Li plus sage
Dóu vesinage,
Li plus sage
E li plus fin,
Fan entèndre
Que divèndre,
Lou Fiéu de Diéu …

Legir tot

Li plus sage
Dóu vesinage,
Li plus sage
E li plus fin,
Fan entèndre
Que divèndre,
Lou Fiéu de Diéu es na de grand matin ;
Que sa Maire
L’es ana faire
Dins un estable
Sus lou grand camin.

Iéu vous quite
Pèr i’ana vite,
Iéu vous quite
E pièi m’en vau
Pèr ié dire
(Mai sèns rire)
Sourtès d’eici car iéu tramble de pòu,
Que l’estable
Noun vous acable,
Car li muraio van tóutis au sòu.

La vesprado
Mau fourtunado,
La vesprado
D’un jour fort bèu.
La maliço
D’un aurige
Me ié faguè enclaure moun troupèu ;
Tout un caire
Toumbè pecaire !
E m’enterrè toui mi pàuris agnèu.

L’esperiènço,
Que passo sciènço,
L’esperiènço
De ço qu’ai vist,
Es la causo
Que sèns pauso,
Ai courregu vous dire moun avis.
Moun daumage
Vous rendra sage,
Belèu creirès un de vòstis ami.

Me ravise
E me desdise,
Me ravise
De moun prepaus :
Ma pensado,
Mau riblado,
Me farié lèu passa pèr un badau.
Fau rèn cregne,
Car Noste Segne
Li gardara segur de prendre mau.

N'i a que dison toujour de nautre
Sèns saupre de nosto vido :
"Auéli gènt, fan que dourmi,
Coume de …

Legir tot

N'i a que dison toujour de nautre
Sèns saupre de nosto vido :
"Auéli gènt, fan que dourmi,
Coume de limbert au soulèu".

Refrin :
Vène un pau dins nòsti restanco,
Vène un pau dourmi'mé nautre ;
Vène un pau dins nòsti restanco,
Vène un pau ié dourmi.

Veiras uno terro que douno
Pas tant de blad que de clapas,
E se vos que siegue bagnado,
Fau que i'adugues ta susour.

Refrin

S'acò t'agrado de li vèire,
Ié faren toui la meridiano,
La faren à còp de magau,
Que n'en avèn à te presta.

Refrin

Mai sian segur que vendras gaire,
E que diras coume as fa sèmpre :
"Aquéli gent, fan que dourmi,
Coume de limbert au soulèu".

Refrin (bis)

1-Dòs candèlas un pauc tremolantas
Donavan l’èr de s’esvalir.
Per còp d’asard, tota pimpanta,
Passèt per aquí Magalí.

2-Mai la …

Legir tot

1-Dòs candèlas un pauc tremolantas
Donavan l’èr de s’esvalir.
Per còp d’asard, tota pimpanta,
Passèt per aquí Magalí.

2-Mai la promiera candeleta
Tot en parlant sens embarràs,
Diguèt lèu a Magalineta :
« Ieu, siáu lo lume de la Patz ».
Piei diguèt : « Lis òmes e li femas
Fan ren que de m’estrepassar.
Siáu ben malauta e belèu mema
Que siáu en trin de trepassar ».

E autant lèu, Magalineta
Veguèt trepassar lo flambèu
De la pichòta candeleta
Acabada a còps de cotèu.

3-Una segonda candeleta
Li diguèt plena de doçor :
Escota un pauc, Magalineta,
Ieu siáu la flama de l’Amor.
A-cha-pauc, lis òmes e li femas
Fan ren que de m’estrigossar.
Siáu ben malauta e belèu mema
Que siáu en trin de m’amossar ».

E autant lèu, Magalineta
Veguèt s’amossar lo calèu
De la pichòta candeleta,
Lo còr macat per li bacèus.

4- Dau temps que la Patz trepassava,
Magalineta a implorat.
Dau temps que l’Amor s’amossava,
Magalineta a tant plorat
Qu’alòr de tota sa brilhança,
Una autra lutz li diguèt : « Ieu,
Ieu siáu lo fiòc de l’Esperança,
Mon lume totjorn sara viu ».

E autant lèu Magalineta
Agantèt la lutz de l’Espèr
E ravivèt li candeletas
De Patz, d’Amor a còr dubert

Liberta per chascun din nosti cor nostis oustau
la vido es proun courto per se creire imourtau
durbisses la porto …

Legir tot

Liberta per chascun din nosti cor nostis oustau
la vido es proun courto per se creire imourtau
durbisses la porto aquel vue es festenau
preste la man a toun prochan d'un géste freirenau

Ma gorjo se coumpremis, s'embalo moun cor
la passioun et la douçour rajo din sei rimo
aquel'estranjo luse que moun eime animo
espremisson li jouïssenço e li estrambord

Recourdes te li verdo prado esclapes ti cadeno
lis aire riseire a la vesprado lou fio enlabreno
refasien lou mounde mi cambarado
seguissen chascun nostis astrado

Libertat dins tos uòlhs i a d’aucels sus la branca
Coma dos rossinhòls escapats de la gabia

En clau de …

Legir tot

Libertat dins tos uòlhs i a d’aucels sus la branca
Coma dos rossinhòls escapats de la gabia

En clau de sol te contarai l’umanitat son impotencia
E las causas que te dirai saràn color de ma violencia

En clau de fam te cantarai coma ai talent de te coneisser
Coma ai set de tu mai que mai escota un cant d’amor va naisser

En clau de mut me calarai val melhor qu’una parladissa
Aprene a regardar la mar la rabia al còr coma aquèla ersa

Libiamo, libiamo ne’lieti calici
Que la belesa met en flor
E que la fugidissa, la fugidissa ora
S’embriague de voluptat …

Legir tot

Libiamo, libiamo ne’lieti calici
Que la belesa met en flor
E que la fugidissa, la fugidissa ora
S’embriague de voluptat

Libiamo ne’dolci fremiti
Que suscita l’amor
Puèi que los uèlhs aquels que non sai
Asclan lo còr en dos

Libiamo, amore, amore fra i calici
De potons polits aurà

Entre, entre vosautres que sauprai
Mon alègre temps partejar
Tot es foliá, foliá pel monde
Se lo plaser i es pas

Gaudiscam que fugaç e rapid
Es la gaudença de l’amor
Es una flor que nais puèi morís
E ne podèm pas mai gaudir

La vida qu’es plan dins l’alegrança
Quand s’aimam pas, pas encara
O digatz pas a qual ignòra
Aital n’es de mon astrada

Libertat, Justícia, Dinhitat ent’es?
ent la tèrra democràtica d’Euròpa
vièlh monde aquí
cuna de lo drech, rènhe sobeiran de cultura …

Legir tot

Libertat, Justícia, Dinhitat ent’es?
ent la tèrra democràtica d’Euròpa
vièlh monde aquí
cuna de lo drech, rènhe sobeiran de cultura
sal papièr sinhat
nòstra libertat
es paraula vuida encui
siem allineats
tuchi ben “quadrats”
creiem d’èsser libres encara…

Libres, volem èsser libres
Libres qué vòl dire aquò?
Libres abo deguna estaca
Libres ent la nòstra tèrra

Tuchi li jorns pistaa, nos la fan agachar
ent l’esquèrm pintat de noticias
Estraçaa, violentaa… nòstra libertat
es quimèra luenha… es viva
Catalonha, Grècia passant per l’Irlanda
dau nòrd au sud se plora
as da bèl votar,
es lo capital… es lo vil denar… comanda

Libres, volem èsser libres
Libres qué vòl dire aquò?
Libres abo deguna estaca
Libres ent la nòstra tèrra
Libres volem viure libres
Libres de pensar d’escriure
Libres de combatre encara
Libres ent la nòstra tèrra

E la borsa cala e la borsa monta
e lo monde trima, paures.
Tomben las frontièras, las doganas, li sòus…
Li estats padrons nos iston.
Nombres sal papièr
esclaus dai financièrs
auça pas la tèsta paure.
Es “l’Union” dai sòus pas “l’Union” de la gènt
lo poder sobre de tuchi

De l’autre cant de las frontièras l’i siem nos
De l’autre nòstri fraires , siem nos
dal costat de la justícia siem nos
son pas li vòstri sòus que fan lo nòstre deman.
La poténcia dal Monde siem nos.
La sagessa dal pòple siem nos.
De las raïtz ent la tèrra trobarem la fòrça
auçarem la tèsta
serem Libres

Libres, volem èsser libres
Libres qué vòl dire aquò?
Libres abo deguna estaca
Libres ent la nòstra tèrra
Libres tornarem èsser libres
Libres ent aquest monde
Libres de combatre encui
Libres d’èsser libres encara

Ligoumbau (12 fois)

Dins l’oucean pacifi
Tóuti se soun recampa,
Un ligoumbau magnifi
A carga soun vèsti de nouba.

Ligoumbau …

Legir tot

Ligoumbau (12 fois)

Dins l’oucean pacifi
Tóuti se soun recampa,
Un ligoumbau magnifi
A carga soun vèsti de nouba.

Ligoumbau (12 fois)

Es lou balèti di cruvelu
Digas-me quau l’aurié cresegu,
Li pèissoun tambèn soun counvida
Pèr l’amistanço e pièi pèr dansa.

Es ana querre en passant
La langousto sa vesino
Li chivau-marin, li cranc
Lis an segui emé li sardino.

Ligoumbau (12 fois)

Mai te faudra mesfisa
Di pescaire, di fielat
Poudrien bèn te pesca,
Mai tu, saupras bèn lis aganta.

Ligoumbau (12 fois)

Pu ges d’aiòli pèr t’adouba
Ni d’escudello pèr te manja,
E pu ges de sausso armouricano
‘lor osco pèr la danso africano.

Ligoumbau (12 fois)

Es lou balèti di cruvelu
Digas-me quau l’aurié cresegu,
Li pèissoun tambèn soun counvida
Pèr l’amistanço e pièi pèr bala

Qu'èi hèit l'amor
A ua bèra bruna,
Mes ne sèi pas si l'atrap'rèi.
Que l'aurèi, còsti que’n còsti.
Ò ! …

Legir tot

Qu'èi hèit l'amor
A ua bèra bruna,
Mes ne sèi pas si l'atrap'rèi.
Que l'aurèi, còsti que’n còsti.
Ò ! Versatz me ua gota
De’queth bon vin.
Viva lo vin, viva l'amor,
Viva ua b’ròja gojata
La neit e lo jorn. (bis)

Vòs tu venir,
Charmanta bruna,
T'i promenar hens lo jardin ?
Que culhiram la bèra ensalada
E de’quiths
Bèths artichauts.
Viva lo vin, viva l'amor,
Viva ua b’ròja gojata
La neit e lo jorn. (bis)

Los artichauts
Me son contrères,
M'estimi mei un b’ròi garçon.
Qui'm volha préner,
Atau, per tèrra,
E cent còps me hàcia l'amor.
Viva lo vin, viva l'amor,
Viva ua b’ròja gojata
La neit e lo jorn. (bis)

Car si l'amor
Avè racinas,
Que’n planterí hens lo casau.
En planterí au long i au large,
Que’n harí part
Aus mons amics.
Viva lo vin, viva l'amor,
Viva ua b’ròja gojata
La neit e lo jorn. (bis)

Dis-me bergiero,
Dis-me bergiero,
Quant te coustèron
Tis esclop ?

R- Coustèron
Coustèron Coustèron
Cinq sòu,
Quand èron
Quand èron …

Legir tot

Dis-me bergiero,
Dis-me bergiero,
Quant te coustèron
Tis esclop ?

R- Coustèron
Coustèron Coustèron
Cinq sòu,
Quand èron
Quand èron Quand èron
Nòu.

Cinq de tacheto,
Cinq de tacheto,
Cinq de tacheto
Mis esclop.

Cinq de ligneto,
Cinq de ligneto,
Cinq de ligneto,
Mis esclop.

Cinq de courrejo,
Cinq de courrejo,
Cinq de courrejo,
Mis esclop.

Bourda de rouge,
Bourda de rouge,
Bourda de rouge,
Mis esclop.

La ganso verdo,
La ganso verdo,
La ganso verdo,
Mis esclop.

Passant sus glaço,
Passant sus glaço,
Passant sus glaço,
Mis esclop.

R- Faguèron
Faguèron Faguèron
Clin-clòu.
Quand èron
Quand èron Quand èron
Nòu.

Darriè la mar et Iis mountagno
quand s‘es amoussa lou soulèu
Sus’ lou mounde oumbrun et magagno
Venon lèu venon …

Legir tot

Darriè la mar et Iis mountagno
quand s‘es amoussa lou soulèu
Sus’ lou mounde oumbrun et magagno
Venon lèu venon lèu

Senso amour la vido es crudèlo
la vid’ es uno longo niue.
Urous aquèu qu’a per estello
Dous bous iuè! Dous bous iuè!

Dempouiéi que dins ma doulour fero
Tant douço m’as pourgi la man
Amigo! moun amo espero
en t‘amant, en t‘amant

Sens’ amour la vido es crudèlo
la vido es une longo niue.
Urous lou qu’a per estello
Dous bous iuè! Dous bous iuè!

Ma pauro amo la cresiéu morto !
Mai tu, mé toun sourire pur,
Amigo, m’as dubert la porto
Dóu bonur ! Dóu bonur !

Senso amour la vido es crudèlo
la vido es une longo niue.
Urous lou qu’a per estello
Di bèus iuè! Di bèus iuè!

Breçat per lei ritornèlas
Dei grilhets sus mon camin,
Ieu gratave la semèla
Come un paure pelerin.
Ai capitat Lisa-Bèla …

Legir tot

Breçat per lei ritornèlas
Dei grilhets sus mon camin,
Ieu gratave la semèla
Come un paure pelerin.
Ai capitat Lisa-Bèla
Qu’aviá perdut son camin,
E ai caminat emé ela
Tot en blagant plen d’entrin
Çò qu’ai dich a Lisa-Bèla
Vos lo dise-dise pas,
Çò qu’ai vist dins sei prunèlas
Vos regarda-garda pas.
Çò qu’ai vist dins sei prunèlas
Vos lo dirai-dirai pas.

Subran una tortorèla
Que cridava son amant
A fa paur a Lisa-Bèla
Qu’a mes sa man dins ma man.
E la bisa fresquinèla
Que nos bofava en bramant,
A fach s’ajassar la bèla
Cotra ieu, en tremolant.
Çò qu’ai fach ’mé Lisa-Bèla
Vos lo dise-dise pas,
Çò que i a sot sei dentèlas
Vos regarda-garda pas.
Çò que i a sot sei dentèlas
Vos lo dirai-dirai pas.

Faliá veire Lisa-Bèla
Dins sa rauba de satin,
Frela come una gazèla
E doça come un rasin.
Ai fach per la damisèla
De mon espala un coissin,
Avèm badat leis estèlas,
Puei s’es endormida ansin.
Çò qu’ai fach ’mé Lisa-Bèla
Vos lo dise-dise pas,
Çò que i a sot sei dentèlas
Vos regarda-garda pas.
Çò que i a sot sei dentèlas
Vos lo dirai-dirai pas.

La campana a la capèla
Que sonava tròp matin
Li a fach durbir lei parpèlas,
S’es desrevilhada enfin.
Ai culit per Lisa-Bèla
Un brison de romanin,
E puei avèm de plus bèla
Contuniat nòstre camin.
Çò que m’a dich Lisa-Bèla
Vos lo dise-dise pas,
Çò qu’ai vist dins sei prunèlas
Vos regarda-garda pas.
Çò qu’ai vist dins sei prunèlas
Vos lo dirai-dirai pas.

Madamisello Liseto
S’en vai proumena.
Madamisello Liseto
S’en vai proumena (bis)
La-la-la,
S’en vai proumena.

E tres galant d’Alemagno
La …

Legir tot

Madamisello Liseto
S’en vai proumena.
Madamisello Liseto
S’en vai proumena (bis)
La-la-la,
S’en vai proumena.

E tres galant d’Alemagno
La volon rauba.
Se se dison l’un à l’autre
« Coume poudrian fa ? » (ter)

E s’en van de porto en porto
L’oumòrno demandant.
Liseto tant caritablo
I douno un pan blanc (ter)

Lou galant que pren l’oumòrno
Li reten la man.
E la prenon e la mounton
Sus un chivau blanc (ter)

Lou galant que la menavo
Vai tout en cantant.
Lou chivau que la pourtavo
Vai tout en sautant (ter)

Madamisello Liseto
Vai tout en plourant.
Plouro d’èstre derraubado
Pèr un triste amant (ter)

Ambé ton còs de mar a mar
Rosigat per tant de marrana
E de tartanas
Ambé ton pitre qu'an nafrat …

Legir tot

Ambé ton còs de mar a mar
Rosigat per tant de marrana
E de tartanas
Ambé ton pitre qu'an nafrat
Sègle a sègle tant de desfachas
Tu que m'as facha,
Occitania.

Ambé ta set de libertat
Pertot escricha en vilas liuras
En arroïnas
Ambé ta fam de quicòm mai
Que t'a sovent facha eretica
Mon eroïca
Ambé totes los qu'an aparat
De sa mòrt las lèis comunalas
Ma democrata,
Occitania.

Ambé ton nom que murmuram
Qu'es pas escrich sus cap de carta
Tu la bastarda,
Occitania.

Ambé tas còstas, tos Larzacs,
Ambé tant de tèrras ja perdidas
Filha venduda,
Occitania.

Femna esclava que lo masclum
A pas quitat de faire tàiser
Tu que vas nàisser,
Occitania.

Ambé ta lenga pel bestial
Per los nècis, la misèria
Uòi la colèra,
Occitania.

E t'avèm presa per la man
E te menam encara gòia
Cap a la jòia,
Occitania.

Ambé la Còrsa, amb l'Euskadi,
Ambé ta sòrre catalana
E la Bretanha,
Occitania.

Ambé ton pòple que sortís
De la vergonha entend lo rire
Siás ja desliura
Occitania.

Balançat, menat pels corrents
Entre lo mal, entre lo mal, lo ben
Sondat, derruscat, per un fum de gents
Nud …

Legir tot

Balançat, menat pels corrents
Entre lo mal, entre lo mal, lo ben
Sondat, derruscat, per un fum de gents
Nud davant, lo marrit vent

Liure serai
Que ne siá aital

Ba sabi plan la fèbre del fuòc
L’estranha doçor d’un pòble qu’espèra

Liure serai
Que ne siá aital
E lo prètz ba sabi
Liure serai
E la patz davant

Al mai pregond de vòstra lei o d’una armada
Al mai pregond ni per vòstre cèl ni sa pregària
Que ne siá aital

Liure serai
E lo prètz ba sabi
Que ne siá aital
E lo prètz ba sabi
A bona fin portat, co

Soi anat cò la vesina
per me far garir lo mal.
La vesina, plan coquina
m’a balhat per medicina
De …

Legir tot

Soi anat cò la vesina
per me far garir lo mal.
La vesina, plan coquina
m’a balhat per medicina
De ie mètre un gran de sal.
Lo gran de sal me fa mal
Me fa còire lo babau
Ai ! que lo babau me pica
Que lo babau me fa mal.

Soi tornat cò la vesina
per me far garir lo mal.
La vesina, plan coquina
m’a balhat per medicina
De ie mètre un artichaud.
L’artichaud lo met en caud,
Lo gran de sal me fa mal,
Me fa còire lo babau
Ai ! que lo babau me pica
Que lo babau me fa mal.

Soi tornat cò la vesina
per me far garir lo mal.
La vesina, plan coquina
m’a balhat per medicina
De ie mètre de jolvèrd.
Lo jolbèrd lo met en verd,
L’artichaud lo met en caud,
Lo gran de sal me fa mal,
Me fa còire lo babau
Ai ! que lo babau me pica
Que lo babau me fa mal.

Soi tornat cò la vesina
per me far garir lo mal.
La vesina, plan coquina
m’a balhat per medicina
De ie mètre un caulet.
Lo caulet lo met en drèit,
Lo jolbèrd lo met en verd,
L’artichaud lo met en caud,
Lo gran de sal me fa mal,
Me fa còire lo babau
Ai ! que lo babau me pica
Que lo babau me fa mal.

Soi tornat cò la vesina
per me far garir lo mal.
La vesina, plan coquina
m’a balhat per medicina
De ie mètre una pastèca.
La pastèca lo me sèca,
Lo caulet lo met en drèit,
Lo jolbèrd lo met en verd,
L’artichaud lo met en caud,
Lo gran de sal me fa mal,
Me fa còire lo babau
Ai ! que lo babau me pica
Que lo babau me fa mal.

Soi tornat cò la vesina
per me far garir lo mal.
La vesina, plan coquina
m’a balhat per medicina
De ie mètre una caròta.
La caròta lo me fròta,
La laituga lo me chuca,
La cèba lo me crèba,
La pastèca lo me sèca,
Lo caulet lo met en drèit,
Lo jolbèrd lo met en verd,
L’artichaud lo met en caud,
Lo gran de sal me fa mal,
Me fa còire lo babau
Ai ! que lo babau me pica
Que lo babau me fa mal.

Soi tornat cò la vesina
per me far garir lo mal.
La vesina, plan coquina
m’a balhat per medicina
De ie mètre una patana.
La patana lo me tana,
La caròta lo me fròta,
La laituga lo me chuca,
La cèba lo me crèba,
La pastèca lo me sèca,
Lo caulet lo met en drèit,
Lo jolbèrd lo met en verd,
L’artichaud lo met en caud,
Lo gran de sal me fa mal,
Me fa còire lo babau
Ai ! que lo babau me pica
Que lo babau me fa mal.

GRATA TE, COLHON !

Lo bal de la civada vos vole contar (bis)
Lo paire quand la laurava
S’arrestava per bufar
Nos daissava l’araire …

Legir tot

Lo bal de la civada vos vole contar (bis)
Lo paire quand la laurava
S’arrestava per bufar
Nos daissava l’araire e nos fasiá cantar:

Trabalhem, trabalhem,
Que la civada, que la civada,
Trabalhem, trabalhem,
Que la civada ganharem !

Lo bal de la civada vos vole contar (bis)
Lo paire quand semenava
S’arrestava per bufar
Cadun son sac de granas
Nos fasiá cantar:

(Repic)

Lo bal de la civada vos vole contar (bis)
Lo paire quand la segava
S’arrestava per bufar
Nos balhava la dalha
E nos fasiá cantar:

(Repic)

Lo bal de la civada vos vole contar (bis)
Lo paire quand la manjava
S’arrestava per bufar
Nos preniá a sa taula
E nos fasiá cantar :

(Repic)

Au baleti deis aucèus
Ai dansat, ai dansat.
Ai dansat ’mé la petosa
E la filha dau rigau.
Pareis qu’èra …

Legir tot

Au baleti deis aucèus
Ai dansat, ai dansat.
Ai dansat ’mé la petosa
E la filha dau rigau.
Pareis qu’èra tant jalosa
Dau cosin dau perdigau,
Qu’un bèu jorn la malurosa
A convolat ’mé lo gau.

Come èra gòia, fasiá lo quadrilhe
Come lo ròck, ’mé lo pè que resquilha.

Au baleti deis aucèus,
Ai dansat, ai dansat.
Ai dansat ’mé la galina
Lo tangò e la salsà.
Puei la bèla cardelina
M’a tirassat per valsar.
M’a tant fach plegar l’esquina
Que se siam estramassats !

Come èra gòia, totjorn s’entramblava
Dedins sa rauba quand farandolava.

Au baleti deis aucèus,
Ai dansat, ai dansat.
Ai dansat ’mé la merlata,
La dinda e lo parroquet
A la fèsta a Peiròlata
La vòlta e lo menuguet.
E puei emé la pintada,
Avèm dansat lo reggae.

Come èra gòia, son quieu brandolhava
A chasque còp que son pè gandilhava.

Au baleti deis aucèus,
Ai dansat, ai dansat.
Ai dansat la tarantèla
’Mé la fema dau quinçon.
Lo rèi ’mé la tortorèla
An dansat lo rigaudon.
E puei ’mé la bartavèla,
Avèm fach lo charleston.

Come èra gòia, en virant la pata,
La becassina a perdut sa sabata.

Au baleti deis aucèus,
Ai dansat, ai dansat.
Ai dansat ’mé la machòta,
La rumbà e la polkà.
Lo quieu-blanc e la linhòta
An fach una mazurkà,
E ieu emé sa pichòta
Avèm dansat la sambà.

Come èra gòia, per la farandola,
Coquin de gòi, semblava un pauc sadola.

Lo barcòt es de papièr, lo dal paure marinièr.
Aima l'aiga lo barquièr, melhor que lo rabassièr.
B'aima de daissar …

Legir tot

Lo barcòt es de papièr, lo dal paure marinièr.
Aima l'aiga lo barquièr, melhor que lo rabassièr.
B'aima de daissar limpar
sa paura barca pel canal.
A l'aigueta lo badalh
pes qu'a la tèrra lo trabalh,

Lo chaval ne pòt pas mai que rabala, que rabala,
lo batèl, ribon-ribaina, sus las ribas dal canal.
Un còp rire, un còp plorar, la barca va.

Entre la mar e la mar dins sa barca de misèra,
las anguialas per serena e las filhas sus la tèrra.
Se demanda consi faire
per las aimar sens las banhar.
Son de tèrra, òu ! Pecaire!
Voldriá pas tot enfangar.

Lo chaval...

Vòl cambiar paure animal, l'aiga fosca dal canal
per un sòmi d'aiga-sal, d'ipocamp e de coralh.
Es prèst a far monts e mars, trigossar tot çò que cal
e daissar per un fanal lo platanhèr senhoral.
Se vòl negar dins la mar,
e puèi dins l'aire s'esvanir
per tombar en plèja fina
sus las ribas dal canal.

Pel moment ne pòt pas mai que rabala, que rabala,
lo batèl, ribon ribaina, sus las ribas dal canal.
Un còp rire, un còp plorar, la barca va.

Lo baron Sant Alèssi
Si vòu pas maridar.
(Bis)

Per obeir a son paire
L’a facha demandar.
Per obeir a …

Legir tot

Lo baron Sant Alèssi
Si vòu pas maridar.
(Bis)

Per obeir a son paire
L’a facha demandar.
Per obeir a sa maire
L’a vòuguda esposar.

Lo promier ser dei nòças
‘Lèssi fai que plorar.
Mas de qu’as-tu Alèssi ?
Que fas ren que plorar.

A Dieu ai fach promessa
De ma virginitat.
Se ne’n as fach promessa
Ne’n deves pas restar.

Alèssi pren sei biassas
Son gran viatge n’a fach.
Se’n va au Sant Sepulcre
Qu’es de delà lei mars.

Lòng dau camin rescontra
Lo marrit Satanás.
Au castèu de ton paire
Ta molher ten bordèu.

Se tu va vòs pas creire
Te’n vaquí seis anèus.
Alèssi saup que faire
D’anar vò s’entornar.

Dau ciel descènde un ange
Per li venir parlar
Veses pas qu’es lo diable
Que te voliá tentar.

Alèssi pren sei biassas
Son gran viatge n’a fach.
Au bot de sèt anadas
‘Lessi a retornat.

Au casteu de son paire
Ne’n es vengut picar
Dau pè pica a la pòrta
Lojariatz lo romeu.

Son paire sòrt a l’estra
Lojam ges de romieu
Dau pè pica a la pòrta
Lojariatz lo romeu ?

Sa maire sòrt a l’estra
Lojam ges de romieu
Dau pè pica a la pòrta
Lojariatz lo romeu ?

Sa molhe sòrt a l’estra
Lo lojarai ben ièu
Que sabi pas ièu, paura
Cu mi lòja lo mièu.

Li an dreissat ‘na cocheta
Sota leis escariers
Onte varlets chambrièras
Jiton lei bordariás.

Au bot de sèt anadas
‘Lessi a trespassat
Lei campanas de Roma
Si son messas a sonar.

Que li a ni clèrc ni avesque
Que lei pòsqu’assorar
Toei lei gens de la vila
Es mòrt quauque còr sant.

Lo baron Sant Alèssi
Benlèu a trespassat
Son paire ne’n descènde
Descènde lei degrès.

Se siás mon fieu Alèssi
Agues a ièu parlar
De ta bèla man drecha
Agues a ièu tocar.

Sa maire ne’n descènde
Descènde lei degrès
Se siás mon fieu Alèssi
Agues a ièu parlar

De ta bèla man drecha
Agues a ièu tocar.
Sa molhe ne’n descènde
Descènde lei degrès

Se siás mon marit Alèssi
Agues a ièu parlar
De ta bèla man drecha
Agues a ièu tocar.

Dau costat de sa drecha
Li tròba un mòt d’escrich
Qu’Alèssi s’enanava
Tot drech en paradis.

Tant de cèops ai laissa la luna
Jugar sus un tròç de ta peu
E cassar a poncha d'ombra
Lei …

Legir tot

Tant de cèops ai laissa la luna
Jugar sus un tròç de ta peu
E cassar a poncha d'ombra
Lei chavanas de quimeras

Aimavi tant passar ton ventre
Au penche de ma boca
Dins la nuech, silenci fòu,
De nostreu còrs atelats

Vesi tei uèlhs pausats sus ieu
A l'auba d'una d'aquelei nuèchs tròp raras
Dins de matins de tendras abséncias
Au fond d'un liech estrech

Coma cèu tei plafons d'escolana
Quaquei nivols de tabac
E lei vagas blavidas dau linçòu
Moressant sus una esquina teba

Me siau aganit a retener lo temps
Lo galòp d'un chavalòt
E maugrat lei noveus sòmis
Lo passat, de còps, se resvelha

Lo sergent Pepper se soven
Tot sol sus un mòble oblidat
E Lucy dins son cèu de diamant
Vei passar dos parallels usats...

Cravata roja e vèsta blua,
E tostemps enter dus avions,
L’estereò dens la veitura,
Cent quate vint, que soi urós. …

Legir tot

Cravata roja e vèsta blua,
E tostemps enter dus avions,
L’estereò dens la veitura,
Cent quate vint, que soi urós.
Atau que vau dab energia,
Sponsorisat dinc aus caleçons,
Atau la mia filosofia,
Que soi brancat, que soi urós.

Repic :
Mes cada nueit, dinc au matin,
Medish saunei, poish pas dromir,
Tostemps aqueth puto de brut,
Segut en lhièit, que’m cau la lutz.
Un brut de quan èri petit,
A vàder hòu, jamei fenit,
Shense pieitat com un miralh,
E jo qu’apèri la mia mair.

Que soi un òmi de l’an dus mila,
Que soi batant, que soi batant,
Lop ahamiat capvath la vila,
Que soi batant, e combatant.
Qu’èi escadut la mia vita,
Jo qu’èi lo nhac, jo qu’èi lo nhac,
Ganha petit, ganha petita,
Avisatz-ve, malur au flac.

Cent còps jo que venoi la lua,
Cent còps tanben que la crompèi,
Que sèi parlar de conjontura,
Que sèi parlar tà díser arren.
Aquestes torns, tot qu’ei imatge,
E lo papèr qu’ei de color,
E las ideias que son miratges,
E que las cau deishar ont son.

Uei si voletz ganhar la corsa,
Cau pas amics, cau relacions,
Un uelh pausat dessús la borsa,
E l’aute sus las eleccions.
I a los colhons e i a los autes,
Aquò sera tostemps vertat,
E n’ei pas de la mia fauta,
Si an causit d’estar de costat.

Èra un barqueton tan petitonet
Un pichòt batèu de vela
Que l’avián bastit amb un vièlh closquet
E un petaçon …

Legir tot

Èra un barqueton tan petitonet
Un pichòt batèu de vela
Que l’avián bastit amb un vièlh closquet
E un petaçon de tela ;
Dins un pòrt pichòt entre dos canats
A l’abric de la cisampa
Esperava lo temps de calimàs
Per navegar sus la sampa…
Mas un jorn, lo pichòt batèu faguèt un sòmi,
A son torn, volontèt d’entreprene un viatge al long cors…
Adonc se’n anèt magnificament
Plan content cap als tropicas
Sa vida creava segurament
D’idèas misantropicas.

Mas totas las nimfas de cada part
Per el se fasián de lagui :
La luseta que li fasiá lo far
L’apelava sens relambi ;
Mas lo batelet fièr e mespresant
Disiá : « Visca l’aventura !
Que aprèp lo flume i a l’ocean,
La Marina es pas tan dura !
Quin plaser de vogar aital sus las ondas,
Quin plaser de poder navegar del matin fins al ser !
Lo vent es leugièr e lo cèl es blau,
Quitem aquel mond en crisi,
Que las gròssas èrsas me fan pas páur,
E del perilh ieu me risi. »

Mas aviá pas vist qu’un brave guiton
Trempava son tafanari,
Per nòstre batèu tan pichoneton
Faguèt un terrible auvari;
Vos vòli contar çò qu’es arribat :
Èra coma una tempèsta,
E dins las cobèrtas foguèt l’aigat,
Adieu sòmi de conquèsta…
« Salvem-nos, udolèt lo naviri en pèrda,
Salvem-nos, ai perdut per totjorn mon masatge tan doç ! »
E plen de regrets, lo morre moquet,
Nòstre batelet s’afonça,
Demoratz al pòrt se sètz un barquet,
Del problèma es la responsa.

Saps qu’endeven la ricor.
De sels que l’an malamen.
Venra un fort raubador.
Que non lur laissara ren.

So es …

Legir tot

Saps qu’endeven la ricor.
De sels que l’an malamen.
Venra un fort raubador.
Que non lur laissara ren.

So es la mortz que-ls abat.
C’ab car’aunas de filat.
Los tramet en tal maizo.
Ont atrobon de mal pro.

Crompar las particions : http://www.ocmusic.org/boutique/index.php?cPath=5

Se lo ben èra lo mal
Se lo mal èra lo ben
Lo lagui se fariá veser
Atal seriá mon …

Legir tot

Se lo ben èra lo mal
Se lo mal èra lo ben
Lo lagui se fariá veser
Atal seriá mon ben grand
Que vendriái l’egal d’un sant

Mèstre del ben e del mal
Podriái dins lo meu trabalh
Lo mal ja fach, lo desfaire
E lo ben a far, lo faire ben
Aquò’s mon voler

Mas ara sabi tròp plan
Cossí per ieu serà deman
Tant ailàs son grands los mals
Tant menèls son los bens
Atal e ieu sens poder

Se lo ben èra lo mal
Se lo mal èra lo ben
Lo lagui se faria veser
Atal sera mon …

Legir tot

Se lo ben èra lo mal
Se lo mal èra lo ben
Lo lagui se faria veser
Atal sera mon ben grand
Que vendrai l’egal d’un san

Mestre del ben e del mal
Podriai dins lo meu trabalh
Lo mal ja fach lo desfaire
E lo ben a far lo faire ben
Aquo’s mon voler

A St Peire ia una dama
Degun ditz que qu’oi la fenna
Qu’oi la fenna dau sorcier
La fenna trapa …

Legir tot

A St Peire ia una dama
Degun ditz que qu’oi la fenna
Qu’oi la fenna dau sorcier
La fenna trapa los omes
Lo sorcier los cambia en crabas
A St Piere,ia un berger
Que as un braba tropec
A St Peire ‘ia ana dama
Escota –i
Qu’o peta,qu’o peta!
Sabes Piti!!
Oh! Qu’oi ‘cabatz

Lo Bertran n'a ua craba gromanda com un can
Es anada a l'entoma au casau d'un paisan
Lantran la miralintrèna, …

Legir tot

Lo Bertran n'a ua craba gromanda com un can
Es anada a l'entoma au casau d'un paisan
Lantran la miralintrèna, lantran la miralintran.

S'i a minjat las leitugas e mei lo caulet blanc
Es estada assignada per cinc o shèis sarjants.

Apresentèt sas còrnas au premèr arribant
Que l'an miada a l'audiença davant lo president.

S'i trocèt sa codeta, sautèt dessus un banc
D'un sustèth de cagalhas, un sustèth tot pishant.

Que paguèt las leitugas e mei lo caulet blanc
Que domandèt aus jutges si ne'n volèn autant.

I a dos o tres ans d’aquò,
Aviáu un pauc pòu dei lops.
Ara que siáu ecòlò,
Ara siáu l’amic …

Legir tot

I a dos o tres ans d’aquò,
Aviáu un pauc pòu dei lops.
Ara que siáu ecòlò,
Ara siáu l’amic dei lops.
Ai achatat au marcat
Un pareu de lobatàs :
Un brave e l’autre ensucat,
Negre com’un corpatàs.

Come lo sabètz, lei lops,
Tot solets son pas contents.
An besonh d’èstre au mens dos
E puei que fague bèu temps.

Repic :
Es-ti que fará bèu temps ?
O fará-ti marrit temps ?
Me carcanhe tot lo temps,
Vodriáu devinar lo temps.
Me demande tot lo temps
(Tè !) Se lo marrit temps vendrá,
E me demande tambèn
(Bè,) Se puei lo bèu temps tendrá.

Segur de còps que i a lo,
Lo bèu temps, lo bèu temps tèn.
Lo bèu temps tèn e mei lops,
E mei lops son bèn contents.
Come aquò se passa ben,
Siáu mai anat au marcat,
N’ai achatat un tresen, (quatren,
cinquen, sieisen, seten, …)
Ensems se languisson pas.

Come lo sabètz, lei lops,
Tot solets son pas contents.
An besonh d’èstre nombrós
E puei que fague bèu temps…

Me cal plan téner lo margue,
Torni levar lo bigòs.
Un ròc es pas mai qu’un òs,
Lo ser la …

Legir tot

Me cal plan téner lo margue,
Torni levar lo bigòs.
Un ròc es pas mai qu’un òs,
Lo ser la luna fa pargue,
Lo meu òrt serà plan fòs.

Lo primièr còp tremolèri :
Una pua dins un uèlh
E l’autra dins lo cervèl,
Cantarai al cementèri.
Sul lencòl lo sang es bèl.

Me cal fòire, me cal fòire,
Dins un ostal cada nuèch.
Suspreni l’enfant sul lièch,
La maire se pòt pas mòire :
De mon mestièr soi perfièch.

Quand dormirai dins lo pargue
Lo meu clòt serà plan fòs.
M’engrunarai òs per òs,
Tendrai encara lo margue.
Bodon, l’òme del bigòs…