Every Monday,
Every Tuesday,
Every Wednesday,
Every Thursday,
Every Friday,
Every day is a bad day!
Every day is a …

Legir tot

Every Monday,
Every Tuesday,
Every Wednesday,
Every Thursday,
Every Friday,
Every day is a bad day!
Every day is a hard day!

Urosament
Qu’avèm la dimenchada,
Luenh dau trabalh,
Au reiaume dau bòn temps,
Sensa chifrar
e sensa pensament !

Urosament
Vendrà la dimenchada,
Luenh dau trimar,
Anarem festejar,
Se ne’n batent
d’acabar tot fracàs !

Urosament
Vaquí la dimenchada,
Luenh dau pegin,
Totei dos calinhant,
Segurament,
serai tardier deman !

Quand la tête te fait mal, que tu sens un malaise en toi,
Il faut lâcher prise, décontracte-toi !
Quand …

Legir tot

Quand la tête te fait mal, que tu sens un malaise en toi,
Il faut lâcher prise, décontracte-toi !
Quand la tête te fait mal et que ça craint autour de toi,
Il faut lâcher prise, allez calme-toi !

Lâcher prise ne veut pas dire relâcher son attention
Lâcher prise, en d’autres termes, c’est refuser la pression
L’itinéraire d’une fille, l’itinéraire d’un garçon
Ne sauraient s’accommoder d’obligations, d’interdictions
Les certificats, les brevets, tous les diplômes avec mention
À eux seuls ne suffisent pas à former les générations
Etre à l’affût des sensations, être à l’affût des vibrations
Le savoir qui mène au pouvoir, entre les deux il y a l’action.

Le centralisme nous les brise, il faut lâcher prise
Partout on nous parle de crise, il faut lâcher prise
Le commerce et la loi du biz, il faut lâcher prise
Les infos et les analyses, il faut lâcher prise
La peur qui nous paralyse, il faut lâcher prise
Tous les discours qui nous défrisent, il faut lâcher prise
Les bien-pensants qui interdisent, il faut lâcher prise
Les gouvernants qui nous méprisent, il faut lâcher prise…

Ce qu’on appelle le système ou encore la société
Est un drôle de phénomène qu’il faut interpréter
Il faut y prendre de la peine, en saisir la complexité
Surtout pas rester à la traîne sinon tu te fais éjecter
L’ignorance est un grand danger, c’est comme aller les yeux fermés
Dans la danse le Papet est là pour te le rappeler
Au quotidien tu dois trouver l’information et discerner
Où est le mal, où est le bien, ce qui est faux, ce qui est vrai.

Prenètz lo bòn temps collèga
Prenètz lo tant que l’avètz
Quora serètz dins la panada
Lo bòn temps vos passarà
Lo pegin es una pesta
Lo vòli jamai pescar
Aquò m’es montat a la testa
E mai ne’n davalarà pas.

Les affaires qui scandalisent, il faut lâcher prise
Pas de gâteau sous la cerise, il faut lâcher prise
Les financiers qui vampirisent, il faut lâcher prise
La police qui verbalise, il faut lâcher prise
Ces fadas qui balkanisent, il faut lâcher prise
Le progrès qui nous spécialise, il faut lâcher prise
La violence et la bêtise, il faut lâcher prise
Avant que l’on soit dans la mouise …

Lagenaria,
Cal’bass’ Don Cristobal
Mama cucurbita
Citrulus Guanahani
La nina, la pinta, La Santa Maria
Suur la mar
Et lo …

Legir tot

Lagenaria,
Cal’bass’ Don Cristobal
Mama cucurbita
Citrulus Guanahani
La nina, la pinta, La Santa Maria
Suur la mar
Et lo Marco Polo, marcandedjador
Suus la mar
E tota la terra, e lo troc
Suur tota la terra
Aquì, civilisacion de per lo monde
Colonisacion per lenga asclada
Expropriacion dinc a la grana
Dinc a vos
Dinc a nos
Los trangenicats

La nuech que cala,
un chan que plora
mi que te penso.
Siu da solet.
pas de montanha,
pas de …

Legir tot

La nuech que cala,
un chan que plora
mi que te penso.
Siu da solet.
pas de montanha,
pas de solelh,
tu entè sies ?
Te trobarei...

Mi sença ela sio coma un paure chan sença pan
Mi sença ela sio coma un arbol vert sença fuelhas
Mi sença ela sio coma en bonomas sença botelha
Mi sença ela me sento viure enca’

E m’as laissat
un jorn que fiocava.
Mas tu que vòs
da un paure choc ?
Eiro fai vent
lo còr que piòu
laiseme pus...
mas que tai fach ?

Mi sença ela sio coma un paure chan sença pan
Mi sença ela sio coma un arbol vert sença fuelhas
Mi sença ela sio coma en bonomas sença botelha
Mi sença ela me sento viure enca’

Chaminarei vers lo solelh
Te trobarei ent’aquel prat de flors.
Sies tu que vei, lo còr te bramà,
laiseme pus
sies tu que amo !

Mi sença ela sio coma un paure chan sença pan
Mi sença ela sio coma un arbol vert sença fuelhas
Mi sença ela sio coma en bonomas sença botelha
Mi sença ela me sento viure enca’

Laissa me te contar
la prima en Barcelona
quand lo sorire nais
al canton de l'espèr
quand sus cada paret …

Legir tot

Laissa me te contar
la prima en Barcelona
quand lo sorire nais
al canton de l'espèr
quand sus cada paret
aprenon la paraula
quand la jòia espelís
un pauc mai cada sèr.

Laissa me te contar
aquel vièlh sus la plaça
trampalejava un pauc
en dançant la sardana,
portava sus lo pitre
lo drapèu de son pòble,
lo drapèu maudich
tan de temps amagat.

Sabi que me diràs
ta vergonha impotenta
quand avèm vist l'enfant
colcat sul trepador,
me diràs qu'avèm pas
lo drech de doblidar
me diràs que per èles
lo camin serà long.

Laissa me...

Laissa me te contar
la prima en Barcelona
e la mòrt de l'ivèrn
e la doçor de l'èr,
auràn lo temps enfin
de dire lo bonur,
auràn lo temps enfin
de dire la tendresa.

Mas laissa me te dire
la prima en Barcelona
aprenon cada jorn
a tuar lo silenci
a fòrça de dolor
e de mans escorgadas,
a fòrça de desir
a fòrça de remembres.

Tòrna lo balèti dei raggàs,
Li farem dansar lei polidas,
Per lo jòi e per lo trobar
Laissa nos passar …

Legir tot

Tòrna lo balèti dei raggàs,
Li farem dansar lei polidas,
Per lo jòi e per lo trobar
Laissa nos passar !
Dei musicas e deis estrambòrds,
Leis istòrias de toei lei pòrts,
Per cantar siam totjorn d’acòrd
Laissa nos passar !

Dins la plaça,
Jamai lassa,
Va la bassa
Sensa trantalhar.
Dins la tèsta,
La vòtz lèsta
Ditz la vida
Sensa predicar.
Dins la plaça,
Ges de cassa,
Leis estraças
Aqui ne’n volèm pas.
Dins la tèsta,
Ges de pèsta
Laissa nos passar !

Tòrna lo festin dei fracàs,
Li farem petar lei botilhas,
Per l’estile e per lo trobar
Laissa nos passar !
Dedins lo pintaç fa de fum,
Aicí si crama l’amarum,
Nos volèm curar dau tristum
Laissa nos passar !

Tòrna la fèsta dei fadats,
Fòra jitarem lei bordilhas,
Lei gelós, lei morre-fardats,
Laissa nos passar.
Dins lo òai, sensa pensament,
Enflamats per lo batament,
Filam devèrs lo firmament,
Laissa nos passar !

Sens onestetat i a pas de dignitat
ba cresi pas.
Sens fraternitat i a pas de libertat
que nani pas. …

Legir tot

Sens onestetat i a pas de dignitat
ba cresi pas.
Sens fraternitat i a pas de libertat
que nani pas.


Sens onestetat i a pas de dignitat
ba cresi pas.
Sens fraternitat i a pas de libertat
que nani pas.



Lo que ven cobés,
que ven cobés e pretenciós,
posca seca vendrà a son torn,
posca seca vendrà a son torn
Lo que ven cobés,
que ven cobés e pretenciós,
cada cop que monta li cal davalar.
Es cadun son torn

L A N D e O
E mai N fa Landon
C A N C e O
E mai N …

Legir tot

L A N D e O
E mai N fa Landon
C A N C e O
E mai N fa cançon.

Vos vòli cantar l’istòria
De Landon lo cançonièr
Que nasquèt dins una bòria
Al país d’Occitaniè
Aquò n’es pas una pròia
Ieu soi pas un messorguièr.

Se coneguèt pas la glòria
Dins lo temps que el viviè
Demòra dins las memòrias
Coma un famós cançonièr
Amont pels Monts de La Cauna
Entre Vabre e Labessoniè.

En mila uèit cent seissanta
Venguèt al mond sens aurièr
Ie disián Armand de Landas
De pel seu nom vertadièr
D’una expletacion pro granda
Foguèt un dels eretièrs.

Per çò qu’es de virar la tèrra
Non presava lo mestièr
E tota la vida entièira
Foguèt amic amb Bosiguièr
Pels travèrses de Vialèlas
Faguèt un piètre boratièr.

Nonanta dos s’acabava
Quand prenguèt una molhièr
Sortida de la Rasigada
Que i donèt dos enfantets
Valeria foguèt l’ainada
E Edmond lo pus tardièr.

Lèu aprèp sas esposalhas
Diguèt : "Adiu la companiè
N’ai pro de dintrar la palha
Vòli venir cançonièr !"
Saquèt al diable la dalha
De tant que vesiá tot planièr.

"Ara vòli far lo poeta
Fins al meu badalh darrièr
Amai un jorn serai profeta
Per la glòria dels davancièrs."
Mas degalhèt sa borieta
Per pagar sas fantasiés.

Un còp dins una velhada
Amont a la Gringariè
Aparièt d’una tirada
Cent vèrs per un carretièr
Qu’aviá facha sa risada
Del saupre far del cançonièr...

Un jorn qu’anava a Vabre
Per cantar dins un cafè
Vegèt un carre fumaire
Que veniá a l’endarrièr
Corriá sens muòl ni sens vaca
Sens prodèl ni limonièr.

Curiós seguiguèt la linha
De montanhas en combets
Dins lo fum de las maquinas
En comptent ponts e pilièrs
Dins lo vent plegant l’esquina
E ne traguèt sos coplets.

Quand Armand quitèt la vida
Pel paradís dels cançonièrs
Coneguèt una fin marrida
Dins lo mesprés, la malautiè
Mas son òbra es pas partida
Dins lo trauc del desbrembièr

La seguida d’aquela istòria
Merita tanben un verset
Armand Landas aviá un dròlle
Finaud coma Joan coconièr
Mas per çò qu’es de la memòria
El n’aviá pas son parièr.

El corrissiá de tot caire
Per quistar lo seu crostet
"Papa las fa e ieu las canti"
Es totjorn çò que disiè
Aital la votz de son paire
Agèt pas besonh de papièr.

D’uèi s’anatz en passejada
Al dessús de Labessoniè
Poiretz seguir las pesadas
De Landon lo cançonièr
Qu’es vengut un bocin l’arma
D’aquel coet d’Occitaniè.

Me síu trobat una sera a l’òste d’mon pais
Una vielha tota niera butava lo pastis

"Escota bel jove ço …

Legir tot

Me síu trobat una sera a l’òste d’mon pais
Una vielha tota niera butava lo pastis

"Escota bel jove ço que te ditz lo vielh
L’estòria d’un bandit d’questa valada ici
Escota bel jove ço que te ditz lo vielh
L’estòria d’un bandit d’questa valada ici
Un viatge enté ma vila calat Napoleon
massava les jalinas brusava les maisons
La gent s’escapava, ma n’el peiras tirava
e abó lo síu fiondon i a rot ben ben i colhons
Cinc-cents n’a massat mas paur n’aviá pas
e quora l’an chapat ent’la palha s’es estremat".

"Mi n’en foto pas mal de lòn que tu m’as dich
L’estòria la sai pro e lo bandit síu mi !
la borsa, i sòut !" criava aquel bandit
n’a massat cinc-cents e mai a tuat decò mi !
la borsa, i sòut !" criava aquel bandit
n’a massat cinc-cents e mai a tuat decò mi !

Lapinon que s’a minjat un caulet,
Quina hartèra, quina hartèra !
Lapinon que s’a minjat un caulet,
Au verdurèr se …

Legir tot

Lapinon que s’a minjat un caulet,
Quina hartèra, quina hartèra !
Lapinon que s’a minjat un caulet,
Au verdurèr se l’a minjat solet.

Quan son tornats lo mèste e lo vailet,
Quina arridèra, quina arridèra,
Quan son tornats lo mèste e lo vailet,
S’ei escapat a sauts e culhevets.

Lar –guesa
Doctorz trobadorz
Lar-guesa
Lo flow blós generós

Embugats de breakbeat tre lo breç
En quista de paratge d’amor …

Legir tot

Lar –guesa
Doctorz trobadorz
Lar-guesa
Lo flow blós generós

Embugats de breakbeat tre lo breç
En quista de paratge d’amor e de pretz
Avèm lei valors que nos an transmés
Iam, Ventadorn, A Tribe Called Quest.
Generós quand s’agís de serada
Lo flow blós e la bassa ben crada
Sus lo son tant de rimas escampadas
Jamai pron non jamai non s’acaba !
Fèm nòstra rota sensa reglas
Luenh de la sopa dei radiòs rassegas
Primiera escota e lo tèxte te pega
Laissi la cobla per mon collèga..

Dona mi lo mic que fagui cremar lo beat
Qy mpc manda mi lo riddim
De textes n'avèm fòrça, de bònei vibraciens
Aquí per lo posse, lei que suivan qu'aiman ben
Coma au liech émé lei dònas reçaupi ce que doni,
Leve la man pichòt leve la man pichona
MC, despuèi lo temps que siam hip hop
Lo beat ven de Paris e traversa l'epòca
Ges de stress, ges d'engarça, ges de vex dins la plaça
Sas qu'avèm la receta per faire jompar lei mastras
Lo pintaç alucat, lo rhum cola a versa
Definicien moderna de larguesa.

Repic

Defòra los geloses qu'an per regla cobeitatz !
Talham lo pastisson venètz aqui, dintratz !
Setatz vos a la taula dels chivaliers doctors,
Que vos anam offrir, en modestes ensenhadors,
Lo tast de fin'amor e la jòia dau trobar,
Paratge la valor que nos a far cantar,
Partajar escambiar micrò o punt de vista
Aqui ges conòs pas cap de vida trista
T'abadalham la pòrta dins una lenga d'esteta
Dins lo ghetto blaster de musica dels States
Mesclaires de cultura sensa gés de vergonha
Posam a la Cieutat a Nòva Iòrk o Langonha

Tal un festin de carnaval en la comunidad
Apthapi grande pa festejar la unidad
Soy un preste con mucha creatividad
Mi alsa se viste de musicalidad
Rica parillada y ron sabroso
Reggae de regalo con bajo grasoso
Por ti Familia seré el mozo
Toma un Tragito y baila in reposo
Acullicu del mic toda la noche
Fabrica de rap sin nigun soroche
En el monte en el mar en cualquier instante
Prestigio del dar del mc pasante.

Repic

Lar –guesa
Doctorz trobadorz
Lar-guesa
Lo flow blós generós

Embugats de breakbeat tre lo breç
En quista de paratge d’amor …

Legir tot

Lar –guesa
Doctorz trobadorz
Lar-guesa
Lo flow blós generós

Embugats de breakbeat tre lo breç
En quista de paratge d’amor e de pretz
Avèm lei valors que nos an transmés
Iam, Ventadorn, A Tribe Called Quest.
Generós quand s’agís de serada
Lo flow blós e la bassa ben crada
Sus lo son tant de rimas escampadas
Jamai pron non jamai non s’acaba !
Fèm nòstra rota sensa reglas
Luenh de la sopa dei radiòs rassegas
Primiera escota e lo tèxte te pega
Laissi la cobla per mon collèga..

Dona mi lo mic que fagui cremar lo beat
Qy mpc manda mi lo riddim
De textes n'avèm fòrça, de bònei vibraciens
Aquí per lo posse, lei que suivan qu'aiman ben
Coma au liech émé lei dònas reçaupi ce que doni,
Leve la man pichòt leve la man pichona
MC, despuèi lo temps que siam hip hop
Lo beat ven de Paris e traversa l'epòca
Ges de stress, ges d'engarça, ges de vex dins la plaça
Sas qu'avèm la receta per faire jompar lei mastras
Lo pintaç alucat, lo rhum cola a versa
Definicien moderna de larguesa.

Repic

Defòra los geloses qu'an per regla cobeitatz !
Talham lo pastisson venètz aqui, dintratz !
Setatz vos a la taula dels chivaliers doctors,
Que vos anam offrir, en modestes ensenhadors,
Lo tast de fin'amor e la jòia dau trobar,
Paratge la valor que nos a far cantar,
Partajar escambiar micrò o punt de vista
Aqui ges conòs pas cap de vida trista
T'abadalham la pòrta dins una lenga d'esteta
Dins lo ghetto blaster de musica dels States
Mesclaires de cultura sensa gés de vergonha
Posam a la Cieutat a Nòva Iòrk o Langonha

Un, dos, tres, mi vaqui bravei doctors,
Lo trobar a lo bolh, lo Moussu es de retorn,
« Sens » e « prètz » e « larguesa » e « valor »,
Segur te'n farai veire de totei lei colors !
Lest per aimar, cramar, s'apassionar,
Sensa carcular: tenir e mi donar,
La vida es corteta, perdi pas mon temps,
Leis òrs ò la glòri duran pas longtemps,
Manda lo fuec! Caufa lo liech !
Per son gent còrs vau banhar la camiá !
Va li joglar, pòrta li l'estrambòrd,
Larguesa, larguesa ! E que corre lo sòrt !

Avançam sus la dralha e siam dins lo vent,
Vaquí lo país neblat de mèstre Alberada,
Quand mon vèrs varalha …

Legir tot

Avançam sus la dralha e siam dins lo vent,
Vaquí lo país neblat de mèstre Alberada,
Quand mon vèrs varalha cèrca dins lo temps
Los causses pertusats, lo país de las fedas.
Tèrra de auturas, las revolucions,
Vira la ròda sul platèu desplegat,
Cantam amassa e sensa fin la cançon,
Las talvèras dau monde, sorgents destapats.
Los militaris an perdut la batalha,
Lo causse nos parla de la lucha de venir,
E brutlam au solèu, fuòc de palha,
Nau das fòus, bastiment desglesit.
Larzac es una mar, l’ocean dei secaresas,
Atraversat per leis aigas esmarradas,
Larzac es lo silenci, lo cèu, la solesa,
La cançon de la pèira per logèu asclada.

Repic :
Grand causse de totas auras
Larzac dei tempèstas mudas
Grand causse de totas auras
Vaquí ma cançon deis espelugas.

Cardabèlas dei poèmas, toforassas dei ermàs,
Passam coma sus la brasa, dins lo fuèc empurat,
Tèrra roja dei revòutas, dau fem dins lei jaç,
País que solet pou tot embraçar.
Causse deis avencs, dei país dau trefons,
Rius enterrats e flume a jamai escondut,
Relarg dei fachinièras e musica dei ressons,
Au còr dau monde, ai sorgents perduts.
Larzac encuèi : país dei cançons engatjadas,
Lo país dau reggae que pica lo temps,
Laissa mi cantar aquelei rimas assecadas
Que nadan dins lo gaudre de ma ment.
Lai batèstas de deman e lo solelh que nos aclapa,
La set dau fontanièr sus l’espandi crivelat,
Manjaires de paisatges, galavards de mapas,
Bevèm las estèlas dau causse pampalhetat.

REPIC

Larzac
País dau reggae de mon reggae reggae que pica lo temps
Larzac
Cançon de boscatièr, barrutla reggae mon reggae dins lo vent…

"Tornarai pas jamai tan fòrt
Coma siái estat"
Disiá lo vièlh sul pas de l'òrt
Los uèlhs baissats
"Tornarem pas …

Legir tot

"Tornarai pas jamai tan fòrt
Coma siái estat"
Disiá lo vièlh sul pas de l'òrt
Los uèlhs baissats
"Tornarem pas far la dalhada
Coma autres còps
Ni mai anuèch a la velhada
Batar d'esclòps...

Lo temps s'atruma
Farà pas bèl
Las agassas an begut lo solelh !

Que venga l'ivèrn o l'estiu
Res cambia pas
De viure ací èra agradiu
Al temps passat...
Dison que tornamai deman
Dins lo vilatge
De joves vendràn far de pan
E de formatge...

Podètz venir fargar lo temps
La vida es dura
E vos caldrà passar sovent
De grais d'endura...
Joves, cal pas vos en saber mal
Se parli pas
Es que la lenga de l'ostal
La sabètz pas...

M'en vau anar tot doçament
Plegar la taula
Far la vaissèla, bèlament
De las paraulas...
Me caldrà netejar l'ostal
Barrar las pòrtas
Lo temps a getat son tremalh
D'annadas mòrtas..."

Mas amors del temps vièlh, èran ben de griseta :
Nina la bugadièira, e Fanton la doceta,
Sens la mendre …

Legir tot

Mas amors del temps vièlh, èran ben de griseta :
Nina la bugadièira, e Fanton la doceta,
Sens la mendre noblesa, frucha de poiridièr,
Èran gràcias, benlèu diretz, de cacibralha,
Nimfas de riusselet, Venuses de barralha…
Vidal, a cadun sa loba de Pennautièr…

Un còr jove s’arrèsta aquí ont l’uèlh s’arrèsta,
La primièra raubeta vos enmasca a la lèsta,
Tota umila sirventa es un present gigant,
Per marquesa pasmens i ajèt la pastorèla,
Fauta de flor de lis, aviám la pimparèla…
Al printemps Cupidon sageteja ambé vam…

Rescontràvem la bèla lo dimenge a la plaça,
« Siái polida, siás bèl, fai tirar, òm s’abraça… »
E los sentiments grands èran pas apelats,
« Siái polida, siás bèl… », èra aquò lo lantèra,
Dins un trin de banlèga, partissiám per Citèra…
E son còr, lo podiám recaptar d’autre latz…

Mimí, paureta, aviá pas grand causa en veirina,
Cò de son pelissièr, pas cap de zibelina,
Son faldal proveniá pas d’un cordurièr grand…
Mas quand per dessús lo Molin de la Galeta
Que tombava per vos totas sas pimpalhetas,
Es Psyché tot entièra qu’espelissiá subran…

Lo còp d’après, tanplan, esperàvetz de badas,
La pichòta amasòna benlèu s’èra escapada,
Pasmens ne metiám pas los crèspes a de reng…
La margarida començada ambé Suzeta,
Acabàvetz de la plumar ambé Liseta,
E l’amor, astruc, manjava a sa talent…

Èran gràcias, benlèu diretz, de cacibralha,
Nimfas de riusselet, Venuses de barralha,
Mas èran mas amors, frucha de poiridièr,
Las Manon, las Mimí, las Suzon, las Museta,
Nina la bugadièira, e Fanton la doceta,
Vidal, a cadun sa loba de Pennautièr…

Las castanhas e lo vin novèl
Fan dansar

las filhas, fan dansar las filhas
Las castanhas e lo vin novèl …

Legir tot

Las castanhas e lo vin novèl
Fan dansar

las filhas, fan dansar las filhas
Las castanhas e lo vin novèl
Fan dansar las filhas del castèl </p>
<p>Las castanhas e lo vin novèl
Fan pissar las filhas, fan pissar las filhas
Las

castanhas e lo vin novèl
Fan pissar las filhas a plen canèl</p>
<p>Las castanhas e lo vin novèl
Fan possar la bora, fan possar la bora
Las castanhas e lo vin novèl
Fan possar la bora sus

l’aucèl !</p>
<p>Las castanhas e lo vin novèl
Fan petar las vielhas, fan petar las vielhas
Las castanhas e lo vin novèl
Fan petar las vielhas dins lo lièch</p>

Las claus son perdudas
E cossí dobrir
La pòrta d'aur del paradís ?
La boca es cosuda
E cossí parlar …

Legir tot

Las claus son perdudas
E cossí dobrir
La pòrta d'aur del paradís ?
La boca es cosuda
E cossí parlar
De nòstre amor, cossí cantar ?

I aviá que la masca
Per trissar menut
Lo crapaud blanc banut
E de son det forcut
Signar l'òme e lo fruch.

Las claus son perdudas...
La lama es torçuda
E cossí copar
Tot lo boès mòrt, cossí podar ?

I aviá que la gaita
Per copar de l'uèlh
La nèit en dos morcèls
E de son caramèl
Far nàisser un jorn novèl.

Las claus son perdudas...
La feda es tonduda
Onte traparà
Pro de calor per se caufar ?

I aviá que la femna
Per d'un blanc cordèl
Cordurar tèrra e cèl,
E dins son grand mantèl
Plegar lo mascle bèl.

Las claus son perdudas...
Nòstra tèrra es nuda
E cossí cobrir
Ara se la grana poirís ?

I aviá que lo fabre
Per prene a son jòc
Lo fèr mai dur que ròc
E per plegar al fuòc
La ròda e lo bigòs.

Las claus son perdudas...
La montanha es muda
Ara que son mòrts
Los castanhièrs, la bòria, l'òrt.

I a pas que l'enfança
Per seguir de l'uòlh
Lo trace caminòl
Poplat de rossinhòls
Que mena sul planhòl.

Las claus son perdudas...
Mas...
La pòrta es fenduda
I a pro d'un bacèl
Per la dobrir sul blau del cèl.

Monde de diversitat
Tèrra de colors,
De colors, de colors,
Lo ton ceu que s’embrumeja :
Bèthlèu que serà tot …

Legir tot

Monde de diversitat
Tèrra de colors,
De colors, de colors,
Lo ton ceu que s’embrumeja :
Bèthlèu que serà tot ner
Quin voletz que s’ensorelha,
Lo noste aviéner d’esper ?

Repic :
Colors, colors,
Tan beròi mescladas,
Agergadas
Com un arcolin,
Colors, colors,
Totas plan unidas,
Hètz pelhas polidas
Tau monde arlequin.

Pòbles plan desarrigats,
Omis de colors,
De colors, de colors,
Caleré de l’America
Tostemps seguir la cançon.
Que’vs deishi la tectonica,
Dansarèi lo mochico.

Lengas de diversitat
Accents de colors,
De colors, de colors,
Parlan pas que performance,
Challenge, process
Sonque conta la finança
Saben mes díser mercès.

Viva la diversitat
Viva las colors,
Las colors, las colors !
Desarrigam donc l’estaca,
Hèm lusir nostas colors.
Cau cridar « Viva la vaca ! »
Entaus granius terradors.

Ai ai ai ai ai ai
Las femnas son pas de bestial (bis)

Al mascles de la miá contrada
E …

Legir tot

Ai ai ai ai ai ai
Las femnas son pas de bestial (bis)

Al mascles de la miá contrada
E totes los d’endacòm mai
Joves o vièlhs confles o paures
Pebrons tampatz un pauc lo cais
Aquí lo fons de ma pensada
Escotatz-me plan coma cal

Dempuèi que la tèrra es tèrra
Es totjorn lo meteis refran
Qu’agachem a drecha o esquerra
D’amont d’aval darrièr davant
Dins tròpes de cantons enquèrra
Sièm pas que bonas per enfantar

Conèissi un pichon vilatge
Malicondà al Senegal
De femnas an ajut lo coratge
De dire qu’èra pas normal
L’excision fa tròp de ravage
E se pòt pas mai tolerar

Pensi a totas aquelas dròllas
Vendudas per de traficants
Per fornir los bordèls d’Euròpa
Se vend mai l’amor quand es blanc
Entre Moscó e Varsovia
L’argent nòl a sòmis bricats.

Aquí de maquinas agricòlas
Aval de maquinas a plaser
Abusadas dins las escòlas
Sai pas ont vesètz lo progrés
Lo viòl es sempre una metòde
Per purificar a bon pretz

Pensi a tu ma sòr lentana
Sebelida dins la burka
Sens drech, sens amor ni sens ama
Tot justa bona a copular
Se Dieus es bon perqué condamna
La mitat de l’umanitat

E se cresètz qu’aicí en França
Tot anga plan a nòstre agrat
Nani sièm pas brica en abança
Per çò qu’es de la paritat
Pertot l’òme mena la dança
Dins l’entrepresa o dins l’estat

Femnetas sortiguem de l’ombra
Es ora de nos despertar
Quitem de florir nòstra tomba
La vergonha cal balajar
Als mascles de préne l’escoba
Quò’s nòstre torn de gobernar

Aval a la ribièra
I a’na richa maison
Dedins son tres fielairas
Que fielan tot lo jorn

L’una s’apèla Joana …

Legir tot

Aval a la ribièra
I a’na richa maison
Dedins son tres fielairas
Que fielan tot lo jorn

L’una s’apèla Joana
E l’autra Marion
L’autra s’apèla Clara
Es clara nuèit e jorn

Sa maire la penchena
D’un penche d’argenton
E son paire la còfa
D’una auna de galon.

Lo filh del rei passava
L’a trobada a la font
Digatz, bèla fielaira
Aquò’s vos Joaneton ?

Nani ma sor ainada
S’apela d’aquel nom
Se cercatz una amiga
Dintratz dins la maison.

Aval a la ribeira i a una richa maison
Tota blanca e de peira es la de Joaneton.

Es partida …

Legir tot

Aval a la ribeira i a una richa maison
Tota blanca e de peira es la de Joaneton.

Es partida a la vila dins l'administracion
La fenèstra es tampada e lo camin peirós.

Pas degus al vilatge, país abandonat,
Un país de caumatge es un país tuat.

Lo vent del nòrd i canta una trista canson
Ont es la farandòla que fasiá Joaneton ?

Ara qu'es revenguda i a de flors dins lo camp
La fenèstra es doberta e lo camin es blanc.

Lo vent marin i canta una bela canson
Aquò's la farandòla que mena Joaneton.

Aval a la ribeira i a un polit ostal
Dimenge serà festa i farem carnaval.

Aval en la ribiera i a una richa meison
Dedins son tres filairas que filan tot lo jorn

Una s’apela …

Legir tot

Aval en la ribiera i a una richa meison
Dedins son tres filairas que filan tot lo jorn

Una s’apela Jana e l’autra Marion
L’autra s’apela Clara, esclaira nuech e jorn

Sa maire la penchena d’un penche d’argenton
E son paire la còfa d’un’auna* de galon

Quand ela se miralha dins l’aiga de la font
Un aucelon s’i pausa per ié far l’orason

Lo filh del rei passava, l’a trobada a la font
“digatz, bela filaira, aquò’s vos, Janeton?”

“Nani, ma sòrre ainada s’apela d’aquel nom
Se cercatz un’amiga, intratz dins la meison”

Tres filhas de Pueglaurenç
An pas d'argent.
Se ne'n van passar lo bòsc.
La nuèch las pren.
Rescontrèron un carbonièr …

Legir tot

Tres filhas de Pueglaurenç
An pas d'argent.
Se ne'n van passar lo bòsc.
La nuèch las pren.
Rescontrèron un carbonièr
Camin fasent :
- Se nos fas passar lo bòsc
Te pagarem.
Non per aur ni per argent
Que non n'avèm
Un poton de totas tres
Te donarem.
Lo carbonièr qu'entend aquò
La paur lo pren.
Prend sos esclòps a la man,
Se'n va corrent :
- Nòstra Dòna de pietat
Assistatz-me.
Ai tres diables dins ma cabana :
Sortètz-los me'n.
Maugradinge lo magau
E l'inhorent
Sap pas prene la fortuna
Quand li ven.
Se ieu m'èri rescontrat
D'aquel moment
N'i auriá ben balhat
Per son argent !

Las filhas de Ròcafòrt
Se’n van de fèsta en fèsta
Ambe son cacaracà
Son riban sus la tèsta, la, la …

Legir tot

Las filhas de Ròcafòrt
Se’n van de fèsta en fèsta
Ambe son cacaracà
Son riban sus la tèsta, la, la
Son riban sus la tèsta...

Aqueste an se Dieus o vòl
Aurem de passarilhas
E de rasims al malhòl
Per maridar las filhas, la, la
Per maridar las filhas...

Filhetas contentem-nos
D’èstre escarrabilhadas
N’aurem un quand lo voldrem
Nos tendrà careçadas sovent
Nos tendrà careçadas.

Las filhas del Puòg Laurenç
N’an pas d’argent, n’an pas d’argent
Quand son per passar lo boès
La nuòch las …

Legir tot

Las filhas del Puòg Laurenç
N’an pas d’argent, n’an pas d’argent
Quand son per passar lo boès
La nuòch las pren, faridon dèna
Se te’n vas, emmena-nos-en.

Quand son per passar lo boès
La nuòch las pren, la nuòch las pren.
Rescontrèron un carbonièr
Camin fasent, faridon dèna...

Rescontrèron un carbonièr
Camin fasent, camin fasent.
"Se nos vòls pasar lo boès
Te pagarem, faridon dèna...

Se nos vòls pasar lo boès
Te pagarem, te pagarem,
Non pas d’òr, ni mai d’argent
Que n’avem ren, faridon dèna...

Non pas d’òr, ni mai d’argent
Que n’avem ren, que n’avem ren
Un poton de totas tres
Te donarem, faridon dèna...

Un poton de totas tres
Te donarem, te donarem."
Lo carbonièr entend aquò,
La paur lo pren, faridon dèna...

Lo carbonièr entend aquò,
La paur lo pren, la paur lo pren.
Pren sos esclòps a la man,
Se’n va corrent, faridon dèna...

Pren sos esclòps a la man,
Se’n va corrent, se’n va corrent
Mal grat aja lo maraud
E l’inhorent ! faridon dèna...

Mal grat aja lo maraud
E l’inhorent ! E l’inhorent !
Sap pas prene sa fòrtuna
Quand li ven ! faridon dèna...

A Tolosa dins ma vila, ieu m'en vau caminar
A Tolosa soi tranquila, los gojats se batan per me poder …

Legir tot

A Tolosa dins ma vila, ieu m'en vau caminar
A Tolosa soi tranquila, los gojats se batan per me poder aprochar.

Alucaira, alucaira, defòra e dedins.
Alucaira, alucaira, del bolegadís.

Las polidas de Tolosa, an las cambas longas e finas
Dansan los pès en dedins, lo ventre darrièr l'esquina diriá un bronzin.

E las hemnas de Bilhera, minjan pas que de garbura
Tastan tanben la tripassa, chuca la carn, amb un veiràs plen de jurançon.

E las filhas de Carcassona, sona, sona campaneta
Quand arriba lo curat, fan tindar lo garafon de vin blanc cussonat.

Totas las filhas de França, aiman plan se bolegar
Sus regué, valsa o branle, per atisar los gojats inocents e sens pietat.

Las filhetas de la Saula
E las de Vilamada,
Sus la riba van dançar
Mai d’un còp dins l’annada ! …

Legir tot

Las filhetas de la Saula
E las de Vilamada,
Sus la riba van dançar
Mai d’un còp dins l’annada !
Los joves fringaires
Quand las veson a passar alarireta...
Los joves fringaires
Las van far tornejar !

Ne’s pas pus lo temps de dançar
Doman dins la segada,
Filhetas cal trabalhar
La sèga es commençada !
Los joves segaires
Quand voldretz gardejar alarireta...
Los joves segaires
Vendràn vos ajudar !

Pus tard abans vendemiar
Lavarem la bugada,
Apèi vos caldrà filar
L’ivèrn dins la velhada !
Los joves lauraires
En quitent de laurar alarireta...
Los joves lauraires
Vendràn vos passejar !

E l’ivèrn se passarà
E l’èrba dins la prada,
Amb el printemps possarà
La dalha es agusada !
Als joves dalhaires
Abans de fenejar alarireta...
Als joves dalhaires
Poirem vos maridar !

Las filhetas de Mende
Se saban pinchinar
Aquelas de Blumard
Amai las damaisèlas
Aquelas de Blumard
O saban pas ben …

Legir tot

Las filhetas de Mende
Se saban pinchinar
Aquelas de Blumard
Amai las damaisèlas
Aquelas de Blumard
O saban pas ben far.

Per careçar las drollas
I cau anar la nuèit
I cau anar la nuèit
Lo ser a la velhada
I cau anar la nuèit
Lo ser a mièjanuèit.

Las filhetas del barri
Se se’n van faire un torn
Van faire un torn per la vila
Coma las joinas …

Legir tot

Las filhetas del barri
Se se’n van faire un torn
Van faire un torn per la vila
Coma las joinas filhas
Se’n van pregar sant Joan
Que i dòne un galant.

Sant Joan ieu vos en pregue
De faire se vos plai
De nos donar un fringaire
Polit e trabalhaire
Sant Joan se non es pas
Certa lo volèm pas.

Sant Joan ie fa responsa
Filhas languiguètz pas
Prenètz una bona ora
Que lai seretz a l’ora
Prenètz un bon moment
Que lai seretz al temps.

Las filhetas del Saulà
E las de Vilamada,
Sus la riba van dançar
Mai d’un còp dins l’annada !
Los …

Legir tot

Las filhetas del Saulà
E las de Vilamada,
Sus la riba van dançar
Mai d’un còp dins l’annada !
Los joves fringaires
Quand las veson a passar larireta...
Los joves fringaires
Las van far tornejar !

N’es pus lo temps de dançar
Doman dins la segada,
Filhetas cal trabalhar
La sèga es commençada !
Los joves segaires
Quand voldretz garbejar larireta...
Los joves segaires
Vendràn vos ajudar !

Pus tard abans vendemiar
Lavarem la bugada,
Apèi vos caldrà filar
L’ivèrn dins la velhada !
Los joves lauraires
En quitent de laurar larireta...
Los joves lauraires
Vendràn vos passejar !

E l’ivèrn se passarà
E l’èrba dins la prada,
Amb lo printemps possarà
La dalha es agusada !
Als joves dalhaires
Abans de fenejar larireta...
Als joves dalhaires
Poirem vos maridar !