saunei
Dab son argent l’ordi que fusilha
Tròp roi qu’ei lo sorelh.

Un dia que m’a dit lo vielh òmi,
Se de l’ausèth vòs seguir lo cant
Cau pagar la libertat deu pòple
Dab lagrèmas de sang.

Se tà penjar ua dictatura
Cèrcas un arbo de libertat
Que’n sabi un quilhat dens l’istòria :
Casso de Guernica !

Se cau que passis per la montanha
Entà’t desliurar d’un maishant mau
Que sauràs on se tròba l’Espanha
Au ras deu Portugau.

Un vent de paur boha sus l’Espanha.
Los dias qu’an color de la nuèit.
Acerà per delà la montanha,
La …

Legir tot

Un vent de paur boha sus l’Espanha.
Los dias qu’an color de la nuèit.
Acerà per delà la montanha,
La mort qu’ei a l’arguèit.

Ausís los crits qui pujan de l’ombra,
Ne pòdes pas non pas escotar…
Plagan de dòu la cara deu monde,
Ne’t pòdes pas carar.

Que calerà que la toristalha
Coneishi plan lo prètz deu saunei :
Dab son argent l’ordi que fusilha…
Tròp roi qu’ei lo sorelh.

Un dia que m’a dit lo vielh òmi :
« Se de l’ausèth vòs seguir lo cant,
Cau pagar la libertat deu pòple
Dab lagrèmas de sang ».

Se tà penjar ua dictatura
Cèrcas un arbo de libertat,
Que’n sabi un quilhat dens l’istòria :
Lo casso de Guernicà

Se cau que passis per la montanha
Entà’t desliurar d’un maishant mau,
Que sauràs on se tròba l’Espanha :
Au ras deu Portugau.

No a la muerte !

O bouts de pats, qui parech toustem gauyouse,
Tu messadyère de la libertat,
You qu-em soubien, quoan la bita ere …

Legir tot

O bouts de pats, qui parech toustem gauyouse,
Tu messadyère de la libertat,
You qu-em soubien, quoan la bita ere hurouse,
Abans lou die oun partin lous joens soldats!

Repic : O soune, soune campane de nouste pais,
Tau que sia fenit lou sauney de malhur,
Lous maynats de bint ans, houey que soun touts amics,
Cante, cante au ceu blu, carilhou de bounhur!

E loegn de tu, per ue lane estranyère,
Mes de cinq ans que m’y eri demourat!
Ans d’ahoeyè, lou machan tems de galère,
Quan nouste co, en lous plous, ère negat!

Per nouste terre e per déla la gran màr,
Douma lou ben pourterà nouste cansou;
E lous fusilhs, lheu que-s tourneran carà!
Cante l’esper du nabet mounde d’amou.

Au mèn cor las shorradas
Horneishen drin de temps
Au temps de l’esperada
On ès donc demorada ?
Que soi …

Legir tot

Au mèn cor las shorradas
Horneishen drin de temps
Au temps de l’esperada
On ès donc demorada ?
Que soi shens tu tostemps
Que soi shens tu tostemps
La tèrra doçament
Devana sa vrespada
Dab jo lo cèu qu’atend
Qu’èi au cap las aubadas
Qui’t prepara lo vent
Qui’t prepara lo vent

Lo dia que s’eslurra
Que s’atraça lo sèr
Et jo, darrèr la lua
Que vei ton pòt de prua
Sucrat e coelheder
Sucrat e coelheder
E lo temps-esparvèr
Enqüèra e m’a panat
L’aur deus tons arridets
Ua òra de plasèr
E lo ton gost de blat
E lo ton gost de blat

Tot qu’ei negre bitara
La carrèra esconuda
Que s’està com totara
Shens nat traç deu ton pas
Uei seràs pas vienuda
Uei seràs pas vienuda
La lua tostemps muda
Espia de l’aute part
Ua chavèca e’s muda
Sus la branca torçuda
Lo men còr qu’ei sarrat
Lo men còr qu’ei sarrat

Fuí por la noche cansada
Fuí por la noche
Pero nunca vino el día
Y nunca vino la muerte

Hondo …

Legir tot

Fuí por la noche cansada
Fuí por la noche
Pero nunca vino el día
Y nunca vino la muerte

Hondo es el mar
Y tengo que cantar

Ví países sin miradas
Ví países
Donde vivían sombras
Con caritas de hombres

I que venga otro tiempo
De vida nueva
Vamos por los caminos
Esperando el alba !

Pren lo pòrta-votz
Cap a gaucha cap a dreta,
Pren lo pòrta-votz
Shens vergonha calandreta.
L’alen e lo jòc
Estacats …

Legir tot

Pren lo pòrta-votz
Cap a gaucha cap a dreta,
Pren lo pòrta-votz
Shens vergonha calandreta.
L’alen e lo jòc
Estacats au hons deu potz
Patchic e patchòc
Deu costat de Santa Crotz.

Pren lo pòrta-votz
Per anar cercar paratge
Canta au pòrta-votz
Per anar aus emponts d’atge
Sus los caminaus
De l‘arrua tà la hont
Contes comunaus
De l’arriu dinc a l’empont.

Soi anat dab la vesina
Dançar cumbia campesina
L’aranesa una latina
Parla gascon alegria...
Minoritats en barralhas
A boca de nueit arrajan
Quan las vitas s’acabalhan
A hum de calhaus parpalhan.

Pren lo pòrta-votz
Cap a gaucha cap a dreta,
Pren lo pòrta-votz
Shens vergonha calandreta.
L’alen e lo jòc
Estacats …

Legir tot

Pren lo pòrta-votz
Cap a gaucha cap a dreta,
Pren lo pòrta-votz
Shens vergonha calandreta.
L’alen e lo jòc
Estacats au hons deu potz
Patchic e patchòc
Deu costat de Santa Crotz.

Pren lo pòrta-votz
Per anar cercar paratge
Canta au pòrta-votz
Per anar aus emponts d’atge
Sus los caminaus
De l‘arrua tà la hont
Contes comunaus
De l’arriu dinc a l’empont.

Soi anat dab la vesina
Dançar cumbia campesina
L’aranesa una latina
Parla gascon alegria...
Minoritats en barralhas
A boca de nueit arrajan
Quan las vitas s’acabalhan
A hum de calhaus parpalhan.

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te. …

Legir tot

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te.

Dins un cantoun
Dóu plafound,
O dins l’amagadou d’un granié ;

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te.

Aventurouso,
O crentouso,
Esfraies li gènt sèns lou voulé.

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te.

Fas ges de mau
Dins l’oustau,
Mai di bedigas fau t’apara ;

Ta telaragno
Li carcagno,
Alor pènson qu’à t’escagassa.

Estarigagno, estarigagno,
Escouto-me ;
Di tuo-babau e di boumbo
Mesfiso-te.
Estarigagno, estarigagno,
Escouto-me ;
E pièi di marrìdis escoubo,
Mesfiso-te.

Estarigagno, estarigagno,
Escouto-me ;
Siés moun amigo, ma coumpagno,
Escouto-me ;
EStarigagno, estarigagno,
Aviso-te,
L’intoulerànci, la magagno,
An toui li dre.

arrepic :
Estela de la mar, en tot meishant passatge
Guida lo ton mainatge, e nos que’t prometem
De’t servir, …

Legir tot

arrepic :
Estela de la mar, en tot meishant passatge
Guida lo ton mainatge, e nos que’t prometem
De’t servir, de t’aimar, tostemps, tostemps (bis)

Lo jorn on la sofrença
E n’s vienerà visitar,
Apren’nse dab paciencia
A saber tot suportar.
Vierje dolorosa
E tant generosa,
Au Golgotà.

Quan l’oratge menaci,
Gitant pertot la terror,
Shens har nat mau, que passi
Suu camp deu laboredor.
Per ta bona ajuda
Ne sia pas perduda
Tant de sudor.

A l’orfelin qui plora
En se créder abandonat
Ditz qu’ua mair qu’u damora
De tu qu’ei tostemps aimat
Doça protectriça
E consolatriça
De l’aflijat.

A l’òra deu gran viatge
Tentats pr’eu demon gelós
Entà qu’ajim coratge
Prega e pleiteja per nos.
Tu, la mair deu Jutge,
Tu, qui es lo refutge
Deus pecadors.

Lo fòc a començat a miegjorn dins la bruga,
A l’ora ont lo solelh, diriatz que tomba a flòcs ; …

Legir tot

Lo fòc a començat a miegjorn dins la bruga,
A l’ora ont lo solelh, diriatz que tomba a flòcs ;
Un zefir a lispat sus un res de beluga :
Lo fòc a començat coma totes los fòcs.
De pluèja, a pas resfait gaireben de l’annada,
Lo pelhenc s’es secat a escotar quand plòu
E lo pin escaumat, somiant d’una ramada,
Braçeja dins un cèl imbecillament blau.
A dos passes d’aquí, un estivant sadol
E que se crei tot sol
S’agoluda sul sable e ròta sa saqueta.

Al fòc sufís d’un res, d’un caluc que se n’ane
Grasilhar sas merguès’s dins un endreit pelat,
D’un caçaire inocent, d’un pompièr piromane,
E gar’t’aquí còp sec lo monstre revelhat.
Res l’arrèsta pas pus, ni la jaça d’un pastre,
Ni l’euse que s’esquiça amb un cridal de mòrt,
E lo cèrç, aquel con, que bufa sul desastre :
Lo malur cal totjorn que nos vengue del nòrd.
A dos passes d’aquí, un agostenc sadol
Mai roge qu’un guindol
La panolha al solelh, ronca dins sa casqueta.

Lo fòc o chapa tot, sauta de rasa en rasa,
Ne caçant, crèma-còr, lapinons e singlars
Que, de páur d’i passar coma un gat per la brasa,
Se tiran de davant lo roge nivolàs.
Fugisson de pertot las bèstias en derrota,
Sus tres lègas de front la garrolha a cremat
Las flambas a present tutejan l’autorota :
Los Cavalièrs Catars sentisson a rumat.
A dos passes d’aquí, un vacancièr sadol
Qu’a la cresta d’un pol
De la punta d’un bròc atissa una cranqueta.

Al fòc, tot li fa fòc, lo garric, la garança,
E la mata d’ausina e lo pè d’aladèrn.
Lo pompièr sap pas pus ont donar de la lança
E sap pas pus ont se vujar lon canadèr.
Ragents, estofegants jos lo casco de cròme,
Son un fum a pagar lo rescat de l’estiu ;
Aicí l’òme combat la conariá de l’òme :
Aquò’s atal dempuèi que l’òme a creat Dieu.
A dos passes d’aquí, un banhaire sadol
Confle coma un pesolh
E qu’a mal digerit, trapa l’aiga fresqueta.

Lo fòc uèi es finit, l’òme es tornar lo mèstre.
D’un oliu rastumat, dins lo decòr lunar,
Un aspre fumairòl s’exala pel campèstre.
Aval de camping-cars davalan a la mar.
Mas, s’es tot atudat fins al brasièr pus mendre,
Quant li’n caldrà de temps, e mai d’obstinacion,
Al país flame-vièlh per tornar de sa cendre ?
Es l’abominacion de la desolacion.
A dos passes d’aquí, un toriste sadol
Se fa rostir lo cuol
En se curant las dents amb un tròç d’aluqueta.

Esto matin lo mieu batèu s'en va
Tu qu'estas aquí non ti plorar
Auriam poscut viure trent'ans ensems
Mas sensa …

Legir tot

Esto matin lo mieu batèu s'en va
Tu qu'estas aquí non ti plorar
Auriam poscut viure trent'ans ensems
Mas sensa gust la sauça vau ren
Esto matin m'en vau sensa mentar
Se li son tres flors per pantaiar
Ai oblidat canque m'agrada ben
Sièu sensa estòria aquò mi fa de ben

Es la fauta en degun e lo sabem
L'istòria s'arresta li es plus ren
Auriam poscut estre doi soleus
Si donar la man un sera de junh
Segur avem mancat lo bòn camin
Siem dins li baranhas sensa vesin
Obliderai pas tots aqueli jorns
Qu'avem escolat 'tai soi ensems

Esto matin lo mièu batèu s'en va
Tu qu'estas aquí non ti plorar
M'en anerai vers l'an que ven
Passa la vida deman verem ben.

Estossi un gat, que m’aperarí Nougat,
Estossi ua vaca, qu’aurí plaps,
Vaca plaps, Gat Nogat

Estossi Estossi

Estossi un parpalhon, …

Legir tot

Estossi un gat, que m’aperarí Nougat,
Estossi ua vaca, qu’aurí plaps,
Vaca plaps, Gat Nogat

Estossi Estossi

Estossi un parpalhon, que serí marron,
Estossi un crocodile, que m’aperarí Odile,
Crocodile Odile, Parpalhon Marron
Estossi Estossi

Estossi un poret,que minjarí blat
Estossi un peish, que nadarí dens mar ,
Un peish dens mar, un poret blat
Estossi Estossi

Estossi un ausèth, que volarí pro haut,
Estossi un chivau, que m’aperarí Kaval,
Chivau Kaval, auseth pro haut
Estossi Estossi

Estossi un guit, que plonjarí dens la laca,
Estossi ua gojata o un gojat
Gojata gojat, un guit dens laca
Chivau Kaval, auseth pro haut
Un peish dens mar, un poret blat
Crocodile Odile,
Parpalhon Marron

Vaca plaps,
Gat Nogat
Estossi Estossi

Mes que soi sonque ua gojata, que soi sonqu’un gojat,
Gojata gojat, Peu brun peu blond,
Qui ei plan urós atau. X2

Soi aici, estrangièra de ma lenga
Soi aici, estrangièra a mon pais

Soi aici, estrangièra de ma lenga
Soi aici, …

Legir tot

Soi aici, estrangièra de ma lenga
Soi aici, estrangièra a mon pais

Soi aici, estrangièra de ma lenga
Soi aici, estrangièra a mon pais

Quò se vei pas
Que s’ausis pas
Mas o se sentis
Quand o sas

Quò se vei pas
Que s’ausis pas
Mas o se sentis
Quand o sas

Dont se’n van lu marins
Quora s’escondan sota lo vent
bessai en lo país blu
Dont lu pantais d’enfants navigan …

Legir tot

Dont se’n van lu marins
Quora s’escondan sota lo vent
bessai en lo país blu
Dont lu pantais d’enfants navigan
Demandar au miralh
Lu mòts revenguts dau viatge
Per dire en lo libre
Dont lu pantais d’enfants si cuentan

Et puis le vent du large,
a repris son bagage

Escota la flor blanca
Va ne’n dire d’istòrias
A vist lo vòl de l’aigla
Pintar un ciel per la sieu bèla
A laissat una pluma
Per firmar li nius que passan
Au luenh un tròn que canta
Ne’n pòrta la poèsia

Et puis le vent des cimes
a refermé l’abîme

Lo vent terrador
Fa balar li erbas lòngui
Despí l’òrle dau bòsc
La selva ne’n fa l’oferta
Laissar córrer lu uelhs
A l’autra man dau païsatge
Aquí li es un escorch
Dont lu sospirs s’entanan

Alors le vent des plaines
a emporté la haine

Que sòi en lheit aqueth dimenge ser,
Non pòdi dromir, non sabi perque,
Deman maitin que m’aurèi a lhevar,
Non …

Legir tot

Que sòi en lheit aqueth dimenge ser,
Non pòdi dromir, non sabi perque,
Deman maitin que m’aurèi a lhevar,
Non sabi a quina ora,
Tròp d’ora, tròp d’ora.
Era nhèu que caj per darrèr eth carrèu,
Si podiá càjer tot çò qui a en cèu,
Que seriam totis ací en preson,
Dinca ‘ra fin deth monde,
Quin conde, quin conde.

Repic :
Maman, tien me era man,
Tostemps, tostemps,
Jo n’èi pas que dètz ans,
Eth còr un shinhau gran,
Non vòli pujar laguens
Eth car de Sent gaudens.

Hens era valisa que i a pantelons,
Qu ’èi camas tròp primas, que son bien tròp corts,
Mos semblam totis de tota faiçon,
Damb era blosa grisa,
Tan grisa, tan grisa.
Que i a castanhas laguens eth carton,
Que las minjarèi a la recreacion,
Si n’èi pas tròp d’amics que’m van durar
Dilhèu un o dus dias,
Dus dias, dus dias.

Maman, tien me era man,
Tostemps, tostemps,
Jo n’èi pas que dètz ans,
Eth còr un shinhau gran,
Non vòli pujar laguens
Eth car de Sent gaudens.

Qu’ensajarèi de bien tribalhar,
Que sòi borsièr, no’m cau redoblar,
Qu’aprenguerèi tot çò qui ne sòi pas,
Era vita hens eth líber,
Pas libre, pas libre.
Hens quinze dias que serèi tornat,
Oc, quinze dias, qu’ei viste passat,
Segur, n’aurèi cap de paur a’ra net,
Qu’èi ua cançon petita,
Magica, magica.
Din,Dan,
Din, Dan,
Campaneta de Guran,
Qui la tòca,
Maria Pòca
Que le’n dan
Un pan,
Ua coqueta ath cap deth an.

Trente ans après aqueth dimenge ser
Non pòdi dromir, non sabi perque...

Eth dia de partir qu’ei arribat
e un aute còp ei eth temps de marchar
un a un bocins de …

Legir tot

Eth dia de partir qu’ei arribat
e un aute còp ei eth temps de marchar
un a un bocins de memòria
un a un te braquen er alend
un a un bocins de memòria
un a un te hèn a èster valent
Ditz adiu, adishatz, lèu tornaràs
lèu tornaram

Laguens deth sac sonque ua candela
un sarpar de rebrembes e gotes d’illusion
se jamès tornes a vèir eth pòrt
se jamès i tornes a quèir
se jamès tornes a vèir eth pòrt
seguís era lum, t’amiarà en lòc
Ditz adiu, adishatz, lèu tornaràs
lèu tornaram

Ara que dejà te n’as anat
eth tòn t’estimi ei en mèn costat
e ara que sai qu’un dia as de tornar
e ara que soni que tornaràs
e ara que sai que un dia as de tornar
que tierè dubèrta era man
Ditz adiu, adishatz, lèu tornaràs
lèu tornaram

En Canejan an aucit eth ós
damb era coa, damb era coa
En Canejan eth ós
damb era coa es …

Legir tot

En Canejan an aucit eth ós
damb era coa, damb era coa
En Canejan eth ós
damb era coa es colhons e tot!

En Unha i é Borrombet
qu’amie es oelhes tà Beret
Pòrte eth GPS en morralet
e tot eth dia qu’ei en lhet!

En Canejan an aucit eth ós
damb era coa, damb era coa
En Canejan eth ós
damb era coa es colhons e tot!

Leonor vó vier a esquiar
damb er avion, damb er avion
En Salardú ja an demanat
un aeropòrt subvencionat!

En Canejan an aucit eth ós
damb era coa, damb era coa
En Canejan eth ós
damb era coa es colhons e tot!

En Vielha ja s’an picat
e ara demanen un pòrt de mar
er arriu nere vòlen apraiar
entà Bordèus conectar!

En Canejan an aucit eth ós
damb era coa, damb era coa
En Canejan eth ós
damb era coa es colhons e tot!

En Mont e en Montcorbau
es dus se’n foten des d’aquiu naut
Un camp de gòlf de vint orats
en toti es prats, aquiu quilhats!

En Canejan an aucit eth ós
damb era coa, damb era coa
En Canejan eth ós
damb era coa es colhons e tot!

Ara òc que viatjaram
dera Val enquia Anglatèrra
perque en Bossòst an demanat
eth tren de nauta velocitat!

En Canejan an aucit eth ós
damb era coa, damb era coa
En Canejan eth ós
damb era coa es colhons e tot!

Estaca’t en còr
Un tròç de perrac arroi
Ua flor color de sang.
Si at vòs totun
Que cambièsse e …

Legir tot

Estaca’t en còr
Un tròç de perrac arroi
Ua flor color de sang.
Si at vòs totun
Que cambièsse e que botgèsse
Lheva-te qu’ei encòra temps.
Anem dret en davant
Cap era halha
Ensenhant eths punhs
E’n sarrar eths caishaus ;
Que desvelharam
Era tèrra entièra
E doman eth dia cantarà.

Répic
Companhon de colèra
Companhon de combat
Tu qui hasèvan cara
Tu qui non cantavas pas,
Que vas poder totun portà-u
Eth perrac arroi dera libertat
Car eth monde serà çò que’n haràs
Plen d’amor, de justícia e plaser.

Estaca’t en còr
Un tròç de perrac arroi
Ua flor color de sang.
Si at vòs totun
Que cambièsse e que botgèsse
Lheva-te qu’ei encòra temps.
Que crebavas de hami
Ena misèra
Que venèvas tués braç
Entà un tròç de pan
Mès n’ajas pas páur
Eth dia que’s lhèva
Que harà bon víver doman.

Dètz-e-uèit ans n'i a que jo montanhi
Per campejar de lo bestiar.
Dètz-e-uèit ans n'i a que jo montanhi,
James …

Legir tot

Dètz-e-uèit ans n'i a que jo montanhi
Per campejar de lo bestiar.
Dètz-e-uèit ans n'i a que jo montanhi,
James damb pastor non m'è barrejat.

Eth pastoreth n'aviá uá ròsa,
Nau còps eth dia que'n florirà. (bis)

Digatz digatz pastoreleta (bis)
Se me'n dishariátz barrejar. (bis)

La pastora quand vic èra ròsa (bis)
Le dichèc vite barrejar. (bis)

Eth pastor damb era pastora
E lo bestiar damb lo bestiar.
Que n'an perdut eras oelhetas,
D'aver tròp e tròp barrejat.

Mès au cap de nau meses,
Un berèoi hilhet arribèc. (bis)

Serà eth pastor dera Margarida. (bis)
Eras oelhetas ja'n guardarà. (bis)

Que vau condar eth conde D’aqueste vielh saumet : Trebalh cada segonda Deth maitin ara net. En tornar tara bòrda …

Legir tot

Que vau condar eth conde D’aqueste vielh saumet : Trebalh cada segonda Deth maitin ara net. En tornar tara bòrda Que trobèc un joen pòrc Estacat per ua còrda Que minjava milhòc. Eth que trebalha, que merita Que s’acontenta de çò qu’a ; Mès eth que minja, que profita Minjat un dia que serà. « Pendent era jornada Tu que trebalhas tant Te’n vas de prada en prada E que caminas tant. N’as qu’un shinhau de palha, E jo mingi milhòc Pendent que tu trebalhas Que’m haci gran e hòrt. – Qu’estimi mes ‘ra palha Meslèu que eth ton milhòc De mes, quan tu badalhas Non n’èi bejonh tanpòc. Que sòi tostemps dehòra A totas ‘ras sasons Eth mèste que’m demòra Deth temps que mingi flors. – Non sias en colèra Non sias maumerent, Que i ès ara bromèra Sorelh o maishant temps. E pendent que jo dròmi Tu qu’ès tot fatigat De carrejar eths òmi Que n’as eth pèu pelat. – Segur que t’arrepausas Mès sòi urós atau, Te vau díder ua causa Non ac prenes pas mau : Vint ans que sòi en plaça Te pòdes mefidar Qu’ès eth vintau que passa Un ser sense sopar. »