Traversarai lo pertús
E dansarai se que non siam perduts
E lo farai per tu
Mai que per l'us
Que …

Legir tot

Traversarai lo pertús
E dansarai se que non siam perduts
E lo farai per tu
Mai que per l'us
Que dins la sombror dau varalh
Te causiguèri per lutz

Laissarai leis oras sornas
Detràs lo pont de fusta
Seguirai l'onda lusor
Qu'ai pron dei luchas sens gost
Còntra la fosca

Traversarai lo pertús
Dau temps de sens tu

Siguèsse cent ans
Tant que detràs siguem dos
Passarai lo destrech que nos liga
Que d'èsser tres estiga
Ma tristessa e siáu las

Aici s'escriu ce que lo mai compta
Es que la cresença sens dobte
E l'amor sens ombra
S'ameritan la rota siguèsse lònga
Per anar quèrre au fons de la dotz
La gota doçor que dedins
Se viam totei dos

Partirem

Sus lei dralhas estrechas
E lei camins tòrts
Lo retrach segur
Fàcia au solèu morissent
D'un setembre aupenc

Partirem

Drechs e sens esitar
Caminarem toei dos
D'un pas assegurat
E liure pasmens de
Tota pressa

Partirem

Detràs la menta sauvatja
E la serp crentoá
Dei vias secas
Aurèm l'orizon
Per noirir nòstre alen

Partirem

Per estre ailà
Ais aliscamps
Farem rota vers
Lo nos simple e estelat
De l'aiga linda

Partirem

Per estre nus
Dins l'esperit
E la pèu liura
Dintre lei rius
Dei ròcs gigants

Partirem

Per de matins docets
Coma se la vida tota
Èra lo tocar de tei dets
Dintre lei mieus
Mau desvelhats

Partirem

Per far batèsta
Ai vents de facia
Lei braç duberts
Sens crénher l'aura
Ni sa careça

Partirem

Quand sarai grand
Farai fuec
Dei causas passadas
E dei brasas de tant
De plagas dau temps
E lo fum sarà cant
Sus lei lausas passidas
E lo solèu d'aram

E ronlonla, la luna avança gaire
E ronlonla, la luna avança pas. (bis)
E ronlonla totjorn, sortirà pas dels aubres …

Legir tot

E ronlonla, la luna avança gaire
E ronlonla, la luna avança pas. (bis)
E ronlonla totjorn, sortirà pas dels aubres
E ronlonla totjorn, sortirà pas del bòsc.

E ronlonla...
Partirem pas d’aicí tan que la luna leva,
Partirem pas d’aicí davant deman matin

E ronlonla...
E i a totjorn qualqu’un que n’aima pas la luna
E i a totjorn qualqu’un que n’aima pas lo lum.

E ronlonla...
Quand la luna vendrà n’aurem un bocin d’esclaira
Quand la luna vendrà benlèu n’en tornarem.

Nos avem pas de rais
anim adont nos possa lo soflais
de la fam, de la fred, de la chalor, …

Legir tot

Nos avem pas de rais
anim adont nos possa lo soflais
de la fam, de la fred, de la chalor,
belèu de la guèrra, jamai de l’amor.

Qui’s ei que beta de rais,
se non quei que patís pas ren,
quel qu’auvís pas lo brior
salvatge que nos desraba ?

Betem, betem, betem de rais
dins lo passat, dins los sovenirs,
dins un mond qu’es pas mai
mas songem siá encar alài.

Carnavàs es dins Marselha,
Au reiaume dei fadats
A destapat seis aurelhas,
Lo patoàs s’es ensenhat.

Carnavàs es arribat, fuma …

Legir tot

Carnavàs es dins Marselha,
Au reiaume dei fadats
A destapat seis aurelhas,
Lo patoàs s’es ensenhat.

Carnavàs es arribat, fuma la pipa de ganjà !

Coma aviá plus de botelhas
Es anat a l’Assedic,
A dançat davans la grilha,
Li an balhat lo R.M.I.

Chorma, d’esta meravilha
Direm pas plus amb aquò,
Anarem sota la trilha
Per tubar lo balicòt.

Passant sus la planqueta lo pè m’a lisat,
Paura soi tombada dins l’aiga
Mos cotilhons se son molhats.

Pr’aquí passa …

Legir tot

Passant sus la planqueta lo pè m’a lisat,
Paura soi tombada dins l’aiga
Mos cotilhons se son molhats.

Pr’aquí passa un caçaire tot lo long d’un riu,
Cresiá de ne tirar la lèbre
Mas que ne m’a tirat a ieu.

Las balas que tirava n’èran pas de plomb
N’èran de quina marchandisa
Per far dansar la Marion.

Passant sus la planqueta
Lo pè m’a lisat,
E io sèi tombada dins l’aiga
Mos cotilhons se son molhats

Pr’aqui …

Legir tot

Passant sus la planqueta
Lo pè m’a lisat,
E io sèi tombada dins l’aiga
Mos cotilhons se son molhats

Pr’aqui passa un caçaire
Tot lo long d’un riu
N’en cresiá de tirar la lebre
Mas que ne m’a tirat a ieu

Las balas que tirava
N’eran pas de plomb..
N’èran de quina marchandisa
Per fa dançar la Marion

Passat deman ieu me maridi
Cosin, veni vos convidar
Se volètz dançar venètz me veire
Se volètz manjar venguessiatz pas …

Legir tot

Passat deman ieu me maridi
Cosin, veni vos convidar
Se volètz dançar venètz me veire
Se volètz manjar venguessiatz pas

Lo nòvi diguèt a la nòvia
Ont metrem jaire lo cosin? (bis)
Avèm dos lièchs dins la cambreta
Dins lo segond poirà durmir

Tot en dire lo Pater-Nòster
Lo nòvi s'endurmiguèt (bis)
E la coquina de la nòvia
S'anèt jaire ambe lo cosin

Quand lo nòvi se desrevelha
Ne'n fa tres còp lo torn del lièch
Ne'n cresiá d'embraçar la nòvia
N'embraçava lo capcoissin."

Passat deman ieu me maride
Cosin vene vos convidar
Se volètz dansar venètz me veire
Se volètz manjar venguessiatz pas …

Legir tot

Passat deman ieu me maride
Cosin vene vos convidar
Se volètz dansar venètz me veire
Se volètz manjar venguessiatz pas

Lo nòvi diguèt a la nòvia
Ont metrem jaire lo cosin
Aval aval dins la cambreta
Tot prèp tot prèp de nòstre lièch

Tot en disent lo pater noster
Lo nòvi s'endurmiguèt
E la coquina de la nòvia
S'anèt jaire amb lo cosin

Quand lo nòvi se desrevilha
Ne fa tres còp lo torn del lièch
Ne cresiá d'embraçar la nòvia
N'embraçava lo cap coissin

Ne sonèt sa sòrre la Joana
Que li portèssa lo calelh
Mès de calhelh ni de candela
Mès de calelh n'i aviá pas ges

Ragèt lo cap a la fenèstra
N'entendèt cantar lo cocut
Que cantas cantas rabestias
Que tu que tu o as sabut
Que tu que tu o as sabut
Que ieu que ieu n'èri cocut

O diguèri a mon paure fraire
Que el o m'aviá totjorn dich
Quand òm aviá polida nòvia
Caliá pas èsser tant endurmit

Passatge Vauban
Lo garbin s’es fardat, au lume d’un fanau
Crés qu’embé un pau d’afart sembla un mainau
Lo garbin …

Legir tot

Passatge Vauban
Lo garbin s’es fardat, au lume d’un fanau
Crés qu’embé un pau d’afart sembla un mainau
Lo garbin su la vila, garda moc lu pantais
E vestit d’un rodo, dondolèa plan-plan

A piat lo silenci per tapa-miseria
Quan lu rires dei filhas
Scombula lu bateus

Passatge Vauban
Una armada à rage, posa per un pintre
Que vende dei mascarons su una baia anonima
Quauqui oras de gloria, passejon lur péadas
Sensa marqua l’aréna entra dubis e envuèias

E totjorn lo silenci à pena esflorat
Per la bressolada, dei gambas d’un pescadou

Passatge Vauban
Una merchanda de breus d’Africa o d’aqui
Estrenhe lo sieu manteu, li a finda dau vent
Un escrivan d’escrichs vans, en un compendi
Parla d’un pin maritime qu’a lo mau de mar

Lo silenci n’a una fora, replega li sieu canas
Quita lo paisage, sensa faire d’escandalos

Passatge Vauban
Lo garbin si desfila, dins lo remon de la vila
D’un darnié ressaut embala una réverbèra
Banhant d’un lutz violet, la mieu passejada
Dins lu pantais mocs
D’un can desflancat

Pastora, pastora, pastora,
As capèl, salhe, mantèl (bis)
O mon bèl pastre, quand lo ser tombarà
Bailèra, A.
O mon …

Legir tot

Pastora, pastora, pastora,
As capèl, salhe, mantèl (bis)
O mon bèl pastre, quand lo ser tombarà
Bailèra, A.
O mon bèl pastre, mon Joan m’esperarà
Bailèra, A.

Pastora, pastora, pastora,
Ton amor morís en flor (bis)
O mon bèl pastre, mas lo meu florirà
Bailèra, A.
O mon bèl pastre jamai se passarà
Bailèra, A.

Pastora, pastora, pastora,
O malur mon Joan es mòrt (bis)
Adieu bèl pastre, quand lo ser tombarà,
Bailèra, A.
A Joan mon pastre, la mòrt me ligarà
Bailèra, A.

- Pastorèl delai l’aiga, venetz en deçai
- Vos, passatz en delai que parlarem ensemble
E lo restant del jorn, …

Legir tot

- Pastorèl delai l’aiga, venetz en deçai
- Vos, passatz en delai que parlarem ensemble
E lo restant del jorn, bèla, farem l’amor.
- Cossí volètz qu’ieu passe ? Que n’ai pas de batèl
Que n’ai pas de batèl ni mai de pont d’arcada
Ni mai de pastorel que me siague fidèl.
- Ieu t’en serai la bèla, ieu t’en serai fidèl
Ieu t’en serai fidèl lo restant de la vida
Ieu t’en serai fidèl, bèla, fins al tombèl.

Per amor soi gai
E no·m n'estrarai
Aitan quan vivrai,
Na Cors-Covinen.
Eu·m levei un bon mati,
Enans de l'albeta; …

Legir tot

Per amor soi gai
E no·m n'estrarai
Aitan quan vivrai,
Na Cors-Covinen.
Eu·m levei un bon mati,
Enans de l'albeta;
Anei m'en en un vergier
Per cuillir violeta;
Et auzi un chan
Bel, de luenh; gardan
Trobei gaia pastorela
Sos anhels gardan.

Dieus vos sal, na Pastorel'a
Color de rozeta;
Fort me meravill de vos
Com estaitz soleta;
Bliaut vos darai,
Si penre·l vos plai,
Menudet cordat
Ab filetz d'argent.

Per fol vos ai, cavalier,
Plen d'auradura,
Quar vos mi demandas
So don non ai cura.
Pair' e maire ai,
E marit aurai,
E si a Dieu plai,
Far-m'aun onramen.

A Dieu, a Dieu, cavalier,
Que mon paire·m crida,
Qu'ieu lo vei la jus arar
Ab bueus sel' artigua;

Que semenam blatz,
Cuillirem n'asatz,
E si acaptatz,
Dar-vos-em fromen. ”
E quant el l'en vit anar,
Mes se apres ela,
Pres la per la blanqua man
Gieta l'en l'erbeta;
Tres vetz la baizet,
Anc mot no·n sonet,
E quan venc a la quarteta:
Senher, a vos mi ren. ”
Quan vei los praz verdesir,
E pareis la flors granada,
Adoncas pens e consir
D'amors qu'aissi m'a lograda,

Per un pauc non m'a tuada.
Tan soven sospir
C'anc non vi tan fort colada
Senes colp feril. Aei!

Tota noit sospir e·m pes
E tressalh tot' endormida,
Per oc car veiaire m'es
Que·l meus amics se ressida.
A Deus, com serai garida
S'aissi devengues,
Una noit per escarida
Qu'a me s'en vengues! Aei!

Tota noit sospir e·m pes
E tressalh tot' endormida,
Per oc car veiaire m'es
Que·l meus amics se ressida.
A Deus, com serai garida
S'aissi devengues,
Una noit per escarida
Qu'a me s'en vengues! Aei!

Domna qui amors aten,
Ben deu aver fin coratge.
Tal n'i a qu'ades la pren,
Pois la laissa per folatge:
Mas eu l'en tenh fin coratge
Aissi leialmen
Qu'anc domna del mieu paratge
Non o fetz tan gen. Aei!

Domna qui amic non a,
Ben si gart que mais no·n aia,
Qu'amors ponh oi e dema
Ni tan ni quan non s'apaia:
Senes colp fai mort e plaia.
Ja non garira
Per nul metge qu'el'en aia,
S’amors non lo·i da. Aei!

Messagier, levaz mati
E vai m'en la gran jornada,
La chançon a mon ami
Li portatz en sa contrada:
Digas li que mout m'agrada
Quan membres del son
Qu'el me ditz quan m'ac baizada
Soz mon paveillon. Aei!

Dins ma chambr' encortinada
Fon el a lairon;
Dins ma chambra ben daurada
Fon el en preison. Aei!

Tota noit sospir e·m pes
E tressalh tot' endormida,
Per oc car veiaire m'es
Que·l meus amics se ressida.
A Deus, com serai garida
S'aissi devengues,
Una noit per escarida
Qu'a me s'en vengues! Aei!
Domna qui amors aten,
Ben deu aver fin coratge.
Tal n'i a qu'ades la pren,
Pois la laissa per folatge:
Mas eu l'en tenh fin coratge
Aissi leialmen
Qu'anc domna del mieu paratge
Non o fetz tan gen. Aei!

Domna qui amic non a,
Ben si gart que mais no·n aia,
Qu'amors ponh oi e dema
Ni tan ni quan non s'apaia:
Senes colp fai mort e plaia.
Ja non garira
Per nul metge qu'el'en aia,
S’amors non lo·i da. Aei!

Messagier, levaz mati
E vai m'en la gran jornada,
La chançon a mon ami
Li portatz en sa contrada:
Digas li que mout m'agrada
Quan membres del son
Qu'el me ditz quan m'ac baizada
Soz mon paveillon. Aei!

Dins ma chambr' encortinada
Fon el a lairon;
Dins ma chambra ben daurada
Fon el en preison. Aei!

Pastorolet se somelhava
Dins sa cabana tot solet
Del temps que somelhava
Entendèt un grand bruch
Lo pastre s’efraiava
D’entendre …

Legir tot

Pastorolet se somelhava
Dins sa cabana tot solet
Del temps que somelhava
Entendèt un grand bruch
Lo pastre s’efraiava
D’entendre aquel trofí.

Aquò’s un ange que t’apèla
Revelha-te pastorolet
Quita donc ta cabana
E laissa aquí tot
Ajas pas paur de lop.

De que farai, ieu mon bòn ange
Per abandonar mon tropèu
Lo lop n’ensenformable
Manjarè quauque anhèu
Ieu siáu lo responsable
De tot aquel tropèu.

Aquesta nueit es sanctifiada
Aquel qu’es naissut regarda tot
Quita donc ta cabana
E laissa aquí tot
Ajas pas paur de lop.

De que farai, ieu mon bòn ange
De que farai quand lai serai
Ieu que ne’n sabe gaire
Que siáu paure inhorent
Dises me que chau faire
Lo farai ben, pasmens.

Quand ne’n seràs dedins l’estable
Te metràs d’agenolhon
Diràs : Dieu adorable
Ai du respèct per vos
Vos siatz lo veritable
I a pus de Dieu que vos.

Pastors de la borgada
Digatz-me la vertat !
Si èi l'anesca esgarada
Dehens vòste cledat ?

Longtemps a l'èi perguda, …

Legir tot

Pastors de la borgada
Digatz-me la vertat !
Si èi l'anesca esgarada
Dehens vòste cledat ?

Longtemps a l'èi perguda,
Non la pòts rencontrar.
Si lèu non l'ei renduda,
Be'm calerà plorar !

De vòsta cabanada
Non j'a avut nat aulhèr,
Qui non l'aja estimada
Com la qui mei valè.

Per conservar sa raça,
Un anhet vòli neurir
Qui'u se ressemblava ;
Jujatz de mon shegrin...

Mon diu ! quina fortuna
Si la pòdi trobar !
Quant de sau, shens rancuna,
E'u hari avalar !

Si se m'ei empenada,
Per on la descobrir ?
Si s'ei eisherbigada,
Près d'era vau morir !

Pastous de la Bourgado, digat me la bertat
Si ey l'anesque esgarado dehens boste clidat

Loungtens que l'ey pergudo no …

Legir tot

Pastous de la Bourgado, digat me la bertat
Si ey l'anesque esgarado dehens boste clidat

Loungtens que l'ey pergudo no la pouts rencountra
Si leü nou l'ey rendudo bem calera ploura

En boste cabanado n'a j'abut nat aulhé
Qui nou l'aje estimado coum là qui mey balé

Per conserba sa raço u agnet bouli neuri
Qui l'auré ressemblado, juyat de moun chégri

Moun Diu qui no fourtuno si la poudi trouba
Quoan de sau chens rencuno aü hari abala

Si se m'ey empenado per aün la descroubi
Si s'ey écherbigado près d'ero baü mouri

Pastre dei mountagno,
La divinita
A pres pèr coumpagno
Vosto umanita ;
Soun dins la persouno
D’un petit garçoun
Que …

Legir tot

Pastre dei mountagno,
La divinita
A pres pèr coumpagno
Vosto umanita ;
Soun dins la persouno
D’un petit garçoun
Que soun Paire douno
Pèr vosto rançoun.

Li a proun de gènt
Que van en roumavage ;
Li a proun de gènt
Que van en Betelèn.
Li vole ana,
Ai quàsi proun courage,
Li vole ana,
S’iéu pode camina.

La cambo me fai mau
Bouto sello,
Bouto sello,
La cambo me fai mau,
Bouto sello à moun chivau.

Toui lei bergié
Qu’èron sus la mountagno,
Toui lei bergié
An vist un messagié,
Que li a crida :
Metès-vous en campagno,
Que li a crida :
Lou Fiéu de Diéu es na !

La cambo me fai mau
Bouto sello,
Bouto sello,
La cambo me fai mau,
Bouto sello à moun chivau.

La cambo me fai mau
Bouto sello,
Bouto sello,
La cambo me fai mau,
Bouto sello à moun chivau.

La troupo fidèlo
A pres grand plesi
D’ausi la nouvello
Que l’Ange li a dit ;
An peno de crèire
Qu’acò sié verai ;
Volon l’ana vèire
Aqui vounte jai.

Pastre di mountagno,
La Divinita
A pres pèr coumpagno
Vosto umanita.
Soun dins la persouno
D’un pichot enfant
Que soun …

Legir tot

Pastre di mountagno,
La Divinita
A pres pèr coumpagno
Vosto umanita.
Soun dins la persouno
D’un pichot enfant
Que soun paire douno
Pèr vosto rançoun.

La troupo fidèlo
A pres grand plesi
D’aussi la nouvello
Que l’ange i’a di.
An peno de crèire
Qu’acò sié verai,
Volon l’ana vèire
Aqui vounte jais.

Lou pu vièi di pastre
E lou pu sabvènt
Counsulto lis astre,
Se fara bèu tèms.
Dis qu’en luno pleno
Fai toujour tèms dre,
E quand l’auro meno,
Dis que fai bèn fre.

Guilhaume s’abiho,
Vestis soun jargau,
E dis à sa fiho :
« Istas à l’oustau,,
Debano la sedo,
Gardas lou troupèu,
Móusès vòsti fedo,
Largas lis agnèu.

Se vesias sa femo !
Gounflo coume un biòu,
Jito de lagremo
Grosso coume diòu !
Es descounsoulado,
Quand noun pòu ana
Vèire l’acouchado
E l’enfant qu’es na.

Lis àutri pastouro,
Deman de matin
Viron li sèt ouro,
Saran pèr camin.
Crese que si mouflo
Iè faran pas mau,
Car lou vènt que souflo
N’es pas gaire caud.

Pastre pastreso courè venè tous, peciaire
pastre pastreso courè venè tous
vosto metreso a besounh de vous, peciaire
vosto metreso …

Legir tot

Pastre pastreso courè venè tous, peciaire
pastre pastreso courè venè tous
vosto metreso a besounh de vous, peciaire
vosto metreso a besounh de vous

A la bourgado pres de Betlem, peciaire
a la bourgado pres de Betlem
s’es acuouchado sus en pau de fen, peciaire
s’es acuouchado sus en pau de fen

Din un estable tout arouinà, peciaire
din un estable tout arouinà
l’enfant amable de matin es nà, peciaire
l’enfant amable de matin es nà

La vierge maire countemplo soun fru, peciaire
la vierge maire countemplo soun fru
sa pa que faire cant lou vé tout nu, peciaire
sa pa que faire cant lou vé tout nu

Nosti pastreso boulegon li man, peciaire
nosti pastreso boulegon li man
e fan careso a n’aquel enfant, peciaire
e fan careso a n’aquel enfant

Sercon de palho a l’entour du liò, peciaire
sercon de palho a l’entour du liò
e de bouscalho per faire de fiò, peciaire
e de bouscalho per faire de fiò

Pastre, pastresso,
Courrès, venès tous, pecaire !
Vosto mestresso,
A besoun de vous, pecaire !

A la bourgado,
Proche Betelèn, …

Legir tot

Pastre, pastresso,
Courrès, venès tous, pecaire !
Vosto mestresso,
A besoun de vous, pecaire !

A la bourgado,
Proche Betelèn, pecaire !
S’es acouchado
Sus un pau de fen, pecaire !

Dins un estable
Tour arrouina, pecaire !
L’Enfant amable
De matin es na, pecaire !

La Vierge Maire
Coumtemplo soun fru, pecaire !
Saup pas que faire
Quand lou vèi tout nus, pecaire !

Nòsti pastresso
Boulegon li man, pecaire !
E fan caresso
A-n-aquel enfant, pecaire !

Cercon de paio
A l’entour dóu liò, pecaire,
E de buscaio
Pèr faire de fiò, pecaire !

Uno lou mudo,
L’autro lou soustèn, pecaire !
Un pau d’ajudo
Fai toujour grand bèn, pecaire !

Pastres de i nòstas montanhas,
Se durmetz revilhatz vos
Se durmetz revilhatz vos
Anatz veire Maria
N’a fach un tant …

Legir tot

Pastres de i nòstas montanhas,
Se durmetz revilhatz vos
Se durmetz revilhatz vos
Anatz veire Maria
N’a fach un tant bel enfant
Se sòna lo Messia

Qu’es que fai tan de tapatge?
Qu’es tota aquela quiaror?
Qu’es tota aquela quiaror
que i a sus lo visatge?
Me sembla de sente chantar
I angels sus lo vilatge

Pastres de l’Argentiera
Calen da l’aut en bas
Pòrten formatge gras
De dins la formatgera
Per far la presentiera
Al …

Legir tot

Pastres de l’Argentiera
Calen da l’aut en bas
Pòrten formatge gras
De dins la formatgera
Per far la presentiera
Al bòn Jesus qu’es nat

Ven Ròsa, cala Guita
Bramen alegrament
Bramen "compaire Laurent!
Mai causa tant polida
Al temps de nòsta vida
S’es vist en Betelem"

Ma se ia una massiera
Que fai lo pan forniat
Vai fito fòra, i disem,
Al lòng de la carriera,
Te butem la premiera,
Janeta, fai lo pan

Senten un’armonica
Que cala ju dal ciel
Ilh chanta un’aire tant bel,
I auti fan la replica
Chantem tot en musica
"Viva l’enfant novel!"

Pastres rintratz vòstei tropèus
E corrètz lèu en grand diligença
Per adorar la bela naissença.
D'aqueste enfant que vèn dau …

Legir tot

Pastres rintratz vòstei tropèus
E corrètz lèu en grand diligença
Per adorar la bela naissença.
D'aqueste enfant que vèn dau cèu !

Anarem toei, d'aqueste pas,
Fringar davans eu lei cinq pas !

Eu es naissut, dins Ventabren,
Desmantelat coma Romanhòla,
Plorant caumatge subre la viòla,
Dins una grupi sensa fèn !

E tot çò que vautrei podètz,
Per èu de bòn cuer va farètz !

Au costat sa maire veirètz,
Lo bòn Jòusé qu'es lo sieu paire,
L'ai e lo biòu de l'autre caire,
Per vos mostrar çò que farètz !

Anarem toei d'aqueste pas,
Fringar davans èu lei cinq pas !

Alora anèm d'aqueste pas,
L'adorar dintre sa logeta,
E au son de nòstei musetas,
Fringar davans èu lei cinq pas !
E tot çò que nautrei podrem,
Per eu de bòn cuer va farem !

Vente curat, vente sadoth
Sonqu’entà jo vé te’n pertot !
Escarrar aulhas e motons,
Escarrar vetèths, porins, mulas,
Sonqu’entà jo, …

Legir tot

Vente curat, vente sadoth
Sonqu’entà jo vé te’n pertot !
Escarrar aulhas e motons,
Escarrar vetèths, porins, mulas,
Sonqu’entà jo, vé te’n on volhas,
Vé te’n pertot entà har mau,
Sonque dehens lo men ostau !
Pater deu Lop !
Vente curat, vente sadoth
Sonqu’entà jo ve te’n pertot !

Patron tu que d’argent n’as pron per comprar lo silenci
Patron tu mercejarai pas per lo trabalh raubat
Patron te …

Legir tot

Patron tu que d’argent n’as pron per comprar lo silenci
Patron tu mercejarai pas per lo trabalh raubat
Patron te voliá pas cantar mas la cançon es faita
Patron e lo cant qu’ausiràs totjorn t’escaparà
Patron alavetz ausiràs lo cant de los que crèban
Patron los que t’an escotat e que cresián en tu
Patron aquel cant se farà fòrt de mila misèrias
Patron per dire que lo mond se pòt passar de tu.

Patron ton argent te fa rei fins al fons de ta colca
Patron ton argent se fa lei pertot on siás lo mestre
Patron de l’òme esplechat a la puta que pagas
Patron tot çò que dins ta man flaira la falsetat.

Patron se as mentit sus l’istòria es pas tu que l’as faita
Patron e l’istòria me ditz que siás pas eternal
Patron alavetz se pòt plan qu’un grand jorn de colèra
Patron lo pòble digue al mond ara siàm los
PATRONS.

Paura pichona
Pequé plorar ?
Lo niu d’ironda
Va s’envolar.

Paura pichona
Cal pas plorar,
Ambe l’aureta
Lo niu vendrà. …

Legir tot

Paura pichona
Pequé plorar ?
Lo niu d’ironda
Va s’envolar.

Paura pichona
Cal pas plorar,
Ambe l’aureta
Lo niu vendrà.

Paura pichona
Consola-te,
Lo niu d’ironda
Tornarà ben.

Adieu Paure, Adieu Paure
Adieu Paure Carnaval
Tu te’n vas e ieu demòri
Per manjar la sopa a l’alh

Carnaval, …

Legir tot

Adieu Paure, Adieu Paure
Adieu Paure Carnaval
Tu te’n vas e ieu demòri
Per manjar la sopa a l’alh

Carnaval, qu’es un brave òme
Mas qu’es un fotut gormand
S’a manjat tota las polas
N’a laissat que la ronha

Carnaval, qu’es un brave òme
Mas qu’es un fotut gormand
S’a manjat totas las tripas
N’a laissat que la ronha

Carnaval qu’es un brave òme
Plèna lo forn de pastís
Fa fumar la chiminèia
Met lo gaïet al país

coblet 1
Mon Dieu quin malur aimi la novèla cosina
I a pas res de tròp modèrn a mon agrat …

Legir tot

coblet 1
Mon Dieu quin malur aimi la novèla cosina
I a pas res de tròp modèrn a mon agrat
Ara los bons plats que topinava la menina
Per mon ganitèl an gost de rescalfat

Repic
A! paure de ieu
Lo cap me l’a virat !
A! paure de ieu
D’ela soi afamat

coblet 2
Lo vin de l'ostal me fasiá rire la garganta
Èra un plaser de beure a galet
Ara es lo Bordèu o lo Borgonha que m'encanta
Lo vin del país lo trapi tròp claret

coblet 3
De fringairas ne teniái coma lo cèl d'estelas
Me caliá totjorn frescor e noveltat
Dempuèi que l'ai vista, que la vida es crudela
Somii nuèit e jorn a son visatge aimat

coblet 4
M'a plan agafat, e ara ne vòli pas qu'una
Cresi que lèu lèu aurai la còrda al còl
La talent que n'ai me menarà a la comuna
E farà de ieu ailàs tot çò que vòl

Citòaièns me permetètz
Que vos cante tot en patoès
Se vos cante pas en francès
Es per que tot lo …

Legir tot

Citòaièns me permetètz
Que vos cante tot en patoès
Se vos cante pas en francès
Es per que tot lo monde comprene
Quand auretz escotat
Totes porretz parlar.

R. Paure Deveson fai ta mala ! (bis)

Alès posseda un deputat
Dònt lo mandat es presqu'à tèrme
Fai ço que pòt per i restar
Lo puple ditz qu'es pas pron fèrme
Talamai n'an pron
Qu'òm entend pertot.

R. Paure Deveson fai ta mala ! (bis)

Au liòc de las empochar
Aquelas quinze milas balas
Auriás mièlhs fach de las versar
T'an ajudat' faire ta mala
Vendràs a Ledinhan
Te 'n donarem quauques francs.

R. Paure Deveson fai ta mala ! (bis)

Cachin vòu cent fes mai que tus
Es pus ardrech, es pus capable
E serà cèrtas mens volur
E serà fòrça pus aimable
Talamai n 'an pron
Qu'òm entend pertot.

R. Paure Deveson fai ta mala ! (bis)

Moriè se te donavan pas
Ton pardessús o ben ta vèsta
Te la rètocariàm un pauc
Mès n'avem pas d'estòfa de rèsta
Vendràs a Ledinhan
Te'n donarem quauques francs.

R. Paure Deveson fai ta mala ! (bis)

Lo rabassièr dessús l’espatla
e a sas brègas un doç cant,
e dins son eime un grand coratge,
anava trimar …

Legir tot

Lo rabassièr dessús l’espatla
e a sas brègas un doç cant,
e dins son eime un grand coratge,
anava trimar dins los camps

Paure Martin, paura misèria,
Cava la tèrra, cava lo temps

Per ganhar lo pan de sa vida,
e dau trelutz fins au ponent,
fotjava de pertot la tèrra,
jos lo canhard, la nèu, lo vent

E sens mostrar dessús son morre
l’aire gelós, l’aire michant,
laurava la tèrra das autres,
sempre fotjant, sempre fotjant

E quand la mòrt iè faguèt signe
de remenar son darrièr camp,
se cavèt el-mème sa tomba,
faguent lèu-lèu, en s’amagant

Se cavèt el-mème sa tomba,
faguent lèu-lèu, en s’amagant,
e se colquèt boca clavada,
lo mond aiman pas lo çaganh

Paure Martin, paure misèria,
sol jos la tèrra, sol dins lo temps

Que son los meus amic venguts,
Que de tant prèp aviái tenguts
E tant aimats ?
Tròp foguèron clar semenats, …

Legir tot

Que son los meus amic venguts,
Que de tant prèp aviái tenguts
E tant aimats ?
Tròp foguèron clar semenats,
E mai cresi, plan mal femats,
Amor es mòrta.
Car son amics que vent empòrta
E vent fasiá davant ma pòrta,
Los a panats.

Quand ven lo temps qu’arbre despuèlha,
Que non demòra en branca fuèlha,
En mos ivèrns,
Ai la pauretat que m’atèrra,
De tota part, me fa la guèrra,
Amor es mòrta.
Dieu m’a fait companhon de Jòb
Que tot me raubèt a l’encòp
E mos espèrs.

Los meus amics uèi m’an traït ;
N’ai pas, al primièr còp d’aït,
Cap retengut.
Dempuèi que soi malaut atal,
Ne vesi pus ges a l’ostal,
Amor es mòrta.
Sap pas tot sol lo mal venir
Tot çò qu’èra per m’advenir
M’es advengut.

Paura renda e paura memòria
E paure sen, lo Rei de glòria,
Dieu m’a donats,
E fred al cuol quand bisa venta,
Lo vent me ven, lo vent m’esventa,
Amor es mòrta.
Car son amics que vent empòrta
E vent fasiá davant ma pòrta,
Los a panats.

L’esperança d’un endaman,
Aquí mas fèstas.