Vòli pas que siagues la pluèja
qu'òm voliá pas veire venir,
vòli pas que siagues lo vent,
que arranca los …

Legir tot

Vòli pas que siagues la pluèja
qu'òm voliá pas veire venir,
vòli pas que siagues lo vent,
que arranca los joves garrics,
vòli pas que siagues la nuèit
tròp prigonda per butar l'auba
vòli pas que siagues lo pèis
ofegat al fons de la fanga.

Mon enfant, mon enfant
saràs la jòia de l'ostal
quand te voldrai, quand te voldrai
saràs la promesa de l'auba
quand te voldrai, quand te voldrai.

Vòli pas legir dins sos uèlhs
lo desespèr, la lassituda
vòli pas que siagues per èla
pas ren qu'una vièlha abituda
aquèla succession de gestes
que tuariá tot lo tendrum
aquel amor tròp mal donat
l'impresion d'èsser dins un gorg.

Ton enfant, ton enfant,
sarà la jòia de l'ostal
quand lo voldràs, quand lo voldràs
sarà la promesa de l'auba
quand lo voldràs, quand lo voldràs.

Voldriá prendre tot mon temps
per aprendre a te sorire,
cada gèste, cada paraula
acordats totjorn al desir,
beurem ensems lo bonur
per cada pòre de la pèu
traçarem ensems nòstra jòia
coma lo camin dins la nèu.

Longtemps j’ai peiné pour l’amour, les filles et la tendresse,
Maintenant que je vous ai vu, tout ça n’importe plus. …

Legir tot

Longtemps j’ai peiné pour l’amour, les filles et la tendresse,
Maintenant que je vous ai vu, tout ça n’importe plus.
Rien qu’un joli sourire de vous m’est comme une caresse
Et vous sentir à mes côtés, je n’en demande pas plus.

Que la vida es polida
Quand si saup mont’es l’escarrida.
Tu e ieu, ma bèla amiga,
Farem cantar lo monde entier.

Longtemps j’ai peiné pour l’argent, la gloire et la richesse,
Puisque je vous ai rencontré, tout ça est oublié.
Rien qu’un tendre regard de vous et je remplis mes caisses,
Vous voir marcher à mes côtés, vaut bien tous les billets.

Longtemps j’ai peiné pour la joie, l’insouciance et l’ivresse,
Maintenant que vous êtes ici, adieu tous mes soucis.
Rien qu’un petit baiser de vous, me revient la jeunesse
Et m’allonger à vos côtés, m’emporte au paradis.

Dins la carn, dins leis òs
Lo tempò dau còr
Cross the fader cross
Qu’es nòstre folclòr !

Dins la …

Legir tot

Dins la carn, dins leis òs
Lo tempò dau còr
Cross the fader cross
Qu’es nòstre folclòr !

Dins la frescor de la nuech, negrèji de paginas
Grati de lònga, copi ajusti lei rimas
Cèrqui lei mòts precís, dins mon laboratòri
Compti lei mesuras la tòca : petar lo scòre
Mai de dètz ans de ma vida, passats a jonglar
De fuelha en fuelha, textes atalhonats
Musica dei Caraïbas, ò venguda d'America
Pantais de NYC dins ma vila merdica
Citoien francés de segonda divisien
Direct au microfòne, ti conti ma visien
Scenas traversadas ti veni destorbar
Un blaze acquesit per carrieras au temps que
fumavi l'ayah
Canti mei wilayas, mon fogau en bòrd de mar
L'istòria de mei gents, mai de la familha de ma maire
Mi cercavi una plaça, lo son a fons dins lo casco
Micro davans la boca, e puèi mei vestits de caraco
Aimi marchar sota la pluèia, cigareta au bot dei dets
Lei bruchs de la vila, e lo betum sota mei pés
Parli franglés tanben patois mi senti ben coma aquò
Leis actituds identitaris lei daissi per lei cònòs
Ai passat mon enfancia dins la voatura mòrta
a l'epòca nos cercaviam per lei carrieras tòrtas
Sentiment tafurat canti ma generacien
Perduda dins lo sègle que si cerca sa nacien.

Repic

Dins la lutz dau matin, chimarri lo papier,
Qu’a l’usina dei refrins siáu vengut obrier,
Es un dròle de camin, un putan de mestier,
Cantar lo chagrin, la colèra o lo plaser.
Artesan dei paraulas per contar la vida
Fargaire de faula, en rima enriquesida,
Mon flow s’enaura, ma cançon espelida,
Es poma d’aur dins l’òrt deis Hesperidas.
Es mon folklòre, lo ritme de mon còrs,
Cool o hardcore, dins la carn e dins leis òs,
Per fraires e sòrres, centenat de tròçs,
Sage Fòl prod, ambé la nòstra assoç.
I ai més la fòrça, l’amistat, l’envam
Dempuèi Xenòfil lo mic dins la man,
Pensaràs se vòs que siam de grands enfants
Cross the fader cross, avèm 800 ans.
Plena de son, la cervela bolegada,
Crèsi qu’a de bon ai la ment dessenada,
Mescli lei versions, a la Jamaïcana,
Ma tradicion sempre renovelada.
Viralenga, comptina, new roots e dancehall,
Tolosa sarrasina, Castan per escòla,
Naissença dau riddim, sleng teng digitau
Mon fòlc camina en addidas originau.

Repic

Nau que s'an gahat l'aviada per los camins de travèrsa
Nau que s'an gahat l'aviada per los senderòts....

Legir tot

Nau que s'an gahat l'aviada per los camins de travèrsa
Nau que s'an gahat l'aviada per los senderòts....

Mon ombra e ieu sèm coma posca e vent.
Mon ombra e ieu. L'ironda voldriá ben
volar en parelh coma …

Legir tot

Mon ombra e ieu sèm coma posca e vent.
Mon ombra e ieu. L'ironda voldriá ben
volar en parelh coma mon ombra e ieu.

Se lo monde vòl pas de mon cant, mon ombra e ieu se'n acontentam.

La part negra de ieu mon còs s'arranquèt
e pensòl
mon còs l'escampèt.

La part negra de ieu qu'a pas jamai vist
lo solelh,
ò paure de ieu !

A mon ombra la comba li pèga a la pèl
lo camin
li pèga a la pèl.

Caminam per lo monde mos pès dins los seus
ma cançon
paga lo cantèl.

Tombaràn dins la tomba ma carn e mon ombra.
Sens calelh
se viraràn d'èlh.

Se lo monde vòl pas de mon cant, mon ombra e ieu se'n acontentam.

Mon paire m’a maridada
Al mas de Gosí (bis)
A n’un bergièr m’a donada
Al mas de Gosí
Biston, bisterlà, …

Legir tot

Mon paire m’a maridada
Al mas de Gosí (bis)
A n’un bergièr m’a donada
Al mas de Gosí
Biston, bisterlà, bistonterlà,
Al mas de Gosí.

Me fa gardar la cabrada
Al mas de Gosí
N’ai perdut la pus marcada,
Biston, bisterlà, bistonterlà,
Al mas de Gosí.

Un bergièr me l’a trobada
"Bergièr torna-me ma cabra...

Te donarai un gròs fromatge
Se que non mon còr en gatge...

- Vòle pas ton còr en gatge
N’aime mai lo gròs fromatge...

- Se conois que siás un mainatge
Quitas la carn per un fromatge !"

Mon paire me marida
Plan mal a mon plaser (bis)
Me n’a fach préne un òme
Que segur ne val …

Legir tot

Mon paire me marida
Plan mal a mon plaser (bis)
Me n’a fach préne un òme
Que segur ne val res.

E lo vòli cambiar
Aquel vièlh amb’un jove
E lo vòli cambiar
S’aquò se podiá far.

Me n’a fach préne un òme
Que segur ne val res (bis)
Al canton me caqueta
Al lièch me ditz pas res.

Al canton me caqueta
Al lièch me ditz pas res (bis)
Me’n soi aventurada
I ai dich "Capèla-me !"

Me’n fot una rolsada
Se vira a la paret (bis)
Me’n vau trobar ma maire :
"Quin gendre avètz-vos pres ?"

Me’n vau trobar ma maire :
"Quin gendre avètz-vos pres ?" (bis)
- Fai lo cornard ma filha
Ton paire b’èra ben.

- Fai lo cornard ma filha
Ton paire b’èra ben. (bis)
-B’ai djà fach ma maire
Comencèri al ser.

-B’ai djà fach ma maire
Comencèri al ser. (bis)
Dins la gépia de l’ase
Tres còps ambe’l vailet.

Dins la gépia de l’ase
Tres còps ambe’l vailet. (bis)
Dempèi que pòrta còrnas
N’a romput sèt bonets.

Dempèi que pòrta còrnas
N’a romput sèt bonets. (bis)
Quand passa dins la vila
Apila las parets.

Quand passa dins la vila
Apila las parets. (bis)
E tot lo monde i crida :
"Arrèr arrèr cauet !"

Mon paire me marida
Plan mal a mon plaser
M’a donat en d’un òme
Jamai non me ditz res

Ref: …

Legir tot

Mon paire me marida
Plan mal a mon plaser
M’a donat en d’un òme
Jamai non me ditz res

Ref:
Io lo vòli cambiar
Aquel vièlh per un autre
Io lo voli cambiar
S’aquò se podià far

Lo cances pas ma filha
D’argent te donará
N’a cent ecus en borsa
Lo te farem balhar !

N’a cent ecus en borsa
Lo te farem balhar
Al diable la riquessa
Se lo plaser n’i es pas

Mon paire pecaire
N’aviá qu’una dent
Amai trantolava
Quand fasiá de vent

Tra la la la la la de ra …

Legir tot

Mon paire pecaire
N’aviá qu’una dent
Amai trantolava
Quand fasiá de vent

Tra la la la la la de ra
Tra la la la la la la de ra lè rà
Tra la la la la la de ra
Tra la la la la la la de ra là.

Ma maire pecaire
N’aviá qu’una dent
Amai trantolava
Quand fasiá de vent.

Tra la la ……

Mon fraire pecaire
N’aviá qu’una dent
Amai trantolava
Quand fasiá de vent .

Tra la la ……

Mon paire, ma maire, mon fraire
N’avián qu’una dent
E dins la familha
N’aviám que tres dents.

Tra la la ……

Dins ton agach i a de solelhs e i a d’estèlas dins tos pels
Vòli ma lenga per nommar la …

Legir tot

Dins ton agach i a de solelhs e i a d’estèlas dins tos pels
Vòli ma lenga per nommar la terra ont pausi la man

O mon pais aquò’s tos uòlhs ò mon pais aquò’s ton còs mon pais

Ta pel mon viatge mon retorn tas cambas ma rota d’amor
Al cap del camin i a mon nis m’i pausarai per i dormir

Sus ton espatla sus ton braç lo camin blanc de mon solaç
E sus ta cara lo repaus pais de mila somis blaus

Refrain :
Ò! Mon papet, ta votz se n’es anada
D’un còp se n’es anada
L’avèm tant plorada
Ò! Mon …

Legir tot

Refrain :
Ò! Mon papet, ta votz se n’es anada
D’un còp se n’es anada
L’avèm tant plorada
Ò! Mon papet, ta votz se n’es anada
L’avèm tant plorada
Soi perdut sens mon papet

Ò! Mon papet, pas mai de romegada,
Pas mai de romegar
Cap de bèstia a l’estable
Ò! Mon papet, pas mai de romegar,
Cap de bèstia a l’estable
De la bòria de Boziers

Ò! Mon papet, pas mai de patanas
Pas mai de patanas
Pas mai de bon vin
Ò! Mon papet, pas mai de patanas
Pas mai de bon vin
Al fresc al fons de la cava

Ò! Mon papet aicí es nòstra tèrra
Aicí es nòstra tèrra
E per comba e sèrra
Ò! Mon papet, aicí es nòstra tèrra
E per comba e sèrra
Pertot parla ton trabalh

Mon pay qu n’a cinc cent motons,
Jo que’n suy le bergére
Mon pay qu n’a cinc cent motons,
Jo …

Legir tot

Mon pay qu n’a cinc cent motons,
Jo que’n suy le bergére
Mon pay qu n’a cinc cent motons,
Jo que’n suy le bergére
Jo que’n suy le bergére
Doundéne, Doundoun
Jo que’n suy le bergére, Doun

Ié lo lop que ven a passar
E que me’n a pres quinze...

Per’ qui ven a passar ’n Monsur
M’a remetut mos quinze...

Con los motons singuin tonuts
Jou’b dounerey le laine...

De le laine jou ne’n buy pas
Jou buy ton coeur en gatge...

Non, non, Monsur, ne coundit pas,
D’auer mon coeur en gatge..

Lo mon pére be lh’a promis
A’n garçon dou vilatge...

Se ton pére be lh’a promis
Es juste qu’et que l’ayi,....

Mon père m'a promés un don
Que'm volè dar marit baron,
Adara que vien l'ombra
Adara cau dançar leugèr
Quan …

Legir tot

Mon père m'a promés un don
Que'm volè dar marit baron,
Adara que vien l'ombra
Adara cau dançar leugèr
Quan lo sorelh se cocha.
Ara m'a dada a un joen pastor
Que me'n hasè guardar motons
A cada tropeth cent e dus,
Lo lop se'm vien minjar los dus,
- Pastorèla t'on èratz vos ?
- A la cabana deus pastors,
- Pastorèla qui hasètz vos ?
- Au jòc de cartas e aus doblons.

Mon vesin aviá una vinha. Fasiá tan pichon profièit que lo vesin la li crompèt.
Mon vesin a la vinha, …

Legir tot

Mon vesin aviá una vinha. Fasiá tan pichon profièit que lo vesin la li crompèt.
Mon vesin a la vinha, lo vesin a mon vesin, manja d'aquí manja d'ailà chuca lo ben, manja lo plan, chuca lo ben, manja lo plan.
E chapa, chapa que chaparàs, tot fa ventre, tot fa ventre.
E chapa, chapa que chaparàs, un matin ne crebaràs.

Lo vesin aviá una bòria. Fasiá tan pichon profièit que son vesin la li crompèt.
Mon vesin a la vinha, lo vesin a mon vesin, son vesin al vesin, manja d aquí, manja d'ailà, chuca lo ben, manja lo plan.
E chapa chapa que chaparàs...

E son vesin vendiá de vin. Fasiá tan pichon profièit qu'a la coopè (1) s'abandonèt.
Mon vesin a la vinha, lo vesin a mon vesin, son vesin al vesin, la coopè a son vesin, manja d'aquí, manja d'ailà, chuca lo ben, manja lo plan.
E chapa chapa que chaparàs ...

E la copè vendiá de vin. Fasiá tan pichon profièit qu'a sa vesina fusionèt.
Mon vesin a la vinha, lo vesin a mon vesin, son vesin al vesin, la coopè a son vesin, la vesina a la coopè, manja d aquí, manja d'ailtà, chuca lo ben, manja lo plan.
E chapa chapa que chaparas...

E la megà cooperativa fasiá tan pichon profièit qu'al negociant s'abandonèt.
Mon vesin a la vinha, lo vesin a mon vesin, son vesin al vesin, la coopè a son vesin, la vesina a la coopè, lo negociant a la megà, a la megà cooperativa, manja d'aqui, manja d'ailà, chuca lo ben, manja lo plan.
E chapa, chapa que chaparàs ...

Lo negociant vendiá de vin.Fasiá tan pichon profièit que Super U l'enguliguèt.
Mon vesin a la vinha, lo vesin a mon vesin, son vesin al vesin, la coopè a son vesin, la vesina a la coopè, lo negociant a la megà, a la megà cooperativa, Super U al negociant, manja d'aquí, manja d'ailà, chuca lo ben, manja lo plan.
E chapa chapa que chaparàs ...

E lo patron de Super U, lo dimenge se passeja, de còps passa a mon ostal.
Me ven crompar un pauc de vin, que dempuèi que son papet se n'es anat al paradís, a vendut la vinha pichona. I a pas deguns per far lo vin, son papet èra mon vesin.
Mon vesin a la vinha, lo vesin a mon vesin, son vesin al vesin, la coopè a son vesin, la vesina a la coopè, lo negociant a la megà, a la megà cooperativa, Super U al negociant, manja d'aquí, manja d'adà, chuca lo ben, manja lo plan.
E chapa, chapa que chaparàs ...

Monier de vent
Ton molin ton molin vira vira
Monier de vent
Ton molin ton molin vira ben

Ton molin …

Legir tot

Monier de vent
Ton molin ton molin vira vira
Monier de vent
Ton molin ton molin vira ben

Ton molin ton molin vira vira
Ton molin ton molin vira ben
Ton molin ton molin vira vira
Ton molin ton molin vira ben

En sòn cap era net s’a posat.
Non vò tornar a veir era lum deth dia,
damb que vedec era …

Legir tot

En sòn cap era net s’a posat.
Non vò tornar a veir era lum deth dia,
damb que vedec era cara amarga des umans.
Laguens sòn s’an quedat toti es detalhs deth moment,
n’i a pro damb díder que rebrembe eth sòn perfum,
e sense dobte era crabata damb que la estaquèc
enes rigids hèrs deth pitjor lhet tà dromir,
sense preguntes ne paraules d’amor
qu’imaginaue e demoraue en sòn prumèr còp.

Son un grop des umans qu’un dia acabèren lhòcos,
ments macabres de poder.
Era pandèmia s’estenec, e deishèren d’èster umans.

E non, son animaus, son animaus...
S’an convertit en mònstres.
E non, son animaus, son animaus...
S’an convertit en mònstres!

E tornen, e tornen, e tornen a abusar, que ja sabem, qu’auem viscut, qu’ei ben sabut, qu’ a on i a poder tanben i a abús.

Van dera man, van dera man...
Van dera man, van dera man!

S’an contagiat totes es classes de mès ensús,
e van violant e vulnerant es drets des qu'encara èm umans.
Ei era hèsta der enganh ena nòsta tèrra,
va poirint-se d’impoténcia,
era vergonha se li minge eth pòc orgulh qu'auie sauvat,
e tot e atau, i a cada dia un abús nau.

Cada dia un omicidi, cada dia un que mòr de hame,
cada dia i a ua hemna que plore e un òme umiliat.
E un petit ath que li an arringat era enfància a garrotades.
E ua petita qu’ei forçada pera sua gràcia e eth sòn encant.

E non, son animaus, son animaus...
S’an convertit en mònstres.
E non, son animaus, son animaus...
S’an convertit en mònstres!

E amen! Quan diden que toti vam a èster liures.
Tant eth, com tu o aqueth.
E amen! Quan diden que toti auram felicitat.
Tant eth, com tu o aqueth.
E amen! Quan diden qu'auem eth poder enes mans.
Tant eth, com tu o aqueth.

E amen!

Monsur Lassèrra a plan de bòrias
Monsur Lassèrra, un ostalàs
Monsur Lassèrra a una còrda
per plan mantener son bestial. …

Legir tot

Monsur Lassèrra a plan de bòrias
Monsur Lassèrra, un ostalàs
Monsur Lassèrra a una còrda
per plan mantener son bestial.

Pren la carta, e veiràs.
Pren la carta, mon amic.
Pren la carta, e tendràs
de trabalh dins ton païs !

Monsur Lassèrra a una pluma
per plan escriure sul jornal.
Monsur Lassèrra vòl pas la luna.
Sap consí esser deputat.

Monsur Lassèrra, ventre defòra
en roge es solament del nas.
Monsur Lassèrra se ditz de gaucha
en dedins es blanc coma un nap.

Monsur Lassèrra es pas per dire
siás plan un òme del passat.
Quand aurèm fach Occitània
ambe los gosses manjaràs !

Qu'èra segur un emplegat modèle
Monsur William
Totjorn a l'ora et totjorn plen de zèle
Monsur William
Es arribat rasís …

Legir tot

Qu'èra segur un emplegat modèle
Monsur William
Totjorn a l'ora et totjorn plen de zèle
Monsur William
Es arribat rasís la quarantena
Sens'na femna
Sens un quite pial de drama ...
Mas un bèl ser del mes d'aòst
Fasiá tan crane, e tan doç fasiá
Que Monsur William s'en anguèt
Trular dreit
Davant se
A l'alard
E anèm! ...

- Monsur William ! òc manctz de tenguda !
Qu'anaviatz far dins la tretzesma'venguda ? ...

A rencontrat'na dròlla ben joineta
Monsur William
Li a crompat un floquet de violetas
Monsur William
Te l'a menada a l'ostal de la "pegre"
Mas un negre
A volgut prèner la femna
Monsur William fòra se
Deus còps de parapluèja li donèt
Oc mas lo negre, dins l'encror
Li a co-
Pat lo còl
D'un còp
De rasador ...

- Monsur William ! òc manctz de tenguda !
Qu'anaviatz far dins la tretzesma'venguda ? ...

Sentiguèt lèu que quò's irremediable
- Monsur William ! òc manctz de tenguda !
Qu'anaviatz far dins la tretzesma'venguda ? ...
Auviguèt ja la bramada del diable
- - Monsur William ! òc manctz de tenguda !
Qu'anaviatz far dins la tretzesma'venguda ? ...
Aus alentorns pas degun pas deguna
Mas la luna
Cantant la pena de l'arma, un avugle en gemassant
Sens lo saber, a prautit dins lo sang
Puèi dins la rua dispareguèt ...
Quò's benlèu
Lo destin
Que marcha
Dins la nuèit ...

- Monsur William ! òc manctz de tenguda !
Avètz crebat ... dins la tretzesma'venguda ! ...

Coma l'estrangièr
Que va sul camin
Coma l'estrangièr
Monsuròt
Que va sul camin

Ieu m'en anirèi
Seguirèi mos fraires
Ieu …

Legir tot

Coma l'estrangièr
Que va sul camin
Coma l'estrangièr
Monsuròt
Que va sul camin

Ieu m'en anirèi
Seguirèi mos fraires
Ieu m'en anirèi
Monsuròt
Seguirèi mos fraires

E poirètz cridar
Sonar les gendarmes
E poirètz cridar
Monsuròt
Sonar les gendarmes

Digus cambiarà
L'anar de mon pas
Digus cambiarà
Monsuròt
L'anar de mon pas

Daissi la maquina
La farètz virar
Daissi la maquina
Monsuròt
La farètz virar

Les de la montanha
Les del païs bas
Les de la montanha
Monsuròt
Les del païs bas

Van a la conquista
De la libertat
Van a la conquista
Monsuròt
De la libertat

Se repausaràn
Quand auràn ganhat
Se repausaràn
Monsuròt
Quand auràn ganhat

Serà dins un segle
Serà l'an que ven
Serà dins un segle
Monsuròt
Serà l'an que ven.

Pibola, pibolada
Roge lo bòsc, Silvan
Vendemias carinhanas,
Sian dins la tièra, tornar...
Aucèls al cèl en massa,
Mon diu, …

Legir tot

Pibola, pibolada
Roge lo bòsc, Silvan
Vendemias carinhanas,
Sian dins la tièra, tornar...
Aucèls al cèl en massa,
Mon diu, que sias vengut gran !
Del vin amassan granas,
Avèm pas vist passar l’an.

Se la vida es un viatge
Vos i sovèti pla bel temps,
Verd e blu, e flors salvatges,
E bona rota, Silvan, Guilhèm...

Aramon per la plana,
Lo vin engrana la nuèit,
Marina, marinada,
En vida montas, Guilhèm,
Amont sus la solana
Lo pastre espèra la nuèit,
Nadal barra l’annada :
Darrier la pòrta, genier !

Se la vida es un viatge...

Agulhas, agulhadas
Me butan fòrt sul camin,
Davali la valada
Coma las aigas d’un riu,
Ametlas, avelanas,
Vos preparatz a partir
Sus la penta resbali,
N’en siatz encara al matin !

Se la vida es un viatge...

Garda ton bon temps drolèta
Garda ton bon temps quand l'as
Quand seràs maridada
Ton bon temps serà passat

Fas …

Legir tot

Garda ton bon temps drolèta
Garda ton bon temps quand l'as
Quand seràs maridada
Ton bon temps serà passat

Fas l'amor petiota
Fas l'amor quand l'as
Quand seràs maridada
Ton amor te'n passarà

Dona la musica droletà
Dona la musica quand l'as
Quand seràs maridada
La musica te'n passaràs

Quan vien l’ivèrn dab lo gran hred,
Qu’ès mei beròja que jamei.
Qu’as hicat un bèth manto blanc,
Segur mon …

Legir tot

Quan vien l’ivèrn dab lo gran hred,
Qu’ès mei beròja que jamei.
Qu’as hicat un bèth manto blanc,
Segur mon Diu com te va plan !
Aqueth silenci que’t troça
A tots que’ns hè plan saunejar.

Repic :
Tu qui tòcas las brumas,
Beròja e dangerosa,
Dab tant de secrets esconuts
Qu’em tant chins auprès de tu !

Lèu n’ei pas mei qu’un linçòu
Quauque drin esperrecat
Per lo sorelh deu primtemps
Qui lugarneja ton cap.
Mes qu’as cauçat los tons pès
De la color de l’espèr.

L’estiu arriva tà’t bailar.
Sa calor tant desirada
Desvelha ton beròi còs
Enqüèra drin ensaunejat.
E a l’ombreta de ton còr
Que jumpas tons amorós.

Adara as cambiat de rauba
Color de huec e de lutz.
Qu’arriba l’òra de’t deishar
Com he l’estiu qui s’en va.
Per’mor n’èra qu’amoreta,
Tornera segur tots ans.

Montanha ma montanha
Que fa lo meu amic ?

- Montanha que lo veses
Que fa lo meu amic ? …

Legir tot

Montanha ma montanha
Que fa lo meu amic ?

- Montanha que lo veses
Que fa lo meu amic ?
- Es aval dins la plana
Que sona la perdic...

- Montanha que la veses
O que fa la perdic ?
- La perdic vòla vòla
Vòla vers son amic...

- Montanha que los veses
Que fan los dos amics ?
- Son dins los nivolasses
Amont naut a l’abric...

- Montanha ma montanha
Me voldriái far perdic...
- Vòla vòla pauròta
Vesi pus ton amic...

Montanhas sus montanhas,
Montanhas de Seson,
Que i avè ua bergèra
Qui brilhava com lo só.

Be n'ei estada embrassada …

Legir tot

Montanhas sus montanhas,
Montanhas de Seson,
Que i avè ua bergèra
Qui brilhava com lo só.

Be n'ei estada embrassada
Per un pastor biarnés,
E mèma cortisada
Per aulhèrs de Cauterérs.

Jo la preni, jo l'embrassi,
Sus l'erbeta la pauséi ;
Be'n hasói mila promessas,
De non la quitar jamei.

La bergèra tota estonada
D'enténer aqueth pastor,
Be digó tota rusada :
"Be't volerés trufar de jo"

Jo travèrsi las montanhas
Tà seguir mon aimador,
E que deishi los de casa,
En grana desolacion.

Be'n diseràn que m'as panada,
Aquerò n'ei qu'un abus,
Adishatz tots los de casa,
Que no'm vederatz jamei plus.

Tòrna sonar la guitarra,
Ti fa d’ondas dedins l’èr.
Quand la cançon desamarra,
Si va libra dins lo ser.
Per …

Legir tot

Tòrna sonar la guitarra,
Ti fa d’ondas dedins l’èr.
Quand la cançon desamarra,
Si va libra dins lo ser.
Per caladas, per carrieras,
Lòng dei quèis, davant lei bars,
Raja coma una ribiera
Totjorn vers la mar.

Monte vas ?
Monte vas ma cançoneta ?
Monte vas ?
Òc te’n vas
Coma lo fum de mon pintaç.

Leis ombras de la placeta,
Mai leis agruas dau pòrt
Fan de danças d’estarletas,
Subran presas d’estrambòrds.
Lei plumas de la gabiòta,
La branca dau romanin,
Lei gambas de la minòta
Sautan dins lo trin.

Grata, va li jovent, grata,
Fau de nòtas per viatjar.
Per bolegar fau de patas
Perque siam pas encara arribats.
Ma cançon coma una barca
Dins la flamor dau tremont,
Va, navèga sensa carta
Fins qu’a l’orizont.

Se plora qui sembla rire,
Montpelhièr, te vòli dire :
De vergonha n'avèm pro !
Cadun ta cremar son ciri …

Legir tot

Se plora qui sembla rire,
Montpelhièr, te vòli dire :
De vergonha n'avèm pro !
Cadun ta cremar son ciri
Per un rèi de flor de liri...
Nos cal passar jos un jo,

"Sus la mar e sus la tèrra",
Arc de triomfe de guèrra :
Quand davalam del Peiron.
E nos pren pas la colèra !
Cantariam lo vira-lèra
Coma los pòrcs al parçon ?

Mancariá lo polverièra
Per far sautar la peirièra ?
Trièm-nos de nòstre gro !
Ara cal levar la tèsta :
Es la fèsta, la batèsta ;
De vergonha n'avèm pro !

Dos òmes son tombats sul sòl de Montredond.
Emili èra occitan, Joël èra breton.
Son mòrts e cresi pas qu’aquò …

Legir tot

Dos òmes son tombats sul sòl de Montredond.
Emili èra occitan, Joël èra breton.
Son mòrts e cresi pas qu’aquò plan importèssa
Qu’un siá viticultor e l’autre C.R.S. :
A Brèst o a Quimpèr se se torna passar,
Emili serà flic e Joël païsan.

Èra un quatre de març, veniá roge lo cèl.
Sus la plana fumava encara l’escaucèl,
Quand la mòrt uniguèt dos fraires de misèria,
Dos innocents pastats dins la mèma matèria
Que, sens saber perqué, gendarme e vinhairon,
Son tombats coma un sol al mièg d’un carrairon.

Un es mòrt per sa tèrra e l’autre per pas res.
Sauprem pas jamai lo pus de plànher quan es.
Vos demandi tanben, e mai se vos arraca,
De los plegar ensem dins la meteissa saca
E de pas pus cercar a tot pèrdre, cossí
De l’un ne faire un sant, de l’autre un assassin.

Bretanha e Lengadòc, cadun perdèt un filh,
Mas los murtrièrs son pas los qu’avián un fusilh.
Èran dins de burèus, tirats a quatre espillas,
Rosetas al revèrs, consciéncias tranquillas.
Los copables per los trapar valddriá melhor
Gaitar cap a París, l’Elisèu, Matinhon.

Jutjaretz benlèu qu’es tardièra ma cançon,
Qu’es passada de mòda e pas pus de sason.
Vos vesi romegar e me faire la tronha :
"Desenterrar los mòrts, s’es pas una vergonha !"
Podètz totjorn bramar, mas per ieu es segur
Que Montredond es mai vivent que Montsegur.

Dins vint ans i aurà pus degun a Montredond.
Pus degun, e de vin aurà rajat jol pont.
Mas del quatre de març, aurem grand gaug encara,
Per ne nos remebrar, del cant d’una guitarra,
E per tornar trapar, foguèssa roge o blanc,
Al vin setanta sièis, un rèire-gost de sang.

Daissatz-me contar l’istòria
d’un sang begut per ma tèrra
Daissatz-me contar l’istòria
d’una volontat de fèrre
d’una joventut passada
d’una …

Legir tot

Daissatz-me contar l’istòria
d’un sang begut per ma tèrra
Daissatz-me contar l’istòria
d’una volontat de fèrre
d’una joventut passada
d’una libertat volguda
del vielh sòmi despertat
d’una libertat perduda

Cinc cents èretz a Montsegur
sabent çò que viure vòl dire
Cinc cents èretz a Montsequr
Segur i sètz darrièr l’azur

Vaquí l’ora de los corbasses
per los camins de Montferrièr
Vaquí l’ora de los corbasses
grand flume, negre poiridièr
del Papa la grand armada
del Rei de França bandolièrs
de Dominica los porcasses
Amèn, amèn, Dies Irae !

Vaquí l’ora de la desfacha
L’idea brutla sul lenhièr
Aquí l’alba de la victòria
Menam vostra lucha auèi :
Minoritats contra l’Empèri
Indians de totas las colors
descolonizarem la tèrra :
Montsegur, te dreiças pertot !

Castèl Montsegur
Montsegur tan bèl
Fòrça son perfaits
Erezia...

Crozada perqué
L’infern e lo fiòc
Las armas perqué
Erezia...

Erezia... …

Legir tot

Castèl Montsegur
Montsegur tan bèl
Fòrça son perfaits
Erezia...

Crozada perqué
L’infern e lo fiòc
Las armas perqué
Erezia...

Erezia... Erezia... Erezia...

Amic remembra- te
Bons òmes e bons crestians
Dòmnas e enfans ploravan
Amic remembra-te
Lo lenhièr que s’abranda
E foguèron cremats !

D’uno febreto iéu m’envau
Em’un prenoum que pren soun vòu
E quàuqui souveni d’amour
Qu’au founs dis iue garde toujour …

Legir tot

D’uno febreto iéu m’envau
Em’un prenoum que pren soun vòu
E quàuqui souveni d’amour
Qu’au founs dis iue garde toujour

Vese acò coume un bon jougaire
Que prenon pèr un enganaire
Quouro soun bate-cor darrié
Veramen lou rènd grimassié

Alor iéu rise douçamen
Parié coume is enterramen
En pensant qu’au founs, trepassa
N’es plus de rire s’arresta.

D’uno febreto iéu m’envau
Em’un prenoum que pren soun vòu
E quàuqui souveni d’amour
Qu’au founs dis iue garde toujour.