A mon braç i a una serp de pel long coma una filha

Que de son cos plegadis tot mon …

Legir tot

A mon braç i a una serp de pel long coma una filha

Que de son cos plegadis tot mon sang entortovilha

A la calor de mon cor i a un nis grand coma un ort

E me ven ras de la boca una fam bauja de pomas

Virona arredonida
dormissiá la sèrp nilenca.

Virona redona

Tendra virona de gavèl arredonida
jos la raspa d’una fuòlha de figuièira, …

Legir tot

Virona arredonida
dormissiá la sèrp nilenca.

Virona redona

Tendra virona de gavèl arredonida
jos la raspa d’una fuòlha de figuièira,
dormissiá la sèrp nilenca.

Dormissiá dins l’oblit de l’astre que portava
sens saupre quau seriá que’n un raufèl d’amor
au poton dau verin aparariá lo sen.
Angèla en matelòta
shens se copar lo cap,
en li copar lo cap.

Virona arredonida...

Pelar
vueitar
desbarbar
copar v Talhucar.
fríser
virar
har sautar.

Tirar
estruçar
en.hariar
rossir
trempar
adobar
har còser
hornir
ajustar.

Si na soun le tre gentil daime ca la venen l’è da Lioun
e Sessilia la pi bela a lou …

Legir tot

Si na soun le tre gentil daime ca la venen l’è da Lioun
e Sessilia la pi bela a lou so marì en përzuon (2 volte)

Quila va da snhour capiteni e "’na grasia vouria da voui
e la grasia que vouria l’è la vita ’d me marì" (2 volte)

"O si, si, o cara Sessilia que la grasia a v’la doun mi
ma për ’na nouiteia soula venerì durmì coun mi" (2 volte)

Souo marito da la finestra da lountan l’a vista venir
"o Sessilia la mia bela, que nouvele ’m porti a mi?" (2 volte)

"le nouvele soun pa vaire boune ni për voui e ni për mi,
e l’è ’nsema al capiteni voel qui vada mi a durmì " (2 volte)

"O si, si, o cara Sessilia vaie pura, dìie que ’d si:
couesta notte ’l capiteni, n’aouta noeit i sarai mi !" (2 volte)

Si n’ariva la matineia e la bela si leva su
e si buta a la finestra, l’a vist so marì pendù (2 volte)

"Traditore di un capiteni, traditore sei sta’ për mi
mi m’avì levà l’onore e la e la vita al me marì" (2 volte)

"Isté queta, isté questa o bella, isté queta, se voui voulì
souma si tre joli capiteni, pieve voui coul que voulì" (2 volte)

"Vouria pa ca spuleisa dise, vouria pa ca splouleisa dì
l’é d’avé da spousé ’l boia, traditou dël me marì" (2 volte)

E la gente di couella villa que passava andè al marcà
a l’a vistla la Sessilia: l’era morta strangoulà..." (2 volte)

Despuish l’aup italiana,
A truvèrs vilas, e monts, e lanas,
E dinc a la mar grana
Que senhoreja ua sobirana. …

Legir tot

Despuish l’aup italiana,
A truvèrs vilas, e monts, e lanas,
E dinc a la mar grana
Que senhoreja ua sobirana.

Entant de mila annadas
Qu’audín son arríder de mainada,
Sas cantas encantadas,
Sons mots d’amor de hemna tant aimada.

Jo que l’escotarèi
Com s’escota a parlar ua hada,
Jo que la servirèi
Dinc a la mea darrèra alenada.

Un dia, un beròi dia,
Tots coneisheràn ma sobirana ;
Ma mair, ma sòr, ma hilha,
Ma bèra amor, qu’ei la lenga occitana.

Aquí lu jorns semblan lòngs
Lu promiers freis son venguts
Plan li feas s’endraian
Per d’amont lo jas perdut

E …

Legir tot

Aquí lu jorns semblan lòngs
Lu promiers freis son venguts
Plan li feas s’endraian
Per d’amont lo jas perdut

E la sieu cara quieta
Entressa lo mieu sovenir
Per mi dire : « as mancat la mieu fèsta
As mancat lo mieu ben voler ! »

Li bèstias fan de pantais
Ieu pòdi manco plus durmir
E lo sieu còr reven mai
Tra la mieu mòrt aquí

Siáu lo prince dei dolors
Minga soleu m’escauferà
Ai perdut lo mieu amor
Plora lo rai ti menerà

E la sieu cara quieta
Entressa lo mieu sovenir
Per mi dire : « as mancat la mieu fèsta
As mancat lo mieu ben voler ! »

R-"Fau manjar ta sopa, pichòt galapian,
Fau manjar ta sopa, te farà grandir.
Fau manjar ta sopa, pichòt galapian,
Fau …

Legir tot

R-"Fau manjar ta sopa, pichòt galapian,
Fau manjar ta sopa, te farà grandir.
Fau manjar ta sopa, pichòt galapian,
Fau manjar ta sopa, es papà que l’a dich !

- Ne’n vòle pas de ta sopa papà,
Ne’n vòle pas, ne’n vòle pas!
Ne’n vòle pas de ta sopa papà,
Ne’n vòle pas e ne’n manjarai pas !

1-Diga-me se son grands totei leis imbeciles !
Diga-me un pauc, diga-me, papà !
Aquelei que fan de bombas e de missiles,
Diga-me un pauc, diga-me, papà !
Diga-me se son grands per lei faire petar !
Diga-me, papà ! Ieu, lo crèse pas.

2- Diga-me se son grands, lei rèis, lei presidents !
Diga-me un pauc, diga-me, papà...!
Que fan çò que vòlon, pas çò que volèm.
Diga-me un pauc, diga-me, papà !
Diga-me se son grands per cridar : « libertat ! »
Diga-me, papà ! Ieu, lo crèse pas ! »

3-Diga-me se son grands, lei gents de mon païs !
Diga-me un pauc, diga-me, papà !
Lei marrits aucèus que chaupinan son nis.
Diga-me un pauc, diga-me, papà !
Diga-me se son grands per chaplar son païs !
Diga-me, papà ! Ieu, lo crèse pas !"

La mia sieta ei plenha
La toa sieta ei plenha
D’ua sopa de havòlas
Dab un tròç de chingarra
La …

Legir tot

La mia sieta ei plenha
La toa sieta ei plenha
D’ua sopa de havòlas
Dab un tròç de chingarra
La mia sieta huma
La toa sieta huma
Dab las havòlas e la chingarra
E tanben dab un tròç de pan

Un tròç de guit dab patatas fritas
Lo dimenge mieidia a taula
Un tròç de guit de guitas magretas
La fin de setmana m’agrada

Beròja cueisha, culon rostit
O còth a shucar, herupa papon
Beròja cueisha, culon rostit
O còth a shucar, lo minjar qu’ei bon

I a quatre ans d’aquò, quatre ans jorn per jorn,
Siáu tombat malaut, d’un mau de familha
Que te pren …

Legir tot

I a quatre ans d’aquò, quatre ans jorn per jorn,
Siáu tombat malaut, d’un mau de familha
Que te pren la nuech, que te tèn lo jorn
E que te rènd sord dedins leis aurelhas.
Coma per pietat davant ma dolor
Un amic m’a dich sens diplomacia
D’anar consultar un grand professor
Especialisat dins l’anatomia.

Lo grand professor m’a dich « Sacrebieu !
Fau faire atencion, fau ren neglijar,
Amic, leis aurelhas es coma lo quieu,
E de temps-en-temps fau li netejar ! »

Ai tot descapat e tot destapat.
Ai lo quieu propret e l’ausida fina,
Mai coquin de sòrt, ieu qu’entendiáu pas,
Ara entende tot, meme lei matinas !
A prepaus d’aquò, crèse que fau pas
Se trufar dei sords e vos lo defende.
E mon bòn curat qu’entènd qu’a mitat,
M’a cridat : « Amen, que Dieu vos entende ! »

Escotatz-me ben, fasètz come ieu,
Fasètz atencion, fau pas bequejar,
Amics, leis aurelhas es coma lo quieu,
E de temps-en-temps, fau li netejar !

Demandatz de sòus a n’un deputat,
Vos entend jamai e vos fai la beba.
Se i entènd puslèu per vos entubar
Demandatz d’alhet, vos dona una ceba.
S’escota parlar quand fai un discors,
Se siatz malurós e dins la paurilha,
Avètz bèu cridar, bramar come un sord,
Mai vos ause pas, fai la sorda aurelha.

Per leis eleicions, segur qu’entend mièlhs,
Digatz-li alòr : « Fau pas pepiejar,
Amic, leis aurelhas es coma lo quieu,
E de temps-en-temps, fau li netejar ! »

Mon patron, ma femna e mon perceptor,
Meme mon chin son un pauc durs d’aurelha,
Me respondon plus dempuei quauquei jorns,
Ai ben paur que siegue una epidemia.
Me desgargamele e ben entendut
I a degun qu’entend, a mens qu’au contrari,
Es ieu que belèu, siáu devengut mut,
‘Quò me fai tombar sus lo tafanari.

Se m’entendon plus, legiran benlèu
Sus un grand panèu, monte vòu marcar :
« Amics, leis aurelhas es coma lo quieu,
E de temps-en- temps, fau li netejar ! »

Èra pas blanc coma Arièl,
Èra pas l’àngel Gabrièl,
N’aviá pas las alas ni l’aire ;
Lo que me trapèt …

Legir tot

Èra pas blanc coma Arièl,
Èra pas l’àngel Gabrièl,
N’aviá pas las alas ni l’aire ;
Lo que me trapèt sens destorn,
Al sant-partron de Ventadorn
Lo semblava coma son fraire.
Badant mai que l’amargassat,
Barbut, ronhós, tot petaçat,
Una nuèit tustèt a ma pòrta
E m’anoncièt embalausit :
"Pichon, siás tu qu’avèm causit
Per sauvar la cançon mièj’mòrta
E per sonar lo reviscòl
Del musicòl.

Refranh :
Canti coma un pairòl traucat
Un vièlh enraucat,
Un ase que peta.
Sarratz-vos, brave mond(e), per
Ausir la supèr,
La supèr-vedeta.

Abans de li dire a tot trac :
"Vai te far rasar per Patrac !",
S’èra enanat e, con-que-vira,
Ieu que soi pas contrariant
M’i soi mes comaun galerian ;
O Musa, prèsta-me ta lira.
M’i soi mes caparrut, e lo
Cap confle coma un semalon,
tant ai trimat qu’a l’ora d’ara,
O disi pas per colhonar,
Podètz véser s’amolonar
Las musicas dins ma guitarra
E las particions aicí-sèm
A la S.A.C.E.M.

Puèi, coma sens impresariò
Un artiste jamai seriá
Qu’un minable, qu’un sauta-en-banca,
Ai trapat un filibustièr
Que m’a tot aprés del mestièr
En me chucant lo compte en banca.
E uèi per l’espectacle sètz
Coma en 40 als especièrs
Una coa que s’organisa.
De me badar, m’espepissar,
Ne perdètz totes lo bissar
E cadun me vòl la camisa,
Òme, femna, vièlh o enfant,
Puta de fan !

Es atal qu’ara pòdi pus
Tranquillet prener l’autobús,
Anar pescar, faire la fièra,
Ni al ciné incognitò
Assadolar ma libidò
Dins qualque sala porcassièra.
Quand fau l’amor, F.R.3
Me fica al cuol, dos còps sus tres,
Sas cameràs regionalistas,
E, se m’avisi de cercar
Una tèrra de bon cagar,
Ai sul rable vint jornalistes
Al mèndre papièr arrapats
Coma de pats.

Pareis que per un punt Martí
N’auriá perdut l’ase un matin
Tant mon succès lo desvaria
E, qu’escotant mas fantasiás,
Aval, del costat de Besièrs,
A la rampa se ten Maria.
Mas d’aver páur n’an pas besonh :
Gras, doblidi pas lo temps ont
Èri picut e cuol-d’amètla,
E la nuèit abans de dormir
Me fa ben de me sovenir
Qu’es dins una vièlha 4L
Qu’un jorn d’Ovelhan soi partit
Sens un ardit.

Al matinet sabi pas qual
Me revelhèt, tanplan lo gal,
Tanplan los fetges e lo vòmit :
Qu’èri malaut e mal-ficut
Lo front dolent d’aver viscut
Tota la nuèit un maissant sòmi.
Adieu mond(e) farlabicat,
Asinus asinum fricat,
De te daissar n’ai ges de caire ;
Adieu la glòria, las onors,
Adieu show-business safranós,
Per ieu, es pas deman, pecaire,
Qu’anarai faire Pepinò
A Bobinò.

Es sus la talvèra qu’es la libertat,
La mòrt que t’espèra garda la vertat.
Cal segre l’orièra, lo cròs del …

Legir tot

Es sus la talvèra qu’es la libertat,
La mòrt que t’espèra garda la vertat.
Cal segre l’orièra, lo cròs del valat,
Grana la misèria quand florís lo blat.
Es sus la talvèra qu’es la libertat…

Per passar l’encisa te revires pas :
D’autan o de bisa pren lo vent sul nas,
Una peira lisa, l’avenc es al ras.
Ont la sèrp anisa se fondrà lo glaç.
Per passar l’encisa te revires pas ;

Estelas sens luna ne veirem la fin :
Ne perdrem pas una, cercam lo camin.
Lo cel tot s’engruna del ser al matin,
La bèstia feruna pudís lo canin…
Estelas sens luna ne veirem la fin .

Fraire contra fraire tiram lo cotèl :
Enfant de ta maire que val la tia pèl ?
La mia val pas gaire : un espet de fèl.
Quin aucèl becaire nos picarà l’uèlh ?
Fraire contra fraire tiram lo cotèl .

Es sus la talvèra qu’es la libertat.
D’orièra en orièra pòrta la vertat.
La vida t’espèra de cròs en valat :
Bolís la misèria quand grana lo blat.
Es sus la talvèra qu’es la libertat…

Es sus la talvèra qu’es la libertat,
La mòrt que t’espèra garda la vertat.
Cal segre l’orièra, lo cròs del …

Legir tot

Es sus la talvèra qu’es la libertat,
La mòrt que t’espèra garda la vertat.
Cal segre l’orièra, lo cròs del valat,
Grana la misèria quand florís lo blat.
Es sus la talvèra qu’es la libertat…

Per passar l’encisa te revires pas :
D’autan o de bisa pren lo vent sul nas,
Una pèira lisa, l’avenc es al ras.
Ont la sèrp anisa se fondrà lo glaç.
Per passar l’encisa te revires pas.

Estelas sens luna ne veirem la fin :
Ne perdrem pes una, cercam lo camin.
Lo cel tot s’engruna del ser al matin,
La bèstia feruna pudís lo canin…
Estelas sens luna ne veirem la fin.

Fraire contra fraire tiram lo cotèl :
Enfant de ta maire que val le tia pèl ?
La mia val pas gaire : un espet de fèl.
Quin aucèl becaire nos picarà l’uèlh ?
Fraire contra fraire tiram lo cotèl.

Es sus la talvèra qu’es la libertat.
D’orièira en orièira porta la vertat.
La vida t’espèra de cròs en valat :
Bolís la misèria quant grana lo blat.
Es sus la talvèra qu’es la libertat…

Un cop i'avié un moument
de centeno d'annado
roudavo din lei nèblo
sus la ribo dou Roso
I'a un estranger …

Legir tot

Un cop i'avié un moument
de centeno d'annado
roudavo din lei nèblo
sus la ribo dou Roso
I'a un estranger
un moustro de legendo
qu'agachavo lei ome
mendican coume rèi

Bloucavo lou fluvi
lei vilo que lou bordo
naviga deven riscous
restaren touti a quèi

Arrouina touti que tarifon lou passage
la vido ecounomico enduravo lou raubage

Cregnènt degun ni lou vièi ni lou jouino ni lou richo
a mita peissoun a mita retile
uno esquino d'eirissoun mato senso moubilo

Uno femo venié de forço liuen
decido de rescoutra lou maudi vioulen
aluneu su soun bateu alen s’empaluna

Quouro enausse la man
l'animau beisse la testo
troube deguno crento
din l'eime moudesto

En faci de la bello
La trarasco s’abaucé
Doumaci dim se uei
Lucié l’esper dou moundo

Marto radurro la bèstio
Davans li vilajan
L’aclamavons - Qué fèsto!
Paure é soubeiran
Cantavon la couquisto
La bello Santo Marto

Jogam a la targa
Bravei martegaus
Se tomba dins l'aiga
Si farem pas mau

Es sus la tinteina
Qu'un marin …

Legir tot

Jogam a la targa
Bravei martegaus
Se tomba dins l'aiga
Si farem pas mau

Es sus la tinteina
Qu'un marin adrech
Coma la polena
Deu se tenir drech

Per agradar ai filhetas
Quand anatz targar
Fau de pampalhetas
Ben estre abilhats

Se l'i a d'amolaires
Que vòugon montar
Lei aurem pegaire
Ben lèu desbaussats

Quand es d'atarraires
Que tonbon solets
Li disem de targaires
Dau bon rei René

Que podem lo dire
Quad lei vesetz tombar
Manca pas de rire
Li vesent sautar

Mai lei traucs dins l'aiga
Si coneisson pas
Se si banhon lei bralhas
Lei faràn secar.

Jogam a la targo bravi Martegaus
Se toubam dins l’aigo se farèm pas mau
E sus la tinteina qu’un marin …

Legir tot

Jogam a la targo bravi Martegaus
Se toubam dins l’aigo se farèm pas mau
E sus la tinteina qu’un marin adret
Coumo la pouleno dèu se teni dret
Per plaire filheto quand anas targa
Fau dei pampailhetos bèn estre abilha
Se l’i a d’amoulaires què vogoun mounta
Leis aurèn pecaire bèn lèu debaussa !
Mai li traucs dins l’aigo se couneissoun pas !
Se bagnan lei braio lei farèm seca !
Quand la targo es lesto se fau desfraira
Per gagna la peça fau tout debarca !

Jugan a la targo
Bravei martegau
Se toumban dins l'aigo
Si faren pas mau
Es sus la tinteino
Qu'un marin …

Legir tot

Jugan a la targo
Bravei martegau
Se toumban dins l'aigo
Si faren pas mau
Es sus la tinteino
Qu'un marin adre
Coumo la pouleno
Deu si teni dre

Per plaire ei fiheto
Quand anas targa
Fau de pampaieto
Ben estre abiha
Se l'a d'amoulaire
Que vougon mounta
Leis auren pecaire
Ben leu debaussa

Quand es d'aterraire
Que toumbon soulet
Li dian de targaire
Dou bouon rei renie
Car va poudren dire
Quand li vis toumba
Manco pas de rire
Lei vesen sauta

Mai lei trau dins l'aigo
Si couinoueissoun pas
Si bagnon lei braio
Lei faran seca
Quand la targo es lesto
Si fou destreira
Per gagna la peco
Fau tout desbarca.

La tautena un bèu jorn
Voguèt ‘sposar ‘na patineta
Tota polida e lisqueta
Venguèt per li parlar d’amor
«Ti farai …

Legir tot

La tautena un bèu jorn
Voguèt ‘sposar ‘na patineta
Tota polida e lisqueta
Venguèt per li parlar d’amor
«Ti farai curbir de dolars
Se vènes emé ieu ma bèla
Rabalharem d’aur «a la pelle»
Tu sus terra e ieu dins la mar»

Puei si crompèron l’anèu
Per ben sagelar lo noviatge
Si balhèron per engatge
D’aduïr cadun son guilanèu
La patineta per present
Porgèt son gàubi resquilhaire
La Tautena sei braç de caire
Lòngs, tòrç pegós, prins e lusents

Toei fuguèron convidats
Per veire aqueu bèu maridatge
Tot ce que dins lo paratge
Si podiá comptar d’enfavats
S’aviá faugut faire cramar
Dau monde lei grandei canalhas
Bastava que dins la ripalha
‘na bomba venguesse petar

La patineta mostrèt
Son país nòu a la tautena
Sensa empachas e sensa pena
Tota la còsta li ofriguèt
Pertot monte botiá son uèlh
Creissián de torres grandassas
De palais e de bastidassas
Per far venir crebar de vièlhs

Ais ostaus de retirats
Per lei casinòs lei palhòtas
S’enanèron far ribòta
E plaçar l’argent desvirat
Aqueu dei maquinas de sòus
Dei fremas e de la cocaïna
De la bordelha e dei robinas
Fins que sobresse ren au sòu

Lei caïmans dau canton
Leis escorpions e lei rapaças
Creguèron que dins la plaça
Farián ‘na vida de santon
Cadun voguèt manjar sa part
Lei quèpis vèrds lei camiás negras
Es ansin que tota la pegra
Venguèt s’amolonar dins Var

Vaquí qu’un soar, Mossur, Madama,
A la telé i aviá ’na pana.
Avèm passat un bòn moment,
E me ne’n …

Legir tot

Vaquí qu’un soar, Mossur, Madama,
A la telé i aviá ’na pana.
Avèm passat un bòn moment,
E me ne’n sovendrai de temps :
Anaviam manjar plan-planet,
Lo nas plantat sus la telé
Per veire barjacar lei niais
Que nos gonflavan mai-que-mai.

Vaquí qu’un soar, Mossur, Madama,
A la telé i aviá ’na pana.
Anaviam mancar non-de-non,
La mitat deis informacions.
Tot aquò nos a trebolat,
Completament esfangassat.
Segur posqueriam pas restar
Sens veire la publicitat.

Vaquí qu’un soar, Mossur, Madama,
A la telé i aviá ’na pana.
E mon Pepèi tot espantat,
Lo diguèt au comessariat.
Lo diguèt tambèn i pompiers,
Mai de pertot èra parier.
M’aquò avèm, patin-cofin,
Blagat un pauc ’mé lei vesins.

Vaquí qu’un soar, Mossur, Madama,
A la telé i aviá ’na pana.
E lei gents tot estransinats
Per ’na tala calamitat,
Son tombats totei ben d’acòrd
Per criticar, coquin de sòrt,
Lo governament moligàs
Que tolerava aqueu fangàs.

E per finir, Mossur, Madama,
Avèm mesclat dins lo programa,
Amé mon Pepèi, ma Memèi,
Cupidon per la gau dei vièlhs!
Coma a vint ans mon grand fasiá
Semblant d’arrapar sa molher,
Qu’aviá montat son cotilhon
Per miélhs dansar lo charleston.

Vaquí qu’un soar, Mossur, Madama,
A la telé i aviá ’na pana.
Avèm convidat lei vesins
Per venir beure un còp de vin.
Mon Pepèi a pres son violon,
Lo vesin son acordeon,
E ma Memèi "Tà-rà-tà-tà",
Nos a cantat la Traviatà

Vaquí qu’un soar, Mossur, Madama,
A la telé i aviá ’na pana.
E coma aquò, avèm montat
Un orquestra de qualitat,
E Pepèi a fach de progrès,
Ara arriva a jogar de drech.
Au Tòp Cinquanta siam promiers,
Deman passam a la telé !

La terra es freja
Lu ciel neveja
Mòrta sason
Ausetz los anges
Cantar loanges
Del Nadalon

Venetz floretas
Ròsas, violetas …

Legir tot

La terra es freja
Lu ciel neveja
Mòrta sason
Ausetz los anges
Cantar loanges
Del Nadalon

Venetz floretas
Ròsas, violetas
Li far la cort
Jamai la terra
N’a vist d’enquerra
Tant bela flor

Aquel que dona
Al rei corona,
Glòria, palais
Dins un estable
Plan miserable
Anueit se plai

No! Sus la terra
I a res d’enquerra
Amont, al len
De comparable
Al paur’estable
De Beetelem

Dins un mond vièlh que brandolha
Es amargant de constatar
Qu’emai l’amor partís en colha ;
Es aquò que vòli …

Legir tot

Dins un mond vièlh que brandolha
Es amargant de constatar
Qu’emai l’amor partís en colha ;
Es aquò que vòli cantar.

Ò plan segur, òm s’aima encara e puèi
Lo cuol dança pas pus la carmanhòla,
E cossí voletz pas al jorn de uèi,
Brave mond que la tèrra se botiòle.

Prudenta coma pas deguna,
Marià t’estropa de plastic.
Doás capòtas valon mai qu’una :
T’aima d’amor profilatic.

Ò, plan segur, lor fas l’amor e puèi
Jamai bordèl ! traparàs la vairòla
E cossí volètz pas al jorn de uèi,
Brave mond que la tèrra se botiòle.

A de bessonas exoticas,
Adèptas del Camà-Sotrà,
Las posicions acrobaticas,
Te las i cal totas mostrar.

Ò, plan segur, lor fas l’amor e puèi
Mancas de te rompre la quicairòla
E cossí volètz pas al jorn de uèi,
Brave mond que la tèrra se botiòle.

Quand as tocat la Baptistina,
A sos cambajons dins lo rèc,
As comprés qu’èra una tantina
Que voliá tastar l’amor grèc.

Ò, plan segur, l’as enfifrada e puèi
Lo còp que ven, l’ase la patafuòle
E cossí volètz pas al jorn de uèi,
Brave mond que la tèrra se botiòle.

Apassionats d’informatica,
Aquela tissa te menèt
A la draga cibernetica,
A cpoular sus internèt

Ò plan segur, surfas un pauc e puèi
Un còp de mirga e fai tirar la muòla,
E cossí volètz pas al jorn de uèi,
Brave mond que la tèrra se botiòle.

Ne siás sortit l’arma mostosa,
Lo còrs dolent, lo còr macat,
D’aquela puta de partosa
Onte ièr t’avián convocat.

Ò plan segur, as fornicat e puèi
Tant val solet se faire una pinhòla,
E cossí volètz pas al jorn de uèi,
Brave mond que la tèrra se botiòle.

E per onorar Onorina,
Se banda mòl ton passerat,
Prenes un chic de quilhandrina,
E de civada de curat.

ò plan segur, te tenes regde e puèi
Fautas un pauc d’òli de robinhòla
E cossí volètz pas al jorn de uèi,
Brave mond que la tèrra se botiòle.

Quand nos ven l’amor a la boca,
Mon amor, nos aimam en patz
Car melhor que paissèl e soca,
Vivèm coma cuol e tampax.

Ò plan segur, sm desmodats, e puèi
Nautres’s atal qu’aimam faire saussòla
E nos en fotèm plan qu’al jorn de uèi,
Brave monde la tèrra se botiòle.

Entre que l'aubeta poncheja
Tirairas se cau aigrejar
Malgrat la sòm que nos campeja
Cau vite netejar.
Anem far dançar …

Legir tot

Entre que l'aubeta poncheja
Tirairas se cau aigrejar
Malgrat la sòm que nos campeja
Cau vite netejar.
Anem far dançar l'escobeta
Dins nòstre bacin tot bolhent
E cantem una cançoneta
Per oblidar lo michant temps.

R. Tirairas,
Vite aau tiratge
Las oras venon de sonar
Cau se sarrar, cau s'amanar
Au travalh, zo ' coratge
Quau vòu de pan deu lo ganhar.

Anem candelar sus la ròda
La seda jauna coma 1'òr
A l'òbra, vite, e gcs de bròda
Lo travalh es nòstre tresòr.

Car es el qu'embe la prièra
Nos apren a fugir lo mau
E fai que jamai la misèra
Penetra pas dins nòstre ostau.

A ! nos rcgretètz pas. pecaire !
Una coifeta de vint sòus
Que per veire nòstre fringaire
Nos metèm totes los dljòus.
Aquí's tota nòstra parura
Emb' un poncha de tartan
Mai la flor de nôstra figura
Vau mai que lo pus bèu riban.

Avèm pas besonh de pomada
Per faire lusir nòstr pèu
Emb, una pencha despulhada
Los frisam coma de fidèu.
Emplegan pas aquel liquide
Qu'apelatz « aiga de sentor »
De pèu que nòstre front se ride
La lavam embe de susor.

Un bèl matin d’estju,
Davalèt d’un cotiu
Per demandar ont èra
La debuta de camin.
Lo solelh èra bèl,
I …

Legir tot

Un bèl matin d’estju,
Davalèt d’un cotiu
Per demandar ont èra
La debuta de camin.
Lo solelh èra bèl,
I rostissiá la pèl
E tot son materiel
"Made in Western Germany".

Quand fa l’amor tira a biá, a biti. (bis)
A lo daquòs en capèl de rector
A bià e a biti,
Çò que fa, b’aimi tot.

Faguèt la coneissençad’un viticultor
Que fasiá de vin biò cap a Fiton.
Aviá lo mildió.
I prenguèri la mas,
Cridèt pas sa maman
Quand de l’ocupacion
Passèri a la collaboracion.

Çò que passèt apuèi,
Me ba gardi per ieu.
Se pòt pas tròp cantar
Mas avètz d’imaginacion.

Lo lendeman matin,
Tornèri al camin
Me calguèt plan comprendre
Que la bèla aviá fugit.
Cercavi coma un gos
Sul camin amorós
Ont m’aviá tant aimat
E daissat coma un escopit.

Pro de temps a passat,
Lo camin es tampat.
La bèla dèu aver
De rufas al canton de l’uèlh.
Benlèu que se soven
D’un poton europenc
E d’aquela cançon
Al refranh un pauc trufarèl?

Ò mon país! Ò mon país! Ò Tolosa, Tolosa!
Qu’aimi tas flors, qu’aimi tas flors,
ton cèl, ton solelh d’aur! …

Legir tot

Ò mon país! Ò mon país! Ò Tolosa, Tolosa!
Qu’aimi tas flors, qu’aimi tas flors,
ton cèl, ton solelh d’aur!
Al prèp de tu, al prèp de tu,
l’anma se sent urosa,
e tot aicí e tot aicí me rejoís le còr. (bis)
Que io soi fièr de tas academias,
dels monuments qu’òrnan nòstra ciutat!
De ton renom e de tas poësias
e de ton cant despuèi longtemps citat!
Aimi tanbés nòstra lenga gascona
que tant nos dona de gaitat!
Ò! Qu’aimi plan de tas brunas grisetas
le tin florit, le sorrire malin,
lor pel lusent, lors polidas manetas
lors polits pès e lor regard taquin!
En las vesent mon còr se reviscòla
e puèi s’envòla tot mon chagrin.
A tos entorns l’èrba sembla plan fresca,
le parpalhòl a maitas de colors,
e tos pradèls son claufidits de flors;
de tos bosquets io recèrqui l’ombratge
e le ramatge e le ramatge dels auselons.
De tots guerrièrs dont la nòbla venjença
fasquèc plegar le front dels sarrasins,
de ta fiertat e de l’independença
que de tot temps reghèt dins le país.
Ò! Soi plan fièr de ma vila tant bèla
Que tant rapèla que tant, repèla de sovenirs.

E lo torn lo rond
E lo torn ò d’aquela genta sala
E lo torn lo rond
E lo torn …

Legir tot

E lo torn lo rond
E lo torn ò d’aquela genta sala
E lo torn lo rond
E lo torn ò d’aquel salon (bis)

Al mièg al mièg
Aquelas dòas pichonas
Al mièg al mièg
Al mièg tota la nèch. (bis)

E sarra-la plan
Qu’aquò vira qu’aquò vira
E sarra-la plan
Qu’aquò vira vira plan (bis)

E donatz-vos la man
Qu’aquò ara qu’aquò ara
E donatz-vos la man
Qu’aquò ara qu’aquò va...

Al lièch al lièch
Al lièch vèni pichona
Al lièch al lièch
Bicar tota la nèch.

A París i a ua tòrta
Que se’n va barlin barlan
Se’n va per totas las vòtas
Per se cercar …

Legir tot

A París i a ua tòrta
Que se’n va barlin barlan
Se’n va per totas las vòtas
Per se cercar un galant.

R : Son còr lo bat gai gai, son còr lo bat gaiement

La prumera contradança
Se’n tròba un a la man
Era lo ditz a l’aurèlha
"- Vos te maridar galant ?

- Non pas dambe tu tortassa
Qu’ès totjorn barlin barlan
- Se sèi torta, serai dreta
Los escuts me dresseràn."

A Paris i a ua tòrta
Que se’n va barlin-barlàn.
Se’n va per totas las vòtas
Per se cercar un …

Legir tot

A Paris i a ua tòrta
Que se’n va barlin-barlàn.
Se’n va per totas las vòtas
Per se cercar un galant.
Son còr lo bat, gai, gai,
Son còr lo bat, gaiement.

Se’n va per totas las vòtas
Per se cercar un galant.

La prumèra contradança
Se’n tròba u a la man.

....Era lo ditz a l’aurèlha:
-Vòs-te maridar, galant ?

....-Non, pas dambe tu, tortassa !
Qu’ès totjorn barlin-barlan !

....- Se sèi tòrta, serai dreta,
Los escuts me dresseràn !

Tot tremolant, tot trebolant,
Èra vestit d’un lençòl blanc,
Tot èra clar per l’analisi :
Çò que cal per una …

Legir tot

Tot tremolant, tot trebolant,
Èra vestit d’un lençòl blanc,
Tot èra clar per l’analisi :
Çò que cal per una vision,
E semblança d’aparicion,
Èra una trèva, vos o disi !

Pasmens a son biais d’avançar,
A sa faiçon de balançar
Sas ancas plan arredondidas,
Aguèri la satisfaccion
Completa qu’aquesta vision
Del bèl femnum fasiá partida.

« Soi un pichòt pocet perdut,
Me diguèt d’un ton esmogut,
Una anma en pena desvariada.
Ges de traça dels osselets,
Ges de traça de mos folets
Jalonant mon vial coma piadas. »

« Los trobadors mal inspirats
Auràn pres, quin afrós chaplàs,
Mos bèls folets per d’esteletas.
E totes los chins de poder
Tanplan se regalèron de
Cada osset de mon esqueleta. »

« Quand Febús sortirà del sòl
Se trufaràn de mon lençòl
Plen de petasses e, pecaire,
Dins aquel sègle cambiadís
Ont cadun de nautres se ritz,
Se va cridar a l’enganaire. »

E ieu que planhi tot piu-piu,
Pensatz s’aviái lo còr a viu
Vejent la trèva entrefegada.
Diguèri : « Donatz vòstre braç,
Que vos mene lèu en solaç
Cap al caire que vos recapta ».

E tot s’acabèt pas aicí,
Mercés al vent que reversi-
-nèt lo lençòl de ma companha.
Emai mancavan d’òsses , rai,
Lo demai, plan luènh d’èstre laid,
Èra d’una beutat estranha.

Mon Cupidon aviá pas la
Bròda d’aquel temps per tirar.
Desir en bolh dejós la tampa,
Convidèri sornudament
La bèla a venir un moment
Veire ma colleccion d’estampas.

Mas respondèt : « -Sètz al rebors,
Ai dos mil ans de mai que vos…
-Madama, rai de las annadas… »
M’emmeni la trèva sul còp,
Nosant son lençòl d’un estròp,
L’empòrti cap a mos penatas.

E ben, monsenhs, siaguem contents :
Qu’aquelas dònas d’autre temps
Segur son de cambas-leugièras,
Arrotinadas en plaser
Mai que d’unas modèrnas e
Vòli pas publicar de tièras !

A l’alba m’an desrevelhat,
Mon aurelhièr an espelhat
Amb un grand vam plen de promessas.
Mas luòga d’un escamandràs
Mon paire cridava en fotràs :
« Nom de Dieu vas mancar la messa ! »

Sus la nostra trilha
I a nòu* ausels que criden

Tot los nòu que criden mai
Lo pic e lo …

Legir tot

Sus la nostra trilha
I a nòu* ausels que criden

Tot los nòu que criden mai
Lo pic e lo tord e lo trid e lo merle
Tot los nòu que criden mai
Lo pic e lo tord e lo trid e lo gal

*uèit, sèt, seis, cinq, tres, dus, un**

** tot solet que cride mai

Sus la nostra trilha
I a nòu* ausels que criden

Tot los nòu que criden mai
Lo pic e lo …

Legir tot

Sus la nostra trilha
I a nòu* ausels que criden

Tot los nòu que criden mai
Lo pic e lo tord e lo trid e lo merle
Tot los nòu que criden mai
Lo pic e lo tord e lo trid e lo gal

*uèit, sèt, seis, cinq, tres, dus, un**

** tot solet que cride mai

Devath la nòsta trilha en mai,
Cantan lo tor(r) e lo pic e lo gai ! (x2)
Bon matin la …

Legir tot

Devath la nòsta trilha en mai,
Cantan lo tor(r) e lo pic e lo gai ! (x2)
Bon matin la hrescureta
Jo ’m levè
La hrescureta jo’m levè.
Jo trobè’ la mia amoreta suu gravèr.
Aquí n’agon quauques motets
E puish en dus o tres potets
Devath la nòsta trilha en mai
Cantan lo tor(r) e lo pic e lo gai !
Dishot çò se hòu pensar

De béth temps a
Béth temps a!
Non m’agossè muishat jamés.
Qu’èra de ta hrem com jamés.
Devath la nòsta trilha en mai,
Cantan lo tor(r) e lo pic e lo gai !
Vist que lo cèu non capèra tau beutat
Non capèra tau beutat !
Me péish(i) de pena e torment
Devath la nòsta trilha en mal,
Cantan lo tor(r) e lo pic e lo gai

Vaquí vengut Guaaldo lo grand !
Tròç de fèsta, tròç de çaganh,
Baraquet de la Trivala,
De son nom Ubaldo …

Legir tot

Vaquí vengut Guaaldo lo grand !
Tròç de fèsta, tròç de çaganh,
Baraquet de la Trivala,
De son nom Ubaldo Moyano.
Coma aquel, se'n trapa pas mai.

Aquela Trivala ! A ! Qun polit quartièr !
I a que de gitanas e que de baraquets.
An pas de sandalas, an pas de solièrs,
Van faire la valsa, aquí jol pont vièlh.

Siás totjorn aquí per butar,
Per balhar de vam, per cantar.
Quand la vida es malaisida,
Tu lo prince de la Trivala,
As totjorn quicòm a cantar.

Aquela Trivala...

Aquí lo grand bolegadís
Cançon, trabalh e bramadís,
Espanhòl, Carcassés, Gitana,
Te fasián la lenga polida.
Coma aquela se'n trapa pas mai.

Aquela Trivala...

Hermano, abre la puerta
Al pueblo unido vencido.
Esta lucha nunca se pierde.
Mañana te recuerdaràs.

Novembre de setanta cinc,
Lo Franco a crebat enfin.
Gualdo e tota la Trivala,
Dins l'ostal de Monsur Lapeña
Van passar la nuèit a cantar

Aquela Trivala...