Adieu siatz sènher Peire, bònjorn
Sabètz ren de novèu
Pertot si ditz que Dieu lo fieu
Es descendut dau cèu …

Legir tot

Adieu siatz sènher Peire, bònjorn
Sabètz ren de novèu
Pertot si ditz que Dieu lo fieu
Es descendut dau cèu

Per lavar la bugada qu’Adam
E sa frema faguèt
Dins lo jardin paure badin
Quand la poma mordèt

Era un gasta-bugada marrit
Se non foss’ aqueu Dieu
Car leis enfants de seis enfants
Farián totjorn pieu-pieu

Satan fasi lo mastre cresent
D’aguer tot atrapat
Mai lo pauret, coma un polet
Ieu lo vei crebar

Dison qu’una pieucèla l’a fach
Sensa ges de marit
Dedins un luech freg et sensa fuech
Sús de fumier poirit

Tot aiçò vòu ben dire benlèu
Quauca cauva de grand
Car era sorn ara es grand jorn
Au tèms que nautre siam

Adieu te cal partir, cal abandonar lo teu país.
Adieu te cal partir, vas daissar los teus e los amics. …

Legir tot

Adieu te cal partir, cal abandonar lo teu país.
Adieu te cal partir, vas daissar los teus e los amics.
Adieu mon fraire de misèra, fraire de vòta o de galèra, pensaràs a ta bèla.
Adieu mon fraire de misèra, fraire de vòta o de galèra, mandaràs de novèlas.

Adieu te cal partir, daissar la combeta e lo sarrat.
Adieu te cal partir, daissar l’ostalada e los ainats.
Adieu mon fraire de misèra, cadun son camin, ieu espèri. Demòri ambe la maire.
Adieu mon fraire de misèra, cadun son camin, ieu espèri. Soi pas un grand viatjaire.

Adieu te cal partir, prener sul morron Cèrç o Marin.
Adieu te cal partir, trainar las savatas pel camin.
Adieu mon fraire de misèra, prenes la dralha de l’espèra, de poscas e de pèiras.
Adieu mon fraire de misèra, prenes la dralha de l’espèra, de sompas e d’orièras.

Revirada


Adieu, il te faut partir, tu dois abandonner ton pays.
Adieu, il te faut partir, tu vas laisser les tiens et les amis.
Adieu mon frère de misère, frère de fête ou de galère, tu penseras à la belle.
Adieu mon frère de misère, frère de fête ou de galère, tu enverras des nouvelles.

Adieu, il te faut partir, laisser le vallon et la coline.
Adieu, il te faut partir, laisser la maison et les anciens.
Adieu mon frère de misère, chacun son chemin, moi j’attends. Je reste avec notre mère.
Adieu mon frère de misère, chacun son chemin, moi j’attends. Je ne suis pas un grand voyageur.

Adieu, il te faut partir, prendre sur la face vent du nord ou vent marin.
Adieu, il te faut partir, traîner tes savates sur le chemin.
Adieu mon frère de misère, tu prends le sentier de l’espoir, de poussières et de pierres.
Adieu mon frère de misère, tu prends le sentier de l’espoir, de flaques et d’ornières.

Adieu-siatz ma maire, me veiràs pas pus,
Que me'n vau dissabte o benlèu diluns.
Macarèl de DIeu ! Sèm tirats …

Legir tot

Adieu-siatz ma maire, me veiràs pas pus,
Que me'n vau dissabte o benlèu diluns.
Macarèl de DIeu ! Sèm tirats al sòrt.
Deman de matin benlèu serem mòrts.

Tota la joinessa, la flor del vilatge
Se'n va guerrejar, se far traucar la pèl.
Aquò's totjorn per nautres,
Gojats de mon atge,
Contra la joinessa, segur cargarem.
Macarèl de Dieu !...

Ai pas lo coratge de copar mas dents
Que per la refòrma òm ditz que ba cal faire.
Ai pas lo coratge de trencar mon det,
Téner lo fusilh, ba poiriái pas faire.
Macarèl de Dieu !...

Ai pas de moneda, soi filh de paisan,
Ai pas cap d'argent
Per crompar un fonccionari.
Sonque los borgeses se fan remplaçar,
Soi filh de paisan al front me vau far jaire.
Macarèl de Dieu !...

Passarem la nuèit benlèu la darnièra,
Chucarem ensemble tot çò que poirem.
Qu'un brave bordèl metrem per la carrièra !
Lo vin al barral ba churluparem
Macarèl de Dieu !...

Fringarem las filhas, prendrem de calor,
Ieu cercarai pas, qu'ai çò que me cal.
Avant que d'anar sul camin de dolor,
Ara, ma polida m'espèra a l'ostal.
Macarèl de Dieu !...

Adieu Margarida, adieu mas amors,
Me'n vau a la guèrra, benlèu per totjorn.
Benlèu tornarai e t'esposarai,
Serai general o tanplan marchand d'alh
Macarèl de Dieu !...

Aquel va a l'aiga, aquel va al vin,
Aquel fa la sopa, aquel la manja tota.
Aquel va a l'aiga, aquel va al vin,
Me'n vau a la guèrra pas tu riquiqui.
Macarèl de Dieu !...

Lo purmer dia d’escola , desbelhat tot docament,
Esbarrit en aquet monde, hart de plos e de turmens,
E après …

Legir tot

Lo purmer dia d’escola , desbelhat tot docament,
Esbarrit en aquet monde, hart de plos e de turmens,
E après quauques anades, cade semane en pension,
Viver drin mey loegn de case, descobrir d’autes faiçons.

Repic : Adishatz, qu’eï a partir !
Tornareï , u beth matin , amic !
Qu’ei açi qui cau fenir,
Shens nat brut, shens nat chepic.

Lo purmer dia d’escola, desbelhat tot docament,
Esbarrit en aquet monde, hart de plos e de turmens,
E après quauques …

Legir tot

Lo purmer dia d’escola, desbelhat tot docament,
Esbarrit en aquet monde, hart de plos e de turmens,
E après quauques anades, cade semane en pension,
Viver drin mey loegn de case, descovrir d’autes faiçons.

Repic
Adishatz, qu’eï a partir !
Tornareï, u beth matin, amic !
Qu’ei açi qui cau fenir,
Shens nat brut, shens nat chepic.

Vingt ans qu’era lo beth adje, sentimen de libertat,
Qu’era lo temps de la heste, en cantan noste amistat.
Las purmeres amortetes, debat lo ceu estellat,
En los oelhs d’ue gojate, qui no calè pas deshar…

Plà gagnar la sue bite, qu’ei soven loegn deu païs,
Lo trivalh deus joegns adare, qu’as a miat dincà Paris.
Alabets tà las vacances, que vienen passer l’estiu
Au cô d’un petit viladje, airejat per noste arriu.

Adishatz dauna de la mèisson,
Lo topin la culhèra e lo cautron,
On ei la vòsta hilha
Lo topin e …

Legir tot

Adishatz dauna de la mèisson,
Lo topin la culhèra e lo cautron,
On ei la vòsta hilha
Lo topin e la gran' grilha.

Sabetz pas perqué e soi vienut ?
Lo topin la culhèra lo bisagut,
Tà'va demandar la Catrina
Lo topin e la tarrina.

Catrina e's marida pas augan,
Lo topin la culhèra lo cuu deu can,
Que n'ei tròp Sent Jausèpa
Lo topin e l'escauheta.

Adiu paure, adiu paure,
Adiu paure, adiu paure,
Adiu paure, paure, paure carnaval
Adiu paure, adiu paure,
Adiu paure, adiu …

Legir tot

Adiu paure, adiu paure,
Adiu paure, adiu paure,
Adiu paure, paure, paure carnaval
Adiu paure, adiu paure,
Adiu paure, adiu paure,
Adiu paure, paure, paure carnaval

ieu m’en vai e tu t’en venes
areveire a l’an que ven
Adiu paure, adiu paure,
Adiu paure, adiu paure,
Adiu paure, paure, paure carnaval

escota mi compaire giacu
escota mi son que te diu
escota mi compaire giacu
escota mi son que te diu

Adiu paure, adiu paure,
Adiu paure, adiu paure,
Adiu paure, paure, paure carnaval
Adiu paure, adiu paure,
Adiu paure, adiu paure,
Adiu paure, paure, paure carnaval

amusevus e divertivos
e sighez tuci content
Adiu paure, adiu paure,
Adiu paure, adiu paure,
Adiu paure, paure, paure carnaval

escota mi compaire giacu
escota mi son que te diu
escota mi compaire giacu
escota mi son que te diu

Adiu paure, paure, paure
Adiu paure carnavas
Quora dintri dins la dansa
Ieu demori e tu t’en vas
Adiu paure, paure, paure
Adiu paure carnavas
Fagues pas lo nervos, fagues pas lo mariàs
Adiu paure, paure, paure
Adiu paure carnavas
Sabès qu’ambe lo seriol anèm ti faire cramar
Anèm faire un grand fuech
Siam aqui per festejar
anèm dansar tota la nuech
Farèm bolegar leis fadas

Es lo jorn de carnaval
Fach un an que l’esperam
Dins lo passa carrierra
I a de fum e de bocan
D’amont e tambèn d’aval
I a de jòia, d’enavant
Tot çò qu’avem fach de mal
S’en va ’me lo caramentran

Adiu paure, paure, paure
Adiu paure carnavas
Quora dintri dins la dansa
Ieu demori e tu t’en vas

Adieu paure adieu paure
Adieu paure Carnaval
Tu te’n vas e ieu demòri
Per manjar la sopa a l’alh.

Carnaval …

Legir tot

Adieu paure adieu paure
Adieu paure Carnaval
Tu te’n vas e ieu demòri
Per manjar la sopa a l’alh.

Carnaval èra de Castras
Sa femna de Puèg Laurenç
Ne faguèron un maridatge
En passant a Rabastens.

La carnavalha se caufava
Se caufava al pè del fuòc
N’i’n venguèt una flambada
Li cremèt lo cap dels pòts.

La carnavalha es pas mòrta
Farà de carnavalhons
Ne farà de tota sòrta
De bèlses e de pichons

Adiu paure, adiu paure
Adiu paure Carnaval,
Adiu paure, adiu paure
Adiu paure Carnaval

Tu t´en vas e íèu demori …

Legir tot

Adiu paure, adiu paure
Adiu paure Carnaval,
Adiu paure, adiu paure
Adiu paure Carnaval

Tu t´en vas e íèu demori
Per manjar la sopa a l´alh
Per manjar la sopa a l´òli
Per manjar la sopa a l´alh

Lo joinessa fa la festa
Totes los que sèm ongan
E las filhas fan las còcas
Per celebrar Carnaval

Catarina la pissosa
Pòrta la civada als biòus
E de blat a las gallinas
Se vòs que te fasquan d´uòs

Lo biòu brama, l´ase dança
Lo pijon ditz sa leiçon
E la lebre canta lo credo
E l´aucèl ditz lo pater

Cap au haugar
Dejà l’aubeta
Que hè cantar
Ua laudeta.
Volerem har
Ua pauseta,
Mes que s’en va
Lo temps …

Legir tot

Cap au haugar
Dejà l’aubeta
Que hè cantar
Ua laudeta.
Volerem har
Ua pauseta,
Mes que s’en va
Lo temps tà plan
Com un arriu.

Refrain
A l’amassada,
Tà l’arcuelh, la serada,
A l’amassada,
Adiu, adiu.
A las mainadas,
Per la nueit encantadas,
A las mainadas,
Adiu, adiu.
Au monde en quèsta
D’amistat e de hèsta
Au monde en quèsta
Adiu, adiu.
A tots e totas
De qui crotzam la rota
A tots e totas
Adiu, adiu.

Ací s’escad
La nueit prodiga
On l’amistat
Que s’arradiga.
Lo còr blassat
S’i amatiga,
Mes que s’en va
Lo temps tà plan
Com un arriu.

Vieni d’enlòc,
Lo vent m’abita,
Cap boharòc,
Fe estarida,
De flor en bròc,
Cort mia vita,
Mes que s’en va
Lo temps tà plan
Com un arriu.

Enten, enten, l’accordeon,
Dus pas de dança, ua cançon,
Eth haro que s’a alugat,
Sant Joan, Sant Joan, se n’ei …

Legir tot

Enten, enten, l’accordeon,
Dus pas de dança, ua cançon,
Eth haro que s’a alugat,
Sant Joan, Sant Joan, se n’ei tornat.
Val d’Aran, cap de Gasconha,
Luenh de tu, que’m cau partir,
Val d’Aran, cap de Garona,
Luenh de tu, que’m vau morir.
Era passejada, un ser d’estiu,
E com te va ? adiu, adiu !
Un tròç de pan, un còp de vin,
Parlar deth temps, damb eth vesin.

Es cueires luden sus eth bufet,
Totis es records ena paret,
Non se pot estancar eth temps,
Mès Aranés, tostemp, tostemp.

Tornar a pujar enquià era nhèu,
Un darrèr còp eth cap en cèu,
Setiat dessús eth gran calhau,
Guardar eth sorelh en gran portau.

Companhs de Les e de Bossòst,
De Salardú, de Vilamòs,
Brembatz-vo’n plan deth praube Joan
Qui a estimat tant era val d’Aran.

Enten, enten, l’accordeon
Dus pas de Dança. Ua Cançon
Eth Haro que s’a alugat (bis)
San Joan. San joan. Se …

Legir tot

Enten, enten, l’accordeon
Dus pas de Dança. Ua Cançon
Eth Haro que s’a alugat (bis)
San Joan. San joan. Se n’ei tornat (bis)

Val d’Aran, cap de Gasconha
Luenh de tu, qu’em cau partir,
Val d’Aran, cap de Garona.
Luenh de tu, qu’m vau morir

La passejada, un ser d’estiu.
E quin te va? Adiu. Adiu!
Un troç de pan, un còp de vin. (bis)
Parlar du temps. dab eth vesin. (bis)

Cueires luden sus eth bufet.
Tots es records ena paret.
Non se pot estancar eth temps.(bis)
Mès Aranés, tostemp, tostemp. (bis)

Companhs de Les e de Bossòtst.
De Salardu, de Vilamos.
Brembatz-vo’n plan deth praube Joan.(bis)
Qui a estimat tant era Val d’Aran.(bis)

Entén, entén, l’acordeon,
Dos pas de dança, ua cançon.
Eth haro quo s’a alugat,
Sant Joan, Sant Joan, se n’ei …

Legir tot

Entén, entén, l’acordeon,
Dos pas de dança, ua cançon.
Eth haro quo s’a alugat,
Sant Joan, Sant Joan, se n’ei tornat.

Val d’Aran, cap de Gasconha,
Luenh de tu, que’m cau partir,
Val d’Aran, cap de Garona,
Luenh de tu, que’m vau morir.

Era passejada, un ser d’estiu,
E com te va? adiu, adiu,
Un tròç de pan, un còp de vin,
Parlar deth temps, damb eth vesin.

Es cueires luden sus eth bufet,
Totis es records ena paret,
Non se pot estancar eth temps,
Mes Aranés, tostemps, tostemps.

Tornar a pujar enquià era neu,
Un darrèr còp eth cap en cèu,
Setiat dessús eth gran calhau,
Guardar eth sorelh en gran portau.

Companhs de Les e de Bossòst,
De Salardú, de Vilamòs,
Brembatz-vos plan deth paubre Joan
Qui a estimat tant era val d’Aran.

Crompar lo libret amb tèxtes e particions

Se destacant dins lo cèl pur,
Lo mas èra faus, de segur ;
E lo rastolh dessús lo teu-
-lat …

Legir tot

Se destacant dins lo cèl pur,
Lo mas èra faus, de segur ;
E lo rastolh dessús lo teu-
-lat sintetic, coma se deu;
A costat d’un vièlh faus arboç
Se devistava un faus potz,
Onte, me sembla, avián gitat
Çò que semblava la vertat.

E la mestressa de l’ostal,
Polida dins un davantal
De bordièra de cinemà,
Risenta, me donèt sa man ;
E d’un còp venguèri moquet
En vejent mon pichòt boquet,
Prèp d’un massís de faussas flors
Mostrant las pus vivas colors.

Caucant la faussa peleneta,
Dintrèri dins la cosineta
Caufada d’un fuòc sens pariu,
Brilhant sens fum ni recaliu ;
E cadun podiá admirar
Pausats sus las laissas de la
Bibliotèca en faus noguièr
Mai d’un obratge messorguièr.

Faus Aubusson, faussas pinturas
Als murs e faussas armaduras,
Faussas pèrlas, fausses joièls,
E faussas panas sus la pèl ;
Faussas onglas sus las manòtas,
Pianò jogant en faussas nòtas,
Ambé sas tòcas manlevant
L’ivòri a ges d’elefant.

Al lum de las faussas candèlas,
Quitèt lèu sas faussas dentèlas,
En me diguent : « non mentirai,
Siás mon primièr amor verai ».
Faussa vèrge, faussa pudor,
Faussa febre, simulator,
Aquel faus àngel pietadós
Vengut d’un cèl seten dobtós.

Mas vos dirai, es necessari,
Dins aquel afar de faussari
Quicòm pasmens èra pas faus,
(mentir es pas dins mos defauts) ;
Es mon amor per ela e mon
Gròs ponch del costat del palmon,
Quand donèt son còr tot entièr
A un Trencavel vertadièr.

En l’escasença, Cupidon
Se mostrèt faus coma un jiton ;
Un bèl leventi es estat,
Venús tanben ; d’autre costat
Cal pas mentir per omission :
Avodarai amb emocion
Que m’an balhat un grand moment
Autentic de contentament.

Agachar lo monde trastejar e parèisser
D’impòstura cargat e mascariá vestit
Se pòt qu’un mendicaire siá ufanós de l’èsser
E …

Legir tot

Agachar lo monde trastejar e parèisser
D’impòstura cargat e mascariá vestit
Se pòt qu’un mendicaire siá ufanós de l’èsser
E que siá pelhandrós sens n’èsser apaurit.

L’umor a pas de randa, per las carrièras va
Ambe la derision per companha fidèla
La fòrça es sens poder contra las pauras mans
D’aqueles que sabon rire encara e de pus bèla.

Se vei sul trepador de mèstres filosòfas
Qu’an pas jamai legit mas ne’n comprenon tant
Se vei dins lo valat de filhas que vos òfran
Las mila e una nuèchs dins pas res qu’un instant.

De dròlles son de reis que lo solelh corona
Quitament los palaisses son pas que de casals
Que vivon en senhors dins una Babilona
Dels jardins pendolants comols de fruchas e d’alhs.

A l’ora ont lo bruch de la vila se cala
Beure un veire de té dins un cafè ombrat
Un pauc d’erba sul fuòc, de brasa qua cracina
Lo paradís perdut ara es tornat trobat.

Ah! La bòna novela,
Nòste bòn Diu es nat
Una jove piocela
Stanuech nos l’a donat
Compaires, comaires,
Sabetz que …

Legir tot

Ah! La bòna novela,
Nòste bòn Diu es nat
Una jove piocela
Stanuech nos l’a donat
Compaires, comaires,
Sabetz que devem faire?
Anem-ie tuchi ensem
A veire la jacent

Anem a far-ie festa,
Portem-ie quarquaren
N’aurem pus mal de testa,
N’aurem pus mal de dent
I pastres e i astres,
I rei que son tant sages
Fasaren son present
A la paura jacent

Chal que preguem la maire,
En bó son filh tant doç:
Quand n’aurem pus a faire
Al monde maluros
Nos sòne, nos dòne,
Nos bute dins son tròne
E sarem tuchi ensem,
L’enfant e la jacent

Dins lo som tot raibassos de nuech gialada,
Sus lo liech ente lo vielh 'viesa sa mòrt fincar sos dets, …

Legir tot

Dins lo som tot raibassos de nuech gialada,
Sus lo liech ente lo vielh 'viesa sa mòrt fincar sos dets,
Las feures venen jugar lor comedia,
Li minjar sa paubra testa de folia, de dolor.
Ai Lemosin !... Ai Lemosin !...

Leberon en granda tenguda de nòça
Lo pleja dins son linçòu : vaque, vam far lo torn dau ciau.
Darrier las nivols negras que fan riseia,
'Nas vielhas totas rossas d'un lop capit ronhen l'òssas.
Ai Lemosin !... Ai Lemosin !...

'Na dròlla tota nuda ufla son ventre,
Sos tetins b'assetz pitits son dins la biaça dau bon Diu.
Un mitrat tot esmalit geta son veire
De meschaent vin sus la crotz ente gema lo sauvador.
Ai Lemosin !... Ai Lemosin !...

Sus 'na rota de lunons 'na graula blancha
Balha dau mieu de burgaud a daus borges de carnavau.
En sus dins 'na broa de fum 'na p'ita clardat,
Ente daus pitits auseus n'an pro de purar lor degreu.
Ai Lemosin !... Ai Lemosin !...

Lo rei dau ciau emb son debeu e la sega,
Los miseros nabacuols, los que se trainen sus lo cuol,
Tota lo malaür en lai que marcha, marcha,
E dins lo vent que se'n vai, las gorbelhas creden lor pair,
Ai Lemosin !... Ai Lemosin !...

Lo diable, sos delesers, fan sarabenda ;
Vaque lo vielh, 'quo es plasent, veiras que rísem tot lo temps !
Leberon 'trapet lo vielh : 'quo es 'na meissonja ...
Lo vielh que 'visava en lai, era crebat de freg, lo vielh.
Ai Lemosin !... Ai Lemosin !...

Dins lo som tot raibassos de nuech gialada,
Sus lo liech ente lo vielh 'viesa sa mòrt fincar sos dets, …

Legir tot

Dins lo som tot raibassos de nuech gialada,
Sus lo liech ente lo vielh 'viesa sa mòrt fincar sos dets,
Las feures venen jugar lor comedia,
Li minjar sa paubra testa de folia, de dolor.
Ai Lemosin !... Ai Lemosin !...

Leberon en granda tenguda de nòça
Lo pleja dins son linçòu : vaque, vam far lo torn dau ciau.
Darrier las nivols negras que fan riseia,
'Nas vielhas totas rossas d'un lop capit ronhen l'òssas.
Ai Lemosin !... Ai Lemosin !...

'Na dròlla tota nuda ufla son ventre,
Sos tetins b'assetz pitits son dins la biaça dau bon Diu.
Un mitrat tot esmalit geta son veire
De meschaent vin sus la crotz ente gema lo sauvador.
Ai Lemosin !... Ai Lemosin !...

Sus 'na rota de lunons 'na graula blancha
Balha dau mieu de burgaud a daus borges de carnavau.
En sus dins 'na broa de fum 'na p'ita clardat,
Ente daus pitits auseus n'an pro de purar lor degreu.
Ai Lemosin !... Ai Lemosin !...

Lo rei dau ciau emb son debeu e la sega,
Los miseros nabacuols, los que se trainen sus lo cuol,
Tota lo malaür en lai que marcha, marcha,
E dins lo vent que se'n vai, las gorbelhas creden lor pair,
Ai Lemosin !... Ai Lemosin !...

Lo diable, sos delesers, fan sarabenda ;
Vaque lo vielh, 'quo es plasent, veiras que rísem tot lo temps !
Leberon 'trapet lo vielh : 'quo es 'na meissonja ...
Lo vielh que 'visava en lai, era crebat de freg, lo vielh.
Ai Lemosin !... Ai Lemosin !...

Aquesta satira la fau lo còr dolent
Dieus! Qual pòt dire ni saupre lo torment
Ont que me vire siòi …

Legir tot

Aquesta satira la fau lo còr dolent
Dieus! Qual pòt dire ni saupre lo torment
Ont que me vire siòi en grand pensament
Consi escriure aquel azirament ?
Lo mond es giblat uèi que corrompon e lei
E sagrament e fe
Cadun son vesin pensa l’aver per malvolença
Om se tua entre se sens rason e sens drech

Ai! Tolosa e Provença e la terra d’Argença
Besièrs e Carcassés qui t’a vist e te vei

Totjorn m’azire e ai azirament
la nuòch sospire e velhant e dorment
Ont que me vire ausisse brave gent
Que cridon “Sire !” al françès umilment
Lo françès n’a mercès son que s’en pòt aver
D’argent sens autre drech
A(n)eles l’abondança e la granda bombança
Engana e traison aqui lor confession

Coma un sauvatge que canta al missant temps
Ai lo coratge de cantar de present
Vesent paratge que vai en se perdent
E bon linhatge que vai en descasent
Quand creis la malvestat los barons rebusats
Enganaires enganats
Valor menan darrièra e desonor premièra
Es un marrit afar que l’argent mal ganhat

Ai causit de cantar l'amor, la vida
E vaquí que me trapi davant aquel silenci.
Ai causit de cantar la …

Legir tot

Ai causit de cantar l'amor, la vida
E vaquí que me trapi davant aquel silenci.
Ai causit de cantar la flor, la femna
E vaquí que se taisan dins ma boca los mots.
Ai causit de cantar lo cèl, la prima
E vaquí que l'ivèrn jamai s'acaba pas.
Ai causit de cantar la nuòch, l'estela
E vaquí que que l'imatge d'un presonièr me ven.
Ai causit de cantar lo gran, la tèrra
E vaquí que qu'es desèrta la plana ont ai viscut.
Ai causit de cantar mon pòrt, ma vila
E vaquí que la barca ja se pèrd dins l'estanh.
Ai causit de cantar l'amor, la vida
E vaquí que me trapi davant aquel silenci.

Ai decidat de montar sus mon ai
per anar veire l’acochada
Ai decidat de montar sus mon ai
per anar …

Legir tot

Ai decidat de montar sus mon ai
per anar veire l’acochada
Ai decidat de montar sus mon ai
per anar veire s’es verai

De malhons e e de camisetas
N’en cargarem nòstas saumetas
Un fromatge coma un mortier
Lo manjarem totis de companhier

En menarem la frema de Simon
Emé sa sòrre, la talhosa
En menarem la frema de Simon
li farà quauques calotons

Oblidatz pas de portar lo caban
e de vieure dins la manseta
Oblidatz pas de portar lo caban
de vin, de lach e de bon pan

Dins las valadas i a dui jals
qui - qui - ri - qui
Que se revelhon d’umor marrit
qui …

Legir tot

Dins las valadas i a dui jals
qui - qui - ri - qui
Que se revelhon d’umor marrit
qui - qui - ri - qui
A ’na gran vuelha de caponar
qua - qua - ra - quà
Declaron guèrra dins un combat
qua - qua - ra - quà
Se pitasseon fins a la mòrt
quò - quò - rò - quò
A la fin ganha lo mai fòrt
quò - quò - rò - quò
Se vira a veire ont es lo fruch
quo - quo - ro - quo
Nhaca ’na pola da sautar sus
quo - quo - ro - quo

Ai fach un sumi en la nuech desperaa
que dins ma tèrra serion arribatz
un trop de polas dal sang adolcit
e a lhi nòstri jals da lo còr tant marrit
cheiesse la cresta ponchua d’arogança
e a sa plaça sponchesse la creança

Dins lo país i a quatre chats
Un volaria se metre ensem
L’autre vòl far tot da solet
Un vòl bastir de gran palais
L’autre gardar tot coma es
Ma no, ma no, val ren la pena
E lo derier a maria luna
E squiaparia lo morre a tuchi

Ai fach un sumi en la nuech desperaa
que tot d’un crep abo un uelh esquichat
sieis òmes ensemo campesson la man
e ben d’acòrdi minjar un tòc de pan
sensa trapeta de dreire estremat
e a far un pas de comun acordat

Voletz sauber de qual color
qui - qui - ri - qui
Es la chamisa d’un bèl blòi
qui - qui - ri - qui
Un lhi semelha de vert clar
qua - qua - ra - quà
L’autre bauteia tra gris e jaun
qua - qua - ra - quà
Ma no beicatz semelha maròn
quò - quò - rò - quò
A iu a ben veire semelha ros
quò - quò - rò - quò
Veietz ren qu’es tot blanc
quo - quo - ro - quo
E ben, fasem que a dui colors
quo - quo - ro - quo

Ai fach un sumi en la nuech desperaa
que per ma gent i aguesse una veritat
e se lo clar dal solelh es segur
deguns juresse qu’es tot escur
e abo lo morre aut e sencer
disesse mac son qu’es ben ver

Se a Tonin la lhi vai ben
E fai d’afar en trabalhant
I a já Juspin qu’es entorsut
E volaria lo far falir
E se Luís s’es engajat
Dins la Pro Lòco dal país
Marias lengas mancon pas
Per dir : es clar i ganha sus

Ai fach un sumi en la nuech desperaa
que da l’endivia foguessem vacinats
e se una testa marcha a 120
es ben normal que fasse d’chamin
e se Bastian après deman vai dal cul

Dedins la forest
I a un riu que raja
Dedins la forest
I a un riu que raja

Ai mamà …

Legir tot

Dedins la forest
I a un riu que raja
Dedins la forest
I a un riu que raja

Ai mamà se sabiás
Coma lo riu fasiá enveja
Ai mamà se sabiás
Coma lei gens se son recampats

Volián tot crompar
La terra e leis aubres
Volián tot crompar
La terra e leis aubres

Repic

Volián tot copar
Dedins lo boscatge
Volián tot copar
Dedins lo boscatge

Repic

Volián assecar
Lo Tescon sauvatge
Volián assecar
Lo Tescon sauvatge

Repic

Volián far bastir
La granda restanca
Volián far bastir
La granda resctanca
Volián abeurar
Sei camps sus d’ectaras
Volián abeurar
Sei camps sus d’ectaras

Se son arrenjats
An fach sei magolhas
Mamà se sabiás
Coma an cercat garrolha

Repic

Se’n son avisats
De jovents sens crenta
Se’n son avisats
De jovents sens crenta

Repic

Se son enterrats
Per empachar lo chaple
Se son enterrats
Per empachar lo chaple

Repic

Lei mes an passat
An mandat l’armada
Lei mes an passat
An mandat l’armada

Repic

Lei crids d’un costat
De l’autre lei granadas
Lei crids d’un costat
De l’autre lei granadas

Dedins la forest
I a de plors que rajan
Dedins la forest
An fach tombar lo fraisse

Ai mamà oblidem pas
Lo nom dau paure Remi Fraisse
Ai mamà oblidem pas
Lo nom d’un jove sacrificat

A la nuèch venguda,
Lo long del camin
Tot çò que remuda
Me fai tressalir.

Sembla que me passa
Dels …

Legir tot

A la nuèch venguda,
Lo long del camin
Tot çò que remuda
Me fai tressalir.

Sembla que me passa
Dels fials jos la pèl,
Que sus ma tinhassa,
N'ai pus de capèl.

Sei totjorn a creire,
Que qualququ'un me sèc,
O me sembla veire,
Qualquarren que ven.

Alai sus la rota,
Non sai se i a pas
Qualqu'un a l'escota,
Que vai m'estranglar.

Lo choita que coïna
Ven de me sasir,
Disen que devina
Se l'òm vai morir.

Mon ombra per tèrra,
Sembl'un revenant,
E dins la pinièra
Qualquarren se planh.

La luna que raja
Vira los afars,
En bèstias salavatjas
Prestas a agafar.

Mas sus la teulada
Lo gal a cantat.
L'alba s'es levada
La paur m'a passat.

Ai dobat per tu
Un monde pintat de verd e de blu
Lo ceu au tocat de la man
Un …

Legir tot

Ai dobat per tu
Un monde pintat de verd e de blu
Lo ceu au tocat de la man
Un soleu escandilhant encuei com'aier e deman
Ai adobat per tu
De chanavas sus lei terras secas
De mistraladas desplegant
L'argent, 'me son buf gigant
Deis ouliviers dins l'estelan

Ai per tu un ostau vièlh bastit sus lo ròc
Tancat au ped d'un rocas grand, un bau gigant,
Un barri sus lo ceu,
Lei pòrtas dubèrtas a brand, sensa clau, dubèrt
Sus lei flors d'ivèrn de l'amelièr blanc
Tant lèu tant blanc...

Ai adobat per tu
De potons ben cauds sus lei parpelas
De mots d'amor sus lo suc
Mots d'amor dins lo parlar
Que ma mame m'aviá donat
Ai totjorn les per tu
Cada mot tot caud per teis aurelhas
Farfantelas e pantais blus
E sus lei dets de la man, "sauta-lapin", "balin-balan"

Ai per tu un ostau vièlh...

Vòli gardar les per tu
Tant qu'aurài tengut, çò qu'aurài poscut
Mon pichòt còr emigrat
Parti de l'aute costat, de l'autre man de l'ocean,
Ai per rescaufar mon còr doas pichòtas nòtas de musica
Que fan Re e que fan Mi
Que voudriau partajar ambe tu mon còr polit

Ai per tu un ostau vièlh...

Ai perdut mon amic tot petit
Ai perdut mon amic
Dins un bòsc de garrics tot petit
Dins un bòsc …

Legir tot

Ai perdut mon amic tot petit
Ai perdut mon amic
Dins un bòsc de garrics tot petit
Dins un bòsc de garrics
Tot petit tot petit tot petit...

Repic :
O de que farai ieu
Soi pas qu’un virolet
Totjorn pèrdi çò meu
Soi pas qu’un flambusquet.

Ai perdut mon solièr tot leugièr
Ai perdut mon solièr
A cima d’un pomièr...

Ai perdut mon tesson tot pichon
Ai perdut mon tesson
Dins lo ventre del dragon...

Ai perdut mon aucèl tot rossèl
Ai perdut mon aucèl
Amont naut dins lo cèl...

Ai perdut mon mamót manja tot
Ai perdut mon mamót
Sus un terrenc de fot...

Ai perdut mon canton tot marron
Ai perdut mon canton
Al fons de mon sacon...

Nade dins l’òli dóu bonur
Qu’aqueste cop n’en siéu segur
Vendra deman - es entendu -
Mai aujourd’uei n’en pode …

Legir tot

Nade dins l’òli dóu bonur
Qu’aqueste cop n’en siéu segur
Vendra deman - es entendu -
Mai aujourd’uei n’en pode plus.
Vire e revire dins moun lié
Remenant li mémi pensié ;
Béure sis iue, tu tu tu tu
E poutouneja si detoun…
Mordre si bouco, tu tu tu tu
Ah, n’en bave de l’afecioun !

Rèn pòu ameisa moun esmai
De vèire coumpli mi pantai
Deman poudrai la caligna
E paupeja a mon sadou
Lou delicious esmaradou
De si boumbu, de si cloutu
Saupre lou goust, tu tu tu tu
Lou goust de si pousseto…
Suse coume, tutututu
Coume uno gargouleto !

Ai, ai, ai, ai, queto pougnesoun
Me fai peta li carnavello
E pode pas plega parpello.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

Fai que d’empura moun esmai.
Tron de padiéune ié vai gai !
Siéu en trin de la caligna,
De paupeja a moun sadou
Lou delicious esmaradou
De si boumbu, de si cloutu
De m’enchuscla, tu tu tu tu
De m’enchuscla de si pousseto…
Suse coume, tutututu
Coume uno gargouleto !

Noun m’alasse de bela
Soun petadou reboumbela
Moufle e tibla, la la la la
Em’entre si cueisso raploto
Aro qu’a leva sa culoto
Vese trauca dins lou crespa
E la negrour, tu tu tu tu
Fougouso di frisoun
Lou gréu rose, tu tu tu tu
De soun dardaioun …

Ai, ai, ai, ai, queto pougnesoun
Lou resto vous lou dirai pas
En que sièr ? l’avès devina.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

De ço qu’aier m’es avengu
N’en siéu enca tout esmougu
E n’ai lis iue plen de belu
Mai aujourd’uei n’en pode plus
M’atrove soulet dins moun lié
Remenant li mémi pensié.
Ai vist si iue, tu tu tu tu
E poutouneja si detoun …
Mordu si bouco, tu tu tu tu
Ah ! n’en bave de l’afecioun !

Ai, ai, ai, ai, queto pougnesoun
Decesse pas de ié pensa
Crese de n’en veni fada.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.

Ai, ai, ai, ai, queto pougnesoun
Decesse pas de ié pensa
Crese de n’en veni fada.
Ai, ai, ai, ai, ai plus tenesoun
De touto la niue, mis ami
Ai rèn dourmi, ai rèn dourmi.
De touto la niue, mis ami
Ai rèn dourmi, ai rèn dourmi.
De touto la niue, mis ami
Ai rèn dourmi, ai rèn dourmi.

Ai rencontrat ma mia diluns
Que se’n anava vendre de fums
Luns fums tòn
Retorna-te ma mia, retorna-te que plòu …

Legir tot

Ai rencontrat ma mia diluns
Que se’n anava vendre de fums
Luns fums tòn
Retorna-te ma mia, retorna-te que plòu !

Ai rencontrat ma mia dimars
Que se’n anava vendre de lard
Mars lard luns fums tòn
Retorna-te…

Dimècres – lèbres
Dijòus – uòus
Divendres – cendres
Dissabte – sable
Dimenge – penche
Setmana – lana
Quinzena – mena
Mes – pes
An – agland

Ai rescontrat ma mia diluns
Que s’en anava vendre de fum

Luns fum tòu

Retorna-te ma mia retorna-te que plòu …

Legir tot

Ai rescontrat ma mia diluns
Que s’en anava vendre de fum

Luns fum tòu

Retorna-te ma mia retorna-te que plòu

Ai rescontrat ma mia dimars
Que s’en anava vendre de lard

Març lard luns fum tòu

R

Ai rescontrat ma mia dimècres
Que s’en anava vendre de lèbre

Mècres lèbre mars lard luns fum tòu

R

Ai rescontrat ma mia dijòus
Que s’en anava vendre de biòu

Jòu biòu mècres lèbre mars lard luns fum tòu

Ai rescontrat ma mia divendres
Que s’en anava vendre de cendre

Vendres cendre jòu biòu mècres lèbre mars lard luns fum tòu

Ai rescontrat ma mia dissabte
Que s’en anava vendre de pasta

Sabte pasta vendres cendre jòu biòu mècres lèbre mars lard luns fum tòu

Ai rescontrat ma mia dimenge
Que s’en anava vendre de penche

Menge penche sabte pasta vendres cendre jòu biòu mècres lèbre mars lard luns fum tòu

Ai rescontrat ma mia un jorn
Que s’en anava vendre de flors

Jorn flors menge penche sabte pasta vendres cendre jòu biòu mècres lèbre mars lard luns fum tòu

(Apondon fach per Mauresca Fracas Dub :
Ai rescontrat ma mia setmana
Que s’en anava vendre de granas
De granas, de granas, de granas de ganja)

Ai rescontrat ma mia un mes
Que s’en anava vendre de peis

Mes peis jorn flors menge penche sabte pasta vendres cendre jòu biòu mècres lèbre mars lard luns fum tòu

Ai rescontrat ma mia un an
Que s’en anava vendre de pan

An pan mes peis jorn flors menge penche sabte pasta vendres cendre jòu biòu mècres lèbre mars lard luns fum tòu

Ai rescountra ma mìo, dilun,
Que s’enanavo vèndre de fum,
Lun-fum-tòu !

R-Entourno-te ma mìo,
Entourno-te que plòu.
Entourno-te ma …

Legir tot

Ai rescountra ma mìo, dilun,
Que s’enanavo vèndre de fum,
Lun-fum-tòu !

R-Entourno-te ma mìo,
Entourno-te que plòu.
Entourno-te ma mìo,
Entourno-te que plòu.

Ai rescountra ma mìo, dimar,
Que s’enanavo vèndre de lard,
Mar-lard-lun-fum-tòu !

Ai rescountra ma mìo, dimècre,
Que s’enanavo vèndre de lèbre,
Mècre-lèbre-mar-lard-lun-fum-tòu !

Ai rescountra ma mìo, dijòu,
Que s’enanavo vèndre de biòu,
Jòu-biòu-mècre-lèbre-mar-lard-lun-fum-tòu !

Ai rescountra ma mìo, divèndre,
Que s’enanavo vèndre de cèndre,
Vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, dissate,
Que s’enanavo vèndre de pasto,
Sate-pasto-vèndre-cèndre- jòu-biòu-mècre-lèbre-mar-lard-lun-fum-tòu !

Ai rescountra ma mìo, dimènche,
Que s’enanavo vèndre de micho,
Mènche-micho-sate-pasto-vèndre-cèndre-jòu-biòu-mècre-lèbre-mar-lard- lun-fum-tòu !

Ai rescountra ma mìo, un jour,
Que s’enanavo vèndre de flour,
Jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, un mes,
Que s’enanavo vèndre de pes,
Mes-pes-jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, un an,
Que s’enanavo vèndre de pan,
An-pan-mes-pes-jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !