Un còp èra una troita
la-la, la-la-la-la-la
Una pichona troita
Qu'aimavá se passejar
Que descendiá de la montanha
Eslalomant dins …

Legir tot

Un còp èra una troita
la-la, la-la-la-la-la
Una pichona troita
Qu'aimavá se passejar
Que descendiá de la montanha
Eslalomant dins lo torrent
Perseguisent las moscas
Sautant dins lo corrent

Arribèt un pescaire
la-la, la-la-la-la-la
Èra un vièlh pescaire
Qu'aimavá fòrça pescar
Per ocupar sa retirada
Veniá faire cagar lo peis
Quatre còps per setmana
Al bòrd d'aquel torrent

L'òme lancèt sa linha
la-la, la-la-la-la-la
L'òme lancèt sa linha
Plan regde jos son capèl
Pecaire la pichona troita
Que volguèt engolir lo vèrm
Pels pòts foguèt penjada
Bombilhan davant lo vièlh

« Atten, diguèt la troita
Tre que lo vièlh la descroquèt,
Que ieu fau pas la talha
Soi un peis trop pichonet
Attencion! Te prendràs un margue
Se lo garda ven a passar
Torna-me metre a l'aiga
Te cal pas desconar »

Una troita que parla !
Lo vièlh estabosit foguèt
E en mai tremolavá
La troita ne profitèt
Fotèt un brave còp de coa
E dins lo torrent emplonsèt
Lo vièlh demorèt colhon
La linha al punhet

Aquò es una istoria
la-la, la-la-la-la-la
La vertadièra istoria
Per los que se'n van pescar
Se te vòl parla una troita
Segur la cal pas escotar
Val mai pescar la carpa

Un peis que parla pas

Traduction
LA TRUITE

Il était une fois une truite
La-la, la-la-la-la-la
Une petite truite
Qui aimait se promener
Qui descendait de la montagne
Slalomant dans le torrent
Poursuivant les mouches
Sautant dans le courant
Mais tout cela ne pouvait pas durer
Arriva un pêcheur
La-la, la-la-la-la-la
C'était un vieux pêcheur
Qui aimait beaucoup pêcher
Pour occuper sa retraite
Il venait emmerder le poisson
Quatre fois par semaine
Au bord de ce torrent
Et arriva ce qui devait arriver
L'homme lança sa ligne
La-la, la-la-la-la-la
L'homme lança sa ligne
Bien raide sous son chapeau
Hélas la petite truite
Qui voulut avaler le ver
Fut pendue par les lèvres
Frétillant devant le vieux

« Attends, dit la truite
Sitôt que le vieux la décrocha,
Car moi je ne fais pas la taille
Je suis un poisson trop petit !
Attention ! Tu te prendras un P.V
Si le garde vient à passer
Remets-moi dans l'eau
Il te faut pas déconner »
aïe- aïe- aïe !
« Une truite qui parle ? »
Le vieux fut stupéfait
Et en plus il avait la tremblote
La truite en profita
Elle donna un grand coup de queue
Et dans le torrent elle plongea
Le vieux resta couillon
La ligne au poignet
moralité
Voilà une histoire
La-la, la-la-la-la-la
La vraie histoire
Pour ceux qui s'en vont pêcher
Si une truite veux te parler
Sûr qu'il ne faut pas l'écouter
Il vaut mieux pêcher la carpe
Un poisson qui ne parle pas

La vaca ritz dins son cap en triangle a vos balhar d’envejas de fromatge

Sus de liscas de pan micut …

Legir tot

La vaca ritz dins son cap en triangle a vos balhar d’envejas de fromatge

Sus de liscas de pan micut n’i a que dison que la vaca a quatre patas

E manja d’erba e que se ne tira de lait a l’ora ont passan los trens

Cal pas confondre amb lo taure qu’es una bestia d’oroscope

La Michelin ilh a patit per la crisi endustriala
Lo cap al m’a chamat, "pron de gomes, licensiat"

Ma la …

Legir tot

La Michelin ilh a patit per la crisi endustriala
Lo cap al m’a chamat, "pron de gomes, licensiat"

Ma la vacha malha, malha, e lo puerc beu ben
e mi cojat s’la palha, ò fofo! que isto ben
E lo veel sauta s’la grupia per manjar son fen
e mi cojat s’la palha, ò fofo! que isto ben

Apres, desconsolat, me chal dir tot aquò a la frema,
mas trobo mía Guitin abó Gino, lo postin

Ma la vacha...

Lo jorn apres d’aquò ilh es arubàa abó n’aute òme,
un brut que fasia pòu, m’an raubat la mobilia e i sòuds

Ma la vacha...

Sèm nascuts sus l’esquina d’un scat,
Blat rosigat per un rat catat,
Vai te’n dormir amont dau teulat,
Nos traparem …

Legir tot

Sèm nascuts sus l’esquina d’un scat,
Blat rosigat per un rat catat,
Vai te’n dormir amont dau teulat,
Nos traparem dissabte al mercat.

Consciènça pasteurisada
De supermercat
De vida en ròsa siás mercant
La tirèta-caissa al còr
Parlas coma una banca
As una …

Legir tot

Consciènça pasteurisada
De supermercat
De vida en ròsa siás mercant
La tirèta-caissa al còr
Parlas coma una banca
As una amna frigidari

Jògas a l'american
Vedèta del drugstore
Te getan aprèp usatge
Fas de cançons kleenex
Parlas de bonastre
Enganaire public

Contunha ton cinèma
Pel moment fas d'argent
Mes un jorn t'arrestaràs
D'autres an talent
Aviam feit la fèsta
Ara tot es finit !

Aproishatz-ve, brave monde,
Uèi que veni ma vita a tròç.
Hè’vs en davant !
Atencion, brave monde,
la venta va …

Legir tot

Aproishatz-ve, brave monde,
Uèi que veni ma vita a tròç.
Hè’vs en davant !
Atencion, brave monde,
la venta va commençar.

Los mens prats que son a véner,
Per un terren de camping.
L’arriu que l’auratz a gratis,
Qu’auratz l’aiga au broquet,
E de la bona, monsur, aiga biologica,
Aiga ecologica.
La mia maison qu’ei a véner,
Cinquante ans a qu’i soi vadut,
Lo pair tanben qu’i ei vadut,
Aquí monsur, ua hèra bèra maison
Dab cinquanta ans de soviers.

Anem ! Los soviers, la maison,
Los prats e lo camping, qui’n vòu ?
Un còp de vent, acèra au hons,
Mercé plan, monsur ; dus còps
A l’esquèrra, tres còps au miei,
Quate còps a la dreta, qu’ei tot ?
Qui ditz mèi ? ad jujat, venut !

La mia estable qu’ei a véner, vacas,
Non i a pas mèi, venudas au mercat,
Monsur, mès los arrestelièrs son solides,
Un restaurant que’n poiratz har.
Un restaurant exotic, un restaurant
Rustic, aqueth restaurant, que va plàser
Au torista.
La mia vinha, dab la recòlta de l’an
Passat, suu mercat, per arren.
Per aqueste temps de crisa, la poiratz
Distilar tà har supèr.
Anem ! La vinha, lo supèr...

Ço que voletz, monsur ? Lo men Hilh ?
Ah, non monsur, lo men hilh
N’ei pas a vene. Qu’ei partit l’an passat,
Monsur, l’armada que’u m’a panat,
Monsur, l’armada que’u m’raubat.
Lo men vielh can qu’ei a vene,
Dètz ans d’amor, dètz ans de libertat,
Dètz ans de fidelitat.
Anem ! qu’in vòu ? Amor, arrès ne’n
Vòu, fidelitat, arrès ne’n vòu ?
Lo men vielh can que pòt crebar...

La pèth de mon cul qu’ei a vene,
E’n voletz ? Pas hèra beròia,
Mès vertadièra, cinquanta ans
De misèria, usclada peu sorelh,
Tè, que’n poiratz har un lampadèra.
Anem ! La pèth de mon cul !
Un còp de vent... Macarèu
Que marcha plan...
Las mias mans, tè que veni las
Mias mans, mans de paisan,
Monsur, mans de tèrra, monsur,
Mans hartas de trabalh, monsur,
Hartas de sorelh, hartas de ploja,
Mans qu’an tribalhat tota la vita
E tà que, monsur ? Mans de vinha,
Mans de blat, mans qui’s sarran,
Monsur, tà maudíser e tà trucar,
tà maudíser e tà trucar...

Jo me’n vau tà la vesina
Per me har garir mon mau
Que m’ordona per medecina
D’i botar un gran …

Legir tot

Jo me’n vau tà la vesina
Per me har garir mon mau
Que m’ordona per medecina
D’i botar un gran de sau
Lo gran de sau
Que m’i hè mau
M’a hèit escòser mon babau

Jo me’n vau tà la vesina
Per me har garir mon mau
Que m’ordona per medecina
D’i botar un artichaut
L’artichaut que
Me lo ten caut
Lo gran de sau
Que m’i hè mau
M’a hèit escòser mon babau

La leituga que
Lo m’eishuga
La caròta
Que lo me fròta
L’artichaut que
Me lo ten caut
Lo gran de sau
Que m’i hè mau

1) Jo me'n vau tà la vesina,
Per m'i har guarir mon mau,
M'i ordona per medicina,
D'i botar un …

Legir tot

1) Jo me'n vau tà la vesina,
Per m'i har guarir mon mau,
M'i ordona per medicina,
D'i botar un gran de sau.

Lo gran de sau que m'i hè mau,
M'a hèit escòser mon babau !

Ah ! Que mon babau m'escòsa !
Ah ! Que mon babau hè mau ! (x2)

2) Jo me'n vau tà la vesina,
Per m'i har guarir mon mau,
M'i ordona per medicina,
D'i botar un artichaut.

L'artichaut que lo me ten caut
Lo gran de sau que m'i hè mau,
M'a hèit escòser mon babau !

Ah ! Que mon babau...

3) … D'i botar ua caròta.
La caròta que lo me fròta,
L'artichaut que lo me ten caut
Lo gran de sau que m'i hè mau,
M'a hèit escòser mon babau !

4) … D'i botar ua leituga.
La leituga que lo m'eishuga,
La caròta que lo me fròta,
L'artichaut que lo me ten caut
Lo gran de sau que m'i hè mau,
M'a hèit escòser mon babau !

Qual vòl sapiere la vida
Del paure carbonièr
Que mena dins la mina
E mai a son panièr
Escotatz en …

Legir tot

Qual vòl sapiere la vida
Del paure carbonièr
Que mena dins la mina
E mai a son panièr
Escotatz en silença
Vos fau la descripcion
De l’ora que comença
E mai de sa racion (bis)

A sièis oras sonadas
Sièis oras del matin
Se finís la dintrada
Lo que i es pas tanpís
I a pas una minuta
De retard per començar
I a las oras entièiras
Quand s’agís d’acabar...

Per dintrar dins la mira
Cambia d’abilhament
Car la negra farina
Lo met tròp degostent
S’en va prestar la vida
A un cable d’alphà
E a la man ardida
D’un inocent gòbà...

Pendent uèch oras trima
Per vendre sa santat
Sa fòrça e sa vista
Son drech d’umanitat
E far de son cadavre
Un èstre de malur
En astiquent lo sabre
De son acaparur...

Al trabalh lo servatge
I remplís l’estomac
Cal que sèga plan sage
E sustot revelhat
Tanpis se de sa vida
Cal qu’i daisse l’entièr
La valor es minima
D’un paure carbonièr...

Se jamai el se blaça
A ne demorar estropiat
I lançan a la faça
Que o a plan cercat
L’invitan a reprene
Lo trabalh quand pòt pas
Se vòl pas se sometre
I dison : « E ben plaijatz ! »...

Al tribunal lo jutge
L’agacha amb mesprés
E i ditz : « Paure bogre
De qu’es aquò que volètz ?
Vos calriá una renta
Per èstre estropiat ?
Vos seriá meritenta
S’aviatz perdut lo cap...

Quand seretz armiari
Cul de jata o manchòt
Poiretz ganhar un salari
En fayent mandigòt
Aniretz de pòrta en pòrta
Emplorar la pietat
La lei es richa e fòrta
Contra l’umanitat...

Aqui de que capita
Lo paure carbonièr
Quand la flor parasita
Vei son sospir darnièr
I negrís la misèra
Per lo recompensar
De la ruda galèra
Qu’el a a suportar...

Ni per versar de larmas
Carbonièr sus ton sòrt
Se prenes pas las armas
Jamai seràs lo fòrt
Bat ton inconsciença
Se vòls poder lutar
Ambe plena consciença
Cor, vai te sindicar...

Tanlèu que trauca un prumièr rai
Maria suèrt son chadieron
Per començar un còp de mai
La revista daus petaçons. …

Legir tot

Tanlèu que trauca un prumièr rai
Maria suèrt son chadieron
Per començar un còp de mai
La revista daus petaçons.

Òm duèrm pus gaire a son atge,
La soletat es un grand lièch.
E los resves, lo pantaissatge
Li fan pus gaire de profièch.

Son òme morit a la guerra
En trente nòu dins lo nòrd;
Saubèt jamai dins quala terra
Lo freg ensobelit son còrs.

Lo dimenc matin per la messa
Trenta Mariàs, totas en negre,
Avesadas per lor tristessa
Tot suau. tot suau se semblan segre.

Lo vièlh curat compta desjà
Trenta mòrts per un maridatge
E pus degun a batejar ...
Crèba de raca ton vilatge.

Esrantelavas dins l’escòla,
Es barracla dempuèi antan,
Vesèm pas mai dròlle que dròlla
Un monde mòrt es sens enfants.

Ta filha que viu a Paris
Dempuèi diètz ans es pas tornada.
Un pitit- filh daus còps t’escriu
Mas t’aurà jamai coneguda.
...
E puèi un jorn te veirern pus.
Lo chadieron laissat au gèu
Nos dirà que ’viás pro viscut
Dins las cartas de guilhanèu.

Te segrà quauque vièlh palhassa
A ta demòra d’oblidança.
Voudriá io sus ta terra grassa
Te cridar mon chant d’esperança.

Onte son-t-ilhs, lo punh levat:
Tots quilhs que son la charn viventa
De ton Peirigòrd condemnat ?
Ont’ es-t-ela la saba ardenta ?

Dind Paris l’a una vielha
Qu’a passat sei uechanta ans
Tant amorosa
Qu’a passat sei uechanta ans
Tant amorosament

La …

Legir tot

Dind Paris l’a una vielha
Qu’a passat sei uechanta ans
Tant amorosa
Qu’a passat sei uechanta ans
Tant amorosament

La vielha se’n vai ai danças
S’asseta pròch’un galant

Li ditz galant, se m’esposes
Ti farai riche marchand

Ieu ne’n preni pas ’na vielha
Que non li ague vist sei dents

La vielha si met’a rire
Li mòstra doas dents davans

Mai l’a una que li branda
L’autra va en cascalhant

Lo galant pòrta la vielha
A la gleia de sant Jan

Anuech li fai beure de blanca
Em’un pauc de garlaban

Se lo diluns se l’a ’sposada
Lo dimars l’enterraràn

N’es pas ce que mi fai pena
Es de portar dòu dos ans

Lo farai portar a la gata
Semblarà’n caramentràn

De l’argent d’aquesta vielha
N’aurai una de quinge ans.

Avèm que tròp dormit, mos fraires ; Aquí la prima e sos aucèls.
Cal far cantar jols nòstres cèls
L'ardorosa …

Legir tot

Avèm que tròp dormit, mos fraires ; Aquí la prima e sos aucèls.
Cal far cantar jols nòstres cèls
L'ardorosa votz dels joglaires.

Cantarem de bòrda en castèl,
Cantarem de vila en vilatge.
E per la filha e pel tmainatge,
E pel jovenòt e pel vièlh.

Cantarem als camps pels lauraires
E pels dalhaires dins los prats.
E pels segaires dins los blats,
Dins las vinhas pels vendemiaires.

E cantarem dins los mercats :
Sus las placetas solelhosas
Las nòstras voses poderosas
Cantaràn los sègles passats.

Aquí la crosada
E Trencavel lo fièr leon,
Los Ramons, Pèire d'Aragon, Fsclarmonda la tant aimada.

Atal, quand tornaràn laurar
La Tèrra nòstra mespresada,
Los fïlhs d'uèi la veiràn sacrada
Pels rèires qu'an sabut l'amar.

Ior cantarem las breçairòlas
E los cants vièlhs qu'an demembrat : Espertarem lo fuòc sacrat
Dins lo gaug de las farandòlas.

Direm tanben los cants novèls.
Los de Perbòsc, rei dels joglaires,
Los d'Estieu, qu'an, embelinaires,
Lo gaubi blos dels cants d'aucèls.

Lor cantarem los vièlhs trobaires.
Lo grand Arnaud, Jaufré Rudèl : '
Tot nòstre tresaur subrebèl L'cscamparem suls camps, joglaires.

A Pibrac i a una vièlha,
Qu’a mai de quatre-vints ans.
Va dins totas las velhadas,
Per i cercar un …

Legir tot

A Pibrac i a una vièlha,
Qu’a mai de quatre-vints ans.
Va dins totas las velhadas,
Per i cercar un galant.

Refranh
Aò ! la vièlha ! ò ! la vièlha !
Que crei n’aver que vint ans.

Ela n’es dintrad’en dança,
Dins la ronda dels fringants.
Causís per la contra-dança,
Le gojat le pus charmant.

Ela li ditz a l’aurelha
« Escota me mon enfant,
Io te pagarai botelha.
Se me maridas d’ongan ! »

« Pas amb tu paura vièlha
Quand auriàtz vint-mila francs
N’ai cent mila dins ma borsa,
Dins mon còfre n’ai autant »

« Se n’as tant dins ta borseta,
Podriàm veser... dins un an !
Dins un an ! çò ditz la vièlha,
Nos maridarem doman ! »

Adonc al notari manda,
De portar de papièr blanc.
Lo diluns l’an fiançada,
Lo dimarç la maridam.

Lo dimècres l’a batuda,
Lo dijòus se n’ vai plorant.
Lo divendres èra morta !
Lo dissabte l’enterram.

Lo dimenge la novena,
Lo diluns lo cap de l’an.
Quand dorbiron la casseta,
N’i trobèron... tres pèls blancs.

A Pibrac i a una vièlha qu'a mai de quatre-vints ans
Va dins totas las velhadas per i cercar un …

Legir tot

A Pibrac i a una vièlha qu'a mai de quatre-vints ans
Va dins totas las velhadas per i cercar un galant

Aà! La vièlha (bis), que crei n'aver que vint ans

Ela n'es dintrada en dança, dins la ronda dels frigants
Causís per la contra-dança le gojat le pus charmant

Ela li ditz a l'aurelha : « Escota me mon enfant,
lo te pagarai botelha, se me maridas d'ongan !»

« Pas ambe tu paura vièlha ! Quand auriatz vint mila francs !
N'ai cent mila dins ma borsa, dins mon còfre n'ai autant ! »

« Se n'as tant dins ta borseta, podriàm veser... dins un an !
Dins un an ! Çò ditz la vièlha, Nos maridarem doman !»

Adonc al notari manda de portar de papièr blanc
Le diluns l'an fiançada, le dimarç la maridam.

Le dimècres l'a batuda, le dijòus s'en vai plorant.
Le divendres èra mòrta! le dissabte l'enterram.

Le dimenge la novena, le diluns, le cap de l'an.
Quand dorbiren la casseta, n'i trobèren... tres pèls blancs !

Autres còps, una tropelada
De petits nenets bien desgordits
S’escampavan tota la jornada
Dins lo petit prat del jardin.
A …

Legir tot

Autres còps, una tropelada
De petits nenets bien desgordits
S’escampavan tota la jornada
Dins lo petit prat del jardin.
A l’entorn de la grande taula,
Era nombrosa la familha
Quand los dròlles de chas la Graula
Veniàn far dançar las dròllas.
En aquel temps lo paisan
Podià viure de sa tèrra.
N’èra pas riche mas sos enfants
N’aviàn pas paur de la misèria.
Al solelh, la vinha grimpava
En drecha regas peus cairons
Un còp per an, lo vin pagava
Bien son temps al vinhairon.
Coma una pèsta, una annada
La vinha, an degut l’arrachar.
La bona térra era malauda
S’i botèt lo filoxerà.
La maion, l’an abandonada
I a pus de vin en Peiregord.
Te cal manlevar dins las vilas
De que esperar la mòrt.
Rèsta màs la maison pincada.
Son partits. I a pus de paisans.
Coma un vièlh chen, monta la garda
Sus lo passat, sa vita d’antan.
T’an daissada, paura vielha roina.
Dumpuei aquel temps, Peiregord
Se’n vai cada jorn dins las vilas.
Te cal pas purar sus son sòrt.
Ai apres diumenc a Sarlat
Que la roina èra venduda.
Un conh de torista a crompat
La maion de la garriçada.
Vòl tornar montar la teulada
En teules plates, quò’s mins car.
Dins la piscina que vòl crusar
Lo bronza-cuol tota l’annada.

Dins lo desert de sa pensada
Sapt ela que quò's lo solelh
Que raia adara, o lo calelh
Quand sus …

Legir tot

Dins lo desert de sa pensada
Sapt ela que quò's lo solelh
Que raia adara, o lo calelh
Quand sus son banc reiva assetada
Quò's aquí que s'apren a morir
Lus elhs clucats sens esperança
Garda-t-ela la remembrança
De dins son temps d'aver sorit.

Se parla quò's un riga-raga
Que monta de son gorjarel
Coma un bruch teune de rausel
Que s'escotissan vent e vaga
E mai que mai sembla escotar
E si lo cap branlant remuda
Sa pota demora pus muda
Que se jamai n'aviá cantat

Ne tomba pus cap de grumilha
Sap punt lo dol, sap punt l'amor
Sap nonmas viure al jorn lo jorn
Perque la granda sòm l'aguilha.
E puei quand torna lo printemps
se sovent pus que sus la tèrra
I a dels potons d'amor enquera
E pertant aimet dins son temps...

Drin en delà deu caminau
La vielha usina que plora suu passat,
Dab los sons carrèus estelats
Peus mainats a …

Legir tot

Drin en delà deu caminau
La vielha usina que plora suu passat,
Dab los sons carrèus estelats
Peus mainats a còps de calhaus.
E lo resson
Deu motor
Deus camions
Que vien trucà’s
Suu mur negrós,
A contunhar,
Shens desvelhar
Lo huec deus horns.

Quan passa aquiu, en espiant
Çò qui estó lo lòc deu son tribalh,
Qu’ei saunegiu lo praube Joan :
Que sap non cau pas tròp pensà’i…
Qu’avè
Tanben
L’ideia, un dia, de
Totun poder
Mià’i lo hilh
E deu véder
Dens lo talhèr
Vestit d’obrèr.

Mes com l’aigueta de l’arriu
Ei uei a noste e doman en la mar,
Lo tribalh ací qu’ei hueitiu.
Tant per tant vienut que se’n va.
E quan
Lo Joan
Passa, lo pas soant
Suu vielh camin,
Be’s hè mau sang
En bèth pensant
A l’avenir
Deu son hilh gran.

Drin en delà deu caminau
La vielha usina a còps que sembla viva ;
E los plaps negres au portau
Que’u hèn com ua cara esmalida.
E dens
Lo vent
Corrent suu bastiment
Lo Joan, sovent,
Que ditz qu’enten
Un broniment
Qui va creishent :

Qui sap d’on vient ?

La vièlhòta

Se sieguèt la paura vièlha sus la pòrta de l'ostal
Carguèt vite las lunetas e comencèt son trabalh …

Legir tot

La vièlhòta

Se sieguèt la paura vièlha sus la pòrta de l'ostal
Carguèt vite las lunetas e comencèt son trabalh
Triava de favas gròssas dins un topin descoetat
E sabetz se despachava mas dejà se fasiá tard
Los pastres anèron claure doçament al campanal
Lo clergue sonèt l'angelus, la vièlha levèt lo cap
Pausèt lo topin per tèrra coma s'anava senhar
Vegèt la mòrt davant èla
Poguèt pas doblar lo braç ...

La mòrt portava la dalha, l'agusava amb una cot
Amb una cot tota negra e disiá pas cap de mot
La vièlhòta la fintava tota freja de susor
Mas davant de far las telas,
Se plorèt coma un nenon
E cridèt d'una votz rauca,
Se me daissavetz un jorn
Las semenariái las favas
Se me daissavetz un jorn ...

Criclèt aquò la vièlhòta dison totes los pepins
Cridèt aquò la vièlhòta dison totes los nenins
E se me voletz pas creire,
Vos prendran dins lo jardin
Lo jorn que las favas gròssas
Acabaran de florir
E veiretz sus las flors blancas que lo rosal fa lusir
Una paura tèca nègra pintrada aquí pel bon dieu
Es lo dòl de la vièlhòta que las favas del país
Cada an pòrtan pietadosas, diretz un De profundis

La vierge s’es acouchado
Eici dins un paure lioc,
Es quasi touto gelado
Sèns flassado, sènso fioc.

S’anan vèire Jèsus-Crist, …

Legir tot

La vierge s’es acouchado
Eici dins un paure lioc,
Es quasi touto gelado
Sèns flassado, sènso fioc.

S’anan vèire Jèsus-Crist,
Que trambloto dins l’estable
S’anan vèire Jèsus-Crist,
Nous dounara paradis.

Or, sus, Claude, moun boun fraire
Nous ié fau tóutis ana,
Fau prega Diéu e sa maire,
Puis la fau felicita.

Fau veni, ma maire, vite,
Thoumas, nostre bon vesin
Amai compaire Dorite,
E Marfau, nostre bon chin

Jèsus n’a qu’un pau de palho
Pèr teni sous soun cabès ;
Estrai uno bono toalho
Pèr li faire de drapes.

La Vierge Maria a fa l’Enfant
Li pastors van l’adorant
Chascun quauquaren li dona
Dòna Peirotona, Dòna Peirotona,
ieu vau …

Legir tot

La Vierge Maria a fa l’Enfant
Li pastors van l’adorant
Chascun quauquaren li dona
Dòna Peirotona, Dòna Peirotona,
ieu vau faire una corona
de bella façon per lo beu garçon

Dieu dòu ceu nos l’a vorgut donar
E puei l’a recomandat
A sa maire doça e bona

Son marit Jòusé, sage e leiau
Es totjorn aupres dòu joiau
E pren garda a sa persona

La premiera nuech com’eu nasquet
Claretat granda i aguet
Lo ceu si torchas raiona

De tota la nuech lo beu pichòt
N’aguet ni calor ni fiòc
Qu’aqueu que la palha dona

E per tots meinatges bòns e beus
Non s’atrobet qu’un drapeu
Dont sa maire l’environa

Aro chascun dona au petit fis
Qui un drap, qui un tapis
Enfin chascun fai sa dona

N’es pas la reson que ten eici
chascun deu donar per si
Portatz li quauquas cotonas

Tots nòstri vesins van lo trobar
Cadun a-chà l’un l’ie va
Qui a d’estruments li sona

Anem donc tots joiosament
Ço qu’aurem li donarem
Anem, leu, dòna Peirona!

La vila, chica-chaca! Dobrís los contravents.
Los èlhs enfafarnats badant al jorn venent
se fan traucar de lutz.
Las lengas …

Legir tot

La vila, chica-chaca! Dobrís los contravents.
Los èlhs enfafarnats badant al jorn venent
se fan traucar de lutz.
Las lengas empegadas bufan d'aire pudent de sas bocas de nèit.

E la mar alenava.

La vila zinga-zanga! Son metal refrenís.
Los carris rodassejan, rasclant lo vent marin. La benzina bolhís.
Lo quitran n'a embeugut lo negre de la nèit. La luna s'enfugís.

E la mar alenava.

La vila chifra, charra, fasent lusir lo zinc.
Goteta de cafè dins lo lum dal culhièr. Lo blanc fons dins lo negre
e las lengas amaras e las lengas sucradas blagan dempuèi totjorn.

E la mar alenava.

La vila pica-pacha ! Fa claronar l'argent.
Tindarà pas tant fort coma brama lo cèrs, coma plora lo còr.
Jos la tòla e la tela, en aval de Robina s’amaga la misèra.

E la mar alenava.

A la vila de Pau
A bèths còps en abòr
Quan ei temps de vrenhar
A l’entorn deu parçan
La …

Legir tot

A la vila de Pau
A bèths còps en abòr
Quan ei temps de vrenhar
A l’entorn deu parçan
La lutz qu’ei tant daurada dins lo cèu de Pau
Diserés que lo só
Qu’a bevut Jurançon

A la vila de Pau
Que i a lo Gave valent
Qui lampoina l’estiu
E l’ivèrn trabatent
E dins lo briu de l’aiga quan passas lo pont
Diserés lo resson
De las cantas d’amont

A la vila de Pau
Que i a lo gran baloard
Que blueja l’Aussau
Darrèr los costalats
Que i a lausa que vad vriuleta lo ser
Sus lo teit deu castèth
De la vila de Pau

A la vila de Pau
Sus lo gran marcadau
Que i a monde hardits
Paisans esberits
E lo bonet suu cap que batalan atau
Que s’i parla biarnés
A la vila de Pau

A la vila de Pau
Que i a la Plaça Rejau
Pr’amor deu rei paulin
Que se’n creden un drin
Margalida la reina qu’us a capvirats
Que n’an drin de fadèr
E drin d’orgulhosèr

A la vila de Pau
Que m’èi tot desbrombat
Tant per tant l’èi aimat
Tant per tant desaimat
E despuish ne poish pas ne sèi pas mei plorar
E adara que plau
Sus la vila de Pau

Diga Janeta se voles jogar
se voles jogar de la gitareta
Diga Janeta se voles jogar
se voles jogar de …

Legir tot

Diga Janeta se voles jogar
se voles jogar de la gitareta
Diga Janeta se voles jogar
se voles jogar de la gitara
gitar- gitar- gitareta
gitar- gitar- gitara
gitar- gitar- gitarèta
gitar- gitar- gitara

Diga Janeta se voles jogar
se voles jogar de la violoneta
Diga Janeta se voles jogar
se voles jogar de la violona
violon- violon- violoneta
violon- violon- violona
violon- violon- violonèta
violon- violon- violona

Diga Janeta se voles jogar
se voles jogar de la mandoleta
Diga Janeta se voles jogar
se voles jogar de la mandola
mandol- mandol- mandoleta
mandol- mandol- mandola
mandol- mandol- mandolèta
mandol- mandol- mandola

Diga Janeta se voles jogar
se voles jogar de la accordeoneta
Diga Janeta se voles jogar
se voles jogar de l’ accordeona
accordeon- accordeon- accordeoneta
accordeon- accordeon- accordeona
accordeon- accordeon- accordeonèta
accordeon- accordeon- accordeona

E venètz drollòtas
Que lèu s’acaba la vòta
E venètz drollons
Qu’anam dançar la Viron...

E tornem i far
D’aqueste …

Legir tot

E venètz drollòtas
Que lèu s’acaba la vòta
E venètz drollons
Qu’anam dançar la Viron...

E tornem i far
D’aqueste aire d’aqueste aire
E tornem i far
D’aqueste aire que va plan.

E tornem dançar
Aqueste aire vironaire
E tornem dançar
Aqueste aire que va plan...

La voliái biquí biquí bicar* la Montpelhièira
La voliái biquí biquí bicar ela voliá pas (bis)
I sautèri dessús e …

Legir tot

La voliái biquí biquí bicar* la Montpelhièira
La voliái biquí biquí bicar ela voliá pas (bis)
I sautèri dessús e me fotèt per tèrra

Me voliá biquí biquí bicar la Montpelhièira
Me voliá biquí biquí bicar ieu voliài pas
Me sautèt dessús la fotèri per tèrra
E tornèt montar e me daissèri far (bis)

Avem pàs agut lo temps de fàr la vota
Avem pàs agut lo temps de festejàr.
I avia totjorn quicom …

Legir tot

Avem pàs agut lo temps de fàr la vota
Avem pàs agut lo temps de festejàr.
I avia totjorn quicom
Que l'i venia davant :

D'un costat, nos voliam prener lo Larzàc,
E de l'àutre, volian negàr Naussàc ;

Avem pàs...

D'un costat fasian lo Pàrc de las Cevenas,
E de l'autre, un'autorout'europeena...

Avem pàs...

D'un costat, nos fasian crevàr lo païs,
E de l'autre lo vendian al torist ;
Més un jorn, aurèm lo temps de fàr la vota...

La-baish a l’arribèra, la-baish a l’arribèra (bis)
Que i a un prat a dalhar,
Dondèna lanlèra
Que i a un …

Legir tot

La-baish a l’arribèra, la-baish a l’arribèra (bis)
Que i a un prat a dalhar,
Dondèna lanlèra
Que i a un prat a dalhar
Dondèna lanla..

I avè tres joens dalhaires, I avè tres joens dalhaires (bis)
Qui l’an pres a dalhar,
Dondèna lanlèra…

I avè tres joenas filhas
Qui l’an pres a hejar.

La mei joena qui i èra
Se’n va cercar lo disnar.

Digatz, digatz, dalhaires,
On voletz lo disnar ?

La-baish n’ aquesta ombreta,
A l’ombreta de l’aubar.

Lo mei joenon qui i èra
Non podè pas disnar.

Digatz, digatz, dalhaire,
Perqué non voletz disnar ?

L’amor, l’amor tant bèra,
Que m’empècha de disnar.

La-bash, la-bash, au camp barat,
Que i a 'n aure florit, granat
Deridèta la lonladèra
Que i a 'n aure …

Legir tot

La-bash, la-bash, au camp barat,
Que i a 'n aure florit, granat
Deridèta la lonladèra
Que i a 'n aure florit, granat
Deridèta la e ladondon.

Que i a 'n aure florit, granat,
N'i a 'n aucelon que cant' au cap,
Deridèta la,

N'i a 'n aucelon que cant' au cap,
Praquí passa un joen monsur,

Praquí passa un joen monsur,
Còp de fusilh que n'a tirat,

Còp de fusilh que n'a tirat,
Tres gòt' de sang que n'a versat,

Tres gòt' de sang que n'a versat,
Tres molins d'aig n'a engorjat,

Tres molins d'aig n'a engorjat,
La un de milh, l'autre de blat,

La un de milh, l'autre de blat,
L'aut' de gojatas e gojats.

Aro fau resista per lou dre d’eissista
s’escapa de si vio Vio senso eissido
trouba lou boun camin aquel de …

Legir tot

Aro fau resista per lou dre d’eissista
s’escapa de si vio Vio senso eissido
trouba lou boun camin aquel de la respelido
e din un fres fremin passen per la draio escarido

Evita touti li leco dou gran laberinte
noun se leissa bressa per soun eissado finte

Evoulun de cop qu’es dur
encoro mai sies pas madur
prenes li marrido marcho
faron de tu qu’uno gacho
se trouvon a si goust
te prendron a reboust

Desvaria trantaie a l’oumbro de mi doutanço
dison que pantaie oubliden ma maluranço
mau-grat m’adraie tenen lou fiéu d’Ariano
mai ounte d’un pas avance vese baneja li bano

A bout d’alen lou cors en susour
vai ilougicamen entre-vese uno lusour
uno boufaduro d’auro fresco
fin que l’esperit s’alisco

Aqueu d’aqui aqueu aia
França Italia n’en vuoli pa
vota choisi non lo puodes pa
sieu pas rich, sieu pas …

Legir tot

Aqueu d’aqui aqueu aia
França Italia n’en vuoli pa
vota choisi non lo puodes pa
sieu pas rich, sieu pas noble
Sieu pas borgues, sieu pas Frances
sieu Pescaire sieu Montanhe sieu Paisan sieu pa Italian
ai una storia ai un destin
cora pensi au mieu pais lo veii sensa tutela
cora pensi au mieu pais lo veii independent

Indépendant de quoi en dépendant de qui,
Indépendant de qui en dépendant de quoi,
Indépendant de vie dépend de notre choix
Nice la belle vie des fois si loin de moi,
Indépendant de quoi en dépendant de qui,
Nous dépendons de qui en dépendant de quoi
Indépendant de vie dépend de notre choix
Nice la belle vie des fois si loin de moi.