Arriba la bolegada
Desamarra lo picament
Bravei gents de l’encontrada
Seguissètz lo movement
Per far virar lei cervèlas
I a …

Legir tot

Arriba la bolegada
Desamarra lo picament
Bravei gents de l’encontrada
Seguissètz lo movement
Per far virar lei cervèlas
I a mila biais de dançar.

Perque leis òmes son fraires
Apprendrem totei lei pas
Perque la terra es redona
Aurem jamai lei pès carrats.

Aïe Aïe Aïe de partout sur la planète
Il y a des hommes qui perdent la tête.
Aïe Aïe Aïe pour un qui rêve de conquêtes
Il y en a cent qui n’ont rien dans l’assiette.
Aïe Aïe Aïe quand au nord on fait la fête
Au sud, on meurt pour réduire la dette.
Aïe Aïe Aïe pour un qui prend des pépettes
Il y en a cent qui vivent comme des bêtes.
Zou on vient bouléguer tout le monde
Zou rien ne pourra nous arrêter
Zou tu le sais la terre est ronde
Et c’est pour ça qu’on n’a pas les pieds carrés.

Soventei fès me demandi
Siam-ti pas de colhonàs ?
De laissar quauqueis arlèris
Tot garçar dins lo fangàs
Trobarem ambé la dança
Mila rasons d’esperar.

Aïe Aïe Aïe les mauvais génies s’entêtent
De partout, de partout la connerie nous guette.
Aïe Aïe Aïe pour une O.P.A. pas nette
Il y en a cent qui vont en préretraite.
Aïe Aïe Aïe pour vendre leurs mitraillettes
Ils sont toujours prêts à déclencher des tempêtes.
Aïe Aïe Aïe pour un qui tient la baguette
Il y en a cent qui ramassent les miettes.
Zou on vient bouléguer tout le monde
Zou rien ne pourra nous arrêter
Zou tu le sais la terre est ronde
Et c’est pour ça qu’on n’a pas les pieds carrés.

La musica es planetària
La politica tamben
Anarem per lei balètis
Dire nòstrei sentiments
Anarem per la planèta
E zo dança que dançarà…

Tròp de fasas dins mei raps, pas de fautas dins mei frasas
Vèni, ren a provar, gazi lei nazes dins …

Legir tot

Tròp de fasas dins mei raps, pas de fautas dins mei frasas
Vèni, ren a provar, gazi lei nazes dins lo juèc
Pas de travau pas de sòus, situacien normala
Sus lo beat ai tant de flow, mi tròban fenomenau

Pas de leiçons d'istòria, mai de bofas per lei nazes
Vèni ren a provar, mandar lei fasas es un juec
Pas de travau pas de sòus, situacien normala
Sus lo beat ai tant de flow, mi tròban fenomenau

MC pedagogic, ti vau pas refar l'istòria
Mai ti donar lo flow, e lei mòts de la mòrt
Ti vau parlar de sòus, de mei fòus, de hardcore
Manda-mi lo riddim, vòli la bassa au mai fòrt
Sus lo beat e pas tu, tombi sus la mesura
Sus lo beat en patois, basta lei conjecturas
Tradicien? S'en batèm, serve en ren, ah putan
Sound system per la nuech, es lo oai que fotèm
De flow? N'an pas, vèni chanjar aquò
Si yes papa! Es ben perqué va fau
E si ieu ti va fau, agratís per lei fòrts
En 2012, ti vau far lo folclòre
Un euro siáu urós, mi farà lo stilò
Tre que duerbe lo micrò, un kilò de psilò
As pas ideia dau stock, que dòrme dins lo silo
Mothermothermotherfuck, chikichiki yesh yo
Yo, diga-vò sus ton forum
Yellow Spliff au microfòne ti fracassa coma un rhum
Un pauc de Caraïba, tant coma un pauc d'America
Emé ma lenga morbida, vai ti far manjar la figa
Ren a fotre de sei ligas, Libertat e lo resta
Ti daissi la politica, mi prengues pas la testa
Lo hip-hop papa! Ai deguna pausicien
Manca la levreta verbala, a chivau sus la versien

Refrinh

24, e puèi basta, veicí lo segond coplet
Ma cimbala e ma bassa, tomban coma un coperet
Maliba Makasi, dedicaça a Hergé
Ti l'ai dich, ti va diáu siáu Boula-Matari
Un big up a Arte, Popo Lauren, Epok
Sus lei sample e batariá t'arriba mon hip-hop
Ti diáu mon epopeia, siáu fruch de mon epòca
Vòli la tuna, l'aur, e bicar sens capòta
La regenta de mon còr, la cantariáu a l'autotune
Debonze emé mei debòris, ti contariáu mei fortunas
Sas que siáu au top despuèi 86
Grands pés, grand viech, fau de 46
Veicí mon trip d'artista, pensada anarchista
Vèni flingar la grafiá, coma l'autro e lo Sheriff
Ti la farài en francés, per emmerdar lei fascistas
Dins lo banh despuèi l'epòca de « Nique la Police »
Marrit en matematicas, tanben en letras classicas
Jornalista callypigista, monte son lei polidas?
Lei vòli veire fòlas, escotatz ce que diáu
Degun dins lo canton a la mòrga coma ieu
Degun dins lo canton a la mòrga coma elei
Lei colègas, leis amics, lo posse e la familha
Mauresca, KRn, Ministère du riddim,
Lei doctors dins la plaça, … Ox'Ivent e lo resta

Qual es qu’a trempat
Son pan dins la sang
D’un pòble levat
Cap al lendeman

Qual es qu’a raubat
Lo …

Legir tot

Qual es qu’a trempat
Son pan dins la sang
D’un pòble levat
Cap al lendeman

Qual es qu’a raubat
Lo dretch d’estre uman
Totjorn amagat
Darrer un fum d’argent

Qual es qu’a laissat
L’escur s’espandir
Sus la societat
Del nostre pais

Qual es qu’ a negat
La votz d’un pais
Accent denegat
Lenga que moris

Repic

Qual es qu’es levat Per gardar la fiertat
Qual es qu’es levat Per sauvar l’amistat
Qual es qu’es levat Per solidaritat
Amb lo punt levat Amb lo cap quilhat

Anem, se cal levar, Per far cambiar l’ineluctable

Mas sus ton vam podem comptar?
Me cal, me cal, me cal, me cal saupre

una nuech que vou fas finir
d'uelhs virats au ceu
un ceu clafit de bon dieu
e de napalm
doas …

Legir tot

una nuech que vou fas finir
d'uelhs virats au ceu
un ceu clafit de bon dieu
e de napalm
doas belugas, un fuoc, un crit, un enfant mort
eilabas, tant lunh, pasmens
a costat a costat de ieu.

refranh :
me demandes pas perque
ai besonh de bramar, de cridar (bis)

de mans magras que se duerbon
despuei de temps
d'avans de fruchs en molons
mans dubertas, cors conflats, esper mut
mans vuejadas, fruchs cremats, lei sacrada
dau mercat

refranh

una nuech pesuga e calida
darrier li barbelats
un ome drech a la votz cauda
canta libertat
canta l'amor : l'an chaplat, li an trencat li mans
li an desrabat la vida mai lo crit monta
libertat

refranh :
me demandes pas perque.

Sian tóuti li fiéu,
D’un païs que viéu,
Ié diren toujour Prouvènço.
Semblo un óulivié
Que brulo, qu’à fre,
Mai …

Legir tot

Sian tóuti li fiéu,
D’un païs que viéu,
Ié diren toujour Prouvènço.
Semblo un óulivié
Que brulo, qu’à fre,
Mai que regreio emé paciènçi.

Sian si ramèu drud,
Si flour e si fru,
Soun pege toursu,
Pèr li bonur e li soufrènço

Canto, canto moun païs,
Danso, danso, rugis,
Qu’eternalamen boumbigue,
De toun cor lou crid …
Canto,canto moun païs,
Danso, danso, rugis,
Qu’eternalamen boumbigue,
De toun cor lou crid :
«Me dison Prouvènço !»

Jamai vergougnous,
Toumba d’à geinous,
Se batren pèr ta defènso.
Tis enfant enfin,
Prendran lou camin,
Que meno à ta couneissènço

Pèr recounquista,
Toun identita,
Pèr la partéja,
Cridaren fort : Resistènco

Refrin,

Senso vous de que sian,
O mi sorre de sang,
Touti li lengo trencado en dous,
Fau pas mouri, sarié desastrous,

E coume faren sens
Li parla, li acènt,
Li mot d’amour, que majestuous,
Dison l’espèr lou plus bèu pèr vous !

Canto, canto moun païs,
Danso, danso, rugis,
Qu’eternalamen boumbigue,
De toun cor lou crid …
Canto, canto moun païs,
Danso, danso, rugis,
Qu’eternalamen boumbigue,
De toun cor lou crid :
«Me dison Prouvènço !»

Lei gents m’an dich : « Volèm cantar, volèm dansar
Car siam aquí per rire un pauc e s’amusar.
Avèm …

Legir tot

Lei gents m’an dich : « Volèm cantar, volèm dansar
Car siam aquí per rire un pauc e s’amusar.
Avèm manjat, avèm begut, siam sadolats.
Ara es a tu de nos faire un pauc rigolar ».
E ieu l’artista, ai dich : « D’acòrd, pòde jogar,
Mai atencion, aqueste còp faudrà pagar ! »

Lei gents t’an dich que sentiás l’ai e lo pastís,
Que lei feniàs fasián mestier dins ton païs.
’Quò fai plesir, lei compliments son a gratís !
Mai lei colhons anaràn pas au Paradís.
Pauc a cha pauc, son en trin de te rosigar,
Per rebricar, despacha-te, fau bolegar.

Se quauqu’un ditz que dau patoes n’i a plus besonh,
Lo manques pas, fau pas aguer paur dei colhons.
A fòrça de reçaupre de còps de baston,
L’ase reguinha e nautre tamben n’avèm pron.
E se vòs pas te laissar tratar de gagà,
Li fau cridar, cridar, cridar : « Me fas cagar » !

Me pare Me pare a vendut l’ase,
’l a da-me i sòld a mi
e mi pi fòl que l’ase …

Legir tot

Me pare Me pare a vendut l’ase,
’l a da-me i sòld a mi
e mi pi fòl que l’ase
ai fach choca quinze dì

Anem velhar a Seletas,
portem-se lo violon,
fasem balar ’s filhetas,
dai Serras ai Fiorons

Venetz, venetz filhetes,
beicar lo cardenal,
con la chamisa corta,
mostava ’o pistasal

E sarren totes ’s fabriques,
e sarren dequò i tramvai,
bonur que la piseta
se sarrarè jòmai

Me soi bandat
Al vin de la barrica
Me soi bandat
Al vin del barricat

Amb lo bon vin
Lo …

Legir tot

Me soi bandat
Al vin de la barrica
Me soi bandat
Al vin del barricat

Amb lo bon vin
Lo vin de la barrica
Amb lo bon vin
Que l’aiga me fa mau

M’en vau dançar
Al son de la musica
M’en vau dançar
E cantar la cançon

Amb lo bon vin
Lo vin de la barrica
Amb lo bon vin
Que l’aiga me fa mau

Me soi bandat
Al vin de la barrica
Me soi bandat
Al vin del barricat

Amb lo bon vin
Lo vin é la musica
Amb lo bon vin
Que l’aiga me fa mau

Me soi levat de bon matin
Per culhir la lauseta.
L'ai pas culhida, l'ai ausida cantar.
Al jardin de ma …

Legir tot

Me soi levat de bon matin
Per culhir la lauseta.
L'ai pas culhida, l'ai ausida cantar.
Al jardin de ma mia
S'es anada pausar.

« Mia bonjorn aquò soi ieu
Viste dubrís la pòrta
Fa freg defòra lo rosat es tombat.
Amont dins ta cambreta
Serai lèu rescalfat. »

« Pòt ben gibrar pòt ben torrar
Dubrissi pas la pòrta.
Mas descridada puèi tu te ses vantat
que m'aviás per ta mia,
galant te ses trompat. »

E lo galant va consultar
lo rossinhòl salvatge :
« Dins ton lengatge polit rossinholet.
ambe mas amoretas
diga-me s'ai tòrt a drech. »

« Ieu te dirai per ma rason
e puèi per ta gobèrna,
l'amor sincera se fa secretament
sens que degun li sache
l'ora ni lo moment.

Cal far l'amor la nuèit e mai lo jorn.
Cal caressar las dròllas e las aimar totjorn. »

(Collectada al prèp de Marthe Naujac en Avairon)

Me suis mise en danse avec deux amants,
Avec deux amants tant jolie mie,
Avec deux amants tant joliment.

Lo …

Legir tot

Me suis mise en danse avec deux amants,
Avec deux amants tant jolie mie,
Avec deux amants tant joliment.

Lo que mai m'aimava me sara la man

Galant se m'aimavas coma fas semblant

Me farias liureia de quauques ribans

D'un bluiet la bèla, te farai present

E pei d'un de rotge e pei d'un de blanc

Un per Pentacòsta, l'autre per Sant Joan

L'autre per tas nòcas bèla quand seràn.

N’i a tant dins mon país que n’an pres un viatge,
Per una epidèmia se son faits agafar.
Parli pas …

Legir tot

N’i a tant dins mon país que n’an pres un viatge,
Per una epidèmia se son faits agafar.
Parli pas de la pèsta ni mai del colerà.
T’assolidi que ieu me soi fait vaccinar
Contra la malautiá que se ditz maridatge.
Ieu me vòli pas maridar.

Coneissi tròp las femnas, coneissi tròp las filhas,
La mai brava de totas val pas un chic de vin.
Me caldriá colcar tard e me levar matin.
Ma caldriá trabalhar coma aquelas borricas
Que van cap acaptat e la coa anemica.
Ieu me vòli pas maridar.

Totjorn lo mème lèit, totjorn la mèma femna,
Va plan un jorn, dos, mas tres es un pauc tròp.
Sentissi que l’amor seriá lèu de caçòt.
Aimi plan lo caulet mas rafiriá los pòts
Se me’n fasiatz manjar quatre còps per setmana.
Ieu me vòli pas maridar.

Un coble jovenòt mangèt lèu la granhòta ;
Ela voliá l’argent e el li lo balhèt.
Aquel estabosit, quora se’n avisèt,
T’asseguri qu’alara se’n mosseguèt los dets.
Lo pauròt i es anat coma un ase quand tròta.
Ieu me vòli pas maridar.

De còps qu’i a, tenètz, n’ai lo còr que me sagna,
Del temps que lo colhon se crèba al trabalh,
Sa femna, amb un autre, s’amusa a l’ostal.
Res que per m’evitar un parièr atiralh,
Totas aquelas bòças, totas aquelas banas,
Ieu me vòli pas maridar.

Tanben a la comuna, m’i veiretz pas d’encara,
O alara, s’i vau, serà per dir non.
L’exemple de mon paire m’a servit de leçon.
Ieu per passar mos jorns, n’ai pro d’una cançon,
E per breçar mas nuèits, n’ai pro d’una guitarra,
Non me vòli pas maridar.

Uei plòu sus la vila,
Van picar ai niéus leis agruias dau pòrt.
La testa banhada,
Me’n garci de l’aiga, …

Legir tot

Uei plòu sus la vila,
Van picar ai niéus leis agruias dau pòrt.
La testa banhada,
Me’n garci de l’aiga,
Que corre lo sòrt !
Me’n garci dau freg,
Me’n garci dau temps,
Conoissi la rota.
Me’n garci dau frech,
Me’n garci dau temps,
M’entòrni au tieu.

Perque siás amont dins la chambra
E, de mon batèu, levaràs lei velas.
Perque siás amont dins la chambra,
Per ta mar de seda... Me’n vau.

La vida es partida,
Lo jorn fa lo morre, leis arrets son plegats.
Lo silenci pega,
Lo ciele si nega
Mai ieu fau tirar.
Me’n garci dau sòm,
Me’n garci dau vuege,
Conoissi la rota.
Me’n garci dau sòm,
Me’n garci dau vuege,
M’entòrni au tieu.

Auvi lei novèlas
Montar, ensordidas, dau fons d’un ostau.
Una cançon febla,
Flotadissa nèbla
De ben e de mau.
Me’n garci dau mau,
Me’n garci dau ben,
Conoissi la rota.
Me’n garci dau mau,
Me’n garci dau ben,
M’entòrni au tieu.

"Me’n vau al bòsc
- Ieu tanben.
- Preni la pigassa
- Ieu tanben.
- Còpi un albre
- Ieu …

Legir tot

"Me’n vau al bòsc
- Ieu tanben.
- Preni la pigassa
- Ieu tanben.
- Còpi un albre
- Ieu tanben.
- Ne fau un nauc
- Ieu tanben.
- Los pòrcs i manjan
- Ieu tanben !"

Méditerranée
La mer en partage, portes de l’orient
Méditerranée
Rêves et mirages, notre continent.

Tu sais la mer nous rattache …

Legir tot

Méditerranée
La mer en partage, portes de l’orient
Méditerranée
Rêves et mirages, notre continent.

Tu sais la mer nous rattache
La mer nous sépare
L’étendue où sans relâche
On largue les amarres,
Côte coupée à la hache
Presqu’îles et phares,
Les Lagunes où se cachent
Les cités barbares,
Les îles sans attaches
Où les marins s’égarent,
La tempête recrache
Les vestiges de l’Histoire.

Breç de nòstra civilisacion,
Tant de vidas per carrièra…
Mai de mila isclas, milierat de cançons :
Gents de la riba
Pòble dei costièras
Cartaja Seta Latarà
Baleara berbèras
Beirot Tanger Cetarà
Cauquena lo pòrt ibèra

Méditerranée
La mer en partage, portes de l’orient
Méditerranée
Rêves et mirages, notre continent.

Mediterranea : nòstre sol país,
Continent blau ensablat,
Mediterranea : sòmi fugidís
Dei nomades embarcats.
Mar au feminin, mar au masculin,
Dins totei lei lengas de la sau,
La pèira seca, l’oliva, e lo vin :
De mon orient lo portau.

Ce rêve bleu encourage
Nos chansons portuaires,
Le mistral qui enrage
Et gonfle tes artères
Le silence des plages
La blancheur du calcaire
Les eaux qui se partagent
La douceur des lumières,
Quand les fleuves s’engagent
Déchirant les terres,
Mer miroir aux cents visages
Des peuples sans frontière.

Méditerranée
La mer en partage, portes de l’orient
Méditerranée
Rêves et mirages, notre continent.

Cartalhat, cap lardièr,
La Clapa, Sant Clar e Gardiòla
Porto, Piana, Sant Mandrièr
Fuec de Camarat, Porqueiròlas.
Eilalin Gibraltar, eilabàs Alexandria
Egipta, Roma, Grècia e Fenicia.
Viatge d’Itaca, Italia…
Mediterranea : la vida a la via

Mesfisa ti ben dau comissariat
Que lei còndes ti mancaràn pas.
Si parlas fòrt, si siás pas d’acòrd
Si çò …

Legir tot

Mesfisa ti ben dau comissariat
Que lei còndes ti mancaràn pas.
Si parlas fòrt, si siás pas d’acòrd
Si çò que viés ti fa venir lo racacòr,
Es pas la pena de jugar ambé la mòrt.

Ti dieu, d’aise, d’aise, fagues pas lo nervos !
Que lei policiers son totjorn mai poderós,
D’aise, d’aise, fagues pas ton orgueiós !
Que lei policiers son totjorn mai dangeirós.

Mi meravilhi d’auvir lo menistre
Ti parlar de tei devers, de tei drechs,
Tot en protegent d’òmes senistres
Que s’en garçan de la légalité.
Pareisse que vivèm en republica
E que la lei per toei lei gents s’applica,
Quaucaren truca, mi siáu enganat
Que vieu jamai leis estrassas plorar.

Pasmens as rason de metre lo òai
Paure de segur as besonh de trabalh
Per elei siás ren mai que de canalha
As pas sentit lo bruch de la saralha ?

Per lo barri de voaturas cremadas
N’i a tròp,
Per lo barri de maires aploridas
N’i a tròp,
De pichonas totei desconsoladas
N’i a tròp,
De violéncias, de cavas marridas
N’i a tròp.

Ai grands lo perdon, per nautrei la maçuga !
Au mai siás pichon, au mai serà pesuga.
Si la justícia ti pareisse ruda
Dien pas parièr lei que t’an de fortuna,
Ti fan un viet per un paure pintaç
Dau temps qu’aquelei gents s’en foton plen lo nas,
Còmpta lei gròs monsurs empresonats !
E mi parlaràs pus d’egalitat.

Mont’es la vertat, diga mi si va sabes
Ièu sabi plus çò que vòu dire d’estre francés
E fins qu’a uèi siáu pas ren qu’un Marsilhés,
Ambé lei cònòs siáu pas d’acòrd, va comprenes.
La societat a ges de pietat
E lei raggas son pas estimats
Siáu pas aquí per ti faire cagar
Veni solament discutir e cantar

Faire una cançon sens te coneisser aquò’s dificil o sabi plan
Cantar una terra sens i naisser vaqui çò que …

Legir tot

Faire una cançon sens te coneisser aquò’s dificil o sabi plan
Cantar una terra sens i naisser vaqui çò que volguere ensajar

Melina filha del solelh filha de la lutz et de l’aucel

Tant de còps somièri ton imatge tant de còps somièri ton regard
I trapèri la traca d’un viatge al pais del jòc e de l’asard

Voldriau tant qu’una doca musica sià de mon messatge lo resson
Quatre cents violons mila guitarras e encara aquò serià pas pron

Cada coble a son istòria, Au pregon de la memòria, N’i a pas nat amor passat, Qu’estó jamei panat Arrepic …

Legir tot

Cada coble a son istòria, Au pregon de la memòria, N’i a pas nat amor passat, Qu’estó jamei panat Arrepic : Melina, Melina, Au cuenh de ton còr guarda ua plaça, Melina, Melina, Que vam vàder vielhs amassa. Sovièr d’un bal a setze ans, Petant de paur en t’espiant, Dançavas hautorosa, Dab d’autes pro urosa. Tu tan luenh sus l’auta riba, Ombra d’eslama hueitiva, Quin podèvi te gahar, Shens riscar d’escautà’m. Un dia totun qu’èi gausat, Dab l’alcoòl drin ajudat, En fin baishès de l’escala, Tremolando e palla. Quan la ròda deu temps vira, La vita un riban estira, Chic a chic holia passa, Demora la tendressa.

Que vos sètz venguts pèrdre, al desèrt, companhons ?
es mòrta la comtessa e Miraval es mòrt
e Menèrba "fo …

Legir tot

Que vos sètz venguts pèrdre, al desèrt, companhons ?
es mòrta la comtessa e Miraval es mòrt
e Menèrba "fo presa" al voler de Montfòrt
e per l'amor de Dieu fòc al cuol la racalha
aquela puta canha e sas cendres al vent ;
mas un crit s'escapèt que lo Cèrç lo repren
lo vent pòrta paraula.

Dire son si
lo dire en òc
per, sèm aquí,
ciutat sul ròc,
dire son si
son èime.

Que vos sètz venguts pèrdre, al desèrt, companhons ?
La paret arroïda e lo capval dejós
libertat morelhada e Richelieu gloriós
e "per l'orgulh de França" a tèrra sas muralhas
sa vinha, sos olius, sa lenga, son castèl,
mas un mur s'escapèt que desfisa lo cèl
lo ròc, pòrta paraula.

Dire son si...

S'es de plaça al desèrt que cercatz companhons,
fan de plaça al païs que los joves s'en van
e lo dòl que nos cacha es vièlh de sèt cents ans
se ten totjorn sul ròc la mena que non calha
d'aquela puta canha e sas cendres al vent
e lo crit es tot nòu que lo cèrç lo repren
l'òme pòrta paraula.

Menina, topia,
Lo gat au bufet,
La vielha que’s lhèva,
Que’u fot un soflet.

Menina, topia,
Lo gat qu’a nhaulat, …

Legir tot

Menina, topia,
Lo gat au bufet,
La vielha que’s lhèva,
Que’u fot un soflet.

Menina, topia,
Lo gat qu’a nhaulat,
La vielha que’s lhèva,
Que’u fot un cohat.

Menina, topia,
Lo can qu’a nhacat,
La vielha que’s lhèva,
Que’u fot un patac.

Menina, topia,
Qu’ei çò qui as panat
La vielha que’s lhèva,
Que’t fot un pelat.

Ma filha, n'avèm pas cap d'argent
Mon Dieu d'argent. Grand Dieu d'argent
En trabalhant ni ganharem
Lo vòle, lo dròlle …

Legir tot

Ma filha, n'avèm pas cap d'argent
Mon Dieu d'argent. Grand Dieu d'argent
En trabalhant ni ganharem
Lo vòle, lo dròlle
Lo vòle aquest'an
Ni pòde pas sperar 'n-antr'an.

Ma filha, n'avèm pas cap de pan
Mon Dieu de pan Grand Dieu de pan
Lo bolangièr ni pòu tornar
...
Ma filha, n'avèm pas cap de car
Mon Dieu de car. Grand Dieu de car
Tuarem lo biòu bochar
...
Ma filha, n'avèm pas cap d'anèl
Mon Dieu d'anèl Grand Dieu d'anè
Aurem lo cercle d'un tonèl
Ma filha, n'avèm pas cap de vin
Mon Dieu de vin Grand Dieu de vin
A la cava n'i a un plen topin
...
Ma filha, n'avèm pas cap de lençòl
Mon Dieu de lençòl Grand Dieu de lençòl
Cojarem totes per lo sòl
...
Ma filha, n'avèm pas cap de lièt
Mon Dieu de lièt Grand Dieu de lièt
Cojarem totes al palhèt

N’èi maridat lonlèu
En aquera mainada
Se maridadeta voletz estar
Maridadeta vos’n seratz
De petit plasers non pas guaire
Troberatz …

Legir tot

N’èi maridat lonlèu
En aquera mainada
Se maridadeta voletz estar
Maridadeta vos’n seratz
De petit plasers non pas guaire
Troberatz un òmi plan gelós
E mes un pauc trucaire

Vos’n deisherà pas anar enlòc
Sonque chez vòstre paire
Enqüera vos dirà de tornar lèu
D’i demorar pas guaire.

Farai mestièr de soldat
E anirai a la guèrra
Per amatar una tèrra
E tornarai plan gradat
La la lèrra …

Legir tot

Farai mestièr de soldat
E anirai a la guèrra
Per amatar una tèrra
E tornarai plan gradat
La la lèrra
La la lat

Fantassin o ben marin
O dins l'artilhariá lorda
Sai que petard de cogorda
Veirètz qu'anirai mon trin
La la lorda
La la lin

Jamai de crisi d'emplech
Pel mestièr de mercenari
I a totjorn de charivari
Que se fa dins un endrech
La la lari
La la lech

Sabètz que nos fan cagar
Aquelas tribús de negres
Siam tròp bons Siam tròp integres
Zo en avant Les p'tits gars
La la legres
La la gar

De medalhas de pertot
Ieu valorós patriòta
Serai fièr coma un piòta
Lo soldat d'onors es glot
La la liòta
La la lot

Assetat davant un mièg
Contarai coma se ganha
Per un brave una campanha
Coma se decòra un pièch
La laganha
La la lièch

Plan civilisar l'Afric
Es una mission que costa
Sola una polida rosta
Pòt faire un mond pacific
La langosta
La la ic !

Banhar, al banhe de Vauban
Dins l'isla de Re
Minji pan negre emáimurs blancs
Dins l'isla de Re

A la …

Legir tot

Banhar, al banhe de Vauban
Dins l'isla de Re
Minji pan negre emáimurs blancs
Dins l'isla de Re

A la vil'espera ma bèla
Mas dins vint ans
Serài pus res degun per ela
Merda a Vauban !

Banhard, sèi, cadena e bolets
Tot 'quò per res,
M'an embarrat dins l'isla de Re
Quò's per mon ben

S'i vei passar las nivols
Que van purant
Iò l'i vesi blasir ma flor
Merda a Vauban !

Banhard, aquí las domaisèlas
Dins l'isla de Re
Nos gaitan a cramar nòstras alas
Dins l'isla de Re

Ah ! que jamài ne vengue 'quela
Qu'aimavi tant
Que per el'ai falhit la bèla
Merda a Vauban !

Banhard, la bèla es en amont
Dins lo cèl doç
S'en vai darrier los barrancons
Jusc'a chas nos

Iò, dins la gàbia sèi emb d-ela
Tot en soscant
A mon amor qu'es la mai bèla
Merda a Vauban !

Banhard, lo temps que tant rebrica
Dins l'isla de Re
Coma un pesolh, lo temps rosica
Dins l'isla de Re

Ont son sos uèlhs, ont es sa boca,
Quo's coma quand
Lo vent deus còps emb iò los toca,
Merda a Vauban !

Quo's un corbilardet tot brun
Estrech e vielh
Que sortirà un ser sns bruch
'Quo será mièlh,

Verài per fins l'estrada blanca
Lo pès davant
Mas, cantarài dejós mas plancas
Merda a Vauban !

Repic :
« Quan lo printemps » pujava
Sus « aqueras montanhas »
« un joen pastor quitava »
NOoste …

Legir tot

Repic :
« Quan lo printemps » pujava
Sus « aqueras montanhas »
« un joen pastor quitava »
NOoste « bèth cèu de Pau ».

« L’angelus qu’a sonat »
« Rossinholet » qu’a cantat
« A l’entorn de ma maison »
Que s’obri ua « Beròja flor »

« Maudit sia l’amor »
Qu’ei « La plenta deu pastor »
« A Bordèu que i a ua dama »
« M’a près per fantasia »

« La vielha d’Auloron »
Que gahè « Lo mau d’amor »
(De)Bath d’« Au baricot deu novi »
Que s’esclamè « Dechem dromir ! »

En « Sèt sauts », « Peiroton »
Hicava « Lo pantélon »
Quan la « Craba », tot d’un còp
Qu’au heso tchangar dab « Los esclòps »

« ...Beth ceu de Pau... »
« ...Hè florir la vriuleta... »
« ...Passari l’aigueta... »
« ...Dinc a l’auta sason... »

Risqui pas res dins mon ostal
Ai quatre sarralhas Chaval
Quand un tipe a la pòrta tusta
Demòri sord coma …

Legir tot

Risqui pas res dins mon ostal
Ai quatre sarralhas Chaval
Quand un tipe a la pòrta tusta
Demòri sord coma una fusta

Cal pas insistir De que tròn
Veiràs que te dirai quicòm
Aquel que me cerca garolha
D'un còp li crèbi la panolha

Ha Coquin de sòrt
Vaquí Mesrine Vaquí Mesrine
Ha Coquin de sòrt
Vaquí Mesrine Soi mòrt

Risqui pas res dins mon ostal
Ai mes un radar que chaval
Es mai fidèl qu'un chin de garda
Vos avertis lèu s'aquò barda

Lo vesin que badina pas
Me contèt aquel grand gusàs
Tòc tòc dobrissi Vai te quèrre
Un mec me menaça amb un fèrre

Ha Coquin de sòrt
Vaquí Mesrine...

Risqui pas res dins mon ostal
Fusilhs granadas çò que cal
Per sosténer tot sol un siège
E mas fenèstras an de riège

S'aquel ostal sembla pichòt
Es una linha Maginòt
Òs carra-te de mon empèri
Ambe de prunèls ieu t'espèri

Ha Coquin de sòrt
Vaquí Mesrine Vaquí Mesrine
Ha Coquin de sòrt
Vaquí Mesrine Soi mòrt

Meu, nos cal passar
Los camps estèrles e las tèrras
De longa secadièras
Ni los blats, ni las viandas
Non …

Legir tot

Meu, nos cal passar
Los camps estèrles e las tèrras
De longa secadièras
Ni los blats, ni las viandas
Non vendràn de nòstras pacientosas lauradas.
Caminam a passas per las quatre pontannadas
Plan abans lo temps de l’òme
Sus aicesta tèrra.
Mas, regaudís-te !
Nos sarram de l’aiga de las fonts
E dels rasims de las vinhas
Avancem
Coma lo primièr jorn que Dieu vegèt
Qu’anàvem coma deviam anar.
Puèi,
Tot nos serà donat per subrepés

De darrier lo vitrage dau car
Regarji passar lo país
Mi sembla ben, que se’n bate, me’n vau
Lu sovenirs …

Legir tot

De darrier lo vitrage dau car
Regarji passar lo país
Mi sembla ben, que se’n bate, me’n vau
Lu sovenirs rampinats
A cada maion,
Mi sembla ben que se’n baton, me’n vau

De temps en temps pani la vapor
Que mi barra la vista
Mi sembla ben que li a pus ren a veire
Emb’au det vau far
Un pròpi bèu dessenh
Mi sembla ben qu’es estat sempre aquí

E pura me’n bati, me’n vau

La mieu tèsta dondolèa
Paura maion emmascada
Lu fantaumes pietós si son esconduts
A cada virada ressauti
Un chícol inquiet
A crénher que mi revengue la memòria

Me’n vau pas cercar fortuna
Ò trovar un pantais
Ò Pierròt te n’an cuntat d’estrabòts
Siáu plus d’aicí, plus d’ailà
Lo conductor un pauc furbo
Mi sembla ben que fa tintinar li claus

Negre de péu e de carage
Demié ti fraire narvelous
Jogues a l'orle dóu vilage
Dins la bourdilho e l'èr …

Legir tot

Negre de péu e de carage
Demié ti fraire narvelous
Jogues a l'orle dóu vilage
Dins la bourdilho e l'èr poussous.

L'oustau de rodo te carrejo
Uei de velout e pèd descaus,
D'un caire a l'autre ounte pounchejo
Un douchié bessai mai courau.

De-longo barrulant tambèn,
Sus lou camin di musician,
Je rescountrère. Pièi, ensèn,
Sus dos guitarro jouguerian.

Touto la niue tu, lou bóumian,
Cantères ta raço bandido
Iéu que me dison l'óucitan,
Plourère ma terro perdudo.

Se ta patrio es la grand'routo
Iéu moun païs, me l'an vendu...
Adiéu, bóumian, ma cordo es routo
Canto soulet, iéu pode plus !

E tu lou Mauro d'eilabas
Qu'as travessa la Mieterrano
Pèr veni basti d'oustalas
Sus la coustiero e dins la plano,

Dins toun casau, 'mé ti coumpan
Liuen de ti gènt, de ta mousuqeto,
Fas trop souvènt lou bramo-fam
E gaire proun la risouleto.

Pasmens ti rèire soun vengu
Cerca eici ço qu'esperavon,
Coume rèn de bon n'an agu,
Dins soun relarg se recampavon.

Li miéu, aièr, dins toun endré,
An fa batèsto e perdeguèron
Qu'aguèsson si tort o si dre,
L'un emé l'autre, nous liguèron.

Se repepies plus lou COuran,
Sero e matin, devers la Mèco,
Escoute plus lou capelan
Qu'en francés debano sa prègo.

Sian de coutrio, fourestié,
Descaviha dóu calaman,
Deman, segur, auren lou le,
Pèr acò dounen-nous la man.

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Si …

Legir tot

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Si levar d’ora e trabalhar tota la jornada
Susar plen d’aiga e de sang fin qu’a la retirada
Faire de pichons que vesem sonqu’a la dimenchada
Pagar de crèdits e manjar soncament d’ensaladas

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Sonca ganhi au lòto cromparai la Ferrari
Una Jagoar se tòqui lo complementàri
La farai mostrar en toei lei colègas dau barri
Me de bombassas dedins tot plen de tafanàri

Pas besonh de trimar aurèm lei pòchas farcidas
Pus degun per dire que la vida es pas polida
Mi cromparai un ostau per metre la familha
Cromparai un batèu per m’enanar de Marsilha
Cromparai un avion farai lo torn dau monde
E farem de grands festins per que lo vin abonde

L’a ti quauqu’un per dire qu’aquòta es pas la vida
Pus besonh de trimar pr’aguer lei pòchas farcidas
Jogarai tot mon argent en borsa a Oai Strita
Farai venir lo Oai Star la nuech sarà pas trista
Cromparai d’esclavas per far l’amor a la fila
Ieu comprarai tot com’aquò sarem mai tranquilas

Pus besonh de trimar aurèm lei pòchas farcidas
E pus degun per nos far cagar tota la vida
Mai se tot si pòu comprar sarà pas ben utile
De ganhar de sòus per aguer de bònurs faciles
Lei cavas que si pòdon pas ni crompar ni vendre
Emé l’argen dau lòto li faudrà pas atendre

L’a ti quauqu’un per dire qu’aquòta es pas la vida
Pus besonh de trimar pr’aguer lei pòchas farcidas
Lei bònurs secrèts que degun ti vendrà jamai prendre
Que lei richàs pòdran jamai reduir en cendre
Li trobraràs pas au fons d’un pòcha farcida
Pas besonh per aquò d’aguer la borsa ben garnida

Nimai degun per nos far cagar tota la vida
Dormir tostemps si levar per faire la merenda
Jugar ai cartas e cantar dansar tot lo oiquenda
Tornar cabuçar dins lo liech per la potonada
E s’entremesclar dins lei braçs de sa tendr’aimada

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Si levar d’ora e trabalhar tota la jornada
Susar plen d’aiga e de sang fin qu’a la retirada
Faire de pichons que vesem sonqu’a la dimenchada
Pagar de crèdits e manjar soncament d’ensaladas

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
L’a d’autrei moiens pr’aguer la borsa ben garnida
Tocar en un momenet lo salari d’una vida
Sièis chifras sus un carton marcats d’una man rapida
E adieu lei pensaments d’una vida poirida

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
L’a d’autrei moiens pr’aguer la borsa ben garnida
Tocar en un momenet lo salari d’una vida
Sièis chifras sus un carton marcats d’una man rapida
E adieu lei pensaments d’una vida poirida

Pas besonh de trimar aurèm lei pòchas farcidas
E pus degun per nos far cagar tota la vida
Sonca ganhi au lòto cromparai la Ferrari
Una Jagoar se tòqui lo complementàri
La farai mostrar en toei lei colègas dau barri
Me de bombassas dedins tot plen de tafanàri

Mi vòle maridar,
Que que digue lo monde;
Mi vòle maridar.
Parle que vòu parlar.

Me'n vòlon donar'n vièlh.
E …

Legir tot

Mi vòle maridar,
Que que digue lo monde;
Mi vòle maridar.
Parle que vòu parlar.

Me'n vòlon donar'n vièlh.
E ièu ne'n vòle un joine.
Lo vòle a mon agrat
O ni vòle pas cap.

Ma filha prenètz-lo
Aquò's un òme riche.
Ma filha prenètz-lo
A dos mila motons !

N'a dos mila motons,
Granda sorça de lana,
N'a dos mila motons.
Ma filha prenètz-lo !

M'aime niai mon galant.
Emb'sas doças manièras,
Que lo riche bergièr
Embe sa sonariá !