Per Sant Laurens a Morlana
I avè lua sus los teits,
E la hèsta a las platanas,
Qu’arrivavi de la …

Legir tot

Per Sant Laurens a Morlana
I avè lua sus los teits,
E la hèsta a las platanas,
Qu’arrivavi de la nuèit.

Morlana cantava
Jo qu’èri amorós
Quimèra, enqüera,
Lo ser qu’èra tant doç.

Qu’i trobèi ua gojateta,
Assetuda au canton,
Qu’èra drin tròp tristoneta,
Que sortii l’acordeon.

Que joguèi ua musiqueta
Qui m’avèn cantat los vièlhs,
Que vedoi ua esteleta,
Qui se la cadó deus uelhs.

Non sèi pas tot de la vita,
Mes que sèi que lo Bon Diu,
Qu’a inventat la musica,
Tà d’aquera estela, aquiu.

Adiu donc, adiu Morlana ,
Qu’as la lua sus los teits,
E la hèsta a las platanas,
Que me’n torni ta la nueit.

Mossur Curé de Casterar
Sap jogar de la guitarrà
Pren son fusilh se’n va caçar
Sap jogar de la guitarreta …

Legir tot

Mossur Curé de Casterar
Sap jogar de la guitarrà
Pren son fusilh se’n va caçar
Sap jogar de la guitarreta
Sap jogar de la guitarrà.

Perdiç ni lèbre tròba pas
Sap jogar de la guitarrà
Sonque Marion jos un albar
Sap jogar de la guitarreta
Sap jogar de la guitarrà.

« Marion te vòli confessar,
Sap jogar de la guitarrà
-Mossur Curé com’vos plairà ! »
Sap jogar de la guitarreta
Sap jogar de la guitarrà.

« Nos cal anar darrièr l’autar »
Sap jogar de la guitarrà
L’autar se bota a tremblar.
Sap jogar de la guitarreta
Sap jogar de la guitarrà.

E las cadièras a dançar,
Sap jogar de la guitarrà
Las campanetas a tindar
Sap jogar de la guitarreta
Sap jogar de la guitarrà.

Mossur Curer deu Casterar
Sap jogar de la guitarrà
Pren son fusilh, se’n va caçar.
sap jogar de la guitareta …

Legir tot

Mossur Curer deu Casterar
Sap jogar de la guitarrà
Pren son fusilh, se’n va caçar.
sap jogar de la guitareta
Sap jogar de la guitarra.

Perdics ni lèbres troba pas,
Sonca Marion darrer un aubar.

Marion, vos voletz confessar ?
Mossur Curer, coma etz plaira.

Nos cau anar darrer l’autar.
L´autar se bota a tramblar.

E las cadieras a dancar,
Las campanetas a tindar.

De la gleisa s´en cau anar.
Au bosc anem nos estujar.

Qand son au bosc, darrer un aubcar,
Los lops se botan a hurlar.

Hoas, bresages a piular,
E los renards a marmotar

E las graolhas a rainar
E luserps e serps a shiular.

Mossur, Curer, s´en cau anar
Jo per aci, vos per enlà

Avetz rason, se´n cau anar;
Lo diable sembla s´en melar

R- Hòu ! Mossur Jan-Enríc !
I a un gròs tavan
Sus ton capèu.
Hòu ! Mossur Jan-Enríc !
I …

Legir tot

R- Hòu ! Mossur Jan-Enríc !
I a un gròs tavan
Sus ton capèu.
Hòu ! Mossur Jan-Enríc !
I a un cabrian
Sus ton mantèu.
Hòu ! Mossur Jan-Enríc !
I a un escorpion
Sus ton botèu.
Hòu ! Mossur Jan-Enríc !
I a un parpalhon
Dedins ti péus.

1-Una parpalhola
Buta la paret,
Fai la cabriòla
Mai se peta un pè.
Lo Rèi di bestiòla :
Mossur Jan-Enríc,
Pren la parpalhola
E piei la garí.

2- Vaquí que l’aranha
Cassant lo grilhon,
Dins sa telaranha
Pren un mosquihon.
Quand la cigaleta
Rascla son violon,
Li dòs forniguetas
Fan lo rigaudon.

3-Sabètz que l’abilha
Marca pas tròp mau,
Quand se desabilha
Sembla un gròs babau.
Quand la damisèla
Vèi l’escaravai,
Tituba e chancèla
Saup plus onte vai.

4- Quand la babaròta
Prega lo Bòn Dieu
Sembla mai devòta
Que lo prega-Dieu.
La catarineta
Se ditz : « Se poudiáu,
Coma la luseta
Metre un fiòc au quieu. »

5- Ai vist la canilha
‘mé lo bèu grilhet :
Dròla de familha !
Mai son pas solets :
Una sautarèla
Sariá la molher
D’un niais que s’apèla :
Tavan merdassier !

Mossur lo regent,
dens ma lenga vòli parlar.
Mossur lo regent,
dens ma lenga vòli cantar.
Vòli parlar de la …

Legir tot

Mossur lo regent,
dens ma lenga vòli parlar.
Mossur lo regent,
dens ma lenga vòli cantar.
Vòli parlar de la tèrra e deu cèu,
vòli cantar la montanha e la nèu.

Arrepic
Pren la vergonha,
ès pas ací entà cantar.
Pren la vergonha,
ès pas ací tà saunejar.
Pren la vergonha,
ès ací entà’t carar
ès ací’ntà tribalhar.

Mossur lo curat,
dens ma lenga vòli pregar.
Mossur lo curat,
dens ma lenga vòli cantar.
Perqué lo bon Diu non sap parlar que francés ?
S’èra lo bon Diu, parlaré en bearnés.

Mossur lo regent,
perqué donc la television,
Mossur lo Regent,
non parla pas com parli jo ?
Vòli pas audir lo patoès de París ;
vòli audir ua votz deu país.

Lo bonet d’aso,
regent, te’u hicarèi suu cap.
L’arròda vira.
Que’t tornarèi peras au sac.
N’èi pas vergonha.
Lhèu qu’anarèi en transicion
mès parlarèi tostemps gascon.

Siáu come tu, Mossur Seguin,
Tóti mei cabras son partidas,
E siáu solet amé mon chin,
Solet amé ma despartida. …

Legir tot

Siáu come tu, Mossur Seguin,
Tóti mei cabras son partidas,
E siáu solet amé mon chin,
Solet amé ma despartida.

Quauquei cabras e puei un vièlh chin
Que fai escampar lei cabrits,
Lei sonalhons que fan tin- tin
Cascalhan dins mon sovenir.
Segur que lo mestier es dur
Dins aqueu païs de miseri.
M’es arrivat un grand malur,
Ieu que siáu pas dins la drudiera.

Siáu come tu, Mossur Seguin,
Totei mei cabras son partidas,
E siáu solet amé mon chin,
Solet amé ma despartida.

La còrda per leis estacar,
L’ai estacada a mon còu.
E se volètz per m’acabar :
Pendolatz-me, me fai plus paur.
E dessús ma pòrta ai marcat
En gròssei letras, en capitalas :
"BARRAT" perdequé siam crebats,
Crebats de pena capitala.

Siáu come tu, Mossur Seguin,
Totei mei cabras son partidas,
E siáu solet amé mon chin,
Solet amé ma despartida.

Rèsta plus, per me consolar,
Que mei sonalhas e mon baston.
E lei lops que m’an tot raubat
Barrutlan pas dins mon canton.
Rèston puslèu au parlament,
Dins lei burèus dei ministeri,
E an previst segurament
De me portar au cementeri.

Siáu come tu, Mossur Seguin,
Totei mei cabras son partidas,
E siáu solet amé mon chin,
Solet amé ma despartida.

Mei quauquei cabras e mon vièlh chin,
Lei reguinhadas dei cabrits,
Lei sonailhons que fan tin-tin,
Restaràn dins mon sovenir.
Meme s’ai plus ges de tropèu
Vòle plus quitar ma montanha
E meme en me crebant la pèu
Li restarai ribon-ribanha.
Siáu come tu, Mossur Seguin...

Pour toutes les guarrigues, occitane ou birmane
Pour toutes les guarrigues, De Baam à la Sérane
Moudjahidin de la barthas, …

Legir tot

Pour toutes les guarrigues, occitane ou birmane
Pour toutes les guarrigues, De Baam à la Sérane
Moudjahidin de la barthas, camisard du microphone
Du pic St Loup au Fagas, de l’Aigoual au col de l’homme
O puòg sant lop, garda nos
De l’embetumada
Los ostaus, las vilàs
Son la maganha…

Los mòts pican
Dins ma garganta
I quicòm que truca
E lo silenci m’aganta…

Bartasseur dans l’âme, barulaire de vers en vers
Vers l’avenir qui se pâme dans l’obscure clarté de l’envers
À l’endroit où mon stylo se perd dans les larmes
D’un eternel desert marqué par le sceaux, marqué par la flamme
De la terre-mère fagot d’odeur, guarrigue asséchée de saveur,
Creuset de mots on y forge des lyrics radicaux lames afutées,
Cade égaré son rameau enfante une rame et Vogue la galère
Parle Ladino, patois, castellano, pour creuser leurs tombeaux
Ca y est c’est la guerre. Romarin, Farigoule, diablotins, et chènes verts,
Autant d’armes dans nos mains pour façonner des chimères
De la Rouvière à St Martin, on a gravé dans la pierre
L’aube d’Hier, le crépuscule de demain
Fragile destin esquissé en alexandrins
Éphémère passage du temps
Flots de calcaire s’écoulant d’un brin de thym
Dans le sanctuaire d’un dieu Pan languedocien
Regarde bien, il est écrit dès maintenant
Ce futur parchemin prophétisant
Le déclin de cet empire arrogant
Vaniteux, méprisant, économique et souverain
Citadelle de la modernité
Tu as troquée ton étique pour un matin scientifique
Mais le soleil reste sur l’Afrique
Tes racines terrassées par les titans urbains
Tyrans contemporains
Empire inhumain libéral et dogmatique
Je te défie du haut du Pic
Bartasseurs Epicuriens, Ecrivain Poétiques
Cette muraille qui nous ceint, je la démonte au burin
Pierre par pierre pour en faire notre refrain

Moudjahidin de la barthas, camisard du microphone
Du pic St Loup au Fagas, de l’Aigoual au col de l’homme

En cualquier campo estamos listos pa caminar
En cualquier barrio estamos listos par festejar
En cualquier microfono estamos listos pa charlar
compañeros de la barthas todos juntos para luchar

Cal prene lo maquis
Anar dins la montanha
Rosigan lo país
Tota ara la Serana…
Vèsi lo quitran
Vèsi las muralhas
Canti en occitan
Paraulas en batalha…
Fan de torres blancas
Per amassar la pòple en precaritat
E de vilàs segondaris
Per lo chale d’una minoritat !

Vivre au soleil
C’est le nouveau mythe, l’illusion
Tout le monde descend
Construire son paradis en carton
Ils consomment le pays
Oui c’est de la consommation
Le paradis aujourd’hui
L’enfer demain dans le béton…

O puòg sant lop, garda nos
De l’embetumada
La cevena, la garrriga
E tanben la plana
Cal prene lo maquis
Anar dins la montanha
Rosigan lo país
Tota ara la Serana…
Los mòts pican
Dins ma boca despestelada
Solèus de lenga
Caminan de nuech, primièra brigada….

Pour toutes les garrigues occitane ou kenyane
Pour toutes les garrigues de Guyane à la Sérane
Moudjahidin de la barthas, camisard du microphone
Du pic St Loup au Fagas, de l’Aigoual au col de l’homme

Merci moussu lou mounde.
Merci pèr voste mounde.
Que n’en fasèn noste proun,
Meme quouro viro pas trop round.

Merci …

Legir tot

Merci moussu lou mounde.
Merci pèr voste mounde.
Que n’en fasèn noste proun,
Meme quouro viro pas trop round.

Merci pèr li mountagno ;
Li nis dins li baragno.
Coumplimen pèr li sesoun,
Aqui i’a d’idèio de cansoun.

Merci la mar ;
Jamais s’es atrouva un verd mai blu , un blu mai verd.
Jamai s’es entendu en liò de plus poulid councert,
Qu’aquéli dis aucèu que fan l’aleto dins lou cèu.

Merci lou vènt ;
Fas oundeja li blad e fas ferni lis oucean.
Merci pèr lou soulèu e la coulèro di voulcan ;
Pèr l’arc-de-sedo bèu que bouto la gau dins lou cor
D’un enfant.

Merci moussu lou mounde.
Merci pèr voste mounde.
Vous pregan de perdouna
Li niais que fan que vous degaia.

Merci moussu lou mounde.
Merci pèr la couloumbo ;
La leissés jamai mouri
Vous n’en faren nòsti gramaci.

Sus aquela tèrra se cal mesfisar
Òm pòt se faire grafinhar, mossegar, chapar
Per un fais d'animals mas segur lo …

Legir tot

Sus aquela tèrra se cal mesfisar
Òm pòt se faire grafinhar, mossegar, chapar
Per un fais d'animals mas segur lo mai missant
Es petit
Tot petit
Per la presa de sang totjorn amagat
Coma lo Dracula sornarut e rusat
L'ausissèm pas jamai, lo vesèm pas arribar
Qu'es petit
Mas força desgordit

Le moustique, petit
Qui pique trop comme sous les tropiques
Un còp sus la gauta
Un còp sul nas
Un còp sus la camba
Un còp sul bras

Le moustique ( moustique ) quel loustic ( loustic )
Es petit ( petit ) tant petit ( petit )

Dempuèi 25 jorns n'ai un a l'ostal
Que pertot me seguis , putanièr de moissal
Sabi pas consí fa per faire tant de mal
Tant petit
Tant petit

Cerqui la solucion mas sai pas se'n i a
Que vòli pas trapar lo chikungunya
Totjorn a bracejar sens poder l'esclafar
Qu'es petit
E força desgordit

Ce moustique, petit
Qui pique trop comme sous les tropiques
Un còp sus la gauta
Un còp sul nas
Un còp sus la camba
Un còp sul bras

E la gauta ( e la gauta )
E lo nas ( e lo nas )
E la camba (e la camba )
E lo bras (e lo bras )

Petit, petit
Mas narrut e plan desgordit
Un còp sul ventre
Un còp sul genolh
Un còp sul pitre
E un còp sul cuol

E la gauta ( e la gauta )
E lo nas ( e lo nas )
E la camba (e la camba )
E lo bras (e lo bras )

E lo ventre ( e lo ventre )
Lo genolh ( lo genolh )
E lo pitre ( e lo pitre )
E lo cuol ( e lo cuol )

Moustique, petit
Qui pique trop comme sous les tropiques
Un còp sus la gauta
Un còp sul nas
Un còp sus la camba
Un còp sul bras

E la gauta (e la gauta )
E lo nas ( e lo nas )
E la camba (e la camba )
E lo bras (e lo bras )

Las aurelhas ( las aurelhas )
E los dets ( e los dets )
Las cavilhas ( las cavilhas )
E los pès ( e los pès )

las parpèlas ( las parpèlas )
lo copet ( lo copet )
las espatlas ( las espatlas )
lo punhet ( lo punhet )

Petit, petit
Mas narrut e plan desgordit
Un còp sul ventre
Un còp sul genolh
Un còp sul pitre
E un còp sul cuol

E lo ventre ( e lo ventre )
Lo genolh ( lo genolh )
E lo pitre ( e lo pitre )
E lo cuol ( e lo cuol )

E las cueissas ( e las cueissas )
Lo menton ( lo menton )
E las mans ( e las mans )
E lo front ( e lo front )

Los artelhs ( los artelhs )
Los talons ( los talons )
Los botelhs ( los botelhs )
Los colhons ( los colhons )

Moustique, petit
Qui pique trop comme sous les tropiques
Un còp sus la gauta
Un còp sul nas
Un còp sus la camba
Un còp sul bras

Petit, petit
Mas narrut e plan desgordit
Un còp sul ventre
Un còp sul genolh
Un còp sul pitre
E un còp sul cuol

Petit !

Mout avetz fa lonc estatge,
Amics, pois de mi ·us partitz,
Et es mi greu e salvatge
Car me juretz …

Legir tot

Mout avetz fa lonc estatge,
Amics, pois de mi ·us partitz,
Et es mi greu e salvatge
Car me juretz e·m plevitz
Que als jorns de vostra vida
Non acsetz domna mas me ;
E si d’autra vos perte,
M’avetz morta e traida,
Qu’avi’ en vos esperança
Que m’amassetz ses dobtança.

Bels amics, de fin coratge
Vos amei puois m’abelitz,
E sai que fatz i folatge,
Que plus me n’es escaritz
Qu’anc non fis vas vos ganchida ;
E si·m fazetz mal per be,
Be·us am e non me·n recre ;
Mas tant m’a Amors sazida
Qu’eu non cre que benança
Puosc’ aver ses vostr’ amança.

Mout aurai mes mal usatge
A las autras amairitz,
Qu’om sol trametre messatge
E motz triatz e chausitz,
Et eu tenc me per garida,
Amics, o la mia fe,
Quan vos prec, qu’aissí ·m cove ;
Que plus pros n’es enriquida
S’a de vos qualqu’ aondança
De baisar o d’acoidança.

Eu marcha solet dalin-dalan entre lu barris
Sota lo lume li a minga luecs a regarjar
Un morre de mossa …

Legir tot

Eu marcha solet dalin-dalan entre lu barris
Sota lo lume li a minga luecs a regarjar
Un morre de mossa bauba de paraulas
A lo regard alucinat d’un peis mòrt

Lo relòri marca l’ora d’un temps que passa pas
L’an vorgut a ginolhs a tròup asperar Chiqueta
A man revessa de la justícia lo juge l’a jujat
A lo regard alucinat d’un manigòrdo

Lo país dei indians chaplats a la libertat liberala
Li raiç en la sang si ditz la messa e la si sierve
Aquí fa pas bòn èstre negre e pensar
Aquí li ideas son blanqui coma lo cervèu d’un WASP

Un coe sus la taula s’enavisa dau monde
Mumia es lo fraire d’una familha umana
Dins lo corredor de la mòrt es pas embarrat
Ni a que luchan e qu’esperan en la libertat

Coma una mùsica
Que corre sota li parpelas furba
Coma una mùsica
De nuèch recomençada
Que jamai non finisse
Coma …

Legir tot

Coma una mùsica
Que corre sota li parpelas furba
Coma una mùsica
De nuèch recomençada
Que jamai non finisse
Coma una mùsica cridant
L'eternitat dau crit
Coma una mùsica de paur
De can batut cercant la sieu terra

Passa la vida
En long en larg
O de travers

Sota dau pònt gibós
Si negan li estelas
Coma una mùsica sensa camba
Trampinant dins l'escalinada
Coma una mùsica de jorns
Pintats de guinhas
Sota dau pònt gibós
Acabant de crepar
La boca duberta

Coma una mùsica
Jogant cada jorn
Un pauc pus bas
Coma una mùsica
Que s'estoffa
Avant de crepar dins la còla.

Musica libra
Libera nos
Mùsica libra
Sumi joiós

Quora ’n onda passa
Enca’ libra de anar
E una votz bagassa …

Legir tot

Musica libra
Libera nos
Mùsica libra
Sumi joiós

Quora ’n onda passa
Enca’ libra de anar
E una votz bagassa
Dins l’aire parla clar
Sabo de sumiar
’na ràdio radio que lhi a pas
’bo ’na musica nòva
E libra de pensar

Vuèi ben ben gaire
Èsser libre e chantar
Mias chançons dins l’aire
E libre de sumiar
’bo amís e fraires
Dins ’na nòva sason
De libres chantaires
Radio del nòvel jorn

E libra, radio libra, fai-me fai-me pensar
Dona-me, un deman

Digatz-me jon’òme Se voles jogar
Se voles jogar de la vielonèta
Digatz-me jon’òme Se voles jogar
Se voles jogar de …

Legir tot

Digatz-me jon’òme Se voles jogar
Se voles jogar de la vielonèta
Digatz-me jon’òme Se voles jogar
Se voles jogar de la vielonà
Vielo, vielo, vielonèta, Vielo, vielo, vielonà } bis

Puèi dins l’òrdre : guitarèta, grailèta, tustonèta, bodeguèta, flutonèta, bassonèta, tot l’orquestra

M’a prés per fantesia
Augan d’anar pastor
Be hei la gran holia
De prener lo baston

Per plàser mas aulhetas …

Legir tot

M’a prés per fantesia
Augan d’anar pastor
Be hei la gran holia
De prener lo baston

Per plàser mas aulhetas
Las vòli tròp aimar
Adieu montanhèas
Jamei non vòi tornar

Capsús còsta de l’Auba
Be’n cau garrapitar
Be’n cau donc suzar fèra
Tà viener au cajular

Arribi a la cabana
Credí de’m repausar
M’espièi tà la montanha
Lo sang que se’m glaçat

De veder la presença
D’aqueth terrible endret
Semblabe que las penas
Hasèn l’arricoquet

Tostemps que m’arrimabi
Au pé de cauque ròc
Tostemps jo que tremblabi
De’m perde l’ante esclòp

Ço qui’m consola hèra
Cauques moments flators
De veder mas aulhetas
Cochadas sus las flors

M’as òc dat un estiu
qu’èras l’estiu segur
l’aur blu lo
caramèl l’ombra la pèth

t’èi balhat la mia man …

Legir tot

M’as òc dat un estiu
qu’èras l’estiu segur
l’aur blu lo
caramèl l’ombra la pèth

t’èi balhat la mia man obèrta
vuita shens
prova shens dits
ni he

que m’estós hèish de pan
d’aulor e l’espiar
d’espècia a pantaish

t’estoi jo mòrt ardenta
de nient
te divi pas arrés

Èira suèrto d’aquí e me’n vau ent lo nièr
de pensar per esto sera n’ai pro.
De chats crion l’amor …

Legir tot

Èira suèrto d’aquí e me’n vau ent lo nièr
de pensar per esto sera n’ai pro.
De chats crion l’amor sal cubèrt tot nevat
Una cevítola chanta sus un àrbol glaçat

Bufs de vènt dal Rio Frèit que me jala la mènt
es dedins lo miu mal, es pus fons dal Lac Nièr
vòi trobar coma far, la meisina qual es?
Se me fermo siu mòrt...
se me bòjo siu mòrt…

Qué vòs encara tu da mi?
Qué vòs encara dal miu còr?
Enté vòs que ane la mia vita?
Aquí solet, de mi n’ai pro!

Lo matin que me gacho abo un rai de solelh
l'aranha desvelhaa es trempaa de rosaa
li crobàs s’auçon luènh, lo miu pas sòna fòrt
fito, fito, volar polariu escapar!

Qué vòs encara tu da mi?
Qué vòs encara dal miu còr?
Es tot jalat aquí dedins
es tot de glaç e mi n’ai pro!

Tot lo ben t’ai donat, joventut , lo bonaür
tu l’as pilhat coma òr… l’as estremat, l’as raubat
Èira agacha dessot, me’n foto de tot
vòi volar esto matin
sarra li uelhs
siu partit…

Qué vòs encara tu da mi?
Qué vòs encara dal miu còr?
Es tot vuit aquí dedins
es tot fenit... e mi n’ai pro!

N'am traversat nau lanas
Shens trobar bròcs ni brana,
Sonque branon.
Mon diu, de 'questas lanas
Tant longas son.

Legir tot

N'am traversat nau lanas
Shens trobar bròcs ni brana,
Sonque branon.
Mon diu, de 'questas lanas
Tant longas son.

N’espiis pas tant
Baishar lo sor
A boca de nuèit.
De l’aut’part de tèrra
Se’n va har topins.
Quinha estranha …

Legir tot

N’espiis pas tant
Baishar lo sor
A boca de nuèit.
De l’aut’part de tèrra
Se’n va har topins.
Quinha estranha hèira
Que la deus chagrins !

Aqueth cèu de huec,
Tant berojin
Arren mei que l’adiu
Deu devís deu dia,
Mòrt de chagrin.
Be lusiva la via
Deu de qui ei la fin !

Espia lo broth,
Lucaire curiós
Hilh de l’aubeta.
Traucaire valent
Ahamiat de véder
Quinh donc bohar lo vent
Hòra l’ostau de seda.

Lua darrèr lua,
Qu’atenó sapar la vita.
Tu qui uèi puntejas,
Broth deu matin,
Per lègas e lègas,
Amuisha’m lo camin.

Na Maria, pretz e fina valors
e.l gioi e.l sen e la fina beutatz
e l’aculhir e.l pretz e las …

Legir tot

Na Maria, pretz e fina valors
e.l gioi e.l sen e la fina beutatz
e l’aculhir e.l pretz e las onors
e.l gent parlar e l’avinen solatz
e la dous car’ e la gaia cuendansa
e.l dous esgart e l’amoros semblan,
me fan traire vas vos ses cor truan.

Per que vos prec, si.us platz, qe fin’ amors
e gausiment et dous umilitatz
me posca far ab vos tan de socors,
qe mi donetz, bella domna, si.us platz,
so don plus ai d’aver joi esperansa,
car en vos ai mon cor e mon talan
e per vos ai tot so qu’ai d’alegransa
e per vos vauc mantas vetz sospiran.

E car beutatz e valor vos enansa
sobra totas, qu’una no.us es denan,
vos prec, se.us platz, per so que.us es onransa,
que non ametz entendidor truan.

Bella domna, cui pretz e joi enansa,
e gen parlar, a vos mas coblas man,
car en vos es gajess’ e alegransa
et tot lo ben qu’om en domna deman.

Lapinon es Nadal
Finta lo sapin
Ton solièr es ont cal
Per deman matin

Lo papà de Nadal
Es un …

Legir tot

Lapinon es Nadal
Finta lo sapin
Ton solièr es ont cal
Per deman matin

Lo papà de Nadal
Es un vièlh coquin
Passarà a l’ostal
Seràs a dormir.

Aicí l’estèla de nadal,
Qu’es aquel bruch sus nòstre ostal?
Es una tropa d’aucelons
A Bethleem van dos a dos. …

Legir tot

Aicí l’estèla de nadal,
Qu’es aquel bruch sus nòstre ostal?
Es una tropa d’aucelons
A Bethleem van dos a dos.

Dins l’estable ont lo Rei dal cèl
Dròm entre l’ase e lo maurèl
Digatz aucèls qué venètz far?
-Venèm nòstre Dieu adorar.

La lalala lalala lalala lala
La lalali lali lali lali lala
La lalala lalala lala lalilala
La lilila lalilila lali lila

Lo pol s’avança lo primièr
Monta sul boès del rastelièr
E per començar l’orason
Entona son "Cocorocon"

Lo mèrle arriba en estiflant
Lo linòt en canturlejant
Lo pijon fa "rocó rocó"
La lauseta "tira liron"

Tira lirà tira li tira li liron
Ti tira li titira li tiraliron
Ti tira li tira li tira li liron
Ti tira li ti tira li tira liron

Lo cardin sortís de son niu
Saluda e fa "tirli chiu chiu"
"Chiu chiu" respond lo passerat
E la calha fa "palpapà"

Vaicí venir lo baticoeta
Se pausa a costat del verdet
E sus l’albar lo rossinhòl
Canta a l’enfant re mi fa sòl.

Re re re mi re re mi re re mi fa sòl
Re re re mi re re re mi re mi fa sòl
Re re re mi re re mi re re mi fa sòl
Re re re mi re re re mi re mi fa sòl

Per onorar lo filh de Dieu
Venètz en franda devocion
Angèls pastors aucèls del cèl
Cantem anuèit Noèl Noèl

La lalala lalala lalala lala
La lala lèra lala lèra lalala
La lalala lalala lala lèra la
La lala lèra lala lèra lalala.

Aici l’estela de Nadal
Qu’es aquèl bruch sus nostre ostal ?
Es una tropa d’auselons
A Bethléem van doç a …

Legir tot

Aici l’estela de Nadal
Qu’es aquèl bruch sus nostre ostal ?
Es una tropa d’auselons
A Bethléem van doç a doç.

Dins l’estable ont lo rèi del cèl
Dorm entre l’ase e lo maurèl.
Digatz, ausèls, que ne venètz far.
- Venèm nostre Dius adorar.

Lo pòl s’avança lo prumièr
Monta sul boès del rastelièr
E per començar l’orason
Entona son « Cocoroco ».

Lo merle arriba en estiflant,
Lo linòt en canturlejant,
Lo pijon fa « Roco roco »,
La lauseta « Tira liro ».

Lo cardi sortis de son niu
Saluda e dit « Tirli chiu chiu »
« Chiu chiu » respond lo passerat
E la calhe fa « Palpapà ».

Aici veni lo baticuèt
Se pausa al costat del verdèt
E sus l’alba, lo rossinhòl
Canta a l’enfant « Ré, mi, fa, sòl »

Per onorar lo filh de Diu
Venètz en granda devocion.
Anges, pastors, ausèls del cèl,
Cantèm anuèit « Noel, Noel »

Ieu qu’ai jamai cregut
Al barbut,
Aviái mes autrescòps
Mos esclòps
Al canton del fòc, dins la chiminièra,
Cranes e …

Legir tot

Ieu qu’ai jamai cregut
Al barbut,
Aviái mes autrescòps
Mos esclòps
Al canton del fòc, dins la chiminièra,
Cranes e lusents, coma flames nòus,
Entre lo pairòl e la castanhièra,
Un parelh d’esclòps de mai de cinc sòus.
Puèi tanlèu sopar, m’èri anat jaire
Sens ges d’illusion, daissant mon camèl
De femna me morrefintar d’un aire
Trufarèl.

Levat coma totjorn
Abans-jorn
Te trapi al recaliu,
Tron de Dieu !,
Tremolant dins sa camiseta blanca,
La gauta e lo nas mostafà-caulet,
Una dròlla que pas res non li manca
Per faire damnar un santirolet.
Tan menuda qu’òm la creiriá negada
Jos un long pel negre despenchenat,
Diriatz una mirgueta apaurugada
Per un gat.

Probable l barbut
A begut.
A tirat a l’asard
Baltasar.
N’a son confle del gòrb sul las espatlas,
De la fred que lo ven engrepesir.
Sul teulat se barreja las pedalas,
M’a davalat l’estrena del vesin.
O tanplan benlèu, coma una missara,
Ne soi al primièr roncàs de la nuèit,
E los punhs sarrats, dormissi encara
Dins mon lèit.

"Un nadal d’aquel prètz,
Ne podretz
Anar cercar sul pic
D’Alaric.
Pas besonh de vos fretar la parpèla,
Çò me fa, soi pas una aparicion,
Ni mai un miratge, una regardèla,
Fantauma de vòstra imaginacion.
Creguetr pas tanpauc una peteta
Conflada dins lo tresfons d’un sex-shòp,
Me podètz paupar la cuèissa, la teta,
Val lo còp."

Alavetz li ai dit :
"Soi polit
De que farai ratu-
Ga de tu ?
Ieu, soi pas jamai estat crebassina,
A la lotariá jamai remborsat,
Ai pas ges ganhat de piòta a quina,
Ni mai encapat lo mendre tierçat ;
E uèi, que lo sòrt me fa la suspresa
De me portar un quicòm per Nadal,
Macarèl ! cal que la plaça siá presa
A l’stal.

Quand la femna veirà
Pr’aquí-la
Aquel present de cèl
Garda als uèlhs.
De segur me va caufar las aurelhas,
Me conflar lo cap coma un caul-capús,
Me passar quicòm, me brandir las pelhas,
Qu’es un carnaval coma se’n fa pus.
- Gardatz-me, Monur, çò ditz la polida,
Prenem los camins que van pas enlòc.
Ieu, vos balhi ma joinesa e ma vida
Tot d’un flòc."

Alara ai esfaçat
Mon passat,
E li disent "Adieu,
Bertomieu !"
Ai cargat la guitarra sus l’esquina,
Arrapat la man de mon petarèl
E cambiat ma paura vida mesquina
Per un orizont sempre encantarèl.
Es atal que la mirga e la guitarra
Jamai non m’an pas pus quitat dempuèi
E, dins nòstres còrs, l’amor fa tantarra
Cada nuèit.

Benlèu los parroquians,
Los crestians,
Jutjaràn mon Nadal
Immoral.
Los coneissi plan aqueles tartufas :
Aiman mai lo vin que l’aiga d’Alet,
Pel Divendres-sant, manjan pas de trufas
E, tanlèu ausir picar nadalet,
Van faire ramonar la chiminièra
Dins l’espèr qu’un vièlh a mitat madur
Lor venga penjar a la cremalhièra
Lo bonur.

Anam ausir las aubadas
Que se’n venon de sonnar
Sus de trompetas dauradas
Dison qu’un delfin serà.
L’una fa : …

Legir tot

Anam ausir las aubadas
Que se’n venon de sonnar
Sus de trompetas dauradas
Dison qu’un delfin serà.
L’una fa : « Tarari tararèra
Lintampon laderitampon
E l’autra li fa lo respon .
Tarari, tararèra
Lintampon laderitampon
Novèl vengut, pichòt popon.

Quand dintrarem dins l’estable,
Li tirarem lo capel
Li direm : « Enfant aimable
Sètz polit coma un anèl. »
Un farà: « Tarari tararèra
Lintampon laderitampon
E l’autre farà lo respon .
Tarari, tararèra
Lintampon laderitampon
Novèl vengut, pichòt popon.

Sonatz pifres e trompetas,
Timbalas e caramèls,
E vos claras campanetas
Ambe lo còr dels angèls.
Digatz-li: « Tarari tararèra
Lintampon laderitampon
E cadun farà lo respon .
Tarari, tararèra
Lintampon laderitampon
Sètz benvengut, pichòt popon.

Repic:
Lèu Nadal arribarà
De qué li vas demandar?
Li demandes pas la luna
Que n’a pas granda fortuna
Lèu …

Legir tot

Repic:
Lèu Nadal arribarà
De qué li vas demandar?
Li demandes pas la luna
Que n’a pas granda fortuna
Lèu Nadal arribarà
De qué li vas demandar?

Nadalet dins ton desquet
Pòrta-me un ramelet
Un ramèl d’estelas blancas
Ne vòli ondrar las brancas
De mon pichon sapinet
Nadalet dins ton desquet.

Nadalet dins ton desquet
Pòrta-me un auselet
Un ramel empatufaire
Per far fugir los desaires
Que me cantarà suaudet
Nadalet dins ton desquet.

Nadalet dins ton desquet
Pòrta-me un mantelet
Un mantèl de nèu plan fina
Per amagar la languina
D’aquel ivèrn tristonet
Nadalet dins ton desquet.

I a pro de gens que van en romavatge
I a pro de gens que van a Bethleem
Ieu, vòli …

Legir tot

I a pro de gens que van en romavatge
I a pro de gens que van a Bethleem
Ieu, vòli i anar se tròbi pro coratge
Ieu, vòli i anar se pòdi caminar

R: La camba me fa mal, bota sèla, bota sèla
La camba me fa mal, bota sèla mon caval.

Totes los pastors an vist aquela estèla
Totes los pastors an vist un angelon
S’en son anats sens esperar l’aubada
S’en son anats sens se retornar.

E quand son arrivats al prèp d’aquel mainatge
E quand son arrivats se son aginolhats
Se son aginolhats al mièj d’aquela grèpia
Se son aginolhats ambe umilitat.

E quand s’en son tornats totes dins lors vilatges
E quand s’en son tornats s’en son mes a cantar
S’en son mes a cantar pel fil del Dieu mainatge
S’en son mes a cantar: lo sauvador es nat.

En tèrra de Biarn
Tant beròia e tant doça
Qu’ei vadut un Nadau
Un arrosèr qu’i possa

Lo temps qu’ei …

Legir tot

En tèrra de Biarn
Tant beròia e tant doça
Qu’ei vadut un Nadau
Un arrosèr qu’i possa

Lo temps qu’ei a la nèu
Son brèç serà montanha
Tots los ausèths deu cèu
S’at van díser a la plana

Dens son arridolet
I a tot l’esper deu monde
Ne’n serà pas vailet
Ne’n serà pas lo mèste

Los aulhèrs qu’an cantat
La cançon de la tèrra
Serà enrasigat
Tà la vita sancèra

En tèrra de Biarn
Tant beròia e tant doça
Qu’ei vadut un Nadau
Un arrosèr qu’i possa

I a tots los aveths
Qui arriden, qui arriden
I a tots los aveths
Qui arriden deu hred
E lo …

Legir tot

I a tots los aveths
Qui arriden, qui arriden
I a tots los aveths
Qui arriden deu hred
E lo pair Nadau,
Qui vola, qui vola,
E lo pair Nadau,
Qui vola, la haut.
Sus los amorós,
Que nèva, que nèva,
Sus los amorós,
Que nèva tot doç,
E lo monde autorn,
Que vira, que vira,
E lo monde autorn,
Que vira, trop cort.
Jo, tot au dehens,
Que t’aimi, que t’aimi,
Jo, tot au dehens,
Que t’aimi, tostemps.
Hens la crampa au som,
Baptista, Baptista,
Hens la crampa au som,
Baptista que drom

Vila de Castelnau (x2)
Vila tant renomada, la dondèna,
Vila tant renomada, la dondon.

Que i a dus cents soldats, …

Legir tot

Vila de Castelnau (x2)
Vila tant renomada, la dondèna,
Vila tant renomada, la dondon.

Que i a dus cents soldats, (x2)
Mandats son a la guèrra, la dondèna...

Tots que'n son maridats,
Sinon lo capitèni.

Eth que's vòu maridar
Dab bèra damisèla.