Quant de temps es passat
Quantu trins son partits
Siam totjorn assetats
Ti vòli mai aquí
Cada còup si diem …

Legir tot

Quant de temps es passat
Quantu trins son partits
Siam totjorn assetats
Ti vòli mai aquí
Cada còup si diem
Aqueu es lo darrier
Asperam lo que ven
Mas s’endraia solet

Li vau balin-balan
Tra d’aquelu lorditges
E mi negui plan-plan
Dins la mieu folia

Ai barrat la pòrta
E lo mieu còr tanben
La mieu rason es mòrta
Aquò mi fa de ben
Tant de temps ai negat toi lu mieus desideris
Aura ai decidat de faire un pauc l’arleri

Siáu partit dins lo sera
Ai laissat lo vilatge
E lo mieu « trip » si serra
Per aqueu darrier viatge
cen que serà la vida
m’en bati la cançon
Que ti canti s’es poirida
Dins lo darrier vagon

Lu raias son polits
L’i van tra la mieu nuech
Ben drech a l’infinit
Enclavan lo mieu piech
Escotatz bravi gents
Es la cançon d’un garri
Qu’a la fora totplen
D’emparar lo judici

Dedins la vila de Marselha,
Avèm fòrça joinei gents
Qu’an ni asila, ni familha,
Trabalhan pas, fan lònguei dents.
N’en …

Legir tot

Dedins la vila de Marselha,
Avèm fòrça joinei gents
Qu’an ni asila, ni familha,
Trabalhan pas, fan lònguei dents.
N’en a que dian : es de gusalha.
Vau vos dire la veritat :
Li dien canalha ! E ben v’es pas.

Puei viatz un paire de familha,
Qu’a pena a norrir seis enfants.
Qu’au gròs trabalh si sacrifia,
Per li donar un morcèu de pan.
Per liech n’en a qu’un pauc de palha,
E ben sovent ren per manjar,
Li dien canalha ! E ben v’es pas.

Puei rescontratz dins sei guenilhas,
L’òme qu’auja pas demandar.
Es tot solet, quna infamia,
Car n’en sap plus onte passar :
Au restaurant vòu pas far talha
De paur de pas posquer pagar,
Li dien canalha ! E ben v’es pas.

Puei viatz la filha qu’es soleta,
Qu’a ges de parents per apueg.
Ganha pas pron dins sa chambreta,
Surtot a l’ora d’aujornduei.
Pasmens vòu pas faire la calha,
Dau desonor vòu pas manjar,
Li dien canalha ! E ben v’es pas.

L’obrier que trabalha, pecaire !
Sovent ganha l’argent dos còps.
Lo vodriá per seis afaires,
Va demandar çò que li fau :
Tot en parlant se s’esparpalha
Quand vien que ditz la veritat,
Li dien canalha ! E ben v’es pas.

Ò meis amics, se faliá tot dire,
N’en diriáu tròp, cresètz va ben,
Fau que sofrissèm lo martire,
E que n’en diguem jamai ren.
Se d’èstre paure fa canalha,
E ben messiers n’en manca pas.
Siam de canalhas, ò n’en siam pas !

Ara 1’avèm Barbès
A la tèsta solida
Sovent aviá promes
París la granda vila
E podètz tremolar
Totes bs relalistas …

Legir tot

Ara 1’avèm Barbès
A la tèsta solida
Sovent aviá promes
París la granda vila
E podètz tremolar
Totes bs relalistas
E vos caldrà dintrar
Cadun dins sa guerita
Se volètz ne sortir
Dansaretz en musica
E vos direm cossí
Viva la Republica.

Lo rei n’aviá l’pel gris
Farem far de redobtas
Per combatre París
El e tota sa tropa
Se pensèt de morir
Quand vejèt son armada
Que voliá pas servir
A çò qu’i comandava
Faguèt sa demission
E partiguèt de suita
Sense nos dire adieu
Viva la Republica.

Ara l'avèm Barbès
A la tèsta solida,
Sovent aviá promes
París la granda vila,
E podètz tremolar
Totis los reialistas …

Legir tot

Ara l'avèm Barbès
A la tèsta solida,
Sovent aviá promes
París la granda vila,
E podètz tremolar
Totis los reialistas
E vos caldrà dintrar
Cadun dins sa garita.
Se volètz en sortir
Dansarètz en musica
E vos direm cossí
Viva la Republica !

Lo rei n'aviá l'pèl gris,
Farèm far de redotas
Per combatre Paris
El e tota sa tropa.
Se pensèt de morir
Quan vejèt son armada
Que voliá pas seguir
A çò que i comandava.
Fasquèt sa demision
E partisuèt de suita ,
Sense nos dire adiu.
Viva la Republica !

Lo Guilhem ei sus la plaça
Qu’ei plantat com un piquet
Tots que l’apèran pegàs
Son espiar hugís tot dret. …

Legir tot

Lo Guilhem ei sus la plaça
Qu’ei plantat com un piquet
Tots que l’apèran pegàs
Son espiar hugís tot dret.
Qu’ei lo hòu de mon vilatge
Lo Guilhem que dança plan
Apartatz-vos deu passatge
Lo Guilhem que va dançar.

Que’n vas com ua randoleta
Qui descobreish lo primtemps
Boca ubèrta en har l’aleta
Com tà t’engolir lo temps.
Pòrtas tot l’espèr deu monde
Dins tos uèlhs de soledat
Amor b’aurés en abonda
Mes qu’as tròp pesuc lo cap.

Entà l’escur qui’s desvelha
La toa man que va plorar
Tà l’estela qui punteja
La toa man que va pregar.
Ausís la cançon doça e bèra
Ausís que sona l’angelús
Que sona per ta misèria
En cercar tròç de cèu blus.

Tu qui passas peu vilatge
Deu Guilhem ne’t trufis pas
Hè’t enlà, seguís ton viatge
Canta sol, per tu sap pas.

Sul mestièr de la solituda
e del fial de mon languiment
ai tescut amorosament
la cançon lenta de l'espèra
qu'es …

Legir tot

Sul mestièr de la solituda
e del fial de mon languiment
ai tescut amorosament
la cançon lenta de l'espèra
qu'es aimablòta a sa manièra
mas un pauc tristòta a moments

Sul tornet pacient de las oras
ai fialat de mos pensaments
la cançon doça de l'espèra
que fa passar fòrça misèria
e son anar nos es plasent.

Que la cançon te siague brava,
vire, vire lo dabanèl.

Gaujosa d'un tin-tin d'esquilha
dont lo tèrme s'escarrabilha
dins lo silenci dels morrèls,
encara umida, amai banhada
de clar de luna, d'albairada
e de bèl-bèl

la dirai per tu, familièra,
la cançon tendra de l'espèra
leugièra e doça coma un vel
que l'ai tescuda e l'ai fialada
de ta preséncia desirada
e de qualquas fialas de cèl.

Revirada :

Sur le métier de la solitude
et du fil de ma langueur
j'ai tissé amoureusement
la chanson lente de l'attente
gracieuse à sa façon
mais un peu triste parfois.

Sur le rouet patient des heures
j'ai filé de mes pensées
la chanson douce de l'attente
qui fait oublier force infortune
par son rythme ami.

Plaisante te soit la chanson
tourne, tourne le dévidoir.

Heureuse d'un tintement de clochettes
s’égaillant joyeusement
dans le silence des monts,
encore humide, encore moite
de clair de lune, de rosée
et de charme
qu'elle s'élève vers toi, familière,
la chanson tendre de l'attente
légère et douce comme un voile
que j'ai filée et tissée
de ta présence désirée
et de quelques filaments de cieux.

La pluèja tomba fina
sul fieiral, pel camin.
La pluèja tomba fina,
nautris bevèm de vin.

Sus una vièlha taula …

Legir tot

La pluèja tomba fina
sul fieiral, pel camin.
La pluèja tomba fina,
nautris bevèm de vin.

Sus una vièlha taula
aquí dins un canton,
sus una vièlha taula
demandam un pinton.

La canal totjorn raja
e podèm pas sortir.
La canal totjorn raja
e demoram aicí.

Botelha, puèi botelha,
fasèm perir d’argent.
Botelha, puèi botelha,
mas totis sèm contents.

Deman serà pas fièira,
nos caldrà trabalhar.
Deman serà pas fièira,
uèi nos anam bandar.

La pluèja tomba fina
sul fieiral, pel camin.
La pluèja tomba fina,
nautris bevèm de vin.

Au ton cuenh qu’as un riban blanc,
Blanc coma nèu au sorelh lhevant :
Bèra hialaira, bèra hialaira,
Que hialas …

Legir tot

Au ton cuenh qu’as un riban blanc,
Blanc coma nèu au sorelh lhevant :
Bèra hialaira, bèra hialaira,
Que hialas deu maitin au ser,
ditz-me perqué.
Vira husèth, vira, vira,
Deu maitin au ser, vira, vira.
Qu’u cau ua pelha end’abilhar
La mainada qui van batiar.

Au ton cuenh qu’as un riban blu,
Blu com la hlor deu lin madur :
Bèra hialaira, bèra hialaira,
Que hialas deu maitin au ser,
Ditz-me perqué.
Vira husèth, vira, vira,
Deu maitin au ser, vira, vira.
Qu’u cau quand se maridarà
Ua camisa nava a’s botar.

Au ton cuenh qu’as un riban roge,
Roge com l’auba quan i a ploja :
Bèra hialaira, bèra hialaira,
Que hialas deu maitin au ser,
Ditz-me perqué.
Vira husèth, vira, vira,
Deu maitin au ser, vira, vira.
Qu’u calerà quand plorarà
Un mochoèr ende s’eishugar.

Au ton cuenh qu’as un riban negre,
Negre enqüer mei qu’un tròç de pega :
Bèra hialaira, bèra hialaira,
Que hialas deu maitin au ser,
Ditz-me perqué.
Vira husèth, vira, vira,
Deu maitin au ser, vira, vira.
Qu’u calerà quand morirà
Un linçòu ende l’enterrar.

Maridats, tenètz vos ben
Aicí i a la joinessa qu’arriba
Ambé son cap de jovent
Nas en l’èr e lo …

Legir tot

Maridats, tenètz vos ben
Aicí i a la joinessa qu’arriba
Ambé son cap de jovent
Nas en l’èr e lo jarret que tiba.
Pavilhons, ajustaires,
e puòi los tamborinaires
Sens oblidar l’autbòi
Que nos bufarà tot uòi

Sus la tinteina, maridats,
Quau es aquel que se i azarta ?
Seretz totes desquilhats
Coma de capochins de carta.
Ne tombaretz a l’aiga
Aplatits coma una palaiga,
E colaretz au fons
Coma una bala de plomb.

Tre qu’es donat lo senhau,
Bufa autbòi ! la barca es en rota,
Puòi tres saluts coma cau,
E chasca ajustaire s’arc-bota
Quante bèu còp de lança !
La tinteina ne balança,
i a un pavés de crebat,
Mai digús es pas tombat.

La joinessòta das blus
Que risián dau pavilhon roge
Aviá pariat dètz escuts
Que ne tombarián au mens dotze.
Iè l’an jogada grisa,
i an fach banhar la camisa,
La lança, e lo pavés,
Lo gauchés n’a tombat tres.

Las ajustas de Sant-Loís
Es quicòm que jamai nos lassa,
e tot Seta se rejoís,
los estrangièrs venon en massa.
Tant qu’aurem lo Bordigo,
Agetz pas paur que finigan
Aquel jòc se farà
Tant que Seta durarà.

Dirai a mon agradança
d’aquel vers la commençança
de rason a la semblança
escoutatz !

Amor coma la beluga
d’un …

Legir tot

Dirai a mon agradança
d’aquel vers la commençança
de rason a la semblança
escoutatz !

Amor coma la beluga
d’un res met fuòc a la bruga
e la flamba ven caluga
escoutatz
a pena vos amaluga
que sentissetz lo rumat

Joventut es putanièra
l’amor leva, l’amor pilha
son degut e la requilha
escoutatz
nos fa chinchar en familha
e qual n’es pas endeutat ?

Amor es de mala raça
sens espasa nos estraça
mai que guerra tua amassa
escoutatz
sens tisana nos emmasca
lo pus brave ne ven fat

Amor es tot en falsièra
pren lo mel daissa la cera
pelada dona la pera
escotatz
e s’es plasent son lanlera
solamentcoa-copat

Marcabrun filh Marcabruna
foguèt fait en tala luna
qu’amor sap com se degruna
escoutatz
que jamai s’engarcèt d’una
ni s’engarcèt d’amistat

Vous vau cantar una cançon (bis)
La cançon dei Mensonigas
E lantin e lanton e lanterna la la !
La …

Legir tot

Vous vau cantar una cançon (bis)
La cançon dei Mensonigas
E lantin e lanton e lanterna la la !
La cançon dei mensonigas
Ma si li auguesse una verita (bis)
Que mi talhon la gorja !

Ai passat souta d’un carobier (bis)
Era cargat de sorbas !

Ai pensat autar mon bastonet (bis)
N’a calat de cogordas !

Ai pensat anar au festin (bis)
Era ‘na fiera rota !

Ai vorgut mi crompar ‘n cavau (bis)
Era’na sauma rossa !

Ai vorgut mi crompar’un bast (bis)
Era’na conca rota !

Corre mai l’ae per ribas (bis)
Que lo solèu per colas !

Quand ven lo matin tot blanchit per l’eiganha
Vesètz leis olivaires anar toteis a flòts.
Se’n van en risènt au …

Legir tot

Quand ven lo matin tot blanchit per l’eiganha
Vesètz leis olivaires anar toteis a flòts.
Se’n van en risènt au pè d’una montanha
Ramassar leis olivas e grossir lo magòt.

Tot lo jorn dedins leis oliviers
Entendètz cantar leis olivaires.
Lei cigalas, l’estiu fan parier.
Ara, es ieu que cante per vos plaire.

Quand sona miegjorn e que lo mistrau fusa,
Vesètz leis olivaires alinhats su’n ribàs.
Bevon lo solèu come fan lei gramusas
E devòran contènts lo plus maigre repais.

Tot lo jorn dedins leis oliviers
Entendètz cantar leis olivaires.
Lei cigalas, l’estiu fan parier.
Ara, es ieu que cante per vos plaire.

Puei quand ven lo soar, vesètz per abituda
Toteis leis olivaires ajaçats vèrs lo fuòc.
Çò que leis endòrm es pas de lassituda,
Mai es l’òli que fui dins un vièlh lume a cròc.

Tot lo jorn dedins leis oliviers
Entendètz cantar leis olivaires.
Lei cigalas, l’estiu fan parier.
Ara, es ieu que cante per vos plaire.

Mon filh, demòres pas aquí, mon filh l’òme que ven es l’enemic
Mon filh sus son espatla i a un …

Legir tot

Mon filh, demòres pas aquí, mon filh l’òme que ven es l’enemic
Mon filh sus son espatla i a un fusilh
Mon filh, demòres pas aquí.
Non ! Paire te compreni pas, ieu tanben un jorn serai soldat
Ieu amb aquel òme vòli jogar, daissa-me paire, te’n fagues pas.

Mon filh demòres pas aquí, mon filh daissa ta feda vai morir
Mon filgh per un mestièr vai te’n d’aquí
Mon filh, demòres pas aquí
Non ! paire te comprèni pas d’èsser pastre m’agrada plan
E vòli viure sul Larzac, la tèrra es nòstra sabes plan

Mon filh, demòres pas aquí, mon filh, ta maire t’espèra per partir
Mon filh siám totes en exilh, mon filh l’armada vòl tuar ton país.
Nin ! paire te comprèni pas, an dich qu’èran aquí per nos sauvar
An dich qu’anavem totes profitar, an dich que sabon e que nosautres sabem pas

Mon filh i a fòrça temps es arrivat l’armada es venguda colonisar
E dempuèi de veire que nos an pas tuats mon filh vòlon tornar començar.
Oc ! paire te comprèni plan, mas alara cal demorar
Cal tanben tornar començar, caçar lo sòmi, prendre lo pas

Mon filh, vèni amb ieu, dire a ta maire que demoram
Cal demorar, Cal demorar, Cal demorar.

Lo permèir febrièr
Los òmes deu district
A l’apèl deu brigadièr
Prenen lurs caras e lurs picas
E lurs sèt …

Legir tot

Lo permèir febrièr
Los òmes deu district
A l’apèl deu brigadièr
Prenen lurs caras e lurs picas
E lurs sèt mila cinc cents litres
Per minimum de fin d‘annada

Possa-crampon, permèira etapa
Met lo crampon, pela la care.
Dab lo hapchòt a la man
Pica au bassòt, pica doman
Camas copadas sus lo gret-pin
Pica au doblèir, pica lo pin

Es lo tres-ans per ton amic
E lo quate-ans per lo vesin.
Tòtò Benitò, apuèi Bibi,
Lili-lo-Petit, lo Maari
Pelòta, Aquèta, Pina-au-Guèit
Jòjò Gratia, Kurt l’Alemand

Dab un bon pic hens la cara
E lo galip, segonda etapa
De cap a cins òras dau matin
Se’n van picar, se’n van aus pins
Lo braç copat per lo hapchòt
Hèi ton mestèir, plaça ton pòt.

Cinc pica’au mes, davant l’amassa
E pas pagat davant fin març !
Las amassas que se sèguen
Mès que se ressemblan pas :
La de julhet es mei hòrta
Que la d‘abriu e de hòrt !

Hens tres mes lo ramassatge
E après lo barrascatge
Lo barrasquet rascla la cara
Tomba lo barràs hens la tela
Dab son hilh l’arrosinèir
Se’n va aus pins per barrascar
Vira e revira çò qu’as heit,
La gema mòla a lo barràs

Te lèvas un matin d’autòn
Entenes los fusilhs de la tòna,
Pas mei de hapchòt, pas mei de crampon
Vuita ton pòt, plenha lo bidon.
Enquèra un esfòrç, que dissabte
Fin de novémer, es acabat !
Hei la hèsta deu gematge
La grana hèsta deu gematge
La grana hèsta deu vilatge
Las sasons per l’arrosinèir
Passan viste an aqueth mèstèir.

Lo lin qu'es vèrd, lo lin qu'es blu
Lo lin qu'es tot ara madur.
Darrigaires, darrigaires !
Qu'es vèrd, qu'es …

Legir tot

Lo lin qu'es vèrd, lo lin qu'es blu
Lo lin qu'es tot ara madur.
Darrigaires, darrigaires !
Qu'es vèrd, qu'es blu, vèrd-blu, blu-la.
Que cau anar o darrigar.

E vira, vira lo cossèi
Que cau teisher, que cau teisher,
E vira, vira lo cossèi
Teisher camisas end'eu rèi.

Debanaires, debanaires !
Que cau anar o debanar.

E vira, vira lo cossèi
Que cau teisher...

Veires de flòc
Rires e jòc
Man dins ta man
Una candèla m'ajuda pas
Per amagar
Ta sensualitat
Òm fa …

Legir tot

Veires de flòc
Rires e jòc
Man dins ta man
Una candèla m'ajuda pas
Per amagar
Ta sensualitat
Òm fa coma òm pòt
Per renegar
L'amor al costat
E la candèla me basta pas
Per amagar
Çò que volèm far

La nuèit avança
E las ombras dançan
Tot a l'entorn de ieu
E ton aigat dins lo meu
Me fa oblidar
Las oras que passan
E la candèla
Se morís paurèla
Al moment lo mai volgut
E tos pòts dins la nuèit
Crosan los meus
Chuuuuuut

Quand lo pàstron va delargàr (bis)
Se n' va trobàr Joaneta lan là
O lan là, Joaneta lan là,
Se …

Legir tot

Quand lo pàstron va delargàr (bis)
Se n' va trobàr Joaneta lan là
O lan là, Joaneta lan là,
Se n' va trobàr Joaneta.

Joaneta ont'anarèm gardàr (bis)
Per passàr un'oureta lan là
O lan là...

Avàl, avàl, al pràt sarràt (bis)
I a un'erba fresqueta lan là
O lan là...

Mé quand segueron al pràt sarràt (bis)
L'erba seguet molhàda lan là
O lan là...

Lo pàstron quitet son mantèl (bis)
Per fàr 'setar Joaneta lan là
O lan là...

Mé que dirai al mieu papà, me que dirai a la mia mamà,
D'èstre tant demoràda lan là
O lan là...

E li diràs al tieu papà, e li diràs a la tia mamà,
Que lo lop t'enrodàva lan là
O lan là...

Que sans un bràve pastorèl (bis)
Lo lop t'auria manjàda lan là
O lan là...

La lutz de l’aube, sus la néu torrade,
De bères (estèles hè dansar.) (bis)
Lou co s’esvelhe quoan vien la …

Legir tot

La lutz de l’aube, sus la néu torrade,
De bères (estèles hè dansar.) (bis)
Lou co s’esvelhe quoan vien la matiade,
Lou printems sègur qu’eï arribat!

Repic : U arralh de sourelh qui lusech au matin
Sus lou malh embrumat, que’ ns parech envitàr,
Com u apeu mistérios e lheu drin encantàt
Enviat d’Aussau, d’Aspe ou de Gavarnie. (bis)

L’aïgue pasible d’ue gaube blue
Estuja a jameï lo secret
D’ue gojate qui i èra caduda
En cercàn cauques flos de l’endret...

Eï d’anàr viver meï loegn de la plane,
Eï d’estàr drin meï près deu cèu?
La noeït qu’enteni lou ven de la prade
Entamàr los camis de batlèu...

Los Biarnés, los Bigordans,
de cançon, de vin gormands,
Tots ans que vienen tà Angais
regaudir los lors palais
E …

Legir tot

Los Biarnés, los Bigordans,
de cançon, de vin gormands,
Tots ans que vienen tà Angais
regaudir los lors palais
E l’envit qu’Escota si plau
Lança entau son hèstau
S’en va de borgs en ahitaus,
dela lo beth ceu de Pau.

Anem, mainats et mainadas,
Qu’ei la Cantaulejada,
Hèstau famós
D’arríder, de cançons
E de hartèra
Entaus leca-padèras
Anem, mainats et mainadas,
Qu’ei la Cantaulejada,
Qu’ei en abriu,
Com un brigalh d’estiu,
Com un arrai hens un cèu ennublat,
Qu’ei en abriu,
Com un brigalh d’estiu,
Un arrai d’amistat.

O, tu qui cèrcas la seson
De la cançon, de l’amor,
Que sauràs qu’hens noste canton,
Prava tostemps la gaujor
E au l’aujor deu gran ostau
On canta Escota si plau
Entad apatzar l’adirèr
Ca-i hèstejar a plaser.

Ce dernier couplet en français,
Nous l’avons fait pour que toi
Qui ne parle pas béarnais,
Tu partages notre joie.
A Escota si plau, vois-tu,
Comme au grand jeu de la vie,
L’accent plat et l’accent pointu
S’entraînent et se marient.

La caren de galina
L’e bona fes col pa
Machina delle sgialle
Si toca culle ma

Scampi scampe putelle
Ch’arriva …

Legir tot

La caren de galina
L’e bona fes col pa
Machina delle sgialle
Si toca culle ma

Scampi scampe putelle
Ch’arriva ‘l’burdunal
E gha le braghe rote
Le mosso la canal

Digo de no
Digo de se
Sara la porta
Strangle de dre

Digo de no
digo de se
Sara la porta
Strangle de fo

La catona es a Roma
Que rocona que rocona
Lo catàs es a Milhars
Que fa còire la milhàs

E …

Legir tot

La catona es a Roma
Que rocona que rocona
Lo catàs es a Milhars
Que fa còire la milhàs

E la canha es en Espanha
Que se banha que se banha
La canhon es al canton
Que se leca los penons

La polòta es a la vòta
Fa la piòta fa la piòta
E lo gal es a l’ostal
Fa lo piòt encara mai

La mirgueta es dins la desca
Que rosega una coqueta
Lo raton al tirador
Que pana lo formatjon

Aquela cançon estranha
Ieu la teni d’una aranha
Que la me cantèt un jorn
En tustant sus un tambor

Cric e crac ma polideta
S’acaba la cançoneta
Cric e crac mon polidon
Ieu te balhi ma cançon.

Par balajar lo vièlh passat
Venguèt un temps descabestrat
Per la mar e per la montanha,
Dins l’ombra blava dels …

Legir tot

Par balajar lo vièlh passat
Venguèt un temps descabestrat
Per la mar e per la montanha,
Dins l’ombra blava dels fusils
Coma la tèla d’una aranha.

Repic :
Nasquèt de l’ombra la cavala
Roja de sang, cargada d’aür
Negra cavala de la paur
Ont s’escantiguèt la paraula.

En darrèr los arams crancuts
Tnt d’òmes son demorats muts
Lor an desrasigat la lenga
Amb de mordazas de fèrre
Al fons del còr son anats quèrre
Lo fuòc de la votz que desrenga

I a totjorn dins qualque país
Un òme liure que morís
Per una idèia, una paraula
Quand òm parla de libertat
S’ausís coma un resson nafrat
Lo galaupar de la cavala.

Pertot ont a pausat los pès
Òm passa lèu e dins un res
Del jorn clar a la nuèch escura,
Cal dire que i a sul camin
De la cavala e son polin
la pèsta de la dictatura.

T'aimi mai que tot ma Ceseta
mas siáu jalós coma un vièlh
Jalós de ta boca paleta,
de ton èlh …

Legir tot

T'aimi mai que tot ma Ceseta
mas siáu jalós coma un vièlh
Jalós de ta boca paleta,
de ton èlh blu coma lo cèl.
Siáu jalós de tas papilhòtas,
sufís que tòcan. ton col blanc,
jalós dal ruban vèrd que flòta
sus ton visatge de quinze ans.

Siái jalós de las cançonetas
que cantas tot lo long dal jorn,
de la tortorela blanqueta
que te fa sospirar d'amor.
Voldriái quand plores en silença
te consolar de tas dolors.
Voldriái emportar ta sofrença
e tas larmas dins un poton.

Voldriái quand le solelh s'anima
èstre le solelh per brilhar.
Voldriái quand te vèsi pensiva
Èstre çò que te fa pensar.
Voldriái èstre tot sul terraire
per faire tot çò que te plai
Èstre ta sòrre, èstre ton fraire,
benlèu m'aimariás un pauc mai !

Per passar la Cessa*
I cal èstre dos,
Per plan la passar
Cal saupre dançar.
Anem passa passa passa,
Anem …

Legir tot

Per passar la Cessa*
I cal èstre dos,
Per plan la passar
Cal saupre dançar.
Anem passa passa passa,
Anem passa donc.

* Ròse, Lòt e Vidorle

Ia pru de gent, que van en roumiage,
ia pru de gent, que van en Betèlem
Ie vole anà, ai …

Legir tot

Ia pru de gent, que van en roumiage,
ia pru de gent, que van en Betèlem
Ie vole anà, ai scasi prou courage
Ie vole anà, pourghesu chaminà

La chambo me fai mau, bouto selo, bouto selo
La chambo me tài mau bouto selo a moun chivau

Touti li bergé, qu’eroun sous la mountagho,
touti li bergé, an vist un messagè,
que i’a bramà mettes-vous en campagho,
que i’a bramà lu fi de Dieu es nà

La chambo me fai mau, bouto selo, bouto selo
La chambo me tài mau bouto selo a moun chivau

Un gros pastras, que fai lou gatamiaulo,
un gros pastras, que vai au pichut pas,
s’ei revirà au bru da ma paraoulo,
s’ei revirà, i’ai di de m’esperà

La chambo me fai mau, bouto selo, bouto selo
La chambo me tài mau bouto selo a moun chivau

Cant aurai vist lou fi de Diou, lou paire,
cant aurai vist lou rei de Paradis,
e cant aurai felicità sa maire,
e cant aurai fac tout so che deurai

Naurai pu gès de mau, bouto selo, bouto selo
Naurai pu gès de mau, bouto selo a moun chivau

Nadou l’ero en jouve d’la Val Mairo
e Cartinhan l’ero lou siou pais
couro i fasista i soun mountà
Nadou …

Legir tot

Nadou l’ero en jouve d’la Val Mairo
e Cartinhan l’ero lou siou pais
couro i fasista i soun mountà
Nadou es scapà bou i partisan:
vai scapo, cur Nadu, din lou bouscage
vai scapo, cour, Nadou bou i partizan

L’ero d’uvern e de pan n’avio gaire
bou d’aiti catre van lou sercar
beico sal viol, drech a nousaiti
beico i soun tanti, beico i fusil
vai, scapo, cur nadou que i soun fasista
vai, scapo, cur Nadou que soun vintosinc

Ma ’nté scapen que sien un en facho a l’aoute ?
tu vas d’aquì e mi e nele da l’aout cant
e couro i pasen i fazeren la festo
fazeren bacan ma se feisen en regiment !
vai, sparo, bramo: "prima squadra avanti"
vai, sparo, bramo: "fouec ai canoun !"

"Bandiero biancho" bramen i fasista
coumo bruzessen campen i fusil
polè imaginar li moures smaravià
couro i an vist aquei catre partisan
vai scapo pus Nadou que spiano lou fusil
vai scapo pus Nadou que soun presounìer

Chabal a Drounìer lou coumandante
mando a dir a Nadou l’ partisan
se laisà ren anar i mei sourdà
Cartinhan mai brusera...
Se en fil de fum de Cartinhan se leverà
degun de i sourdà retournerà !

Calo lo sero e calo lou soulei
e i fasista tupisen i fournei
aquelo nuech d’unern a Cartinhan
i nemis patisen ben la freid
Ma i vintosinc a soun pa retournà
bou i partizan i soun ben restà
per la valado eiro bataien:
fourmen la bando de Nadou l’ partizan !

R- Una chatona de vint ans,
Ieu ne’n demandave pas tant.
Una memèi de quatre-vints,
Vueja ton aiga e bèu …

Legir tot

R- Una chatona de vint ans,
Ieu ne’n demandave pas tant.
Una memèi de quatre-vints,
Vueja ton aiga e bèu ton vin !

1- Una chatona me diguèt :
« Ieu, ai vint ans, siáu la plus bèla »,
E una vièlha me venguèt :
« Ieu, ai de pan dins ma garbèla »,
E la chatona me faguèt
Veire sei cambas de gazèla.
Oh ! Mai la vièlha afortiguèt :
« Ieu, siáu encara damisèla ! »
E i a de còps que siam solets,
Lo cèu barrat de nivolets.
Mai ara siáu enquequinat,
Ne’n prendre dòs, ‘quò se fai pas !

2- E la chatona me diguèt :
« Ai mon trossèu dins mei bagatges »,
E puei la vièlha me venguèt :
« Tot sarà tieu dins lo partatge. »
E la chatona me faguèt :
« Ieu, ai l’amor per eiritatge.»
Oh ! Mai la vièlha afortiguèt :
« Ieu, ai de sòus, en liòc de l’atge. »
E i a de còps que siam solets,
Que i a degun dins l’ostalet.
Ara siam tres e siáu geinat,
Ai tròp pòu d’èstre colhonat !

3- E la chatona m’esmoguèt
Emé sa votz de cigaleta.
E puei la vièlha m’aduguèt
Un pauc de vin, una galeta.
E la chatona m’aduguèt
Dedins son liech, dins sa chambreta.
Oh ! Mai la vièlha metiguèt
De ceba dins mon omeleta.
E i a de còps que siam solets,
Mitat malaut, dins lei caulets.
Mai aujord’uei, siáu mai qu’urós,
Tant pis per ieu, garde lei dòs !

Paura cigala
lo bon temps passat
Paura cigala
lo bon temps passat
lo bon temps passat
Paura cigala!
lo bon …

Legir tot

Paura cigala
lo bon temps passat
Paura cigala
lo bon temps passat
lo bon temps passat
Paura cigala!
lo bon temps passat
N’a pa’mossà

Vei sa vesina
Quand lo frei venguè
S’encourreguè

Bona vesina
N’en crebe de fam
Emb’mon enfant

Diga ma mia
de que fasias don
Per la meisson?

Bona vesina
cantaven touei dos
Per la meisson

Dansa ma mia
Aubé ton petit
Dansa ma mia
Aubé ton petit
Aubé ton petit
Dansa ma mia
Aubé ton petit
Vieurás d’aqui

Repic :
Una cigala occitana
Que canta coma un piròl
En gratant sus sa guitarra
Aquí, aquí, aquí, aquí
Jos …

Legir tot

Repic :
Una cigala occitana
Que canta coma un piròl
En gratant sus sa guitarra
Aquí, aquí, aquí, aquí
Jos un pin que fa para-sòl

Un jorn passèt la formiga sa vesina
Fièra coma un pavon dins sa lemosina

Li diguèt : «Fotès pas res
La musica es pas un mestièr !
Mas poiràs plan comptar sus ieu
Soi un bon banquièr

E se me daissas plaçar
Per lo maissant temps
Ton argent
Segur que saràs a l’abric
De totis los vents »

Repic
«Te trufes pas de ieu diguèt la cigala
Ieu te conéissi trop siàs una raubaira

Segur me plumaràs pas
Ieu soi pas nascuda d’ièr
E poiràs pas comptar sus ieu
E sus mos denièrs

A ieu me sufis de cantar
Per traversar lo maissant temps
Mai ambe pas tròp de talent
Aurai pas talent»

Repic
La formiga partiguèt dins sa lemosina
Trapar lo Madof per faire de combinas

Vendre sens aver crompat
Las accions, las obligacions
Recercant sus cada mercat
L’especulacion

Atal crompèron al mens
Mai de la mitat de Wall Street
E tot aquò dins lor tataranha
Foguèt engolit

Mas i a de còps que revira la fortuna
La formiga deguèt vendre sa lemosina

Que la borsa s’afondrèt
Li demorèt pas un denièr
S’en tornèt trapar la cigala
Jos son pin pinhièr

Dempuèi s’en van totas doas
Jogar per totis los camins
De cançons d’el Marcèl Amont
E mai de l’Elvis

Una formiga cigala
Que canta coma un piròl
Ara mon conte s’acaba
Aquí, aquí, aquí, aquí
Jos un pin que fa para-sòl

Cada an, al primièr bronzinadís de calor, sus la platana de la cort, una cigala entemenava son cant. Èra, a …

Legir tot

Cada an, al primièr bronzinadís de calor, sus la platana de la cort, una cigala entemenava son cant. Èra, a quicòm pròche lo mes de junh. Aquela puta de bèstia n’aviá per l’estiu a cantar sa sèga-sèga. Ièu, soi conegut par esser pacient ; disi pas. Solament, al cap de dètz ans – sabi pas s’èra totjorn ma cigala o sa rèira filha – commencèt de me conflar. Un jorn de sièsta marrida o de match a la tele, sabi pas, mas enfins un jorn aital, sortiguèri ambe l’engranièra per esclafar tot pròpret la cigala cassa-colhas.

Quand me vegèt, s’arrestèt de crinca-cricar e, aquò’s madur, se me metèt a parlar.
De que vòls far ambe ton engranièra ?
T’esclafar, i tornèri còp sèc.
De que t’ai fait, ièu tant petita, per que m’esclafes ?
M’embaranas e fa detz ans !

T’embarani e fa detz ans ? T’embarani per çò que ièu, ai pas quitat de crèire dins ma lenga ; ai pas jamai arrestat de cantar amai se degun m’ausissiá. E, pr’aquò me vòles tuar ? Es per tu que deuriá esser lo còp d’engranièra grand fenhant !
E, coma fan las cigalas en s’envolant, la paura bèstia me pissèt dessus coma per punt final e revelator a son discors.
Soi dintrat a l’ostal, ai atudat la tele o daissat lo rostit far sa sièsta, e ai despenjat ma guitara, vergonhós.