Nautres siem de bons vivents,
lo dimenge anam a la baraqueta
manjar lo cortbolhon,
la sopa de peis a la …

Legir tot

Nautres siem de bons vivents,
lo dimenge anam a la baraqueta
manjar lo cortbolhon,
la sopa de peis a la mòda de Seta.
E per se regalar d'aquel bon dinnar
lo cafè de suita.
E siem per arribar
a la fin dau monde sans se chagrinar.

Chagrin, chagrin, fai ta mala
Nautres volèm nos amusar
Dejà canta la cigala
Aicí la fèsta de l’Issanka

Quand lo cant de la cigala
A l’epòca de St Clar
Nos ditz fachètz vòstra mala
Anatz-vos a l’Issanka
Assetats dessús l’erbeta
Totes en còr cantaretz,
Aqueu bèl refrin de Seta
Que tot lo pòble a aprés :

Chagrin, chagrin, fai ta mala
Nautres volèm nos amusar
Dejà canta la cigala
Aicí la fèsta de l’Issanka

Que tout es bèu adematin,
lou mounde es en trin
pèr la fèsto.
Em’aquéli que soun eici,
sian tóuti d’ami …

Legir tot

Que tout es bèu adematin,
lou mounde es en trin
pèr la fèsto.
Em’aquéli que soun eici,
sian tóuti d’ami
es la festo.
Coume un grignoun descabestra
sèns ges de seden
que lando abrama
dins lou vènt,
lou mounde qu’èro escagassa
s’es resquinquiha,
e s’en vai dansa
à la fèsto.

D’abord qu’an de biòu, de chivau
pèr li prouvençau
es la fèsto.
D’abord qu’an d’òli ‘mé d’aiet,
pèr nòsti lipet
es la festo.
Coume un grignoun descabestra
sèns ges de seden
que lando abrama
dins lou vènt,
à forço de n’en pantaia
e de la souna,
aro es arriva-
do la fèsto.

Que la vido sarié bello
s’èro pas aquéu boucan,
di camioun sus lou quitran
nous dounant lou turban.
Que la vido sarié bello
s’èro pas aquéu sagan,
de trigos e de chamatan
de bourroulo-crestian ;
e se l’aigo que bevèn
èro l’aigo fresco dóu sourgènt.

Emé nautre venès canta
e frandoula
à la fèsto.
Aujourd’uei tóuti li soucit
se soun esvali
qu’es la fèsto.
Coume un grignoun descabestra
sèns ges de seden
que lando abrama
dins lou vènt,
avèn lis iue escarcaia
sus la liberta,
e la liberta
es la fèsto.

Aqueste mes de mai, la fièra es a Belcaire.
Filhetas i caldrà anar caduna ambe son fringaire.

Non, i anirai …

Legir tot

Aqueste mes de mai, la fièra es a Belcaire.
Filhetas i caldrà anar caduna ambe son fringaire.

Non, i anirai pas ieu, mon galant m’a quitada,
Per un boquet de flors e un de girofladas.

Espèri mon galant sus lo pè de la pòrta.
Se ne torna pas lèu el me trovarà mòrta.

Mon galant es tornat, m’a tocat la manòta.
M’a fait un bon braçat en me disent :

"Pauròta, a l’autre mes de mai tu seràs ma femnòta.
Anirem fierejar en mai farem ribauta."

Ieu me’n vau a la fièra, la fièra de Lonzac
Non i vau pas per vendre e ni mai per …

Legir tot

Ieu me’n vau a la fièra, la fièra de Lonzac
Non i vau pas per vendre e ni mai per crompar.

Nos anirem leugièr leugièr, nos anirem leugièrament.

Non i vau pas per vendre e ni mai per crompar.
Vau véser l’amic Pèire mon amic de longtemps.
Nos anirem …

Vau véser l’amic Pèire mon amic de longtemps.
Aviá pescat de ranas ne vendre voliá ben.

Aviá pescat de ranas ne vendre voliá ben.
« Adieu mon amic Pèire cossí va lo business ?

« Adieu mon amic Pèire cossí va lo business ?
-Aquò marcha pas gaire que i a pas que d’Anglés. »

Dimars que ven, portarai de rafatalhas
aquò conven per aquela toristalha
Dimarts que ven, tornarai a la fièra
tot simplament finta las estrangièras.

Mentre que l’escotavi, lo rire que me pren.
« Siás solet a pas faire business amb l'Anglés !

« Siás solet a pas faire business amb l’Anglés !
Arrèsta de rire, fariás parlar las gents.

Dimars que ven ...

Arrèsta de rire, fariás parlar las gents.
Òu ! Que parlen que diguen totjorn nos aimarem.

Dimars que ven ...

Una figuiera s’alanguís
Còntra lo potz, dins lo jardin
D’una bastida qu’es aquí
Soleta au bot d’un vièlh camin.
Urousament, …

Legir tot

Una figuiera s’alanguís
Còntra lo potz, dins lo jardin
D’una bastida qu’es aquí
Soleta au bot d’un vièlh camin.
Urousament,
De temps en temps,
I a la cançon
D’un vièlh quinçon
Que se sovèn,
Que se sovèn.

Que se sovèn dau temps urós,
Dau temps dei figas e dei manhans,
E dau ferrat dedins lo potz
Que fasián tintar leis enfants.
Quand i a de vent,
Lo còntra-vent
Dau bastidon
A l’abandon
Branta sovent,
Degun l’entend.

I a plus degun dedins l’ostau
E l’òme que restava aquí
Se fasiá vièlh, èra malaut.
E puei un bèu jorn a partit.
Urosament,
De temps en temps,
I a la cançon
Dau vièlh quinson
Que se sovèn,
Que se sovèn.

Que per sopar dins aqueu luòc,
Lo pepèi fasiá petejar
Quauquei castanhas dins lo fuòc
Avant que de s’anar cochar.
Mai au printemps,
Lo marrit temps
A’gut reson
Dau vièlh quinçon,
E se compren,
E se compren.

Que la figuiera a pas poscut
Tenir lo còp fin qu’a l’estiu.
Lo beca-figa vendrà plus,
Entendrem plus sei riéu-piéu-piéu.
De temps en temps,
Entende au luench
Lei languisons
Dau vièlh quinçon,
E me fai ben,
Bèn quauca ren…

Moun paire m´a mandad´au boues
Au boues culi l´oulivo
Moun paire m´a mandad´au boues
Au boues culi l´oulivo
Dins lou …

Legir tot

Moun paire m´a mandad´au boues
Au boues culi l´oulivo
Moun paire m´a mandad´au boues
Au boues culi l´oulivo
Dins lou boues poulit boues
N´ai tant culi e reculi
Que me siéu endourmio
N´ai tant durmi e redurmi
Que la nuè m´a susprisio
Dins lou boues poulit boues
Vèn a passa gai chivalié
Lou boues vous passariéu
Vèn a passa gai chivalié
Lou boues vous passariéu
Dins lou boues, poulit boues

Arrié tiras-vous chivalié
Prendrias ma malautio
Arrié tiras-vous chivalié
Prendrias ma malautio
Dins lou boues, poulit boues
Iéu siéu fiho d´un ladrié
Na dins la ladrario
Iéu siéu fiho d´un ladrié
Na dins la ladrario
Dins lou boues, poulit boues
De t´avè vist bèu chivalié
Me coustara la vido
De t´avè vist bèu chivalié
Me coustara la vido
Dins lou boues, poulit boues

Moun paire m’a manda au bos,
Au bos culi l’óulivo,
Moun paire m’a manda au bos,
Au bos culi l’óulivo. …

Legir tot

Moun paire m’a manda au bos,
Au bos culi l’óulivo,
Moun paire m’a manda au bos,
Au bos culi l’óulivo.
Dins lou bos,
Poulit bos.

N’ai tant culi e reculi
Que la nue m’a surprìo,
N’ai tant culi e reculi
Que la nue m’a surprìo.
Dins lou bos,
Poulit bos.

Oh! qu me passarié lou bos,
Sariéu sa douço amìo,
Oh! qu me passarié lou bos,
Sariéu sa douço amìo.
Dins lou bos,
Poulit bos.

Vèn à passa gai chivalié :
Que dis « Venès, ma mìo »...

N’en soun pas au mitan dóu bos
Qu’un poutoun la surprìo...

Tiras-vous arrié, chivalié,
Prendrias ma maladìo...

Iéu siéu fiho d’un ladrié
Na dins la ladrarìo...

De t’aguè vist bèu chivalié
Me coustara la vido...

La filha dau vesin matin
Levada s’es licotin
S’en pren son sac son ai et
S’en va au molin

Repic …

Legir tot

La filha dau vesin matin
Levada s’es licotin
S’en pren son sac son ai et
S’en va au molin

Repic :
Licotin licotin
Molinier tramblè
Ritornè mamor
Ritornè mamor
Lan mira licotin
Lan lara larapas
Cu vòudrà mòudre molera

S’en pren son sac son ai et
S’en va au molin
De neblas son tombadas
S’engana de camin

De neblas son tombadas
S’engana de camin
N’en montèt sus un aubre
Per avisar camin

N’en montèt sus un aubre
Per avisar camin
La branca s’es copada
Et se’n tombèt dau pin

La branca s’es copada
Et se’n tombèt dau pin
Lei damas de la vila
N’entendèron lo crid

Èra au temps que viviáu
Sens lavar mos lençòus
Escolan de Silena
Pus ibronhàs que ieu
Un ronhós per cent …

Legir tot

Èra au temps que viviáu
Sens lavar mos lençòus
Escolan de Silena
Pus ibronhàs que ieu
Un ronhós per cent sòus
M’aviá vendut sa femna

Quand la metère au lièch
Volguère l’estrenar
Faguent volar sa rauba
Vejère que, d’efièch
Me faguère escanar
Coma una vièlha taupa

Rescònd, vau pas lo còp
Tos òsses, se vòls ben
E garda ta figueta
Siás magra coma un chòt
E siáu un bòn vivent
Refuse un esqueleta

Vai trobar ton banut
Que garde los cent sòus
Ne fau pas un fromatge
La filha a respondut
En agachant lo sòu
- Regrete pas lo pache

Sai que semble Piu-Piu
Plorava en ajustant
Pauròt, de qué vòls faire
Tanlèu, lo còr a viu
L’esquichère en comptant
Sas costèlas, pecaire

- Tus, pagada una peta,
Diga-me lo teu nom
Lo que plai a ta maire
- Ieu, me dison Nineta
- Assòla-te, Ninon
Serai ton calinhaire

E aquel estelon
Que te l’auriáu mandat
Lèu fach, faire lanlèra
Venguèt mon anhelon
Tanben, l’ai recaptat
Vau tot l’aur de la tèrra

Aval al fons de l’aiga, la luna s’es negada.
Sus la riba del riu, somiava una filha.

Pausa aquí sa …

Legir tot

Aval al fons de l’aiga, la luna s’es negada.
Sus la riba del riu, somiava una filha.

Pausa aquí sa raubeta, son cotilhon secret.
De son cabuç sortís, una baga d’aur fin.

Aval al fons de l’aiga, la luna es sauvada.
Tant i a que de la filha, demòra que son vestit.

A Perpinhan aquela filha
Dins una carrièira d’amor
Perqué me pren tras la grasilha
Per una nuèch de grand calor …

Legir tot

A Perpinhan aquela filha
Dins una carrièira d’amor
Perqué me pren tras la grasilha
Per una nuèch de grand calor ?
La nòstra farda s’escampilha
Aital comença la doçor

Defòra s’ausis la sardana
Davant la Lòtja de la Mar
Una musica que m’engana
Parqué gardavas ton colar ?
Redolam sul tapís de lana
Un flaujòl se plora tròp clar

Mas perqué nos cercam encara
Ara que la carn es al viu ?
Pòt contra pòt la lenga amara
De las doas mans al recaliu
Qu’estufle lo tren a la gara !
Ni per Diable ni per Bon Dieu

Mas perqué nos cercam encara
Una autra nuech un autre estiu

La filha passet dins lo prat
E jos un bois amagat
L’enfant veguèt sa ròba que volava

Semblet planar sus …

Legir tot

La filha passet dins lo prat
E jos un bois amagat
L’enfant veguèt sa ròba que volava

Semblet planar sus lo pradal
Sos pes lecavan lo sòl
La dròlla se sarret de la rivieira

Al solelh
Qu’alisava sa pèl
La filha devant sos uelhs
Se desnudava

E son còs
Livrat a son agach
Li faguèt tel efièch
Que l’enfant se sentiguet capvirar

La dròlla dintrèt dins lo riu
L’enfant s’estiret lo còl
Per veire sas fòrmas dins l’aiga fresca

Puèi sortiguèt e se virèt
De tot costat per secar
Sa pèl lusenta de pèrlas de vida

Se pausèt
Sus l’erba
Alanguida, òferta
Sa sèda lecada per lo vent

Lo drollet
Se cresia invisible
Quand la bèla en
Se virant li clinhet de l’uelh

La vida clinhava de l’uelh

De bon matin se lèva
La filha d’un paisan.
Se lèva amai s’abilha
Ne pren sos adits blancs.

Son paire …

Legir tot

De bon matin se lèva
La filha d’un paisan.
Se lèva amai s’abilha
Ne pren sos adits blancs.

Son paire ie damanda :
- Filha, ont volètz anar ?
- Voli’nar a Lauzun, mon paire,
Veire lo rèi passar.
- Non i anguetz pas ma filha,
Que vos’n tornariatz pas !
- Si farai ben, mon paire,
Que non me veiran pas..

Lo rèi n’èra en fenèstra,
La regardèt passar.
- Quala es aquela dama
Que passa per mon prat ?
- Sire, non sèi pas dama,
Sèi filha d’un paisan.
- Poiriatz l’estre d’un prince,
Que vos’n tornariatz pas.
Me zo plan dit mon paire,
Que me’n tornariai pas.

Vestida o pas vestida
Te viri de tot latz
Tu la filha polida
Que me donas lo braç
Dona-me la …

Legir tot

Vestida o pas vestida
Te viri de tot latz
Tu la filha polida
Que me donas lo braç
Dona-me la tia vida
La te gardarai pas

Anarem a las vòtas
Mas segrem pas lo bal
Cercarai las tias pòtas
La nuèch darrièr l’ostal
Se cantan las granhòtas
Fugirem lo besal

Consenta o non consenta
Sul prat lo long del riu
L’amor que se presenta
Lo cal prene tot viu
Quand la doça aura venta
Qu’es lo poisar de Dieu

La filha qu'aimarai
Serà d'un pòble vièlh
La darrièra flor de gràcia
Clinarà pas lo cap
Clinarà pas los uèlhs …

Legir tot

La filha qu'aimarai
Serà d'un pòble vièlh
La darrièra flor de gràcia
Clinarà pas lo cap
Clinarà pas los uèlhs
Agacharà l'esper en fàcia

E tornarem bastir
Los vilatges mòrts
Nòstre esper es roge e negre
E farem sul païs
Que dòrm dempuèi mil ans
Lusir deman l'estèla d'òr.

Nòstre amor serà fòrt
Coma una vièlha soca
Sus l'ispra tèrra del vent
La lenga dels aujòls
Florirà sus ta boca
Saurem totis dos vencir lo temps.

Ar resplan la flors enversa
pels trencans rancs e pels tertres
quals flors? Neus, gels e conglapis
que cotz e …

Legir tot

Ar resplan la flors enversa
pels trencans rancs e pels tertres
quals flors? Neus, gels e conglapis
que cotz e destrenh e trenca;
Don vey morz quils, critz, brays, siscles
en fuelhs, en rams e en giscles.
mas mi ten vert e jauzen Joys
er quan vei secx los dolens croys.

Quar enaissi m'o enverse
que bel plan mi semblon tertre,
e tenc per flor lo conglapi,
e·l cautz m'es vis que·l freit trenque,
e·l tro mi son chant e siscle,
e paro·m fulhat li giscle.
Aissi·m sui ferm lassatz en joy
que re non vey que·m sia croy.

Mas una gen fad' enversa
(com s'erom noirit en tertres)
qu·em fan pro piegs que conglapis;
Qu·us quecs ab sa lenga trenca
e·n parla bas et ab siscles;
E no i val bastos ni giscles,
Nni menassas; –ans lur es joys
quan fan so don hom los clam croys.

Quar en baizan no·us enverse
no m'o tolon pla ni tertre,
dona, ni gel ni conglapi,
mais non-poder trop en trenque.
Dona, per cuy chant e siscle,
vostre belh huelh mi son giscle,
que·m castion si·l cor ab joy
qu'ieu no·us aus aver talant croy.

Anat ai com cauz' enversa
sercan rancx e vals e tertres,
marritz cum selh que conglapis
cocha e mazelh' e trenca:
Que no·m conquis chans ni siscles
plus que flohs clercx conquer giscles.
Mas ar – Dieu lau – m'alberga Joys
malgrat dels fals lauzengiers croys.

Mos vers an – qu'aissi l'enverse,
que no·l tenhon bosc ni tertre –
L¡lai on om non sen conglapi,
ni a freitz poder que y trenque.
A midons lo chant e·l siscle
clar, qu'el cor l'en intro·l giscle,
selh que sap gen chantar ab joy
que no tanh a chantador croy.

Doussa dona, Amors et Joys
nos ajosten malgrat dels croys.

Jocglar, granren ai meynhs de joy!
Quar no·us vey, en fas semblan croy.

I a una pichòta floreta
Que possa au bèu mitan dau prat
E lo bofador de l’aureta
Fai çò que …

Legir tot

I a una pichòta floreta
Que possa au bèu mitan dau prat
E lo bofador de l’aureta
Fai çò que pòu per la bressar.

Repic :
Mai la pichòta flor paureta
Se puei degun vèn l’aparar
Com’es trista e tota soleta
Siáu segur que ne’n morirà :
La vaca vòu la mastegar
La cabra vòu la crostejar,
Lo lapin vòu la rosigar,
E lo colhon vòu l’escrachar.

I a una gròssa vaca fòla
Eilai au bèu mitan dau prat,
E la floreta ne’n tremola,
Vòu pas se faire mastegar.

Repic

I a una cabra tant marrida
Eilai au bèu mitan dau prat,
Que la flor n’es espavordida,
Vòu pas se faire crostejar.

Repic

E la floreta pèrd la tèsta
Eilai au bèu mitan dau prat,
Car un lapin a dins la tèsta
D’anar lèu se la rosigar.

Repic

I a un colhon que vodriá metre
Eilai au bèu mitan dau prat,
Un parking de tres milas metres
Parcat, betonat, godronat.

Un jorn un jorn bessai
Un jorn long de vida
Jorn embriac de la paur de la paura tèrra
T'anerem …

Legir tot

Un jorn un jorn bessai
Un jorn long de vida
Jorn embriac de la paur de la paura tèrra
T'anerem trovar la fòla esconduda

Un jorn segur
Un jorn malaut dau silenci dei crotz
Jorn negat l'escuma au canton dai labras
T'anerem pilhar la fòla esconduda

Jorn sensa lenga
Jorn bastard e gibos
Jorn parpaion brut emmascat
Jorn sàssi dei sòmi
T'anerem estacarla fòla esconduda

Un jorn vergonha
Jorn clavelat pintat mascarat
Espaventat de la sang dau darnier jorn
T'anerem cremar la fòla esconduda.

La font canto dins l’erbo flòri,
E n’en siéu à me demanda,
Se fau crèire à n aquelo istòri
D’uno …

Legir tot

La font canto dins l’erbo flòri,
E n’en siéu à me demanda,
Se fau crèire à n aquelo istòri
D’uno fiho que i’an trouba.

Se diguè qu’èro bloundo e douço,
E qu’amavo de se pausa
Estendudo dessus la mousso,
Escoutant lis aucèu canta.
Mai un jour qu’anavo à la vilo,
Pèr lou bos, ié fauguè passa,
Cantavo, avié l’amo tranquilo
La pauro fiho sabié pas (bis).

La font canto dins l’erbo flòri,
E n’en siéu à me demanda,
Se fau crèire à?n?aquelo istòri
D’uno fiho que i’an trouba.

I’avié tres gusas à l’espèro
Esperavon la bello enfant.
Poudié rèn, èron bèsti fèro,
Poudié rèn, èron mort de fam.
Elo souleto e tendrinello,
Senso armo que sa pureta,
Quand la leissèron mourtinello
Semblavo un aucèu sagata (bis).

La font canto dins l’erbo flòri,
E n’en siéu à me demanda,
Se fau crèire à n aquelo istòri
D’uno fiho que i’an trouba.

Quand de terro l’an aubourado,
Coume un ièli blanc derraba,
Semblavo uno jouino espousado.
Pièi au rode mounte a toumba,
Dessouto la mousso counchado,
Coume uno lagno s’ausiguè,
S’ausiguè coume uno rajado
Uno lindo font soursejè... (bis).

La font canto dins l’erbo flòri,
E n’en siéu à me demanda,
Se fau crèire à n aquelo istòri
D’uno fiho que i’an trouba (bis).

La font es 'qui dins son fons,
Sola, sorna, sala, es pus de sason,
Son sent l'i es perdut de …

Legir tot

La font es 'qui dins son fons,
Sola, sorna, sala, es pus de sason,
Son sent l'i es perdut de sens,
Silencios, secret, sauvatge suvent.

Portant l'ai visda envasida de pelegrins
Que l'i venian un còp per an per l'i se garir,
Era corguda, coneguda paln lunh d'aici;
Borges, paisans chaminavan, far lurs desvoacions.

Era vocada, dedicada a sent Martin,
Sents Peire e Pau per lo grand mau, per los romatisms.
A Margarita qu'es tant p'ita lo mau chaitiu,
A sent Meen los nervs, las dents, las paurs daus pitits.

D'aqueu vilatge lo messatge d'aqueu romiu
Que fai lo torn, pica de jorn, per lo frair, l'amic.
Sancier, malauda, gilet, blauda, cana, fusilh,
Vielh mendicant, fier permenant, merchand de rosins.

Òm se'n fretava, se'n voidava dins los abits,
A plen culhier, a plen sulhier, çò que pòt chavir.
'Quò sangolhava, pescholhava a plen pais,
Las botelhas mai las selhas per menar chas ilhs.

'Viesa 'quel aubre, espia paubre de que fluris,
Tots 'quilhs vestits, pelhas que l'i 'chaben de puirir.
Crotz de faugiera, 'na pregiera per lo bon Diu,
Ligas de còu, penchons, liacòus per sent Remedi.

Peças, promessa, quita messa, patois, latin,
E 'quilhs pajans que minjavan de bon apetis.
Violon, chabreta, ase, breta, chat blanc, chen gris,
Borreiadors, sundirs d'amor, la seja daus grilhs.

La font es 'qui dins son fons,
Sola, sorna, sala, es pus de sason,
Son sent l'i es perdut de …

Legir tot

La font es 'qui dins son fons,
Sola, sorna, sala, es pus de sason,
Son sent l'i es perdut de sens,
Silencios, secret, sauvatge suvent.

Portant l'ai visda envasida de pelegrins
Que l'i venian un còp per an per l'i se garir,
Era corguda, coneguda paln lunh d'aici;
Borges, paisans chaminavan, far lurs desvoacions.

Era vocada, dedicada a sent Martin,
Sents Peire e Pau per lo grand mau, per los romatisms.
A Margarita qu'es tant p'ita lo mau chaitiu,
A sent Meen los nervs, las dents, las paurs daus pitits.

D'aqueu vilatge lo messatge d'aqueu romiu
Que fai lo torn, pica de jorn, per lo frair, l'amic.
Sancier, malauda, gilet, blauda, cana, fusilh,
Vielh mendicant, fier permenant, merchand de rosins.

Òm se'n fretava, se'n voidava dins los abits,
A plen culhier, a plen sulhier, çò que pòt chavir.
'Quò sangolhava, pescholhava a plen pais,
Las botelhas mai las selhas per menar chas ilhs.

'Viesa 'quel aubre, espia paubre de que fluris,
Tots 'quilhs vestits, pelhas que l'i 'chaben de puirir.
Crotz de faugiera, 'na pregiera per lo bon Diu,
Ligas de còu, penchons, liacòus per sent Remedi.

Peças, promessa, quita messa, patois, latin,
E 'quilhs pajans que minjavan de bon apetis.
Violon, chabreta, ase, breta, chat blanc, chen gris,
Borreiadors, sundirs d'amor, la seja daus grilhs.

Lo matin s’es pauat com’un jorn de vacanças
Dins l’aléa dau parc, naisson li aventuras
Sus lo banc barotlier, ti …

Legir tot

Lo matin s’es pauat com’un jorn de vacanças
Dins l’aléa dau parc, naisson li aventuras
Sus lo banc barotlier, ti regarji pichon
Siás au país dei juecs
Emb’ai tieu cambas corti

E la fònt au mitan dont vas a t’abeurar
Es un chícol tròup auta
Venes a mi cercar, beves emb’ai mans

Un velociraptor, toti àrpias sortidi
Rescòntra un indian qu’a ganhat la guèrra
Un chivalier espacial per sauvar la Tèrra
Pica morre en tèrra e si fa consolar

E la fònt au mitan dont vas a t’abeurar
Es un chícol plus bassa
En ti clinant un pauc, beves coma vòles

Lo sera es vengut e m’emplissi de tu
Dins l’aléa dau parc es totjorn li vacanças
Ti regarji pichon fier com’un Artaban
Percorres la vida, emb’ai tieu cambas lòngui

E la fònt au mitan dont ti siás abeurat
Es esquasi eterna
Li revendràs bessai
per cercar lo gust de l’aiga

Filhetas del quartièr
Près de Montpelhièr
I a ‘na font tan bèla
Venètz i pèrmenar
Venètz i gostar
Sus l’èrba …

Legir tot

Filhetas del quartièr
Près de Montpelhièr
I a ‘na font tan bèla
Venètz i pèrmenar
Venètz i gostar
Sus l’èrba novèla
L’aiga que ne sortís
Dòna l’apetís
Tan qu’es naturèla.
Anarem tot l’estiu
A la font de Sant Bertomieu

Vesètz de grand matin
Braç a braç venir
Tircis e Roseta
S’avançan totes dos
Se fan de potons
Sovent en cacheta
E toyt lo long del jorn
Los coples d’amor
Cantan sus l’erbeta.
L’amor dona lo fieu
A la font de Sant Bertomieu

Lo pastor ven après
Dire sos regrèts
A son amigueta
Un còp d’uelh solament
Lo rendrà content
De sa bergiereta
A l’ombra totes dos
Van de rescondoins
Beure aquela aigueta.
L’amor dona lo fieu
A la font de Sant Bertomieu

Filhetas dau quartièr
Près de Montpelhièr
I a 'na fònt tan bèla
Venètz ié permenar
Venètz ié gostar
Sus l'èrba …

Legir tot

Filhetas dau quartièr
Près de Montpelhièr
I a 'na fònt tan bèla
Venètz ié permenar
Venètz ié gostar
Sus l'èrba novèla
L'aiga que ne sortís
Baila l'apetís
Tant es naturèla

Anarem tot l'estieu
A la Fònt de Sant Bertomieu

Vesètz de grand matin
Braç a braç venir
Tircis e Roseta
S'avançan totes dos
Se fan de potons
Sovent en cacheta
E tot lo long dau jorn
Los coples d'amor
Cantan sus l'erbeta

L'amor dòna lo fieu
A la Fònt
De Sant Bertomieu

Lo pastor ven après
Dire sos regrèts
A son amigueta
Un còp d'uòlh solament
Lo rendrà content
De sa bergiereta
A l'ombra totes dos
Van de rescondons
Beure aquela aigueta

L'amor dòna lo fieu
A la Fònt
de Sant Bertomieu

La formiga pren la mesura de la terra amb son artelh

E puèi porta lo compte al traùc de paùr …

Legir tot

La formiga pren la mesura de la terra amb son artelh

E puèi porta lo compte al traùc de paùr de lo perdre en camin

De cops amb una autra formiga carreja un nombre complicat

Comol de rasigas carradas e se ne derraba lo cap

Un jorn d’ivèrn, la formiga
A rescontrat la cigala
Que li diguèt : « Mon amiga ! »
Amé sa …

Legir tot

Un jorn d’ivèrn, la formiga
A rescontrat la cigala
Que li diguèt : « Mon amiga ! »
Amé sa votz amicala.

« Se sabiás, qunta famina !
Ai plus que de regardèlas ».
La formiga, bèla mina,
Li diguèt, un pauc crudèla :

« De que fasiás tot l’estieu,
Quand lo temps èra agradiu ?
Fasiás trantalhar ton quieu,
Ara prega lo Bòn Dieu ! »

« E quand la fam te travalha,
Que ton ventre te tiralha,
S’as mai lo quieu que trantalha,
Freta-lo a la muralha ! »

Una formigueta
Un jorn del mes de març
Se copèt la cambeta
Tot en lisent sul glaç
E se cridèt, …

Legir tot

Una formigueta
Un jorn del mes de març
Se copèt la cambeta
Tot en lisent sul glaç
E se cridèt, inquièta :
"Glaç que siás tu missant
M’as copat la cambeta
Siás pas qu’un vièlh carcan."

E lo glaç de respondre :
"Traparàs pus marrit
Lo solelh me fa fondre
Soi lèu estavanit.
Aquel calhel qu’esclaira
A la travada del cèl
Contra el que pòdi faire
Soi pas qu’un pauc de gèl".

E l’astre se trebola :
"De poder n’ai pas ges
Quand lo temps s’anivola
Ieu li pòdi pas res
Aquela cotonada
Quand passa dins lo cèl
Ni per ieu tot amaga
Me fa clucar los èlhs".

Las nivols de li dire :
"Qual sap nòstre camin
Quò’s lo vent que nos vira
Lo podèm pas fugir
Aquel pols de giganta
Nos causa un grand tòrt
Bufa a plena garganta
Nos fa pèrdre lo nòrd".

Mas lo vent se reganha :
"Que me contas aquí
Quand parets e montanhas
Me còpan lo camin".
Las montanhas rondinan :
"Que fasètz dels ratons
Que totjorn nos rosigan
Nos traucan los penons".

Lo ratum de li faire :
"Quò’s per nos amagar
Que fasèm los minaires
Per nos parar del cat.
I a de crups a l’espèra
Que se lecan los pòts
Totjorn nos fan la guèrra
La vida es un tripòt"

Mas lo catàs se manca :
"Totjorn plòu suls banhats
Quand lo canhòt m’arranca
Per ieu cap de pietat
Aquelas òrras bèstias
Que japan de contunh
Quand nos pòdon far fèsta
Demòran pas de jun".

E lo can tarabusta :
"Que me disètz aquí
Quand lo baston me tusta
Ne fau pas lo malin".
E lo barròt romèga :
"Aquò’s mon triste sòrt
Lo fuòc quand me rosèga
Es plan el lo pus fòrt".

Lo fuòc i ditz : "Messorga
Siás pas a mitat fòl
I a l’aiga de la sorga
Que m’escantís quand vòl."
E l’aigueta li crida :
"I a plan pus fòrt que ieu
Sul còp pèrdi la vida
Quand la vaca me beu."

E la vaca rondina :
"Mon sòrt es malerós
L’òme que m’assassina
Es lo pus poderós".
E l’òme que s’acapta
Ditz tot desconsolat :
"Es la mòrt que me mata
I a pas d’eternitat".

Don la vida l’a mesa, la bela careta
Plena de rires e de comissions
En un camp gerp, dins li …

Legir tot

Don la vida l’a mesa, la bela careta
Plena de rires e de comissions
En un camp gerp, dins li romegas
Li ròdas pegadis per lo rolh
Lu uèlhs espalancats per la vituda
Lo gaudi e la paur
N’en pòrta la mémoria, n’en a gardat la votz
Mensoneguièra que crida arresta

De buf en camin sensa languimen
Fa bòn balar, quora la fortuna
Juega de tambau

Quora lu remordimens
fan refrescar lo lume
Petar la chavana, cascalhar lo piech
Reven en lo juèc, lo balon blu
Pichin pantai d’aria cargat d’esperença
Canta en lo vent, crits, corsa, bolums
Lo morre ficat au soleu
Lo pogne esquissat per pas que s’escapa
En li lagrimas, fòla briga d’õmes

REPIC
Quora la charlatanada
dei mòts esconduts
Pinta de despiech, li flors de la vida
Sotta la possièra, dins lo solelhaire
Si trova lo tiquetic d’aqueu molin
Vira la ceguinhola, monta lo zonzon
Aganta estelas d’un paradis
Musica cridairitz, poèsia d’enfança
Carga de bélugas lo jorn à naisse

Quand son òme ven dal marchat
troba sa frema lorda.
"Òla ma frema, ço qu’avèu?"
"Ai tant mal a la …

Legir tot

Quand son òme ven dal marchat
troba sa frema lorda.
"Òla ma frema, ço qu’avèu?"
"Ai tant mal a la testa"

Vau subit cerchar lo metge
que ven veire la maladia

Quand lo metge es arubat
coneguèt la maladia

"Quant de litres as tu begut,
que as tant mal a la tèsta?"

"N’ai begut ja quatre o cinc,
lo roge m’agradava"

"Se butatz d’aiga dins son vin
deman es ja garia"

"Se butatz d’aiga dins mon vin
deman siáu pei ja mòrta"

R-Fau durbir la gabiòla a l’aucèu
Lo regardar s’envolar es bèu.
Leis enfants, se volètz pas
Veire l’aucèu s’embestiar,
Fau …

Legir tot

R-Fau durbir la gabiòla a l’aucèu
Lo regardar s’envolar es bèu.
Leis enfants, se volètz pas
Veire l’aucèu s’embestiar,
Fau durbir sa pòrta vers la libertat.

1-Au vilatge i a una memèi gastosa
Que canta lo sèr ’mé, sa paura petosa.
Amé, sei piéu-piéu, amé sei som-som,
L’aucèu, crèse que deu n’aguer pron.

Come la memèi es un pauc rompe-quieu,
E se’n còp l’aucèu sembla un pauc malautiu,
Se manja plus ren, leis uelhs en lagremas,
Dau ! Te fau profitar de l’aubena :

2-Quand vèse passar Martin lo braconier,
’Mé seis apelants las de malanconiá,
Paura cardelina, e paure rigau,
Me fai quauca ren, me fai pas gaug.

Per anar pissar, Martin de fes que i a,
Oblida un moment sei quinas, sei quià-quià.
Pausa son fusiu, laissa sei rampèus,
Perdètz pas de temps, fau faire lèu :