M’agrada l’oliva de Nion,
M’agrada lo pònt d’Avinhon,
Tamben la clareta de Dia,
E lo sound system de Marselha.
M’agrada …

Legir tot

M’agrada l’oliva de Nion,
M’agrada lo pònt d’Avinhon,
Tamben la clareta de Dia,
E lo sound system de Marselha.
M’agrada lo ciele de Pau,
Lei carboniers de Caramauç,
Lei berlingaus de Carpentras
E lei filhas de La Ciutat.

M’agrada l’èr de l’ocean
E lo muscat de Frontinhan,
La tarasca de Tarascon,
E mai l’òme dau cròs Manhon.
M’agrada lo vin dau Carcin,
Lei trobadors dau Lemosin,
La Magalí de Sant Canat
E lei filhas de La Ciutat.

Segur mi plai Niça la bèla
E mai lei tripous de Naucèla,
Anar vesitar Carcassona,
Faire d’esquí a Barcilona.
M’agrada Tolosa e Menton
E çò que sabètz a Condom,
Mi plai lo fetge de Sarlat
E lei filhas de La Ciutat.

Mar e montanha,
Vila e campanha,
Entre l’Espanha
E l’Italia.
Es un país,
Un paradís,
Coma si ditz :
Occitania.

Marcèl foguèt totjorn, totjorn un paure tipe :
L’aviá pres al revèrs son complexe d’Oedip(e).
Sa maire, una coquina,
La …

Legir tot

Marcèl foguèt totjorn, totjorn un paure tipe :
L’aviá pres al revèrs son complexe d’Oedip(e).
Sa maire, una coquina,
La tuèt al sopar,
E la nuèit, dins l’esquina
Faguèt un enfant al papà.

Refranh :
Marcèl, Marcèl, siás lo pus fòrt,
Nos faràs rire, nos faràs rire.
Marcèl, Marcèl, siás lo pus fòrt,
Nos faràs rire e mai mòrt.

Marcèl quand s’engatgèt, èra pas de folclòre,
Se seriá fait pelar pel pelhòt tricolòr(e).
Puèi, la camba ranqueta,
Tornèt a son ostal
Ambé dins la bragueta
Un brave bròc de marescal.

Refranh

Un pauc pertot Marcèl, sens pudor, sens complèxe,
Disiá : "Aurai jamai que l’atge de mon sèxe."
Sa femna aguèt lo vici
Per matar l’ardimand
De lo metre a l’ospici
Qu’aviá pas fait trenta-un ans.

Refranh

Coma se vei al cuol çò que la dent penchena,
Lo seu semblava lo barral de Diogena.
Tibat coma una embaissa,
Aquel cura-pairòl
Dintrèt pas dins la caissa
Quand crebèt de colesteròl.

Refranh

Marcèl aviá marcat, catarisme postume,
"Pichons, quand serai mòrt, vòli qu’òm me rastume."
tanben l’incinerèron
Sos gojats que, colhons,
Dins las cendres trapèron
Un topinat de graissilhons.

Refranh

Au pas de la mi' pujada
Shisclan ideas de velós
E au cap de cada andada
Presents de mila verdors …

Legir tot

Au pas de la mi' pujada
Shisclan ideas de velós
E au cap de cada andada
Presents de mila verdors

M'enlusèrnan los uelhs
Au darrèr l'u' de l'aute

Bruma baisha s'apotja
Bruma baisha blua roja
Escon los soms
Muisha los soms

Apitar escalons a pièlas
Per arribar au bèc deu cèu
E poder tocar las estelas
Que manca un barcalon ! …

Legir tot

Apitar escalons a pièlas
Per arribar au bèc deu cèu
E poder tocar las estelas
Que manca un barcalon ! Crudèu !

Se manca un barcalon ?

Un barcalon, crudèu !

Suu camin d'ua crotz
Tostemps marchar e pujar
M'estanqui, purmèr còp,
Docejar ! Suu camin d'ua crotz

Suu camin de duas crotz
Tostemps marchar e pujar
M'estanqui, dusau còp,
E bohar ! Suu camin de duas crotz

Passion

E m'esglachi
dab lo pes deu pas
Quantes plumalhons agergats ?
Quan marchi
hens la nèu tota fresca
E m' …

Legir tot

E m'esglachi
dab lo pes deu pas
Quantes plumalhons agergats ?
Quan marchi
hens la nèu tota fresca
E m' en.honsi pregon o pas ?
Non d'avanças n'ac sabi pas
N'ac sabi pas !

Pas hens la nèu, pas hens la nèu...

Lo pè pregon, lo pè
Lo pè, lo pè, lo pè !

Mardi gras qu'avè solièrs de papèr
Solièrs de papèr per dançar leugèr
ediu Mardi Gras tròp d'òra, tròp d'òra
adiu …

Legir tot

Mardi gras qu'avè solièrs de papèr
Solièrs de papèr per dançar leugèr
ediu Mardi Gras tròp d'òra, tròp d'òra
adiu Mardi Gras tròp d'ora t'en vas.

debàs de papèr, pantalons, camisa, vèsta, capèth ;

Mardigràs qu'avè
Solièrs de papèr, (bis)
Solièrs de papèr
Per dançar liugèr.
Adiu, Mardigràs,
Tròp d'òra, tròp d'òra,
Adiu, Mardigràs, …

Legir tot

Mardigràs qu'avè
Solièrs de papèr, (bis)
Solièrs de papèr
Per dançar liugèr.
Adiu, Mardigràs,
Tròp d'òra, tròp d'òra,
Adiu, Mardigràs,
Tròp d'òra te’n vas !

Mardigràs qu'avè
De bas de papèr, (bis)
De bas de papèr
Per dançar liugèr.
Adiu, Mardigràs,
Tròp d'òra, tròp d'òra,
Adiu, Mardigràs,
Tròp d'òra te’n vas !

camisa, culòtas, julet, vèsta, bonet...

Ère coma tocar damb era man eth cèu.
Ère com aqueth finau que acabè damb interrogant.
Ère coma eth Solei …

Legir tot

Ère coma tocar damb era man eth cèu.
Ère com aqueth finau que acabè damb interrogant.
Ère coma eth Solei que trè eth cap quan ve arribar era primauera.
Ère d’un tacte tan doç, auie un gust tan intens... e un talent especiau!

E ara l’an deishada sense sénter, ne veir, ne parlar, ne escotar.
Per èster diferenta, l’an embarrada en un cornèr,
l’an exiliada e desterrada.

Se me trinque eth còr, e se me gèle era sang
damb cada viatge que Margalida me ditz:

A on s’an quedat totes es flors d’abriu?
A on s’an quedat?
A on s’a metut era flaira d’ostiu?
A on s’a metut e per qué non ei aciu?
E a on s’amague era aigua d’aguest arriu?
Non tròbi era mèrca des mèns pès en solèr!

A on s’a metut tota aquera gent que tracte as demès
coma volerie èster tractada?
E a on s’amaguen era bontat e era sinceritat?
Non tròbi era estèla que me prometie Orient!

A on s’an quedat?
Ai, ai, ai!
A on s’an quedat?

Margalida non agarres pòur, que eth tòn coratge non vage endarrèr.
Margalida se sentes que non pòs jo serè aciu enquia arténher que:

Non pares de pensar que se bèth dia t’as de hèr vielha
non ei tà deisha’c estar, non ei tà parar de caminar...

Non pares de pensar que se bèth dia t’as de hèr vielha
non ei tà deisha’c estar, non ei tà parar de caminar!!!

A on s’an quedat, a on s’a metut
totes es flors d’abriu e era flaira d’ostiu?

Non sai a on s’an quedat...

Daiche le pàicher Margarida
Daiche le pàicher hen pas mau

* uèit, sèt, seis, cinq, tres, dus, ua

Legir tot

Daiche le pàicher Margarida
Daiche le pàicher hen pas mau

* uèit, sèt, seis, cinq, tres, dus, ua

Margarida a l’atge de quinge ans
Avià ni paire ni parents
Avià que sa maire nòuriça
Margarida en istent petita …

Legir tot

Margarida a l’atge de quinge ans
Avià ni paire ni parents
Avià que sa maire nòuriça
Margarida en istent petita

Lo fieu dau rei ven a passar
La bargeireta a saludar
Ieu ti saludi bargeireta
Vòudriàs èsser mon esposa

Siàu l’esposa de Jèsu Críst
Que sus la crotz an fach morir
A Jèsu Críst ai fach promessa
Que seriàu totjorn sa mestressa

Margarida mi vòs pas aimar
Ieu ti farai marterisar
Ieu ti farai bolhir dins l’òli
Aquí passaràs precatòria

Prince totei vòstei torments
Mi faràn sofrir qu’un moment
Mai dau ciele la glòria benida
Per ieu jamai sarà fenida

Au peiròu la van presentar
E l’òli s’es tot escampat
L’òli corrià dins la carriera
Autant que l’aiga a la ribiera

Ben pus bèla qu’auparavant
Sòrt un crucifitz a la man
Lo dragon crèba per l’esquina
Vaquí la santa qu’es garida

Alòr d’amont dau paradis
Un ange descènd e li ditz
Margarida cantem ta glòria
Car as ramportat la vitòria

Cu aqueu sant Oreson saurà
Toei lei divendre lo dirà
Lo dirà’n granda sovenença
Per lei paurei fremas encentas

Quora ti senties solet
Coma l’esparvier sus la còla
Quora la fatiga amolonada
Ti pegava sus lo sòl
Si faía …

Legir tot

Quora ti senties solet
Coma l’esparvier sus la còla
Quora la fatiga amolonada
Ti pegava sus lo sòl
Si faía pas pregar per si corcar
La Margarida coma la sonavan

Alora, lei nèblas s’escapavan
Dins lei sieus uelhs, lo monde èra bèl
Alora, parties per lo pus bèl viatge
Sus de camins cuberts de jas

Li cuntaves la tieu misèria
Lei tieus jorns de solelh escondut
Li cuntaves tot cen que ginginava
Dins la tieu tèsta
E que degun a vòrgut audir

Margarida ti donava de coratge
Soleta sabia
Aquelei mòts
Que t’escaufan lo còr
La Margarida coma la sonavan
E que jamai oblideràs

Alora lei neblas s’escapavan
Dins lei sieus uelhs lo monde èra bèl
Alora parties per lo pus bèl viatge
Sus de camins cuberts de jas

Margarida d’Aubert
Vos que vos endormissètz
Vos endromiguètz pas
Qu’ausiretz cantar tot bas
Aquel vièlh roquièr
Qu’es aquí darrièr
Vos …

Legir tot

Margarida d’Aubert
Vos que vos endormissètz
Vos endromiguètz pas
Qu’ausiretz cantar tot bas
Aquel vièlh roquièr
Qu’es aquí darrièr
Vos aima a la foliá
Ditz qu’un jorn seretz sa molhèr.

Ai ! qu’aquò’s crudèl
Qu’una jova preng’un vièlh !

Quand calguèt afiançar
Ieu lai voliá pas anar
El me prometiá
Que tot son ben me donariá
N’auriá mai valgut
Un joine tot nud
Escarrabilhat
Siaguèsse fach a mon grat.

Un dissabte al soer,
Environ de mieja nuèit
Me fasiá d’espeçuts
Ditz que ieu li cerque bruch.
Jamai non me ritz
E totjorn me ditz,
D’un èr fòrt brutal :
"Torna-te’n a ton ostal !"

Aquel vièlh renós
Que n’es gelós coma un gos
Me voldriá empachar
Lo dimenje de chanjar
Ieu qu’ai dins lo cap
Los del temps passat
I pense pas pus
Vese qu’aquò’s un abús.

Lo dimenge matin
Fasiá bolir lo topin,
El ven d’un còp de pè
Me fa virar lo cafè.
E jamai non me ritz,
E totjorn me ditz,
D’un èr fòrt brutal :
"Torna-te’n a ton ostal !"

Margarideta, si voletz jogar,
Si voletz jogar de la guitareta,
Margarideta, si voletz jogar,
Si voletz jogar de la guitarà …

Legir tot

Margarideta, si voletz jogar,
Si voletz jogar de la guitareta,
Margarideta, si voletz jogar,
Si voletz jogar de la guitarà

Guitarí, tarí, tareta,
Guitarí, tarí, tarà.

Margarideta, si voletz jogar,
Si voletz jogar de la vriuloneta,
Margarideta, si voletz jogar,
Si voletz jogar de la vriulonà.

Vriulon, vriulon, vriuloneta,
Vriulon, vriulon, vriulonà.

Margarideta, si voletz jogar,
Si voletz jogar de la sonsaineta,
Margarideta, si voletz jogar,
Si voletz jogar de la sonsainà.

Sonsai, sonsai, sonsaineta,
Sonsai, sonsai, sonsainà.

Margarideta, si voletz jogar,
Si voletz jogar de la flabuteta,
Margarideta, si voletz jogar,
Si voletz jogar de la flabutà.

Flabu, flabu, flabuteta,
Flabu, flabu, flabutà.

Margarideta de Sant Pons
Quantas de filha n’avètz-vos ?

N’avèm quatre a la fièira
N’avèm quatre a l’ostal
Que debanan …

Legir tot

Margarideta de Sant Pons
Quantas de filha n’avètz-vos ?

N’avèm quatre a la fièira
N’avèm quatre a l’ostal
Que debanan de fial
N’avèm quatre al canton
Que ne manjan de castanhons.

N’avèm tres …

N’avèm doas …

N’avèm una …

Margaridou èro touto descausso,
Margaridou moustravo sei talou.
E iéu li dis : « Margaridou ma mìo,
Siéu courdounié, te …

Legir tot

Margaridou èro touto descausso,
Margaridou moustravo sei talou.
E iéu li dis : « Margaridou ma mìo,
Siéu courdounié, te farai de soulié.»

Margaridou plantavo de salado,
Margaridou plantavo de flourou.
E iéu li dis : « Margaridou ma mìo,
Siéu jardinié, te farai de bouquet. »

Margaridou fasié de tapenado
Margaridou à grand cop de pilou.
E iéu li dis : « Margaridou ma mìo,
Siéu moulinié, prendrai teis óulivié. »

Margaridou larjavo un pau sa bèio,
Margaridou gardavo sei moutou.
E iéu li dis : « Margaridou ma mìo,
Iéu, siéu bergié, menarai toun avé. »

Margaridou móusié sei quatre chabro
Margaridou fasié sei picoudou.
E iéu li dis : « Margaridou ma mìo,
Siéu froumagié, te farai toun caiet. »

Margaridou coupavo sei lavando,
Margaridou n’en ramassavo prou.
E iéu li dis : « Margaridou ma mìo,
‘Mé ma raqueto emplirai toun saquet. »

Margariretta Margariràa mas que t’ai fach ? te sies mariàa
ò Margariretta Margariràa mi i valets i avíu pas
i …

Legir tot

Margariretta Margariràa mas que t’ai fach ? te sies mariàa
ò Margariretta Margariràa mi i valets i avíu pas
i ai mai pensat, i ai mai achatats, "Margariretta sies encar cojàa ?"
aluma la fòrja, tira lo fer "Margariretta fica a trabalhar !"

Margariretta Margariràa te sies mariàa ! lo volies pas ?
ò Margariretta Margariràa que de balas t’ai contat
i a de trabalh, jamai de sòut "Margariretta sies encar cojàa ?"
sòna la chòca, fera lo mul "Margariretta fica a trabalhar !"

Margariretta Margariràa òi piora pas ! ma que t’ai fach ?
ò Margariretta Margariràa sies istàa tu que m’as mariat !
lòn que volies l’as pas trobat, "Margariretta sies encar cojàa ?"
auça lo cul, pilha lo fodil "Margariretta fica a trabalhar !"

Margòt vòu pas dançar, Margòt dancerà pas
Que n'aja un beròi par d'esclòps.
Los esclòps que son vienuts, Margòt se …

Legir tot

Margòt vòu pas dançar, Margòt dancerà pas
Que n'aja un beròi par d'esclòps.
Los esclòps que son vienuts, Margòt se los a metuts.
Trucs malhuca, trucs malhòc a la lutz de la candèla,
Nos vèiram dançar Margòt.

Seguir en remplaçar "par d'esclòps" per :
par de debàs, pantelons, cotilhon, devantau.

Au darrèr :
Que n'aja un beròi pagalhós
E perqué pas dus pagalhós.
Lo laganhós qu'ei vienut...

Quand io eri pichonela, pichonela Margoton
Ladiri, Ladirò, Ladirà, trolalalèra
Ladiri, ladirò, ladirà, trolalalò

Gardavi li fedòtas, li fedòtas e …

Legir tot

Quand io eri pichonela, pichonela Margoton
Ladiri, Ladirò, Ladirà, trolalalèra
Ladiri, ladirò, ladirà, trolalalò

Gardavi li fedòtas, li fedòtas e li anhelons

Mes agara que sio bela, gardariai ben li garçons

Marguerineta vai al rieu
Per faire sa bugada
Canie rossinhòlet
Per faire sa bugada.

Quand fuguèt aval al rieu
Tres …

Legir tot

Marguerineta vai al rieu
Per faire sa bugada
Canie rossinhòlet
Per faire sa bugada.

Quand fuguèt aval al rieu
Tres cavaliers passavan.

Lo prumièr si diguèt
Oai, quanta brava dama !

Lo segond si diguèt
Quau sa s'es maridada

Lo tresen li diguèt :
agacha-li la baga

La bèla-mèra al porton
Cossí 1 Ta femna ralha

Mai li en a tan fotut
Qu'al lièt i l'a botada

Marguerineta mos amors
Que vols-tu que ieu ti faja

Que mes robes et mes diamants
Soient rendus a ma mere
Cante rossinhòlet
Et ma petite scour
En sera t'heritière.

Quand María cantava una cançon d’amor
Los òmes de la vila cantavan a son entorn

Repic :
Ò María María …

Legir tot

Quand María cantava una cançon d’amor
Los òmes de la vila cantavan a son entorn

Repic :
Ò María María que t’aimam
Ò María María t’aimam tant

Quand María dançava una dança d’amor
Los òmes de la vila dançavan a son entorn

Quand María plorava una pena d’amor
Los òmes de la vila ploravan a son entorn

Sorelh deu purmèr dia,
E deu darrèr moment,
Maria de tot dia,
Maria de tostemps,
Deu som de la montanha, …

Legir tot

Sorelh deu purmèr dia,
E deu darrèr moment,
Maria de tot dia,
Maria de tostemps,
Deu som de la montanha,
Maria deu camin,
Tau cap de la mar grana,
Maria deu marin.

Repic :
Que vos saludi, Maria,
Tant per gai com per dolor,
Dessus nosauts, cada dia,
Pausatz los uelhs de l’amor.

Dens lo miralh que danças,
Taus qui se son perguts,
Dens la desesperança,
Aquera prauba lutz,
Aquera cinta blua,
Com un troçòt de cèu,
Aqueth arrai de lua,
Au capulet de nèu.

Maria qui bailina,
Tots los desconsolats,
Maria medecina,
Maria sonque patz,
La nosta dama blanca,
Maria de qui cau,
Maria qui enfanta,
Maria de Nadau.

Enten, enten, l’accordeon,
Dus pas de dança, ua cançon,
Eth haro que s’a alugat,
Sant Joan, Sant Joan, se n’ei …

Legir tot

Enten, enten, l’accordeon,
Dus pas de dança, ua cançon,
Eth haro que s’a alugat,
Sant Joan, Sant Joan, se n’ei tornat.
Val d’Aran, cap de Gasconha,
Luenh de tu, que’m cau partir,
Val d’Aran, cap de Garona,
Luenh de tu, que’m vau morir.
Era passejada, un ser d’estiu,
E com te va ? adiu, adiu !
Un tròç de pan, un còp de vin,
Parlar deth temps, damb eth vesin.

Es cueires luden sus eth bufet,
Totis es records ena paret,
Non se pot estancar eth temps,
Mès Aranés, tostemp, tostemp.

Tornar a pujar enquià era nhèu,
Un darrèr còp eth cap en cèu,
Setiat dessús eth gran calhau,
Guardar eth sorelh en gran portau.

Companhs de Les e de Bossòst,
De Salardú, de Vilamòs,
Brembatz-vo’n plan deth praube Joan
Qui a estimat tant era val d’Aran.

Aù soùm deù ceù o chic se’n manca
Ya ùa hada cambiada én aùseth
E you soulet qué sey quin …

Legir tot

Aù soùm deù ceù o chic se’n manca
Ya ùa hada cambiada én aùseth
E you soulet qué sey quin canta
Quand la mountanha s’a prés lou capeth

REPIC
Ya témps qui néoué é témps qui desnéoué
Lous ans que se’n ban en rounda de sasous
Entén lo qui canta, lo soun maù encanta
Ataù qué s’escapan pénas é doulous.

E’m vos alùgar ù array dé lùa
Héns lou pays qui m’aouey saùneyat
Qué i troubarei mon ombre perguda
E lous souviers qui m’aouey desbrembats

S’em bos presta las tuas alas
Qué boularei shens gahar l’alet
Tà despassa lou temps qui passa
E de la vita saber lou sécret.

Baisha deù ceù maria blanca
Enta’m pourta drin dé souléil
E tabé néou qui tan ei blanca
U naoueth mounde té bastirei

Aquel primièr de mai de 1891
èra un pauc coma un jorn de fèsta,
« Mens de trabalh, mai de …

Legir tot

Aquel primièr de mai de 1891
èra un pauc coma un jorn de fèsta,
« Mens de trabalh, mai de temps per cadun ! »
Manifestacions e contèstas.
Flor d’agalancièr sus tei sens,
Roja coma ta joinessa,
Lo primièr de mai la prima reven,
E la vida es gonfla de promessas,

Lo mond es en marcha
Maugrat la repression,
Maria es en marcha,
Joinessa a rason !
Au balèti dau sera,
Totes vendràn dançar !
Per la primavera
E la nòva societat.

Ò Maria,
Maria Blondeau,
T’an tirat dessus
An tuat lo pantais
Ò Maria,
Maria Blondeau,
Caminarem totei
Lo primièr de mai !

Dempuèi lo divendres de Chicago
Caminam lo primièr de mai
Dempuèi lei penjats de Chicago
Per la reduccion dau trabalh.
Siatz dos cents sus la plaça,
Tres cents sordats just en faça,
Van tirar dins la massa
Van tirar leis estraças !

Maria es a tèrra
Ambé Loïsa e Felicia
Au balèti dau sera
Dançarem pas joinas filhas (x2)

Ò Maria,
Maria Blondeau,
T’an tirat dessus
An tuat lo pantais
Ò Maria,
Maria Blondeau,
Caminarem totei
Lo primièr de mai !

L’églantine remplacée par la fleur de muguet
La mémoire est faussée, la mémoire est tronquée,
Ils ont tiré pour tuer le premier mai,
Ta liberté gardée par les états meurtriers…

Ò Maria,
Maria Blondeau,
T’an tirat dessus
An tuat lo pantais
Ò Maria,
Maria Blondeau,
Caminarem totei
Lo primièr de mai !

Dins cada letra Maria
Cada linha es una clau
A ta joinessa interdita
Per crimi de pregària

Dins cada apèl …

Legir tot

Dins cada letra Maria
Cada linha es una clau
A ta joinessa interdita
Per crimi de pregària

Dins cada apèl de Maria
De vent que pòrta la mar
De sal dins l’agach, Maria
E luseja ton combat

"Resister" Maria
Es mai qu’una victòria
Es sus la pèira la marca
Que pòrta al monde ta vida
Sus la pèira la marca
Que pòrta ta vida
Sus la pèira la marca
Que pòrta la vida

Mais si finalement on écrivait l’Histoire
Si on arrêtait de se raconter des histoires
La republica es a tot lo …

Legir tot

Mais si finalement on écrivait l’Histoire
Si on arrêtait de se raconter des histoires
La republica es a tot lo monde mai
N i a que n’an fach son pròpi pantais
Leur drapeau ils l’ont dressé dans le vide
Ils aimeraient que la mémoire se suicide.
Ieu escrivi per que lei peiras demorèsson
Per que lei joines se remembrèsson
Il va falloir revoir la copie
Ils se sont battus, on les a laissé dans l’oubli
Mariana siás ben puta de leis enganar
S’as ta plaça es que son sang a rajat.

Ils ont trop de soleil
On va leur mettre du plomb dans la tête
Ils ont trop de soleil
Et ça inquiète ceux qui sont à la tête

Ils étaient bien loin de Paris
Dans l’ombre depuis longtemps réunis
Puèi a tombat de quilòs de betum
Sus lo libre escrich per tot lo monde e degun
Le texte de notre histoire appartient à tout le pays
Il faut admettre que l’on peut s’affirmer ici aussi
An vòugut se netejar la consciéncia
Laissar lei fusilhats dins son silenci
C’est pas la peine de remuer la merde
Ils aimeraient que la mémoire se perde
Lo problema es que la montanha florirà
Juram sus lei cotèus e lo micrò daurat.

Repic

2001, si sur la rythmique on revient balancer
C’est que nos cordes vocales ne font que résonner
Vaquí lo resson dei luchas espòutidas
Un còp de mai de rimas a l’avalida
Autant de mots pour restaurer le monument
Car monumentale est la honte quand l’état ment
Estat membre de la chacha constanta
Mad de toretas totjorn canta
C’est que le silence a besoin de musique
1851, qui finalement s’est battu pour la république?
Prèni lo mic per restablir lei noms mespresats
Milierat de gents fusilhats, desportats, a jamai renegats...

Repic

Maridan l’Escrivòta
L’Escrivòta jolie
Maridan l’Escrivòta
La fleur de ca pays.

Se Loïs se marida
LoÏs, comte Loïs
Ne pren …

Legir tot

Maridan l’Escrivòta
L’Escrivòta jolie
Maridan l’Escrivòta
La fleur de ca pays.

Se Loïs se marida
LoÏs, comte Loïs
Ne pren una Escrivòta
La fleur de ca pays.

Se l’a presa joina
Que se sap pas vestir
Loïs se’n va en guèrra
Per la daissar grandir.

Al bot de sèt annadas
Son marit va venir
Se’n va picar a la pòrta
"Escrivòta vèni me dobrir."

Sa mèra diligenta
Li va vite dobrir :
"Ont ai mon Escrivòta
Mon Escrivòta jolie ?

- L’avem mandada a l’aiga
?’es pas sachuda venir
Los Mòros l’aurán presa
Los Mòros sarrasins.

- Ieu l’anarai ben quèrre
Quand saupriái de lai morir
Farai faire una barca
Tat d’òr e d’argent fin.

Lo vent me lai transpòrta
Dins un tan bèl jardin
Digatz-me lavaireta
Qu’es aquel castèl aquí ?

- Lo castèl dels Mòros
Dels Mòros sarrasins
- Cossí s’apèla la dama
La dama qu’es dedins ?

- S’apèla l’Escrivòta
L’Escrivòta jolie
- Cossí ieu podriá faire
Per li dintrar dedins ?

- Vos cal abilhar en paure
En paure pelerin
E demandar l’aumònia
Al nom de Jesus-Crist.

- Donatz quicòm Madama
Al paure pelerin
Que demanda l’aumònia
Al nom de Jesus-Crist.

- Chambrièra met-te’n fenestra
Per veire qual i a aquí
- Madama aquò’s un paure
Un paure de vòstre païs.

- Cossí aquò podriá èstre
Un paure de mon païs ?
Los aucelons que vòlan
Çai sabon pas venir.

Sonque las girondetas
Que van per tot païs..."
Al prumièr bocin que còpa
Li geta un grand sospir.

"Aquel sospir que geta
Sembla lo de mon marit
- Oui, oui, joina Escrivòta
Ieu soi vòstre marit.

Soi aicí per vos quèrre
S vos volètz venir.
- Vai faire un torn dels còfres
E pren tot l’argent fin.

Va faire un torn d’estable
Causís los gròs rossins
Ieu montarai lo roge
E mon marit lo gris."

Siaguèron pas al pònt d’arma
Los Mòros van venir.
"Sèt ans te l’ai noirida
De bon pan e de bon vin.

L’argent que tu m’empòrtas
La mar fariá lusir
Los chabals que m’emmenas
La mar farián fremir."

Maridon, ton piusselatge
perirà jos ton cotilhon
Farà pas coma lo formatge
Vendrà vièlh, vendrà pas bon (bis)

- Cal …

Legir tot

Maridon, ton piusselatge
perirà jos ton cotilhon
Farà pas coma lo formatge
Vendrà vièlh, vendrà pas bon (bis)

- Cal un jorn manjar lo fromatge
Que tròp vièlh serà pas bon

- Fai dintrar lo vent dins la cava
Que l’endrech deu flairar bon

- Perdes pas la clau de la cava
Fai dintrar lo visitor

A la paret de la crampe i a lo hapchòt cuçoat
qui guardeja lo son rejaume d’un uelh negue arhoncilhat …

Legir tot

A la paret de la crampe i a lo hapchòt cuçoat
qui guardeja lo son rejaume d’un uelh negue arhoncilhat
qu’arreviscla cada nueit la susmauta deus gemèrs
mes la prova e las tarlacas que’u retienen presoèr

a costat deu canapè i a l’aurelotge estancada
sus l’òra on l’Einstein trobà las leis de relativitat
quin haish de viòts a seguir quin haish de temps a comptar
digun non sèi mei dançar la valsa deu balancèr

la maison de Marie-Jeanne
suu camin deu TGV
qu’ei l’estanquet de l’alauda
deu tord e de l’esparvèr

au bèth miei d’ua tauleta i a lo molin de café
qui haseva dançar lo péber de deceme dinc a genèr
los dus esclops pauhicats per l’aviada deu progrès
que’s bromben de soa musica e volen lhevar lo pè

lo casau de Marie-jeanne
ahonat peu TGV
tinda deu cant de l’alauda
deu tord e de l’esparvèr

mut de perigle e d’amor i a lo fesilh deu papet
sus los pés de cabiròu au mantèth de la cheminéa
e qu’escota la poralha e que sauneja a l’ausèth
e de còps que sent la hami de tornar’n foter un pet

l’importància Marie-Jeanne
que calera la cercar
dens lo perruc de l’alauda
si la bròja voù piular

òh praubina Marie-Jeanne
lo shiulet deu TGV
estupa lo cant de l’alauda
deu tord e de l’esparvèr

au hons deu còr de las vielhas i a lo sovier estujat
un amor d’un aute segle on los princes qu’eran aulhèrs
on los marinòts de noste n’aven jamèi marejat
mes viravan autorn deu monde sus las alas deus ausèths

lo TGV Marie-jeanne
hèi bolegar la rason
mei viste que las alaudas
hèn passejar las sasons

deisha correr Marie-Jeanne
los nas-aguts deu podèr
que’s trufan de las alaudas
deu tord e de l’esparvèr

Lauceja dins la nueit
D’aquel mes de julhet
Lo blau de l’ambulança.
S’escampa dins un crit
A mitat engolit
Lo …

Legir tot

Lauceja dins la nueit
D’aquel mes de julhet
Lo blau de l’ambulança.
S’escampa dins un crit
A mitat engolit
Lo vam de l’esperança.
Lo silenci glaçat
Tot d’un còp es tombat
Sus la carrièra nusa.
Darrier lo contravent
Lo lengarut valent
De tot lo mal t’acusa.

Un vent caluc sense calor
Banha de mar las pèiras.
Passan las fèstas de Colhora,
Qualqu’un manca a la fièra.

Ara quatre òmes en blanc,
Dins ta carn, dins ta sang,
Fosegan per ta vida.
Compreni a mitat
Que tot es acabat
Quora la lum s’atuda.
La flaira de l’etèr
Me daissa sens espèr,
Sortissi de la sala.
Mon amor s’es perdut
Dins aquel lum nharut
Que raja per la vila.

Ai paur d’èsser tot sol
Ambe mon grand sadol
De tristessa, de pena.
Lo temps que va passar
Podrà pas amassar
D’amor aquela mena.
Fa dètz calendrièrs
Que, fulhet per fulhet
Escampèri sens Ela.
Dempuèi aquela nueit
Ont, al cèl de mon leit,
S’atudèt una estela.