Cossí fa lo rainalon quand trapa la galina ?
Li fot un pè sul còl e l’autre sus l’esquina.
Te’n …

Legir tot

Cossí fa lo rainalon quand trapa la galina ?
Li fot un pè sul còl e l’autre sus l’esquina.
Te’n sovenes-tu Marion quand n’èrem dins la palha ?
E que de temps en temps que n’avèm vist lo diable !
Cap de fenhant trabalha pas al temps de las amoras
Li fot’l cuol dins un bartàs cada còp ne pica una.

Lo ratet se'n vai de nuèch
Ne'n troba son papà cuèch
Sa maman dins l'ola
Lo ratet se plora
O …

Legir tot

Lo ratet se'n vai de nuèch
Ne'n troba son papà cuèch
Sa maman dins l'ola
Lo ratet se plora
O ratot plores pas tant
Ton papà vendrà deman
Ta maman après deman
Te portarà de pan blanc
Un plen plat de cornhas
Lo bon Diu t'endòrmia
Som som veni veni veni
Som som veni veni donc
Lo som som vòl pas venir
Mon drollet vòl pas dormir
Som som veni veni veni
Som som veni veni donc.

Repic
Lo reggae es mon companh,
Tota la vida mi ten bolegant.
Lo reggae es mon companh,
Sus mon camin …

Legir tot

Repic
Lo reggae es mon companh,
Tota la vida mi ten bolegant.
Lo reggae es mon companh,
Sus mon camin mi ten dansant.

Eh, bravei gents! Laissatz passar la machina!
Eh, bravei gents! Laissatz passar lo trin
Dau reggae d’Occitania que camina!
Bolegatz vos, si voletz montar dedins!
Torna lo son, òc, torna la rima,
Au reggae lo Mossu ven pagar sa dima
Torna la rima, òc, torna lo son,
Que lo Mossu si sente una cançon.

Repic

De matin, mi desvilha e, per la man, mi pren,
Bolegui mon cafè subre son picament.
Si siáu pas de bòna, serve de medicament,
Una linha de bassa e l’enavans mi reven.
M’en vau per la vila, de pertot es present
E chasca carrièra me’n sòna un different.
Aqueu de mon quartier, de la planeta a l’accent
Que, va sas, dei frontieras, Reggae se’n garça ben!
Diga va mi! Cu fa cantar lei pichons ?
Reggae musica fa cantar lei pichons.
Diga va mi! Cu fa dansar lei cotilhons ?
Reggae musica fa dansar lei cotilhons.
Diga va mi! Cu parla de ton canton ?
Reggae musica parla de ton canton.
Diga va mi! Cu fa la niqua ai pebrons ?
Reggae musica fa la niqua ai pebrons.

Repic

Reggae de Nissa, de Merinhac, de Marsilha,
Reggae de Ieras, Tolosa e Montalban,
Reggae de França, d’Inglaterra, d’Italia
Reggae d’Africa e reggae jamaican,
En America, au Canadà, per Colombia,
A New Delhi, à Djakartà, à Oran,
Reggae de pertot ti tiendrà companhiá
Que son picament sembla lo còr de l’uman.

Repic

Vòli dire : Reggae si fa à l’ostau, Reggae es internacionau,
Reggae plai à ton quartier, Reggae ven dau monde entier,
Fa dansar lei sabentàs,
Fa dansar lei parpanhàs,
Ti farà totjorn mestier,
Ara, fa ne’n ton profiech!

Repic

M’enamant au Pòrt Vièlh, l’ai facha,
A ma dòna trista, pensant
Per que sabi que lo reggae marcha
Portant lei caressas de son amant.

Jo que t’avi dit,
Que lo rei petit
Qu’èra lo mei bèth
De tots los ausèths,
Lo chapèu suu cap, …

Legir tot

Jo que t’avi dit,
Que lo rei petit
Qu’èra lo mei bèth
De tots los ausèths,
Lo chapèu suu cap,
Tot esperrecat,
La camisa dessus,
Tota plea de puç.

Qu’avè un gilet
De pèth de droguet,
E lo pantelon
N’èra pas tròp bon,
Au cap deus solièrs
S’i vedèn los pès,
La camisa dessus,
Tota plea de puç.

Aviáu dubert l’ostau
E estacat mon chin,
E la clau dau portau
T’esperava au jardin.
Mai, ai perdut ma gaug …

Legir tot

Aviáu dubert l’ostau
E estacat mon chin,
E la clau dau portau
T’esperava au jardin.
Mai, ai perdut ma gaug
Car siás jamai vengud’
Ara ne’n siáu malaut
E mon chin manja plus.

Ai garçat mei pantais
Dins un biau dessecat,
Mai lei raissas de mai
Me leis an emportats.

E vira lo relòtge,
E passa lo temps,
E vira lo relòtge
Que buta lo temps.

E davant mon ostau
Aviáu un amorier
Monte un pichòt rigau
Cascalhava galhet.
Mai l’estiu siguèt caud,
L’amorier mouriguèt
E lo paure rigau,
Tristonet partiguèt.

Ai perdut mon coratge
E tot mon enavans.
Quora venguèt l’auritge
Emportèt lo restant.

E vira lo relòtge,
E passa lo temps.
E vira lo relòtge,
Que marca lo temps.

Aviáu fach mon ostau
Pantalhant a deman.
Ere fièr de la clau
Que teniáu dins la man,
Mai, pauc a pauc la clau
Rovilhèt ‘mé lo temps.
E me fai un pauc mau
De ne’n parlar per ren.

Ai carrejat mei penas
Au plus fons dau valat,
Mai, la bisa que rena
A fach tot envolar.

E vira lo relòtge,
E passa lo temps.
E vira lo relòtge
Que tira lo temps.

Ai sarrat mon ostau,
Ara siáu tot solet.
Ai escondut ma clau
Dins lo fons dau bufet.
I a plus dins mon fogau
Qu’un mocèu d’ólivier,
E fai plus gaire caud,
Es lo mes de janvier.

Ai butat ma vergonha
A grands còps de baston,
Mai la chata que fonha
A gardat sei potons.

E vira lo relòtge,
E passa lo temps.
E vira lo relòtge,
Es passat lo temps.

Lo men rève de joenessa
Qu’ei vadut au bord deu Lu
Qu’averí voulut qu’estessa
Com l’ala de l’auseth blu
Com …

Legir tot

Lo men rève de joenessa
Qu’ei vadut au bord deu Lu
Qu’averí voulut qu’estessa
Com l’ala de l’auseth blu
Com los uelhs de la mainada
Qui’s banhava au miei deu briu
Deu sorelh qu’era parada
Tota nuda au gran clar de l’estiu…

Com los uelhs de la mainada
Qui’s banhava au miei deu briu
Que credoi véder ua hada
Tota nuda au gran clar de l’estiu.
Tau com lo briu qui s’assauba
Que’t sauvès quan me vedós
Qu’amassei la toa rauba
Deishada au miei de las flors
Mes las sègas deu passadje
E lhèu lo Diu trufandèr
Qu’es liguen tà’m dar l’aumadje
De l’arrosa d’amor suu sendèr

E la flor de la joenessa
Tota nuda au bord deu briu
Qu’averí volut qu’estessa
L’eternitat de l’estiu
Que’t tornei rauba e corsadje
N’avoi que lo dret d’espiar
Mes deu pòt qui’m dès en gadje
Lo men cór per tostem que’s ligà
Que’t tornei rauba e corsadje
Shens aver lo dret d’espiar
Qu’eram a la flor de l’adje
Qu’ei tau lo cór qui se’m ligà

Tu lo briu tostem qui danses
Que póts diser quin l’aimei
Mes quan fenín las vacanças
L’amiga no tornà mei
Que’m soi dat a d’autes rèves
- Que cau plan viver bissèr ! –
Mes que’m sovieni de las frèves
De l’amor, de l’amor qui passè

Suu men rève de joenessa
Las arrósas qu’an fanit
Com l’auset plen de tristessa
Que torni suu bórd deu nid
No demora nada traça
De l’amor qui m’avès dat
Que sei plan que tot que passa
Mes que crei totu que m’as aimat
No i demora nada traça
De l’amor qui m’avès dat
Que sèi plan que tot que passa
Mes au men jo qu’averei aimat

Escotatz la canço
Dels brocards dels blasons
Apariada sus las
Ciutats de la region
Cada vila a son renom
Sa …

Legir tot

Escotatz la canço
Dels brocards dels blasons
Apariada sus las
Ciutats de la region
Cada vila a son renom
Sa devisa un dicton
D’unis vos farán rire
D’autres benlèu non.

Vau començar prumièr
Per la vila de Graulhet
Sabètz çò que ne dison
Per d’aiga n’an pas set
Al pè de la montanha
Aquí Masamet
Quina formula estranha
Un ba tira l’autra ba i met.

A Galhac son tabols
O benlèu estacats
Se descaptan lo cuol
Per s’acaptar lo cap
Los pichons de Montans
Totjorn tustan los grands
Las polas de Treban
Totjorn grapan en avant.

Dison de Borniquèl
Cada pòrta un portanèl
Pareis qu’a Castelvièlh
Cada ostal es un bordèl
Lo monde de Lamandina
Se son pas colhas n’an plan la mina
E los de Calmon
Se son pas colhas n’an lo renom.

E sabètz qu’a Marsac
Cada fava dona un sac
Tot plan vist e regardat
La Cauna val Galhac
Val mai èsser del Segur
Que de la Paroquial
Castelnòu de Montmiralh
Pichona vila grand portal.

Escotatz la cançon
Dels brocards dels blasons
L’avèm facha sus las
Ciutats de la region
Cada vila a son renom
Sa devisa un dicton
N’avèm facha una cançon
Dancem lo revelhon.

R- I a dedins mon vilatge,
Fau pas lo repetar,
Un revira-meinatge
A tot faire petar.

1- Figuratz-vos que Berta, …

Legir tot

R- I a dedins mon vilatge,
Fau pas lo repetar,
Un revira-meinatge
A tot faire petar.

1- Figuratz-vos que Berta,
La fema dau bochier,
Vai tirar lei cubertas
Dau brave bolangier.
Sa fema es bedigassa,
Lo laissa tot solet,
Vai vendre sei fogassas
E eu a totjorn freg !
E lo Gaston,
Lo vièlh garçon,
Come un fadat,
Fai que badar.
I a lo marit d’Irèna,
’Queu que fai lo pompier,
L’autra nuech la sirena
Lo sortiguèt dau liech.
E l’Irèna soleta,
Lo fuòc, puei, la prenguèt,
Lèu-lèu donèt l’alerta
E son vesin venguèt !
E lo Gaston,
Lo vièlh garçon,
Come un fadat,
Fai que badar.

2- Pareis que l’Angelica
A pregat lo fator
De li donar d’esplicas
Sus lei letras d’amor.
Eu li a fach la leitura,
E li a ben esplicat.
Es aquò la cultura,
Es pas tant complicat.
E lo Gaston,
Lo vièlh garçon,
Come un fadat,
Fai que badar.
Lo marit de Germana
Fai lo representant.
Quand part per la setmana
Se fai de marrit sang.
La television meme,
Pòu plus l’apasimar,
Urosament que Jaume
Vèn per la consolar !
E lo Gaston,
Lo vièlh garçon,
Come un fadat,
Fai que badar.

3- I a lo chefe de gara
Que fai un brave trin
Car sa fema a encara
Partit a de matin.
Es talament sensibla
Que lo suporta plus,
Quand i a un trin que sibla
Lo fai lèu banarut !
E lo Gaston,
Lo vièlh garçon,
Come un fadat,
Fai que badar.
Despuei que la novèla
A la television,
A virat la cervèla
Dei gents de mon canton,
I a lo SIDA que gueita,
Fau ben faire atencion,
E per lei galipetas
Prendre sei precaucions.

E lo Gaston,
Pas tant colhon,
Risca pas d’a-
Guèt lo SIDA!

L’òme s’es corcat còr ferit piech esquiçat
A bramat com’un lop davant lo fuec amurcit
A mes lo morre dins …

Legir tot

L’òme s’es corcat còr ferit piech esquiçat
A bramat com’un lop davant lo fuec amurcit
A mes lo morre dins lo cendre refrescat
A cercat lo perfum familiar
d’alhet, d’amor de naftalina
Dau sieu renho

Coma una pluma de ferre
Portada per lo vent dau chagrin
De darrier una nebla
Monta lo rire fòl dau diaul,
lo rire fòl dau diaul

Davant lo grand tilhul qu’assostava lu amics
L’ària es renduda peanta
per lo cant dei cigalas
Sus d’un costat dau camin encaladat
Lo brusc es negre dins la garriga
qu’es manco plus esposcada
Dei massons d’aur dei ginests

A genolhs sus la tèrra
dins la rason que tremòla
Sota la calor dau soleu dei tamisiers
Cerca un sinhau l’envueia de continuar
La sieu passejada d’òme
dins l’òdor de mòrt de misèria
Dau nòstre monde

Li aurà bessai dins la sang de la tèrra
Lo rire d’una bèla per crepar lu lorditges
Una tibla a cantat dins li sieu mans febroï
Per far gisclar lo perfum
d’alhet d’amor de naftalina
Dau nòstre monde

Sul ròc de Carlat pichona
Ai fach una mestressa…
Fach una mestressa…
Sul ròc de Carlat !

S’apèla Loisòta ! …

Legir tot

Sul ròc de Carlat pichona
Ai fach una mestressa…
Fach una mestressa…
Sul ròc de Carlat !

S’apèla Loisòta !
Ieu la vòle aimar, pichona !
S’apèla Loisòta !
Ieu la vòle aimar !

Santa Maire ! M’agrada !
Ieu la vòle aimar, pichona !

La masca, quan vos ten, vos ten e coma cal.
Atal per Joaneton, qu’a son det medical
Li doliá un …

Legir tot

La masca, quan vos ten, vos ten e coma cal.
Atal per Joaneton, qu’a son det medical
Li doliá un tròç de rodaire,
Un ficral de mal blanc qu’i fissava totjorn
A ne pensar morir, a n’estofar lo jorn
E la nuèit a ne mpancar d’aire.

Que res non i fasiá per calmar sas dolors,
Ni antibiotics ni mai èrbas e flors
De Messegué lo tisanaire.
Totes los medecins i perdián lor latin.
"A ! Valdriá mai morir que non pas tant patir !"
Fasiá l’ingenua a sa maire.

"Ma filha, me sovén, qu’un còp, d’un torn de ren,
M’aviá reviscolada un monge, un reverend,
Fraire Baptista l’adobaire.
Vai-te’n lèu lo trapar, veiràs es pas marrit
E ton mal de crabit deman serà garit,
Mas o digas pas a ton paire !"

Sens la daissar finir, la magarú corrís
A tot pols alconvent botar son panariç
Jos l’uèlh saberut del bon fraire
Qu’i diguèt, quand l’aguèt paupada de pertot :
"Tot aquò, mon petit, serà pas res de tot.
Escota plan çò que vas faire :

Dos còps, tres còps per jorn, te cal metre lo det
Dins ton endreit secret, dins aquel nis caudet
Que Dieu me comanda de taire,
E lo mal passarà ; mas seriái plan content
De n’èsser avisat sul pic. Ara vai-te’n
E que l’Esperit sant t’esclaire !"

La gojata a l’ostal seguèt la prescripcion
Ambé tant de coratge e tant d’abnegacion
Que son abcès, sens estar gaire,
Se crèba, e que lo det li quita de prusir.
Alara Joaneton a cò del capuchin
Va mercejar lo potingaire.

Baptiston, quand cegèt la traïna arribar,
Sentiguèt jos lo fròc un daquòs se tibar
E, se signant del Nom del Paire :
"Paura enfant, i a tres jorns qu’un det me fa sofrir !
Desliura-me del mal, tu que pòdes ofrir
La garison a ton salvaire."

E, perdent l’oremus, lo monge sul plumon
Adosilha la que podiá pas dire non
E sospirava a son cardaire :
"A vièt-d’ase ! Quin det ! Lo sentissi passar !
Mas cresi qu’a present, fraire, podètz polsar :
Ven de crebar vòstre rodaire." (bis)

« D'ont venes tu rossinholet salvatge
Ont es qu'aviás tant demorat
te cresiái perdut en voiatge
dins lo combat de …

Legir tot

« D'ont venes tu rossinholet salvatge
Ont es qu'aviás tant demorat
te cresiái perdut en voiatge
dins lo combat de Gibraltar !
Siasques aicí le planvengut de ton voiatge
que de tant lenc que t'ai ausit
m'as rejoit,
m'as rejoit .

Monsur qu'avètz de complasença
de vos ne sovenir de ieu.
Mes ieu aurai la prevenença
de venir aicí passar l'estiu.
Vos prometi qu'en vòstre onor
dins mon ramatge
cantarai la nèit e lo jorn
aicí l'entorn,
aicí l'entorn.

Ieu te doni la preferença
se vòls cantar dins mon jardin.
Al jardinièr farai defensa
de te causar ges de chagrin.
Si per azard i vòls nisar
i a de fulhatge :
ne mancaràs pas de fricòt
per tos pichòts,
per tos pichòts.

Monsur coneissi a vòstra mina
qu'aimatz d'entendre les aucèls
Ne pregarem la cardelina
que ne cante aires novèls
la lauseta qu'a bèl accent
canta soleta ;
ela s'enaira en plen camp,
aquò's charmant,
aquò's charmant.

Ara iusqu'al mes de setembre
Monsur sarai vòstre vesin
auretz le plaser de m'entendre
aitant le soer que le matin.
Après irai passar l'ivèrn
dins d'autras tèrras.
Ieu e l'ironda partirem
totjorn ensems,
totjorn ensems.

Passatz devèrs la Martinica.,
ara per aquesta sason,
que dal costat de l'america
ne petan los còps de canon !
Bom !
Ne prendrem un autre camin
dina nòstra rota.
Monsur vos siáu plan oblijat
ara adiussiatz,
ara adiussiatz»

Le mes de setembre arriba,
le rossinhòl nos vòl quitar.
le rossinhòl nos vòl quitar,
quina tristessa
Le boscatge portarà dòl
dal rossinhòl,
dal rossinhòl.

Repic :
E al clapàs cal totjorn portar pèiras
Cal portar pèiras de longa al clapàs.

Un bon jorn dins …

Legir tot

Repic :
E al clapàs cal totjorn portar pèiras
Cal portar pèiras de longa al clapàs.

Un bon jorn dins la vila
De Cordàs en Albigés
Encontrèt una filha
La dròlla d’un pagés (bis)
Tant i agradèt pecaire
Qu’anguèt lo lendeman
Demandar a son paire
Se la i voliá donar
I respondèt : Ma filha
Gojat es pas per tu
D’usclats dins la familha
N’i a pas jamai agut.

Per trobar una cramba
Un ostal un abric
Cal mostrar pata blanca
Se cal levar matin
E se siás pescaluna
Caumaire o pas francés
O s’as d’aurtas costumas
D’ostals ne trapas ges.
Sonc’un tròç de cabana
Una gàbia de beton
Quand te cal pas me damne
T’anar jaire jols ponts.

E se un jorn mon paure
Vòls trobar un trabalh
Cal beure ton vinagre
De paciénça ne cal
Cal furgar las anóncias
Córrer amont aval
Per aver una responsa
Que cambia pas jamai
Quand veson ta cara
O que dises ton nom
Las pòrtas se barran
Pas res per tu pichon !

S’un jorn de desbarruta
Trobavas un trabalh
Met un tap a ta flabuta
Pòt èsser un tracanard
Siás pas francés de soca
Siás aquí per trimar
Lo pauc d’argent que tocas
Lo te cal pas panar
Sempre per tu l’obratge
Que cap pus vòl pas far
Mas quand ven lo caumatge
Seràs lèu balajat.

Repic :
Non s’i a pas jamei vist,
Jamei enlòc véner s’aví sabut,
Non s’i a pas jamei vist
Un …

Legir tot

Repic :
Non s’i a pas jamei vist,
Jamei enlòc véner s’aví sabut,
Non s’i a pas jamei vist
Un còfre-fòrt seguir un atahut.

Perqué tirar tan la galèra,
Un dia o l’aute crebaràs,
Un còp au clòt, devath la tèrra,
De la moneda, que’n haràs?

Tribalha, pèc, apièla, apièla,
Quan ajas aloncat los pès,
Se’n vueitaràn quauque botelha
A ta santat los eretèrs.

Entau vermiàs, quina hartèra,
Quan t’arroganhen pèth e òs,
Que’us ofriràs bèra vaishèra,
En te crompar un cròfo d’aur.

Que sias pelat, qu’ajas moneda,
Que sias capulat o pacant,
Qu’arrecotiràs tà la cleda,
Quan ajas hèit lo torn deu camp.

Amb Lily sèm partits dins la nòstra veitura
L’autre jorn per anar manjar dins la natura
Avèm cargat los panièrs …

Legir tot

Amb Lily sèm partits dins la nòstra veitura
L’autre jorn per anar manjar dins la natura
Avèm cargat los panièrs e totis los paquets, e la radio

Quatre cotèls, de la mostarda
Un pauc de burre, un tròç de pan
De confituras, e de vin roge, un salsissòt.

De chocolat, e de bescuèitas,
Un cambajon, de cornissons,
Un tròç de ceba, e de formatge, un salsissòt.

Aviam pas res oblidat, tot èra plan plegat
Pendent tres jorns totis dos aviam trabalhat
Per preparar los panièrs e totis los paquets, e la radio

Quatre cotèls, de la mostarda
Un pauc de burre, un tròç de pan
De confituras, e de vin roge, un salsissòt.

Un rostit freg, qualques olivas
Dos o tres bierras, de camparòls
E de tomatas, e de patanas , un salsissòt.

Mas quand èrem installats l’auratge es arribat
En tres minutas èrem mai que ragentats
Avèm dintrat los panièrs e totis los paquets, e la radio

Nos sèm tornats per manjar a l’ostal
Lo chocolat lo formatge
Las tomatas e lo salsissòt
Lo pan e las confituras
La mostarda e lo salsissòt
Los camparòls las patanas
Lo cornissons e lo salsissòt.

D’un malh a l’aute, un arcolet sauta,
Lèugèra pondiqueta de las set colors.
Au vent, ua maria-blanca
Que velha e …

Legir tot

D’un malh a l’aute, un arcolet sauta,
Lèugèra pondiqueta de las set colors.
Au vent, ua maria-blanca
Que velha e lo temps que s’estanca.
D’un malh a l’aute, un arcolet sauta,
Qu’anoncia ua vaduda sus lo pic nublós.

Repic :
E l’avetz vist lo sarri
Aciu a garimbejar ?
E sauta en ça e sauta en la
E sauta, sauta plan.

La gorguejada de la cascada
Que canta la sonsaina deu sauta-crabòt.
Que drom, mes que sauneja enqüèra
De corsas capsus la ralhèra.
La gorguejada de la cascada
Que breça l’inocencia deu som deu sarriòt.

Rei de las cimas, fièras, sublimas,
Que cau har bona garda e de tot menshidà’s.
Au ceu, un agla que torneja,
La marmota shiula a l’enveja.
Rei de las cimas, fièras, sublimas,
Pè-hrema coma jensianas dehens un pèiràs.

1-Un jorn ma tanta Miquèla
De son èr grave e discrèt,
Diguèt a Polichinèla
De ben gardar son secrèt,
De …

Legir tot

1-Un jorn ma tanta Miquèla
De son èr grave e discrèt,
Diguèt a Polichinèla
De ben gardar son secrèt,
De ren dire i damisèla,
De se clavelar lo bèc,
De ren dire a la capèla
E nimai au cabaret.

R- Lenga de sèrp e lenga de biòu,
Lenga mòla e lònga lenga.
Lenga de puta e lenga de miòu
Que de lònga nos arengan.

2-Autant lèu, Polichinèla
Lo diguèt a Beneset
Que lo diguèt a Marcèla,
Pièi à la femo à Jousè.
Èra tant babilharèla
Que sa lenga ié prusiá,
Sota voetz e d’esperèla
Diguèt tot çò que sabiá.

3-Amudir li barjarèlas
Per li copar son caquet
Es come esquichar l’anguièla
Que s’esquilha dins li dets.
Pauc-a-cha-pauc la novèla
Come aquò s’espandiguèt,
Lo temps d’una ritornèla :
Tot lo canton l’aprenguèt.

4-Lo l’endeman Gabrièla
Per asard l’entendeguèt.
Faguèt saupre la novèla
Sensa tardar a Rogier.
Lo Rogier diguèt : « Aquela,
La vau aprendre a Nanet,
Que s’un còp se ne’n rapèla,
La contarà a Janet ».

5-Jan qu’èra una bartavèla,
La diguèt lèu a Jaufret
E a l’òme de l’Adèla
Qu’èra a mi-mi-mitat bret.
Éu la diguèt a l’Estèla
Piei au brave Vitoret
Que tant cridèt la novèla
Qu’ara degun l’inhorèt.

6-Lo curat de la capèla
Qu’èra pas gosta-solet,
Partagèt lèu la novèla
Emé li gènts de l’endrech :
Piei, li mamets, li pieucèlas,
Li drolàs e li papets
L’alarguèran sens chancèla
A còps de telefonets.

7-De Niça a Ramatuèla,
De Manòsca a Sant-Roumieg,
De Tolon a La Rochèla,
De Veison a Mont-Pelier,
Per campàs e per pradèlas,
Piei dins tóti li quartiers
E a plenas gargamèlas
S’estrassèran lo gosier.

8-L’ócasion èra tròp bèla,
Metiguèran lo paquet !
Publiquèran la novèla
En gròs dins li jornalets.
Ne’n faguèran, de plus bèla,
Lèu, la « Una » a la telé,
L’empeguèran sus la tela,
Sus internet circulèt !

9-De New-Yòrk a Compostèla,
De Roterdam a Sydney,
De Katmandou à Brussèla,
Piei de París a Bombay,
Trevirèran la cervèla
Di colhons dau monde entier !
Perqué per quatre parpèlas
Faire tant de petardiers !

Paure leis richas de to fan pas cas
Poès porrir dins ta miseria.
Dessus ton grabat, quand seras crebat,
La …

Legir tot

Paure leis richas de to fan pas cas
Poès porrir dins ta miseria.
Dessus ton grabat, quand seras crebat,
La de plaça au cementari.
Fauta de secors, vai, poès ben faire l’artema.
Perque deis gens sens’amor
Tocaras pas na centima.

Repic :
Siès naissut sensa la crespina
Leis mossus te viron l’esquina.
Siès naissut sensa la crespina
E leis mossus ti fan la mina.

Siès dins lo besohn, maugrat la rason,
Tens totjorn la testa sota.
Dins ton desespoar, cridatz pas tròp fòrt,
De segur i’a quauqun que t’escota.
Que cresès gannhar siès ti pas de la paurilha,
Perque ti lanhar si te fan la sorda aurilha.
Que crasès ganhar siès ti pas de la paurilha,
Perque ti lanhar si te fan la sorda aurilha.

Repic

Per ti rendre gai ti fau lo trabalh
E que lo pan demenisse.
Quor’es que vendra lo jorn desirat
Per que to aiça fenisse ?
Metes gaire au gus fau que ti serrès la pansa,
Lo cuol quasi nus degun ti dona assistença.
Metes gaire au gus fau que ti serrès la pansa,
Lo cuol quasi nus degun ti dona assistença.

Repic

As bela de plorar, de ti desesperar,
De ti faire un sang de pesta.
Cairrat siès naissut, morras pas ponchut
Quand t’espeçariàs la testa.
As paure mesquin encapat la falsa rega,
Ton mal prendra fin quand deversaras la pega.
As paure mesquin encapat la falsa rega,
Ton mal prendra fin quand deversaras la pega.

Repic

Imitant Courteline, grand septic d’un còp èra
Manifestant antau que l’òm me desencanta
Ai de velleitats de marchar per carrièira …

Legir tot

Imitant Courteline, grand septic d’un còp èra
Manifestant antau que l’òm me desencanta
Ai de velleitats de marchar per carrièira
Amb aquela devesa sortent de ma garganta
Ieu, crese pas aquò, es pas qu’una quimèra

Dieu, diable, Paradís, e la fauta prumièira
Lo bòn recompensat, lo marrit castigat
E lo filh dau Senhor, sa venguda tardièira
E lo pan benesit, e l’òli consacrat
Ieu, crese pas aquò, es pas qu’una quimèra

E la bòna aventura, la masca vertadièira
Las cartas, los taròts, las linhas de la man
La clau das sòmis, la bola primadièira
Los astres indicant çò que serà deman
Ieu, crese pas aquò, es pas qu’una quimèra

Las pròvas a la pièja, las pròvas sens falsièira
Testimònis segurs, tenents de juraments
Escutlaments espontanèus, vertats entièiras
Lo respècte de l’òme dins un questionament
Ieu, crese pas aquò, es pas qu’una quimèra

Necites la preson, lo bagne, la galèra
E la pena de mòrt coma eficaç castigament
Lo zèl expiatòri dau criminal de guèrra
Que bat sa colpa, borrelat de pentiment
Ieu, crese pas aquò, es pas qu’una quimèra

Sus los tombèus florits, las orasons sincèras
Los “èra un bòn filh, bòn paire, bòn marit
Lo melhor d’entre nos, a l’anma sens parièra
Un sant òme, un còr d’aur, bèl e nòble esperit“
Ieu crese pas aquò, es pas qu’una quimèra

Bavarèls e lenguts, vendent de farfantèlas
E plaçaments de sentiments ben tranquillons
E tota colhonada de tota capèla
E los mòrts per que venga un avenir mai doç
Ieu, crese pas aquò, es pas qu’una quimèra

Enveje pasmens los que pòdon creire

Lo ser l’après sopada
Gran’ fantesia me pren
D’anar sonar l’aubada
Là on mon còr i agrada
L’entorn de sa …

Legir tot

Lo ser l’après sopada
Gran’ fantesia me pren
D’anar sonar l’aubada
Là on mon còr i agrada
L’entorn de sa maison

La bèra es endurmida
N’entenent pas lo son
Lo son de las aubadas
Per era son sonadas
L’entorn de sa maison.

Escotatz-me, singlarons. Vaquí l'istòria del vòstre papet qu'aviá un brave còp de morre e que moriguèt eroĩcament dins l'encastre de …

Legir tot

Escotatz-me, singlarons. Vaquí l'istòria del vòstre papet qu'aviá un brave còp de morre e que moriguèt eroĩcament dins l'encastre de la mission « trufa negra »dins un bòsc de la Malapèira, a costat de Carcassona

Veniá d'una linhada de fosigaires qu'avián laurat los camps e los bòsques d'aquel canton a còps de gronh ou « de groin » coma dison los francimands qu'an apelat aquela montanha le groinland de tant que s'i trapan de traucs

Cal dire que lo vòstre papet erá un vertadièr exemple per totis los pòrcs salvatges, pòrcs amorosits de libertat que volon pas coma lors cosins de pèl rosada faire de gras clavats dins una porcatièra

Dins totis los villages a l'entorn òm podiá véser d'afichas ambe l'inscripcion « wanted », amb una promessa de premi per aquel que, coma lo Josh Randall, tornariá menar , mòrt o viu, « lo singlar que tira la trufa mai viste que son ombra »

E arribèt ço que deviá arribar

Dison qu'un dimenge de febrièr se constituiguèt un comandò de sept mercenaris per preparar una expedicion punitiva

Se traperon :

lo Benazet de la bòrda bassa, escaissat tira-lapin,

Bonifaci del pont vièlh, alias espèta-cabiròl

Gastòn refresca-barral qu'es totjorn al telefòn per faire la joncion e sa femna Juta, d'Alemanha nativa , qu'apelaván « la grosse Bertha » per çò que largavá de pets coma de còps de canon

I aviá tanben lo John Sniper alias remena-bartasses, retirat del G.I.G.N e novelament installat dins lo canton per tocar lo premi

Jésus creba-perdigal de la granja vièlha que se senhavá totjorn abans de tirar

Sens oblidar los bessons Igor e Grichka qu'avián totjorn lo cap dins las estelas e que tiraván totjorn a l'encòp, mas que comptaván pas que per un

Tot aquel monde metèt al punt una estrategia d'encerclament que mai lo Napoleon, qu'éra pas nascut de la darrièra pluèja, aviá pas jamai ensajada

Pensi que comprenètz, singlarons, que lo vòstre papet podiá pas se'n sortir

Dison que foguèt tuat a detz oras del matin

E dempuèi, cada dimenge, a la meteissa ora, dal fons de la montanha, dins l'aire fresc del matin, se pòt ausir una lamentacion, una lamentacion a vos remenar lo còr e la ventralha


Dins lo bòsc de la Malapèira
An tuat lo singlar
Tot es tranquil dins lo vilatge
An tuat lo singlar

Los òrts, los camps de la comuna
Saran pas tant laurats
Manjarem un pauc mai de trufas
An tuat lo singlar

oui.......ils sont mauvais
oui..... Ah oui mauvais

Ploran singlarons e singlara
An tuat lo singlar
El qu'aviá carga de familha
Aquel paure singlar

gué, gué, gué
ils ont tué le sanglier
gué, gué, gué
vraiment c'est zéro
gué, gué, gué
c'était un grand truffier
gué, gué, gué
tombé en héros

Dins lo bòsc de la Malapèira
An tuat lo singlar
Tot es tranquil dins lo vilatge

An tuat lo singlar

Traduction
LE SANGLIER DE LA MALEPÈRE

Ecoutez-moi, marcassins. Voilà l'histoire de votre grand-père qui avait un sacré coup de groin et qui mourut héroïquement dans le cadre de la mission « Truffe noire » dans un bois de la Malepère, à côté de Carcassonne.
Il venait d'une lignée de fouisseurs qui avaient labouré les champs et les bois de ce canton a coups de « gronh »ou de groin comme disent les français du nord qui ont appelé cette montagne le « groinland », tant il y a de trous.
Faut dire que votre grand-père était un parfait exemple pour tous les cochons sauvages, cochons amoureux de liberté qui ne veulent pas, comme leurs cousins à peau rose, faire du gras enfermés dans une porcherie.
Dans tous les villages alentour on pouvait voir des affiches avec l'inscription « wanted », avec une promesse de prime pour celui qui, comme Josh Randall, ramènerait mort ou vif « le sanglier qui tire la truffe plus vite que son ombre »
Et arriva ce qui devait arriver
On dit qu'un dimanche de février se constitua un commando de sept mercenaires pour préparer une expédition punitive
Se trouvèrent :
Benoît de la Borde basse, surnommé « tire-lapin »
Boniface du pont vieux alias « éclate-chevreuil »
Gaston « rince-baril »qui est toujours au téléphone pour faire la jonction, et sa femme Juta, d'origine allemande, qu'on appelait « la grosse Bertha » parce qu'elle larguait des pets comme des coups de canon
John Sniper, alias « remue-buissons », retraité du G.I.G.N et nouvellement installé dans le canton pour toucher la prime
Jésus « crève-perdreau »de la grange vieille qui se signait toujours avant de tirer
Sans oublier les jumeaux Igor et Grichka qui avaient toujours la tête dans les étoiles et qui tiraient toujours en même temps, mais qui ne comptaient que pour un
Tout ce monde mit au point une stratégie d'encerclement que même Napoléon, qui n'était pas tombé de la dernière pluie, n'avait jamais essayée
Je crois que vous comprendrez, marcassins, que votre grand-père ne pouvait pas s'en sortir.....
On dit qu'il fut tué à deux heures du matin
Et depuis, chaque dimanche, à la même heure, du fond de la montagne, dans l'air frais du matin, on peut entendre une lamentation, une lamentation à vous remuer le cœur et les entrailles

Dans le bois de la Malepère
Ils ont tué le sanglier
Tout est tranquille dans le village
Ils ont tué le sanglier

Les jardins, les champs de la commune
Ne seront pas autant labourés
On mangera un peu plus de truffes
Ils ont tué le sanglier

Pleurez marcassins et laie
Ils ont tué le sanglier
Lui qui avait charge de famille
Ils ont tué le sanglier

Dans le bois de la Malepère
Ils ont tué le sanglier
Tout est tranquille dans le village
Ils ont tué le sanglier

Lo só tira lo só e l’ombra l’ombra tira
l’eslama hui l’eslama e lo vènt lo vènt hui
lo huec …

Legir tot

Lo só tira lo só e l’ombra l’ombra tira
l’eslama hui l’eslama e lo vènt lo vènt hui
lo huec e l’aiga e l’aire e deu sorelh l’orgulh
tot es pas que d’adius e l’un a l’aut s’ac vira

atau nos am cremat lo huec qui nos desira
d’eslamas e lo diu qui n’es pas se ne’u vui
de dius naus e valents l’am livat com lo brulh
au ton còs que ton còs nau sèc e sèc de tira

càmbia de còs ò còs aprigat au mon clòt
torna inventa cent còs e cent envèrs d’eslama
horquèir adara adara peu adara coth

adara pitre adara dènt totara cama
adara estiu burlant en mèi burlant estiu
e tot d’un còp Sent Joan de huec d’ombra e de diu

Aviás vint ans, trigossaves misèria
E l’envetja de viatjar.
T’an dit se venes la paga es segura
E de pais …

Legir tot

Aviás vint ans, trigossaves misèria
E l’envetja de viatjar.
T’an dit se venes la paga es segura
E de pais ja ne veiràs.
As pres lo sac, l’as metut sus l’esquina
E siàs partit en fiulejant.
Pertot as trobat la granda famina
Pertot de pòbles revoltats.
Te siás fait fòrt per defendre l’empèri
Contra los òmes esplechats.
Enemic de la libertat
Aqui siás, paure soldat.

Carna canon, vendut a l’industria,
Als profitaires de la mòrt
As cresegut en la granda patria,
E te siás ligat a son sòrt.
T’an fait marchar coma una mecanica
Talament èras encloscat.
Quora t’an dit d’ocupar la fabrica
Coma un sol òme as marchat.
Ton fusilh punta tos fraires de misèria
Lo Capital buta ton braç.
Enemic de la libertat
Aqui siás, paure soldat.

La grava a conflat mon ventre
La pluèja a manjat ma pèl.
Es plan sofrir de pas mai esser
L'eternitat …

Legir tot

La grava a conflat mon ventre
La pluèja a manjat ma pèl.
Es plan sofrir de pas mai esser
L'eternitat la cal coneisser.
Vos prègui : ont es lo solelh ?

França, som mòrt a tas guèrras
Rocroy, Verdun e Rivoli
Mòrt per pas res, plan mòrt, misèria
Per Loïs Catòrze o Galliéni.

Mon istòria totjorn se sembla.
Me venián prene dins mon camp
Dins mon usina o dins ma bòria.
« Per França », disiá lo notable
« Per Dieus », disiá lo capelan...

Coma ieu aqueles d'en fàcia
Eran partits flor al fusilh.
Ara de tèrra plen la boca
Pòdon pas pus mandar son crit :
« Sèm mòrts per los profitaires
Sèm mòrts per engraissar los rics. »

Vergonha, vergonha, vosautres
Enropats dins vòstres drapèus
Venètz parlar a nòstra plaça
Quand n'a besonh vòstre govèrn !
Venduts, recoflats de messorgas
Calharetz lèu ! Calharetz lèu !

Repic :
Lo solelh de justiça
Es nascut questa nuech
Dios ’na paubra bastissa
A l’ora de miesguech,
Entre un …

Legir tot

Repic :
Lo solelh de justiça
Es nascut questa nuech
Dios ’na paubra bastissa
A l’ora de miesguech,
Entre un buou un asne
Qu’eschauren de lor ’len
Sos paubres pitits membres
Que sont gialats de fieg.

Visatz-lo dîns l’estable :
Tot li es refusat.
Un Di qu’es tant aimable,
L’aver tan rebutat !
Jésus, nòstre bon mestre,
Eu nos a tant aimat
Que eu a vougut pareisser
Dins un si paubre estat.

N’i a mas quauqua bargiera
Ni mai quauques paisans
Que quiten lor charriera
Per veire quel efant.
Ilhs disen : « Que eu es gente !
Que eu es beu ! Coma eu ris !
Vierja, Di vos contente ;
Lo gardetz de patir. »

Cho ! cho ! pas de credada !
Veiqui tres reis puissants.
Lor testa es coronada,
Ilhs venen d’Orient.
Conestriatz a lor mina
Que son plan bien furnits,
Per paur de la famina
Ilhs an lors pervesius.

Ilhs ’riben vers la crecha
E’ sens perdre de temps,
Sur la palha gran frescha
Ilhs placen lors presents.
Per nos, çò qu’eu damanda,
Qu’es ni aur ni argent,
Mas eu vou per ofranda
Nòstre cuer solament.

Quò n’es pas rasonable
Qu’es d’un mau elevat,
A ’n efant ri aimable
De lo li pas balhar.
Nòstre cuers son pus nòstre,
Senhor, qu’es ’n afar fach,
Des aura siram vòstres,
Qu’es per l’eternitat.

Nos som tots en pregiera,
Escotatz-nos, Jesus.
Que jamai la misera
Ne nos aflige pus.
Dau mau, dau meschant monde
Gardatz-nos, ò ! mon Di,
Que vòstra gracia abonde
Sur nos. Ensi sò ti.

Dessús l’ostalariá onte soi tranquillon
Esperant ton tustet, mon amiga,
Quand la nuèch fa cantar mai que ieu e melhor …

Legir tot

Dessús l’ostalariá onte soi tranquillon
Esperant ton tustet, mon amiga,
Quand la nuèch fa cantar mai que ieu e melhor
Totas las gatas, totes los gats,
Que repeta, que ditz, per dessus los teulats
Cada gat que sa votz me fatiga ?
Son cançons, e per tu las reviri en solaç,
Aquí las, aquí las, vaquí las :

Repic :
Lo solelh a rendètz-vos ambé la luna,
Mas la luna i es pas e lo solelh languís,
Aiçabàs sovent cadun a sa caduna,
Davant l’amor, passam pas lis !
La luna i es, la luna i es,
La luna i es mas lo solelh i vei pas ges.
Per la trobar la nuèch sufís,
La nuèch sufís mas lo solelh o sap pas e totjorn lusís…
Lo solelh a rendètz-vos ambé la luna,
Mas la luna i es pas e lo solelh languís,
« Ai vist aquò », Papà nos ditz…

Los sabents avertits per la pluèja e lo vent
Predisián lo borlís sus la tèrra.
Los jornals descrivián en tèrmes d’espavent
Cada avís, cada votz dels sabents…
Lo pòble espaurugat demandava als agents
Se lo monde anava a sa pèrda,
Quand subran los doctors, sabents e professors
Entonèron per òrts e per cors : (al repic)

Filosofs, escotatz! Aquel mot es per vos:
Lo bonur, sovent, vira canturla
E fugís a la crida de son rendètz-vos,
Davant nautres va de rescondons !
Quand cresèm qu’es plan luènh
Es tot pròche de nos, e barrutla, barrutla, barrutla…
Puèi se’n tòrna, se’n va, partent a cada bot,
Cercatz-lo, es un pauc de pertot !

Lo soleu barona descauç
Su la tieu peu d’arena
Camina pelegrin, sus la dralha febroa
Si fa virar la tèsta …

Legir tot

Lo soleu barona descauç
Su la tieu peu d’arena
Camina pelegrin, sus la dralha febroa
Si fa virar la tèsta
A si lecar la brina
Quora corcada sus l’erba ti dones a la prima

REP : Quora mi cuenta un pantais
M’emberluga de tu

La branca d’un castanhier
Si clina capona
Per ti faire de nhonhas
D’una fuelha laugiera
S’auça devers lo ciel
Embriaga de tu
Quora amoroa fas fèsta embé la prima

Quora mi canta lo vent
M’emberluga de tu

La tieu envueia jugarèla
Laissa córrer lo folaton
E s’escapa bèla e liura sus d’autres paisatges
La tieu envueia jugarèla
Fa balar lo monde
Quora frema loba ti dones a la prima

Quora m’arpeja un esper
M’emberluga de tu

Diga Sandre
Qué i a dins ton sòm?
La prima que vòla, que vòla
Sus la cima del vent

Diga …

Legir tot

Diga Sandre
Qué i a dins ton sòm?
La prima que vòla, que vòla
Sus la cima del vent

Diga dròlle
Lo camin es tan bèl
Es ta man que careça, que pensa
L’esquina del temps

Sandre, diga
Vaquí Lissandre
Lo Monde que dança, que te brèça

Diga Sandre
Qué i a dins ton rire?
Saique, saique una dança, ò Sandre
Que balança la vida

Diga dròlle
La lutz t’aparten
Perque la vida siás
E la vida dins tos uèlhs ten

Sandre, diga
Vaquí Lissandre
Lo Monde que dança, que te brèça

Que venga deman, que venga deman!
Vaquí cada ora que se lèva
Que canta, que canta

Diga dròlle
Dins lo rire e lo sòm
Saique un secret Lissandre
Que te voldràs gardar?

Sandre, diga
Vaquí Lissandre
Lo Monde que dança, que te brèça

Que venga deman, que venga deman!
Vaquí cada ora que se lèva
Que canta, que canta!

Sandre diga, Sandre diga
Qué te brèça?

Escota plan mon fraire
Lo sòmi que m'an fait
Escota plan mon fraire
Lo sòmi d'un damnat

Per la carrièra …

Legir tot

Escota plan mon fraire
Lo sòmi que m'an fait
Escota plan mon fraire
Lo sòmi d'un damnat

Per la carrièra granda
Passejan quatre vièlhs
pas ges d'uèlh, de maintages
Pas cap de cant d'aucèls.
I aurà pas de vendemia
Tornarem pas al bòsc
Nos an tampat las pòrtas
Fraire, lo cap me dòl !

Lo regent de l'escòla
A pro tustat mos dits
Quand disiái las paraulas
Del dialecte maldit
Aurià pas degut creire
Al nòstre deputat
Parlament o escòla
Son estats mos pecats !

Sortissi de la vila
Per dintrar dins los camps
As arrancat ta vinha
As fait rajar ton sang
E res que te demòre
De mila ans de trabalh
T'an vendut al torisme
Siás pargue nacional !

E ma tèsta se leva
E mon pecat es mòrt
E ma testa se leva
Vesi venir del bòsc
Mila òmes de ma tèrra
Que cantan ma cançon
Deluvi de colèra
L'Armada de Liberacion

Escota plan mon fraire
Lo sòmi que m'an fait
E plores pas mon fraires
Me levi desliurat !

Lo sòmi de Pèire-Paul
Lo sòmi de Pèire-Paul

Pèire-Paul Riquet un pichon occitan
Pèire-Paul Riquet es nascut a Besièrs
Entendèt …

Legir tot

Lo sòmi de Pèire-Paul
Lo sòmi de Pèire-Paul

Pèire-Paul Riquet un pichon occitan
Pèire-Paul Riquet es nascut a Besièrs
Entendèt parlar d’un projècte
D’amenar barcas de Mediterranèa a sa vila

Pèire-Paul Riquet viatja per las contradas del Lengadòc
Rescontra païsans paures e revoltats
Decidís de construsir un canal
Per amenar la prosperitat al país

Lo sòmi de Riquet