Toei lei soars ma borsa de maire
Mi renoriá : siás un vaurien !
Aimes manjar bòn, vòs ren faire, …

Legir tot

Toei lei soars ma borsa de maire
Mi renoriá : siás un vaurien !
Aimes manjar bòn, vòs ren faire,
Un jorn feniràs mau Guilhem !
Lo feniantúgi
Lo gromandúgi
An de tot tèmps desaviat lei jovènts !
Maire li dieu
Pas tant bedèu
Per v’escotar de mi levar la pèu !
Basta que lo martèu procure
De que chicar … Rame cu a fam !
Cu es pas feniant, cu es pas gromand
Qu’un tròn de Dieu lo cure !

A luega de nàisser canalha,
L’enfant d’un paure obrier maçon,
Perqué siáu pas sortit dei braias
D’un negociant vò d’un baron !
Ieu, tant cauvassa !
Ò que vidassa !
Ò que chalar s’aviáu agut de plomb !
Voadets milier !
Particulier !
Ti l’auriáu fach jugar lo restelier !
Mai fau que Guilhem si mesure
S’au mens m’avián fach capelan
Cu es pas feniant, cu es pas gromand
Qu’un tròn de Dieu lo cure !

L’ivèrn, lo bot dei dets vos sibla
L’estiu de susor siatz negats
Anatz un pauc manejar la tibla
Lei mans gòblas, lo sang gelat !
Mai en gogueta
A la guingueta
Rire, cantar, gusejar, far tubar
Puei la brocheta
Puei lei cartetas
Puei emé Choasa au liech si radassar !
L’a ti v’un bregand que mi jure
Qu’aquò’s pas lo plesir dei sants ?
Cu es pas feniant, cu es pas gromand
Qu’un tròn de Dieu lo cure !

Mi fai susar lei bassaquetas
Quand vieu certen richàs bomians
Per espranhar quauquei pecetas
Patir dau sòm e de la fam
Es pas pecat
De s’espilhar
Quand lo besonh vos li reduise pas
Manges un uòu
Ò vielh coguòu
E pòs aver de gamatas de buòu !
Vòs pas que lo mesquin marmure
Quand lo crèsus viu en mandiant
Cu es pas feniant, cu es pas gromand
Qu’un tròn de Dieu lo cure !

E nòstre curat que sans cessa
Au pròne ven degobilhar
Còntra la taula e la paressa
De l’ausir mi fa tremolar
L’ista pas ben
Au citoïen
De comandar lo juni ai parroassiens !
Es tot redond
A sèt mentons
Lo nasaret rotge com’un pebron !
Fau que ma testa si madura
Que li diriáu : Ò charlatan !
Creida puslèu : cu es pas gromand
Qu’un tròn de Dieu lo cure !

Vuei cadun parla poletic
Me’n meli pas, l’entendi ren
Mai s’en fasènt la repeblica
Lo paure aviá totjorn d’argent !
S’en pas trimant
Aviá tot l’an
Bòn liech, bòn vin, bòn fricot, bòn pan blanc !
Lèu lèu diriau
Vengue un fusiu !
Espòutissem lei reis marriàs de Dieu !
Mai que la repeblica dure
Siáu lo promier de sei rofians !
Cu es pas feniant, cu es pas gromand
Qu’un tròn de Dieu lo cure !

Fenix pallida a l’inaudible huec
d’estiu silenci en evidéncia escura
shens de musica musica e mesura
alambre d’alas harga ont …

Legir tot

Fenix pallida a l’inaudible huec
d’estiu silenci en evidéncia escura
shens de musica musica e mesura
alambre d’alas harga ont de haudrèc

estavanada sang plen arromèc
de desertica candor dont s’emblura
risc de l’azur son immobila hurra
un Diu-torment d’un estable eslambrèc

au Viu ad eth miracle mirandòla
d’un viraclèr sa luenca corriòla
s’ombrejant clar d’arradims serafics

deu casau vads la flor dont lo miaci
la suberbèra auba d’un nient voraci
per d’astres quant lo benastruc Fenix

A nuèit festa de Nadal,
Que sèm en vacanças,
Nosaus sèm contents aital,
E plens d’esperança,
Viste a deman matin, …

Legir tot

A nuèit festa de Nadal,
Que sèm en vacanças,
Nosaus sèm contents aital,
E plens d’esperança,
Viste a deman matin,
Per vèire al pe del sapin,
Lo pichon paquet,
Lo del Pairolet,
Ah quina escasença,
Quina benaürença !

Que demora dins lo cèl,
Dessus una estela,
Que vola cap a la nèu,
Lo sac a l’espatla,
Que passará dins la nuèit
Ièu que serai dins mon lèit ,
Per portar joguets
A tots los nenets
Ah, quina escasença,
Quina benaürença !

Començan de n’aver qualques uns sus l’esquina
E cada an lor es mai pesuc.
Passan traca-traquet lor sason de laguina …

Legir tot

Començan de n’aver qualques uns sus l’esquina
E cada an lor es mai pesuc.
Passan traca-traquet lor sason de laguina
Sens chuc ni suc.
L’ostal se restrenhís, se restrenhís lor talha,
Bufan espés e mai que mai
Sentisson se sarrar lo fiular de la dalha
Cada jorn mai.

A-n ela los ivèrns li an laurat la cara,
Tavelat la pèl de pertot,
E se son uèlh trufet, de còps, lusís encara,
I o cal tot.
Sortís lo cadieron e, sul davant de pòrta,
Ten de sarcit, de petaçat,
Dins los dardalhs d’un ser que doçament asòrta
De son passat.

E son òme, que ièr li èra causa banala
De passar redde botonat,
S’i son torcits los rens, sembla portar la mala,
Malagonhat !
Va pas pus al cafè : los tres de la manilha,
Totes, li son passats davant ;
Repassa lo jornal, sietat jos la ramilha,
D’ara endavant.

Son coma dos crostets al fons d’una panièra
Dempuèi que la dròlla, a París,
Son montats lapinar dins una lapinièra,
Luènh del país.
Rai, tot aquò menut, quand devala, lor dona,
Lèu fait, mal fait, a la chut-chut,
Contra un bilhet plegat, una sembla-potona
D’un pòt ponchut.

Puèi an pas pus, los vièlhs, per caufar lor sanqueta,
Polits a mòrt, manhacs tot plen,
Qu’aqueles comuniants, emblancats, en rengueta,
Sus la telé.
Alara per trompar la rotina inodòra,
Sens gost, sens calor, sens color,
Se’n van, coma a vint ans, quatre jorns en Andòrra
O al Volon.

Aquí tot lor fa fial, es coma una renòça,
Una rèire- luna de mèl,
Un elixir d’amor dins lor temps que s’amòça,
Un idromèl.
E cadun se sovén, e la memòria parla :
Lo trin per la Còsta d’Azur
E lo cambròt novial perdut dins Monte-Carlo ;
Badan l’agur.

An un pauc de banhat sus la gauta rafida
E se’n tornant cap a l’ostal,
E, barlinga-barlanga, atal reprén la vida,
Atal- atal.
Fins aquel jorn benlèu que lor vendrà racina
Per l’eternitat a l’artelh,
Que se veiràn, benlèu, cambiats, el en ausina,
La femna en telh.

Mas per ara sul puèg, las nuèits de marinada,
Òm ausís, amont, jol plumon,
Al polsar de Baucis se mesclar l’alenada
De Filemon.

Filh de lop, filh de lebre
Filh de res tanben
Lo camin que caldrà segre
Serà pas camin drech
Filh …

Legir tot

Filh de lop, filh de lebre
Filh de res tanben
Lo camin que caldrà segre
Serà pas camin drech
Filh deus bòscs filh de luna
Gojat de la nuèit
Trobaràs ben la qualqu’una
Que desvira l’einueg

Mas los jorns de festa
Sadol coma un rei
Quò bufarà dins ta testa
Lo melhor mai lo pieg

Trularàs, trularàs
E la vita passarà
Cantaràs cantaràs
Mas vivràs coma podràs

Filh d’estiu filh de graula
Filh del fachilièr
Cantaire mud sens paraula
Tròç d’edra e de romecs
Filh de sal filh de pebre
Filh de l’aubre vielh
Coma lo rainart tot negre
Fugiràs tot parrier

E los jorns de feira
Dimecres al matin
Tos grands te diràn enquera
Tot çò que t’avián pas dich

Soscaràs soscaràs
Diràs tot çò que s’es ‘nat
Cantaràs cantaràs
Mas vivràs coma voldràs

Filh de lop filh de lebre
Filh de res tanben
Lo camin que caldrà segre
Serà pas camin drech

Serà pas camin drech…

Es lo temps d'amor es lo temps de prima
fai chantar rossinhòl fai criar lo còr
s'enchamina pian coma un …

Legir tot

Es lo temps d'amor es lo temps de prima
fai chantar rossinhòl fai criar lo còr
s'enchamina pian coma un fuec de reis
e te brusa tot, dona pas lo temps.
Coma un lac l'invern desot de la fiòca
tu lo pòs pas veire mas n’el es aqui
sentiment coatat lo pòs pas estremar
e te fai chantar

Si lo temps d'amor es tot lo temps
ai de temps encara per prene lo temps
Si lo temps es gaire me fau pas chagrins,
mi sai lòn que dire, se vòs escotar...
Son paraulas finas, intron dapertot,
coma l'aiga quiara , anaran t'aigar,
e si tu vòs buve dau miu doç amor
coma fior de prima...

RIT:
Filha, polia lo miu tresòr, d'òr d'argent, filha tant bela
Filha, sucre mel lach e passion, la tia pel, filha tant bela
lo chaud lo ros sabor dal tiu bel fior
lo doç lo fin sabor dal tiu amor

Sòrt de maison, laissa-te menar,
te mòstra la via lo vent chaud dal mar
sus aquela rota, palmas e solelh bianc,
un pòrt desert, de gabians au bar...
per calancas estrechas sentes la mia votz
e se sies ici sies ben arribàa
bó i mies uelhs biòis siu denant de tu
grand coma lo mar...
RIT

Filhas de Vilanòva
N'avètz l'aiga tant luenc !

- Tant luenc que n'avèm l'aiga
Tant luenc son las amors ! …

Legir tot

Filhas de Vilanòva
N'avètz l'aiga tant luenc !

- Tant luenc que n'avèm l'aiga
Tant luenc son las amors !

Las amors son 'ta Pena
L'aigueta 's a la font.

Ne'n prenon la crubeta
Se'n van dreit a la font.

Tot en montant la còsta
Cantan una cançon.

Pèire qu'es a l'arada
Entend sa mia al son.

Planta son agulhada
Se'n va dreit a la font.

Se botèron en dança
Al entorn de la font.

N'an copat la crubeta
Amai lo crubeton.

- Que dirà nòstre pèra
Tornant dins la maison ?

- Ça dirà que lo Pèire
Es onèste garçon.

S'esposarà l'ainada
Per fin de segasons.

Las filhas de las garrigas gaita coma son polidas
Fan dansar los drolles sus aquesta farandola
Aquela farandola fa dansar …

Legir tot

Las filhas de las garrigas gaita coma son polidas
Fan dansar los drolles sus aquesta farandola
Aquela farandola fa dansar las filhas
Aquela farandola fa dansar los drolles

Dansa dansa dansa dansa arreu
Canta canta canta canta macarel
Bufa bufa bufa bufa arreu
Chuca chuca chuca chuca macarel

Las filhas dins las vinhas gaita coma son polidas
Caponan los drolles e dansan la farandola
Aquela farandola fa dansar las filhas
Aquela farandola capona los drolles

Las filhas sus las barricas gaita coma son polidas
Fan chucar lo rotge e dansan la farandola
Aquela farandola fa dansar las filhas
Aquela farandola fa chucar los drolles

La filhas dins los leits gaita coma son polidas
Punchan los drolles sus aquesta farandola
Aquela farandola fa punchar las filhas
Aquela farandola fa punchar los drolles

Dansa dansa dansa dansa arreu
Canta canta canta canta macarel
Bufa bufa bufa bufa arreu
Puncha puncha puncha puncha macarel

Filhas que sètz a maridar,
S’avètz d’argent, gardatz lo plan
Siètz pas tant « cap levadas » !
Que lo …

Legir tot

Filhas que sètz a maridar,
S’avètz d’argent, gardatz lo plan
Siètz pas tant « cap levadas » !
Que lo vos fara’n acatar,
Quand seretz maridadas !

Quand seretz per vos maridar,
Que lo pressar vos tengue pas.
Siaguetz plan malfisentas,
E disètz pas totjorn « Òc-ben ».
Coma ’n tròç d’innocentas !

Quand maridadas ne saretz.
Un pauc de melhor temps auretz.
Un pauc, mas non pas gaire
Vòstre marit serà jalós,
Emai un pauc renaire.

Se volètz anar permenar,
En lòc vos daissarà anar
Qu’en çò de vòstra maire,
Amai encara vos dirà
« li demores pas gaire » !

Ai cap de nòu meses, un an,
Auretz ’na filha o ’n enfant,
L’enfant serà ploraire,
Tota la nèit caldrà breçar,
Non dormiretz pas gaire

Auretz los cotilhons pissós,
Auretz lo devantal crassós.
Seretz las « mal-cofadas »,
Maudiretz l’ora emai lo jorn
Que vos sètz maridadas

Filha que sès a maridar (bis)
Siás pas tant cap levada
Que te lo faràn acatar
Quand seràs maridada

Quand …

Legir tot

Filha que sès a maridar (bis)
Siás pas tant cap levada
Que te lo faràn acatar
Quand seràs maridada

Quand seràs per te maridar
Que lo pressar te tengue pas
Siás ben intelligenta
E digas pas totjorn "òc ben"
Coma un tròç d’inocenta

Quand maridada ne seràs
Un pauc de melhor temps auràs
Un pauc mas non pas gaire
Que ton marit serà gelós
E mai un pauc renaire

Se te vòls anar passejar
Enluòc de te daissar anar
Qu’a l’ostal de ta maire
En mai encara te dirà
"I demòres pas gaire"

Al cap de nòu meses un an
Auràs un plan polit enfant
L’enfant serà ploraire
Tota la nuèit lo breçaràs
Non dormiràs pas gaire

Auràs lo cotilhon pissós
Auràs lo devantal crassós
Seràs la mal cofada
Maudiràs l’ora emai lo jorn
Que te sès maridada.

Filhetas bolegatz vos donc
Ara qu’avetz un bon dançaire
Filhetas bolegatz vos donc
Ara qu’avetz un bon violon

Repic
E …

Legir tot

Filhetas bolegatz vos donc
Ara qu’avetz un bon dançaire
Filhetas bolegatz vos donc
Ara qu’avetz un bon violon

Repic
E anem bolegatz
Bolegatz, bolegatz las cambas
E anem bolegatz
Bolegatz, bolegatz lo cuol

Cop de pé cop de talon
Hai ! bolegatz aquelas cambas
Cop de pé cop de talon
Ara qu’avetz un bon violon

Me sembla que dormissetz
om diria que lo cuol vos pesa
Me sembla que dormissetz
Me sembla l’avetz de plom

Un jorn de brisa fresqueta,
un batèu ben armejat
per la pesca dau veirat
partiguèt dau pòrt de Seta.
Deguèt …

Legir tot

Un jorn de brisa fresqueta,
un batèu ben armejat
per la pesca dau veirat
partiguèt dau pòrt de Seta.
Deguèt faire un grand cabús,
digús lo vegèt pas pus.

Las femnas de l'equipatge,
quand i agèt quasi dos ans,
pregavan lor capelan
de registrar son veusatge :
«Dau primièr quitam lo dòu,
Seriá temps de'n trobar 'n nòu !

Mas un jorn, jos 1a marina,
un dals marins : Filibèrt
Desbarcat galhard e verd.
gròs de ventre e rond d'esquina,
Las femnas i an demandat :
Nòstres òmes, ont son passats


Masdamas,
lo bastiment s'enflambèt.
Lo canòt tabanegèt
mai de vint jorns sus las lamas.
Tot manquèt, lo vin, lo pan,
Crebam de set e de fam.

Fasèm donc la corta palha,
manjoquejam de crestian.
Los tindèls dau fiu d'Adam
fan pas famosa ripalha :
Èran secs coma d'arencs,
me ié siau bercat tres dents.

Ai agut la trista chança
de demorar lo darnièr.
Mossi, patron, cosinièr,
tot a passat per ma pansa
Ailà son enterrats
vòstres òmes ben aimats !

Una veusa devotassa
vòu embelir d'una crotz
la tomba de son espós
e demanda aquela graça.
Filibèrt gentil garçon,
ié balhèt la permission,

Amb un pauc d'encra de China
e tres agulhas d'acièr,
un abile perruquièr,
entre panolha e peitrina,
quand i agèt rasat lo pèu,
i tatoèt un tombèl.

Una autra veusa devòta
carculèt qu'au monument
ié mancava un ornament,
sieguèsse una simpla escota...
Cenchurèron Filibèrt
d'un minhòt grilhatge verd.

Filibèrt quitava faire
mas se sentissiá geinat,
sustot qu'un còp enceuclat
d'aqueste dròlle d'afaire.
volián a chasca moment
revèire lo monument.

Una femna agenolhada
davant un gròs matelòt
que relèva son malhòt
es tròp vite arremarcada.
Amai siègue meritós
de pregar per son espós.

Enfin un jorn, en colèra,
ié ditz «Me rendretz capbord,
Sieguèt mon ventre un cavòt,
mas ren qu'un cavòt d'espèra.
Amai o pòde afortir :
riscan. pas de revenir !

Uòi es ren qu'en baraqueta
que Filibèrt vergonhós,
après un dinar gostós..
quand a fach sa rinceleta,
consentís per un moment
a mostrar son monument .

Un jorn de brisa fresqueta, 
un batèu ben armejat 
per la pesca dau veirat 
partiguèt dau pòrt de Seta. 
Deguèt …

Legir tot

Un jorn de brisa fresqueta, 
un batèu ben armejat 
per la pesca dau veirat 
partiguèt dau pòrt de Seta. 
Deguèt faire un grand cabús, 
digús lo vegèt pas pus.

Las femnas de l'equipatge, 
quand i agèt quasi dos ans, 
pregavan lor capelan 
de registrar son veusatge : 
«Dau primièr quitam lo dòu, 
Seriá temps de'n trobar 'n nòu !

Mas un jorn, jos 1a marina, 
un dals marins : Filibèrt 
Desbarcat galhard e verd. 
gròs de ventre e rond d'esquina, 
Las femnas i an demandat : 
Nòstres òmes, ont son passats 


Masdamas, 
lo bastiment s'enflambèt. 
Lo canòt tabanegèt 
mai de vint jorns sus las lamas. 
Tot manquèt, lo vin, lo pan, 
Crebam de set e de fam. 

Fasèm donc la corta palha, 
manjoquejam de crestian. 
Los tindèls dau fiu d'Adam 
fan pas famosa ripalha : 
Èran secs coma d'arencs, 
me ié siau bercat tres dents.

Ai agut la trista chança 
de demorar lo darnièr. 
Mossi, patron, cosinièr, 
tot a passat per ma pansa 
Ailà son enterrats 
vòstres òmes ben aimats !

Filles n’aimaient pas tant les hommes
Surtout ceux qui sont si joueurs

Son nuèit e jorn dins las aubergas
Tant …

Legir tot

Filles n’aimaient pas tant les hommes
Surtout ceux qui sont si joueurs

Son nuèit e jorn dins las aubergas
Tant qu’ils ont de l’argent, ils jouent

Quand i a pas pus, ils en empruntent
A los amics e compahons

Il est minuit quand ils s’retirent
Et maintes fois le point du jour

Al premièr mot que dis la femna
Bruch e tempesta a la maison

Pren lo baston darrèr la porta
Trucs e patacs a Janeton

Es-ce galant, les promesses
Que vous me fîtes aux premiers jours

Ara que soi vostra esposada
Vous me battez trois fois par jour

Lo matin, a la vesprada,
l’autre lo ser pel colation

Et je ne suis seulement maîtresse
De me crompar un cotilhon

Voilà jeune homme les clefs du coffre
Celles de la petite armoire

Vous trouverez les beaux joyaux
Du temps de nos fiançailles

Vous aurez de quoi donner aux autres
Celles que vous aimez plus que moi

Calatz -vos paura femna
N’aimi pas d’autre que vos
Je n’aime aucune autre que vous

An manjat totas las castanhas
An begut tot lo vin novel
An manjat totas las castanhas
An begut tot lo …

Legir tot

An manjat totas las castanhas
An begut tot lo vin novel
An manjat totas las castanhas
An begut tot lo vin novel

Ficatz me lo camp canalhas
Ficatz me lo camp d’aici
ou
Fotetz me lo camp canalhas
Fotetz me lo camp d’aici

En fin de setmana la tòrni trobar
Ma tèrra occitana
Mon païs aimat
Quela vita que m'agrada plan

Dins la …

Legir tot

En fin de setmana la tòrni trobar
Ma tèrra occitana
Mon païs aimat
Quela vita que m'agrada plan

Dins la chaminèia
Te tòrni parlar
Ma lenga occitana
N'i a dison patois
Mas quò's totjorn lo mesme parlar

E a la velhada
Te tòrni cantar
Musica occitana
Per t'acompanhar
L'acordeon per te far dansar

E dins la colèra
Te tòrni credar
Sus aquela tèrra
Volem demorar
Lo peirigòrd n'es pas a crocar

En fin de setmana
Te tòrni aimar
Tu mon occitana
Mon païs aimat
N'ai pas de vergonha a te cantar

Visc ple de tan fina joia
que mai ningú em veu capmoix,
que em plau la veu d’una noia
que …

Legir tot

Visc ple de tan fina joia
que mai ningú em veu capmoix,
que em plau la veu d’una noia
que n’és comtessa de Foix
i canta tan bellament
que tot aquell qui la sent
o bé a internet l’atalaia
no en troba altra de més gaia.

Tant em plau com interpreta
les trobes medievals
amb una veu que aquieta
e que cura de tots els mals
que em semblen baixats del cel
els cants de na Muriel :
de tant bella quasi esglaia
una música tan gaia.

Qui no sigui sord ni coix
vagi, si cal, fins a Foix,
que el cor de tot hom esplaia
una trobairitz tan gaia.
Jordi Enjuanes-Mas

Finit lo temps
De la joinessa,
Lei bòns moments,
Lei còps de tèsta.
Mai cresètz pas qu’ara es finit,
Podem …

Legir tot

Finit lo temps
De la joinessa,
Lei bòns moments,
Lei còps de tèsta.
Mai cresètz pas qu’ara es finit,
Podem cantar ambé lo veire clafit.

Repic :
Bevem encara, encara un pauc,
A l’amistat, l’amor, la gaug.
Avèm passat un bòn moment,
Me fai de pena, mai fau partir, pasmens.

Mai que d’un còp
Eriam caluts.
Lo promier còp
Qu’avèm begut
Que m’as aduch en trantalhant
E qu’en cantant, de reculon marchaviam.

Repic

Ieu, ai gisclat
Un bèu matin.
Ai barrutlat
Sus lei camins.
Siáu devengut un estrangier,
E sabiáu plus monte pausar mei soliers.

Repic

Qunta riselha,
Mon maridatge,
Dedins la gleisa
De mon vilatge !
Rigolaviam a ne’n crebar
Car lo curat èra a mitat empegat !

Repic

Vint ans passats,
Siam pas mosits !
Siás maridat,
‘Quò fai plesir.
Tei tres enfants t’an fach susar,
Mai, ieu n’ai nòu, s’aquò pòu te consolar

L’us menet arpa, l’autre viula
L’us flaütella, l’autre siula
L’us mena giga, l’autre rota
L’us diz los motz e l’autre …

Legir tot

L’us menet arpa, l’autre viula
L’us flaütella, l’autre siula
L’us mena giga, l’autre rota
L’us diz los motz e l’autre nota

L’us estiva, l’autre flestella,
L’us musa, l’autre caramella.
L’us estiva, l’autre flestella,
L’us musa, l’autre caramella.

Crompar las particions : http://www.ocmusic.org/boutique/index.php?cPath=5

Ò, flor d’Escòssia,
Quan tornaram
Véger eth primtemps
Qui’t hè beròi florir ?
Eths qui an combatut e son morts …

Legir tot

Ò, flor d’Escòssia,
Quan tornaram
Véger eth primtemps
Qui’t hè beròi florir ?
Eths qui an combatut e son morts
Entad aqueth tròç dera Tèrra mairana
E s’an quilhat davant era,
Er’armada d’Edward
Bremba te’n encòra.

Pelada ara ei’ra hoguèra
E’ras huelhas cajudas
Hèn un palhat espés e doç
Sus aqueth país ara tant vergonhós
De qui eths vielhs èran tant fièrs
E s’an quilhat davant era,
Er’armada d’Edward
Bremba te’n encòra.

Qu’ei passat aqueth temps ara
Tot aquerò qu’ei eth passat
Mès qu’ei temps encòra de’s quilhar tots amassa
E de tornar èster un pòple
E s’an quilhat davant era,
Er’armada d’Edward
Bremba te’n encòra.

L’era jòuna e bien esvelhada,
L’avia vust naisser vint printemps,
E per la veire a la velhada
Los garçons venian …

Legir tot

L’era jòuna e bien esvelhada,
L’avia vust naisser vint printemps,
E per la veire a la velhada
Los garçons venian de bien luenh.
Sos uelhs semblavan doas estelas
Que brilhen lo sern dins la nuech.
Frescha coma la flor novela,
N’i a pas si bien au jorn d’einuech.
Quand la ’nava se permenar
Le monde la gaitavan passar.
Quand la pausava los uelhs sur vos,
Quò vos fasia quauquares maugrat tot.
La parlava totjorn en risent
Per vos far veire sas bravas dents.

Un l’apela Flor de Blad negre.
Un monsur se metet de la segre
Per li parlar d’amor
E per ne ’n far sa dama.
« De mon sòrt ie sai bien contenta,
N’ai pas besuenh de vòstra renta.
Farai, avaque quauque garçon,
Valer mon benasson ».

Pas content de quela paraula,
Se disset : « M’n vau me ’n anar
Ie te quite. Adissias, ma dròla,
Beleu que tu regretaras ... »
Mas coma l’amor lo raujava,
Lo veiqui que tòrna un beu jorn.
« Dròla, t’avia dich que t’aimava,
I t’aime, t’aimarai totjorn.
De las filhas ’n ai bien conegut,
Mas coma te n’ai jamai vust,
E tant que gaite ton portrech
Ne ’n durmisse pus de la nuech.
Quò me barra sur l’estomac
E dins mon còu dise tôt bas :

« Ma petita Flor de Blad negre,
Tu siras ma femna, i espere.
T’auras bagas, còliers,
Chamisas de dentela.
Te tirarai de tas charrieras,
T’auras doas, beleu très chambarieras,
Sirai, avaque te ’maijon,
Uros coma un pijon ».

La dròla, la testa baissada,
Escotava quilhs compliments.
La disset : « Io sai decidada,
Ne ’n parlarai a mos parents ».
Un sern, en rentrant de l’estolha,
Quand tot lo monde fuguet atablat,
En copant un bocin d’andolha
La disset tot bas a son pair :
« Despues longtemp Monsur Joanton
Voldria ben venir ’maijon.
Eu disset qu’eu me prendria,
Que granda nòça un faria,
- « Quò n’es point qu’eu sia beu garçon,
Ma filha, eu a deus sòus, pren-lo !

Ma petita Flor de Blad negre,
Quand Monsur Joanton ven te veire
Parla-li en risent,
Sia dolça, sia aimabla.
Qu’es un brave òme, puisque eu es riche
E per son monde n’es pas chiche.
Un dira : « Madama Joanton,
La filha a Jòrgilhon ».

Son morre es black, sèmbla una sartan castanhiera,
Sei peus son mai crespats que lei peus dei motons.
Sei dents …

Legir tot

Son morre es black, sèmbla una sartan castanhiera,
Sei peus son mai crespats que lei peus dei motons.
Sei dents tant blancas, fan de lutz dins la sorniera,
Son nas es esquichat come aqueu dei santons.
Ieu siáu fadat de sei gautas e de seis uelhs negres,
De sei boquetas que fan de potons pegós.
Anèm un pauc mesclar la sau emé lo pebre
E m’aquò, siáu ben segur que sarem urós.

Mai se pòu pas
Car son Papà,
Son Papà Mamadou m’a dich que voliá pas,
Que voliá pas
Nos maridar
Tant que son berlingòt l’aurà pas fach copat.

Ai dich adieu a Mamadou e sens maniera
Siáu partit triste come un paure malurós.
Ai capitat per còp d’asard dins la carriera :
Malikà ‘mé son risolet libidinós.
I ai dich : « D’amor, teis uelhs fan virar ma cabeça,
Siáu fach per tu e tu per ieu, siam amorós ! »
Come un lokom, ai fondut sota sei caressas.
Me fariá gaug de tastar un pauc son coscos.

Mai se pòu pas
Car son Papà,
Son Papà Mòhamed m’a dich : « Siás un golard !
E l’auràs pas,
Tant qu’aurà pas
Entortolhat sa tèsta dedins son folard ! »

Ai dich adieu a Mòhamed e de colèra,
Siáu partit un pauc pescar sus lo Yang-Tseu-Kiang.
Mai de còps que i a, leis amors son efemeras,
Figuratz-vos qu’aquí ai rescontrat Li-Fang.
Come un parpalhon que sòrt de sa crisalida,
Sa rauba a resquilhat sus son còrs de Venús.
I ai dich : « Segur que s’amarem tota la vida.
Sarai ton solèu e tu ma flor de lotus ! »

Alòr vai ben
E siam contents.
Son Papà Tao-Ming m’a dich en rigolant :
« Mai atencion,
A condicion
De restar per nos ajudar au restaurant ! »

Plen d’enavans se siam lèu atalats a l’òbra :
Siáu esbleugit quand ma flor de lotus florís.
Me fai crostejar de tavans e de colòbras,
E puei de ris, de ris e encara de ris.
Per sei bèus uelhs, ai tastat lei chins de la China :
Fau restar « zen » come se dich a Carpentràs !
Ai plus paur dei dragons e plus ren m’estransina,
Pas meme lei posicions dau Kamà-Sutrà !

E tótei dos
Siam mai qu’urós,
Siam ligats come lo jaune e lo blanc de l’iòu.
E puei l’amor
En dos color
Es ben melhor qu’un gròs plataràs de faiòus !

La libertat
E l’amistat
An pas de color e nimai de religion.
E puei tant pís,
A mon avís
Lei destorbaires de tot peus son de colhons !

Ma platina l’ai mesa en mòda reverse
Coma lo Raimbaut e sa flor enversa
Que mei vèrs rajèsson rius e …

Legir tot

Ma platina l’ai mesa en mòda reverse
Coma lo Raimbaut e sa flor enversa
Que mei vèrs rajèsson rius e aversas
Mei vèrs venguèsson escuma d’ersa
Ta pèu mestressa, ma doça careça,
Lo còr en detressa, mon arma, mon estre,
Tot me pareisse bonur e benestre
E dins ma tèsta lei flors venon créisser,
Lo monde reversi e tot se dispersa,
Laissa lo rèsta lo lume s’amuerça,
E se m’es permés ta boca tebesa
Doça paressa dei còrs en convèrsa
Es la contraversa, la nòstra mescla,
La descoberta de la flor enversa.

Ma platina es en mòda reverse
Ara resplan la flor enversa

Beutat troblanta, callipyja bruneta
Sas que la cansó manca, que mei mòts son onestes
Luenh de ton amor, mi daissi anar pantalhant
Saupràs que daissi tot lo jorn dessenar mon anant
Leis auràs mei pensadas enviadas per l'amant
Leis amors mirgalhadas fau que vagon endavant,
Jiti lei mòts e que partessen, portats per lo mistrau,
Mandi lei mòts que t'arribèssen, purs coma lo cristau,
Lei trobaràs davant la pòrta oberta de ton ostau
Per son viagi renduts fòrts, portats per l'èr dins lei vaus,
Li trobaràs dei jorns passats, tant e mai cavas d'aimar,
Que n'ai levat dei jorns passats lei sentiments tròp amars,
Mon còr sus ma platina vai e ven coma la mar,
Esta nuech m'inclini, diga-mi coma far
Per que mei mòts toquèssen, la flor enversa
Per que mei dets toquèssen la flor enversa.

Flora, ai tant de te dire
Flora, tu que disèm plan “la paria”
Ai tant de t’escriure
Flora, tu que …

Legir tot

Flora, ai tant de te dire
Flora, tu que disèm plan “la paria”
Ai tant de t’escriure
Flora, tu que se ditz “la messiah”

Flora, es la pluma de ta man
La que rima amb Tristan
La que mesprèsa
Flora, ma lenga que per tu pesa

Flora, escota ma votz
Escota plan
Flora, escota-la

Flora, d’aquí te legissi
Flora, dins ton jornal inedit
Ton torn de França, “paria”
Auça pas totjorn ton combat

Flora, escota ma votz
Escota plan
Flora, escota-la

Escota plan
Vaquí mon cant

Era s’a hèit l’erbeta,
Au prat verdelhant.
Eth que s’a heit dalhaire,
L’a avuda en dalhant.

Que son dus sus …

Legir tot

Era s’a hèit l’erbeta,
Au prat verdelhant.
Eth que s’a heit dalhaire,
L’a avuda en dalhant.

Que son dus sus la via,
I a Florença e i a Joan,
E que volan tot dia
Sus un grand chivau blanc,
Mès que cau que v’ac disi,
Jo qui èi tres mila ans,
Que Joan aima Florença,
E Florença aima Joan.

Era s’a hèit la lèbe,
D’aceth bòsc qui ei tant gran.
Eth que s’a heit caçaire,
L’a avuda en caçant.

Era s’a hèit istoèra,
Hens un libe d’enfant
Eth que s’a heit contaire,
L’a avuda en contant.

Era s’a hèit l’estela,
Au beth som del lugran.
Eth que s’a heit talòssa,
L’a avuda en l’espiant.

Flume prigond, sorna ribièira
Mon sang carreja tant d'amors,
Tant de dolors que son pas meunas.
Pòrti mon pòple, jorn …

Legir tot

Flume prigond, sorna ribièira
Mon sang carreja tant d'amors,
Tant de dolors que son pas meunas.
Pòrti mon pòple, jorn après jorn.
Cada cent ans la feda negra
Torna al mitan del blanc tropèl.
Dieu garde que se desanhèle
Son ventre pòrta lo temps novèl.

Flume prigond, sorna ribièira
Mon sang carreja tant de mots,
Dieu garde qu'ambé ieu se pèrdon
Siòi femna per far nàisser al mond.
Auban la trida cantarèla
A fait son nis dins mon travèrs
Contra caçaires, freg e tempèstas
Aquí los uòus coma l'espèr.

Flume prigond, sorna ribièira
Mon sang carreja tant de cançons,
Tant de cançons que son pas meunas
Son de mon pòple, siòi qu'una votz.
Agost dotarà sas segadas
Lo perdigal dins lo pelenc
Anèit recampa sa clocada
Lo vèspre es roje, aurem bel temps.

Flume prigond, sorna ribièira
Mon sang carreja tant d'amors
Tant de dolors que son pas meunas
Son de mon pòple, siòi qu'una votz.

Una poleta rosseta
A fach un uòu dins la casseta
Ni cuèch ni cru
Tira-te la bagueta
E vai-te’n tu. …

Legir tot

Una poleta rosseta
A fach un uòu dins la casseta
Ni cuèch ni cru
Tira-te la bagueta
E vai-te’n tu.

Una rascleta ni cleta ni clau
Seta bolheta castèl ronhau
Sirga mirga coa de rat
Tu siás un fat.

Rond rond la poma
L’aguièr crièr
Sampa la mar
Vira balajon
Comptava las oras
Las oras del jorn
Jorn jorlim jorlam
Citra mitra mirga
Coeta de rat
Tu siás un fat.

Fot me lo camp canalha
Fot me lo camp d’aici
Sinon que las joenas f’ilhas
qui’ns volhan divertir
la canalha …

Legir tot

Fot me lo camp canalha
Fot me lo camp d’aici
Sinon que las joenas f’ilhas
qui’ns volhan divertir
la canalha ta la palha
Io restant ’ anar dormir

Fotez me lo camp canalhas
Fotez me lo camp d’aici
M’avetz metut sus la palha
m’avetz bebut tot mon vin

Fot-me le camp
E t'en tornes pas
Jamai, jamai, jamai, jamai
Fot-me le camp
E t'en tornes pas jamai

Que …

Legir tot

Fot-me le camp
E t'en tornes pas
Jamai, jamai, jamai, jamai
Fot-me le camp
E t'en tornes pas jamai

Que disètz ?

Aviá un bon emplèc, sens èsser golden boy
Dins una societat qu'erá dins lo sex toy
Un chinés la crompèt e tot foguèt cambiat
Sens comprener pas res foguèri lèu jetat

Plan fait !
Refrain
Que disètz ?
Refrain


Dintrèri a l'ostal, aviá pas mai de travalh
Ma femna m'atendiá e i aguèt de rambalh
Diguèt : « Ara, d'argent, segur n'aurèm pas cap »
Prenguèri un brave còp d'engranièra sul cap ( aïe ! )

Plan fait !
Refrain
Que disètz ?
Refrain

CHORUS

Plan fait !
Refrain
Que disètz ?
Refrain

Ai trapat una ficela e me soi penjat
Que n'aviá un sadol, tot erá acabat
Mas quand soi arrivat a la porta del Cèl
Un àngel sortiguèt e sul pic me diguèt :


Plan fait !
Refrain
Que disètz ?
Refrain

E te'n tornes pas jamai
Vai te'n véser se sòi aval
Vai te'n te faire còire un uòu
E rapporta-me la clau
Segur que te plorarèm pas
E val mai que te'n tornes pas
E te'n tornes pas jamai

Que disètz ?
What you say ?
De qué ?
Mas perque ?
Bondieu, macarèl
Ai pas res fait
E quina vida !

Puta de vida !

Fotetz-me lo camp, canalha,
Fotetz-me lo camp d’aqui
Fotetz-me lo camp, canalha,
Fotetz-me lo camp d’aqui

Que m’avetz minjat las …

Legir tot

Fotetz-me lo camp, canalha,
Fotetz-me lo camp d’aqui
Fotetz-me lo camp, canalha,
Fotetz-me lo camp d’aqui

Que m’avetz minjat las castanhas,
Que m’avetz curat lo topin!
Que m’avetz minjat las castanhas,
Que m’avetz curat lo topin!

Fotetz-me lo camp, canalha,
Fotetz-me lo camp d’aqui
Fotetz-me lo camp, canalha,
Fotetz-me lo camp d’aqui

Que m’avetz fotut sus la palha,
Que m’avetz bevut tot lo vin!
Que m’avetz fotut sus la palha,
Que m’avetz bevut tot lo vin!

Fotetz-me lo camp, canalha,
Fotetz-me lo camp d’aqui
Fotetz-me lo camp, canalha,
Fotetz-me lo camp d’aqui

Rondèu en fòrma de responsa :

No’n vam pas enqüèra, Jana,
No’n vam pas enqüèra!
N’am pas minjat lo torrin,
De la grana padèra!
N’am pas bevut tot lo vin
De la pinta darrèra!