Mia totsants s'aprocha, la bela, a la a lé...
I a pàs res que l'empàcha, la bela, a le la. …

Legir tot

Mia totsants s'aprocha, la bela, a la a lé...
I a pàs res que l'empàcha, la bela, a le la.

Nos càl cambiàr de mèstre, la bela...
Nos càl cambiàr de boria, la bela...

Regrete pas lo mèstre, la bela...
Ni mai la mèstressa, la bela...

La sopa era cauda, la bela...
Més i avià pàs que d'àiga, la bela...

E lo jorn de la pàga, la bela...
Los mèstres èron malàutes, la bela...

Mis Totsants s'aprocha, la bela...
I a pàs res que l'empàcha, la bela...

Prince Raimon se vòu maridar
Frema gentil l’a fach demandar
Dos jorns après que l’a esposat
Prince Raimon a la …

Legir tot

Prince Raimon se vòu maridar
Frema gentil l’a fach demandar
Dos jorns après que l’a esposat
Prince Raimon a la guèrra es anat.

Tres jorns après que l’a quitat
Lo duc d’Ambò la vai tormentar.
-Duca d’Ambò mon castèu fau quitar
Sinon la tèsta vos fai copar.

-Mianson frema gentil,
Prèsta-me teis anèus d’aur fin.
Mianson sensa mau pensar
Sei très anèus d’aur a prestat.

Se’n va trovar un argentier
Fètz-me lèu tres anèus pariers
Fètz-me lei pichòts e minhons
Coma aquelei de Mianson.

Quand leis anèus foguèron fachs
A Mianson leis a tornats.
Li a dich : te, frema gentil
Que vòs mandar a ton marit ?

-A mon marit li mandi ieu
Que sa frema n’a fach un bèu fiu
Dau plus luenh que l’a vist venir
Li a dich : que fan a mon país ?

Li vai tot ben a ton país
Li vai tot mau a ton logís
Li a ta frema qu’a fach un bèu fiu
Que ne’n es plus lèu mieu que tieu.

Se vòs pas me creire vaquí
Vaquí sei tres anèus d’aur fin.
D’aquí ne’n parte corroçat
Tota la nuech a galopat.

Degun, degun l’a vist venir
Que sa mèra qu’es au jardin
-Ai ! Mianson, frema gentil
ai vist venir lo tieu marit.

Que ven pas coma un òme amat
Mai coma un òme corroçat,
Presenta li l’enfant au braç
Que belèu lo rejoïrà.

Li presenta l’enfant au braç
Deis escaliers lo fai volar.
-Ai ! Mon marit, que donc n’avètz
Que n’avètz tuat l’enfant dau brèç ?

-Ah ! Taisa-te, que dins l’instant
Te ne’n vau faire tot autant :
E la pren per sei chivus blonds
L’estaca a la coà de Grison.

E per carrièra, per canton
Raia lo sang de Mianson.
Quand l’aguèt pron fach tirassar
Dedins son liech la fai portar :

-Ah ! Mianson frema gentil,
Onte son teis anèus d’aur fin ?
-Prenètz lei claus a mon coissin
Durbètz lo còfre son dedins.

N’a pas virat un torn ò dos
Que leis anèus luson pertot.
-Oh ! Mianson, frema gentil
Que porriáu faire per te garir ?

-Oh ! Non vòli pas garir, ieu,
Perque as escrachat mon fiu.
Alòrs son espasa a tirat
Dedins lo còr se l’es plantada.

Woh, my cat, mon gat
Sias totjorn dins lo rush
Outside all the time
At night te'n vas
T'esperi
And …

Legir tot

Woh, my cat, mon gat
Sias totjorn dins lo rush
Outside all the time
At night te'n vas
T'esperi
And i'm waiting too much
For you
I cry
I feel alone
I feel alone
Now, please come back to me

T'en tornas matin
Grafinhat, cuol pelat
De gandalhar per ta sex story yeah
Un english mistigri
Amb un bon pedigree
Demòra a l'ostal, so stay by me

Woh, my cat, mon gat
Soi totjorn
Totjorn dins lo rush
All day long, all the time
And time goes by so quickly
And i'm speeding so much
In that struggle for life
I feel so bad
I feel so bad
Now you must listen to me mimi

Que soi fatigat
D'aquela societat
Totjorn luchar pel territòri
Pren-me sul teulat
Coma lo Peter Pan
Volarem d'aici my mimi

Oh, my cat, mon gat
Cal sortir, sortir d'aquel rush
Tot daissar, aquò rai
It's time to play a new story
Let's go! Now it's too much
Oh n'i a pro! Bye-bye
I need good life
Oh you need good life
Let's fly away mon mimi

Traduction
MIAOU MELODIE

Woh, mon chat, mon chat
T'es toujours dans le rush
Dehors, tout le temps
La nuit tu t'en vas
Je t'attends
Et je t'attends trop
Je pleure
Je me sens seul
Je me sens seul
Maintenant, s'il te plaît, reviens vers moi

Tu reviens au matin
Griffé, cul pelé
De rôder pour ton histoire de sexe
Un chat anglais
Avec un bon pedigree
Reste à la maison, aussi reste avec moi

Woh, mon chat, mon chat
Je suis toujours dans le rush
Toute la journée, tout le temps
Et le temps passe si vite
Et je m'agite trop
Dans cette lutte pour la vie
Je me sens si mal
Je me sens si mal
Maintenant tu dois m'écouter

Car je suis saturé
De cette société
Toujours lutter pour le territoire
Prends-moi sur le toit
Comme Peter Pan
On s'envolera d'ici mon mimi

Oh, mon chat, mon chat
Faut sortir, sortir de ce rush
Tout laisser, peu importe
Il est temps de jouer une nouvelle histoire
Allons ! Maintenant c'en est trop
Oh ça suffit ! Au revoir !
J'ai besoin d'une belle vie
Oh tu as besoin d'une belle vie
Envolons-nous d'ici mon mimi

Legissi dins ma cosina
Lo jornalet del matin
E cèrqui dins las paginas
Las novèlas del pais
Mas trobarai pas …

Legir tot

Legissi dins ma cosina
Lo jornalet del matin
E cèrqui dins las paginas
Las novèlas del pais
Mas trobarai pas grand-causa
Entre gosses esclafats
Los ministres que se pausan
E cagadors inaugurats.

As pas quitat de fargar tas messorgas
Del temps que d’autres fargan l’avenir
Avèm tròp set beurem a d’autras sorgas
E ta vertat la nos caldrà vomir.

M’as contat dins tas colonas
Cossi fan los estivants
Per elegir « Miss Colhona »
La reina dels francimands
Saurem tot de l’espectacle
Que fa correr tot Paris
Mas pas ren de la desbacla
De nòstre paure pais.

Desbrembas que lo caumatge
Es nòstra especialitat
Que los joves de mon atge
Son totis luènh exhilats
Fariás melhor de nos dire
Al luòc de tot amagar
Cossí la lèi se desvira
Cossí l’òme es esplechat.

Savem pas pincar un clavel
Savem pas tenir un martel
Savem pas menar un tropel
Savem pas tirar lo capel …

Legir tot

Savem pas pincar un clavel
Savem pas tenir un martel
Savem pas menar un tropel
Savem pas tirar lo capel
Savem pas bastir un ostal
Savem pas dondar un caval
Fasem pas rondinar lo dalh
Fasem pas doble de travalh

Una musica una flor
Una sason
Una musica una flor
Mila cançons

Fasem pas naisser los anhels
Fasem pas brisar los rastels
Avem l ‘estela dins lo cel
Avem lo lum sul sendarel
Avem la nuetch per nos negar
Avem la mar per nos breiçar
Avem lo solelh din lo cap
Avem lo vent per nos pagar

Una musica una flor
Una sason
Una musica una flor
Mila cançons

Mas dins lo lum quand ven lo ser
Travalhem quand lo monda der
Sem reviraires de sasons
Sem frabricaires de cançons.

Mila chivaus truhaires dens las dotz
mila escuts naus de marinas nhaunhèras
mila huelhèrs de ta pèth las perpèras
mila …

Legir tot

Mila chivaus truhaires dens las dotz
mila escuts naus de marinas nhaunhèras
mila huelhèrs de ta pèth las perpèras
mila posnhacs dont lo cèu sons sanglots

mila broquèrs esplasmats deus medoths
mila saumucs d’estelas las estèras
mila marmauchas hialinas vormèras
mila biscauts desplecs d’arrapa-tots

mila unclas mila rasclas mila charps
mila avalars mila alets mila escarps
mila eslamats mila posnhacs de témer

mila hiadas tum deu Brau d’arrés
mila alats mila peishs e per t’esprémer
mila còrs dens mas alas e mons pès

A quinze ans sul "trimard" Nom de diu !
Crane coma un comunard Miladiu !
La vita te cal ganhar …

Legir tot

A quinze ans sul "trimard" Nom de diu !
Crane coma un comunard Miladiu !
La vita te cal ganhar
A còp de bèc a còp de braç
Cadun deu quilhar son niu
Fuèc de Diu !

Se'n anguet sol pel camin
Dins la brada del matin
Son vielh pairin li donet
Pel prumier jorn un crostet
Una chopina de vin.

De lonh en lonh se loguet
Dins las bòrias, sus chantiers.
A jorn falit la borrèia
Vironejava son aise
Emb la dròllas de l'estiu.

Un tròç de jorn de malur
Que trabalhava de bon cur
Una machina lo gafet
La man drecha li copet
Far l'obrier pus question.

Quò's merchant que devenguet
De cotèls e de lacets
Fasiá tirar son "trimard"
Per dos chens, per dos canhards
Quò's una brava invencion !

Cotèls, cotèls de sanaire
Per rasar la bèla maire !
Ne trobaretz pas melhor
Pel trabalh, per la maison
Emb las lamas que fan "Jiu !"

A Sarlat l'òm se rapela
Lo "manchòt" davant la pòsta
E de la doça Ernestina
Son aimada, sa calina
Emb las lamas que fan "Jiu !"

represa del 1er coplet

Mildió
Aurem pas un rasim
Mildió
Farem pas cap de vin
Mildió, m’as tot chapat
Qu’es aquò qu’ai fait al …

Legir tot

Mildió
Aurem pas un rasim
Mildió
Farem pas cap de vin
Mildió, m’as tot chapat
Qu’es aquò qu’ai fait al bon Dieu?
E perqué m’a enviat lo Mildió?

Ara n’i a pro! (Ara n’i a pro! Paure pichon!)
Ieu podrai pas me’n sortir (Paure pichon!)
Miladieus! (Ara n’I a pro! Bordel de Dieu!)
Som pas Jean Tiberi (E quin sadol)
Sortirai pas mai, per las vendemias,
Las bòtas en caotchoc
Ieu me sentissi mai triste qu’un pissador.
O!O! Quin sadol! (Ara n’i a pro! Paure pichon!)
Ieu som malaut coma un gos (Paure pichon!)
Ai los socs (Ara n’I a pro! Bordel de Dieu!)
Coma de costelons (E quin sadol)
Cossí farem per trapar de moninas?
Farem pas mai glo glo
Digus cantarà pas dins lo canton.

Aou! Bon Dieu! Puta de Mildió! (Ara n’i a pro! Paure pichon!)
Partirai lèu d’aicí (Paure pichon!)
Miladieus! (Ara n’I a pro! Bordel de Dieu!)
It is my destiny! (E quin sadol)
Anirai amb Test jogar de binió
A Vilemostausson…
O partirai luènh veser los cagorós E quina puta de Mildió!

L’autre jorn ai vist un tròç de Rosbif aqui dins mon coderc
Aquel me damandava si ieu volia vendre mon …

Legir tot

L’autre jorn ai vist un tròç de Rosbif aqui dins mon coderc
Aquel me damandava si ieu volia vendre mon petiot chastel
Tiratz vos d’aqui vau prener mon fusil tròç de badaurel
Avetz ben compris aquo es pas dau Shakespeare màs ben dau Voltaire

Toca Maneta, a ben manetat
TocaManeta, a ben rondelat
Toca Maneta, se pren per un paun
Toca Maneta, de plaser …

Legir tot

Toca Maneta, a ben manetat
TocaManeta, a ben rondelat
Toca Maneta, se pren per un paun
Toca Maneta, de plaser es tot coflat
Apres son bel esclat,
A pus besonh de nautres

E Minja Gras, a ben minjat
E Minja Gras, a ben inaugurat
E Minja Gras, a ben discoregut
E Minja Gras, a ben parpalhejat
Apres son bel discors,
Se cofla de plaser

De plaser reçaubut, Lo monde s’emplit
D’argent promes, lo monde s’espausit
De medalhas, lo monde n’es content
De travail promegut, lo monde es cocut
Apres las eleccions,
Nos an ben colhonat

D’argent pas reçaubut, lo monde se planh
De talhas novelas, lo monde se planh
De merdalhassas, lo monde se planh
D’autres medallas , lo monde se planh
De desesper,
Lo monde se ploure

Toca Manetas, es totjorn aqui
E Minja gras, es totjorn delai
Toca maneta, fai mau aici
E Minja Gras, fai mau ailhors
Ne lor costan pas gaire
Ne lor costan pas gaire

Toca Maneta, n’es pas un colhon
E Minja Gras, Coma los morpions
Toca Manetas, coma lo lébérou
E Minja Gras, lo gran canaillou
S’engraissan de mai en mai
Sus notre eschine

E coumo en fioc de neoou que calo drech da lou sèl
Destin counouis pa encar enté lou pourtarè l’aouro …

Legir tot

E coumo en fioc de neoou que calo drech da lou sèl
Destin counouis pa encar enté lou pourtarè l’aouro
Ma vito coumo l’fioc l’es tacà senso saber
Enté sarìo fenì e soque avrìo encountrà
En jour té rendes cont d’ese finì en Ouzitanio
En na tero que vol viooure boù sioou milo coulour
Aquì tontes persounes doubren “strane” paroles,
Ma soun fier de la siò lengo e de siò identità
E coumo en un gros seas enté lou temp l’es pasà
Decò lou Cul de Sac de toc d’estorio à fermà
Dedin les tradisioun s’po leze encaro l’pasage
Que da generasioun lou nouostre popoul à leisà
Aquesto minouronso l’à stremà sioou tezor
Fach d’ann de gramo vito e grandas trebulasioun
Ma coumo i juec d’coulour que fai lou pintre s’la telo
Ensemou a d’aoutre milo fai jolio l’mount que viven
Es pa a doubrar la fouorso nhonco boù groso poour
Que s’tiro sus un popoul tout ìstes dapertout
I’on jo prouvà fin trop jo fin da i secles pasà
Ma l’Ome la leisoun el à pa encar prou capì
Per dir-lou oubè i paroles de Barbo Toni Boudrìer
Culturo, estorio e lengo soun i coufin di nasioun
Ma enté dins la pichoto fai encar d’ome grand
La grandas fai d’esquiaou e guero à sempre pourtà
Acò vol pa ren dir d’eser stachà a lou pasà
Ma mac pus simplament chal viooure lou noste temp
Que es fach de nouvità speronso e delousioun
Ma oubè dedins lou cor la fouurso d’uno nasioun
Lou mount à encà bezounh d’aver sioou milo coulour
Que fon de diferenso siò pus belo vertù
E alouro aven pa poour d’aousar la testo e crìar
Ma chal que tuchi i popoul sion garantì e respetà

lo ministre qu’ac dit a la television
que los pècs deu Larzac avèn rason
eisharralhats de camisas a flors
idèas …

Legir tot

lo ministre qu’ac dit a la television
que los pècs deu Larzac avèn rason
eisharralhats de camisas a flors
idèas braças e peuslongs pedolhos

mostachuts desarrigaires d’indon
passats un còp per la casa preson
qu’es lo darrèr camin per la rason
la desaudebiença a la lei deus cons

minòritat, de los qui votan negue o blanc
qui mesclan verd e roge mes vivant
n’an pas enqüèra de representant

a pos de’s har petar lo sucipiat
a l’unescò los tipes an talhucat
lheu tà har cagar los praubes anglés
lo badalhòu deux nos accents francés

minòritat, tres miles tipes en ua maison
medisha parabòla au medish balcon
medisha ahida en l’informacion

per aqueths temps de pòpulizacion
qui mescla la horrèra e la nacion
la votz deu pòble e la publicitat
la vertat qu’es a la minòritat

minòritat, de los qui ne son pas anats votar
ni per lo Chirac ni l’aute embrenat
e volen pas d’aquera majòritat

shans un espiar sus lo bèth cèu de Pau
per 6 milliards d’òmis mondializats
un claquèt de pecs a barrat a clau
l’avièner de l’umanitat

minòritat, de los qui tiènen lo podèr
la tria de l’escòla, l’eleit deu sabèr
la fina flor de la riquessa, hè bè!

que cau créder en l’évolucion
lo cambiament punteja a l’òrizont
quite Obama revisa soa ambicion
e deisha la lua a Miquèu Jackson

minòritat de los qui créden en la mòderacion
los qui aperan en demandant perdon
la descreishença lo calma la rason

minòritat de los qui votan negue o blanc
qui mesclan verd e roge e doman
qui auràn enfin la votz au parlament

minòritat!

Coma una ironda que li an ronhada seis alas
Coma una ironda un òme a traversat lo monde
Monte l'avenidor …

Legir tot

Coma una ironda que li an ronhada seis alas
Coma una ironda un òme a traversat lo monde
Monte l'avenidor crida la guèrra
Coma una ironda que dau ceu blessat davala
Coma una ironda un òme a traversat la tèrra
Per anar carrejar sei sonjes au cementeri
Un òme a traversat lo monde
Ten l'empenta de sei pantais
Beu lo sang cachat dei peiras
Sona sei gents a l'espelida
Dau monde tant de temps confiscat
Detras la semblança dau segle,
Seis espalas, sei mans, son seisse
Tant vastas coma lei de Dieu
Abramon lo desir dau temps.
Coma una ironda que dau ceu blessat davala
Coma una ironda un òme a traversat la tèrra
Per anar carrejar sei sonjes au cementeri
Un òme a traversat lo monde
Coma paussa dins l'aur dau temps
Preda recaçada de long dau camin
A rebors, e sorgis peds descaus
Dei baumas violadas de la scienci sensa les
Dins lo mirau d'eternitat
Saup que ges d'estela l'esperan
Que sol lo ventolas ie bofa.
Coma una ironda que dau ceu blessat davala
Coma una ironda un òme a traversat la tèrra
Per anar carrejar sei sonjes au cementeri.

Dins lo pais
De ma consciéncia
Buffa lo vent
Del Sovenir

Lo sentit doç
D’una presencia
Me parla de
Mon …

Legir tot

Dins lo pais
De ma consciéncia
Buffa lo vent
Del Sovenir

Lo sentit doç
D’una presencia
Me parla de
Mon avenir

Ont sias partida amiga
Qu’ai rescontrada un ser
Al detorn de ma vida
Com’un pantais

Benlèu sias amagada
A l’ombra d’un esper
Ai oblidat ma fada
Ton escais

Demòra pas qu’un sòmi
La sal de ta calor
Dins l’aire flòta coma
Ta flairor

E ven dins ma pensada
Lo dobte un pauc escur
De t’aver encontrada
Per segur

Dins lo pais
De ma consciéncia
Buffa lo vent
Del Sovenir...

Revirada

Dans le pays
De ma conscience
Souffle le vent
Du Souvenir

Le sentiment doux
D’un présence
Me parle de
Mon avenir

Où es tu partie amie
Que j'ai rencontrée un soir
Au détour de ma vie
Comme un rêve

Peut-être es-tu cachée
A l’ombre d'un espoir
J'ai oublié, ma fée
Jusqu'à ton nom

Il ne reste qu'un rêve
Le sel de ta chaleur
Dans l’air flotte comme
Ton parfum

E vient à ma pensée
Le doute un peu obscur
De t’avoir rencontrée
Réellement

Dans le pays
De ma conscience
Souffle le vent
Du Souvenir...

Cel que no vol auzir chansos
De nostra companhia-s gar
Qu’eu chan per mon cor alegrar
E per solatz dels …

Legir tot

Cel que no vol auzir chansos
De nostra companhia-s gar
Qu’eu chan per mon cor alegrar
E per solatz dels companhos.
E plus per so qu’esdevengues
En chanso qu’a midons plagues
Qu’autra volontatz no-m destrenh
De solatz ni de bel captenh.

De la bela don sui cochos
Dezir lo tener e-l baizar
E-l jazer e-l plus conquistar
Et apres mangas e cordos.
E del plus que-l clames merces
Que ja mais no serai conques
Per joia ni per entressenh
Si so qu’eu plus volh non atenh.

Pauc val qui non es enveios
E qui no desira-l plus car
E qui no s’entremet d’amar
Greu pot esser galhartz ni pros.
Que d’amor ven joi e ven bes
E per amor es om cortes
Et amors dona l’art e-l genh
Per que bos pretz troba mantenh.

Ben es savis a leis de tos
Qui drut blasma de folejar
Qu’om des que-s vol amezurar
Non es pos adrech amoros.
Mas cel qu’en sap far necies
Aquel sap d’amar tot quant n’es
Eu no-m sai trop ni no m’en fenh
Ni ja no volh qu’om m’en ensenh.

Mirèio treso coupà
Mirèio d’i blue jeans,
Mirèio sal camin d’i noste dì.
Mirèio d’i tech, e
Mirèio d’la vilo. …

Legir tot

Mirèio treso coupà
Mirèio d’i blue jeans,
Mirèio sal camin d’i noste dì.
Mirèio d’i tech, e
Mirèio d’la vilo.
Mirèio d’la vilo.
Mirèio d’i blue jeans,
Mirèio treso coupà.

Mirèio dins l’uzino arbutanto,
din ël totou luzejant d’la discoutèco.
Mirèio din i coumbai,
Mirèio s’al metrò,
Mirèio s’i escalin dal Dom ëd Flourensa.
Mirèio di mièn, e
Mirèio ëd la rèisa.

Mirèio treso coupà
Mirèio d’i blue jeans,
Mirèio sal camin d’i noste dì.
Mirèio d’i tech, e
Mirèio d’la vilo.

Mirèio trempà ëd la sava d’i castanhè,
Mirèio coer rock e pè de gigo,
tò calinhaire ven da
ven da’n paìs desqueinà,
fèt par gent nouvèla que parla coun i oei
e coun la bouca,
la bouca embraza.

Mirèio treso coupà
Mirèio d’i blue jeans,
Mirèio sal camin d’i noste dì.
Mirèio d’i tech, e
Mirèio d’la vilo.
Mirèio d’la vilo.
Mirèio d’i blue jeans,
Mirèio treso coupà.

Coume ! De iéu ? Vous, amourouso ?
De ma vidasso encaro urouso
Anés pas vous jouga, Mirèio,
Au noum …

Legir tot

Coume ! De iéu ? Vous, amourouso ?
De ma vidasso encaro urouso
Anés pas vous jouga, Mirèio,
Au noum de Diéu !
Me fagués pas crèire de causo,
Qu’aqui dedins uno fe ‘nclauso,
De ma mort sarien pièi l’encauso.
Mirèio, d’aquéu biais vous trufés plus de iéu !!

Que iéu jamai m’emparadise,
Se i’a messorgo en ço que dise!
Vai de crèire que t’ame fai pas mouri, O Vincèn !
Vincèn!... Mai se, pèr marridesso,
Noun vos de iéu pèr ta mestresso,
Sara iéu de malo tristesso,
Sara iéu qu’à ti pèd me veiras coumbouri !

Oh! Digués plus de causo ansinto.
De iéu à vous i’a ‘n laberinto !

Eh ! Que m’enchau que moun fringaire
Siegue un baroun o’n panieraire !

Un trevaire de champ, Mirèio, un gandard, siéu !

Perque dounc, o Vincèn, m’aparèisses tant bèu?

Lou veses pas que ta brassado,
A mes lou fiò dins mi pensado ?

Me fagués pas, Mirèio, crèire de causo,
Que de ma mort, Vincèn, sarien pièi l’encauso!

T’ame Mireio !
T’ame Vincèn !
T’ame !

O Mon Dieu aguètz pecaire
Misericòrdi per ieu
Car siatz bòn e perdonaire
Mai que mai o sénher Dieu

De …

Legir tot

O Mon Dieu aguètz pecaire
Misericòrdi per ieu
Car siatz bòn e perdonaire
Mai que mai o sénher Dieu

De tant d’armas repentidas
Vos qu’avètz agut pietat
De mon còr e de ma vida
Escafatz l’iniquetat

Dins l’iniquetat pecaire
Ieu fuguèri conceuput
E dau pecat de ma maire
Sabètz pron que siáu nascut

Repic :
Perdonatz vòstreis enfants
Que non sabon çò que fan

Que l’isòp banhe ma cara
Sarai pur lavatz mi lèu
E vendrai pus blanc encara
Que la tafa de la nèu

Menatz mi dins vòstra dralha
Tiratz mi dau caitivier
E metetz dins ma frechalha
Un còr nòu e drechurier

Senhor destacatz ma lenga
E dins mon trefoliment
Cantarai vòstrei lausengas
Ambé vòstrei jutjaments

Repic :
Perdonatz vòstreis enfants
Que non sabon çò que fan

Dins una cort plena de fems
Un dròlle cargava lo carri

Me soveni d'aquel ostal
Tot fendasclat de fons a …

Legir tot

Dins una cort plena de fems
Un dròlle cargava lo carri

Me soveni d'aquel ostal
Tot fendasclat de fons a cima
Entre lo potz e la fenhal
Oras pudentas de la trima

Una femna negra, pelharda
Emplenhá qualque pairolet
Una truèssa magre, pocharda
De longa fasiá pissolet.

Las vacas fintavan la mèrda
Se sovenhan de l'Aubrac
Del país ont i aviá tant d’èrba
E ont se fasiá pas de blat

Clamor de l'Auta dins las planas
Espandiment dels castanhèrs
Per qual sonavan las campanas
Per qual se quilhan los cloquièrs

Dins una cort plena de fems
Un dròlle cargava lo carri...

M’asseoir sur un banc, cinq minutes avec toi
Regarder les gens tant qu’y en a
Ti parlar dau bòn temps, …

Legir tot

M’asseoir sur un banc, cinq minutes avec toi
Regarder les gens tant qu’y en a
Ti parlar dau bòn temps, qu’es mòrt ò revendrà
En serrant dins la man lu tieus dets
Donar a manjar, a de pijons babèus
E de punchas-pens per si rire
E audir lo tieu rire, faire calar lu barris
Sobretot sanar li mieu feridas
Ti cuntar un pauc coma èri pichon
Lu bonbons favolós
Que raubaviam dau merchand
Car en sacs e mintòs, caramelas a cent liras
E lu Mistral gagnants, e lu Mistral gagnants

Marchar sota la plueia, un moment embé tu
E regarjar la vida tant que ni a
Ti cuntar la Tèrra en ti manjant dei uèlhs
Parlar de la tieu maire un pauc gaire
E sautar dins li lònas per la faire rangolhar
Chapinar li cauçuras e si rire
E audir lo tieu rire com’ audiant la mar
S’en anar repartir en arrier
Ti cuntar sobretot lu carambars dau passat
E lu coco-bòers e lu vers « roudoudous »
Que n’en talhavan li labras, n’en degalhavan li dents
E lu Mistral gagnants, e lu Mistral gagnants

M’assetar sus un banc, un moment embé tu
Regarjar lo soleu que s’en va
Ti parlar dau bòn temps qu’es mòrt e m’en bati
Ti dire que lu marrits, siam pas nautres
Que se ieu siáu fòl, es ren que dei tieus uèlhs
Car an lo torna-cònte d’èstre doi
E audir lo tieu rire s’envolar finda aut
Que s’envolan lu crits dei aucèus
Ti cuntar enfin que cau aimar la vida
E l’aimar parier se
Le temps est assassin et emporte avec lui
Les rires des enfants
Et les Mistral gagnants, et les Mistral gagnants

Lei papets lei minòts, lei sople e lei fracàs
Aquòs ara Tatou que per vos vai cantar
Ai lo cap …

Legir tot

Lei papets lei minòts, lei sople e lei fracàs
Aquòs ara Tatou que per vos vai cantar
Ai lo cap que me dòu que de mòts siau gavat
Faudria mai d’un mes per poder lei comptar
Ai de mòts de pertot, bodi que pastagà !
Arabi, provençau, frances e bambarà
Vé ! fau sautar lo tap, tot aquò vai rajar
E conoissi degun que sauprà retapar

Repic
Mitralheta, mitralheta
Per toei lei Kinflùs ma vòtz es ren qu’un arma
Mitralheta, mitralheta
Es Tatou au micrò que ara tira, tira
Mitralheta mitralheta
Lei mòts son lei bain e le tanqui dins l’aurilha
Mitralheta mitralheta
Es Tatou au micrò que an tira, tira

Si toei lei gens eici come ièu son armats
A la caça verbala ara podem jogar
Es gratis e eisat per i participar
Vos fau just una lenga e sacher n’en usar
Sabetz cu vòu caçar la besti deu trovar
Tan ben la conoissen que serà de bòn far
Bolega ti raggà ta vòtz cau ben cargar
Zo ! qu’anan cafir l’er de taratatà !

REPIC

Sus lei càp-patolhars d’en promier anan tirar
Sus lei que t’an lei foits. lei chin e lei sordats
Sus lei que fan la lei per poder totjorn ganhar
Sus lei que tracon la jòia la dansa e la ganjà
Sus lei que risolejon per fin de t’apastar
E que sariàn comic se nos fasian mens plorar
Taratatà eici, Taratata eilà
Sus Ici que tot desavion e volon pas sanjar

REPIC

E cric e crac anan tirar
Tan que dins la dansa un Kinflù restarà

Quin ei le bilanç
En dus mila nau ?
Dempús ueit cents ans
Arren mès de nau !
La lei …

Legir tot

Quin ei le bilanç
En dus mila nau ?
Dempús ueit cents ans
Arren mès de nau !
La lei franchimanda
Gér t'a espotit
De son arrogància
pòple reganit !
Mossur Patrimòni
En dus mila nau
Ditz que le hè dòu
L'occitan malaut.
S'adòba ça'm par
De la situacion.
Qu'an trobat ací
Un brave moton !
Per'mor quin espèr
Shens luta de fons ?
An causit jassers
L'assimilacion !
Faussa resisténcia
Cap a l'inercia.
Capita de sígur
La democracia !
La filosofia
Deus que son au cap ?
Ideologia
De supermercat !
Martí canta Claudi
En dus mila nau...
A quand la Bartòli
Per un provençau ?
Se pòt demandar
En dus mila nau
Çò que diu pensar
Le praube Mistral.
Ei encoratjat
Le fòlc museal
Peus qu'an mespresat
Le tradiconau !

Non ac p ò di pas créser
Qu'en dus mila nau
Aciu delà se veja
Shasclar le casau
Le hamàs …

Legir tot

Non ac p ò di pas créser
Qu'en dus mila nau
Aciu delà se veja
Shasclar le casau
Le hamàs en colèra
En dus mila nau
Seishanta ans de guèrra
Arren mès de nau
Prauba Palestina
Ac as pas meritat
La lei de las armas
Le prètz deu pecat.

Mon paire m’a dich
Saràs un gèni
Un gèni de tèrra
Un gèni de mar
Un gèni musicau
Que canta …

Legir tot

Mon paire m’a dich
Saràs un gèni
Un gèni de tèrra
Un gèni de mar
Un gèni musicau
Que canta tres lengas
E saràs polida
Coma una planèta

Mon paire m’a facha
Coma una perfiècha
Pefiècha catara
Perfiècha mauresca
Perfiècha dau monde
Que canta tres lengas
E saràs la fada
Reina dei planetas

Puèi me venguèt l’ora
L’ora dau gèni
De quitar lo paire
De quitar l’ostau
Quitar la chatona
Qu’ère dins lo temps
Lo temps es au viatge
Reina dei planetas !

I aviá dins lo monde
Cent mile gènis
Que fasián la guerra
Que fasián la patz
Que fasián musica
Per dire lo monde
Ere dins l’arena
Reina dei planetas

Se per trabalhar l'òm deveniá riche
Los ases portarián lo bast d'òr
Coma disián Zaratostrà e Niche
La feda manja …

Legir tot

Se per trabalhar l'òm deveniá riche
Los ases portarián lo bast d'òr
Coma disián Zaratostrà e Niche
La feda manja pas son Ròcafòrt

Adonc per que sempre clinar l'esquina
Se fasèm pas que de magres repais
L'òme es pas nascut per èstre maquina
Adiu trabalh M'arrèsti N'ai mon fais

Lo molin de Canta-Rana
Quand a de vent a ges de grana
Quand a de grana a ges de vent
Lo molin de Pica-Talent

I a tant de monde que se passan la vida
En rabalant las afras del trabalh
D'aquel temps lo zonard lo punq s'avida
En demandant conflat T'as pas cent ball'

Qual a rason al juste e cossí faire
Lo camin del saber es fòrça estrech
Lo trabalh ? Pas res ? Ieu disi pecaire
La paresa La canha es un DRECH !

Lo molin de Canta-Rana
Quand a de vent a ges de grana
Quand a de grana a ges de vent
Lo molin de Pica-Talent

Mon ase n'es entristesit,
que i aviá lo dejós
e i aviá lo dessus.
La nuèit coma lo jorn
que …

Legir tot

Mon ase n'es entristesit,
que i aviá lo dejós
e i aviá lo dessus.
La nuèit coma lo jorn
que venga ombra o lutz
lo monde dal dejos
vessava per dessus.

Mon ase n'es entristesit
que i aviá lo dejós
e i aviá lo dessus.
Sembla que lo dejós
pòsca pas jamai pus
embelinar los jorns
e las nèits de diguns.

Mon ase n'es entristesit.
Qual es qu'a fait la lutz? la sompa o la luna?

Un bon jorn per una pradèla
Encontrèri una domaisèla
Estirada sus son mantèl
Se fasiá usclar la pèl
Tota nuda …

Legir tot

Un bon jorn per una pradèla
Encontrèri una domaisèla
Estirada sus son mantèl
Se fasiá usclar la pèl
Tota nuda entra las flors
Ne cantava milanta cançons
Tant que ieu sans vos mentir
Ne cugèri còrfalir.

Sortiguèri mon berimbau
Per la far dançar coma cau
Tant dancèt tant boleguèt
Que mon berimbau se copèt
Le mo prenguèt dins sa man
Per me lo tornar petaçar
Tant faguèt tant boleguèt
Que la còrda tornar se tibèt !

E de dançar e de cantar
Pendent una ora sens s’alassar
Tant faguèt tant boleguèt
Qu’un còp de mai la còrda se copèt !
Ensagèt ben de l’acordar
Mas fasiá ni lo sòl ni lo fa
Lo pleguèri jos lo braç
E me’n tornèri cap bas...

Mas deman dins la pradèla
Tornarai visitar la bèla
Tota nuda sus son mantèl
Se farà usclar la pèl
E aquí a la raja del caud
Jogarai de mon berimbau
En esperent qu’un autre d’aquel temps
Siága pas vengut ambé son instrument.

Un bon jorn per una pradèla
Encontrèri una domaisèla
Estirada sus son mantèl
Se fasiá usclar la pèl

Tota nuda …

Legir tot

Un bon jorn per una pradèla
Encontrèri una domaisèla
Estirada sus son mantèl
Se fasiá usclar la pèl

Tota nuda entre las flors,
Ne cantava mila cançons
Tant que ieu sens vos mentir
Ne cugèri còrfalir.

Sortiguèri mon berimbau
Per la far dançar coma cau
Tant dancèt, tant boleguèt
Que mon berimbau se copèt
Lo me prenguèt dins sa man
Per lo me tornar petaçar
Tant faguèt, tant boleguèt
Que la còrda tornar se tibèt !

E de dançar e de cantar
Pendent una ora sens s'alassar
Tant faguèt, tant boleguèt
Qu'un còp de mai la còrda se copèt!
Ensagèt ben de l'acordar
Mas fasiá ni lo sòl ni lo fa
Lo pleguèri jos lo braç
E me'n tornèri cap bas...

Mas deman dins la pradèla
Tornarai visitar la bèla
Tota nuda sus son mantèl
Se farà usclar la pèl
E aquí a la raja del caud
Jogarai de mon berimbau
En esperent qu'un autre d'aquel temps
Siága pas vengut ambé son instrument.

Mon Dieu ai 3000 ans
Arribi anuech sens fòrça
Ai jamai poscut dire
Ma cansçon d'amor.

Legir tot

Mon Dieu ai 3000 ans
Arribi anuech sens fòrça
Ai jamai poscut dire
Ma cansçon d'amor.

Mon enfant, ma flor au solèu
Mon enfant, benlèu,
Faudrà que te digue un jorn
Me faudrà te demandar
Te …

Legir tot

Mon enfant, ma flor au solèu
Mon enfant, benlèu,
Faudrà que te digue un jorn
Me faudrà te demandar
Te demandar perdon
L'aviás pas demandar
E pasmens siás aquí
Que faràs de la vida
Que faràn de tu.
Mon enfant i a ges de solèu
Per dos pòples sus tres
Ges de pan, ges de flors
Ges d'esper, ges d'amor (bis)
Que faudrà te respondre un jorn
Quora demandaràs çò qu'ai fach
Per l'empachar ?
Mon enfant ai assajat,
Ai vòugut quichar
De tot mon pes sus lo monde
Siáu lèugiera
Pòdi pas, pòdi pas, pòdi pas.
Meravilhos present que t'ai fach
N'ai lo ventre abrandat
Lo còr espelugat.
Mon enfant, per aquesta vida,
Per aquèu polit don
Faudrà que te digue un jorn
Me faudrà te demandar
Te demandar
Perdon.